شد القلوع يا مراكبي ... مافيش رجوع يا مراكبي

الخميس، ديسمبر 11، 2008

وأذن في الناس بالحج

إذا علمت أن عدد المسلمين في العالم هو مليار مسلم .. وإذا علمت أن عدد حجاج بيت الله الحرام يناهز الخمسة ملايين حاج .. أي أن عدد الحجيج لا يتخطي النصف من المائة في المائة .. أي أقل بكثير من واحد في المائة .. فكيف يكون شعورك عندما تجد أن الله عز وجل قد أنعم عليك بإختيارك لتكون من ضمن هذه النسبة الضئيلة بين مسلمي العالم؟ وأن يتيح لك الله عز وجل فرصة ربما يغفر لك بعدها؟ اللهم لك الحمد والشكر على جزيل نعمك علينا .. وأسألك يالله أن نكون ممن غفرت لهم يوم عرفة
.
.
وهنا منظر عام لمشعر منى عند الشروق .. حيث يسن الوقوف بمنى يوم الثامن من ذي الحجة ويسمى يوم التروية .. وتكون كل الصلوات فيه قصرا

.

.
وهنا منظر من داخل خيمة الرجال الكبيرة بعرفة حيث مكثنا يوم التاسع من ذي الحجة .. تكون صلاة الظهر والعصر جمع تقديم قصرا بعد أذان الظهر .. ويكون التضرع إلى الله بعدها حتى الغروب .. حيث يقترب الله عز وجل من الأرض بما يليق بجلالة سبحانه .. فيطلع على الحجيج ويباهي بهم الملائكة .. ثم يشهدهم بأنه سبحانه قد غفر للحجيج
.
.
وهذه صورة لنفرة الحجيج من عرفات بعد التحقق من غروب الشمس .. ليتجه الجميع نحو مزدلفة
.
.
وهذه صورة لي وأنا نائم في العراء بأرض مزدلفة .. حيث نصلي المغرب والعشاء جمع تأخير قصرا وهذا أهم من جمع الحصوات .. ويكون المبيت حتى صلاة الفجر ثم نسبح الله حتى يسفر الصبح جدا (بفتح الجيم) أي حتى ما قبل الشروق بعشرة دقائق .. ثم نغادر نحو منى أو مكة .. ولا يشترط جمع الحصوات من مزدلفة كما يظن البعض .. ولا يشترط أن يجمعهم الحاج بنفسه أيضا .. ويصرح لأصحاب الأعذار والنساء بالمغادرة بعد منتصف الليل
.
.
في يوم العيد وهو العاشر من ذي الحجة .. ووفقا لسنة الرسول صلى الله عليه وسلم .. فإنه يتم ذبح الهدي للقارن والمتمتع .. ثم يكون رمي جمرة العقبة الكبرى فقط ثم حلق شعر الرأس ليتم بعدها خلع ملابس الإحرام فيما يسمى بالتحلل الأصغر .. ويتم رمي الجمرات الثلاثة الصغرى والوسطى والكبرى في أيام التشريق التالية
.
.
.
صورة لجسر الجمرات الرائع من الداخل .. وهو مشروع رهيب يتكون من أربعة طوابق وذو عرض واسع جدا وله مداخل ومخارج متعددة وبه سلالم أوتوماتيكية مما جعل من رمي الجمار مسألة سهلة جدا جدا
.
.
في يوم العيد أو في أي يوم من أيام التشريق .. فإنه يمكن القيام بطواف الإفاضة وسعي الحج .. على أن يكون آخر أعمال الحج هو طواف الوداع .. والصورة من الطواف في عامنا هذا
.
.
.
صورة من الخارج للمسعى الجديد بين الصفا والمروة .. والصورة من ناحية المروة .. حيث تم إنشاء مسعى آخر موازي للقديم لكي يكون كل مسعى منهم في إتجاه واحد .. ومخطط له أن يكون أحد عشر طابقا .. وهذا المشروع قلل كثيرا من المشاكل التي كانت تحدث عند تزاحم الحجيج في السعي
.
.
كانت المجموعة المصاحبة رائعة بحق .. تحاببنا في الله .. فإجتمعنا عليه وتفرقنا عليه دون أي مصلحة دنيوية .. ندعو الله عز وجل بأن يمن عليكم وعلينا بنعمة أداء هذه الفريضة العظيمة يإذن الله .. وكل عام وأنتم بخير

التسميات:

41 Comments:

Blogger خمسة فضفضة said...

السلام عليكم ورحمة الله وبركاته

حمد الله علي السلامه يا باشمهندس تقبل الله صالح اعمالكم

فكرتني باحسن ايام ، اللهم اكتب لنا الحج مرات ومرات ولا تحرمنا من زيارة بتك اياما عديده واعمرة مديده

سلام

الخميس, ديسمبر 11, 2008

 
Blogger اعشق فى اليل ضوء القمر said...

تقبل الله منا ومنك وجعله لوجهك خالصا
الحمد لله على سلامتك
أسأل الله العظيم رب العرش الكريم أن يمن عليك الحج مراتن عديده
وازمنه مديده
أسأل الله ان يجمعك مع من من عليهم بالتباهى وحشرك تحت لوء النبى محمد صلى الله عليه وسلم

الخميس, ديسمبر 11, 2008

 
Blogger اعشق فى اليل ضوء القمر said...

نسيت
حج مبرور وذنب إن شاء الله مغفور
لا نحكم ولكن نتمنى على الله

الخميس, ديسمبر 11, 2008

 
Blogger kochia said...

حمد الله علي السلامة
تقبل الله منك ان شاء الله
وزرقني ورزق المسلمين اياها

تحياتي

الخميس, ديسمبر 11, 2008

 
Blogger الملاك الحزين said...

السلام عليكم ورحمة الله وبركاته

حمد علي السلامه يا حج تقبل الله صالح اعمالكم

اللهم اكتب لنا الحج مرات ومرات ولا تحرمنا من زيارة بتك اللهم امين

الخميس, ديسمبر 11, 2008

 
Blogger انا حره said...

تقبل الله ياباشمهندس

حج مبرور وذنب مغفور بأذن الله

وربنا يكتبهالى وللمسلمين اجمعين يارب

الخميس, ديسمبر 11, 2008

 
Blogger أحمد كمال said...

حج مبرور و ذنب مغفور بإذن الله ، شوقتنا يا حاج مراكبي :)

نسأل الله أن نكون و إياكم ممن قبل و أعتق في يوم عرفة المبارك ، أعاده الله علينا و على أمتنا بعزة و نصر و تحرير

الخميس, ديسمبر 11, 2008

 
Blogger آلام وآمال said...

ما شاء الله حاجة روعة والله
ربنا يرزقنا الحج والعمرة ويتقبل منا ومنكم
:)

الخميس, ديسمبر 11, 2008

 
Blogger لماضة said...

حمد لله على السلامه يا حاج احمد يا حمايا الغالي
ربنا يتقبل يارب ويوعدنا زياره بيته

الخميس, ديسمبر 11, 2008

 
Blogger صدى الصمت said...

حمدلله على السلامة يا حبيبى يارب تكون إفتكرتنى بالدعاء
ماليش دعوة أنا عاوزة كل صورك إنت والحاجة تبعتهوملى (حصرياً) على الإيميل بتاعى
عشان أوريهم للحاج (والدنا)
عقبالى يارب ، سلام

الخميس, ديسمبر 11, 2008

 
Blogger وميض ابتسامة said...

اللهم تقبل منك ومنهم .. وحج مبرور وذنب مغفور ... وعودا حميدا بأذن الله

وشئ جميل التوسعات اللى حصلت بجسر الجمرات لان من حوالى سبع سنوات اثناء قيامى بالحج وبصحبتى زوجتى ومجموعة من الاصدقاء وزوجاتهم كادت نساءنا ان تموت فعلا بسبب ضيق المكان وشدة الزحام ..

ونشكرك كثيرا على الصور التى ذكرتنا بما كان ... والسلام عليكم

الجمعة, ديسمبر 12, 2008

 
Blogger marmar said...

السلام عليكم ورحمه الله وبركاته
حمدلله عل سلامه يا مراكبي وحمدلله على سلامة اسرتك حج مبرور وذنب مغفور بأذن الله ... ويارب تكون افتكرتني بالدعاء انا وكل المسلمين..
لا اله الا الله .. اختك ريم

الجمعة, ديسمبر 12, 2008

 
Blogger Hannoda said...

الله يا مراكبي

عشت معاك كل المراح اللي حكيتها و حسستني بشوق شديد جدا للمكان
ومش عارفة ليه لقيت نفسي بقارن بين المكان وشكله و التسهيلات اللي فيه بنفس الصورة لنفس المكان من أيام الرسول

تخيلت لو حد من الايام ده جه و شاف الفرق الكبير جدا سواء في اعداد الحجيج أو في العمار اللي حاصل

سبحان الله و الحمد و الشكر على نعمه وعلى تقديره لينا إحنا بنو آدم وعلى حبه لينا كمان
حمد الله على السلامة انشاء الله يكون تقبل الله منكم و يجعل قبلته مكانها قلوبكم طول العمر

ويارب يكتبهالنا يارب

سعيدة باللي قريته جدا

الجمعة, ديسمبر 12, 2008

 
Blogger دردشة على الماشى said...

أخى العزيز
حمداً لله على سلامتك أنت والحاجة
الصراحة لما شفت الصور تحركت داخلى مشاعر كثيرة وكدت أبكى من الشوق للتواجد فى هذا المكان العظيم ربنا يكتبهالنا
أنا متأكدة إنكم دعيتولنا
سلملى على الحاجة
ملحوظة:
أنا كمان عايزة الصور
سلام

الجمعة, ديسمبر 12, 2008

 
Blogger mero-moory said...

السلام عليكم و رحمة الله و بركاته

رغم انها اول زيارة ليا بس مبسوطة جدا للي قريته وشوفته وبجد حسيت اد ايه الحج ده شيء عظيم وربنا يكتبه لنا جميعا ومبارك ليك على الحج وربنا يتقبل ان شاء الله وتكون دوما من صالح اعمالكم

وبوصفك لما رأيته وعظمة الحج جعلتني اشتوق خالي واتمنى ان اكون من الحجيج مثله
ربنا يتقبل منا ومنكم اللهم امين
وعيد سعيد وكل سنه وحضرتك طيب

في رعاية الله

الجمعة, ديسمبر 12, 2008

 
Anonymous كوكب تانى said...

حمداً لله على سلامتكم .. وتقبلها الله منك ومن المسلمين جميعاً .. واسأل الله ان يرزقنا زيارة بيته الحرام

نفرتارى

الجمعة, ديسمبر 12, 2008

 
Blogger يقول أنى امرأة said...

ما شاء الله
شوقتنا
حمد لله على السلامة و عقبال العودة يا حج

الجمعة, ديسمبر 12, 2008

 
Blogger ـ-ـ- أحمد عبد العدل-ـ-ـ said...

سلام عليكم ياباشمهندس
يارب حج مبرور وذنب مغفور وسعى مشكور بإذن الله وكرمه
شوف حضرتك المسألة كده قربت جداً 4 شهور جيران فى جدة وبعدين أتواجد فى مخيم حضرتك يبقى أكيد هنتفابل فى الخطوة اللى جاية اللى بدعى ربنا انها تكون فى مصر
بجد كنت سعيد جداً بالتواجد فى مكان إقامة حضرتك وكنت أطمع بالفعل بالتشرف بمقابلتك لكن ان شاء الله نتقابل فى مصر وفى الجنة اللى طلبناها من ربنا
ربنا يتقبل ياباشمهندس وكل سنة وحضرتك بكل خير

الجمعة, ديسمبر 12, 2008

 
Blogger آلاء said...

السلام عليكم...

في أول زيارة لمدونتك... استطعت أن تسرق من عيني عبرات الحنين إلى ذلك المكان... عن جد... أنت أتقنت عرض الصور بطريقة تحرك القلب.... بطريقة تختلف عن صور التليفزيون المتحركة السريعة... بإحساس من ذهب لله تعالى يقول له (لبيك ربي)... أسأل الله أن يتقبل منك و يغفر لك...

خالص تحياتي

آلاء

السبت, ديسمبر 13, 2008

 
Blogger حزينه said...

السلام عليكم
حج مبرور وذنب مغفور
يارب اكتبهالنا تانى
واكتبها لكل المسلمين

حزينه

السبت, ديسمبر 13, 2008

 
Blogger احـمـد عصـام said...

حج مبرور وذنب مغفور إن شاء الله

السبت, ديسمبر 13, 2008

 
Blogger يا مراكبي said...

خمسة فضفضة

أعشق في الليل ضوء القمر

أعشق في الليل ضوء القمر تاني

كوشيا

الملاك الحزين

أنا حرة

أحمد كمال

آلام وآمال

لماضة

*********

أشكركم جدا جدا على شعوركم الطيب ده .. ربنا يوعدكم بحج بيته الحرام .. بجد بأتمناها لكم من كل قلبي

السبت, ديسمبر 13, 2008

 
Blogger يا مراكبي said...

صدى الصمت

جاري تحميل الصور

الصورة ب 3 ريال

الأحد, ديسمبر 14, 2008

 
Blogger يا مراكبي said...

وميض إبتسامة

جسر الجمرات أنا شفته لما كان لسه مخططات ولوحات هندسية .. وهو فعلا تحفة هندسية بكل المقاييس

أنا سعيد إنك إستحضرت الذكريات الجميلة من خلال الصور المتواضعة دي

الأحد, ديسمبر 14, 2008

 
Blogger يا مراكبي said...

marmar

mero-moory

كوكب تاني - نفرتاري

يقول أني إمرأة

حزينة

آلاء

أحمد عصام


********

خالص تحياتي على الشعور الجميل ده .. شرفتوني ونورتوني بجد .. أهلا وسهلا بيكم

الأحد, ديسمبر 14, 2008

 
Blogger يا مراكبي said...

Hannoda

هو ده فعلا الشعور اللي بيجيلي كل ما أروح هناك .. بأقعد أتخيل إزاي الرسول والصحابة كانوا بيمشوا المسافات دي كلها من غير سيارة وتكييف وسبل الراحة اللي متوفرة دلوقت؟

كان عندهم مشقة جامدة جدا .. مش دلع زينا دلوقت

الأحد, ديسمبر 14, 2008

 
Blogger يا مراكبي said...

دردشة عالماشي

أنظر ردي على تعليق صدى الصمت

ههههه

الأحد, ديسمبر 14, 2008

 
Blogger يا مراكبي said...

أحمد عبد العدل

أنا اللي كان حظي وحش جدا إننا ما إتقابلناش .. أنا كنت موجود بس التليفون كان بعيد عني .. ولما نزلت كنت إنت مشيت للأسف .. وما كانش معايا رقم تليفونك

إن شاء الله ربنا يجمعنا قريب

حج مبرور

الأحد, ديسمبر 14, 2008

 
Blogger norahaty said...

السلام عليكم ورحمة
الله تعالى وبركاته
اللهم لا حسد(يابختك!)
اللهم لا حسد(يابختك!)
اللهم لا حسد(يابختك!)
فزت بالاثنتين ياباشمهندس !!
الحج تقبل الله منك وغفر الله لك ولنا)
وبصداقة مجموعة تحاببتم فى الله أظلكم الله بظله يوم لا ظل الا ظله.
احتراماتى ودعواتى

الأحد, ديسمبر 14, 2008

 
Blogger koukawy said...

يا رب اكتبهالنا يا رب
مبروك يا حاج

الاثنين, ديسمبر 15, 2008

 
Blogger يا مراكبي said...

norahaty

أنا خايف أعدي الشارع دلوقت كده ... هههههه

ربنا يوعدك إن شاء الله


**************

كوكو

الله يبارك فيكي .. عقبالك إن شاء الله

الاثنين, ديسمبر 15, 2008

 
Blogger اقصوصه said...

اللهم ارزقنا حج بيتك الحرام:)

الاثنين, ديسمبر 15, 2008

 
Blogger شمس وقمر said...

كل عام وانتم بخير

جزيت خيرا لنشر الموضوع الشيق وربنا ينفع بيه الجميع

دمتم سالمين

الثلاثاء, ديسمبر 16, 2008

 
Blogger كراكيب عادل said...

انا وبشوف الصور رجعت لخمس سنين بس دة المناظر في اماكن كتير تغيرت

انا بشكرك جداا علي الصور دي

طبعا انت في السعودية وهتقضيها حج كل سنة حج

يعني النسبة بتاعتك هتزيد ابقي احدفنا بدعوتين كدة

انا هعدلك اهو دي تاني مرة ومش عارف كام مرة عمرة

ربنا يتقبل يا ابو فادي وينعم علي جميع المسلمين بالزيارة

وحشتني علي فكرة والكويت بتسلم عليك

لسة الجو مبقاش برد فاكر السور الي كان قدام اسطنبولي بقا عمارة 13 دور

و سوق السالمية نصة اتهد وهيتبني من جديد

الثلاثاء, ديسمبر 16, 2008

 
Blogger يا مراكبي said...

اقصوصه


آمين يارب العالمين .. ربنا يوعدك



****************


شمس وقمر

أهلا بيكم إنتم الإتنين .. أرجو بجد إن الموضوع يكون فيه معلومات مفيدة

الثلاثاء, ديسمبر 16, 2008

 
Blogger يا مراكبي said...

كراكيب عادل

واحشني جدا جدا جدا .. وتصدق إن الكويت وحشتني كمان؟

هنا فيه قانون يمنعك من الحج كل سنة .. لازم كل 5 سنين .. يإما تحاول تسلك نفسك بطريقة أو بأخرى

شكلك بتقر كده .. ههههه

والله كويس إن فيه حاجات بقت بتتحرك في الكويت .. أنا لما مشيت منها كانت الدنيا نايمة جدا .. وسوق السالمية ده بالذات فعلا كان محتاج إعادة تخطيط

إن شاء الله هأحاول أعدي عليك

الثلاثاء, ديسمبر 16, 2008

 
Blogger زمن الشيكابالالالا said...

حمدلله على السلامة با أبوحميد ويارب تكون إفتكرتنى أنا وأختك بالدعاء
(أبو مريم)

الثلاثاء, ديسمبر 16, 2008

 
Anonymous غير معرف said...

May Allah SWT accept from you and all who were able to make this year and make us among those who will make next year Inshaa Allah .. Ameen ameen ameen.

You really reminded me with the best days ever in our life, I would not forget my first night as El-Madinah and I did not know that Elharem Elnabay colses at 11:00 PM and we went straight from the airport, dumped the luggage at the lobby and run to the Haram , we went ther and was the cleaning time and we start crying and ask a man if we stll can pray, but he said youcan but wewill notstop cleaning and we start going around it and every time we seethem cleaning any "Green" carpet I till my wife " Look this the Roudah's carpet" at he end she nicely pointed out that if all green carpet we saw so far is the for the Roudah, then all of the Haram is Roudah . any no need to mention the stratigic planing to get to the Roudah...-:)
Jazakom Allah Khyran for reminding us and may Allah grant to us again and again and .....
Salam
Thanafy

الأحد, ديسمبر 21, 2008

 
Blogger يا مراكبي said...

زمن الشيكابالا

طبعا دعيتلكم وبالإسم كمان .. بجد إفتكرتكم .. هو فيه أغلى منكم؟

الأحد, ديسمبر 21, 2008

 
Blogger يا مراكبي said...

Thanafy

Thank you very much for your kind feelings .. I do understand and feel all what u said.

I really wish u can go there again and again.

Keep in touch always

الأحد, ديسمبر 21, 2008

 
Blogger EMAN KANDEEL said...

ربنا يتقبل منك دائما يا احمد بس الحجه دي عايزه تجديد

الاثنين, نوفمبر 08, 2010

 

إرسال تعليق

Links to this post:

إنشاء رابط

<< Home