في الذكرى السنوية العاشرة

في الذكرى السنوية العاشرة لجوازي .. بأقعد أفكر في حاجات كتير قوي .. ياترى لو رجع بيا الزمن عشر سنين لورا وما كنتش إتجوزت .. مش كان زماني دلوقت بأصحى الصبح متأخر شوية بدل الميعاد السخيف اللي بأضطر أنزل فيه مع الأولاد الصبح علشان باص المدرسة اللي بييجي الساعة ستة ده؟ مش كان زماني بأروح البيت بعد الشغل وأنتخ وأنام بدل ما أقعد أذاكر للأولاد ساعتين بسرعة علشان هيناموا بدري؟ مش كان زماني ما بأروحش السوق كل إسبوع مرتين علشان أشتري طلبات البيت اللي ما بتخلصش؟ أو أفضل كل صيف وكل شتا وكل عيد ألف المحلات كعب داير على شراء ملابس الأولاد وأحتار في المقاسات والألوان والأذواق .. والأسعار؟
.
مش كان زماني أقدر أنزل عالقهوة وأقعد مع أصحابي في أي وقت وفي أي يوم زي ما أنا عايز من غير ما أقعد أمهد إسبوع للخروجة دي؟ مش كان زماني أقدر أفتح قناة ميلودي براحتي وأبوس الواوا وأتفرج على الباشمهندسة نانسي عجرم و الباشمهندسة روبي والباشمهندسة كارول سماحة من غير ما أكون خايف من أي قصف جوي بالحلل والأطباق؟ مش كان زماني بأخش البيت وما ألاقيش الأولاد بيقولولي إتأخرت ليه وكنت فين .. والحاجة أمهم ساكتة ولا كأنها مسلطاهم عليا؟ مش كان زماني مش غصب عني بأروح الملاهي وأفضل أركب ده وأنزل دي لحد ما يتهد حيلي؟ أو نروح حمام السباحة وأفضل شايل المفعوصة الصغيرة على قلبي بالساعات وواخد بالي من الإتنين التانيين ليروحوا كده وألا كده؟
.
مش كان زماني حوشت كل الفلوس اللي إتصرفت دي كلها على أثاث البيت وحفل الزفاف ومصاريف الولادة والأطباء والمدارس والأكل والشرب والملابس والمناسبات الاجتماعية والعيش والعيشة واللي عايشينها؟ مش كان زماني دلوقت بقيت مليونير وكل البنات بتحبني وكل البنات بتغير؟
.
في الذكرى السنوية العاشرة لجوازي .. لو رجع بيا الزمن عشر سنين لورا .. كنت إتجوزت بدري عن كده بثلاثة سنين كمان .. وكان زماني بأكتب بوست عنوانة .. في الذكرى السنوية الثالثة عشر لجوازي

تعليقات

اولا كل عام وانت وزوجتك في وئام وحب ووفاء واخلاص
انا علي مقربه بأحتفالي بالعام الثالث لي في الزواج ولكني والله اشعر وكأنهم ثلاث أيام او ثلاث ساعات
انا اعتقد ان الزواج هو محطه مهمه جدا لابد من الاسراع بها
وعبد الله بيقول لعمو احمد
كل سنه وانت طيب يا عمو
:)
‏قال Xee
كل سنه و انت طيب

لك و للأسرة أرق تحياتي

زياد
================================
و لو مكنتش اتجوزت يا سيدي كنت هتبقى واحداني

في عيد جوازي الرابع أدركت قيمة الزواج و فهمت مقصد الشاعر حين قال

يموت العازب ميتة الكلاب

أما المتزوج فيعيش عيشتها

:)
‏قال عدى النهار
كل سنة والأسرة كلها بخير وسعادة دائمة إنشاء الله.

سمعت إنه فى الـ
virtual community
الـ 10 سنين ممكن يعملوا 13 و 15 كمان :)

شكراً على كلمتك عندى
‏قال -_-
كل سنة و انتم لبعض يا مراكبي يا اخويا


--------

مدونتى فيها موضوع ريحته وحشة
اللى بيقرف ميدخلش عندي

:)))))))
‏قال zordeak
اللى انت بتتكلم عنه ده هو متعة الحياة

ضحكة المفعوصة الصغيرة ولا اى حد من ولادك بالدنيا كلها

تبك لحظة واحدة علشان خاطرهم يسوى الدنيا وما فيها

ربنا يخليهملك

ويخليلك المدام

والنبى شوفلى عروسة بقى علشان انا نفسى اتجوز

يووووه

عارف هتقول ايه

ذاكر انت بس وخد بالك من مستقبلك

ماشى يا سيدى

:D
‏قال FrEe.PhArAoH
يا باشمهندس انت زى العسل على فكره

كل سنة وانت و زوجتك والاولاد بخيييير و حب وفرحة ان شاء الله

وعقبال الزكرى المليار :)

خالص مودتى
‏قال يا مراكبي
محمد مفيد

شكرا على التهنئة .. أنا برضه حاسس إني متجوز من عشر ساعات بس .. مش عشر سنين

:-D

سلم لي على عبدالله كتير كتير .. ربنا يباركلك فيه إن شاء الله
‏قال يا مراكبي
Xee

متشكر جدا جدا .. بس أنا أخالفك الرأي في موضوع الكلاب ده

مش شايف إن الكلاب المتجوزة حالها أحسن شويتين من الإنسان المتجوز؟

فيه واحد متجوز جنبي بيقول لي: بس ياريت أبقى كلب .. وقاعد يهوهو .. سامعه؟
‏قال يا مراكبي
عدى النهار

أشكرك على التهنئة الرقيقة

حلو موضوع المجتمع الإفتراضي ده .. وده فيه برضة مسؤليات ومصاريف وكده؟

وبالنسبة لتعليقي عندك .. لا شكر على واجب .. إنت موضوعاتك تستحق التقدير والإحترام
‏قال يا مراكبي
Sharm

وإنت بالصحة والسلامة

هأسد مناخيري وآجي على طول .. إوعى حد يكون عامل بي بي عالأرض عندك في المدونة
‏قال يا مراكبي
zordeak

متشكر قوي على الشعور الجميل ده .. وهي دي حقيقة الجواز فعلا

عايز عروسة ونفسك تتجوز؟ وأنا كمان الجواز عجبني جدا لدرجة إني نفسي أجربه تاني

:-D

مش هأقولك ذاكر ولا خد بالك من مستقبلك ولا حاجة .. أنا بس عايز أعرف: إنت لسة ما إتخصصتش ليه لحد دلوقت؟

:-P
‏قال يا مراكبي
FrEe.PhArAoH

الله يكرمك .. متشكر جدا

بس المليار دي واسعة شوية .. طب قول مليون يمكن تمشي

نورتني
‏قال ...
كل سنة وانت طيب
وربنا يخلى لك الولاد والحاجة
تعرف ان حياة المتزوجين كلها
copy-paste
يعنى الحمد لله ان زوجى مالوش فى الكتابة
اكيد كان هيكتب زيك كدة بالضبط
ويمكن أكتر
:)
‏قال يا مراكبي
حــلم

وإنتي طيبة وبالصحة والسلامة

وبعدين هو أنا كتبت حاجة؟ ده أنا معبي في قلبي جامد .. بس مافيش وقت

:-D

وإحمدي ربنا إن جوزك مابيكتبش .. خليكوا كده كويسين أحسن

:-D
كل سنة وانتم بالف خير
مت من الضحك لما قريت الكلام ده
وفرحت بيه في نفس الوقت
كل التحية والامنيات الطيبة
‏قال يا مراكبي
كراكيب نـهـى مـحمود

أهلا أهلا بمؤلفتنا الكبيرة .. خطوة عزيزة

كل سنة وانتي طيبة .. متشكر قوي

بس إيه اللي لقيتيه بيضحك هنا؟ أنا كنت بأكتب والدمعة بتفر من عيني

:-D
‏قال tota
كل سنه وانتوا طيبين يامراكبي ويارب تكون العشر سنين اللي جايه اسعد من اللي راحوا
كنت عايزه اكتب حاجه كمان بس قلت بلاش حرااام انت برضه في الذكري السنويه العاشره ماتهونش عليا:)ربنايسعدك
و سلامي ليك
‏قال koukawy
ربنا يخليهملك
و يخليك ليهم
احلي حاجه الأسره الصغنونه الكميله
و اتمانالك هره سعيده في ليلة الاحتفال
و متسترخصش و تعشيها فول مثلا
اكلها في حته حلوه
و بلاش بخل
حاكم انا عارفاكوا يا رجاله
كنت متأكد ان ورا مواضيع بوستاتك القديمة والصخرية اللي فاتت دي برضو في وش تاني ماشوفتوش من خفة الدم اللي زي العسل ده
كل سنة وانت طيب وعقبال الذكرى المائة
يسعدن اني اقولك
انت انسان حي يا بشمهندس
على فكرة الباشمهندسة كارول سماحة صوتها مش ردىء قوي قوي بس هي اتجهاتها الهندسية غريبة حبتين
ولا ايه يا بشمهندس
كل سنة وانت طيب مرة تاية وتالتة وعاشرة
:)
هى المدام بتقرا الكلام ده
‏قال عمرو غريب
بصراحة الجواز بينظم حاجات كتير في حياة الانسان
‏قال اسلام رفاعى
نصيحة من اخوك الصغير متفكرش كتير عشان متتعبش
‏قال اسلام رفاعى
نسيت أقوللك ألف مبروك وكل سنة وانتم طيبين
‏قال غير معرف…
يااااااااااه يا اخي خضتني

اصلي خلاص المفروض اني بدور علي بنت الحلال


وفعلا كل الحاجات بمشاكلها حاجات زي العسل

خصوصا منعك من ميلودي اغاني:)
‏قال Gid-Do - جدو
مركبى

كنت فاكر انى حاخد افراج من الجواز بعد التابيدة لكن من غير ما عمل حاجة اطسيت مدى الحياة اونطة

لكن قولى لية الجواز بيحول الازواج من اسود الى قطط وبيحول الزوجات من قطط الى اسود بقالى اتنين وتلاتين سنة مش عارف اجابة ـ معندكش اجابة يونوبك ثواب ـ عبقال ذكرى التابيدة
‏قال كلام لوجيك
عزيزي البشمهندس احمد
كل لحظة وانتم طيبين وربنا يخليلكم الاولاد وتفرحوا بيهم دايما بإذنه تعالى

بالنسبة لموضوع الزواج فأنا عاوز أقولك انى كنت بفكر برضه زيك كده
بس اكتشفت انى كنت غلط وان الجواز ده نعمة واللى يكرهها يعمى
مجرد وجود انثى فى حياة الانسان بتغيرها بالكامل وبتدي طعم وبهجه وشعور انسانى جميل بنحتاجه
خاصة اذا كانت الزوجه اصيله ومن ذلك النوع الذي يتقى ربه فى نصفه الآخر

ميزات ومميزات وجود زوجه فى حياتك لا تحصى ولا تقدر بثمن
خاصة مع وجود اطفال يزيدون من احساسك بجدوي حياتك وبروعة كل لحظه تمر عليك معهم

لا اريد الأطالة اكثر من ذلك
اقول لك مرة اخري كل لحظة وانت بخير وترفرف السعادة فوق بيتك وان يديم عليك نعمته
دمتم جميعا بخير
اه ياني ي ي ي ي ي منكوا يا رجاله كلكو واحد نفسكوا تملكوه كل شيء في نفس الوقت عازين العزوبيه بحلاوتها و عازين الجواز من غير مسئوليات ما ينفعش كل شيء له ثمنه يعني ما ينفعش يكون عندك زوجه كويسه و اطفال حلوين من غير التزام و مسئوليات هي الحياه كده بجميع اختياراتها خد الحلو منها و استحمل التعب الاي جاي منها بس الحمد لله انك في النهايه اختارت برضه نفس البدايه كل سنه و انت واسرتك الحلوه بالف خير و عقبال 50 سنه جواز
‏قال اتفضل عندنا
كل سنه وانت و مراتك و اولادك بالف صحه و سلامه و يديم عليكم الفرح يا رب، و يطعمك ما يحرمك ابدا ياخويا....و النبي الجواز ده نعمه و مهما كانت ايام العزوبيه احلي مش هتساوي يوم من الايام اللي بتشوف فيها كتاكيتك و هم بيكبروا قدامك
كفايه الحبه دول دلوقتي احسن انا اما بينزل عليا مود العقل ده،بيجيلي كرشة نفس
‏قال يا مراكبي
أحب أوجه التعليق المخصوص ده لكل اللي تكرموا بالتعرف على مدونتي المتواضعة مؤخرا وما تابعوش موضوعاتي القديمة اللي بتتكلم عن يوميات متزوج

لو عنكم وقت ممكن تتكرموا وتقروها في العناويين دي

الأولى

http://yamarakby.blogspot.com/2007/02/blog-post.html#links

والتانية

http://yamarakby.blogspot.com/2007/02/blog-post_13.html#links

والأخيرة

http://yamarakby.blogspot.com/2007_03_01_archive.html

مع خالص شكري وتقديري لتعبكم ده
‏قال خمسة فضفضة
السلام عليكم ورحمة الله وبركاته

الف مبروك يا باشمهندس وعقبال الذكري المئويه

انا كمان هاتم 10 سنين ....عاااااا
بس بجد زي شكة الدبوس ماحستش بيهم خالص....ههههه

وزيك كده اقعد اقول لو ماكنتش اتجوزت مش كان زماني عايشه سلطانة زماني في بيت امي ارجع من الشغل الاقي الاكل جاهز والبيت مترتب ونضيف والهدوم مغسوله ، اخش دغري علي السرير انام براحتي واصحي براحتي ومايبقاش ورايا مسئوليات وعايشه آخر حريه

بس ارجع واقول برضو الزواج ده شر ولابد منه ولو ماكناش اتجوزنا كان زمانا بنندب حظنا
يلاا ربنا يديمها نعمه ويحفظها من الزوال

كل سنة وانت طيب ياباشمهندس وسلمي لي علي الحاجه وكل سنه وهي كمان طيبه

تحياتي
‏قال Anima
كل عام و انتم طيبين

الله يخليلك الحاجة و الأولاد و يبارك لكم فيهم


الفقرة الأخيرة انت كتبتها علشان تزوغ من عقاب الحاجة ولا ايه؟
ههههههههههههههههه
‏قال Unknown
اسلوب جميل

بس انا كنت واثق انك مش حتخليه ينتهي زي ما ابتدا .. اكيد في كلمه حلوه في الاخر تعادل كل الحاجات اللي في الاول دي

تحياتي
‏قال gohayna
كل سنه وانت بألف خير وسعاده مع زوجتك ويارب يهنيكم وتخدوا اليوبيل الفضي والذهبي والي هيخترعوا لسه للازواج الي قضوا مده 100 سنه مع بعض

جايزه القرن

كل الرجاله والله فكرهم واحد

القهوه والحريه والنوم والراحه

بس صدقني هو بس علشان ممنوع فمرغوب

لكن لو كان متاح ليك كنت هتزهق وتحن للحياه الاسريه والعيله والاولاد

ربنا يخليك ليهم ويخليهملك يارب

قول امين

ربنا يسعدك يا مراكبي

تحياتي
‏قال BackBone
احلي حاجه في الدنيا هي الذكريات السعيدة

فاياريت كل متلاقيها سعيده ابقوا اتصوروا علشان لما تعدي الايام تبقي تقولوا ياه كان في برده لحظات سعاده عشناها

و بعدين منتي اللي كان نفسك تتجوز و تخلف

امال كنت فاكر الجواز ايه لعب و حب بس.


سعيده و اشوفك في اليوبيل الذهبي يامركبي
السلام عليكم
كل عام وانت بخير يارب انت وزوجه حضرتك

بصراحه انت لحقت نفسك بالكلمتين اللى فى الاخر :D:D:D:D
‏قال يا مراكبي
tota

متشكر قوي وربنا يسعدك إنتي كمان

أنا فهمتك من غير ما تتكلمي .. ده انا أفهمها وهي طايرة .. إستري عليا الله يسترك
‏قال Islamist Bloke
بس الجواز أحلى

انا كمان حاسس بكدة

بس انا لسة متجوزتش

ربنا يهدينا

اللهم امين

والسلام
‏قال khaled
مبروووووووك ياباشا
ربنا يخليلك اولادك
‏قال Reemo
كل سنه وانت طيب يا مراكبى
وجنبك زوجتك وأولادك الكرام
وأكيد لو مكنتش اتجوزت من عشر سنين فاتو
مكنتش هتكتب التدوينه الحلوه دى دلوقتى
ومكانش هيبقى فى حياتك شئ جميل تتكلم عنه
واللى بان أوى فى الجمل الأخيره
ربنا يسعدك دايما
وعقبال مليون سنه جواز وسعاده يارب
تحياتى
‏قال أبو أمك
معلش
مافيش حد بيتعلم ببلاش
‏قال koukawy
ايه ده اشمعني انا مردتش علي كومنت بتاعي
عاهههههههههههههههههههههههههه
عاهههههههههههههههههههههههه
انا بعيت
اهئ اهئ اهئ
****************
ههههههههههه
عجبني اوي قول الشاعر بتاع
xee
ههههههههههههه
‏قال كراكيب عادل
كل سنة وانتوا طيبين

وانا عارف ان جوة قلبك بتقول العكس

لو متجوزتش كانت حجات حلوة كتير مش هتحصل اسرة واولاد واستقرار

:)
‏قال يا مراكبي
koukawy

متشكر جدا يا كوكو على التهنئة الجميلة دي

وما تقلقيش عليا في ليلة الإحتفال .. إنتي عارفاني فييس وما يهمنيش الفلوس .. ولو إن الفول غالي قوي هنا اليومين دول
‏قال LOJAIN
لولولولولىىىىىىىىىىى
يالف نهار ابيض
يالف نهار مبروووووووك
يالف نهار الهنااااااااااااا

يارب يبقى بجد الوفاء و الحب ده على طول
و بالمناسبة دى تبطل تعطف على بتاعة اللبن

Regards:
Lojain :)
كل شم النسيم و انت طيب
و متنساش نصيبنا من الاضاحي
و عايزة اقولك لو مكنتش اتجوزت من عشر سنين
كان زمانك فاضحنا في البوستات و عامل مدونة
انبي جوزوووني


الف مبروك
يا اخي بيقولوا اية في عيد الجواز مش عارفة اجيبها

اه

السجن للجدعان
‏قال samvet
مبروك
خمسة وخمسة جواز

عقبال الخمس خمسات يارب وتخش ع تابيدة كدا
تحياتى
‏قال loumi
الف الف مبروك يا باشمهندز
و ان شاء الله بعد 10سنين
تانى تكتب بوست
فى الذكرى الثانويه العشرين
يا رب كل ايامك هنا وسعاده
انا مش عارفه ليه كل ما ادخل عند حد النهارده الاقى نفسى متاخرة قوى
معلش السن بقا
تحياتى
‏قال Hannoda
كل سنة و إنت طيب و تعيش و تفتكر مناسبات حياتك الجميلة و تجيب هدية عيد الجواز في كل سنة للحاجة الغالية

كنت متأكدة ملون في المية من إنك حاتختمها بمعني عكي اللي البوست بيقوله عشان عرفت من بوستاتك إرتباطك بجو الأسرة و حبك ليه و استمتاعك بيه كمان

ربنا يخليكوا لبعض و تيجي كل سنه جواز بخير ( خير في المشاعر.. خير في علاقتكوا بربنا.. خير في صحتكوا و رزقكوا )


و الله فرحانة بيك يا مراكبي

كل سنة و انتوا طيبين
‏قال sherehan84
كل سنه وانت طيب وعقبال 100 سنه جواز تحتفل بيها انت ومراتك وعيالك وعيال هعيالك وعيال عيال عيالك
‏قال يا مراكبي
أحمد سلامة

متشكر قوي يا بوحميد على رأيك فيا ده .. أنا أصلا بحب المسخرة بس وضعي هو اللي مخليني ألبس الوش الجبس

:-D

ومادام جيبت سيرة الغالية .. فأنا بصفتي الهندسية أحب أقولك إن الإتجاهات الهندسية للباشمهنسة كارول سماحة مش غريبة ولا حاجة .. دي هي التكنولوجيا كلها .. هأبقى أشرح لك بعدين بعيد عن هنا
‏قال يا مراكبي
الوردة السوداء

المدام بتقرا الكلام ده طبعا وبتتابع كل التعليقات وردودي عليها كمان .. وبتتابع تعليقاتي في المدونات التانية كمان .. هي واثقة فيا جدا زي ما إنتي شايفة
‏قال يا مراكبي
عمرو غريب

طبعا الجواز بينظم حاجات كتيرة .. منها الضغط والسكر

نورت
‏قال يا مراكبي
اسلام رفاعى

متشكر قوي على النصيحة الجامدة دي .. بس مش قادر

حاولت ومش قادر

متشكر قوي وكل سنة وإنت طيب
‏قال يا مراكبي
مصراوي أوي

ما تتخضش ولا حاجة .. دور إنت بقلب جامد وبكره هاتدعي .. هاتدعيلي

هاحكيلك عن جحا اللي بيشتم اللي إتجوزوا قبله واللي إتجوزوا بعده

اللي قبله علشان ما نصحوهوش

واللي بعده علشان ما سألوهوش

وجحا كمان كان ممنوع من ميلودي اغاني
‏قال يا مراكبي
Gid-Do - جدو said...

دي زيارة كريمة جدا وشرف كبير .. أهلا بيك

مدى الحياة يا جدو؟ ياااه .. مافيش حتى خروج حسن سير وسلوك؟ كان الله في العون

وبعدين أنا أول مرة أعرف إن الرجالة قبل الجواز كانوا أسود وإتحولوا بعد كده لقطط .. جايز ده كان على أيام حضرتك

أنا اللي أعرفه إن الرجالة بيكونوا مكسورين الجناح قبل الجواز من كتر الهم اللي وراهم .. وبعد الجواز بينكسر الجناح التاني .. ويمكن رقبتهم كمان

نورتني والله
‏قال يا مراكبي
كلام لوجيك

أحييك على التعليق الموضوعي ده عن الزواج .. كل اللي ذكرته فعلا صحيح وهي دي الخلاصة اللي أنا وصلت ليها عبر السنين اللي فاتت .. ولخصتها كمان في ختام البوست

ربا يوفقك وتلحق نفسك بسرعة وإن شاء الله ربنا يرزقك بالزوجة والذرية الصالحين .. آمين
‏قال يا مراكبي
دنـــيـــا

طول عمري من ساعة ما فتحت البلوج ده والناس واقفة في صف الحاجة مراتي مع إنها لا بتدون ولا بتعلق .. حاجة غريبة

عموما هو الإنسان كده بيحب يكون عنده كل حاجة .. لكن الرضا باللي قسمه ربنا هو قمة السعادة

متشكر قوي على التهنئة الجميلة دي .. وأهلا بيكي في عالم التدوين ودايما تنورينا
‏قال يا مراكبي
اتفضل عندنا

أنا برضه إستغربت من التعليق في أوله وقلت تكون واحدة تانية اللي كاتباه وإستغلت إسمك؟

:-D

نورتينا بجد في الذكري السنوية .. أديكي عرفتي الميعاد .. إبقي زورينا السنة الجاية
‏قال يا مراكبي
Mohamed A. Ghaffar said...

يعني .. عايش ومش عايش .. على رأي عمرو دياب

بين البينين

:-D
‏قال يا مراكبي
خمسة فضفضة

وعليكم السلام عليكم ورحمة الله وبركاته

المئويه مرة واحدة؟ زي النادي الأهلي يعني؟ ربنا يكرمك

وإنتي كمان 10 سنين؟ صحيح اللي يشوف بلاوي الناس تهون عليه بلوتة

هههههه

كل سنة وإنتي وزوجك وأولادك بخير وبصحة وبسلامة
‏قال يا مراكبي
Anima

وإنتي بالصحة والسلامة

متشكر جدا

وبعدين الفقرة الأخيرة دي من قلبي .. أيوة من قلبي مش مصدقة ليه؟

أنا ما بأخافش من الحاجة .. أنا جامد جدا .. بس ده بيني وبينك طبعا .. بلاش تسييح
‏قال يا مراكبي
М€ŝЋМΣŞĦ

مشمش .. أهلا بيك .. لقطت الإسم برضه رغم إنه مكتوب بطريقة غريبة

متشكر جدا على ثقتك فيا بإني هأتعدل في آخر البوست .. مجبر أخاك لا بطل

:-D

تحياتي
‏قال يا مراكبي
gohayna

وإنتي طيبة وبالصحة والسلامة .. متشكر قوي على شعورك الجميل ده

وبعدين أحييكي على الإعتراف النسائي الخطير ده: بس صدقني هو بس علشان ممنوع فمرغوب

طيب هو ليه ممنوع؟ فكوها شوية .. حبة بربع جنية ولا حاجة كده

ربنا يسعدك في الخير دايما .. تحياتي
‏قال يا مراكبي
BackBone

بصراحة أنا هاريهم تصوير ليل نهار .. لكن أنا ما حدش بيصورني ولا سائل فيا

وعندك حق لأني أنا اللي جيبت ده كله لنفسي على رأي عبد المنعم مدبولي

:-D

بس مين اللي ضللك وقال لك إن الجواز فيه لعب و حب وحاجات كده؟

:-D

متشكر جدا على تعليقك الظريف ده
‏قال يا مراكبي
رينـــــــــــا

وعليكم السلام

أنا ما لحقتش نفسي بآخر جملة ولا حاجة .. أنا ما باخافش من حد .. أنا بس ما بحبش المشاكل

نورتينا
‏قال يا مراكبي
Islamist Bloke

فطرة ربنا سبحانه وتعالى هي الأحلى والأجمل والأصح مهما حاولوا الناس يقولوا غير كده .. ربنا خلقنا كده: زي ما لازم نآكل ونشرب .. لازم نتجوز

ربنا يهدينا جميعا
‏قال يا مراكبي
khaled

الله يبارك فيك وعقبالك

أهلا بيك
‏قال يا مراكبي
REEMOO

أشكرك على الشعور الرقيق ده .. فعلا لو ما كنتش عملتها من عشر سنين جايز ما كنتش هأبقى مدون أصلا

:-D

ربنا يسعدك ويكرمك إن شاء الله
‏قال يا مراكبي
أبو أمك

أيوة كده .. نفسي حد يآخد بخاطري شوية

نورت
‏قال يا مراكبي
koukawy

أنا ما أقدرش أسيب أي تعليق حتى لو على بوست قديم .. إزاي تظني فيا كده بس؟ أنا بس مشغول قوي اليومين دول

بس طبعا قول الشاعر
xee
ده تحفة .. أنا سجلتها عندي في حكمة اليوم
‏قال يا مراكبي
كراكيب عادل

بعدين بقى؟ ما تسيحليش بقى .. الحاجة لسة هنا ما سافرتش

الجواز ده أجدع ناس

:-D
‏قال يا مراكبي
قاسم أفندي

سعيكم مشكور يافندم

:-D
‏قال Rania Lelah
كل سنه و انت طيب و يا رب المرة الجايه كدة اما تحتفل باليوبيل الفضى و لا الذهبى و لا البرونزى
و يلا بقى
اى خدمة
يا رب تعيشوا فى خير و سعادة و هناااااااا
اى خدمة تانية مش هتجيب قش بقى
:))
ما انت عارف حال الدنيا
‏قال يا مراكبي
LOJAIN

ربنا يخليكي .. نجاملك في الأفراح إن شاء الله .. بس إبقي إعزمينا

حلوة حتة الوفاء اللي إنتي قولتيها دي .. عجبتني بصراحة

أما بقى عطفي على بتاعة اللبن ده ما أقدرش ابطله أبدا .. دي غلبانة ومنكسرة وحاجة جامدة بصراحة .. هأبقى أبعت لك صورتها وإنتي تعذريني
‏قال يا مراكبي
Sampateek

وإنتي بالصحة والسلامة .. هأبعت لك كحك العيد والغريبة في أقرب فرصة

أنا بأعرف أستحمل وأقعد عازب على فكرة .. يعني ممكن أقعد بتاع إسبوع لوحدي من غير مشاكل .. بس بعد كده بأعيط طبعا

ده إحنا جدعان قوي .. بتوع سجن بقى
‏قال Unknown
شكرا علي الزياره يا مراكبي .. بس ليا سؤال

تحب اناديك بايه؟
مراكبي تمشي؟
‏قال يا مراكبي
mansourawy

ناسي تقول السجن للجدعان وناس تقول تأبيدة .. ياإخواننا .. إذكروا محاسن موتاكم

:-D

المهم إنت عامل إيه؟ يارب تكون مستريح في الجيش .. ربنا معاك
‏قال يا مراكبي
loumi

الله يبارك فيكي .. متشكر قوي على ذوقك

حلوة كلمة الذكرى الثانوية دي .. كلمة فيها كلام كتير برضة

إنتي لا متأخرة ولا حاجة .. المدونات كترت قوي - بسم الله ما شاء الله - والمتابعة محتاجة وقت كبير جدا

لكن ده ما يمنعش إنك بقيتي عظمة كبيرة برضه

:-P
‏قال يا مراكبي
Hannoda

مابلاش موضوع الهدية ده .. خليكي محضر خير

:-D

أنا سعيد جدا جدا بشعورك الجميل ده .. حقيقي كلك ذوق .. بأتمنالك كل الخير والسعادة والسرور

وإن شاء الله نسمع عنك دايما أحلى الأخبار
‏قال يا مراكبي
sherehan84

هأعيش لحد أربع أجيال قادمة بس؟ بحبحي إيدك شوية كمان

:-D

متشكر جدا جدا .. منورانا
‏قال يا مراكبي
Rania

ما فيش حاجة لله في لله أبدا؟ طالعة واكلة نازلة واكلة

عموما ما يغلاش عليكي .. ليكي عندي عزومة بس لما أنزل أجازة

مش هأقولك على ميعاد أجازتي طبعا

:-D
‏قال يا مراكبي
М€ŝЋМΣŞĦ

لا شكر على واجب .. أنا يسعدني زيارة المدونات وخصوصا الجديدة والهادفة زي مدونتك كده

مراكبي يمشي طبعا .. وزي ما يعجبك

أهلا بيك
‏قال مشروع انسان
كل عام وانتم اقرب لبعض واحب
بس شكل الكلام ده من ورا قلبك على فكرة يعنى مش بتستمع باولادك وتموت من ضحكتهم وتموت لو حصلهم حاجة وتنسى الدنيا وانت معاهم واكيد الحاجة برضه يعنى شوف الجانب المضئ هتلاقيه كبير جدا بس رططز كده وهتشوف
‏قال غير معرف…
كل عام و أنتم بخير
إيييه كلنا لها ماحدش واخد منها حاجة

بصراحة مش هاقعد أقول لك مش الجواز أحسن و الحاجات دي لأن لسة ماتحرمتش من نعمة القعدة ع القهوة لغاية دلوقت و من موقعي أحب أقول لك تحيا العزوبية يا معلم
‏قال MAKSOFA
والله ضحكت من قلبي ، دايما كده أسلوبك ساخر وجميل ، كل سنويه وانت طيب ،
‏قال منة الله
احمد ثروت

ادعوك للمشاركة في استفتاء اكثر 10 مدونات تاثيرا في قرائها

عل مدونتك تكون واحدة منهم

اليك الرابط

http://www.6ef.blogspot.com/
‏قال allfollowsome
اولا كل سنة وانت طيب وانشاء الل دايما سعيد

وأتمنى فعلا انك تكون زى ما قلت فى الاخر

لو رجع بيا الزمن عشر سنين لورا .. كنت إتجوزت بدري عن كده بثلاثة سنين كمان .. وكان زماني بأكتب بوست عنوانة .. في الذكرى السنوية الثالثة عشر لجوازي

تحياتى
يا رااااجل
كل سنة وانت طيب
وعقبال المؤبد

:)

تعرف يا ماراكبي يا خويا

انا والله العظيم باقعد افكر زيك كدا ساعات كتير


وحسبتها لاقيت فعلا...اني كان ممكن ابقى مليونير

بس سيبك انت
مافيش احلى من العيال يلعبوا حواليك

نعمه ما بعدها نعمة
‏قال يا مراكبي
امام الجيل

طبع من وراء قلبي .. ما أنا قلت كده في الآخر والطيب أحسن

:-D

أهلا بيك دايما .. نورتنا
‏قال يا مراكبي
مصرى

سعيكم مشكور يا معلم

و من موقعي هذا أحب أقول لك إني بأحسدك وبأحقد عليك وخلي بالك وإنت بتعدي الشارع

نورت
‏قال يا مراكبي
MAKSOFA

ربنا يكرمك .. دايما بتجبري بخاطري

وإنتي بقى عديتي الذكرى السنوية رقم كام؟
‏قال يا مراكبي
منة الله

متشكر على الدعوة دي .. بس المشكلة إن كل الإستفتاءات اللي زي كده مش كل الناس بتعرف بيها وبالتالي ممكن حد يتظلم بعدم معرفته بالموضوع للمشاركه فيه

لكن شكرا على كل حال
‏قال يا مراكبي
Taher

أهلا بيك .. فينك من زمان يا راجل؟ دي خطوة عزيزة بجد

أشكرك جدا على تعليقك الجميل .. وأحب أطمنك إني بأتكلم جد فعلا زي ما قلت في آخر البوست تمام

نورت
‏قال يا مراكبي
أُكتب بالرصاص

وإنت بالصحة والسلامة .. شكلك هتقوللي كفارة يا معلم

:)

طبعا فيه حاجات عمرك ما هتعرف تقدرها بالمال أبدا أبدا .. وأهمها لما تشوف الأولاد سعداء بسببك

ربنا يخليهوملك .. بس أنا نفسي أقعد عالقهوة بصراحة ولو مرة كل شهر
‏قال AHMED SAMIR
ياسلاااااااااااام
قبل ما اقرا التدوينة دي على طول كنت بفكر اتجوز
انما بعد ماقريتها
حسمت امري تماااااااااااااااما
تحياتي
‏قال Esmeralda
ايه ده!!!!!!!!!
انا شكلى طولت الغيبه و لا ايييييييييييه؟
كنت مسافرة

مليونير بس لوحدك و نفسك تتجوز و شعرك وقع كل شويه تبص فى المرايه تحاول انقاظ ما يمكن انقاظه قبل ما تتجوز و ممكن تعيط لو شفت عيل صغنن و بلاش كفايه عليك كده
‏قال يا مراكبي
A.SAMIR

إوعى تكون حسمت أمرك إنك ما تتجوزش .. ماتخافش من الجواز .. هو ما بيعضش جامد .. بس بيعض

ههههه

أهلا بيك
‏قال يا مراكبي
Esmeralda

أنا عارف إنك كنتي مسافرة علشان الإنتخابات

وبعدين عرفتي منين موضوع الشعر ده؟ عموما أنا نويت أعمل عملية ترميم خلاص

وكفاية كده أحسن قربت أعيط والدمعة هتفر من مناخيري

:-D
‏قال hebaz
كل سنة وانتم بالف خير و عقبال اليوبيل الذهبى و الفضى و كدة :)
أكيد ضحكة المفعوصة و شقاوة أخواتها بالدنيا و المدام بعقلها
برحابة صدر بجد شىء تحسدوا علية :)
ربنا يسعدكوا و يديم عليكوا راحة البال
اه حاجة كمان معلش نانسى و روبى و أخواتهم مينفعوش مهندسات أحنا طلعت رحنا علشان اللقب و كمان متنساش المقولة الشهيرة الى بتقول أن هندسة مفيهاش بنات هىهى
تحياتى
‏قال يا مراكبي
hebaz

ياااه .. إنتي فين من زمان؟ غيبتي جامد قوي

أشكرك جدا على التهنئة الرقيقة دي

وبالنسبة للباشمهندسات اللي قلتي أسماؤهم دول .. طبعا دول مش مهندسات ولا حاجة .. دول أساتذة ورؤساء أقسام كمان

:-D

وطبعا أنا فاكر إن كلية الهندسة ما فيهاش بنات .. بس ده كان على أيامي انا .. لكن بعد كده متهيألي النسل إتحسن بكتير

ما إنتي مهندسة وعارفه .. وش بيغمز
‏قال شيمـــــاء
كل سنة و انت طيبة يا حاجة
و السنة الجاية يكون مبطل تشريد ليكى

و انت يا مراكبى
كل سنة وانت طيب و فى احسن حال
‏قال يا مراكبي
shaimaa

نفسي مرة واحدة تبقى في صفي وتعملي حساب للزمالة التدوينية .. مرة واحدة بس

أهلا بيكي .. منورانا بجد
‏قال Unknown
كل سنة وانتوا طيبين .. قريب عيد زواجكوا من عيد زواج اختى وابن عمى .. سنة واحدة كان نتاجها البت سلسبيل اللى قرفانى فى عيشتى دى

:D

والله كل الحاجات اللى حضرتك ذكرتها كنت شايفة فيها نعمة انك مش لوحدك وان فى أكشن فى الحياة .. الحمد لله وربنا يديمها على حضرتك نعمة

فكرتنى بابا لما يزهق مننا يقول مش كنت عملت مشروع تجارى كان بقا افيد من القرف ده

:D

تحياتى للأسرة الكريمة
مبارك عليكم
وأنعمت بزواجك وأبنائك
مش كان زمانى....!؟
ممكن تكون شىء غير اللى بتفكر تكون فيه
يعنى بتصحى متأخر يعنى ممكن تتأخر عن شغلك
ويعنى بدل ما تنام لما ترجع من الشغل يعنى شويه كسل
ويعنى ويعنى كان ممكن تكون أسواء وأسواء
على العموم ذكرى تكون جميله ليك على طول
أفتكرت تجيب هديه ولا نسيت
‏قال david santos
بفضل خطة العمل الوطنية المتعلقة بالتصحر لها جيدا الاسبوع
‏قال الريس
كل سنة وانتا طيب يا بشمهندس..بس مش كل حاجة عدى عليها وقت تبقى حلوة بس ممكن نقول المحصلة الى حد ما ..انا بتكلم عن نفسى..وعقبال 10 مليون سنة جيين
‏قال يا مراكبي
إنـســانـة

أهلا بيكي .. وسلميلي على سلسبيل كتير

تعليق والدك ده جميل جدا جدا .. أنا شكلي كده هأقتبسه منه وأستخدمه على طول

لكن هي حياة المتزوجين كده .. كلها أكشن زي ما إنتي قولتي .. عدد مشاكلك بيتضاعف حسب عدد أفراد الأسرة

لكن أكشن مسلي .. احسن من الرتابة والملل
‏قال طهقان
اخويا
مراكبي


تعيش وتفتكر يا خويا

مانجلكش في حاجة وحشة

دا انت دفعتي بقا

زمايل قروانة واحدة

صدق من قال

الجواز تهذيب واصلاح وتأديب

وبلاوي سودة تانية
‏قال يا مراكبي
اعشق فى اليل ضوء القمر

الله يبارك فيك .. متشكر جدا

أنا متأكد إن ربنا سبحانه وتعالى إختار ليا الخير .. والطريق اللي سلكته ده أكيد أفضل من غيره

غلوش على موضوع الهدية دي .. ما تفكرش الحاجة بقى
‏قال يا مراكبي
david santos

Welcome Back
‏قال يا مراكبي
الريس


كل سنة وانتا طيب يا ريس ويخليك لينا .. المنحة بقى يا ريس علشان الأسعار بقت غالية قوي

نورتنا يا ريس
‏قال يا مراكبي
طهقان

حياتك الباقية .. إن شاء الله تكون آخر الأحزان

إنت كمان دفعة 97 صاعقة؟ دي صدفه سعيدة جدا .. دي كانت شوطة ساعتها بقى

بس فين الإصلاح والتهذيب ده؟ قصدك إصلاح وتهذيب للرجالة طبعا
السلام عليكم ورحمه الله

كل سنه وانت طيب وعقبال المئويه الزوجيه وعقبال ما تشوف احفادك واحفاد احفادك وبرضو تكون لسه بتدون

دى اول مرة لى فى مدونتك ومش عارف ليه مكنتش بدخل مدونتك الله اعلم يمكن علشان اول دخول لى يكون فى مناسبه سعيدة زى دى الله اعلم برضو عموما انا سعيد بدخولى مدونتك وانشاء الله دايما موجود بالتوفيق وتحياتى لاسرتك الكريمه

محمد فوزى .
يا مراكبي
........
وجدير بالذكر انك لو تأخرت لاصلعيت

واشتعل رأسك شيباً

وكنت بداء العنوسة شقيا

تحياتي
السلام عليكم و رحمة الله و بركاتة

الاخ الفاضل الكبير احمد

اولا انا بعتذر عن التأخر في الرد لان النت اساسا واقع من عندي بقاله فترة من البيت و بقيت بتسول المدونات من السايبر :)

ثانيا بقي بجد بجد بجد بجد انا اتبسط جدا و تقريبا كنت مبتسمة طوال الوقت و انا بقرأ التدوينة دي و كنت عارفة انه هلاقي مقلب في النهاية و انك رغم كل شئ مبسوط

احلي حاجة في الدنيا اساسا ان الواحد يكون راضي عن حياتة ايا كانت لان كدا كدا فيه منغصات بتمر علي الانسان لكن اهم شئ ان الواحد يعرف يتأقلم مع المنغصات دي و ينظر دائما للنصف المملوء من الكوب

انا فعلا سعيدة
و عقبال التأبيدة
و عقبال كل اللي متجوزوش و نفسهم يتجوزوا انها تحصل قريب اوي اوي اوي :)
‏قال kaed
ألف مبروك ياهندسة
وعقبالى يارب أما أتأهل الواحد زهق من العزوبية
بس نعمل إية بقى العلم حلو برضو
‏قال يا مراكبي
انا من اهوى ومن اهوى انا: محمد فوزي

وعليكم السلام عليكم ورحمه الله

أهلا وسهلا بيك في المدونة في أي وقت .. نورتنا ونتمنى إنك تزورنا دايما

وأشكرك على التعليق الجميل والأماني الطيبة
‏قال يا مراكبي
سمسم

أنا بحب كلمة جدير بالذكر دي جدا جدا زي ما إنت عارف

بس أنا إصلعيت بجد وجد من الجواز .. وكنت بشعري وبعقلي قبل الجواز

ههههه

أهلا بيك .. أخبار جزمتك إيه؟
‏قال يا مراكبي
شــــمـس الديـن

وعليكم السلام عليكم و رحمة الله و بركاتة

مافيش داعي للإعتذار ولا حاجة .. تشريفك لوحده يكفيني في أوي وقت

أنا فعلا سعيد جدا بتعليقك الرقيق ده وبأشكرك جدا على مشاركتك بمشاعرك معانا .. وده مش غريب عنك أبدا

أدعو الله عز وجل إنه يمنحنا جميعا الرضاء والصفاء النفسي اللي هما سر السعادة فعلا
وبأتمنى كل الخير لكل اللي متجوزوش و نفسهم يتجوزوا
‏قال يا مراكبي
kaed

إلحق إتمتع بالعزوبية على قد ما تقدر

وأنا بخبرتي العلمية وبعد مجموعة محاولات متنوعة في دراساتي العليا أحب أقولك من موقعي هذا إن فعلا العلم لا يكيل بالبتنجان

نورت
‏قال Hypatia
احمد يا قاضى
تحياتى
يمكن معرفكش بس فرحانه بيك اوى و ده لسبب بسيط عشان انت خليت مراتك و ولادك يستقروا معاك فى الكويت ومسبتهمش هنا فى مصر-ده حسب ما فهمت يعنى-وكانت حتبقى غلطت عمرك لو كنت اغتربت لوحدك وسبتهم هنا مغتربين عنك
الموضوع ده مسنى اوى عشان انا ابويه فى الكويت من تلاتين سنه لوحده واحنا هنا لوحدنا ومش بنشوفه غير كل سنه او اتنين
عقبال ما تكمل مليون سنه مع مدام قاضى و القواضى الصغيره تكبر وتكبرلنا عيله احمد القاضى ان شاء الله
تحياتى
‏قال admelmasry
ياعني انت عايز تقنعني انك اتجوزت وانت عندك خمسة وعشرين سنه ؟
.
.
دا ممكن ياباشا
ولا خلاص ؟
.
.
مش بنق والله
تحياتي والسلام
‏قال Monzer
آسف على التحليق خارج السرب
ولكن إيماننا بدفاعكم عنمبدال الحرية
ندعوكم للتضامن مع عمر الشرقواى المعتقل فى قسم طلخا

إثر قيامه بتغطية انتخابات مجلس الشورى
وجزاكم الله خيرا
‏قال ياسر سليم
السلام عليكم

أول زيارة لمدونتك ..

وجمادة جداً الخواطر اللى فى الذكرى السنوية العاشرة ..

بس انا معتقد ان حضرتك كتبت الكلام ده عشان المدام بتقرا المدونة بتاعتك ..

اكيد المدونة بتاعتك متراقبة ..

تحياتى ليك
‏قال غير معرف…
اولا كل سنة وانت والمدام طيبين وبخير وذكرى سعيدة عليكم
ثانيا لما قريت البداية قلت الراجل ايه اللى حصل له حد يكره انه يستقر ويكون عنده اولاد زى العسل ربنا يخليهمله بس فى الاخر رجعت لقواعدك سالما مفيش احسن من لمتهم حواليك ربنا يخليهوملك
‏قال يا مراكبي
Nsreen Bsunee

من أول كلمة في التعليق إفتكرتك تعرفيني بجد لأن فعلا كل الناس بتنده عليا كده: احمد يا قاضى .. أو با قاضي على طول

أهلا بيكي

طبعا أحيانا بيكون فيه ظروف خاصة جدا بتخلي رب الأسرة ما يقدرش يصطحب أسرته معاه في الغربة .. لكن في الغالب بعد فترة بيكون يقدر يصطحبهم معاه

هأتكلم عن نفسي: أنا مهما كانت التكاليف مش مستعد إني أعيش بعيد عن أسرتي لأني لما إتجوزت وأنجبت كنت عايز أباشر رعاية الأسرة بنفسي يوم بيوم ولحظة بلحظة وإلا ما كانش ليها لازمة الحكاية كلها من أولها

ربنا يرجعلك الوالد بالسلامة وتتجمعوا تاني على خير بإذن الله

نورتيني
‏قال يا مراكبي
hapasa

أهلا بيك في أي وقت وتحت أي ظرف .. البيت بيتك
‏قال يا مراكبي
ياسر سليم

وعليكم السلام عليكم

أهلا بيك

طبعا المدام بتقرأ المدونة وبتراقبها وبتراقب التعليقات والتعليقات اللي في المدوناتا للتانية كان .. هي مش مراقبة .. ده حصار

علشان كده لازم نكتب بؤين زي كده علشان نعرف نعيش .. مشي حالك

ههههه
‏قال يا مراكبي
آدم المصري

في الواقع (تنطق القاف ألف) أيوة كان عندي 25 سنة .. ومش لوحدي اللي إتجوزت في السن ده ساعتها .. وكل شيء ممكن

وأنا أعرف كام قصة كفاح لكام واحد إنطحنوا علشان يقدروا يتجوزوا بدري .. شغل ليل نهار وقصص كبيرة جدا ممكن تبدو مستحيلة .. لكن حصلت

لما بيكون فيه هدف .. ممكن الناس تسوي الهوايل
‏قال يا مراكبي
hend

وإنتي بالصحة والسلامة

عدين ماتخافيش عليا في الكتابة .. واخد بالي كويس .. أصل الرقابة جامدة قوي

أهلا بيكي
كلنا لها يا عزيزي
انا برضه بقالي تقريبات عشر سنين متجوز(حتمهم شهر 9 الجاي)
بس ما عنديش اطفال لسه

وقضيت منهم 3 سنين غربه
متغربييييين بره وجوا
‏قال يا مراكبي
اسكندراني اوي

أهلا بيك .. منورني

أنا بأحب إسكندرية وكل أهل إسكندرية .. وإنت كمان جاري .. قطر دي في آخر الشارع اللي أنا ساكن فيه في الكويت بس بعيد شويتين

إن شاء الله ربنا يرزقك بالذرية الصالحة و يؤجرك خير في الدنيا والآخرة
‏قال الملتقى
ندعوكم للمشاركة معنا فى
( الملتقى )
ملتقى امدونين
ملتقى الافكاروالاراء
فى مدونة واحدة تجمع افكارنا
تسعدنا مشاركاتكم معنا
‏قال يا مراكبي
الملتقى

أشكركم على الثقة الغالية دي .. لكني في الحقيقة لسة مش مقتنع كتير بفكرة المدونات الجماعية لأن تفكيري في التدوين نابع من رؤيتي الشخصية لمدونتي الخاصة وشخصيتي اللي بأتحرك من خلال أحاسيسها وظروفها

أشكركم مرة تانية
‏قال حسن ارابيسك
الف الف مبروك ياباشمهندس
أول ما عرفت جيت على طول قلت ابارك كل سنة وانتم طيبين ودايما ربنا يديم عليك نعمته دي يارب ولا تتحرمش من عالمك الصغير ده اللي منور عليك حياتك
كفاية دخلتك من الباب وأولادك بيجروا عليك أولادك ويستقبلوك بحب وحنان وكلمة بابا اللي بتسمعها منهم دي تسوى الدنيا ومافيها
وزوجة صالحة بتكون سند لك في هذة الحياة الصعبة
وأهديك اغنية أحمد منيب
مين اللي يسهر جنبي الليل
مين اللي باله معايا طويل
مين لما أتعب يساعدني
ومعايا حمل الهم يشيل
من غيرها ست الستات وياها بصبح وابات
وأجيب لمين غيرها وأهادي
أم العيال العشرية
جايب معايا اللي في يدي وقدرت أجيبه من كدي
ولا تقوليش بس أنا عندي
وكفاية بتهل عليا
اصلك أصيله ياعشرية
ياعم يابتاع المخمل
اديني توب نوع المحمل
عشان حبيبتي تتجمل
أبيض بلون الصباحية
أبيض ياقلب العشرية


أتمنى تشريفك لي في مدونتي

هاتنور بزيارتك ليها

دعوة لزيارة مدونة شاعر مغترب تستحق الزيارة

http://mosaiiic.blogspot.com/
‏قال يا مراكبي
حسن ارابيسك

أهلا وسهلا بيك ... زيارتك دي شرفتنا جدا .. وبأشكرك على الكلمات الرقيقة والأغنيه الجميلة دي

نورتنا .. وهأروح أشوف شاعرنا حالا
‏قال عماد محفوظ
اشكرك ياباشمهندس على زيارة مدونتي
وبجد مدونتك جميله
انا عندي امتحانات طوال شهر يوليو ولما اخلص هاطلع على كل كتاباتك
واعطيك رأيي
تشرفت بمعرفتك
‏قال يا مراكبي
عماد محفوظ

أهلا بيك ومتشكر على رأيك الجميل ده .. ربنا يوفقك ويصلح لك الحال إن شاء الله .. إبقى طمنا على النتيجة
‏قال S H A H
كل سنة و انت طيب,
بس انت دايما تفحمني في اخر سطرين في كتاباتك

و عقبال اليوبيل االفضي و الذهبي و الماسي كمان ان شاء الله
‏قال يا مراكبي
S H A H

وإنت بالصحة والسلامة .. متشكر قوي على الزيارة الظريفة دي وياريت نفرح فيك .. قصدي بيك قريب

شد حيلك .. كلنا لها

نورت
‏قال غير معرف…
buy phentermine reliable online pharmacy phentermine - buy phentermine online uk shipping
‏قال غير معرف…
buy xanax online pass saliva drug test xanax - will xanax show up on a drug test for employment
‏قال غير معرف…
buy phentermine online phentermine side effects hair loss - buy phentermine online us pharmacy
‏قال غير معرف…
buy phentermine phentermine online pharmacy reviews - phentermine 37.5
‏قال غير معرف…
can you buy xanax online legally xanax 2mg 2090 - how long are xanax pills good for
‏قال غير معرف…
phentermine sale phentermine 37.5 mg no prescription needed - order phentermine pills online
‏قال غير معرف…
phentermine drug buy phentermine without rx online - order phentermine with no prescription
‏قال غير معرف…
buy xanax bars online extended release xanax 2mg - xanax overdose sleep
‏قال غير معرف…
buy xanax cheap identify generic xanax pills - xanax drug interactions
‏قال غير معرف…
discount phentermine phentermine 1 month - buy phentermine 15mg
‏قال غير معرف…
purchase phentermine phentermine 37.5 mg from canada - phentermine and zyrtec interactions
‏قال غير معرف…
purchase phentermine buy phentermine denver - order phentermine online mexico
‏قال غير معرف…
phentermine online phentermine 18.75 mg - phentermine 37.5 mg pills
‏قال غير معرف…
cheap generic phentermine phentermine effects on pregnancy - phentermine online with no prescription
‏قال غير معرف…
buy phentermine online phentermine 37.5 buy online cheap - buy generic phentermine online
‏قال غير معرف…
cheap tramadol tramadol dosage webmd - buy tramadol online
‏قال غير معرف…
order phentermine how to order phentermine 37.5 - buy phentermine online new zealand
‏قال غير معرف…
phentermine drug phentermine no rx - buy phentermine blue clear
‏قال غير معرف…
buy tramadol online tramadol hcl paracetamol tablets - buy tramadol no prescription
‏قال غير معرف…
phentermine for sale phentermine breastfeeding - order phentermine online reviews
‏قال غير معرف…
buy phentermine phentermine online forum - phentermine hcl buy online
‏قال غير معرف…
phentermine medication phentermine 18.75 mg - phentermine 37.5 purchase online
‏قال غير معرف…
order tramadol online buy tramadol with cod delivery - buy tramadol usa
‏قال غير معرف…
buy ambien no prescription buy ambien from usa - stories of ambien addiction
‏قال غير معرف…
ordering ambien online ambien cr or ambien - ambien military drug test
‏قال غير معرف…
ambien without prescriptions ambien side effects sleep eating - ambien (zolpidem) and eszopiclone (lunesta) are
‏قال غير معرف…
generic zolpidem taking ambien high - ambien online
‏قال غير معرف…
generic ambien buy ambien withdrawal paranoia - how do i purchase ambien online with no prescription
‏قال غير معرف…
generic zolpidem ambien withdrawal time - ambien side effects loss of appetite
‏قال غير معرف…
buy xanax online legally buy xanax online cod - xanax buy online no prescription
‏قال غير معرف…
generic xanax Washington order cheap xanax no prescription - xanax withdrawal symptoms headache
‏قال غير معرف…
buy tramadol medication buy ultram online no prescription - tramadol hcl and weed
‏قال غير معرف…
phentermine without rx order phentermine with no prescription - phentermine diet pills
‏قال غير معرف…
ambien on line ambien and hiv medication - generic ambien no prescription online
‏قال غير معرف…
buy xanax one time xanax drug test time - xanax side effects bad dreams
‏قال غير معرف…
buy tramadol ultram legal to buy ultram online - purchase tramadol online no prescription
‏قال غير معرف…
buy ambien ambien sales 2009 - ambien side effects hiccups
‏قال غير معرف…
ordering ambien online ambien the drug - ambien side effects eating
‏قال غير معرف…
buy tramadol tramadol 50mg vs. lortab 10mg - online drugstore tramadol
‏قال غير معرف…
cheap ambien ambien drug wikipedia - ambien generic walmart
‏قال غير معرف…
buy xanax online without prescription xanax 10 mg generic - xanax and high blood pressure
‏قال غير معرف…
buy tramadol buy tramadol legally - tramadol 50mg equal
‏قال غير معرف…
buy tramadol buy tramadol online without prescriptions uk - can you buy tramadol over counter
‏قال غير معرف…
ambien 10 mg ambien rebound insomnia long - generic ambien launch
‏قال غير معرف…
online ambien cheapest generic ambien online - discount ambience mall gurgaon
‏قال غير معرف…
phentermine for sale buy phentermine online 37.5 - buy phentermine 37.5 tablets online
‏قال غير معرف…
phentermine for sale buy phentermine online 37.5 - buy phentermine 37.5 tablets online
‏قال غير معرف…
buy tramadol with mastercard tramadol online scams - buy tramadol health solutions network
‏قال غير معرف…
order tramadol no prescription tramadol for dogs dosage by weight - tramadol 50mg webmd
‏قال غير معرف…
generic xanax Massachusetts xanax 30 pills - xanax high forum
‏قال غير معرف…
buy tramadol can you buy tramadol online legally - can take tramadol high blood pressure
‏قال غير معرف…
xanax online Wyoming xanax side effects hiccups - xanax side effects for women
‏قال غير معرف…
buy tramadol tramadol dosage dogs 50 mg - can you buy tramadol otc
‏قال غير معرف…
buy tramadol online mastercard overnight buy ultram 200mg - where to buy tramadol
‏قال غير معرف…
buy xanax online cheap xanax xr recreational use - xanax 2mg buy
‏قال غير معرف…
buy percocet online percocet withdrawal day 5 - percocet yellow oblong
‏قال غير معرف…
buy tramadol online ultram brand of tramadol hydrochloride - tramadol addiction therapy
‏قال غير معرف…
ambien online buy ambien online paypal - ambien pharmacy
‏1 – 200 من 440 أحدث الأحدث

المشاركات الشائعة من هذه المدونة

عايز أرقص تانجو

عيناها وشفتاها