شد القلوع يا مراكبي ... مافيش رجوع يا مراكبي

الجمعة، يوليو ٢٠، ٢٠٠٧

أحبب من شئت فإنك مفارقه

وقفت مبهورا وأنا غير مصدق لما أراه .. كان هذا هو شعوري بعد لحظات قليلة من رحيل أفراد الشركة التي جاءت لتشتري أثاث منزلي في الكويت .. كان المنزل خاليا تماما كما كان عندما استأجرته منذ ثلاثة أعوام ونصف .. أجدني أتذكر قول الله تعالى: كما بدأنا أول خلق نعيده .. وسبحان الله
.
أنزل إلى الشارع وأقود سيارتي التي سأتخلص منها أيضا بعد أيام قليلة .. أمر في طريقي بالصدفة على بعض الأماكن التي اعتدت أن أرتادها لأغراض مختلفة .. أحب كل تلك الأماكن .. أتذكر كل من فيها من نماذج بشرية اعتدت عليها .. ثم أمر بعد قليل على تقاطع الطريق الدائري الرابع مع طريق رقم 30 وأتذكر ذلك الحادث المروع الذي أتى على نصف سيارتي التي كانت لدي منذ ثلاثة أعوام .. أذكر أنني خسرت السيارة ونقودا كثيرة ووقتا طويلا ضائعا في مخفر الشرطة بالإضافة إلى حالة نفسية سيئة .. لكنني خرجت منها سالما ولله الحمد
.
أتذكر كل لحظات الضيق والهوان والانكسار التي مرت علي .. ثم أبتسم وأنا أتذكر كل لحظات التفوق والنجاح .. أتذكر يوم أن ضاقت بي الأرض ثم أتى الإنقاذ الإلهي بما يشبه المعجزات .. أدركت أنه كل شيء ممكن في هذا الكون .. المهم هو اليقين بالله تعالى
.
أصل إلى مكتبي وأرى تلك الآية التي حرصت على أن أضعها على الحائط فوق رأسي مباشرة بعد أن تم ترقيتي إلى أعلى السلم الوظيفي


يراني صديقي وأنا حزين على فراق كل هذه الأشياء التي أحبها .. رغم أنني راحل بإرادتي واختياري .. يذكرني بالحديث النبوي الشريف: عش ما شئت فإنك ميت .. وأحبب من شئت فإنك مفارقه .. كلام رائع هون علي كل لحظات الفراق .. وصدق رسول الله

.

وماذا بعد؟ سأذهب إلى مطار الكويت بعد أيام قلائل لأستقل الطائرة التي ستمثل الرحلة الدولية رقم 53 بالنسبة لي .. لأذهب إلى دولة أخرى وأبدأ تغريبه أخرى جديدة .. مافيش رجوع يامراكبي وألا إيه؟

التسميات:

68 Comments:

Blogger zordeak said...

ايه يا باشمهندس

مالك حزين كده ليه ؟

ربنا معاك ويوفقك يا رب

انت مش كنت قايل انك هترجع مصر فى شهر تمانية

رايح فين بقى دلوقتى ؟


فكها كده يا راجل وهتلاقى ربنا يكرمك عالاخر ويسعدك دايما

مستنيك بقى تقولى راجع مصر امتى ؟

بذمتك موحشتكش ؟

:)

الجمعة, يوليو ٢٠, ٢٠٠٧

 
Blogger عدى النهار said...

ربنا يوفقك يا مراكبى إنت والأسرة فى المكان الجديد

الجمعة, يوليو ٢٠, ٢٠٠٧

 
Blogger Gid-Do - جدو said...

اخى الحبيب احمد

انا معاك فى كل مشاعرك ويمكن انت قريت البوست الاخير عندى ـ لكن الحمد لله انت بخير واسرتك بخير ورايح على شغل والعالم اصبح قرية صغيرة كلنا مع بعض مهما كانت خطوط الطول والعرض اللى احنا موجودين عندها ـ منتظرين نسمع منك دايما ـ انا قضيت اربع سننين فى دولة عربية ـ فى بيت واحد ـ ومنها على امريكا تلاتاشر سنة فى مدينة نيويورك ـ ومنها على ولاية تانية ومدينة تانية ـ تسع سنوات ـ ومنها على تكساس ست سنوات ـ وقريب باذن الله على التقاعد مش عارف فين ـ تتعرف على ناس وتحبهم وترتبط حتى عاطفيا بالسكن بتاعك وتفارق كل كل ده الناس والمكان وتتالم لكن ترجع تعيد دة مرة والتانية ـ سنة الحياة ـ نتمنى ليك الخير يااحمد وانشاء الله تكون نقلة خير ـ تحياتى

الجمعة, يوليو ٢٠, ٢٠٠٧

 
Blogger dr.Roufy said...

هي الحياة

فراق..قُدر..قبل اللقاء

هي الحياة..ودوام أي حال من المحال

احبب من شئت..فانك مفارقه

تلك هي فلسفة الحياة...المبهرة

الجمعة, يوليو ٢٠, ٢٠٠٧

 
Blogger كراكيب عادل said...

زي ما توقعت وزي ما خمنت

ياااااه انا دة احزن بوست قريتة مش ليك انتي بالمرة

دي شقتك الي رحنا شوفناها عند الحارس سليم الخلوق دة صح ولا لا؟؟
وتعرف كمان انا بالصدفة لما قالولي افتكرت لما جيت ووقفت تحت ونزلت لي في الشارع مكنتش اتخيل اني هجي هنا تاني علشان اسكن يعني انا سكنت جنبك علطول وانت سبتني اية الي بيحصل دة واية الصدف دي

بجد بجد مفيش حد يعرف اية مقدر لية بكرة ولا حتي بعد ساعة

يهون عليك تمشي يا اخي دنا كنت حاسس انك جنبي هنا هتتغرب تاني من جديد

اقولك كفاية كدة لازم ابقي اسمع صوتك

الجمعة, يوليو ٢٠, ٢٠٠٧

 
Blogger اسكندراني اوي said...

يا مراااااكبي

خلتي اعيط في ايه يا عم
هي اول مره نتغرب
ولا اول مره نفارق
عشينا مع ناس سنيين
وفارقناهم
ممكن بالاجساد لكن الارواح لسه بتتقابل
على فين المره دي يا جميل
وزي ما قالك جدو
كلنا مع بعض
حنشوف بعض ونتقابل
انا عارف ومقدر تمااااما والله اللي بتمر بيه
وربنا يهونها عليك وعلينا

تحياااااتي

الجمعة, يوليو ٢٠, ٢٠٠٧

 
Blogger Xee said...

ربنا يوفقك يا احمد في المكان الجديد، و صدقني لما تيجي تسيب المكان الجديد في يوم من الايام هتحس بنفس الاحاسيس
دي سنة الغربة للأسف

تحياتي
و بالتوفيق ان شاء الله

الجمعة, يوليو ٢٠, ٢٠٠٧

 
Blogger سكتم بكتم said...

الذكريات هي ما يجعل الوطن وطن
والأصدقاء أصدقاء والأهل أهل
هي مايجعل للهواء رائحة وللماء طعم و للحياة مذاق
تأكد أنك ماشي وشايل معاك الذكريات
تأكد أن كل خطوة حصلتلك وكل موقف حصلك هو محفور في نفسك وقلبك وعقلك
وأنك واخد حتة من الزمان والمكان معاك وأنت ماشي
ربنا يعينك

الجمعة, يوليو ٢٠, ٢٠٠٧

 
Blogger مدونة كسبان said...

اللى أثر فيا اوى ان انت بتعد
الرحلات

انت بتعد الرحلات يامراكبى؟؟

53
يامراكبى

ليه يامراكبى

دموعى تكمل التعليق بقى علشان مش قادر اكمل تعليق

الجمعة, يوليو ٢٠, ٢٠٠٧

 
Blogger Amr Ahmed said...

ربنا يوفقك يا باشمهندس


هي دي سنة الحياة

الجمعة, يوليو ٢٠, ٢٠٠٧

 
Blogger صاحب البوابــة said...

حقاً انا حزين لحزنك

:(

عش ما شئت فإنك ميت .. وأحبب من شئت فإنك مفارقه ..

كم اعجبتني تلك الكلمات المؤثرة

تحياتي اخي الغالي وارجوك لا تحزن

الجمعة, يوليو ٢٠, ٢٠٠٧

 
Blogger gohayna said...

مراكبي


علي قد ما بتمنالك الحياه السعيده انت واسرتك الكريمه
وشغل جميل وراحه دائمه

علي قد ما هزعل انك هتسيب الكويت والله

ان شاء الله ربنا يكتبلك كل الخير في اي مكان تروحه
وافكرك بالكحلمه الي قولتهالي في بوست السفر بتاعي
انك هتلاقي راحتك بعد وقت قليل ان شاء الله

ترجع لبلدك بالف سلامه يا مراكبي

ابقي طمني عليك ياريت

لا اله الا الله

الجمعة, يوليو ٢٠, ٢٠٠٧

 
Blogger tota said...

يااااااه يامراكبي
اول مره المس جواك كل الحزن ده
ربنا يهون عليك غربتك
وبعدين يعني احنا وراك وراك انشاءالله تروح حتي كوالالمبور مش هنسيبك في حالك
بتمنالك الاستقرار وراحه البال ياأحمد وانك ترسي بمركبتك يامراكبي كفاياك
سلامي ليك

الجمعة, يوليو ٢٠, ٢٠٠٧

 
Blogger hebaz said...

ايه يا مراكبى الحزن دة كلة؟ أول مرة نشوفك حزين :(
بس مفيش أبلغ من كلام الرسول علية الصلاة و السلام
احبب من شئت..فانك مفارقه
سبان الله هو دة حال الدنيا و كمان الانسان بيهدأ و بيعتاد على الجديد ليتحول القديم لذكرى قريبة ثم بعيدة
أتمنى لك كل التوفيق و للأسرة كلها طبعا :)
بس صحصح أنت مقلتش مسافر فين؟

السبت, يوليو ٢١, ٢٠٠٧

 
Blogger shaimaa said...

معلش
بكره ترجع مصر تنورها

السبت, يوليو ٢١, ٢٠٠٧

 
Blogger فى القلب said...

كلنا معاك يا مركبى
مطرح ماطروح يامركبى
حتى لو فى الهند
برده وراك
الحمدالله أنك فاكر نعم ربنا ووأفته جنبك
عشان كده عمرك ما هتحس بالضيق لانه ديما برده هيكون جنبك
وبعدين يا سيدى كلها أرض ربنا
ولايهمك دى مشاعر مؤقته
تداعيات الرحيل
أن شاء الله هتكون مبسوط أكتر فى المكان ألى أنت رايحه له
وهتكون أعلى شأننا
بكره تأول فى القلب ألت
أصل أنا فيه شئ لله
البوست الجاى
طمنا عليك ضرورى وبسرعه
بندعيلك وأحنا بنصلى

السبت, يوليو ٢١, ٢٠٠٧

 
Blogger Esmeralda said...

ربنا يكرمك فى اى حته يا احمد
بس لو كنت مسافر حته غير بلدك ما هى برضه غربه فى كل الاحوال
بس باين عليك من النوع العشرى اللى بيرتبط بالاشياء و الاماكن

السبت, يوليو ٢١, ٢٠٠٧

 
Blogger خليك فى البيت said...

خليك فى البيت يوم 23 يوليو لمعرفة التفاصيل أدخل مدونة خليك فى البيت

السبت, يوليو ٢١, ٢٠٠٧

 
Blogger امام الجيل said...

ما شاء الله ربنا يكرمك فعلا اذا الواحد فكر بس فى لحظات الحزن اللى بيعيشها ومدمجش فيها علطول لحظات الامل والانتصار هيعيش تعيس وهيكون هو سبب تعاسته بس لازم نفتكر ده وده وجميل اوى ان الترقى لاعلى مستويات السلم الوظيفى منسكش ان الملك بيد الله ينزعه وقتما شاء ويعطيه لمن يشاء فعلا محتاجين جدا اننا نتذكر ربنا فى كل لحظات حياتنا هو اللى هيعينا ويذكرنا ربنا يوفقك فى حياتك وتفضل تدون من اى دولة تانية مستنينك

السبت, يوليو ٢١, ٢٠٠٧

 
Blogger اعشق فى اليل ضوء القمر said...

هييه دنيا
لا الواقف واقف ولا المسافر مسافر
معلش هى ديه الحياة
الغربه مش لازم بتكون وأنت بعيد عن بلدك ممكن تكون الغربه عن حاجة أنت بتحبها أو أتعلقت بيها
يعنى ممكن واحد عنده عربيه مطلعه عينه وكل شويه بيصلحها وقرفاه على الأخر
لكن بيكن لها مواقف جميله
إن شاء الله سفرك فيه الخير ليك
وكفايه كده رغيت كثير
تصحبك السلامه

السبت, يوليو ٢١, ٢٠٠٧

 
Blogger الأباصيرى said...

ما أشبة اليوم بالبارحة

عارف البوست دة فكرنى بأية
فاكر أول بوست ليك فى المدونة دى
:(


شد القلوع يامراكبى
معلش ياعم أحمد الغربة دى بحر ملوش شط .. ومادام شديت القلوع يبقى خد من دة كتيييييييييييييير

أحتمال انا كمان اشد القلوع برة الكويت وبرة الدول العربية كلها

ياعم مش هتفرق كتير
رب هناك هو نفسة رب هنا

بس مقولتليش !! هتشد القلوع لفين المرة دى

السبت, يوليو ٢١, ٢٠٠٧

 
Blogger اتفضل عندنا said...

مراكبي

ما تستجدع كده وتيجي كندا تاخد بحسي انت و المدام و نلف انا و هي محشي علي راحتنا
اول ما قريت البوست قلت ماله زعلان انه راجع مصر ليه، لكن اما كملته عرفت الاحساس ده جاي من فين

بس و الله ماحدش بيعرف الخير فين، وان شاءالله المكان الجديد يجيبلك ذكريات احلي

السبت, يوليو ٢١, ٢٠٠٧

 
Blogger mariam said...

ربنا يقدم لك اللى فيه الخير
و يمكن يكون كده احسن
مين عارف
توصل بالسلامه

الأحد, يوليو ٢٢, ٢٠٠٧

 
Blogger اسلام رفاعى said...

فعلا صدق النبى (ص)
احبب من شئت فانك مفارقه قاله هة صلى الله عليه وسلم وهو يشعر بألم الفراق لفراق عمه الحبيب حمزة ولفراق زوجته خديجة وهو يشعر بألم الفراق فى فراق ابنه ابراهيم وفراق عمه الذى كان يدافع عنه قالها وهو يشعر بالم الفراق لفراق اعز ماكان يحب وطنه فيبكى صلى الله عليه وسلم ويقول والله انك احب بلاد الله الى قلبى ولوأن قومك اخرجونى منك ماخرجت
.........................
اتمنى لك التوفيق فى حياتك القادمة

الأحد, يوليو ٢٢, ٢٠٠٧

 
Blogger نـــــــور said...

تعرف حضرتك .. على قد ما ضحكتني البوست اللي فات .. على قد ما حزنت في البوست دا وترقرت دموعي في عيناي

بجد بوست حزين ومؤثر .. ربنا يكرمك ويوفقك يارب .. فكرتني ساعة ما كنت آخر مرة نازلة من السعودية ومش راجعة تاني

كنت حاسة بالاحاسيس دي أوي ..ربنا يوفقك يارب

الأحد, يوليو ٢٢, ٢٠٠٧

 
Blogger طـعـمـة said...

سبحان الله
دوام الحال من المحال
ربنا يرد كل مغترب لأهله
ويجمع كل المتفرقين على كل خير
اللهم آمين

الأحد, يوليو ٢٢, ٢٠٠٧

 
Blogger koukawy said...

كان شغلي زيك ينقلني من بلد لبلد كل فتره عشان اشوف اماكن كتير لأن انا من الشخصيات اللي بتحب التغيير و بمل بسرعه

الأحد, يوليو ٢٢, ٢٠٠٧

 
Blogger Hannoda said...

ياااه يا مراكبي

عزيز علينا حزنك عارف ليه؟؟

أصل حزني مايوجعنيش
وحزن حد شفت حزنه قبل كده برضه ما يوجعنيش
لكن حزن حد يا ما خلاني أبتسم
وياما وقفني قدام إنطلاقه و تفاؤله

أهو ده اللي يوجع صح

مفيش رجوووع يا مراكبي ولاّ ايه؟؟؟
:)

ليه بس.. أكيد فيه رجوع .. مش إنت اللي ذكرت قول الله: كما بدأنا أول خلق نعيده..

النجاح اللي بما يرضي الله يستحق السعاده و التضحية عشانه

وطالما هو نجاتح أثمر بحسنات و خير للناس يبقى يستاهل
و أنا برغي ليع
إنت عارف كل دهع أساسا و أكتر منّي بكتييير

بس هو الإرتباط .. الإرتباط بالأماكن و الأشياء ومعاشرتهم

عشان كده أنا قلت للغربة أول ما إتلاقينا

يمبن بالله ما أحب فيك شبر ولا أتعود على أي حاجة تيجي من ريحتك حتى لو قعدت فيك كل عمري

قلتلها ما تستهليش لحظة ألم أحسها و أنا سايباك و راجعة أرضي و بيتي

ولا تستاهلي لحظة حنين أحسها و أنا فحضنهم

تفتكر أنا كده باكل و بنكر يا مراكبي؟؟؟

يا رب يوفقك و يزيدك نجاح و نجاح.. بس النجاح من أبو حسنات و رصيد عند ربنا.. ويصونك إنت و أسرتك الغالية

ياااارب

أجمل بوست قريتهولك

الأحد, يوليو ٢٢, ٢٠٠٧

 
Blogger soosa el-mafroosa said...

غريبة مع اني أعرف ان الغربة بتقوي القلب
خصوصا لما بتطول

تفتكر هيجي يوم و تاخد عليها و يبقى صعب ترجع

جايز

ربنا يوفقك

الأحد, يوليو ٢٢, ٢٠٠٧

 
Anonymous Ra2ed Fada2 said...

My dear friend although we met for few days in the purist place, al Haj.i really feel proud i know u, u deserve the best wallahi ya ahmed, tawakal 3ala allah and he will never yekhzelak abadan as long u do ur best. i promice i'll contact u here and everywhere.by the way am TAMER sabry!!

الأحد, يوليو ٢٢, ٢٠٠٧

 
Blogger Blank-Socrate said...

اتمنى لك التوفيق و الغربه هى الغربه عن النفس و الله
وفقك الله

الاثنين, يوليو ٢٣, ٢٠٠٧

 
Blogger حسن ارابيسك said...

هكذا هي الحياة
قاطرة دنيوية
ترتحل بنا من محطة إلى أخرى
محطات قصدناها بإختيارنا
ومحطات اُرغمنا عليها
محطات تحمل الضدان معاً
الفراق.. اللقاء
وهكذا دواليك
إلى أن تصل الرحلة غلى نهايتها
بالطبع ليست رحلة القاطرة
ولكنها رحلتنا نحن
من إرتحلنا القاطرة
ولمن نُخير حتى في وجودنا عليها

اتمنى لك التوفيق والعودة سالماً لبلدك

الاثنين, يوليو ٢٣, ٢٠٠٧

 
Blogger تائهة فى أرض الأحلام said...

ياترى اتغربت فين تانى ؟؟؟؟

الاثنين, يوليو ٢٣, ٢٠٠٧

 
Blogger ياسر سليم said...

ما ترسالك على شط يامراكبى

حيرتنا معاك يا مراكبى

الاثنين, يوليو ٢٣, ٢٠٠٧

 
Blogger Sharm said...

في ايه يامراكبي

ايه الحزن ده

احنا مش متعودين عليك كده

الاثنين, يوليو ٢٣, ٢٠٠٧

 
Blogger Halawa said...

فكرتني بمشهد حصلي من عشر سنين
لما كنا بنسيب السعودية
وجايين مصر نهائي

مشهد قاسي
رغم اني أجيد كلمات الوداع
لكن كانت شديدة
احساسنا بكره الغربة في الغربة
بيخلينا ننساها ونعيش اللحظة
وبتبقى الغربة وطن

ولما رجعنا بلدنا تهنا بجد
وحسيت الغربة حقيقي
رغم اني بقيت مصري جدن
مش خواجة زي زمان
بس لسه متغرب فيها

تحياتي

بالتوفيق ليك

الاثنين, يوليو ٢٣, ٢٠٠٧

 
Blogger بحب السيما said...

ربنا يوفقك وتلاقى الاحسن دائما ان شاء الله

الاثنين, يوليو ٢٣, ٢٠٠٧

 
Blogger خمسة فضفضة said...

السلام عليكم ورحمة الله وبركاته

ولا يهمك يا باشمهندس

صحيح الفراق صعب بس دي سنة الحياه

ان شاء الله تلاقي صحبه طيبه في المكان الجديد

وباذن الله تتوفق في مكانك الجديد وتحبه اكتر من الاولاني

تحياتي

الاثنين, يوليو ٢٣, ٢٠٠٧

 
Blogger No Fear said...

السلام عليكم
ربنا يوفقك في كل سفرياتك
هو للأسف اللي بيختار موضوع السفر مبيعرفش يرجع منه
بالمناسبة أنت مسافر علي فين المرة دي
بس عاوزين بوستات جديدة أكيد هتغيب فترة عقبال أما تظبط نفسك في المكان الجديد
ياريت متغبيش جامد
بالمناسبة أخبار دروس التانجو أية:)
يا عم روق كده و أضربها انت عارف بأية
سلام و بالتوفيق دايما

الاثنين, يوليو ٢٣, ٢٠٠٧

 
Blogger Rania said...

ربنا يوفقك
معلش يا مراكبى
هى فعلا سنه الحياه
احبب من شئت فانك مفارقه
بس بقى هعيط:(((
ربنا يوفقك و ترجع بلدك بقى و تبطل غربة
ربنا يعينك

الاثنين, يوليو ٢٣, ٢٠٠٧

 
Blogger ادم المصري said...

معلشي يا باش مهندس
.
.
دا بيحصل للمصريين بس
هما الشعب الوحيد اللي عشري
.
.
دايما يزعل ع الشيء اللي بيفارقة
سبحانه
.
.
الا قولي انت جبت الاية دي من اي موقع
اخوك مزنوق في صورة ومش لاقي

الاثنين, يوليو ٢٣, ٢٠٠٧

 
Blogger دنــــيــــــا مـحـيـرنـي said...

لا تحزن يا بشمهندس المهم ان اسرتك معك و هما الاي بيشاركوك هذه الذكريات الحمد لله علي كل حال
ياريت بقي لما حاله الحزن ده تمشي لازم لازم تالف لنا كتاي رحلات ابن عزت الـ 53مكان
عشان نعرف رحت فين و لفت كتير كده ليه رب هنا هو رب هناك

الاثنين, يوليو ٢٣, ٢٠٠٧

 
Blogger kaed said...

إية ياهندسة
مالك
ما إنت عارف إن التغيير سنة الحياة
ربنا يوفقك فى المكان الجديد
و أهى كلها غربة
إوعك تفكر إن الحال هنا عدل ما إنت عارف اللى فيها
خليك سواح احسن
دمت بخير يا صاحبى

الثلاثاء, يوليو ٢٤, ٢٠٠٧

 
Blogger حــلم said...

احبب من شئت..فانك مفارقه
صحيح يا مراكبى
بس هى دى سنة الحياة..تقابل ناس.. وتحبهم..وتتعلق بيهم.. وتلاقى نفسك فى لحظة..مفارق
حتى لو لم تخطط لذلك
لكن فى النهاية.. حتى لو لم تتحرك من مكانك .. ولم تفارق أحد..ستجد من حولك يرحلون
لأنها زى ما قلنا سنة الحياة

بس رغم كل شىء ليك هنا بيت افتراضى ودايما عامر باصحابك
اللى اختاروك واخترتهم.. ويمكن من غير ما يعرفوك.. وهتفضل فيه ولن تفارقه بإذن الله

الثلاثاء, يوليو ٢٤, ٢٠٠٧

 
Blogger عمرو غريب said...

والله انا زعلت لما لقيتك زعلان علي العموم ربنا يوفقق ويبعد الجزن عنك

الثلاثاء, يوليو ٢٤, ٢٠٠٧

 
Blogger سمسم said...

انت انسان محترم

ربنا يوفقك

قيل لأحد السلف

متي الراحة

قال حتي اضع قدمي في الجنة

ويجعلو بالنجاح والتفوق والرضا عامر

الثلاثاء, يوليو ٢٤, ٢٠٠٧

 
Anonymous طهقان said...

وبعدين في المووود دا بقا



طيب ورايح على فين

مشرق والا مغرب

يا ماراكبي

الثلاثاء, يوليو ٢٤, ٢٠٠٧

 
Blogger М€ŝЋМΣŞĦ said...

يا مراكبي

ان شاء الله ربنا حيوفقك للي فيه الخير .. ومتزعلش نفسك

ايه يعني الرحله ال 53 ؟
اديك شوفت بلاد و ناس كتير .. بص للجانب المليان من الكوبايه


وبرضه مسيرك ترجعلنا مصر وتنورها

الثلاثاء, يوليو ٢٤, ٢٠٠٧

 
Blogger أحمد المصري said...

أول ماقريت افتكرتك حتيجي و تشرفنا هنا ووزعلت جدا لما عرفت إنك حتتغرب تاني..بقولك ماتتغرب معانا في مصر أحسن؟
مستنيك هنا ولو طال الغياب0
مع تحياتي00
والسلام عليكم0

الثلاثاء, يوليو ٢٤, ٢٠٠٧

 
Blogger Reemo said...

عاشر يابان آدم ما تعاشر مسيرك فى يوم مفارق
دى سنه الحياه يا مراكبى
ان شاء الله زى ما اتعودت على حياتك فى الكويت هتتعود عليها فى المكان الجديد
بس انا مش هعتبرك مفارق
لانك لازم مسيرك فى يوم هتفارق كل ده وترجع لبلدك تانى
ربنا يكرمك ويوفقك فى اى مكان يارب
تحياتى

الأربعاء, يوليو ٢٥, ٢٠٠٧

 
Blogger صاحب البوابــة said...

ارجو منك عزيزي أن تدعمنا في حملة ( افضحوا تجار الكيف )

التفاصيل ستجدها في مدونتي

تحياتي

الخميس, يوليو ٢٦, ٢٠٠٧

 
Blogger dr.D said...

ربنا يقويك

الخميس, يوليو ٢٦, ٢٠٠٧

 
Blogger ibnyosry said...

معلش يا مراكبى ده حال الدنيا

الخميس, يوليو ٢٦, ٢٠٠٧

 
Blogger بالله المستعان said...

ليه بس الحزن
ربنا يوفاك ان شاء الله
في المكان اللي هتروحه
ويحققلك احلامك في النجاح
والاستقرار

اللهما امين

الخميس, يوليو ٢٦, ٢٠٠٧

 
Blogger شــــمـس الديـن said...

السلام عليكم و رحمة الله و بركاتة

تدويناتك مع بعض الاخرين هي ما تثير التأملات داخلي

اتدري ...
شعورك اللي بتحكي عليه بينتابني لما بكون مسافرة و راجعة من معسكر او مصيف ...اد ايه برتبط بالاماكن و الاشخاص اللي قابلتهم حتي و لو لفترة بسيطة لانهم صارو جزء من الايام التي امضيتها ... يعني صاروا جزء مني انا شخصيا

دا شعور الواحد لما بيكون راجع من مصيف امال لما الواحد يقضي 3 سنوات و نصف ... الواحد بيبقي يادوب بدأ يتعرف و ياخد علي الجو و الناس و المكان اللي حوليه يقوم يمشي و يسيبها

اتمني انك متحزنش اوي لان دا حنين , و مني نفسك بمستقبل افضل و معامرات تنتظر ان تستكشفها و خبرات جديدة تضاف لك في المرحلة القادمة

ربنا يرزقك بس الصحبة الصالحة دائما

خالص التحية

الجمعة, يوليو ٢٧, ٢٠٠٧

 
Blogger shams said...

ربنا معاك في طريقك الجديد و يوفقك
و على فكرة اجمل حاجة الزكريات

الجمعة, يوليو ٢٧, ٢٠٠٧

 
Blogger فى القلب said...

طمنا عليك يا باشمهندس
ولو بجمله واحده

الجمعة, يوليو ٢٧, ٢٠٠٧

 
Blogger رينـــــــــــا said...

:(
ربنا يقويك على الغربه يارب

الجمعة, يوليو ٢٧, ٢٠٠٧

 
Blogger mazagat said...

هكذا الدنيا


لقاء وفراق


وقرب وبعد


وذهب واياب ..



و ....



وتلك الأيام نداولها بين الناس



تحياتي يا صاحبي وبالسلامة




... مزاجات

الجمعة, يوليو ٢٧, ٢٠٠٧

 
Blogger يا مراكبي said...

أعزائي وأحبائي وإخواني وأخواتي

يعجز لساني عن نطق الكلمات المناسبة التي تعبر عن تقديري وإحترامي وحبي لكم جميعا .. لم أكن أتخيل أن أجد كل هذا الشعور الطيب منكم جميعا .. أشكركم جميعا من كل قلبي

كما أنني أعتذر عن عدم تخصيص رد منفصل لكل منكم .. وأنا كلي أمل في أن تسامحوني على ذلك .. فأنا بالفعل مشغول للغاية .. ولم أحصل على أية عطلة بين عملي القديم والجديد .. بل إنني قمت بالرحلتين الدوليتين الرابعة والخمسين والخامسة والخمسين أيضا خلال الأيام السابقة

سأتوجه بإذن الله تعالى إلى المملكة العربية السعودية .. وأعمل حاليا بصفة مؤقتة في فرع القاهرة

تحياتي لكم جميعا .. ونتواصل عما قريب بإذن الله تعالى

الجمعة, يوليو ٢٧, ٢٠٠٧

 
Blogger أميرة ويلز said...

وانا اقرأ كلماتك تصورت ان المستحيل حصل وانك ستعود نهائى

وصدمنى السطر الاخير انك هتتنقل لتغريبة اخرى فى بلد اخرى

ربنا يوفقك وترجع انت وكل المغتربين

آمين

الجمعة, أغسطس ٠٣, ٢٠٠٧

 
Blogger Ehab said...

السلام عليكم و رحمه الله و بركاته
ازيك يا بشمهندس
نفس الايه اللي حطتها علي مكتبي بقالي 5 سنين من ساعه ما دخلت الكليه

الاثنين, أغسطس ١٣, ٢٠٠٧

 
Blogger Hannoda said...

لقيت اللينك بتاع البوست ده عند احمد عبدالعدل
وانت عارف انا قد ايه حكاية الغربة عملالي وش في دماغي قمت جاية على طول
قريت البوست و انا مش فاكرة كان ايه تعليقي عليه
وقريته

عارف الاية اللي انت حاططها فكرتني بالبوست بتاع الحج اللي كنت لسة كاتبه عن غرور الانسان
فيه علاقة كبيرة بين الاية و المعنى اللي اتكلمت عنه هناك

كمان لقيت تعليقات من ناس بطلوا يدونوا ووحشني على الآخر و حزنت لذكراهم
وناس كانوا بيطاوا علي زمان ودلوقت لأ

حتى للتدوين ذكريات و شوق

آه ياني

الجمعة, ديسمبر ٢٦, ٢٠٠٨

 
Anonymous غير معرف said...

اخي العزيز احمد الدنيا مخلوقة علي كد وهذا حال الدنيا يوم لك ويوم عليك تذكر قول الله تعالي (وَتِلْكَ الأَيَّامُ نُدَاوِلُهَا بَيْنَ النَّاس )عسي هذا اخر احزانك اخي الغالي تقبل مرور اختك ريم الرفاعي من السعودية

الأربعاء, مارس ٢٥, ٢٠٠٩

 
Blogger يا مراكبي said...

أعزائي من تذكروا هذا البوست القديم

أقدر شعوركم المرهف .. وأعلم ما تحسون به .. وأنا معكم

أشكركم بحق

الأربعاء, مارس ٢٥, ٢٠٠٩

 
Blogger mffg said...

ولا يهمك يا ابو حميد انا كنت زعلان على بلد كنت فيها و مشيت و بعد كده بسنيين اكتشفت ان ربنا شايل لى حاجة احسن و انا فى بلد اخرى احسن من الاولى و عسى ان تكرهوا شيئا و هو خير لكم و هكذا الحياه و تأكد ان ربنا بيحب لينا الخير طالما احنا بنرضي ربنا و في طاعته مخلصين و ممكن الانسان يعتقد ان الامر سيء بنظرته الوقتية المحدودة و لكن الله رؤيته لنا الخير و لكن لا نعلم و نعلم ذلك في وقت يحدده الله

الأربعاء, يوليو ١٥, ٢٠٠٩

 
Blogger يا مراكبي said...

mffg

نعم .. أختيارات الله عز وجل كلها فيها الخير دائما .. دون أن ندرك ذلك في حينها

الجمعة, يوليو ٢٤, ٢٠٠٩

 
Blogger Jana said...

جميل بعد مرور الوقت ده كله نفتكر أحداث قديمة ونفتكر القلق والتساؤلات الكتير بخصوص المستقبل .. فنلاحظ إننا بقينا فى المستقبل ده فعلا ونتعجب إزاى مرينا بكل ده ...
والأجمل إن ده يرجع يدينا جرعة تفاؤل بخصوص حاضرنا وأمل فى المستقبل مرة تانية

الاثنين, مارس ١٢, ٢٠١٢

 

إرسال تعليق

Links to this post:

إنشاء رابط

<< Home