الوقت: الصبح بالليل بعد العشاء على طول .. المكان: الصالة .. الأولاد بيلعبوا وبيتفرجوا على التليفزيون وبيتخانقوا في نفس الوقت .. والحاجة مراتي قاعدة بتحشي ورق عنب على ترابيزة السفرة .. حسيت إن الوقت مناسب علشان أكلمها في موضوع شاعري.. قربت منها وسحبت كرسي وقعدت جنبها .. وبصوت هادي كده زي اللي عامل عمله قولتلها . المراكبي: كنت عايز أقول لك حاجة قطع كلامي البنت الوسطانبة اللي طلعت من تحت الأرض فجأة: ماما .. ماما .. جعانة وعايزة تعمليلي بيض محمر الحاجة: إستني شوية مش شايفاني مشغولة .. لما أخلص اللي في إيدي مشيت البنت من غير أي تعليق .. الحاجة بتكمل عمل المحشي المراكبي تاني: كنت عايز أقولك حاجة .. إيه رأيك نروح نآخد دروس في التانجو؟ ولسة الحاجة هتبدأ تجمع الكلام في دماغها .. طلعت البنت الصغيرة من تحت الترابيزة وقالت: ماما .. ماما .. عايزة أعمل بي بي الحاجة: روحي إعملي لوحدك .. إنتي كبرتي دلوقت .. أسيب اللي في إيدي علشان أعمل لك بي بي؟ مشيت البنت ناحية الحمام الصغير.. الحاجة بتكمل عمل المحشي المراكبي: كنت بأقولك إيه رأيك نروح نآخد دروس في التانجو؟ البنت الصغيرة: ماما .. حد يفتح لي نور الحما...
قرب قرب قررررب .. الغايب يعلم الحاضر .. تعالوا وشاركوا في مسابقة أجمل تعليق على الصورة اللي فوق دي .. الجايزة هتكون مفاجأة كبيرة .. وممكن تاخدوا بمبة وأطلع عيل وألغي الجايزة أصلا .. ياللا في إنتظار خفة الدم المصرية والعربية والأوتوبيس كمان
تعليقات
طيب سيبني افكر شوية
مش انتوا قاحدين
اصل انا لازم امشي في الجذمة الأول
:))
طبعاً محدش فاهم حاجة خاااالص
مش حضرتك المفروض فى السعودية برضه؟
هتبقى أكيد مكان دوار الصاروخ ..صاروخ ايه بقى ملهمش غير الجزمة .. ولا دى لينا احنا؟
هو فيه ايه؟
ــــ
داانت طلعت واصل يا بشمهندس
ـ
انابتصور الكاميرا اللى صورت حضرتك مستورده مخصوص للحجم ده من الجزم .. اكيد مش كاميرا عاديه .
ـــــ
بس يارب بقى اللى انت جايبهالو هديه تطلع مقاسه ومتبقاش ضيقه عليه
ــ
وربنا انت واصل
:))
انت لو هتعلق هتقول اية
ولا اتحطت فى الردة يومين كدة وفردت؟؟؟
لا يا جماعة يا مراكبى اكيد واصل وماسك فى ايده سفينة وبيمد القلوع عشان مافيش روجوع .. بس دى سفينة مقاس كام دى يامراكبى .. والسواق حيقعد فيها فين دى .. الخوف لاتكون لميع وتزحلق كل الركاب ولا حاجة
اهم حاجة بس انك تاخد بالك من مها وهيا بتركب عشان لسة نونو
صحيح قبل ما انسى .. تقيلة السفيييييييينة دى وانت شايلها؟؟؟؟؟؟؟؟؟
عارف الجزمة بقى دي معموله ليه
تعالى اقولك في السر كده
عشان الناس كترت قوي ومش لاقينلهم جزم تكفيهم
قالوا يعملوا جزمه تضرب عشره مره واحده عشان يخلصوا
هما فاضين للكلام ده
ـــــــــ
مش انا عرفت انت جايبها لمين يا بشمهندس ..؟
طلعت جايبها لصاحب المحل عشان لو اى جزمه فى المحل او شبشب شايف نفسه يضربو بالجزمه
ـــ
انا عارف كل حاجه بس انت واصل بردو
ودي هتدوب بعد كام سنه
اهي دي الجذمة اللى هتدوب البني ادم وخو لابسها
فكرتني بجزم زمان الحديد
هي دي حل الجذمة الاقتصادية الي احنا عايشينها
قصدي الأزمه الاقتصادية
جزمة مقاس 450 لأكبر قدم فى العالم
يوفر مجهود الحماة فى ضرب الزوج
طيب هتحتاج شراب اكيد
تفكتر اجيب كام متر شرابات
والشراب لما يتخرم
نستغل الكام متر دول يعمل عشرين كورة
الواحد ممكن يعملها شقه وينام جواها
انا شخصيا عندي القدره اني انام وامدد جواها كمان
لو حبيت افكها بجزم صغننه تجيبلي كام فردة ياه ده القيراط منها هيساوي الشىء الفلاني خصوصا بقى
لو حطيتها على الكورنيش
جزمة .. اودة نوم .. مركبة .. يستخدم فى الشبشبة
ياترى الواد فين ؟
الحذاء ده مش بيتباع قطعة واحدة
ده بيتقطع منه ويتباع بالكيلو
هههههههههههههههههههههه
هههههههههههههههههههههههههه
هههههههههههههههههههههههههههه
ـــ
بس ده مايمنعش انك واصل
ــ
وعلى فكره البتاعه اللى حضرتك ماسكها دى ينفع اتنين يمشو فيها بالعكس ..ايون
ــ
انا هبلغ عنها مصلحة الجزمات عشان دى قاعده فى السعوديه مخالف وبدون اقامه
ــ
اكيد ياباشمهندس الجزمة دي الحكام العرب جايبينها عشان يضربوا شعوبهم بالجزمه
هههههههههههههههههههه
اول مره اشوف تك تك بالحجم ده
يلا اهى تقرب المسافات هههههههههههههههه
اتمنى تنورنى يا استاذ احمد
بس انا معرفتش الجايزه ايه
اوعى الجايزه تكون الفرده التانيه
ههههههههه
بس مش عارفة ليه لما شوفتها إفتكرت الحكام العرب ؟؟؟
دقيقتين بس كدا عشان أضحك براحتى
هاهاهاهاهاهاهاهاهاها
إزيك يا مراكبي
انا مقاسى 36 والنعمه بس بتكسف اطلب من الراجل البياع فبشتريها 37 وامشى فيها الاول وامرى لله
اومال بقى لو جربت بس احط رجلى فالمركب دا
فاكر انت فطوطه؟؟؟؟؟؟
أهى تفك زنقة المواصلات عندنا شوية
تحياتى
ههههه
بس تعالى هنا اوعى تكون بتشتغلنا وفالاخر مفيش جايزه ولا غيره زى 0900 كدا ساعتها بقى متلومش الا نفسك
احنا لازم بعنينا نشوف صوره الفايز وهوا بتسلم الجايزه وبيشكر القناه قصدى بيشكر المدونه
و الاتوبيس؟؟؟
هههههههههههههههههه
طب انت خليتني اتخيل بدلة صاحب الجزمة ده
تخيل كده بدلته قد ايه
طب تخيل نفسك بتحاول تمسكها و تتصر بيها
طب تخيل عربيته
تخيل فيلم الفيديو اللي بتتصور جنبها بيه
طب تخيل الاتوبيييييييس
أكيد الفيلم بتاعه جايكون 100GB
- باقول لك عملت لي كاللو ، و لازم تشوف لي مقاس أكبر
تاني تعليق
- تفتكري مش حانعوز الفردة التانية ؟
تالت تعليق
- و الله ما كان قصدي أخبيها و أنا خارج
رابع تعليق
- فكرك يا أبو حميد ممكن تتجمرك ؟
خامس تعليق
- إبحث عن الشراب
--------------
مش هفاصل معاك ف سعرها .. بس خلى مصاريف الشحن كادو بأة
--------------
متخفش هتريح معاااك .. متخفش
--------------
زمان كنت بعمل المسابقة دي في مجلة الكلية و اعمل صورة مضحكة و اقول اكتب تعليق
بس انا دخلت علشان اشوف التعليقات اللي فعلا رسمت الابتسامة علي وجهي
:)))
**جيبت الفردة الاولي , فاضل التانية و بعدين بقي بدلة شيك تليق عليها
** اول ما شوفت الجحذاء دا جسيت انهالوجو رمزي لللي بالي بالكم و من كترة النهب بقوا فاميلي سايز
**
ياترى مفيش مقاس اكبر ؟
دى اكيد اتحطت فى القالب 6 سنين علشان توسع
ممكن كمان يعلقوا عليها يافطة(ايجار ليموزين)او يركبوها العيال الصغيرة فى العيد
انا بفكر نستثمرها صح ونعملها بطارية ارانب او نربى فيها كتاكيت
*******
2- شعار وزارة التربية والتعليم الجديد
"يا تنضرب بيها يادماغك تبقى أديها"
********
3- وزى مانتو شايفين معايا ..مش محتاجين لقوارب نجاة احتياطية ..لأن الناس اللى ناوية تموت ..حتموت كالعادة بسبب مشاكل الصدر والربو ورائحة الشراب طبعا
*******
4- ممكن استلمها بكرة بعد مااستلم الجنوت الجديدة للعربية
والفردة التانية بعد بكرة بعد ما استلم العربية الجديدة!!!!؟
( تاتا تاتا خطى العتبة)
لإن جزمة بالمقاس دة تخطى ميدان العتبة
فى خطوطين
هههههههه
بس بجد بجد دى لقيتها فيييين؟؟
1 ودي يا جماعة جزمتي ... قبل التخسيس
2 جزمة حديثة .. للازمات القادمة في بر مصر تنفع في السيول وكمان ضد الحريق وممكن تستخبي فيها من الامن
3 للناس العصبيين الي بيقولوا للناس التانين في قمة الغضب انت ابن ستين جزمة ... وفرنا لكم شتيمة جديدة
4 موديل السنة ومصنوعة من جلد الحمير المذبوحة تحت الاشراف فقط
5 كل واحد يجيب معاة حصان .. عندي جزمة ممكن تتحول لحنتور
6 توفير الطاقة والمجهود في اثناء الخناقات العائلية ... بخبطة وحدة بس
7 الاب لابنة طلبت مني عجلة جبتلك ... دي .. بس ابقي خد اخواتك وراك
8 مطلوب توفير .. مواتير وموظفين لف مواتير للعمل 24 ساعة في خدمة الجزمة
خصم 50% للنساء المتزوجات
واحلى خصم 50% كمان للشرطة
والرجال يمتنعون
الموضوع سهل وبسيط
المحل دا عامل المقاس دا مخصوص لأطول واحد فى بلدنا:( عرفتة
جزمة لأكبر رجل تساع قفا كل المصريين لو اترصوا جمب بعض واترقعوا شلوت واحد
تحياتى
:)) طبعا مفهوم
اهي الجزمة دي بالذات مستحيل تتسرق من الجامع
الحرامي هياكل بيها ضرب
بس دي لو حبينا نركنها نحطها فين
هههههه
أنا محتار مش عارف مين أحلى تعليق؟
ياريت تجربوه .... هههههههههههههه
مع خالص تحياتى
اكيد جزمة تكفينا كلنا
علشان المقاس كبير
اقدم لكم الاختراع الجديد اللى مش محتاج ترخيص :
الموتورجل
حمولة 2 راكب
و به رباط امان
و يوجد منه موديلات اسبور شبابية كوتشى رايد
و موديلات حريمى هاى واى هيل
اتصل بنا نصلك بعد فركة كعب
اصل الدنيا مآسى
لأصحاب الهمه وراغبين المكانه لاسيما اعضاء مجلس الشعب اللى بيحبوا يضربوا بالجزمه ضربه منها مش حاتقدر تفتح عينيك
عايز توفر اشترى فرده واحده وامشى برجليك الأتنين
يارب اكسب اى حاجه
كلكم كده كسبتم المسابقة .. هأجيب جوايز لمين وألا لمين؟
حد يساعدني في إختيار أحسن تعليق .. أنا مش قادر أحكم
ولسه برضه بأضحك
عندى فكرة حلوة .. حضرتك تقف بالجايزة عند المحل اللى فيه الجزمة واللى يلحق يجيلك هو اللى ياخد بالــ قصدى هو اللى ياخد الجايزة ... ايه رأيك؟
والله ربنا يكرمك ياباشمهندس على الفاصل الكوميدى اللى جاى فى وقته ده
تحياتى
لأ ماتتهمنيش غلط بالجايزه طبعا
تعليق قوس قزح جميل اوى
لو قلت الجايزه ايه يمكن اشد حيلى :)
بس احلى بوست
مافيش تعليق بعد كل اللي اتقال انا بقالي نص ساعة بضحك دلوقتي اللي في البيت هيقولوا عليا مجنونة ههههههههههههههههههههههههه
لا يامراكبى فى شوية تعليقات جامدة جدا وانا فطست على نفسى من الضحك
بس بينى وبينك يا مراكبى انا عارفة الجزمة دى بتاعة مين ((( بتعتك )))
بس اية سرك فى بير اناعارفة انك محرج تخرج بيها وقلت احطها واشوف الناس هتعلق تقول اية علشان التعليقات وانا خارج يبقى عندى استعداد ليها
عموما ما تخدش فى بالك كلام الناس وبلاش الحركات النص كم دى يا مراكبى انت كبرت على كدة وبعدين المثل بيقول البس الى يعجبك وكل الى يعجب الناس هههههههههه
انت ناوي تضحك علينا ولا ايه
ايوه بتقول عمال اضحك اهو
وشكلك ناوي تهرب بره مصر بالفرده التانيه
:)))
الخير على قدوم الواردين
هههههههههههههههههههههههه
و برضه نعلق
المهم تكون مؤمنة تمام
يعني لو اتزنقت و خدت بيها مشوار لايطاليا هتسترنيولا هتفضحني
سعيد جدا بتعليقي في مدونتك الجميلة
اللي يطلع الحذاء هذا من مقاسه
بيكون فتى احلام لسندريلا!!
عربيه الرئيس اللى بتعدى فى موكبه حتى بالاماره والموكب معدى الظباط بيصوتوا ويقولوا ارفعوا النعاااااال
تحسبا لحدوث اى فوضى شعبيه
دي بجد معمولة ازاي وليه دي
صعب جدا إني أختار واحد بس وأديله الجايزة
وأصعب بكتير إني أقدم جوايز لكل الناس دي (وش بخيل جلدة) هههه
كلكم فايزين .. وأنا الفايز الأكبر بجد
خالص حبي وتقديري للجميع
بس اسمها توك توك
دى اول مره ادخل عندك بس هاقولك
ادى المركب وادى المراكبى..
بس اول مره اشوف مراكبى شايل مركبته ..طيب شيل على قدك
في دعايه وقفه مصريه
جزمه واحده علي دماغنا كلنا
علي وزن :)
وقفة مصرية
نحكم عقلنا نتعالج كلنا
وقفة مصرية
نحكم عقلنا نستريح كلنا
وقفة مصرية
نحكم عقلنا نشرب كلنا
وقفة مصرية
نحكم عقلنا نشبع كلنا
وقفة مصرية
نحكم عقلنا نتعلم كلنا
التعليق:
حذاء السبعة فراسخ
عشان العيله توفر فلوس لجزم كتير
ههههههههههههههه
الخميره بتاعة الجزمه كانت زياده شويه
هههههههه