أسطورة الحب الأول

السادسة والنصف صباحا الآن .. تعتريني لمسة هواء باردة بينما أنا أقف أمام منزلي كالمعتاد مترقبا وصول الحافلة التي تقلني أنا وزملائي نحو المصنع البعيد الذي نعمل فيه .. يبدو الجو وكأنه ضبابي الملامح حيث الصراع اليومي بين ضوء الفجر وظلام الليل الذي سينتهي عما قليل بإنتصار الضوء وإنتشاره في كل مكان .. أعلم أن الظلام سيثأر لنفسه عند وقت غروب الشمس مرة أخرى .. فأبتسم لتلك الخواطر الغريبة بينما أرى الحافلة تقترب من بعيد .. أصعد إليها وأجلس في مكاني المحدد لأبدأ طقوسي اليومية التي تخفف عني زمن الطريق الطويل .. فأضع سماعات في أذني متصلة بجهاز مسجل الأغاني الذي أحمله .. لأستمع إلى نفس الأغاني التي أستمع إليها كل يوم في نفس الموعد وأنا مغمض العينين
.
لا يعلم أحد أن تلك الأغاني التي أستمع إليها ليست بالأغاني الحديثة .. بل هي أغاني قديمة كنت أستمع إليها عبر سنوات مختلفة .. وكل أغنية منها تمنحني شعورا مختلفا .. فكلها أغاني كنت أستمع إليها أثناء ظرف ما أو حالة ما .. فالأغنية الأولى مثلا تذكرني بأيام شهادة الثانوية العامة .. فقد كنت أستمع إلى تلك الأغنية أثناء أيام الإختبارات في نهاية العام الدراسي .. أما الأغنية الثانية فتذكرني برحلتي إلى الإسكندرية والتي إصطحبت فيها أولاد عمي معي .. فقد كانت هذه الأغنية هي أغنيتنا المفضلة حينذاك .. كانت هذه الأغاني كلها بمثابة إجترار للذكريات وإستحضار للأحداث السابقة الواحد تلو الآخر
.
الأغنية السابعة .. كعادتي كل يوم لا أعي منها شيئا .. عبثا حاولت لكنني فشلت .. يشرد ذهني كل يوم عندما أبدأ في تشغيل تلك الأغنية .. يقولون لي أن الحب الأول هو وهم كبير .. يستشهدون بتجاربهم أو تجارب ذويهم للتأكيد على ذلك .. كما نرى ذلك أيضا عبرالقصص والروايات الشهيرة التي حملت إلينا أعنف وأقسى قصص الحب عبر التاريخ .. وأسأل: هل هو فعلا وهم الحب الأول؟ .. يبدو أنني شردت عن الإستماع إلى الأغنية .. أضغط على زر المسجل لأعيد الأغنية إلى بدايتها
.
تبدأ الأغنية مجددا .. لازلت أحاول إستكشاف ما تخبئه نفسي وأتساءل: هل أحببت بالفعل خطيبتي الثانية كما يهيأ لي؟ لماذا لا أري في نفسي نفس الوله والعشق الذي كنت أحمله في صدري لحبيبتي الأولى؟ لماذا أحس بأنني أبذل مجهودا أكبر لكي أبدو عاشقا ولهانا؟ .. بدأت الأغنية الثامنة فجأة .. لم أستمع إلى الأغنية السابعة مجددا .. أوقف المسجل وأزيل السماعات من أذني .. أنظر إلى النافذة التي بجواري .. أرى إنعكاسا لصورة وجهي فيها وكأنها مرآة .. أخرج محفظتي وأستخرج منها صورة لي مع خطيبتي الحالية .. أرى فيها نفسي .. أنظر إلى زجاج النافذة مرة أخرى .. لم يتغير شكلي .. أستخرج صورة أخرى من محفظتي .. صورة أقدم كثيرا تجمعني أنا وحبيبتي الأولى .. أمعن النظر فيها وأرى نفسي .. أنظر إلى النافذة مرة أخرى .. تغير شكلي كثيرا .. لست أنا ذلك الشخص الذي في الصورة .. أمعن النظر إلى حبيبتي .. أغمض عيني .. أستحضر صورتها في خيالي .. لم يتغير شكلها عن تلك الصورة رغم مرور السنين .. لا أدري لماذا يصرون على أن الحب الأول وهم كبير؟
.
على الهامش
لحظات الفراق الكثيرة علمتني
ألا أترك حبي وحيدا
وأن أعيش بنصف قلب
أفضل من أن أموت بدون قلب
.

تعليقات

‏قال Unknown
يكفى فى الحب الأول أنه الممارسة الأولى للحب حيث لا توقعات سيئة على الإطلاق .. فى التجربة الثانية العقل مشغول دائماً بملاحظة وتوقع وتجنب التهديدات
أشعر فى كلام حضرتك دائما بصراع بين صورتين صورة نحلم بها وصورة نحياها
تحياتى
ودمت مبدعاً
‏قال انا حره
امممممممممم تقصد مين بالظببببببببط

اصل انا واحده منهم رغم انى محبتش اساسا حب حقيقى يمكن عشان كدا مش مقتنعه

كالعاده كتبهتا بطريقه روعه بجد احييك عليها
‏قال غير معرف…
اولا احييك على اسلوبك الرائع ثانيا انا اعتقد لا يوجد حب اول وحب ثانى دى تصنيفات وضعها بعض الناس وهما مش عرفين المعنى الحقيقي للحب وانا اعتقد من وجهة نظرى ان الحب الاول هو الحب الاخير احيانا نقابل اشخاص ونتوهم اننا نحب ولكن بعد الاختلاط بهم فى مواقف الحياه نكتشف ان هذا ليس حب الى ان نقابل الشخص المناسب الذى نشعر معه بالاكتمال وبالراحه ونشعر اننا لانستطيع ان نرى غيره فى هذه الدنيا وعلى فكره ناس كتييير جدا بتفضل تبحث عن الحب ده واما مش بتفهمه صح او مش بتلاقيه اصلا و نادرا ان الاتنين يجتمعوا ويلاقوا نفسهم فى بعض ومره تانيه اسلوب اكثر من رائع
اول حب
احلي حب
واجمل حب
بنحب بعفويه وبكل مشاعرنا
مش متوقعين غدر ولا جرح ولا ذكريات وتجارب مؤلمه
بيفضل في القلب والعقل والروح مهما مرت سنين
ويفضل الحبيب الاول هو صوره فارس الاحلام
تحياتي لاسلوبك
‏قال marmar
مشكله الحب الاول لا تزال مستمره بيننا وبين الكثير من البشر ..
الحب الاول أطهر انواع الحب يمكن لاننا بندي الطرف التاني اخلاص وحب شديدين للغاية لاننا مبنعرفش نجرح
نخون نضعف نخدع فحبنا بيكون طاهر
وصافي برئ وجميل عشان كده دايما بنفتكره بالخير
بس الانسان برأيي ادام فيه قلب ينبض
يبقى يقدر يحب تاني وتالت وعاشر
لان الحب في الاول والاخر مجرد احساس
زي ما بنشوف شخص ونعجب بيه
نكره
نبغض عليه
نستفزه
كلها احاسيس سلبيه واجابيه
الحب نفس الحكايه احساس بس احساس رقيق صافي طاهر رقيق وبرئ ...
صورتلنا بطل القصه انه مش قادر يدي حبيبته التانيه نفس الحب للكان بيديه لحبيبته الاولانيه
بس عارف ايه المشكله بجد !!!
المشكله فينا احنا
مش قادرين ننسى ونعيش حاله جديدة
لو قدرنا ننسى الحب الاول وذكرياته ونطويها هنقدر نعيش ونتعايش
وصوابع ايدك مش زي بعضها
في ناس لو حبت النهارده الصبح بكره بليل تحب تاني .. وفيه ناس لو حبت من الف سنة هتعيش على ذكرى الحب الاول
عجبي !!!
...
..
.

وتستمر الحياه


بجد انت من المدونين الي بستمتع جدا في قراءه كتاباتهم اسلوبك شيق وممتع
بجد بارك الله فيك وحج مبرور مره اخرى

اختك في الله ريم
أخى العزيز المراكبى
كالعادة اسلوب جميل وقصة رائعة
مع انى ما باعترفش بالحب الأول
لأن مادام القصة انتهت وتحولت إلى ماضى بيتقلب الحب إلى كرة وكل واحد بيطلع القطط الفاطسة فى اللى كان بيحبة وبيجيب اللوم علية فى فشل العلاقة ومش طبيعى إن بعد دة كلة يفضل يحبة
دمت لنا مبدعاً رائعاً
سلام
‏قال koukawy
مش عارفه حاسه ان مفيش حاجه اسمها اول و تاني
اهو حاجه عدت زي اي حاجه و الدنياو اتنست ممكن يتبقي منها بعض الذكريات اللي تبسط او تزعل لندمك عليها
بس يبقي الحب للي ربنا قسمهولك و تكمل معاه حياتك
‏قال Jana
ينظر الى صورته القديمة والحالية مقارنا ..فتوهمه نفسه انها التعاسة ما غلبت على ملامح وجهه فغيرتها ..ويتناسى آثار الزمن
تظل نفسه ورائه محاولة اقناعه بأن السعادة اختفت بإختفاء حبيبته الأولى..ويظل هو أسير هذه النفس التى لم تفلح الا فى إشقاء صاحبها بما حفظته له من ذكريات أجادت وضع كل منها كالاسطوانة تنطلق كلما حانت فرصة للتقرب من خطيبته الثانية
يتطلع الى صورة حبيبته الأولى ..قديما.. ويعود ليقارنها بخياله فيجدها كما هى بل أحلى .. وتعود نفسه لعملها المتقن .. فلا ترسم لمحة من الزمن على وجهها ولا تظهر عيبا واحدا بشخصها بل تتفنن فى إخراج صورة مثالية ولو اجتهدت لجعلتها ملائكية
لذلك يقولون هم انه وهما
ولذلك لا يصدق هو ولا يميل لأن يفعل... وكيف يفعل وقد عاش فى وهمه السعادة ما لم يعشها بواقعه
مرغوب هو كل ما مُنع.. أفتتوقف النفس عن عملها ما خلقت لأجله !!؟ ...
أخى الحبيب
إستوقفتنى كلماتك عن الصراع اليومى بين الفجر والليل وثأر الليل عند الغروب تشبيهات رائعة
تماما مثلما يوجد صراعات بين البشر فى كل مكان وداخل كل محيط عمل أو محيط أسرة
وصراعات دائمة داخل النفس البشرية لكل فرد حين يتصارع الخير والشر داخلة
كلمات رائعة ومعانيها أكثر من رائعة ،
تحياتى
‏قال نبض الروح
فعلا رائعة جدا وأسلوب ممتع وشيق ولغة سلسة ,سلمت أناملك على روعة ماكتبت ودمت بكل خير
‏قال Hannoda
تاني الحب الاول يا باشمهندس ؟ ؟

مجيرك على فكرة
ومش انت لوحدك

بس تعرف انه فعلا وهم
تعرف ان جماله فبعده
انه كان من بعيد
ماعرفش الحياه و دواماتها
ماعرفش عمقها و اللي فقلبها

عشا كده يمكن بيفضل بزهوه زي ما هو
وأكيد لو كان اتعرض للمواجهة مع الحياه و ظروفها كان تلاشى و ووقع من عليه غشاء الرومانسية والرقة اللي بيغلفه
أعتقد كده

حلوة قوي الحركة اللي عملها لما بص في الصورة وبعدين بص لانعكاس صورته في المرتين و قارن

الحب الاول جميييييييل
بس ضعيف
كل اللي يقدر عليه انه يبقى ذكرى
بس ذكرى

كنت مستنية قصة من بتوعك من بدري
:)
تحياتي
‏قال Unknown
عرفت بقى انا ليه بدور على رجل بلا ماضي
ههههههه
عشان الشعور ده
اجمل شىء ان يجتمع الحب والعقل في نفس الوقت
وميفترقش او يطغى واحد على التاني
والاجمل اننا لو وجدنا الحب ده منسيبوش يضيع من ادينا
تحياتي يا حمايا الأول
:)
‏قال فاتيما
يا خرابى على أم دى رومانسية
إيه آخر كلمتين دول
ممش ممكن يا نبع الحكمة
شوفلك حل فى قلبك و إحاسيسك دى
متقليش أعمل إيه عشان هقولك مش عارفة
بس خليك زى مانت و أقعد نقب فى قلبنا كدا بمنتهى الرقةو العمق
بطل قصتك دا يكاد يكون كلنا فى اوقات تختلف فى ميعادها لكن المشاعر أتصور إنها واحدة
يتهيألى الحب الأول سبب أسطوريته انه لم يكتمل ...
متهيألى كدا
لأنه لو اكتمل هتتحطم رقته فى أرض الواقع و يبقى مجرد احساس من جملة الطقوس اليومية و يفقد تفرده و تلقائيته ...
هيبقى موجود بس واخد شكل تانى زى حب الاخوات و الاهل و الأصدقاء و حتى بيتك و عربيتك
العشرة و ما ينجم عنها من ملل و تعود
لكن عدم اكتمال القصة لنهايتها بيخليها مختلفة
إستثنائية
بتخليك دايما عندك حاجة ناقصة و كنت تتمنى لو كنت تكملها
فيه ناس بتتجاوز امشاعر التمنى دى و تعيش حياتها
و فيه ناس مبتعرفش تتجاوزها مهما حصل زى حالاتى و زى بطل قصتك
الله عليك
يا نبع الحكمة
متهيألى انك خلاص زهقت منى لما بقولك كدا
بس و الله بجد
بتكلم جد ..
أنت عندك مقدرة غريبة على تجسيد ما يصعب قوله مع إنه فى الواقع كل حاجة تقريباً
تحياتى و احترماتى
و سلامى لفادى
‏قال غير معرف…
الحب الأول يترسخ بكل حمولته العاطفية في الذاكرة
الحب الأول حقيقة جميلة
‏قال يا مراكبي
أحمد عبد العدل

كما إستنتجت أنت .. الحب الأول ليس فيه أية حواجز من أي نوع .. وهذه هي الصورة التي نحلم بها .. هذه هي خلاصة الموضوع برمته

أي حب بعد الحب الأول تجد فيه بعض الحذر .. وهذه هي الصورة التي نحياها بالفعل

أشكرك
‏قال يا مراكبي
أنا حرة

بتقولي: اصل انا واحده منهم رغم انى محبتش اساسا حب حقيقى يمكن عشان كدا مش مقتنعه

ليه التعليق الغامض ده بس؟

:-D

يعني مع الأسطورة ولا لأ؟

:-D


أهلا بيكي
‏قال يا مراكبي
غير معرف

وجهة نظر مقبولة إلى حد كبير وفيها الكثير من الواقعية والموضوعية

أهلا بك
‏قال يا مراكبي
عاشقة وغلبانة

تعليق موسيقي جميل

هو ده بالظبط وصف الحب الأول وخصائصة .. ومن هنا هيضل دايما ليه طعم خاض لا يتكرر
‏قال يا مراكبي
marmar

هناك من يؤمن بأن الحب الأول هو الأفضل على الإطلاق وذلك لأسباب متعددة ذكرناها أنا والزملاء في التعليقات السابقة

وهناك من يرى أنه وهم وأن أفضل حب ليس له ترتيب .. فقد يكون الأول أو الثاني أو الأخير .. لايهم

والواقع يقول أن كلا الرأيين صحيح .. كل حسب حالته الخاصة .. لا يمكننا التعميمي هنا

أشكر إطراءك
‏قال يا مراكبي
دردشة على الماشى

مش في كل الحالات بيتحول الحب الأول في حالة فشله إلى كره وقطط فاطسة وحاجات كده .. فيه حالات كتيرة بيكون الفراق مفروض على الحبيبين من غير مشاكل بينهم

منورة دايما
‏قال يا مراكبي
koukawy

وجهة نظرك - زي ما قات قبل كده - من النوع الواقعي .. وده شيء موجود في الدنيا فعلا

ووجهة نظر القصة من النوع الرومانسي .. وبرضه موجودة في الدنيا

منورة
‏قال يا مراكبي
Jana

تعليقك فيه مجموعة كبيرة من التعبيرات اللي بتصف "أسطورة" الحب الأول .. وبتوضح ليه هي أسطورة

قلتي: وتعود نفسه لعملها المتقن .. فلا ترسم لمحة من الزمن على وجهها ولا تظهر عيبا واحدا بشخصها


وقلتي: مرغوب هو كل ما مُنع.. أفتتوقف النفس عن عملها ما خلقت لأجله !!؟

تحية كبيرة جدا للتعبيرات الموفقة دي .. أحسنت
‏قال يا مراكبي
صدى الصمت

أروع إحساس هو ما يأتينا بالإلهام مما حولنا .. من كلمة .. من حركة .. من مشهد .. ومن هنا يأتي الإحساس من القلب إلى القلب .. ولا يحس به غير صاحب القلب الحساس أيضا ... هذا شرط

خالص تحياتي
‏قال يا مراكبي
نبض الروح

أشكر إطراءك وتقديرك

أهلا بك
معاناة واضحة بين الماضي والحاضر
ولا أعرف لماذا يظل الحب الأول في نظر الرجل هو حبه الحقيقي بالرغم من أنها تكون مجرد مشاعر قويه لأنها أول مره ..أستطيع أن اقول أن الحب الحقيقي هو الذي يدوم ..ويزيد بالعطاء ..
ويظل الحب الاول على ما أعتقد مجرد ذكرى سعيده ..
تحياتي لإبداعاتك
عودا أحمد
طبعا مش أحمد أنت
دايما كده أنت زى ما أنت الله أكبر عليك
بجد بيعجبنى طريقه إختيارك للمواضيع
لكن بجد
بحكم خبرتك
فعلا الواحد ميقدرش ينسى حبه الأول مهما طال به الزمن
حتى لو عوض عنه بأفضل منه
‏قال kochia
عجبتني الفكرة اولا
الحياة محطات
او اغنيات

اغنية نحبها نبتسم لما نسمعها
اغنية نحبها نحزن لما نسمعها
اغنية نحبها نشتاق لما نسمعها

وعجبني التصوير والتنقل بين المحطات ذهنيا .. وزمنيا

هل الحب الاول وهما ؟؟
لا اعتقد طبعا
انه حب كاي حب
ربما مشاعر اصحابه تكون حساسة كمشاعر الطفل تفرح سريعا وتحزن سريعا
فقط هذا ما يميزه

اما مقولتك الاخيرة
أن أعيش بنصف قلب
أفضل من أن أموت بدون قلب

ان كان ولابد انه ليس قلبا كاملا اذن فالنصف لا باس به

تحياتي
‏قال يا مراكبي
Hannoda

وصفك للحب الأول وأحواله فعلا في محله .. كل اللي جاي ده عجبني جدا في تعليقك:

1- ماعرفش الحياه و دواماتها
2- ماعرفش عمقها و اللي فقلبها
3- وأكيد لو كان اتعرض للمواجهة مع الحياه و ظروفها كان تلاشى
أعتقد كده
4- الحب الاول جميل بس ضعيف
5- كل اللي يقدر عليه انه يبقى ذكرى

ده إنتي شايلة ف قلبك جامد بقى .. هههه

شفتي بقى إنه فعلا: أسطورة؟
‏قال يا مراكبي
لماضة

وأنا أقووول ليه لماضة إختارت إبني تتجوزه رغم فرق السن الكبير ده؟ .. هههه .. هو فعلا لسة مالوش ماضي .. هههه

هو هيبقى فيه حماكي التاني؟

;-D
‏قال šσяšαяαα
السلاااااام عليكمممممم

انا مش بعرف اعلق بصراحة عالكلام الجامد دا

بس دى نقدر نقول عليها اقصوصة غنائية تخترق اذين وبطين القلب وتستقر كصورة معلقة على جدران الذكريات
(حلوة الكلمتين دول؟

حاجات كدا على اد حالى:)

ان شاء الله هكون من المتابعين الدائمين طالما هنا فى كلام حلو كدا:)

تحياتى لحضرتك
‏قال يا مراكبي
فاتيما

أنا برضه اللي بقول حكم؟ طيب ده إنتي قلتي كام حكمة في الجون بصراحة:

1- الحب الأول سبب أسطوريته انه لم يكتمل

2- عدم اكتمال القصة لنهايتها بيخليها مختلفةإستثنائية

3- بتخليك دايما عندك حاجة ناقصة و كنت تتمنى لو كنت تكملها

والأهم بقى الخلاصة اللي قلتيها دي: فيه ناس بتتجاوز مشاعر التمنى دى و تعيش حياتها .. و فيه ناس مبتعرفش

خالص تحياتي على التعليق المميز
‏قال يا مراكبي
Rose

أو تعليق يقول إن الحب الأول "حقيقة" مش وهم أو أسطورة أو خيال

أهلا بك
‏قال Hannoda
بحس اني جامده جدا لما اقول حاجة و تقول انها صح
:)
‏قال يا مراكبي
د. إيمان مكاوي ( أم البنين )..

لا أعتقد أن هذا الموضوع خاص بالرجال فقط .. بل خاص بالرجال والنساء على حد سواء

لكن الخلاف فقط هو: هل هو "وهم" أم حقيقة؟ وهنا تختلف القناعات الشخصية وفقا لخلفية كل شخص على حده

أشكر لك إطراءك وتقديرك .. خالص تحياتي
‏قال يا مراكبي
اعشق فى اليل ضوء القمر

وإنت كمان عود أحمد .. مش أنا برضه .. ههههه

قفشتك بتقول: فعلا الواحد ميقدرش ينسى حبه الأول مهما طال به الزمن
حتى لو عوض عنه بأفضل منه

هأحتفظ بالتعليق ده وهأستخدمة ضدك في الوقت المناسب .. ضحكة شريرة .. هههه
‏قال يا مراكبي
kochia

تعليقك به لمحات جيدة .. أهمها في رأيي هو تشبيه الحب الأول بالطفل الصغير .. وهي مقارنة موفقة جدا

أما وجهة نظرك عن الرضاء بنصف القلب بدلا من إنعدامه .. فأنا أعتقد أنها نابعة مما يقولون في العامية: نصف العمى ولا العمى كله .. اليس كذلك؟

وجهة نظر مقبولة بالطبع

أهلا بك
على فكره تحياتى ليك
وجوبت على سؤالك
وليك
هديه
أظن مش عندك
‏قال يا مراكبي
šσяšαяαα

وعلكم السلاااااام

ده إيه الكلام الجامد جدا ده؟ بطين واذين وشريان تاجي .. حاجات تقطع "القلب" بجد ..هههه

نورتينا وأهلا بيكي في أي وقت
‏قال يا مراكبي
Hannoda

مادام قلتي دراع مرسي تبقي صح .. هههه

أخجلتم تواضعنا .. أنا رأيي مش هو المرجع على فكرة .. ده بس من ذوقك
‏قال يا مراكبي
اعشق فى اليل ضوء القمر

أشكرك جدا على المتابعة وعلى الهدية وعلى ثقتك فيا

منورني
‏قال klmat
الاغانى بتأرخ لاحداث كتيره فى حياتنامعاك حق .
اما عن الحب الاول فى السن ده بتكون كل حاجه جميله بنحن للبدايات المرحله كلهاحتى صورتناوطالما انتهى فنقلب الصفحه علشان نسعد
بواقعنا
والحب الحقيقى هو اللى
بيعيش فى القلب بصرف النظر عن ترتيبهفى احيان بيكون وهم واخرى حقيقه مش حاجه ثابته. تدوينه جميله .
‏قال يا مراكبي
klmat

شدتني كلمة "الحب الاول فى السن ده" وحسيت كده إن الحب الأول ده بيكون لصغار السن فقط .. مع إن فيه حالات ممكن الواحد يصادف فيها حبه الأول وهو كبير على فكرة

يمكن الجزء التاني من تعليقك بيوضح افكرة دي أكتر لما قلتب "والحب الحقيقى هو اللى بيعيش فى القلب بصرف النظر عن ترتيبه"

أشكر إهتمامك وتقديرك ولك كل الود
‏قال حسن ارابيسك
ياااااااه
تصدق بجد انت متعب
فاطيما بتقولك انت بتنقب في قلبنا بمنتهى الرقه
رقة ايه ده انت ياسيدي الفاضل ماسك شوكه وسكينة وفارش عواطفنا قدامك وقاعد تقطع فيناشرايح شرايح نسايل نسايل وكل شويه ترمي علينا شويه صوص حار مولع.. لا الرحمه حلوة
بس برضه واللهي زي ما فاطيما قالتلك ان الحب ده اسطوريته في انه لم يكتمل صحيح وهي محقه في ده بالفعل
الحب الأول يااااااه
الحب الأول ده عامل زي المارد ولا الجن المتقوقع على نفسه وقاعد جوه قنينة مغلقه وكل ما نسهى شويه ونفتح غطاء القنينة يطلع علينا يتعفرت شويه يورينا نجوم اللوعة والشوق في عزالظهر وف عز اللي احنا فيه من الحياة اللي خدتنا من حاجات حلوة كتير
المهم يطلع لنا صاحبك ده كل فترة بجبروته ويوجع في قلوبنا واحنا نقعد نحنن فيه ونستغلب له شويه فيقوم يتعاطف معانا ونضحك عليه ونقوله قولنا ازاي قاعد كل السنين دي مستكين وهس هس في حته كده ومداري في قلوبنا يقوم صاحبك نصعب عليه يقوم راجع مكانه تاني وهوب نقفل عليه تاني بإحكام ولا من شاف ولا من دري ونطلق زفره طويله ااااه وهكذا
ياعم كفايه بقا وجع القلوب ده
مش عارف ايه اللي دخلني النهارده عندك
تصدق وانا بكتب لك التعليق محمد فؤاد فؤجئت به يشدو ياترى الأيام هاتعود
سلااااام
تحياتي
حسن أرابيسك
‏قال يا مراكبي
حسن أرابيسك

ده إنت اللي وجعتلي قلبي بالتعليق ده يابوعلي .. وبالذات لما المارد بنصعب عليه ويرجع يستخبى في ركن جوة القلب ونقفل عليه .. ونطلق زفرة طوييييلة

أنا عاشق لأغنية محمد فؤاد دي بالذات .. موجودة عندي على سي دي في السيارة من 5 سنين .. صدفة غريبة جدا

أنا إيه اللي خلاني أقرأ التعليقات النهاردة
‏قال Asmaa Fathi
كلمات جميله واسلوب مميز

الحب تلك الكلمة التى نعجز دائما عن وصفها او حتى تقنينها واو ترتيبها دائما نحب ولا يهمنا اذا كان الاول ام الثانى المهم ان يكون الاخير والصادق قد يكون الاول والاخير والصادق هو الاولفى الترتيب فعلا

وقد يكو ن الثانى هو الاصدق والاخير ايضا وهكذا . . .

فلكل منا ظروفه وقناعته ولا يمكننا الاطلاق فى ما يخص مشاعرنا وثقافتنا

لانها تختلف باختلاف الطباع والثقافه وغيرها


تقبل تحياتى


وادعوك لزيارة مدونتى ((الم قلم))

على الرابط

http://gana10.blogspot.com/
‏قال يا مراكبي
gana magde

ناقش الكثيرون من الزملاء هنا فكرة أن الحب الصادق هو الأهم من أن يكون ترتيبه هو الأول .. بينما ناقش الآخرون فكرة البريق المميز للحب الأول لعذريته

وتبقى قناعات كل منا هي التي تحكم ما نراه مناسب كما قلت

أهلا بك

المشاركات الشائعة من هذه المدونة

في الذكرى السنوية العاشرة

عايز أرقص تانجو

عيناها وشفتاها