تبا لتلك الشهرة

أعلم أنني لن أتزوجها .. وهي تعلم ذلك أيضا .. لكنني لم أكن أستطيع أن أحيا بدونها يوما واحدا .. بل ساعة واحدة .. فقد كانت بالنسبة لي هي كل الدنيا .. كانت لي هي كل الأشياء .. لا زلت أذكر أنها كانت السبب الرئيسي فيما وصلت إليه الآن .. لكنني إفتقدتها بعد أن أوصلتني إلى القمة .. يجول كل ذلك بخاطري وأنا أعلم أن المذيع التليفزيوني ينتظرني كي أجيبه على سؤاله الأخير .. أبتسم إبتسامة دون روح .. أجيبه بنفس الإجابة الكاذبة التي أمقتها .. نفس الإجابة التي التي طالما كررتها في كل مقابلاتي التليفزيونية .. نفس الإجابة التي زادت من شهرتي أكثر وأكثر كشاعر كبير: إنها زوجتي الحبيبة .. ملهمتي في كل وقت وفي كل أوان
.
يروق للناس دوما أن يروا الإنسان الناجح مستقرا في حياته الأسرية .. يعشقون رؤيته في صورة المحب لزوجته المستقر في بيته .. يشيدون به ويلتفون حوله أكثر إذا ما رأوه كذلك .. لذلك كان لزاما علي أن أكذب .. لكن كل ذلك لا يعنيني .. ما يعنيني الآن هو أنني لا أستطيع أن أتقابل مع حبيبتي في الأماكن العامة بعد أن أصبحت مشهورا
.
يجول طيفها في خيالي وأنا أتهيأ للرحيل من مبنى التليفزيون .. كانت تقرأ أشعاري وتعجب بها بينما كانت زوجتي تسخر مما أكتبه .. كنت أهرب إليها متعللا بأنني أريد أن أريها قصيدة جديدة .. لكنها في الحقيقة كانت تلهمني أكثر وأكثر .. كانت دائما تشجعني على أن أطرق أبواب دور النشر المختلفة .. بل هي من ساعدتني في التعرف على بعض الناشرين .. فقد كانت الملهمة .. وكانت الدليل
.
لقاء تليفزيوني آخر .. يسألني المذيع هذه المرة سؤالا جديدا مختلفا: لم توقفت عن كتابة الشعر طوال تلك المدة الطويلة؟ أين هي أعمالك وإبداعاتك الجديدة؟ لا أعلم بماذا اجيبه هذه المرة .. لم أتقابل مع ملهمتي منذ شهور طويلة .. ولم أكتب بيتا واحد من الشعر منذ أمد بعيد .. هل أصارحه بحقيقة ملهمتي الحقيقية التي كانت سببا فيما وصلت إليه؟ أأهدم منزلي المستقر كي أتمكن من كتابة الشعر مرة أخرى؟ ألح على المذيع في سؤاله .. أحرجني كثيرا بإلحاحه ذلك .. كانت مفاجأة مدوية عندما أعلنت أمامه عن إعتزالي كتابة الشعر إلى الأبد

.


تعليقات

‏قال دكتور حر
فعلا


تبا لها

لا يستطيع الانسان أن يحيا طبيعيا بعدها

حتى لو شيخ


يلزم في حركاته بما لم يلزم به الناس

هي الضريبه

وتسلم الايادي على السرد الرائع

تحياتي لك هندسه
لماذا يحب الانسان ان يعيش تعيسا ....
انى ارى هذا البائس ينتحر بأعتزاله الشعر .. فهو اعتزال للحياه والالهام والحب ...
انها للاسف خيبة الامل ..

جميلة جدا قصتك ... الله ينور عليك

خالص تحياتى
‏قال Dr. Ibrahim
تبا للشهرة الحمقاء التى ستودى بنا إلى الهلاك..وامشى جمب الحيط وسياسة دارى على شمعتك تقيد
ولكن الشهرة احيانا تأتى لتلتصق بالإنسان وقد تكون إيجابية ولكن لمن يحسن استخدامها
تحياتى

د /÷يما
‏قال kochia
قرر اعتزاله الشعر .. وقرر اعتزاله عنها هي الاخري ؟؟

ربما كان علي حق .. فليعتزل الشعر وليعتزلها .. وليحيا كما يحيا الاخرون
بدون موهبة

للاسف تكون الموهبة والالهام احيانا باهظة الثمن
اما هي
واما نحن

تحياتي
‏قال Unknown
ياريت كل الناس تكون حقيقية بغض النظر عن نظرة المجتمع ليهم ... الحياة بنعيشها مرة واحدة مينفعش نعيشها غلط أو منعيشهاش

أبدعت ياباشمهندس
‏قال فاتيما
تصور يا مراكبى
جزئية الكذب على الجمهور دى أنا شوفتها بجد
خطيبى سابقاً يبقى صحفى و بييجى ساعات فى برامج و شوفته فى برنامج بيتكلم عن الزواج التانى ...
قعد قال أحلى كلام و عمرى ما أتجوز على مراتى ألا لسبب قهرى و بعيش معاها قصة حب لاتنتهى و ....و ...
و اخته و والدته على صلة بينا بشكل قوى و بيحكوا اعاجيب عن علقته السيئة بمراتهالمتمر ليها أنه هيتجوز واحدة تانية عليها ...
بقيت أستغرب و اقول لا حول و لا قوة إلا بالله
للدرجة دى سهل الواحد يضحك على روحه و على الناس ؟؟
بس بقية قصتك احترمت بطلها لأنه واجه نفسه و قرر يبطل أزدواجية
عقبالنا جميعاً لما نبقى واحد
مش أتنين
فيه اتجاه فى قصصك كدا بيودى على واحد تعيس فى الحب و زوج بحكم التعود ...صحو لا أنا متهيألى ؟؟
تحياتى يا نبع الحكمة
‏قال خمسة فضفضة
السلام عليكم ورحمة اله وبركاته

اوحش حاجه في الدنيا ان الواحد يبقي مشهور ومايقدرش يمارس حياته بطريقه طبيعيه من غير تكلف
‏قال Jana
قراره مكانش صعب عليه
متهيألى بعد ما فقدها
لن يعنيه بعدها فقدان اى شىء

هبوط من القمة صعود بالروح

لكن تصنعه مع زوجته سيظل عائق فى الصعود ..فسيصبح كمن رقصوا على السلالم ..سلالم القمة أقصد
هو اعتزل حبها لم يعد عنده امل في جوارها فبالتالي اعتزل الشعر فحبه لها هو الشعر الذي يكتبه
قاسية لكنها حقيقة وحاسه بيها اوي برمزية الاشخاص والاحداث مش عارفه احساسي صح ولا
حيرتني يا بشمهندس
حضرتك السهل الممتنع
‏قال انا حره
يعنى هيعتزل الشعر ويضيع موهبته وكمان هيبعد عن حبيبته كل دا عشان يرضى المجتمع ويبان مبسوط ومستقر فحياته اللى هيا اساسا مخوخه من جواها ومبنيه على الزيف والكدب؟
‏قال Unknown
:(

للأسف مش حينفع يخرج برا نفسه ويعيش انسان تانى زى ماهو عايز

للأسف الموضوع مش بسيط زى ما تغير النك نيم بتاعك من اى منتدى او حتى تغير مدونتك او تغير ايميلك

الحياة اصعب واعقد من كدة

:(
أستاذنا الفاضل
تحية لاسلوبك الجميل في عرض القصه المتكررهفي حياتنا وأشكال مختلفه ..أكيد كلنا بتمر علينا لحظات نظهر فيهاعكس ما نبطن .
لكن الصعب فعلا هو الإزدواجيه في حياة الإنسان عموما
وعلشان كده البطل قرر البعد عن الشعر حتى لا يعيش هذه الإزدواجيه
وزي ما فهمت فيه هنا نصيحه لكل زوجه إنها تهتم بكل شؤون زوجها وتكون ملهمته ..مش لازم في الشعر ولكن في كل شؤونه التي يهتم هو بها ..
مش عارفه أنا كده فاهمه صح ولا إيه ..
على العموم القصه جميله قوي
وحمد لله على السلامه ..على فكره إحنا طلعنا بلديات أنا كمان مقيمه في جده ..
تحياتي
أخى الحبيب
قصتك قصيرة ولكن ذات مغزى كبير وعميق ورائع
أبدعت يا حبيبى ، سلام
‏قال يا مراكبي
دكتور حر

بالفعل هي ضريبة لا يحسها إلا من قيدته الشهرة وأصبح محروما من الحياة العادية كما كان

أهلا بك
‏قال يا مراكبي
وميض إبتسامة

عزيزي .. لا يوجد إنسان يعشق أن يعيش حزينا .. لكنه يضطر لأن يعيش كذلك نزولا على ضغوط المجتمع التي لن يتحملها للأسف

هكذا هي الحياة للأسف

خالص تحياتي
‏قال يا مراكبي
Dr Ibrahim samaha

بلا شك أن للشهرة أيضا مزايا .. هي ككل شيء في الحياة يحمل الوجهين .. المزايا والعيوب .. ويظل دائما الكمال لله وحده

نورت
‏قال يا مراكبي
kochia

نعم .. قرر اعتزاله الشعر .. وقرر اعتزالها هي الاخري .. ولو أنني أفضل إستخدام كلمة "إضطر" بدلا من "قرر" تلك

هذه هي إحدى ضرائب الموهبة كما ذكرتي بالفعل

خالص تحياتي
‏قال يا مراكبي
ـ-ـ- أحمد عبد العدل-ـ-ـ

كل الناس بتتمنى إنها تعيش على طبيعيتها مهما قال الناس .. لكن الموضوع ما بيتعداش حدود الأمنية عند التطبيق الفعلي .. فعلا ضغوط المجتمع لا تحتمل أبدا

حمد الله على سلامتك
‏قال يا مراكبي
Fatima

القصة بتحمل شقين .. الأول هو الإزدواجية في سلوك الناس ودول غالبية على فكرة

والثاني هو القيود والضوابط اللي ممكن المجتمع يفرضها على الفرد وبيضطر إنه يرضخ ليها حتى وإن كانت معاكسة لسعادته وراحته .. فبيؤثر الإنسان السلامة وعدم المواجهة ويعيش تعبان لأنه مش سعيد

وعلى فكرة .. لو قاوم الفرد قيود المجتمع مش هيعيش سعيد برضه لأنه هيكون تعبان من نبذ المجتمع ليه

من الآخر مافيش فايدة .. تعبان تعبان .. ههههه
‏قال يا مراكبي
خمسة فضفضة

وعليكم السلام ورحمة الله وبركاته

كل المشهورين بيعانوا من الحكاية دي .. حتى لو الشهرة محدودة في مجال العمل فقط .. بيبقى الواحد تحت الأضواء وحركاته محسوبة عليه
‏قال يا مراكبي
Jana

طبعا القرار كان أسهل بحكم الفقد الطبيعي اللي كان موجود في حياته بالفعل .. ده سهل عليه الموضوع

لكن ده لن يعني إنه هيعيش مرتاح .. هيفضل عايش في ألم .. لكن على الأقل مرتاح البال من عدم تعرضه لأي فضايح تهز مركزه
‏قال يا مراكبي
دنـيـا محيراني(ايناس لطفي)

أشكرك على إحساسك العالي وذوقك الكريم في التعليق الجميل ده .. ميزة القصص وتحديدا النوع ده هو الرمزية اللي ممكن تنطبق على أكثر من نموذج واقعي وبأشكال مختلفة

يارب أكون على قد المستوى المطلوب لإيصال المعنى ده

خالص تحياتي
‏قال عدى النهار
أخدت بالك إنت المرّة دي وماقلتش إسم الملهمة إيه
:)
‏قال زمان الوصل
مش عارفه ليه لم أستطع التعاطف مع البطل !! حين كانت ملهمته قريبه و هو بعد غير مشهور لم يتحرّك كى تصير علاقتهما معلنه و واضحه للجميع متحمّلا فى سبيل ذلك ما عليه أن يتحمّله !! ثمّ حين صار مشهورا كانت الحجّه الجاهزه أن الجمهور "عاوز كده" !! الجمهور بيحب يشوف المبدع مستقر فى حياته الزوجيه !! و بسبب هذه الشهره صار صعبا عليه لقاء حبيبته فى العلن -فى الخفاء ممكن و مقبول؟- رغم أنّه من قبل الشهره لم يفعل أى شئ كى يكون لقاءهما العلنى مقبول و طبيعى !!

على الرغم من كونها قصّه لكن أنا أكره كثيرا فكرة عدم تحمّل الإنسان مسئولية اختياراته و إلقاء تبعاتها على الآخرين .. تحيّاتى
‏قال karakib
:) حلوة اوي :) صدقتها و انا باقراها
‏قال max.adams
الشهره داء عظيم لا يتعايش معه من ألف حياة المغمور الماشي في الشارع كالظل هي فعلا حياة مريحة بعيدا عن دائرة الضوء و بعيدا عن كل المتطفلين ... أكان أحد سيحرجه بمثل هذا السؤال لو أنه كان مغمورا ...؟
جميل قوي
انا مارتاحتش للنهاية عشان واقعية للأسف

تفتكر في كده ؟
‏قال Unknown
):

لأ انا زعلانه

انا عايزه نهاية سعيده بقي ماليش دعوه

اهئ اهئ اهئ
‏قال يا مراكبي
أنا حرة

أغلب الناس بتعيش بمبدأ السلامة .. حتى لو ده على حساب راحتهم الشخصية .. هي دي الحقيقة
‏قال يا مراكبي
إنـســـانـة

هي دي الخلاصة:الحياة اصعب واعقد من كدة فعلا .. أمور متشابكة ومعقدة للغاية بتربط الإنسان من كل إتجاه
‏قال يا مراكبي
إيما ( أم البنين)

طبعا يا دكتوره كل اللي فهمتيه صح سواء في المعنى الظاهري للقصة أو المعنى الرمزي ليها

خالص تحياتي .. وإحنا نتشرف بيكم طبعا
‏قال يا مراكبي
صدى الصمت

أختى الحبيبة

ألف ألف شكر على التعليق الجميل جدا ده

سلميلي على مريومة
‏قال Hannoda
اقولك على حاجة غريبة انا اكتشفتها دلوقتي و انا بقرى القصة؟

انا اصلي حسيته مابيحيهاش هي
هو بيحب الشعور اللي بيوصله ليه حبه ليها

بغريه الاحساس العالي اللي بيلهمه أشعاره و يخليه يبدع اكتير و يحس بنشوة الابداع و الاعجاب يمكن اكتر ما بيحب وجودها جنبه
طيب ازاي قلبه ما وجعهوش عليها لما بيكون في عز اندما ارواحم ببعض و فعز ما مشاعر الحب محاوطاهم وهو من جواه عاوز يجري ع القلم ويلحق يكتب اللي عارف انه يعليه أكتر و أكتر

تعرف؟؟
الانسان الرومانسي مش حلم المفروض اننا نتمناه.. الانسان الرومانسي عالم الخيال عنده أولى من الواقع
حبيبته ذكرى حتى لو هي قدامه
قصصك مالها بجد قوي كده ليه
آه ياني
‏قال يا مراكبي
عدى النهار

ههههه .. تعليق في الجون .. أنا هأحرم أقول أسماء عشان فيه ناس بتمسكهالي زلة وبتجرسني شهور طويلة

لماح
‏قال يا مراكبي
زمان الوصل

هأقولك حاجة .. هو ما قدرش يتجوزها لما كان مغمور بس كان قادر يقابلها .. بعد الشهرة إتحرم من مقابلتها كمان

مش كل واحد بيحب واحدة غير مراته بيقدر يتجوزها في أغلب الأحيان لأسباب كتيرة مش مجالها هنا .. غلا إذا كان جواز في الخفاء .. منطق الأشياء كده
‏قال يا مراكبي
karakib

صدقتها ليه بس؟ ليه الأسافين دي؟
‏قال يا مراكبي
max.adams

طبعا لأ .. لو كان مغمور وكان بيقابل حبيبته ساعتها ماحدش هيقوله حاجة .. إلا لو شافه حد يعرفه بس

لكن الشهرة لعنة .. ما تقدرش تستخبى أبدا من الناس .. حتى لو ما حدش كلمك عيني عينك .. هيشاوروا عليك ويتكلموا عنك
‏قال يا مراكبي
أحمد سلامــة

أيوة فيه كده طبعا .. والنهاية فعلا مش مريحة لأنها ببساطة وزي ما إنت قلت واقعية .. والنهايات الواقعية دايما مش هي السعيدة .. ومش هي اللي بنتمناها
‏قال يا مراكبي
esraa

واضح إن النهاية السعيدة دي مطلب جماهيري

أجيبها منين دي؟

ما يقدرش الراجل يتجوز على مراته .. نعمل إيه بس؟
‏قال يا مراكبي
Hannoda

تعليقك بقى جديد من نوعه .. إحساس مختلف تماما ناحية القصة .. إحساس ماجاليش أنا شخصيا

فعلا يا هنودة الرومانسيين بيطغى عندهم الجانب الحسي والروحي عن المادي .. وده بيتعبهم جدا لأن الدنيا مادية أكتر منها روحية

أشكرك على التعليق المتميز
في رأيي..هي لم تكن يوماً ملهمته الحقيقية..وهو لم يملك يوماً قلب شاعر حقيقي

دام قلمك مبدع
.
.
أفرح بشدة عندما أجد بوست جديد..وأفرح كثيييير عندما اجدها قصة قصيرة
أخى المراكبى
حقيقى كل مرة بيزيد العمق فى كتاباتك
وأحلى ما فى القصص الأخيرة إنها بتدى نصيحة لكل زوجة تقدر بيها تحافظ على جوزها
ربنا يخليك للمدام والولاد
ويكفيكو شر العين
دمت مبدعاً
ملحوظة:لية بطلت تكتب يوميات متزوج كانت حلوة جداً
سلام
‏قال زمان الوصل
مراكبى

هو الحقيقه مش منطق الأشياء هو منطق الأنانيه الإنسانيه :) مفيش مشكله أحب فلانه و تصبح ملهمتى بس فيه مشكله فى الارتباط بها حتى و أنا مغمور و بالطبع ستكون المشكله أكبر مع حيازة قدر من الشهره !!

أنا إحساسى تجاه المواقف دى إن أكتر جمله بتوصفها هى جملة "الممنوع مرغوب" .. طول ما أنا حاسس إنّى مش هاقدر اتجوّز فلانه لأنّى متزوّج أو لأنّى مشهور هتفضل ملهمه و مصدر وحى و من ثمّ خلّيها فى الوضع ده أحسن و لنبحث لها عن تكييف أو منطق يجعلها تظل هكذا على طول .. يعنى أحيان كتير تسمع من رجل متزوّج جملة "يااااااااه لو بس ماكنتش متجوّز كنت اتجوّزتك يا فلانه أو لو بس ماكنتيش متجوّزه يا فلانه كنتى هتبقى أعظم واحده ممكن أتزوّجها" .. فى رأيى الإحساس المتأجّج ده سببه ببساطه إنّه فعلا مايقدرش يتجوّزها لكن لو كانت متاحه يمكن ولا كان فكّر فيها أصلا .. النفس الإنسانيه ظريفه أوى على فكره :)

تحيّاتى ..
أفهم من كدة انة خسر الشهرة لما خسرها هي؟
ولا خسر الموهبة لما فهم اخيرا اد اية هو اناني واد اية ظلمها هي و مراتة كمان؟
؟
ولا اقولك سيبني اقرر لما اتفرج على اللقاء دة .
هو حيتعاد امتي؟
:)
تفتكر لو اتجوزها تفضل ملهمته برضو ههههههههههههههههههههههه
ولا هو الرجاله مش بتاخد الالهام غير من الحبيبه بس..؟؟؟
‏قال يا مراكبي
واصطنعتك لنفسي

أولا .. أشكرك على ذوقك وتقديرك

ثانيا .. بالطبع يبدو بطل القصة وكأن موهبته غير حقيقية بل مرتبطة بوجود شخص ما في حياته يمنحه الإلهام .. هذا من حيث الشكل الخارجي للقصة .. لكن في الواقع ما من مبدع إلا وهو يستلهم إبداعه من أحداث وأناس يحتك بهم تجعل من موهبته شيئا يتفجر .. فإذا إفتقد أو إختفى الإلهام لن يخرج الإبداع لكن ذلك لا ينفي وجود الموهبة

خالص تحياتي
‏قال يا مراكبي
دردشة على الماشى

متشكر جدا جدا وربنا يخليكي لينا

عايزة يوميات متزوج؟ يوووووو .. ده أنا عندي منها كتييييير .. خليني شايل ف قلبي وساكت .. هههههه
‏قال يا مراكبي
زمان الوصل .. تاني مرة

الكلام ده زي الفل بصراحة .. ههههه

مش عارف أقولك إيه .. فيه جزء كبير من كلامك صح أو نقدر نقول إن إحتمالاته فعلا كبيرة بين الناس .. طبيعة الأشياء برضه .. ههههههه

الممنوع مرغوب دي فعلا حقيقة .. وأول ما الإنسان يستحوذ على الشيء الممنوع ده .. خلاص تلاقي زهوته وبريقه راح وإختفى

خالص تحياتي
‏قال يا مراكبي
اسكندراني في الغربة

والله يا بوحميد أنا شايف إن كل الإحتمالات اللي إنت قلتها موجودة .. ممكن أحدهم أو كلهم كمان

البرنامج هيتعاد عالفضائية الموزمبيقية على فكرة .. هههه
‏قال يا مراكبي
عاشقه وغلبانه

وبعدين في السؤال المحرج ده؟

الزوجة برضه بتكون ملهمة جامدة جدا جدا .. لازم نقول كده .. ههههه
‏قال koukawy
يا تري مراته كانت السبب؟؟؟؟
و لا الشهره؟؟؟؟
بيتهيألي الاتنين
‏قال يا مراكبي
koukawy

الإتنين طبعا زي ما إنتي قولتي

منورة
برافو
سرد للأحداث بإسلوب رائع
ما شاء الله عليك
لكن ما أريد السؤال عنه إعتزاله للشعر لأنه لن يرى ملهمته للأبد
أم لإنكسار القرب بين حبيبته
أنا أرى إنه ظلم نفسه إما بزواجه بمن لم يحب أو بترك من أحب
لكن أختار الحل المستحيل بترك الشعر يعنى لم يحب بل أحب قربه لتلك الشخصيه لو أحبها لكان كتب الشعر فى رثاء عليها أو على نفسه
صح أنا ولا
‏قال يا مراكبي
اعشق فى اليل ضوء القمر

القصة توحي بأن بطلها كان متزوجا من قبل أن يتعرف على ملهمته .. وهو لا تنقصه الموهبة لكن ينقصه الإلهام .. ربما إستطاع أن يكتب رثاء أو قصائد حزينة كما ذكرت أنت بالفعل

خالص تحياتي
‏قال admelmasry
تبا لك
عبقري
‏قال klmat
قصه جميله زى ما عودتناباسلوبك السلس والممتع
ده غير جمال الأفكار وواقعيتهافى رأيى انها
بتحصل للمشهور والمغمور نادرا
ماتكون هناك شجاعه وامكانيه للزواج مره ثانيه.الخوف من المجتمع والناس او احساسه بانه بيظلم اسرته وحبه لصورته امام الناس ومعارفه حتى لو الدائره ضيقه معادله صعبه.خصوصالوكانت زوجته ليس بها عيوب
كبيره فى ظنى
الأغلب بيحيب يعيش الحاله نفسهاطالما بيشوف ملهمته وعند الصعوبه فى رؤيتهالا يقنع بما فى يديه. مافيش حد بياخذ كل حاجه الحب والشهره والاستقرار
حاجه بتعوض حاجه تانيه او على حساب حاجه الصعوبه فى الأختيار
دمت مبدع
‏قال إيمان قنديل
ماهو ده اللي بأقوله


دايما مانسمعه ونقرأة هو للأستهلاك المحلي
‏قال يا مراكبي
آدم المصري

بالمرة بقى مادام جيت هنا وبصفتك شاعر

يعني إيه تبا دي؟ وحشة تبا دي؟ ههههه

بجد بجد أشكرك جدا على تقديرك ليا

خالص تحياتي
‏قال يا مراكبي
klmat

تعليق يدل على خبرة حياتية عريضة وهو ليس بالغريب عنك

بالفعل قد يصعب جدا على الفرد حتى وإن كان غير مشهور أن يتخذ قرار الزواج الثاني "في العلن" لأسباب تتعلق بنظرة المجتمع له ولأسرته بخلاف العلاقات المجتمعية الأخرى التي يجب أن يحافظ عليها .. لذلك غالبا ما يكون الزواج الثاني سريا

بس أحلى جملة في تعليقك هي: ماحدش بياخد كل حاجة في الدنيا .. هي دي الخلاصة يافندم
‏قال يا مراكبي
MAKSOFA

أهو أكل عيش والسلام .. لازم المجلات والجرايد تتملي عشان تتباع .. عشان ناس تانية تاكل عيش من ورا الكتابة

والتليفزيون كده برضه
‏قال Unknown
ازى حضرتك ياباشمهندس
توقفت عند رد حضرتك عليّا من كام يوم

"ـ-ـ- أحمد عبد العدل-ـ-ـ

كل الناس بتتمنى إنها تعيش على طبيعيتها مهما قال الناس .. لكن الموضوع ما بيتعداش حدود الأمنية عند التطبيق الفعلي .. فعلا ضغوط المجتمع لا تحتمل أبدا"

واليوم وصلنى ردك على موضوع قديم لمهندس أحمد كمال
"أما الحلول التي طرحتها فهي برغم أنها سليمة تماما لكنها للأسف قد يصعب تطبيقها أحيانا كثيرة .. فالإنسان أضعف من ذلك أمام هواه كما تعلم "

الحقيقة أشعر فى كلامك بانهزام كبير أمام الواقع ... لا أعرف ان كت لا أستطيع التمييز بين رائحة الانهزام ورائحة الخبرة
ولكننى بالفعل توقفت كثيراً عند هذه الاستسلام لمجريات الأحداث

ياريت لو أمكن تلقى الضوء على هذه النقطة وكيفية محافظتنا على أرواحنا سليمة من الانهزام وحدود العجز المرتبطة بالواقع من غيرها

تحياتى لحضرتك
أيها الزوج الكريم ..
إذا أردت أن تنعم بعبق الزهور وتغريد الطيور وشذا العطور ، وتستمتع بالزهرة الندية واللؤلؤة البهية وتستظل تحت الدوحة الغناء وترتشف من معين البذل والعطاء فبدون شك أنها حبيبة قلبك ومهجة فؤادك وريحانة ضميرك زوجتك الغالية فما أجمل ذلك القلب الرقيق وما أروع تلك العاطفة الجياشة وما أسمى ذاك الفؤاد الحنون نعم .. إنها الزوجة أجمل ما في الكون زينة الدنيا وعطر الوجود وسلوان الفؤاد وبهجة الضمير تُظلم الأيام في وجه الرجل فتشرق حياته على ابتسامة المرأة وتعبُس الأحداث في دنيا الزوج فيعزف ألحان الرضى على نغمات المرأة وتقسوا الليالي فتذوب قسوتها بزلال من حنان المرأة لو صرخت الدنيا قائلة للرجل أكرهك فإن المرأة إذا قالت أحبك نسفت ذلك كله
تحياتى
‏قال mostafa rayan
طيب وايه المانع لو اتجوز من حبيبته
مادام يقدر يفتح بيتين خلاص لكن اتنازل عن موهبتي ومكانتي في المجتمع وبين الناس علشان كلام الناس دة شيئ مش مقبول
الصح اعمل اللي عايزه ومش مهم الناس
تحياتي لك
‏قال يا مراكبي
ـ-ـ- أحمد عبد العدل-ـ-ـ

سؤالك غاية في الأهمية .. ولكي أريحك بإجابة شافية فعليك أن تحصر المشكلة في الإطار الإجتماعي .. أي أنني لا أتحدث هنا (ولا هناك) عن مجال العمل أو التجارة أو الدين .. فقط نحن نتحدث عن الحب والزواج

وبالتالي فإن القرارات والأمنيات التي قد تحدث زلزالا كبيرا يهدد الإستقرار الإجتماعي غالبا ما يجعل الإنسان يفكر كثيرا قبل أن يقوم به

وذلك ليس عن ضعف أو تخاذل أو سلبية كما إتضح لك .. ولكن ذلك بسبب إمتداد تأثير هذا الزلزال إلى أناس آخرين ليس لهم ذنب وعلى رأسهم الأبناء

هذا بالإضافة إلى نبذ المجتمع بطبيعته لكل من هم يحيدون عن الأشكال المجتمعية النمطية المستقرة .. فلا زال المجتمع يلفظ المرأة التي تعيش بمفردها أو الأبناء من أبوين منفصلين إلخ

أضف إلى ذلك أن الزواج هو إطار يربط بين عائلتين فتتشابك مصالحهما حتى ولو كانت تلك المصالح هم فقط الأيناء الصغار .. وخلق العداوات بين العائلات ليس بالشيء الهين

أرجوا أن أكون قد أوضحت المسألة
‏قال يا مراكبي
الملاك الحزين

ده تعليق ينع بوست تاني لوحده .. وياريت بجد كل الزوجات يكونوا بالرقة والتفاهم والود زي ما حكيتي عنهن في تعليقك كده .. دي كانت الدنيا تبقى بجد جنة .. أنا أتمنى كده فعلا لكل الناس
‏قال يا مراكبي
mostafa rayan

للأسف فيه مانع طبعا .. راجع كده تعليقي الل قبل ده على أحمد عبد العدل وإنت تعرف إيه الموانع

بس بيني وبينك .. ياريت ما كانش فيه موانع

أهلا بيك
‏قال السينيور
تبا لها
تجعلنا نقترف الكثير من اجلها
ونخسر انفسنا لنكسبها
‏قال وائل مصطفى
كتبت فأبدعت

رائعه بالفعل واستمتعت بقرائتها لقربها من بعض الشخصيات اللتى اعرفها

دمت مبدعا سيدى الفاضل
‏قال -_-
اذا استطاع الفارس ان يتخلى عن سيفه يستطبع الكاتب ان يتخلى عن قلمه
‏قال حسن ارابيسك
ياااه
انت رميت في نهاية البوست بقنبلة مدوية فعلا ليس فقط في وجه المذيع بل في وجوهنا جميعاً
ولكن إعتزاله الشعر في حالته
أنا لاأعتبره ليس لمجرد الخروج من عالم الشهرة اذا كان ده المقصود لأن أوانه فات خلاص بالفعل
ولكنه نذير شؤم بنهاية لهذا الحب
في إعتزاله الشعر
وليس لمجرد الصدق مع الأخرين
بحرت بينا جامد قوي هذة المرة ياعم يامراكبي وقعتنا في إشكالية كبيرة
تحياتي
حسن أرابيسك
‏قال بس خلاص ...
السلام عليكم
اولا كل سنه وحضرتك طيب بمناسبة الايام المباركة اعادها الله عليكم بكل الخير
ثانيا حضرتك عندك براعة فى فن هندسة الكلمات ولى وقفة مع كتاباتك انشاء الله سأحاول قرائتها حتى اسعد واستفيد بما فيها من اسلوب راقى
لك كل تحياتى
هذا بالاضافة الى اسلوبكم الجميل والساخر فى التعليقات
‏قال marmar
بالفعل عزيزي بركان يشيع جنازة الفرح شذى الوحدة ينبعث منها,خنجر اليأس يقتلها,طلاميس الأحداث تجرحها إبتهاج الحزن يضيئها
ومن كأس العنان يسقيها على ألحان الغدر يشجيها بجراح القلب يشقيها بمزامير الألام يمحيها....
أصعب شعور انك تكون بتحب انسان بجد وكاتم في قلبك عشان خاطر حد تاني مش عشان خاطرك انت .. احساس بشع بجد الشهره التي بقت بتضرنا قبل ما تنفعنا .. عجبني احساسك وكلامك يمكن عشان غالب عليه الحزن والكآبه نوعا ما والرومانسيات الحزينة وانا ده لوني المفضل غير ان صدى الصمت رورووو حبيبتي تؤأم روحي هيا الي عرفتني بمدونتك الجميله دي وقالتلي عنها ..
أستمر في احساسك لانه بجد بيمتعني وبيمتع كتير غيري.
اختك في الله .. ريم
‏قال يا مراكبي
شاب مصري مفروس

فعلا .. لمحة ممتازة .. من الممكن أن نقترف الكثير من السيئات من أجل الشهرة .. الكثيرون يسلكون هذا السلوك بالفعل .. والأمثلة على ذلك كثيرة من واقع الحياة
‏قال يا مراكبي
Wael Mostafa

أشكر لك تقديرك ومتابعتك وعذرا لتقصيري في الزيارة

خالص تحياتي
‏قال يا مراكبي
Sharm

هأقولك على مفاجأة

الإتنين ممكن يتخلوا فعلا عن أسلحتهم في الزمن ده

تصدق دي؟
‏قال يا مراكبي
حسن أرابيسك

أنا دايما بأبقى حاطط إيدي على قلبي من تعليقات الفنانين اللي زيك كده لأن إحساسهم بيكون عالي جدا وبيقروا ما بين السطور

كل اللي إنت إستنتجته سليم يأبوعلي بجد

منورني دايما
‏قال يا مراكبي
بس خلاص

وعليكم السلام ورحمة الله

كل سنة وإنتي طيبة برضه

وخالص شكري على تعليقك وإطراءك الجميل

نورتينا
‏قال يا مراكبي
marmar

أصعب شعور انك تكون بتحب انسان بجد وكاتم في قلبك عشان خاطر حد تاني مش عشان خاطرك انت

تعليق مؤلم جدا .. لكنه حقيقي

-------

أنا ماليش في اللون الحزين كتير على فكرة .. وتابعي البوستس اللي قبل ده هتعرفي كده .. وصدى الصمت دي ماأعرفهاش أصلا ولا تقربلي حتى .. هههههه .. دي حيالله أختي .. هههه
‏قال klmat
عارف بعد ما قرأت البوست حسيت بواقعيته
وعلقت بعد القرأه مباشره بعد كده بالصدفه البحته كان فى كلام عن احمد عز والحديث عن الحديد بعيد كل البعد عن البوست لكنى تذكرت زواجه للمره الثالثه من جيهان النجار وكلا منهم مشهور هو وهى ولقتينى تذكرت الرائيس السادات وزواجه الثانى من جيهان
وكان وقتها مغمور لقتينى بغير افكارى
ربما الموضوع بيعتمد على قوه الشخصيه وقدرتها على المواجهه ورغبتها العاليه وثقتها فى نجاح هذا الحب . للحب والبشر شئون غريبه
مواضيعك دايما بتشغل الفكر
فى انتظار الجديد ربنا يوفقك دائما يارب
‏قال يا مراكبي
Klmat

لا أنكر أن هناك نسبة مئوية من المجتمع (وإن كانت نسبة بسيطة) تستطيع بقوتها النفسية أن تواجه المجتمع في مثل هذه الأمور .. لكن ذلك يتطلب القدرة والإقتناع بالإستغناء عن الكثير من الإرتباطات السابقة من زوجة وأولاد وعائلاتهم .. أوالقدرة على الحياة بشكل غير مستقر كما كان سابقا وهكذا

أشكر لك المتابعة القيمة وهذا التقدير
‏قال marmar
دي فضحتك وقالتلي انك انت الي شجعتها هيا ودردشه عل كتابه والتدوين وانك بتقرا من صغرك :d
بارك الله فيكم بجد
‏قال بس خلاص ...
يامراكبى
.. اخيرا زرتنى ورسيت شراعك على شط مدونتى
اتمنى ان تعمل ترانزيت عندى كل لما تشد قلوعك وتطوف فى بحور المدونات
حلفتك لاترد عليا واد يامراكبى
‏قال يا مراكبي
marmar

ولا أعرفها برضه

ثم إني ما بعرفش أقرأ .. أنا بأكتب بس

ههههه
‏قال يا مراكبي
بس خلاص

أشكرك يافندم .. يحصلنا الشرف طبعا
‏قال loumi
هذا الإستقرار هو إستقرار ظاهري
إن إستمر إختفاء ملهمته ستتحول حياته إلى جحيم
لن يفقد القدرة على الكتابه فقط
ولكنه سيفقد تواصله مع كل من حوله
سيعتزل العالم أجمع

خالص تحياتي
ربنا ما يخرملكش شربات يا فندم:)
‏قال سارة درويش
القصة سلسة اوى وبجد سرقتنى سطورها .. بصراحة شايفاه جبان أوي المبدع الحقيقي بيكون جريء وشجاع .. ولو هو واثق في موهبته مش هيهمه ان الجمهور يعرف انه مش سعيد في حياته .. ع فكرة دايماً الناس العبقرية اوى اللي بتبقى ناجحة في شغلها اوى مش بتبقى ناجحة في حياتها الاجتماعية .. ماعرفش ليه بس كتييييير بلاحظها .. يمكن لأن في حاجة بتعوض حاجة النجاح مثلاً في الشغل بيكون تعويض من ربنا عن الفشل في الحياة الاجتماعية .. ويمكن لأن النجاح في الشغل لازم يكون على حساب راحة الاسرة مش عارفة .. اسفة للاطالة
‏قال History Of Me!!!
ومن منا لا يعيش من أجل امرأة موجود في واقعنا, او في خيالنا
وعندما تذهب, يذهب القلب معها ويبقى الجسد كما هو من غير نبض

ما شاء الله عنجد قصصك حلوة
‏قال يا مراكبي
Rozza!.......فاقد الذاكرة

إيه التعبيرات الرومانسية جدا دي؟ التعليق كله رائع وجميل جدا بجد

أحييك .. وأشكرك على الإطراء
‏قال يا مراكبي
loumi

وجهة نظر برضه .. أنا برضه عندي إحساس إن حياته مش ممكن تستمر كده على الوضع الجديد ده من غير ما ينفجر .. بس مش هأقدر أعرف إيه شكل الإنفجار ده .. ممكن يكون الإنفجار سلبي وإنطوائي

إنتي عرفتي موضوع الشرابات ده؟ ههههه
‏قال يا مراكبي
سمو الأميرة سارة

حتة جرئ وشجاع دي حقيقة لكنها ليها حدود لأن المشكلة الإجتماعية اللي هو فيها ممكن تطيح بنجاحه ده

الإنسان عادة مش ممكن يحصل على كل حاجة في الدنيا .. لاوم حاجة على حساب حاجة .. وده عدل ربنا سبحانه وتعالى في توزيع نعمه بين الناس

نورتي
اكم من ملهمات بقين في الظل حتي جفت ارواحهن
واكم من مبدعين اهتموا بالشكل الاجتماعي علي حساب مواهبهم وابداعهم فنضبت مواهبهم
الحياه معقده يامراكبي معقده جدا للاسف

المشاركات الشائعة من هذه المدونة

في الذكرى السنوية العاشرة

عايز أرقص تانجو

عيناها وشفتاها