شد القلوع يا مراكبي ... مافيش رجوع يا مراكبي

الخميس، يوليو 05، 2007

عايز أرقص تانجو

الوقت: الصبح بالليل بعد العشاء على طول .. المكان: الصالة .. الأولاد بيلعبوا وبيتفرجوا على التليفزيون وبيتخانقوا في نفس الوقت .. والحاجة مراتي قاعدة بتحشي ورق عنب على ترابيزة السفرة .. حسيت إن الوقت مناسب علشان أكلمها في موضوع شاعري.. قربت منها وسحبت كرسي وقعدت جنبها .. وبصوت هادي كده زي اللي عامل عمله قولتلها
.
المراكبي: كنت عايز أقول لك حاجة
قطع كلامي البنت الوسطانبة اللي طلعت من تحت الأرض فجأة: ماما .. ماما .. جعانة وعايزة تعمليلي بيض محمر
الحاجة: إستني شوية مش شايفاني مشغولة .. لما أخلص اللي في إيدي
مشيت البنت من غير أي تعليق .. الحاجة بتكمل عمل المحشي
المراكبي تاني: كنت عايز أقولك حاجة .. إيه رأيك نروح نآخد دروس في التانجو؟
ولسة الحاجة هتبدأ تجمع الكلام في دماغها .. طلعت البنت الصغيرة من تحت الترابيزة وقالت: ماما .. ماما .. عايزة أعمل بي بي
الحاجة: روحي إعملي لوحدك .. إنتي كبرتي دلوقت .. أسيب اللي في إيدي علشان أعمل لك بي بي؟
مشيت البنت ناحية الحمام الصغير.. الحاجة بتكمل عمل المحشي
المراكبي: كنت بأقولك إيه رأيك نروح نآخد دروس في التانجو؟
البنت الصغيرة: ماما .. حد يفتح لي نور الحمام .. مش طايلاه يا ماما
الحاجة ندهت على الولد الكبير: قوم بسرعة إفتح لأختك نور الحمام
الولد قام من قدام التليفزيون وهو متذمر.. الحاجة بتكمل عمل المحشي
المراكبي: كنت بأقول لك إن جنب الهيلتون فتحوا مدرسة بيعلموا فيها رقصة التانجو والصلصة .. نفسي أروح أنا وإنتي نتعلم الرقص ونرقص مع بعض
الحاجة بدأت تبص لي وكأنها عايزة تقول لي إنت إتهبلت وألا إيه؟ لقينا الولد بيجري وراء البنت الوسطانية .. مش عارف كانت عملت له إيه وكان عايز يضربها
الحاجة ندهت عليهم وزعقت جامد .. لقيتهم إتلموا وبطلوا جري ورجعوا قعدوا قدام التليفزيون .. الحاجة بتكمل عمل المحشي
المراكبي: كنت بأقول على موضوع التانجو
البنت الصغيرة: ماما .. تعالي شطفيني
الحاجة: يووووه .. طيب .. ثواني .. جايه أهو
المراكبي: ما قولتيش رأيك إيه في موضوع التانجو؟
البنت الوسطانية: ماما .. أنا جعت قوي وعايزة آكل بيض محمر
الحاجة: طيب طيب .. أشطف أختك وبعدين أعمل لك البيض
الحاجة كانت خلصت المحشي .. بدأت تقوم ومعاها حلة المحشي
وأنا نفسي أرقص تانجو ياإخواننا

التسميات:

188 Comments:

Blogger بيجاسوس المصرى said...

الله اكبر
اول مرة اخد التعليق فى الاول

بص يا باشمهندس مش مهم التانجو خالص
اهم حاجة اخبار المحشى ايه

انك لو اكلت المحشى مستحيل ترقص تانجو
و تنسى التانجو على كده

الخميس, يوليو 05, 2007

 
Blogger Nada said...

:D

أدام الله المحبة بينكما

الخميس, يوليو 05, 2007

 
Blogger loumi said...

العزيز
الباشمهندز احمد
بجد انا كنت حاسه انى رايحه جايه مع الحاجه والعيال ومتخيله منظرك وانت متنحلها وقاعد تكلمها عن التانجو والصلصه
وطبعا ميته على روحى من الضحك
طب بذمتك ده وقته تكلمها عن التانجو وهى بتعمل محشي؟:):):)
عارف فى اوقات الواحد فعلا بيبقا نفسه يحس انه بيعمل حاجه مختلفه تكسر الروتين وترجع المشاعر الجميله التى قد تختفى تحت وطأه العمل والروتين اليومي
انا لو منها كنت رميت حله المحشى على خنب وجبت الست جارتنا تقعد مع العيال ونزلنا اول حصه لتعلم التانجو
ههههههههههههههههه
الا هو الكورس كام يوم؟
وبكام؟
تحيات ليك وللحاجه ولابنا يخليكم لبعض
سلام

الخميس, يوليو 05, 2007

 
Blogger mariam said...

اسمح لى اشجب و اعترض
و اقول لك انك فعلا ظالم الحاجه
مش معقول بتعمل عشرين حاجه فى وقت واحد
محشى و بيت و عيال
و بعد كل ده بتغلطها
لأ حرااااام
فين قاسم امين ييجى يشوف
فين حقوق المرأه
بصراحه هى عامله اللى عليها و زياده
و لا عندك رأى تانى؟
و على فكره انا بعلن تضامنى مع الحاجه

الخميس, يوليو 05, 2007

 
Blogger يا مراكبي said...

بيجاسوس المصري

المحشي كان حكاية بصراحة .. وفعلا لازم الواحد يحدد: ياإما التانجو ياإما المحشي .. ولو إن السعرات الحرارية اللي في المحشي قليلة جدا زي ما إنت عارف

نرقص تانجو وإحنا قاعدين وخلاص

نورت

الجمعة, يوليو 06, 2007

 
Blogger shaimaa said...

احمد ربنا ان الحلة مرتزعتش فوق نفوخك
مش تنقى الوقت يا اخى

الجمعة, يوليو 06, 2007

 
Blogger عدى النهار said...

وليه يا راجل تحس إنك عامل عمله؟ دا حتى مافيش أحلى من محشى ورق العنب بالتانجو
:)
ربنا يخليكوا لبعض

الجمعة, يوليو 06, 2007

 
Blogger يا مراكبي said...

Nada

أهلا بيكي وشكرا على دعائك الجميل

إنتي جزائرية وألا مصرية عايشة في الجزائر؟

الجمعة, يوليو 06, 2007

 
Blogger يا مراكبي said...

loumi

مش غريب عليكي تحسي الموضوع من الزاوية دي لأن حياة المتزوجين تقريبا متطابقة

وبعدين هو فيه وقت شاعري أكتر من وقت لف المحشي؟ وعلى فكرة ..ده باللحمة المفرومة على الطريقة السورية

إنتي عايزة تعرفي أسعار التانجو وألا الصلصة؟ ده سعر وده سعر .. وفيه لامبادا كمان لو تحبي أسألك

الجمعة, يوليو 06, 2007

 
Blogger يا مراكبي said...

mariam

هو أنا جيبت سيرة إن الحاجة غلطانة في حاجة؟ ليه الأسافين الأرض جو بحر دي؟

وأنا من موقفي هنا بأعلن تضامني مع الحاجة أنا كمان .. يحيا المحشي وطز في التانجو

لازم أقول كده بصراحة

الجمعة, يوليو 06, 2007

 
Blogger كراكيب عادل said...

بص يا تختار المحشي يا تختار التانجو

بس تانجو ومحشي متجيش

وبعدين الست بتعمل محشي وكل عيل لة طلب بزمتك فية مجال لتعلم التانجو

:)

الجمعة, يوليو 06, 2007

 
Blogger يا مراكبي said...

shaimaa

أي يا دماغي

طيب قوليلي إنتي .. فين هو الوقت المناسب؟ أديكي تابعتي الموقف كله من أوله لآخره

دايما مضطهداني

الجمعة, يوليو 06, 2007

 
Blogger يا مراكبي said...

عدى النهار

حلو ورق العنب بالتانجو ده .. إكتب لي مقادير الخلطة دي علشان نعملها

ههههههه

أنا ما كنتش خايف ولا عامل عاملة .. ده بس من حبي وإحترامي وتقديري .. حكم القوي بقى

الجمعة, يوليو 06, 2007

 
Blogger يا مراكبي said...

كراكيب عادل

طيب ممكن أختار المحشي مع الصلصة؟

أظن تمشي كده .. صح؟

هو صحيح كل عيل ليه طلب كل دقيقة .. بس التانجو مش هنتعلمه في البيت

:-D

الجمعة, يوليو 06, 2007

 
Blogger حزيــــــــــــــــــن said...

انا لو مكان مراتك كنت قولتلك تانجو من وشى الساعه دى
بجد انت نفسك ترقص تانجو ؟
يعنى انت عندك استعداد تروح تتعلم تانجو فى حوالى ست شهور وبعدين هترقص فين فى البيت
طب والبت الوسطانيه والصغيره والواد الكبير
الموضوع كبير
المهم عندى ليك تاج
تاج طويل ومتنوع
انت مين ؟
انت ايه؟
هدفك فى الحياه ايه ؟ هدفك الكبير فى الحياه غايتك يعنى ؟
اول طموح نفسك تحققه ؟
انت سعيد ؟؟؟؟؟؟؟؟؟؟؟
امتى بتكون سعيد وضميرك مرتاح ؟؟؟؟؟؟؟؟؟
امتى تحس انك مميز ؟؟؟؟؟؟؟؟؟؟؟
ايه اكتر حاجه ممكن تضايقك ؟
ياترى همك فى الحياه ايه ؟ رضا ربك ؟ رضا اهلك ؟ رضا الناس عنك ؟ اشباع رغباتك ؟ ولا ايه ؟
هل تحب نفسك ؟ هل تحب ان يمدحك الاخرون ؟ معجب بتفكيرك وامكانياتك ومواهبك ؟
هل تتضايق من الانتقاد ؟ هل تتحدث عن نفسك كثيرا حتى مع نفسك ؟
هل انت كثير الكلام ام صموت ؟
ماهى الصفات غير التقليديه التى ترغبها فى شريك حياتك ؟ الصفات غير التقليديه يعنى بعيد عن كلمة متدين واخلاق وحنين وطموح ورومانسى ويحفظ كرامتى ويكون بيبحبنى والحاجت دى ... حاجات غيرتقليديه زى مثلا شقيه نومها خفيف منصت جيد عصبى الخ
سؤال للبنات بتقفى قدام المرايه اد ايه ؟
سؤال للشباب ممكن تتجوز بنت كانت ليها زمايل غيرك ؟
ممكن تتزوج بنت اكبر منك والبنات ممكن تتجوزى شاب اصغر منك ؟ ولو لأ يبقى ليه ولو اه هل فى صفات معينه عايزاها تعوض فرق السن ؟
هل تحب الراحه والكسل ؟
هل اعدائك او منافسوك يحترموك ؟
ما مساحة الجد من الهزل فى حياتك ؟
عارف وزنك ؟ قيمتك ؟ امكانياتك ؟
هل تلتمس الاعذار ام تحب ان تعاتب ؟ هل انت مهموم ؟ او تخلق الهموم؟
ما النسبه بين جواك وبراك ؟
هل انت عنيد ؟
هدفك من التدوين ايه ؟ بتابع اى مدونه صاحبها بيتابعك ولا بتهتم بالمدونات اللى بيعجبك محتواها ؟
ممكن تساهم فى نشر مدونه جيده غير مشهوره ؟ لو اه او لأ ليه ؟
ايه نوع المدونات المفضل لديك ؟
بتحب اكتر تتعامل مع مدونين رجال ولا مدونات بنات ؟ وليه
تفتكر مستقبل التدوين هيكون ايه ؟
ممكن تنشر لمدون تعرفه فى الصحف او تساعده فى نشر كتاب حتى لو هيتفوق عليك او هغطى عليك بفرض انه جدير بهذا ؟ اجب بصراحه .
ايه حجم اقتناعك باللى بتكتبه فى مدونتك كل اللى بتكتبه واللى بتعلق عليه ؟ وهل لو قريت عند حد بوست معجبكش اوى هتعلق تقول ايه ولا مش هتعلق خالص ؟
ايه حجم صراحتك فى اجاباتاك على هذه الاسئله ؟
اخر سؤال لو الرسول (ص) هيزورك لمدة اسبوع ايه الحاجات اللى هتبطل تعملها وايه الحاجات اللى هتحبه يشوفك بتعملها غير العبادات المعروفه ؟ وهتعامل ابوك وامك واهلك قدامه ازاى وهتعامل اصدقائك قدامه ازاى وهتعامل الناس وتتعامل فى شغلك ودراستك وحياتك والتليفزيون قدامه ازاى ؟ وهتقوله ايه عن مدونتك ؟ وهتضيع قدامه وقت اد ايه فى التدوين ومتابعة المدونات ؟
لو فى سؤال كان نفسك تتسأله ومجاش هنا يكون ايه وجاوب عليه ؟

الجمعة, يوليو 06, 2007

 
Blogger Xee said...

ههههههه

طب انا راضي زمتك، هو في فالدنيا تانجو احلى من كده؟

و هو التانجو ايه غير أربع حركات و لفه، خمس حركات و لفتين

أهم الأولاد خلوهالك تسع لفات و لفة، ده غير لف ورق العنب كمان
:)

تحياتي ليك و للحاجة و ربنا يخليكو لبعض

نصيحة اخوية: لما الحاجة تكون بتعمل محشي، متكلمهاش في التانجو.....جرب السامبا

أو قوم شطف البنت احسن
:)

الجمعة, يوليو 06, 2007

 
Blogger عازف الناى said...

اسمح لى يا مراكبى انت معرفتش تتصرف
لو كنت عايز تلفت نظرها بجد كنت هات معاك حته هديه صغيره

الجمعة, يوليو 06, 2007

 
Blogger كراكيب نـهـى مـحمود said...

مش كل اللي يعمله ريتشارد جير ويسرا نروح نجربه
بصراحه عندك حق انا كمان جالي هوس تعلم الصلصة والتانجو والرقص الغربي كله بعد دعوة ما تيجي نرقص دي
انا لقيت حل بتعلم مع المقشة تحياتي

الجمعة, يوليو 06, 2007

 
Blogger اتفضل عندنا said...

اولا اسمحلي احيي المودام علي حلة المحشي، لأن طلع عندنا نفس الهوايه الا و هي لف ـ المحشي طبعا مش حاجه تانيه ماتوديناش في داهيه!

ثانيا في وسط ما العيال بتتخانق و عايزيين ياكلوا بيض و يعملوا لا مؤاخذه بي بي احمد ربنا انها اصلا بصتلك

ثالثا تانجو و صلصا ايه بس يا عمونا، انا حاولت المحاوله دي مره و اكتشفت ان حاجات الخواجات دي مابتاكلش معانا
الا لو سمحوا للحاجه انها تدخل بالحلة تدرب شويه و تلف صباعين

الجمعة, يوليو 06, 2007

 
Blogger يا مراكبي said...

حزيــــــــــــــــــن

الجزء الأولاني من تعليقك هو بالظبط الواقع اللي محتاج نظرة مننا .. هل فعلا الرومانسية بقت مستحيلة في وسط المسؤليات الكبيرة دي؟ هو دي الفكرة اللي بأدور حواليها

أما بقى التاج ده فده تاج قوي جدا جدا .. هأحتاج شوية وقت أفكر فيه وهأرد عليه إن شاء الله

الجمعة, يوليو 06, 2007

 
Blogger No Fear said...

السلام عليكم
أنا نفسي الحاجة تعرف مدونتك دي و تقرا أخر موضوعين

الجمعة, يوليو 06, 2007

 
Blogger بالله المستعان said...

ههههههههههههه
تانجو علي جنبو
:D

الجمعة, يوليو 06, 2007

 
Blogger توتة توتة said...

مدرسة ايه الل عند الهيلتون دي ممكن تقولي كل المعلومات عنها بالزبط

على فكرة مصر كلها عايزة ترقص تانجو

الجمعة, يوليو 06, 2007

 
Blogger اه يا دماغى said...

حوار عائلى بيحصل كتير

بس لذيد

بالنسبة لى المحشىىىىىىى

اخباره ايه

لازم ناكلوا عشان نعرف نرقص التانجو


ههه

تحياتى

الجمعة, يوليو 06, 2007

 
Blogger اسكندراني اوي said...

ههههههههههههههههه
وماله يا خويا تانجو تانجو بس يعيش

انت بجد مش ممكن

عارف برضه الرومانسيه حلوه
بقولك ايه تيجي نرقص تانجو احنا الاتنين
ههههههههههههههههههههه

الجمعة, يوليو 06, 2007

 
Blogger Amr Ahmed said...

يا راجل قوم اعمل بيض للنبت

تانجو ايه بس

الجمعة, يوليو 06, 2007

 
Blogger koukawy said...

تصور انها مشكله جامده يمكن كتر يفتكروها هايفه و يقولوا ايه اراجل الأهبل ده
بس انا شايفه ان تانجو ما هو الا رمز لحاجات كتير بتختفب بين الأزواج زي اللعب و الرقص و الضحك هو ينشغل في شغله و هي تتخن و البيت و العيال و تبقي الحياه تقرف
لو كل اتنين فكروا انهم من حقهم يعملوا كل حاجه يحبوها مع بعض و ميخلوش الجواز بعبع بيبوظ العلاقه الجميله الشقيه اللي كانت بينهم قبل الجواز او في الخطوبه حيققي الموضوع هيتغير
ناس كتير نفسها ترقص تانجو
بس للأسف اكل العيش و الخلفه و التربيه و النشأه معلمهومش ان التانجو مهم اوي لتجديد العلاقه الزوجيه و تخليها فريش علي طول
ياههههههههههههه كل ده كلام كتبته
طب قبل ما امشي بقي اديني صوباعين محشي الله يسترك
هههههههههههههههههههههههه

الجمعة, يوليو 06, 2007

 
Blogger إنـســانـة said...

ههههههههههههههههه
يالهوى ده انت قاعد فى مرستان يا مراكبى

الله يكون فى عونك بجد

بص انا من رأيي انك تروح تاخد دروس التانجو دى لوحدك وابقى علمه انت للحاجة على رواقة كدة

فكرة حلوة صح؟؟

الجمعة, يوليو 06, 2007

 
Blogger يا مراكبي said...

Xee

زياد

حمد الله عالسلامة .. كويس إنك بخير بعد الحادثة

أنا ما كنتش فاكر إن التانجو سهل قوي زي ما إنت حكيت كده .. أول مرة أعرف إن لف المحشي هو جزء من لفات التانجو كمان

ههههههه

متشكر قوي على النصايح الغالية دي .. أشطف البنت أحسن من التانجو .. سيدي يا سيدي عالرومانسية

:-D

الجمعة, يوليو 06, 2007

 
Blogger يا مراكبي said...

عازف الناى

ما أنا كنت جايب هدية قفص مانجا هندي إتنين كيلو ونص .. بس ما عملش تأثير

أجيب حاجة أصغر من كده ولا أكبر؟

الجمعة, يوليو 06, 2007

 
Blogger يا مراكبي said...

كراكيب نـهـى مـحمود

إيه اللي جاب سيرة يسرا دلوقت بس؟ خلينا ماشيين جنب الحيطة ربنا يكرمك

وبعدين اللي جالك ده مش هوس .. ده حب للحياة

حتى لو هنرقص مع عصاية المقشة

منورة

الجمعة, يوليو 06, 2007

 
Blogger kaed said...

أخى العزيز يا مراكبى
بقى ياراجل عندك الحاجة وكوم عيال و بتفكر فى التانجو طب فكر فى صنية بطاطس بالحمة أو حتى فتة كوارع أو أى حاجة كدة من اللة بترم العضم..... تانجو و على كدة بقة الكيلو من البتاع اللى إسمة التانجو دة يبقى بكام
أصل أنا كمان نفسى هفتنى علية بعد ما سمعت عنة منك
هاهاهاهاهاهاهاهاها

الجمعة, يوليو 06, 2007

 
Blogger يا مراكبي said...

اتفضل عندنا

إيه ده؟ إنتي بتلفي محشي في كندا؟ إوعي البوليس هناك يفتكروكي بتلفي اللي بالي بالك وتتمسكي

:-D

فيه حد يلف محشي في كندا ياعالم؟ دي أسلحة بيولوجية

ماعلينا

يعني إنت رأيك نآخد حلة المحشي والحاجة والعيال ونروح مدرسة التانجو مع بعض؟ ممكن المدرب والمدربة يمدوا إيديهم معانا ويساعدونا في المحشي أو يآخدوا بالهم من العيال وإحنا بنرقص؟

الجمعة, يوليو 06, 2007

 
Blogger يا مراكبي said...

No Fear

ياعيني على الأسافين عابرة القارات من أقرب الأصدقاء

ما كانش العشم

:-D

الجمعة, يوليو 06, 2007

 
Blogger يا مراكبي said...

بالله المستعان

هو في الأول كان تانجو علي جنبه .. دلوقت بقى تانجو على دماغي

:D

أهلا بيكي

الجمعة, يوليو 06, 2007

 
Blogger يا مراكبي said...

توتة توتة

أنا قصدي هيلتون الكويت .. معلش ما وضحتش النقطة دي كويس

بجد بجد مصر كلها عايزة ترقص تانجو؟ أنا فاكر إني لما كنت في مصر كان الكل بيفضل الرقص على واحدة ونص

نورتينا

الجمعة, يوليو 06, 2007

 
Blogger Epitaph said...

هههههههههههههههههههههههههه

انا عندي هستيرية ضحك
هههههههههههه

ربنا يخليكم لبعض يا رب
و تفرح بالاولاد

بس عارف

انا مش مع الحاجة
لا بجد
مش التانجو بس
الفكرة انكم تلاقوا وقت ليكم مع بعض و هي تستعيد الرومانسية و حب الحياة اكتر من غير مشاغل الولاد شوية ولو وقت مستقطع

بس برضه
التدوينة دي زي العسل
ابقي فرجها علي الفيديو بتاع ال باتشينو اللي عندي ع المدونة يمكن تعيد تفكير في
في
في
لف المحشي

:)))))

الجمعة, يوليو 06, 2007

 
Blogger Gid-Do - جدو said...

مراكبى السن ليه حوكمه وانا سمعى تقل
انت بتقول تانجو ولا بانجو - اصل اللف يمشى مع لاتنين -

الجمعة, يوليو 06, 2007

 
Blogger Esmeralda said...

بغض النظر عن اى حاجه يعنى بس ايه اللى خلاك تقول ان الوقت ده بالذات مناسب لموضوع شاعرى؟؟؟
واحده قعده بتحشي ده وقت مناسب بالذمه
اختاروا وقتكوا
و على الفكرة جبارة و الله ربنا يكرمنى بواحد نرقص سوا ماهو اصل التانجو لازم يترقص باتنين عندهم انسجااااااااام
تانى حاجه ليه بتتكلم زى اللى عامل عامله؟؟؟؟؟؟

الجمعة, يوليو 06, 2007

 
Blogger يا مراكبي said...

اه يا دماغى

الحاجة بتعمل أحلى محشي على الطريقة السورية .. إبقي إتفضلي عندنا دوقيه .. حاجة تحفة بصراحة

ده غير طبعا زي ما أشرتي إنه بيشجع على رقص التانجو لأنه خالي من السعرات الحرارية والدهون والكوليسترول

تحياتى

الجمعة, يوليو 06, 2007

 
Blogger يا مراكبي said...

اسكندراني اوي

إيه رأيك في الفكرة دي؟ شفتني وأنا رومانسي؟

موافق نرقص مع بعض مادام زوجاتنا ما فيش منهم أمل في الموضوع ده .. وأهو ضل راجل ولا ضل حيطة

هههههههههه

الجمعة, يوليو 06, 2007

 
Blogger سمسم said...

الاخ مراكبي

مشكلتك من مشكلتي

بس انا قررت الرقص علي واحدة ونص

لعلي اجد استجابة

أخبار مها ايه؟!!

وشد حيلك في مطار جبل علي

وغير لون كلمة كومنت علي الصفحة الاولي

عشان اتعميت وانا بدور عليها

تحياتي

ويجعلو بك يا جميل عااااااااااااااامر

الجمعة, يوليو 06, 2007

 
Blogger يا مراكبي said...

Amr Ahmed

كده برضه؟ عايزني أسيب التانجو وأقوم أعمل بيض للبنت؟

أمال فين الرومانسية وأريدك أنثى ونزار قباني والحاجات دي كلها .. إيه؟ بخ خلاص؟

:-D

الجمعة, يوليو 06, 2007

 
Blogger يا مراكبي said...

koukawy

الله عليكي يا كوكو .. تصفيق حاد

واحد شاي هنا للكوكو الكميل يابني .. تحية جامده قوي قوي

إنتي كده حللتي الموضوع صح .. التانجو هنا مجرد رمز للرومانسية اللي ممكن نفتقدها مع زحمة الحياة الزوجية واللي ما بنحاولش إننا نرجعها تاني أونقهر الظروف اللي محاوطانا

الموضوع مش سهل أبدا .. لكن لازم نحاول .. لازم

السبت, يوليو 07, 2007

 
Blogger gohayna said...

تصدق كويس انها معملتش فيك حاجه يا مراكبي

يا عني الست بتحشي المحشي

والاولاد كل واحد فيهم عايز منها حاجه

وانت قاعد مش عايز تساعدها

وكمان عايز ترقص تانجوا

حبيكيت وهيا بتعمل محشيو الدنيا ظمبليطه جنبها تكلمها يعني

والله غريب ييا احمد


احمد ربنا انها خلصت المحشي علي خير
ولم يحدث تراقش باصابع المحشي

او بالحله والغطا يا احمد

سليمه

وبعدين ابقي نقي الوقت يا حج عشان تتكلم وربنا يكرمك وترقص التانجو

الا صحيح اشمعني التانجو يعني؟

هو فيه هنا في الكويت منه؟

تحياتي يا احمد

السبت, يوليو 07, 2007

 
Blogger يا مراكبي said...

إنـســانـة

هو الجواز كده .. وماتحسبوش يابنات إن الجواز راحة .. عارفه الأغنية القديمة دي بتاعة فرقة المصريين؟

فكرة إني أروح لوحدي آخد دروس التانجو دي ممتازة جدا جدا .. على الأقل هيدوني هما في المدرسة حد أرقص معاه من عندهم

وش بيغمز جامد

هههههههه

أشكرك بشدة

السبت, يوليو 07, 2007

 
Blogger koukawy said...

انحني للتصفيق الحاد
و لازم نفض نحاول فعلا
اما بقي بالنبسه للتصويت
ما صوتش ليه في الاستفتاء الجديد
عن افلام الصيف
بص انا دايما لما نزل نتيجة الاستفتاء بنزل معاه الاستفتاء الجديد ياللا تعالي صوت بقي
بس حاسب لصوتك يتشرخ من الصويت
ههههههههههههههههه

السبت, يوليو 07, 2007

 
Blogger صاحب البوابــة said...

اضحكتني للغاية

اما عن الموضوع السابق واسم مها

فحقاً

كنت سأموت من كثرة الضحك

حقاً يا عزيزي

عقل المرأة لن يتغير

:)

تحياتي

السبت, يوليو 07, 2007

 
Blogger يا مراكبي said...

kaed

هههههههه

على رأيك .. صنية بطاطس باللحمة أو فتة كوارع أفيد بكتير من البتاع اللى إسمة التانجو دة

هههههههه

هأنزل أسأل بكره عنه وهأشوف هو بيتباع بالكيلو وألا بالحتة .. لو لاقيته رخيص أجيب لك معايا تانجوهين تلاتة؟

السبت, يوليو 07, 2007

 
Blogger يا مراكبي said...

Epitaph

عندك حق طبعا

والله لو تساعدينا وتعملي فينا معروف وتخلي العيال عندك شوية صغييرين ييجي شهرين كده وألا حاجة يبقى كتر ألف خيرك

هههههههه

هو أل باتشينو كان بيلف محشي كرنب وألا ورق عنب؟ أصل الفيلم ما إشتغلش عندي كويس

السبت, يوليو 07, 2007

 
Blogger يا مراكبي said...

Gid-Do - جدو

سلامة ودانك يا جدو

في الحقيقة .. أنا كنت بأتكلم عن التانجو .. بس بعد ما نشرت الموضوع ونشف والناس أكلت وشي زي ما إنت شايف .. قررت إن البانجو هيكون هو الأحسن لحالتي دي

فيه بانجو في تكساس يا جدو؟

مساء الخييييييير

السبت, يوليو 07, 2007

 
Blogger يا مراكبي said...

Esmeralda

لما يكون فيه محشي ورق عنب لذيذ وريحته محفحفه وتسعد القلب .. لازم يكون هو ده الوقت المناسب الشاعري طبعا .. عايزة ذكاء دي؟

وأديكي بتقولي إن الفكرة جبارة ونفسك فيها .. قوليلها بقى علشان تعرف قيمتي

أما إجابة سؤالك الأخير .. أنا باتكلم زى اللى عامل عامله علشان هي دي طريقة الكلام الرومانسية بتاعة المحشي

:-D

السبت, يوليو 07, 2007

 
Blogger mariamagdolen new said...

الله الله البوست دة رائع واللى قبلة بردة بس هوة بجد احنا هنتغير بعد ما نجوز ونبقى كدة
مش عارفة بس
لا اكيد لا بردة مش عارفة

السبت, يوليو 07, 2007

 
Blogger Gid-Do - جدو said...

مراكبى

دحنا ياباشا بنصدرة كمان واذا ماكنش عندنا نستوردة علشان عيونك
وهو دة الحل تشد النفسين وتبص للحاجة وهى بتلف المحشى وسيب خيالك حتشوف افلام ومتنساش تدعيلى ـ مش تقولى تانجو من الان فصاعد بانجو
مساء الخييييييييييييير

تدوينة ممتازة ويرجعولك بالسلامة ـ تحياتى

السبت, يوليو 07, 2007

 
Blogger يا مراكبي said...

سمسم

هههههه

لو ما ممشيش معاك الرقص علي واحدة ونص .. جرب على إتنين ونص .. جايز يمشي الحال

:-D

أخبار مها؟ إيه لزوم السيرة دي دلوقت .. أنا شايف فيه إقبال على الأسافين العابرة للقارات اليومين دول

:-D

أما مطار جبل علي فزيه زي أي مشروع في حياتي .. هيخلص إن شاء الله .. بحلوة وبمرة هيخلص

كلمة في سرك: لون كلمة كومنت أنا مخبيها ومغمقها عمدا علشان الرقابة .. الإحتياط واجب يا سمسم يا أخويا

السبت, يوليو 07, 2007

 
Blogger يا مراكبي said...

gohayna

هههههه

ما أنا كنت بأتكلم معاها بأدب وذوق وحنية علشان تكون الطريقة مناسبة .. مش كفاية كدة وألا إيه؟ عموما المرة الجاية هأجرب وقت تاني ما تكونش بتحشي فيه محشي .. تكون في المطبخ مثلا أو وهي بتنشر الغسيل .. لكن محشي تاني لأ

طبعا فيه تانجو في الكويت .. ما أنا قلت إنه قبل الهيلتون على طول .. قريب من المكان اللي إنتي فيه دلوقت .. في منطقة المهبولة

منورة بجد

السبت, يوليو 07, 2007

 
Blogger ياسر سليم said...

ههههههههههههههههههههههههههه

انا مش عايزك تيأس

حاول تانى وتالت ورابع

وقالها عمنا سعد زغلول من سنين

لا يأس مع الحياة

السبت, يوليو 07, 2007

 
Blogger يا مراكبي said...

koukawy

أهلا بيكي تاني

الإستفتاء ده مش هايمشي معايا للأسف .. أنا أول مرة أسمع عن أسماء الأفلام دي كلها وبعدين أشوفها فين وإزاي وإمتى؟

عموما لما أنزل مصر إن شاء الله هأحاول أعمل معسكر في السينما علشان أكون متابع وإلا هيبقى شكلي وحش قوي

أصوت بطريقة حادي بادي وخلاص؟

السبت, يوليو 07, 2007

 
Blogger يا مراكبي said...

صاحب البوابــة


ربنا يكرمك .. متشكر قوي على التعليق الجميل ده

وبلاش نخبط في الزوجات اليومين دول وإنسى بقى الموضوع اللي فات ده .. غلوش غلوش

السبت, يوليو 07, 2007

 
Blogger يا مراكبي said...

mariamagdolen new

أهلا بيكي وبكل الناس اللي عزمت القطار .. نورتي

إعذريني مش هأقدر أجاوب على سؤالك بصراحة علشان أنا عايز أعيش

الجواز ده ميه ميه ومابيغيرش أي حاجة خالص زي ما إنتي شايفة

السبت, يوليو 07, 2007

 
Blogger يا مراكبي said...

Gid-Do - جدو

ياسلام عليك يا جدو يا أبو المفهومية كلها .. أنا حاسس بأنفاسك معايا والله .. تحياتي لكل أشجار الخشخاش في تكساس ولويزيانا واللي حواليهم كمان


متشكر جدا يا جدو على متابعتك للبانجو .. ويجعله عامر

السبت, يوليو 07, 2007

 
Blogger يا مراكبي said...

ياسر سليم

أنا لا يمكن أيأس أبدا يا معلمي .. أنا دايما عندي أمل

ولو إن سعد زغلول ما قالش اللي إنت قولته ده .. سعد زغلول قال: مافيش فايدة يا صفية .. غطيني وصوتي علي

ماتنساش تبقى تغطيني وتصوت عليا

السبت, يوليو 07, 2007

 
Blogger أحمد المصري said...

حسيت إن الوقت مناسب علشان أكلمها في موضوع شاعري.. قربت منها وسحبت كرسي وقعدت جنبها ----
جملة ساخرة فظيعة,متميز كالعادة00
وسلملي عالمحشي0

السبت, يوليو 07, 2007

 
Blogger يا مراكبي said...

أحمد المصري

متشكر جدا على ذوقك ده

المحشي هو اللي بيسلم عيك .. أبعت لك صباعين؟

السبت, يوليو 07, 2007

 
Blogger Blank-Socrate said...

يا عينى على جمال و عمق الحياة العائليه
اكيد انت محتاج للتانجو
لكن المحشى يكسب

السبت, يوليو 07, 2007

 
Blogger شــــمـس الديـن said...

هقول رأي يمكن هيضايقك

بس انا بتكلم عن الحالة كحالة و ليس علي حضرتك كشخص

لو حضرتك كنت ساعدت الحاجة و قومت عملت البيض المقلي للبنت و فتحت نور الحمام لبنتك الوسطي ... كان زمان الحاجة لحقت تخلص حلة المحشي و تيجي معاك درس التانجو

مش عارفة بس انا بيستفزني جدا الراجل اللي بيتعامل مع بيتة أنه ضيف عليه مش ان بيتة دا من صميم مسؤولياته

ساعدها و خفف عنها و هتلاقي عندها وقت تاخد معاك دروس تانجو و صلصا ولا تي بيانو و كمانكا كمان :)

و الله الكلام دا مش موجة لحضرتك كشخص و لكن كموقف عام

خالص التحية للبوست الواقعي دا

السبت, يوليو 07, 2007

 
Blogger اسكندراني في الغربة said...

اولا انتا محتاج تغير مفهومك للرومانسية
ثانيا محتاج تغير اماكن مفاتيح الكهرباء علشان البنات الصغيرة
ثالثا محتاج انا اعرف يعني اية بيض محمر دة
اما بخصوص التانجو فحمد ربنا ان العيال كانوا موجودين ساعتها

السبت, يوليو 07, 2007

 
Blogger يا مراكبي said...

Blank-Socrate

طبعا المحشي يكسب .. إسألني أنا

هو في الحقيقة أنا محتاج بانجو

بس خايف من أي كبسة تحصل عالبلوج

نورت

السبت, يوليو 07, 2007

 
Blogger ellithy said...

مدونة جميلة ما شاء الله
هذه مدونتي

مدونـــــــــــتـــــــــــــــــي

هل ممكن نعمل باك لينك لبعض ؟؟
backlink??
بارك الله فيك وإلى الامام

السبت, يوليو 07, 2007

 
Blogger يا مراكبي said...

شــــمـس الديـن

إنتي عارفه إن مافيش رأي بيزعلني حتى لو ضدي

وفي الحقيقة رأيك فيه جزء من الصحة لا أنكرها

الست طبعا بتحتاج دايما حد يساعدها لكن الإحتياج ده بيختلف في حالة إنها تكون ربة منزل متفرغه وألا هي ست عاملة

ممكن تكون الست ربة منزل متفرغة وبتضيع وقتها في كلام فاضي ومش بتنظم وقتها .. يبقى دي تستحق المساعدة؟

وعلى العكس بتكون فيه نماذج مكافحة وتستحق كل التقدير والإحترام .. والمساعدة

شوفتي ما زعلتش إزاي؟ ههههههه

نورتينا بجد

السبت, يوليو 07, 2007

 
Blogger يا مراكبي said...

اسكندراني في الغربة

الأولاد بيقولوا على البيض المقلي إنه بيض محمر .. دي من تأثير أمهم وأمي السوريين الأصل

إنت شكلك كده في صفهم مش في صفي .. أول إسكندراني أعرفه يقف ضدي

:-D

هأبقى أوطي مفتاح نور الحمام علشان أوفر نص مجهود الحاجة .. شكرا على النصيحة .. نورتني

السبت, يوليو 07, 2007

 
Blogger الأباصيرى said...

ياراجل أختشى وعيب عليك

مش عيب واحد فى سنك وفى مركزك يطلب من مراتة


أنة يضرب بانجو

مش حشيش يعنى

:(

لما تعملوا محشى تانى
أبقى أندة عليا عشان أزورك

بس وحياة عيالك ياشيخ
متمسكش فيا على الغدا
:)

السبت, يوليو 07, 2007

 
Blogger فى القلب said...

أنا أول مره أجى هنا ومش الأخيره أنشاء الله البوست ده عجبنى فيه واقيعيته الشديده
عموما ده حال أغلب الستات بعد الزواج
وبعدين المحشى السورى معروف أنه مفهوش سعرات كبيره عشان مش مسبك زى المصرى
بص خد النصيحه دى
وأولى عملت أيه
أنت تقسم العيال شويه عند جدتم وشويه عند خالتهم المهم الجو يبقى خالى
وبعدين تبدأ بنكتتين يفطسوها من الضحك
وبعدين تألها كلمتين حلوين كده عن جملها فى عينك
كل ده بقه يا سيدى على خلفيه ميوزيك
تانجو
وفجاه تأوم أيم ترقص تانجو مع نفسك شويه أدمها
وبعد كده وأنت بترقص تيجى أدمها وتنحنى
وتطلب أدها للرقص
وأنتو بقه كده قول لها الله ده أنا مستمتع بالرأس معاكى أوى
تيجى ناخد دروس تانجو
وأدى دقنى أهى بعد كده هتألك كل شويه أنت مش ألتلى هنروح ناخد دروس تانجو أمتى بقه

السبت, يوليو 07, 2007

 
Blogger يا مراكبي said...

ellithy

أهلا بيك

أنا جيت عندك وشوفت الموضوع الجديد اللي بتتكلم عليه .. محتاج أفكر فيه شوية قبل ما أطبقه

نورتنا

السبت, يوليو 07, 2007

 
Blogger يا مراكبي said...

الأباصيرى

ده تانجو .. تانجو ده حاجة كده زي المكرونة بالباشامل .. إنت رحت لبعيد قوي .. حشيش ونجيلة وحاجات كده

علشان خاطرك إنت دي كانت آخر مرة نعمل فيها محشي

بيت كرم ما إنت عارف

السبت, يوليو 07, 2007

 
Blogger يا مراكبي said...

فى القلب

دي وصفة سهلة .. دي وصفة هايله

إنتي كنتي فين من زمان؟

بس إوعي تكوني بتلبسيني في الحيطة وألاقي نفسي واخد كام غرزة في نافوخي وألا حاجة

أصل أولاد الحلال كتير هنا قوي اليومين دول

أهلا بيكي في عالم التدوين .. نورتينا

الأحد, يوليو 08, 2007

 
Blogger فى القلب said...

شكرا على تشريفك ليه وأمنياتك
ده كله من ذوقك
أرجو أن يستمر تشريفك

الأحد, يوليو 08, 2007

 
Blogger يا مراكبي said...

فى القلب

أنا اللي بأشكرك على زيارتك مرة تانية وإن شاء الله نكون في إنتظار الجديد عندك

أهلا بيكي

الأحد, يوليو 08, 2007

 
Blogger سكتم بكتم said...

أتجوز تاني وأرقص تانجو براحتك
الحاجة دي مفيش منها أمل غير في تربية الأولاد تربية صالحة وأطعامهم وأطعامك والأهتمام بك وبأولادك

ودي زي ماحضرتك شايف كلها حاجات ثانوية
المهم دلوقتي التانجو

بالحق هو أية الفرق بين التانجو والصلصة وهل الصلصة دي غير صلصة الطماطم بتاعتنا

وشكرا

الأحد, يوليو 08, 2007

 
Blogger مدونة كسبان said...

ياباش مهندس
طريقة كتابة الموضوع جميلة جدا

فعلا مش معقول كل حاجه محشى فى محشى
لازم يبقى فيه مشاعر زى دى
لازم يبقى فيه حاجه جديدة
لازم يبقى فيه تغير
وجميل اوى ان انت تفكر فى حلجه زى كده
تخلص المحشى بس وبعدين ابقى كلمها تانى

كلهم بيقولوا كده فى الأول والكلام الحلو بيتحول

الأحد, يوليو 08, 2007

 
Blogger zordeak said...

ههههههههههههه


تانجو مين يا عم

صلى عالنبى


ده انا اتكسف اقول كده لخطيبتى
ده لو خطبت يعنى

مش لمراتى

بيتهيألى هيا كان ممكن تلبسك حلة المحشى

ربنا يخليلك الاولاد

:D

على فكرة

i tagged u

:)

الأحد, يوليو 08, 2007

 
Blogger Rania said...

تانجو ايه الى انت جاى تقول عليه
؟
انت عارف قبله معنى التانجو ايه؟
ايييييييييييييييه؟
:))
يلا اهو كله لف بقى :))
يا بشمهندس احمد يعنى نقطع نفسينا هنعمل كله فى وقت واحد
طيب كنت خلى الموضوع بعد المحشى على الاقل كان هيبقى موضوع مهضم
:D
تحياتشى

الأحد, يوليو 08, 2007

 
Blogger mo'men mohamed said...

هههههههههههههههههههههه
يا راجل حد يرقص تانجوا فى السن ده
\بلاش
بقى جانب حلة المحشى مكان شاعرى ولا ده وقت شاعرى برده
على العموم
كويس ان فى حد لسه بيحاول يقعد ما مراته فاعده شاعرية
بس برده مش جانب حلة المحشى
ههههههههههههههههههههههه
السلام عليكم

الأحد, يوليو 08, 2007

 
Blogger mohand said...

السلام عليكم
هههههههههههههههههههه
الصراحه هي عندها حق
يعني بعد كل اللي انت شايفه دا كله وبتدور علي التانجو
الله يكون في عونها
ويديها الصحه
تحياتي لك
انا اول مره ادخل هنا بس بشوف تعليقاتك من زمان
بس مدونة متميزه تحياتي مره تانيه

الأحد, يوليو 08, 2007

 
Blogger أحمد سلامة said...

انا اعرف اللي بيرقص تانجو ده بيبقى الحج هاني سلامة والحاجة حلا شيحة لما مبيلاقيش قدامة غير السكة دي عشان يظبط
وغالبا بيكوني في فيلم اسمه السلم التعبان
العيان يعني
-------------------------
العملية تديرجية برضو يا مراكبي
ابدأها بقعده على كورنيش ماسبيرو اللي جمب هيلتون رمسيس اللي في الكويت برضو
دور وهتلاقي
-------------------------
وعموما لو كنت فكرت شوية كنت هتلاقي انك المفروض كنت قلتلها انك عاوز تتعلم ترقص صلصة مش تانجو لان الصلصة مهمة جدا للمحشي
:)

الأحد, يوليو 08, 2007

 
Blogger تخاريف said...

ههههههه

مش ذنب الحاجه على فكره...
ذنبكوو انتوو انتو اللى تعبينها...
:)
ربنا يخليهالكووو...

وبعدين تانجو ايه..اهم حاجه المحشي...
:)

الأحد, يوليو 08, 2007

 
Blogger دنــــيــــــا مـحـيـرنـي said...

انا مش عارفه اقول ايه انا بقي هاختلف عن كل الاي فات كله بيضحك و يهزر و عايز ياكل المحش بص بقي يا بشمهندس البوست ده انا هاخده و هافتتح به اول بوست ليه في مدونتي الجديده
www.nomarried.blogspot.com
مدونتي اوعي تجوز غير لما تفهم هافصص فيها و اشرحها و ابروزها ممكن بس ما فبش زعل يارب توافق عشان المدونه ده محاوله بجد لشرح الزواج و فهمه ممكن ممكن

الأحد, يوليو 08, 2007

 
Blogger tota said...

للاسف للاسف يعني هتفق معاك لاول مره في حياتي وهقف في صفك يامراكبي
الستات قبل الجواز بيكونوا امورات وعسولات وتلاقيها زي الورده وبعد الجواز تهمل نفسها بالمره وتنشغل بمسؤليه الحياه هوه اه بيبقي الموضوع صعب عشان بتبقي ست مسؤله عن عيله ومسؤليات وكده لكن مش سبب في انها تهمل نفسها او جوزها
اصل بعد كده يقولوا اتجوز عليا ليه ماهو انت لو قلتلها خلاص هروح ارقص تانجوا مع واحده تانيه كنت لقيت كل الاهتمام منها
بس برضه يعني مش وقت مناسب وهيا بتعمل المحشي يعني ده انت قتلت الرومانسيه وذبحتها شر ذبح
بس بجد لازم الانسان يفتكر من وقت للتاني انه انسان بمشاعر واحاسيس
مش عايشين عشان نشتغل وبس
لازم يبقي فيه وقت لتتغير وللرومانسيه ولكل الحاجات والمشاعر الجميله
بوست رائع يامراكبي
سلامي ليك

الأحد, يوليو 08, 2007

 
Blogger أبو أمك said...

إنت اللي غلطان
كنت روحت اتعلمت لوحدك وسبتها
إلا صحيح..إيه التانجو ده ؟
مربى ؟

الأحد, يوليو 08, 2007

 
Blogger dr.D said...

أولا كده أنت لغبطتني يامراكبي و خلتني ألف حوالين نفسي أنا مش عرفلك القصه الحقيقيه من الخياليه بس عموما البوست لذيذ بلغة المحشي و البيض المحمر أسمه بيض مزغلل
سلامي ليك ياكبيري

الاثنين, يوليو 09, 2007

 
Blogger صاحب البوابــة said...

اين جديدك ؟؟؟

مررت لأقرأ لك فلم أجد اى جديد ايها الكسول !!!

الاثنين, يوليو 09, 2007

 
Blogger طهقان said...

يخرب بين شيطانك يا راجل

فكرتني بكاريكاتير لاحمد رجب

سسلة الحب هو

وراسم واحدة واقفة في المطبخ رابطة راسها بمنديل
وشايلة على كتفها عيل وعمالة تقلب في الحلة
والراجل جاي راكع على ركبة ونص وماسك لها وردة
وهي بتبص له كأنة اهبل او مجنون


وعمك احمد رجب كاتب
الحب هو
الرومانسية



ههههه
قطيعة
انا عارف الشباب متسربع على الجواز ليه


حووود ورك يا باشبوش

الاثنين, يوليو 09, 2007

 
Blogger امام الجيل said...

ايه ده انا علقت امبارح هو التعليقات بتتسرق اليومين دول ولا ايه
تعرف انا شايف انى دى مشكلة الازلية فى البيت المصرى الا وهى مثلا الراجل ييجى من الشغل مهدود حيله وتعبان وزوجته متراعيش ده وتنكد عليه او متستناش شوية قبل ما يدخل فى مود البيت لازم يفصل الاول وبرضه الزوج لازم يعرف انه مسئول وان تربية الاولاد وحقوق زوجته وانها طول اليوم قاعدة لوحدها عايزة ترغى برضه يا عينى لازم هو كمان يراعى والمشكلة اللى ذكرتها انه يكون عايز يغير شوية من الجو ويعمل جديد ويبعد عن الروتين ده جميل جدا هى كمان لازم تراعى ده لان الانغماس مع الاولاد من الطرفين ممكن يبعد الطرفين عن بعض شيئا فشيئا وتبقى علاقتهم عشرة وفقط وينسوا الحب اللى بينهم وده صعب جدا لازم بين كل فترة وفترة يحدث تغيير للحياة النمطية انا معاك لازم تقاتل من اجل التغيير هذا بس برضه مع اختيار الوقت المناسب ولازم تتكلموا كتير فى كده لغاية ما توصلوا لحل
على فكرة انا بستفاد جدا من مدونة حضرتك اصلى ناوى اجوز فى يوم من الايام فبحب اعرف عيشة المتزوجين بتبقى ازاى يعنى ممكن تكون ارائى كويسة بالنسبة للزواج بس الرك على التجربة برضه ولا ايه

الاثنين, يوليو 09, 2007

 
Blogger كراكيب عادل said...

يا عم انت لسة بتتكلم علي التانجو

وانا داير الف في كل المناطق علي شقة

ومش لاقي كنت هبقي في نفس حارتك بس مفيش نصيب

احدفلي عنوان كدة

انزل علية بالبراشوت

مش عارف العمارات الجديدة دي كلها مين سكن فيها متعرفش انت مين سكن فيها ؟؟

الاثنين, يوليو 09, 2007

 
Blogger يا مراكبي said...

سكتم بكتم

وطي صوتك ياعم إنت .. إيه أتجوز تاني دي؟ أنا أهو قدام الحاجة بأشجب هذا الكلام شجب جامد قوي

إبقى لاغيني عالإيميل الخصوصي بخصوص الموضوع ده

وبالنسبة لسؤال سكتم بكتم صديق البرنامج .. نحب نوضح إن الفرق بين التانجو والصلصة هو نفسه الفرق بين اللي كان بيحب المشمش ودلوقت بيموت في المانجا

الاثنين, يوليو 09, 2007

 
Blogger يا مراكبي said...

مدونة كسبان

أشكرك على إطراءك

هي طبعا الحياة الزوجية مش كلها محشي في محشي .. أحيانا بيبقى فيه شوية ملوخية على شوية فتة

ما تعرفش إنت أي إتنين متجوزين رقصوا تانجو قبل كده وألا دي حاجة في أفلام الخيال العلمي؟

الاثنين, يوليو 09, 2007

 
Blogger يا مراكبي said...

zordeak

مكسوف ليه بس يادكتور؟ هو التانجو ده حاجة قبيحة وألا حاجة؟ ده زيه زي نداء الطبيعة بالظبط

وأنا ما أعتقدش إن الحاجة ممكن تلبسني حلة المحشي .. المحشي هيصعب عليها بعد ما تعبت فيه

:-D

الاثنين, يوليو 09, 2007

 
Blogger يا مراكبي said...

Rania

ياسلام عليكي يا ثومة

أعد .. أعد

ياستي لا تقطعوا نفسكم ولا حاجة .. نخلي المحشي في يوم .. والتانجو في يوم تاني .. اليوم التاني ده طبعا مش هيكون فيه أكل خالص

:-D

الاثنين, يوليو 09, 2007

 
Blogger خمسة فضفضة said...

السلام عليكم ورحمة الله وبركاته

ايه الطمع ده
عاوز تاكل محشي و ورق عنب وكمان ترقص تانجو
هي الست هاتقطع نفسها ولا ايه

منها لله الافلام بتاع اليومين دول اللي قلبت دماغ الرجاله وخلتهم كلهم عاوزين يرقصوا تانجو

الاثنين, يوليو 09, 2007

 
Blogger شـــــهــــروزة said...

طيب يعنى لما نفسك تتعلم تانجو

مش تختار الوقت اللى تقوللها على حدوتة التانجو؟؟؟؟؟

حد يقترح تانجو وسط حلة ورق عنب؟؟؟؟؟؟

وقال اية؟
ترجع الرجالة تشتكي من حريمها

قال تانجو وسط حلة ورق عنب قال

انت تحمد ربنا ان الحلة لم تشق طريقا الى رأسك المصون

نيااهااهاااااا

الاثنين, يوليو 09, 2007

 
Blogger رينـــــــــــا said...

الرقصه الوحيدة اللى كان نفسى اتعلمها
انا بعشق الرقصه والموسيقى بتاعتها
تجنن
ان شاء الله توافق:Dوتيجى معاك

الثلاثاء, يوليو 10, 2007

 
Blogger Sharm said...

يا سيدي عمرو ديبا لسة منزل اغنية الليلة دي و ارقص عليها تانجو للصبح

الثلاثاء, يوليو 10, 2007

 
Blogger يا مراكبي said...

mo'men mohamed

مالو السن ده بس يا عم مؤمن؟ الكلام ده بأسمعه في البيت كتير وأنا لسه مقتنع إني لسه صغنون

وبعدين حلة المحشي دي منتهى الشاعرية اللي في الدنيا .. إسألني أنا .. وبالذات لو باللحمة

الثلاثاء, يوليو 10, 2007

 
Blogger يا مراكبي said...

mohand

وعليكم السلام ورحمة الله

دي خطوة عزيزة .. أهلا بيك

وبعدين المفروض إنك تنصر أخوك الرجل ظالما أو مظلوما .. هتشمت فينا الجنس الآخر كده

:-D

نورتني

الثلاثاء, يوليو 10, 2007

 
Blogger يا مراكبي said...

أحمد سلامة

هههههههه

بقى الحاج هاني سلامة كان بيرقص مع الحاجة حلا شيحة عشان يظبط؟ يظبط إيه بالظبط؟

أصل أخوك جاهل في الحاجات دي

وبعدين أجدعها كورنيش هنا في الكويت على النيل بتبقى درجة الحرارة ما تقلش عن 45 .. ماينفعش التدريج ده هنا خالص

أنا هابدأ زي ما أنت قلت .. هابدأ بالصلصة .. كده ممكن أقنعها

بس إيه يظبط دي؟

الثلاثاء, يوليو 10, 2007

 
Blogger يا مراكبي said...

تخاريف

أهلا بيكي يا دكتوره

وبعدين أنا ما تعبتش الحاجة في حاجه .. أنا كنت قاعد ساكت ومؤدب والله

وطبعا ربنا يخليهالنا .. علشان خاطر المحشي

نورتي

الثلاثاء, يوليو 10, 2007

 
Blogger يا مراكبي said...

دنــــيــــــا مـحـيـرنـي

فكرة جريئة جدا .. أهنيكي عليها

المدونة كلكها تحت أمرك .. وكمان هتلاقي موضوعات يوميات متزوج الأولى والتانية موجودة في الأرشيف في شهر فبراير واليوميات التاتلتة في شهر مارس
ربنا معاكي عالمهمة الجامدة دي

الثلاثاء, يوليو 10, 2007

 
Blogger koukawy said...

هو التانجو واخدك عننا و لا ايه
فينك ؟؟
عايزين بوست في السربع

الثلاثاء, يوليو 10, 2007

 
Blogger الدبور said...

هو مش تانجو ده عصير برضو فيه منه بطعم البرتقال
ولا ايه
عدنا الي مصر حمد لله علي سلامتي

تحياتي يا باشمهندس

الثلاثاء, يوليو 10, 2007

 
Blogger يا مراكبي said...

أصدقائي الأعزاء

أشكركم جدا على سؤالكم عني .. أنا بس مشغول حبتين في سفرية كدة عالماشي وهأرجعلكم على طول

أصل موضوع التانجو ده عايز قعده

الأربعاء, يوليو 11, 2007

 
Blogger حــلم said...

عزيزى المراكبى
ليس كل ما يتمناه المرء يدركه.. وخصوصاً بعد أكلة المحشى إياها
الحقيقة التانجو جميل مفيش كلام
بس ما كانش ينفع تتواضع فى أحلامك شوية وتخليها سلو عادى كدة
ساعتها كان ممكن يُنظر فى أمرك
:)

دايماً كدة يا رجالة حاطين العقدة فى المنشار
:)

الأربعاء, يوليو 11, 2007

 
Blogger امرأة تقول الذي لا يقال said...

بص يا تختار المحشي يا تختار التانجو

بس تانجو ومحشي متجيش

وبعدين الست بتعمل محشي وكل عيل لة طلب بزمتك فية مجال لتعلم التانجو

:)



انا مع رأي عادل جداااا
ومش عارفة ليه حسيت ان الرجل في البوست ده أناني

الخميس, يوليو 12, 2007

 
Blogger طـعـمـة said...

هو كان محشي إيه ؟
أصلها تفرق :)

الخميس, يوليو 12, 2007

 
Blogger يا مراكبي said...

tota

أخيرا وافقتيني مرة .. الحمد لله

طيب ما دام كل البنات عارفين الموضوع ده زي ما إنتي عارفاه مسبقا كده .. أمال ليه كلهم بيتفقوا على الإهمال ده بعد الجواز؟

أنا هأجرب موضوع إني أقول لها إني هأرقص مع واحدة تانية ده .. بس لو جرى لي حاجة يبقى إنتي السبب

وعلشان خاطرك هأبعد عن كل أوقات الطبيخ والمحشي .. ولو إني شايف إن وقت المحشي ده وقت رومانسي جدا

الخميس, يوليو 12, 2007

 
Blogger يا مراكبي said...

أبو أمك

نشكر السيد الزميل على موضوع إني أتعلم التانجو لوحدي .. أنا حبيتك لله في لله

وبالنسبة لسؤال السيد الزميل .. سبق إننا وضحنا في تعليق سابق إن التانجو مش مربى .. ده أحد أنواع المكرونة بالباشاميل

الخميس, يوليو 12, 2007

 
Blogger يا مراكبي said...

dr.D

هههههه

ولا لخبطة ولا حاجة .. هو شوية حقيقة على شوية تأليف بيمشي الحال وتقدر تحس بالموضوع أكتر

أما البيض المزغلل فده بيكون بالزيت لكن البيض المحمر بيكون بالسمنة .. لذا لزم التنويه

الخميس, يوليو 12, 2007

 
Blogger يا مراكبي said...

صاحب البوابــة

أشكرك جدا على سؤالك عني .. في الحقيقة هو مش كسل .. هو إنشغال جامد جدا .. وبإذن الله هأرجع قريب جدا للمتابعة

الجمعة, يوليو 13, 2007

 
Blogger يا مراكبي said...

طهقان

أيوة أنا فاكر كاريكاتير أحمد رجب ده بتاع الحب هو الرومانسية ده .. معلش بتيجي عالواحد لحظات خيال علمي كده وبتروح لحالها على طول .. أوعدك آخر مرة .. سامحني

أنا جاي عندك حالا .. اللهم إجعله خير المرة دي

الجمعة, يوليو 13, 2007

 
Blogger يا مراكبي said...

امام الجيل

ده إيه الكلام الجامد ده كله؟ وكمان لسة ما إتجوزتش؟ أمال لما تتجوز هتعمل إيه؟ هتصدر كتاب عن الزواج؟

بجد بجد أحييك على الآراء الصحيحة دي وياريت فعلا تتفاهم فيها مع زوجة المستقبل من الأول .. وذقني أهي لو عملت حاجة من اللي إتفقتوا عليها

:-D

نورتني

الجمعة, يوليو 13, 2007

 
Blogger يا مراكبي said...

كراكيب عادل

العمارة اللي أنا فيها فوق مطعم إسطانبوللي في شارع عمان هتلاقي فيها شقق فاضي .. أنا متأكد من كده

وكمان هتلاقي في العمارات اللي ورانا في شارع يثرب وكده

بس خير .. بتدور على سكن ليه؟ بيتكم وقع؟

أسيبك بقى علشان هأرجع للتانجو .. يمكن ينفعنا

الجمعة, يوليو 13, 2007

 
Blogger احمد رفعت said...

ههههههههههههههههههههههههه

بجد جميل جميل جميل

انا فطسان على روحي من الضحك انا كنت بحب التانجو دلوقتي لاقيته اختلط ببيض وبي بي وحد بيشطف .

انا مش مصدق .

ههههههههههههههههه

بجد بوست جميل

وبعدين محش مع التانجو مظنش

الجمعة, يوليو 13, 2007

 
Blogger sarah la tulipe rose said...

حد يفكر في التانجو و هو شايف المحشي
بس اخباره ايه صحيح ..المحشي مش التانجو؟!

الجمعة, يوليو 13, 2007

 
Blogger Hannoda said...

إسمحلي أضيف عنوان للبوست وهو
يوميات زوج رابع مرة

ده كان أولا
ثانيا

ايه طلباتكوا العجيبة ده في أوقات أعجب

مين ده اللي دماغه في التانجو وقت لف المحشي و الأولاد في عز قرّهم اليومي

و الله إنتوا حاجة غريبة قوي

:)


عارف؟؟
أحلى حاجة في بوستاتك هو تدرّجها و تسلسلها المسلي

و بعدين النهاية أم دم خفيف اللي تفاجأك

بحب إسلوبك
وبجد ربنا يباركلك في إندماجك و إنخراطك في أسرتك بالحب و الإعجاب اللي بينطّوا من سطورك

ربنا يخليكوا يلبعض

الجمعة, يوليو 13, 2007

 
Blogger mazagat said...

بوست رائع ..


وبالرغم اني لا اعرف رقصة التانجو هذه

ولا عمر ي رقصتها


الاا اني لازم لما تجوز اتعلمها

بس قبل ما اخلف عشان معملش بيض ولا اروح الوتاليت مع العيال او امهم تروح معاهم



تحياتي




... مزاجات

الجمعة, يوليو 13, 2007

 
Blogger مريم said...

كفاية عليك تانجو حلة المحشى وهى اصلا بالصلصة
بلا وجع رجلين

الجمعة, يوليو 13, 2007

 
Blogger يا مراكبي said...

خمسة فضفضة

وعليكم السلام عليكم ورحمة الله وبركاته

أنا ممكن أستغنى عن المحشي علشان خاطر التانجو .. يمشي الحال كده؟ شفتي أنا مش طماع إزاي؟

:-D

وبعدين العيب مش في الأفلام يا دكتورة .. ده الستات اليومين دول عندهم قصر تانجو

:-D

نورتي

السبت, يوليو 14, 2007

 
Blogger يا مراكبي said...

شـــــهــــروزة

أنا مش فاهم ليه إنتوا أجمعتوا على إن وقت المحشي ده وقت مش مناسب؟ أنا شايف إنه شاعري جدا جدا

وبعدين أنا مش بأشتكي من مراتي ولا حاجة .. الشكوى لغير الله مذلة . .وكفاية كده لحسن هأعيط خلاص

:-D

السبت, يوليو 14, 2007

 
Blogger ibnyosry said...

بص يا مراكبى
أنت لو بتكتب الموضوع ده من باب أنك بتالف
يعنى كتابه أدبيه
أقولك رائع جميل
أنما لو تحمل هذة القصه طيات ألم حقيقى أنت تعيشه
أقولك استنى شويتين عليه

الجاب كبير
مابين المحشى والتانجو
متجيش كده

السبت, يوليو 14, 2007

 
Blogger اسلام رفاعى said...

ياه من فترة مقرأتش قصصك ولاعلقت عليها وحشتنى كتاباتك الجميلة اعذرنى النت الجهاز كان عطلان

السبت, يوليو 14, 2007

 
Blogger shreef said...

مش عارف والله يا بشمهندس لو انا مكان الحاجة و جوزي جاي يقولي كدا وسط الهيصة ديه كلها كنت لبسته حلة المحشي في دماغوا...تانجو ايه دلوقتي انا عايز اعرف..بس بجد حلوة منك..سلام

السبت, يوليو 14, 2007

 
Blogger М€ŝЋМΣŞĦ said...

انا شايف انك بتثير مشكله مهمه جدا في الوسط المصري , مشكله انشغال الاسره بامور البيت دون الركون الي لحظه من الرومانسيه بين الوقت و الاخر

التحول الي الجانب العملي بكل قوه دون العوده قليلا الي الراحه والاسترخاء من وقت للاخر

حوار جميل
وواقعي
:D

تحياتي

السبت, يوليو 14, 2007

 
Blogger No Fear said...

السلام عليكم
شكلك عملتها و رقصت تانجو متعب التانجو شكله كده

السبت, يوليو 14, 2007

 
Blogger يا مراكبي said...

رينـــــــــــا

ذوقك عالي بجد .. ربنا يسعدك وترقصيها مع الزوج العزيز

وإدعيلي بقى بالمرة بالمثل .. بس أرقص مع الزوجة مش الزوج

:-D

السبت, يوليو 14, 2007

 
Blogger يا مراكبي said...

Sharm

متأكد إن أغنية عمرو دياب دي مضمونة؟ ما ينفعش عبد المطلب؟

السبت, يوليو 14, 2007

 
Blogger يا مراكبي said...

koukawy

ياريت يا كوكو يكون التانجو .. أنا بس مسافر وبأقعد عالنت بالعافيه

عموما قربت أنزل بوست .. بس هيبقى كئيب شوية .. شوية نكد بقى

متشكر جدا على سؤالك وإهتمامك

السبت, يوليو 14, 2007

 
Blogger mohamed said...

سيبك م التانجو المحشى كان عامل ايه ياباشمهندس
ألا صحيح هو التانجو ده محشى بره

السبت, يوليو 14, 2007

 
Blogger يا مراكبي said...

الدبور

طبعا فيه منه عصير .. وإذا ما كانش فيه يبقى نجيبه علشان خاطرك

ألف حمد الله عالسلامة .. نورت خط القنال كله .. ومصر كمان

السبت, يوليو 14, 2007

 
Blogger يا مراكبي said...

حلم

ماشي .. هأعمل بنصيحتك ونجرب الكول سلو المرة دي .. جايز ربنا يكرمنا ويمشي الحال مادام التانجو مش ماشي مع المحشي

:-D

السبت, يوليو 14, 2007

 
Blogger يا مراكبي said...

امرأة تقول الذي لا يقال

فين بس الأنانية دي؟ هو الراجل كان عايز يرقص لوحده؟ بالعكس .. ده كان عايزها تشاركه في الرقصة الجميلة دي .. قصاد إنه يشاركها في أكل حلة المحشي طبعا

:-D

نورتي

السبت, يوليو 14, 2007

 
Blogger يا مراكبي said...

طـعـمـة

هو ده الكلام .. جايز نوع المحشي يفرق في الموضوع؟

نجرب محشي كوسة وبتنجان ونجرب تاني ونشوف؟

السبت, يوليو 14, 2007

 
Blogger يا مراكبي said...

احمد رفعت

خد بالك بقى علشان التانجو بقى ريحته وحشه اليومين دول

هههههه

بس مش عارف ليه الناس حاطة نقرها من نقر التانجو بالمحشي؟

:-D

أهلا بيك .. نورتني

السبت, يوليو 14, 2007

 
Blogger يا مراكبي said...

sarah la tulipe rose

المحشي بتاع الحاجة تحفة .. زيه زي كل الأكل اللي بتعملهولنا

أنا بس آكل المحشي وأنسى التانجو والدنيا واللي فيها

منورة

السبت, يوليو 14, 2007

 
Blogger يا مراكبي said...

Hannoda

متشكر قوي على الإضافة الجميلة دي وعلى متابعتك الدقيقة دي

وبعدين الأولاد بيقروا كل دقيقة يعني بقى عادي خلاص .. شوية وكده وهنروح السرايا الصفرا بسببهم .. عادي جدا

:-D

متشكر جدا على إطراءك الرقيق وشعورك الرائع

منوراني دايما

الأحد, يوليو 15, 2007

 
Blogger ibn nasser - ابن ناصر said...

هههههههههههه
يا عم هات حتة من الماحشي المهم
التانجو مش هيطير
تحياتي

الأحد, يوليو 15, 2007

 
Blogger يا مراكبي said...

mazagat

أهلا بيك

تصيحتي ليك .. إتعلم الرقصة دي قبل الجواز من أصله .. جايز ما تلاقيش وقت للموضوع ده بعد كده حتى لو لسه ما فيش عيال وبيض وبي بي

:-D

نورتني

الأحد, يوليو 15, 2007

 
Blogger يا مراكبي said...

مريم

أهلا بيكي

كويس إنك فكرتيني بموضوع وجع الرجلين ده .. أنا ما كرتش فيه قبل كده ةأبدا

بلاش تانجو بقى .. السن ليه حكمه زي ما إنتي عارفه

نورتينا

الأحد, يوليو 15, 2007

 
Blogger يا مراكبي said...

ibnyosry

هو الموضوع بين البينين .. يعني بنناقش قضية واقعية من أحد جوانب الجواز المشهورة لكن بإسلوب أدبي بيتخذ من التانجو رمز مش أكتر

أهلا بيك دايما وتسعدنا آراءك

الأحد, يوليو 15, 2007

 
Blogger مصرى said...

بيفكرني بحوار بين فردوس محمد و إستفان روستي في فيلم سيدة القصر

إستيفان روستي : تسمحيلي بالرقصة دي يا هانم
فردوس محمد : ماترقص يا خويا حد حايشك
إستيفان روستي : كده طيب لما أروح أتحزم بقى

الأحد, يوليو 15, 2007

 
Blogger shams said...

متهيئلي يا مراكبي انا عندي فكرة انت تتحجج انك رايح تعلم العيال يرقصوا تانجو و تاخدهم معاك و تروح تتعلم انت و اهي فكرة


هتشرفني زيارتك
http://masryforever.blogspot.com/

الأحد, يوليو 15, 2007

 
Anonymous Anima said...

تانجوا يا مفتري
ده بدل ما تساعدها

قال تانجو قال

ناس فاضية
هههههههههههه

الأحد, يوليو 15, 2007

 
Blogger سلسبيل said...

مادام فيه بنت وسطانيه عاوزة بيض مقلي
وبنت صغنونه عاوزة حد يفتحلها نور الحمام..
وولد كبير بيحب يتخانق مع البنتين التانيين..دا غير ان الحاجه دقيقة جدا ف عمايل المحشي
هههههههههههههههه يبقي والله مانتو متعلمين تانجو لا السنادي ولا والعشرين سنه الجايين..انا بس بحاول ارفع من روحك المعنويه مش اكتر
وانا بقول يعني ممكن تحط خطه تعليم التانجو كده لما العيال يتجوزو وتحسو ان البيت بقي هادي..دالو ماكانش حيبقي فيه احفاد بيحبو البيض المقلي برضه
بس كويس بقي انك عرفتني باللي ممكن يحصللي لو اتجوزت....خاصه اني نفسي اتعلم تانجو هههههههههه فالحق نفسي بقي...لان واضح اني حبقي ساعتها مشغوله خاالص
ربنا يخليلك الحاجه والولاد ومايحرمكمش من بعض

الاثنين, يوليو 16, 2007

 
Blogger Reemo said...

مش قلتلك قبل كده انك دماغ
تانجو مع المحشى
مش عاطفيه خالص
:D

الاثنين, يوليو 16, 2007

 
Blogger يا مراكبي said...

اسلام رفاعى

إنت تشرف وتنور في أي وقت .. وألف سلامة عالنت ولجهاز

أهلا بيك

الاثنين, يوليو 16, 2007

 
Blogger يا مراكبي said...

shreef

ههههههههه

كده برضه؟ طيب ياأخي أنصر أخاك المدون على الأقل

عموما بكرة نشوف .. كآس وداير

:-D

الاثنين, يوليو 16, 2007

 
Blogger يا مراكبي said...

М€ŝЋМΣŞĦ

أحييك .. هو ده فعلا اللي أنا بأعنيه من الموضوع ده .. لازم ما ننساقش وراء الإنشغال الدام بأمور المنزل وننسي الأيام الجميلة اللي كانت في الأول .. لحد ما تموت المشاعر جوانا

منورني بجد

الاثنين, يوليو 16, 2007

 
Blogger حسن ارابيسك said...

الحقيقة
مهم جداً تشد إنتباه اللي قدامك الأول قبل ما تقول كلامك أو خطبتك بمعنى تسرق ودانه وبعدين تقول اللي إنت عاوزه زي تضربلك عيل تكسرلك حاجه تصرخ صرخة من بتوع طرزان أأو تمسك طبله وهاتك ياطبل وسط العيال وكله كان هايرقص وطبعاً كان هايعز عليها تقف تتفرج وهلما جرا
بعدها بقى كا ن ممكن تتكلم على التنوع والفلاحين بيرقصوا ازاي ياللي عالترعه حود عالمالح والصعايده والاسكندرانيه بيرقصوا ازاي أحيه عليكي ياللي تموتي عاذبه وعريسنا إاتجوز وانتي زي الجزمه والمقاهريين بيرقصوا ازاي إدحرج واجري يارمان وتعالى على حجري يارمان والبدو بيرقصوا ازاي ياعيني عالبدويه يامالك عالبدويه البدويه بدلعها كلت النخله ببلحها وهلم جرا
شوف الآولاد إزاي كانوا أذكياء كل واحد عمل عامله شدة إنتباه الحاجه
رقم اتنين في إعتقادي إن اختيارك لنوع الرقص هو اللي ما لفتش نظر الحاجه وعلى راي صاحبنا المدون اللي قالك هو تانجو ده مربى ولا أيه
ثالثاً أنت تخاطب حواء الشرق وليست حواء الغرب
المهم حاول تاخد الموضوع بالتدريج يعني اتكلم عن الرقص الشرقي وبعد كده خش في رقصة الحجالة يعني واحدة واحده لحد ماربنا ياخد بإيديكم ونشوفكم اشهر ثنائي في رقصة التانجو
الوقت ختياره مهم جدا يعني انت بتكلم الحاجه وقت لحظة من لحظات إبداعاتها وهي عاميل المحش ولف المحشي يعنى تلاقيها كانت سامعه كل حاجه ومطنشه وكان نفسها بدل ما تلف صوابعها على المحشى تقوم تلفها حوالين رقبتك وتخنقك لكن ربنا كان بيحبك ويبعتلك كل شوية عيل ينقذك فكانت كل ماتيجي تنفذ فكرتها يطلعك عيل ينجدك منها
خلي بالك لاتحضرلك الأكياس وسكاكينها تسنهم
ياعم خد بنصيحتى وابعد عن الحريم وشرهم

الاثنين, يوليو 16, 2007

 
Blogger يا مراكبي said...

No Fear

وعليكم السلام

أنا لا رقصت تانجو ولا رقصت عالسلم حتى .. أنا ركزت في المحشي وجمال المحشي وسلمت أمري لله

الثلاثاء, يوليو 17, 2007

 
Blogger يا مراكبي said...

mohamed

التانجو محشي طبعا

بس مش هينفع نتكلم بالتقصيل عن الموضوع ده لأن الحكومة مفتحه عينيها شوية اليوكين دول

وأبودومة والدفاس هما اللي كانوا بيفهموا في الموضوع ه

:-D

أهلا بيك

الثلاثاء, يوليو 17, 2007

 
Blogger يا مراكبي said...

ibn nasser - ابن ناصر

مادام كل الناس إهتمت بالمحشي .. يبقى ده دليل على إن مراتي إنسانة طبيعية وأنا اللي مش ولا بد .. مش كده؟

:-D

عموما هأبعت لك كام صباع بال دي إتش إل بس إنت إبعت لي العنوان

:-D

الثلاثاء, يوليو 17, 2007

 
Blogger يا مراكبي said...

مصرى

ههههههه

طبعا المفروض إني أنا إستيفان روستي مش فردوس محمد .. صح وألا لأ؟

:-D

الثلاثاء, يوليو 17, 2007

 
Blogger يا مراكبي said...

shams

فكرة مش سليمة أبدا .. أولادي دول فتانيين وبيروحوا يحكوا ليها على كل حاجة وما بيتبلش في بقهم فوله .. يعني هيحكولها عن البنت اللي هأرقص معاها وهتبقى ليلة كوبيا

وأنا مش هأرقص مع راجل زيي طبعا

وش بيغمز

أهلا بيك وأنا جاي عندك حالا

الثلاثاء, يوليو 17, 2007

 
Blogger يا مراكبي said...

Anima

ما أنا ساعدتها في أكل المحشي .. إنتي فاكراني كنت قاعد ساكت ما بأعملش حاجة؟

:-D

الثلاثاء, يوليو 17, 2007

 
Blogger يا مراكبي said...

سلسبيل

مش عارف أشكرك إزاي على إنك رفعتي من روحي المعنوية بالشكل ده .. يعني هانت كلها عشرين سنة وأتعلم التانجو

يعني أكون داخل على سن المعاش

ههههه

إلحقي نفسك بقى اليومين دول لحسن تخشي في في حكاية العشرين سنة دي

بأرفع من روحك المعدنية أهو

:-D

الثلاثاء, يوليو 17, 2007

 
Blogger يا مراكبي said...

Reemo

أنا فعلا كنت عامل دماغ محشي ورق عنب .. أصل ريحته بتسطل جامد

:-D

الثلاثاء, يوليو 17, 2007

 
Blogger يا مراكبي said...

حسن ارابيسك

ههههههههههههههههه

أنا مش عارف أقول إيه وألا إيه على تعليقك المبدع ده .. ده أحسن بكتير من البوست اللي أنا كتبته

أول مرة آخد بالي من إن الأولاد أنقذوني من مرمطة محققة وقلة قيمة .. الحمد لله

:-D

عموما نصايحك دي كلها على رآسي من فوق .. وأنا فعلا قررت أبدأ برقصة لمجنونة يابا يابا عالمجنونة .. أهي بداية رومانسية ومشجعة

:-D

الثلاثاء, يوليو 17, 2007

 
Blogger أحمد سلامــه said...

طولت الغيبة المرادي

الأربعاء, يوليو 18, 2007

 
Blogger نـــــــور said...

هههههه بجد رائعة كعادتك دوما

بس أخبار المحشي ايه؟ اكيد حلو أدام من ايه الحاجة :D

تحياتي لك

الأربعاء, يوليو 18, 2007

 
Blogger الأباصيرى said...

وينك أنت صديق

أنا يدور منى منى يشوف أنت وين مايحصل

ميشان خاطر انا صديق
أنا يبى شوى شغل داخل بلوج مال انت

أوك

الأباصيرى - المالية - مجمع الصالحية
جنب شوية هنود قاعدين بيرغوا

الأربعاء, يوليو 18, 2007

 
Blogger أميرة ويلز said...

هههههههههههه

اللى محيرنى حاجة واحدة بس

بصرف النظر عن المحشى ايه خلاك تحس ان الوقت مناسب للكلام الشاعرى

وبعدين تانجو ايه بس المحشى اهم

الخميس, يوليو 19, 2007

 
Blogger فى القلب said...

أيه فينك
كل ده بتتعلم تانجو
فين جديدك

الخميس, يوليو 19, 2007

 
Blogger نفسنا said...

ندعوكم لزيارة العدد الثالث من مجلة نفسنا

الخميس, يوليو 19, 2007

 
Blogger يا مراكبي said...

أحمد سلامة

أنا متشكر جدا على سؤالك عني .. كلك ذوق

في الحقيقة أنا فعلا غايب لأني مشغول جدا في سفريتي المره دي .. إن شاء الله أرجع قريب

الخميس, يوليو 19, 2007

 
Blogger يا مراكبي said...

نـــــــور

متشكر جدا على إطرائك

المحشي طبعا رائع .. لازم أقول كده

:-D

نورتيني

الخميس, يوليو 19, 2007

 
Blogger يا مراكبي said...

الأباصيرى

هلا والله .. صديق مال أنا

أنا شوي سافر وفيه كتير شغل

أنا ما ييجي مني مني

ههههههه

إوعى تهز رأسك يمين وشمال

الخميس, يوليو 19, 2007

 
Blogger يا مراكبي said...

أميرة ويلز

إزاي بس مش واخده بالك من الجو الشاعري ده؟ أمال أميرة ويلز إزاي؟ ده هو ده الوقت اللي هو .. جربي كده محشي الكوسة وإنتي تعرفي

وعلشان خاطرك .. المحشي أجدع ناس

الخميس, يوليو 19, 2007

 
Blogger يا مراكبي said...

فى القلب

أنا في الدنيا .. بس مشغول كتير .. وطاير مش ثابت

أشكرك جدا على سؤالك عني .. والجديد قريب إن شاء الله

الخميس, يوليو 19, 2007

 
Blogger يا مراكبي said...

نفسنا

متشكر جدا على دعوتكم الكريمة .. ومبروك العدد الثالث

الخميس, يوليو 19, 2007

 
Blogger Tigress said...

المراكبى
اول مرة ادخل على مدونتك بناء على نصيحة ارابيسك، مدونة شيقة دا فيها روح مصر ودلوقت
ليس لدى جديد اضيفه فى موضوع المحشى، ولكن بما انى لسة متفرجة على عطر امرأة وفيه مشهد تانجو عبقرى
فانا اوؤيد التانجو لكن لازم تختار وقت مفهوش محشى وتكون مزحلق العيال.. مشكلة الرجالة انهم عاوزين كل حاجة طريقتهم ووقتهم واما نبقى احنا محشى
حظ موفق فىى موقعك الجديد ومرارة الغربة

الأحد, يوليو 22, 2007

 
Blogger يا مراكبي said...

Tigress

أهلا بيكي وبأشكر العزيز أرابيسك على التكريم الرقيق ده

إطرائك ده وسام على صدري .. ولو تساعديني في موضوع زحلقة العيال ده يبقى كتر ألف خيرك ويقعدلك في عافيتك وفي أيام المحشي برضه إن شاء الله

نورتينا

السبت, يوليو 28, 2007

 
Anonymous غير معرف said...

المهم انت مش قلت اخبار المحشي ايه ؟؟؟
انا كمان نفسي اتعلم صلصا... علشان احطها علي المحشي ،، ياراجل مش تختار الوقت المناسب لفتح باب موضوع مهم كده ،، يعني مثلا وهيا بتنشر الغسيل ولا وهيا بتحمي العيال .. مش تقوللي ورق عنب
مها ربيع ،، بدون بلوج حتي اشعار اخر

الاثنين, يناير 14, 2008

 
Blogger يا مراكبي said...

مها ربيع

أان مش عارف أشكرك إزاي على النصيحة دي .. صح كده .. وهي بتنشر الغسيل .. هو ده الوقت المناسب .. أو وهي بتحمي المفعوصة الصغيرة ومغرقاها من فوق لتحت

ربنا يكرمك على النصايح الغالية دي

الاثنين, يناير 14, 2008

 
Blogger max.adams said...

يا سيدي الست في غاية الديموقراطية بتخلي الظروف المحيطة تقولك الاجابة بدل هي ماترفض و تزعلك الست تشكر البنات و الولاد أهم عندها من أي موضوع تاني
بس انت ممكن ترقص تانجو مع المدربة وتيجي تعلمها في البيت وعشان هي ماتزعلش قلها كنت برقص مع المدرب أصل المدربات مابيتكشفوش على رجاله

بوستك غاية في الروعة و ربنا يخليلك الست حرمك

الجمعة, يناير 18, 2008

 
Blogger يا مراكبي said...

أنا عايز أبوسك على النصيحة الجهنمية دي .. صح كده .. هأرقص مع المدربة .. ومش مهم أرقص بعد كده في البيت أبدا

تحية جامدة ليك

الثلاثاء, يناير 22, 2008

 
Blogger lonlysmily said...

بيتهيالى مكنش وقته التانجو والست بتعمل المحشى.
وادام عايز تاكل المحشى يبقى مينفعش تتعلم التانجو
ولو عايز التانجو يبقى مش هتلاقى فى البيت حاجه
يارب انا بس الاقى حد يعلمنى التانجو ومش عايزة المحشى

الاثنين, يناير 28, 2008

 
Blogger يا مراكبي said...

ما هو بعد ما الواحد بيشبع من المحشي وكذا مرة .. لازم تلاقيه بيقول زيك كده: ياريت حد يعلمني تانجو

الحياة مش كلها محشي وبس زي ما أغلب الناس بتعمل

ولا كلها تانجو برضه

الاثنين, يناير 28, 2008

 
Blogger Appy said...

ههههههههههههههههههه انا قولت لما تكونوا رايقين مش محشي يا راجل حد يعمل كده عموما التانجو حلو اوي اوي وراقى جدا

الجمعة, مايو 29, 2009

 
Blogger يا مراكبي said...

Appy

ما هو ده الوقت الوحيد اللي بنقدر نقعد فيه مع بعض .. اعمل ايه بس؟

عموما من ساعتها واحنا لسة ما اخدناش خطوة واحدة تجاه الموضوع ده

السبت, مايو 30, 2009

 
Anonymous غير معرف said...

بجد انا برقص صلصه كويس ونفسي ارقص مش عارف فين بس موضوعك جامد وفعلا دي حقيقه وبتحصل في البيوت بس خو مبيبقاش عايز يرقص تانجو

الأربعاء, مارس 03, 2010

 

إرسال تعليق

Links to this post:

إنشاء رابط

<< Home