في الذكرى السنوية العاشرة
![](https://blogger.googleusercontent.com/img/b/R29vZ2xl/AVvXsEjZXa7O7D5rpPV1R_ieizmXJwiH5W8LPGamxkxiN5ibnp9BaK0HDzL290vg4OAu3Peuj3SU7xspzeqplbpiKNVad7eu34LukQRJK5L0xTJmOfYDh4n2N0Vi6CYKfxciuFk9HV8f/s320/BRIDE&GROOM.gif)
.
مش كان زماني أقدر أنزل عالقهوة وأقعد مع أصحابي في أي وقت وفي أي يوم زي ما أنا عايز من غير ما أقعد أمهد إسبوع للخروجة دي؟ مش كان زماني أقدر أفتح قناة ميلودي براحتي وأبوس الواوا وأتفرج على الباشمهندسة نانسي عجرم و الباشمهندسة روبي والباشمهندسة كارول سماحة من غير ما أكون خايف من أي قصف جوي بالحلل والأطباق؟ مش كان زماني بأخش البيت وما ألاقيش الأولاد بيقولولي إتأخرت ليه وكنت فين .. والحاجة أمهم ساكتة ولا كأنها مسلطاهم عليا؟ مش كان زماني مش غصب عني بأروح الملاهي وأفضل أركب ده وأنزل دي لحد ما يتهد حيلي؟ أو نروح حمام السباحة وأفضل شايل المفعوصة الصغيرة على قلبي بالساعات وواخد بالي من الإتنين التانيين ليروحوا كده وألا كده؟
.
مش كان زماني حوشت كل الفلوس اللي إتصرفت دي كلها على أثاث البيت وحفل الزفاف ومصاريف الولادة والأطباء والمدارس والأكل والشرب والملابس والمناسبات الاجتماعية والعيش والعيشة واللي عايشينها؟ مش كان زماني دلوقت بقيت مليونير وكل البنات بتحبني وكل البنات بتغير؟
.
في الذكرى السنوية العاشرة لجوازي .. لو رجع بيا الزمن عشر سنين لورا .. كنت إتجوزت بدري عن كده بثلاثة سنين كمان .. وكان زماني بأكتب بوست عنوانة .. في الذكرى السنوية الثالثة عشر لجوازي
تعليقات
انا علي مقربه بأحتفالي بالعام الثالث لي في الزواج ولكني والله اشعر وكأنهم ثلاث أيام او ثلاث ساعات
انا اعتقد ان الزواج هو محطه مهمه جدا لابد من الاسراع بها
وعبد الله بيقول لعمو احمد
كل سنه وانت طيب يا عمو
:)
لك و للأسرة أرق تحياتي
زياد
================================
و لو مكنتش اتجوزت يا سيدي كنت هتبقى واحداني
في عيد جوازي الرابع أدركت قيمة الزواج و فهمت مقصد الشاعر حين قال
يموت العازب ميتة الكلاب
أما المتزوج فيعيش عيشتها
:)
سمعت إنه فى الـ
virtual community
الـ 10 سنين ممكن يعملوا 13 و 15 كمان :)
شكراً على كلمتك عندى
--------
مدونتى فيها موضوع ريحته وحشة
اللى بيقرف ميدخلش عندي
:)))))))
ضحكة المفعوصة الصغيرة ولا اى حد من ولادك بالدنيا كلها
تبك لحظة واحدة علشان خاطرهم يسوى الدنيا وما فيها
ربنا يخليهملك
ويخليلك المدام
والنبى شوفلى عروسة بقى علشان انا نفسى اتجوز
يووووه
عارف هتقول ايه
ذاكر انت بس وخد بالك من مستقبلك
ماشى يا سيدى
:D
كل سنة وانت و زوجتك والاولاد بخيييير و حب وفرحة ان شاء الله
وعقبال الزكرى المليار :)
خالص مودتى
شكرا على التهنئة .. أنا برضه حاسس إني متجوز من عشر ساعات بس .. مش عشر سنين
:-D
سلم لي على عبدالله كتير كتير .. ربنا يباركلك فيه إن شاء الله
متشكر جدا جدا .. بس أنا أخالفك الرأي في موضوع الكلاب ده
مش شايف إن الكلاب المتجوزة حالها أحسن شويتين من الإنسان المتجوز؟
فيه واحد متجوز جنبي بيقول لي: بس ياريت أبقى كلب .. وقاعد يهوهو .. سامعه؟
أشكرك على التهنئة الرقيقة
حلو موضوع المجتمع الإفتراضي ده .. وده فيه برضة مسؤليات ومصاريف وكده؟
وبالنسبة لتعليقي عندك .. لا شكر على واجب .. إنت موضوعاتك تستحق التقدير والإحترام
وإنت بالصحة والسلامة
هأسد مناخيري وآجي على طول .. إوعى حد يكون عامل بي بي عالأرض عندك في المدونة
متشكر قوي على الشعور الجميل ده .. وهي دي حقيقة الجواز فعلا
عايز عروسة ونفسك تتجوز؟ وأنا كمان الجواز عجبني جدا لدرجة إني نفسي أجربه تاني
:-D
مش هأقولك ذاكر ولا خد بالك من مستقبلك ولا حاجة .. أنا بس عايز أعرف: إنت لسة ما إتخصصتش ليه لحد دلوقت؟
:-P
الله يكرمك .. متشكر جدا
بس المليار دي واسعة شوية .. طب قول مليون يمكن تمشي
نورتني
وربنا يخلى لك الولاد والحاجة
تعرف ان حياة المتزوجين كلها
copy-paste
يعنى الحمد لله ان زوجى مالوش فى الكتابة
اكيد كان هيكتب زيك كدة بالضبط
ويمكن أكتر
:)
وإنتي طيبة وبالصحة والسلامة
وبعدين هو أنا كتبت حاجة؟ ده أنا معبي في قلبي جامد .. بس مافيش وقت
:-D
وإحمدي ربنا إن جوزك مابيكتبش .. خليكوا كده كويسين أحسن
:-D
مت من الضحك لما قريت الكلام ده
وفرحت بيه في نفس الوقت
كل التحية والامنيات الطيبة
أهلا أهلا بمؤلفتنا الكبيرة .. خطوة عزيزة
كل سنة وانتي طيبة .. متشكر قوي
بس إيه اللي لقيتيه بيضحك هنا؟ أنا كنت بأكتب والدمعة بتفر من عيني
:-D
كنت عايزه اكتب حاجه كمان بس قلت بلاش حرااام انت برضه في الذكري السنويه العاشره ماتهونش عليا:)ربنايسعدك
و سلامي ليك
و يخليك ليهم
احلي حاجه الأسره الصغنونه الكميله
و اتمانالك هره سعيده في ليلة الاحتفال
و متسترخصش و تعشيها فول مثلا
اكلها في حته حلوه
و بلاش بخل
حاكم انا عارفاكوا يا رجاله
كل سنة وانت طيب وعقبال الذكرى المائة
يسعدن اني اقولك
انت انسان حي يا بشمهندس
على فكرة الباشمهندسة كارول سماحة صوتها مش ردىء قوي قوي بس هي اتجهاتها الهندسية غريبة حبتين
ولا ايه يا بشمهندس
كل سنة وانت طيب مرة تاية وتالتة وعاشرة
:)
اصلي خلاص المفروض اني بدور علي بنت الحلال
وفعلا كل الحاجات بمشاكلها حاجات زي العسل
خصوصا منعك من ميلودي اغاني:)
كنت فاكر انى حاخد افراج من الجواز بعد التابيدة لكن من غير ما عمل حاجة اطسيت مدى الحياة اونطة
لكن قولى لية الجواز بيحول الازواج من اسود الى قطط وبيحول الزوجات من قطط الى اسود بقالى اتنين وتلاتين سنة مش عارف اجابة ـ معندكش اجابة يونوبك ثواب ـ عبقال ذكرى التابيدة
كل لحظة وانتم طيبين وربنا يخليلكم الاولاد وتفرحوا بيهم دايما بإذنه تعالى
بالنسبة لموضوع الزواج فأنا عاوز أقولك انى كنت بفكر برضه زيك كده
بس اكتشفت انى كنت غلط وان الجواز ده نعمة واللى يكرهها يعمى
مجرد وجود انثى فى حياة الانسان بتغيرها بالكامل وبتدي طعم وبهجه وشعور انسانى جميل بنحتاجه
خاصة اذا كانت الزوجه اصيله ومن ذلك النوع الذي يتقى ربه فى نصفه الآخر
ميزات ومميزات وجود زوجه فى حياتك لا تحصى ولا تقدر بثمن
خاصة مع وجود اطفال يزيدون من احساسك بجدوي حياتك وبروعة كل لحظه تمر عليك معهم
لا اريد الأطالة اكثر من ذلك
اقول لك مرة اخري كل لحظة وانت بخير وترفرف السعادة فوق بيتك وان يديم عليك نعمته
دمتم جميعا بخير
كفايه الحبه دول دلوقتي احسن انا اما بينزل عليا مود العقل ده،بيجيلي كرشة نفس
لو عنكم وقت ممكن تتكرموا وتقروها في العناويين دي
الأولى
http://yamarakby.blogspot.com/2007/02/blog-post.html#links
والتانية
http://yamarakby.blogspot.com/2007/02/blog-post_13.html#links
والأخيرة
http://yamarakby.blogspot.com/2007_03_01_archive.html
مع خالص شكري وتقديري لتعبكم ده
الف مبروك يا باشمهندس وعقبال الذكري المئويه
انا كمان هاتم 10 سنين ....عاااااا
بس بجد زي شكة الدبوس ماحستش بيهم خالص....ههههه
وزيك كده اقعد اقول لو ماكنتش اتجوزت مش كان زماني عايشه سلطانة زماني في بيت امي ارجع من الشغل الاقي الاكل جاهز والبيت مترتب ونضيف والهدوم مغسوله ، اخش دغري علي السرير انام براحتي واصحي براحتي ومايبقاش ورايا مسئوليات وعايشه آخر حريه
بس ارجع واقول برضو الزواج ده شر ولابد منه ولو ماكناش اتجوزنا كان زمانا بنندب حظنا
يلاا ربنا يديمها نعمه ويحفظها من الزوال
كل سنة وانت طيب ياباشمهندس وسلمي لي علي الحاجه وكل سنه وهي كمان طيبه
تحياتي
الله يخليلك الحاجة و الأولاد و يبارك لكم فيهم
الفقرة الأخيرة انت كتبتها علشان تزوغ من عقاب الحاجة ولا ايه؟
ههههههههههههههههه
بس انا كنت واثق انك مش حتخليه ينتهي زي ما ابتدا .. اكيد في كلمه حلوه في الاخر تعادل كل الحاجات اللي في الاول دي
تحياتي
جايزه القرن
كل الرجاله والله فكرهم واحد
القهوه والحريه والنوم والراحه
بس صدقني هو بس علشان ممنوع فمرغوب
لكن لو كان متاح ليك كنت هتزهق وتحن للحياه الاسريه والعيله والاولاد
ربنا يخليك ليهم ويخليهملك يارب
قول امين
ربنا يسعدك يا مراكبي
تحياتي
فاياريت كل متلاقيها سعيده ابقوا اتصوروا علشان لما تعدي الايام تبقي تقولوا ياه كان في برده لحظات سعاده عشناها
و بعدين منتي اللي كان نفسك تتجوز و تخلف
امال كنت فاكر الجواز ايه لعب و حب بس.
سعيده و اشوفك في اليوبيل الذهبي يامركبي
كل عام وانت بخير يارب انت وزوجه حضرتك
بصراحه انت لحقت نفسك بالكلمتين اللى فى الاخر :D:D:D:D
متشكر قوي وربنا يسعدك إنتي كمان
أنا فهمتك من غير ما تتكلمي .. ده انا أفهمها وهي طايرة .. إستري عليا الله يسترك
انا كمان حاسس بكدة
بس انا لسة متجوزتش
ربنا يهدينا
اللهم امين
والسلام
ربنا يخليلك اولادك
وجنبك زوجتك وأولادك الكرام
وأكيد لو مكنتش اتجوزت من عشر سنين فاتو
مكنتش هتكتب التدوينه الحلوه دى دلوقتى
ومكانش هيبقى فى حياتك شئ جميل تتكلم عنه
واللى بان أوى فى الجمل الأخيره
ربنا يسعدك دايما
وعقبال مليون سنه جواز وسعاده يارب
تحياتى
مافيش حد بيتعلم ببلاش
عاهههههههههههههههههههههههههه
عاهههههههههههههههههههههههه
انا بعيت
اهئ اهئ اهئ
****************
ههههههههههه
عجبني اوي قول الشاعر بتاع
xee
ههههههههههههه
وانا عارف ان جوة قلبك بتقول العكس
لو متجوزتش كانت حجات حلوة كتير مش هتحصل اسرة واولاد واستقرار
:)
متشكر جدا يا كوكو على التهنئة الجميلة دي
وما تقلقيش عليا في ليلة الإحتفال .. إنتي عارفاني فييس وما يهمنيش الفلوس .. ولو إن الفول غالي قوي هنا اليومين دول
يالف نهار ابيض
يالف نهار مبروووووووك
يالف نهار الهنااااااااااااا
يارب يبقى بجد الوفاء و الحب ده على طول
و بالمناسبة دى تبطل تعطف على بتاعة اللبن
Regards:
Lojain :)
و متنساش نصيبنا من الاضاحي
و عايزة اقولك لو مكنتش اتجوزت من عشر سنين
كان زمانك فاضحنا في البوستات و عامل مدونة
انبي جوزوووني
الف مبروك
يا اخي بيقولوا اية في عيد الجواز مش عارفة اجيبها
اه
السجن للجدعان
خمسة وخمسة جواز
عقبال الخمس خمسات يارب وتخش ع تابيدة كدا
تحياتى
و ان شاء الله بعد 10سنين
تانى تكتب بوست
فى الذكرى الثانويه العشرين
يا رب كل ايامك هنا وسعاده
انا مش عارفه ليه كل ما ادخل عند حد النهارده الاقى نفسى متاخرة قوى
معلش السن بقا
تحياتى
كنت متأكدة ملون في المية من إنك حاتختمها بمعني عكي اللي البوست بيقوله عشان عرفت من بوستاتك إرتباطك بجو الأسرة و حبك ليه و استمتاعك بيه كمان
ربنا يخليكوا لبعض و تيجي كل سنه جواز بخير ( خير في المشاعر.. خير في علاقتكوا بربنا.. خير في صحتكوا و رزقكوا )
و الله فرحانة بيك يا مراكبي
كل سنة و انتوا طيبين
متشكر قوي يا بوحميد على رأيك فيا ده .. أنا أصلا بحب المسخرة بس وضعي هو اللي مخليني ألبس الوش الجبس
:-D
ومادام جيبت سيرة الغالية .. فأنا بصفتي الهندسية أحب أقولك إن الإتجاهات الهندسية للباشمهنسة كارول سماحة مش غريبة ولا حاجة .. دي هي التكنولوجيا كلها .. هأبقى أشرح لك بعدين بعيد عن هنا
المدام بتقرا الكلام ده طبعا وبتتابع كل التعليقات وردودي عليها كمان .. وبتتابع تعليقاتي في المدونات التانية كمان .. هي واثقة فيا جدا زي ما إنتي شايفة
طبعا الجواز بينظم حاجات كتيرة .. منها الضغط والسكر
نورت
متشكر قوي على النصيحة الجامدة دي .. بس مش قادر
حاولت ومش قادر
متشكر قوي وكل سنة وإنت طيب
ما تتخضش ولا حاجة .. دور إنت بقلب جامد وبكره هاتدعي .. هاتدعيلي
هاحكيلك عن جحا اللي بيشتم اللي إتجوزوا قبله واللي إتجوزوا بعده
اللي قبله علشان ما نصحوهوش
واللي بعده علشان ما سألوهوش
وجحا كمان كان ممنوع من ميلودي اغاني
دي زيارة كريمة جدا وشرف كبير .. أهلا بيك
مدى الحياة يا جدو؟ ياااه .. مافيش حتى خروج حسن سير وسلوك؟ كان الله في العون
وبعدين أنا أول مرة أعرف إن الرجالة قبل الجواز كانوا أسود وإتحولوا بعد كده لقطط .. جايز ده كان على أيام حضرتك
أنا اللي أعرفه إن الرجالة بيكونوا مكسورين الجناح قبل الجواز من كتر الهم اللي وراهم .. وبعد الجواز بينكسر الجناح التاني .. ويمكن رقبتهم كمان
نورتني والله
أحييك على التعليق الموضوعي ده عن الزواج .. كل اللي ذكرته فعلا صحيح وهي دي الخلاصة اللي أنا وصلت ليها عبر السنين اللي فاتت .. ولخصتها كمان في ختام البوست
ربا يوفقك وتلحق نفسك بسرعة وإن شاء الله ربنا يرزقك بالزوجة والذرية الصالحين .. آمين
طول عمري من ساعة ما فتحت البلوج ده والناس واقفة في صف الحاجة مراتي مع إنها لا بتدون ولا بتعلق .. حاجة غريبة
عموما هو الإنسان كده بيحب يكون عنده كل حاجة .. لكن الرضا باللي قسمه ربنا هو قمة السعادة
متشكر قوي على التهنئة الجميلة دي .. وأهلا بيكي في عالم التدوين ودايما تنورينا
أنا برضه إستغربت من التعليق في أوله وقلت تكون واحدة تانية اللي كاتباه وإستغلت إسمك؟
:-D
نورتينا بجد في الذكري السنوية .. أديكي عرفتي الميعاد .. إبقي زورينا السنة الجاية
يعني .. عايش ومش عايش .. على رأي عمرو دياب
بين البينين
:-D
وعليكم السلام عليكم ورحمة الله وبركاته
المئويه مرة واحدة؟ زي النادي الأهلي يعني؟ ربنا يكرمك
وإنتي كمان 10 سنين؟ صحيح اللي يشوف بلاوي الناس تهون عليه بلوتة
هههههه
كل سنة وإنتي وزوجك وأولادك بخير وبصحة وبسلامة
وإنتي بالصحة والسلامة
متشكر جدا
وبعدين الفقرة الأخيرة دي من قلبي .. أيوة من قلبي مش مصدقة ليه؟
أنا ما بأخافش من الحاجة .. أنا جامد جدا .. بس ده بيني وبينك طبعا .. بلاش تسييح
مشمش .. أهلا بيك .. لقطت الإسم برضه رغم إنه مكتوب بطريقة غريبة
متشكر جدا على ثقتك فيا بإني هأتعدل في آخر البوست .. مجبر أخاك لا بطل
:-D
تحياتي
وإنتي طيبة وبالصحة والسلامة .. متشكر قوي على شعورك الجميل ده
وبعدين أحييكي على الإعتراف النسائي الخطير ده: بس صدقني هو بس علشان ممنوع فمرغوب
طيب هو ليه ممنوع؟ فكوها شوية .. حبة بربع جنية ولا حاجة كده
ربنا يسعدك في الخير دايما .. تحياتي
بصراحة أنا هاريهم تصوير ليل نهار .. لكن أنا ما حدش بيصورني ولا سائل فيا
وعندك حق لأني أنا اللي جيبت ده كله لنفسي على رأي عبد المنعم مدبولي
:-D
بس مين اللي ضللك وقال لك إن الجواز فيه لعب و حب وحاجات كده؟
:-D
متشكر جدا على تعليقك الظريف ده
وعليكم السلام
أنا ما لحقتش نفسي بآخر جملة ولا حاجة .. أنا ما باخافش من حد .. أنا بس ما بحبش المشاكل
نورتينا
فطرة ربنا سبحانه وتعالى هي الأحلى والأجمل والأصح مهما حاولوا الناس يقولوا غير كده .. ربنا خلقنا كده: زي ما لازم نآكل ونشرب .. لازم نتجوز
ربنا يهدينا جميعا
الله يبارك فيك وعقبالك
أهلا بيك
أشكرك على الشعور الرقيق ده .. فعلا لو ما كنتش عملتها من عشر سنين جايز ما كنتش هأبقى مدون أصلا
:-D
ربنا يسعدك ويكرمك إن شاء الله
أيوة كده .. نفسي حد يآخد بخاطري شوية
نورت
أنا ما أقدرش أسيب أي تعليق حتى لو على بوست قديم .. إزاي تظني فيا كده بس؟ أنا بس مشغول قوي اليومين دول
بس طبعا قول الشاعر
xee
ده تحفة .. أنا سجلتها عندي في حكمة اليوم
بعدين بقى؟ ما تسيحليش بقى .. الحاجة لسة هنا ما سافرتش
الجواز ده أجدع ناس
:-D
سعيكم مشكور يافندم
:-D
و يلا بقى
اى خدمة
يا رب تعيشوا فى خير و سعادة و هناااااااا
اى خدمة تانية مش هتجيب قش بقى
:))
ما انت عارف حال الدنيا
ربنا يخليكي .. نجاملك في الأفراح إن شاء الله .. بس إبقي إعزمينا
حلوة حتة الوفاء اللي إنتي قولتيها دي .. عجبتني بصراحة
أما بقى عطفي على بتاعة اللبن ده ما أقدرش ابطله أبدا .. دي غلبانة ومنكسرة وحاجة جامدة بصراحة .. هأبقى أبعت لك صورتها وإنتي تعذريني
وإنتي بالصحة والسلامة .. هأبعت لك كحك العيد والغريبة في أقرب فرصة
أنا بأعرف أستحمل وأقعد عازب على فكرة .. يعني ممكن أقعد بتاع إسبوع لوحدي من غير مشاكل .. بس بعد كده بأعيط طبعا
ده إحنا جدعان قوي .. بتوع سجن بقى
تحب اناديك بايه؟
مراكبي تمشي؟
ناسي تقول السجن للجدعان وناس تقول تأبيدة .. ياإخواننا .. إذكروا محاسن موتاكم
:-D
المهم إنت عامل إيه؟ يارب تكون مستريح في الجيش .. ربنا معاك
الله يبارك فيكي .. متشكر قوي على ذوقك
حلوة كلمة الذكرى الثانوية دي .. كلمة فيها كلام كتير برضة
إنتي لا متأخرة ولا حاجة .. المدونات كترت قوي - بسم الله ما شاء الله - والمتابعة محتاجة وقت كبير جدا
لكن ده ما يمنعش إنك بقيتي عظمة كبيرة برضه
:-P
مابلاش موضوع الهدية ده .. خليكي محضر خير
:-D
أنا سعيد جدا جدا بشعورك الجميل ده .. حقيقي كلك ذوق .. بأتمنالك كل الخير والسعادة والسرور
وإن شاء الله نسمع عنك دايما أحلى الأخبار
هأعيش لحد أربع أجيال قادمة بس؟ بحبحي إيدك شوية كمان
:-D
متشكر جدا جدا .. منورانا
ما فيش حاجة لله في لله أبدا؟ طالعة واكلة نازلة واكلة
عموما ما يغلاش عليكي .. ليكي عندي عزومة بس لما أنزل أجازة
مش هأقولك على ميعاد أجازتي طبعا
:-D
لا شكر على واجب .. أنا يسعدني زيارة المدونات وخصوصا الجديدة والهادفة زي مدونتك كده
مراكبي يمشي طبعا .. وزي ما يعجبك
أهلا بيك
بس شكل الكلام ده من ورا قلبك على فكرة يعنى مش بتستمع باولادك وتموت من ضحكتهم وتموت لو حصلهم حاجة وتنسى الدنيا وانت معاهم واكيد الحاجة برضه يعنى شوف الجانب المضئ هتلاقيه كبير جدا بس رططز كده وهتشوف
إيييه كلنا لها ماحدش واخد منها حاجة
بصراحة مش هاقعد أقول لك مش الجواز أحسن و الحاجات دي لأن لسة ماتحرمتش من نعمة القعدة ع القهوة لغاية دلوقت و من موقعي أحب أقول لك تحيا العزوبية يا معلم
ادعوك للمشاركة في استفتاء اكثر 10 مدونات تاثيرا في قرائها
عل مدونتك تكون واحدة منهم
اليك الرابط
http://www.6ef.blogspot.com/
وأتمنى فعلا انك تكون زى ما قلت فى الاخر
لو رجع بيا الزمن عشر سنين لورا .. كنت إتجوزت بدري عن كده بثلاثة سنين كمان .. وكان زماني بأكتب بوست عنوانة .. في الذكرى السنوية الثالثة عشر لجوازي
تحياتى
كل سنة وانت طيب
وعقبال المؤبد
:)
تعرف يا ماراكبي يا خويا
انا والله العظيم باقعد افكر زيك كدا ساعات كتير
وحسبتها لاقيت فعلا...اني كان ممكن ابقى مليونير
بس سيبك انت
مافيش احلى من العيال يلعبوا حواليك
نعمه ما بعدها نعمة
طبع من وراء قلبي .. ما أنا قلت كده في الآخر والطيب أحسن
:-D
أهلا بيك دايما .. نورتنا
سعيكم مشكور يا معلم
و من موقعي هذا أحب أقول لك إني بأحسدك وبأحقد عليك وخلي بالك وإنت بتعدي الشارع
نورت
ربنا يكرمك .. دايما بتجبري بخاطري
وإنتي بقى عديتي الذكرى السنوية رقم كام؟
متشكر على الدعوة دي .. بس المشكلة إن كل الإستفتاءات اللي زي كده مش كل الناس بتعرف بيها وبالتالي ممكن حد يتظلم بعدم معرفته بالموضوع للمشاركه فيه
لكن شكرا على كل حال
أهلا بيك .. فينك من زمان يا راجل؟ دي خطوة عزيزة بجد
أشكرك جدا على تعليقك الجميل .. وأحب أطمنك إني بأتكلم جد فعلا زي ما قلت في آخر البوست تمام
نورت
وإنت بالصحة والسلامة .. شكلك هتقوللي كفارة يا معلم
:)
طبعا فيه حاجات عمرك ما هتعرف تقدرها بالمال أبدا أبدا .. وأهمها لما تشوف الأولاد سعداء بسببك
ربنا يخليهوملك .. بس أنا نفسي أقعد عالقهوة بصراحة ولو مرة كل شهر
قبل ما اقرا التدوينة دي على طول كنت بفكر اتجوز
انما بعد ماقريتها
حسمت امري تماااااااااااااااما
تحياتي
انا شكلى طولت الغيبه و لا ايييييييييييه؟
كنت مسافرة
مليونير بس لوحدك و نفسك تتجوز و شعرك وقع كل شويه تبص فى المرايه تحاول انقاظ ما يمكن انقاظه قبل ما تتجوز و ممكن تعيط لو شفت عيل صغنن و بلاش كفايه عليك كده
إوعى تكون حسمت أمرك إنك ما تتجوزش .. ماتخافش من الجواز .. هو ما بيعضش جامد .. بس بيعض
ههههه
أهلا بيك
أنا عارف إنك كنتي مسافرة علشان الإنتخابات
وبعدين عرفتي منين موضوع الشعر ده؟ عموما أنا نويت أعمل عملية ترميم خلاص
وكفاية كده أحسن قربت أعيط والدمعة هتفر من مناخيري
:-D
أكيد ضحكة المفعوصة و شقاوة أخواتها بالدنيا و المدام بعقلها
برحابة صدر بجد شىء تحسدوا علية :)
ربنا يسعدكوا و يديم عليكوا راحة البال
اه حاجة كمان معلش نانسى و روبى و أخواتهم مينفعوش مهندسات أحنا طلعت رحنا علشان اللقب و كمان متنساش المقولة الشهيرة الى بتقول أن هندسة مفيهاش بنات هىهى
تحياتى
ياااه .. إنتي فين من زمان؟ غيبتي جامد قوي
أشكرك جدا على التهنئة الرقيقة دي
وبالنسبة للباشمهندسات اللي قلتي أسماؤهم دول .. طبعا دول مش مهندسات ولا حاجة .. دول أساتذة ورؤساء أقسام كمان
:-D
وطبعا أنا فاكر إن كلية الهندسة ما فيهاش بنات .. بس ده كان على أيامي انا .. لكن بعد كده متهيألي النسل إتحسن بكتير
ما إنتي مهندسة وعارفه .. وش بيغمز
و السنة الجاية يكون مبطل تشريد ليكى
و انت يا مراكبى
كل سنة وانت طيب و فى احسن حال
نفسي مرة واحدة تبقى في صفي وتعملي حساب للزمالة التدوينية .. مرة واحدة بس
أهلا بيكي .. منورانا بجد
:D
والله كل الحاجات اللى حضرتك ذكرتها كنت شايفة فيها نعمة انك مش لوحدك وان فى أكشن فى الحياة .. الحمد لله وربنا يديمها على حضرتك نعمة
فكرتنى بابا لما يزهق مننا يقول مش كنت عملت مشروع تجارى كان بقا افيد من القرف ده
:D
تحياتى للأسرة الكريمة
وأنعمت بزواجك وأبنائك
مش كان زمانى....!؟
ممكن تكون شىء غير اللى بتفكر تكون فيه
يعنى بتصحى متأخر يعنى ممكن تتأخر عن شغلك
ويعنى بدل ما تنام لما ترجع من الشغل يعنى شويه كسل
ويعنى ويعنى كان ممكن تكون أسواء وأسواء
على العموم ذكرى تكون جميله ليك على طول
أفتكرت تجيب هديه ولا نسيت
أهلا بيكي .. وسلميلي على سلسبيل كتير
تعليق والدك ده جميل جدا جدا .. أنا شكلي كده هأقتبسه منه وأستخدمه على طول
لكن هي حياة المتزوجين كده .. كلها أكشن زي ما إنتي قولتي .. عدد مشاكلك بيتضاعف حسب عدد أفراد الأسرة
لكن أكشن مسلي .. احسن من الرتابة والملل
مراكبي
تعيش وتفتكر يا خويا
مانجلكش في حاجة وحشة
دا انت دفعتي بقا
زمايل قروانة واحدة
صدق من قال
الجواز تهذيب واصلاح وتأديب
وبلاوي سودة تانية
الله يبارك فيك .. متشكر جدا
أنا متأكد إن ربنا سبحانه وتعالى إختار ليا الخير .. والطريق اللي سلكته ده أكيد أفضل من غيره
غلوش على موضوع الهدية دي .. ما تفكرش الحاجة بقى
Welcome Back
كل سنة وانتا طيب يا ريس ويخليك لينا .. المنحة بقى يا ريس علشان الأسعار بقت غالية قوي
نورتنا يا ريس
حياتك الباقية .. إن شاء الله تكون آخر الأحزان
إنت كمان دفعة 97 صاعقة؟ دي صدفه سعيدة جدا .. دي كانت شوطة ساعتها بقى
بس فين الإصلاح والتهذيب ده؟ قصدك إصلاح وتهذيب للرجالة طبعا
كل سنه وانت طيب وعقبال المئويه الزوجيه وعقبال ما تشوف احفادك واحفاد احفادك وبرضو تكون لسه بتدون
دى اول مرة لى فى مدونتك ومش عارف ليه مكنتش بدخل مدونتك الله اعلم يمكن علشان اول دخول لى يكون فى مناسبه سعيدة زى دى الله اعلم برضو عموما انا سعيد بدخولى مدونتك وانشاء الله دايما موجود بالتوفيق وتحياتى لاسرتك الكريمه
محمد فوزى .
........
وجدير بالذكر انك لو تأخرت لاصلعيت
واشتعل رأسك شيباً
وكنت بداء العنوسة شقيا
تحياتي
الاخ الفاضل الكبير احمد
اولا انا بعتذر عن التأخر في الرد لان النت اساسا واقع من عندي بقاله فترة من البيت و بقيت بتسول المدونات من السايبر :)
ثانيا بقي بجد بجد بجد بجد انا اتبسط جدا و تقريبا كنت مبتسمة طوال الوقت و انا بقرأ التدوينة دي و كنت عارفة انه هلاقي مقلب في النهاية و انك رغم كل شئ مبسوط
احلي حاجة في الدنيا اساسا ان الواحد يكون راضي عن حياتة ايا كانت لان كدا كدا فيه منغصات بتمر علي الانسان لكن اهم شئ ان الواحد يعرف يتأقلم مع المنغصات دي و ينظر دائما للنصف المملوء من الكوب
انا فعلا سعيدة
و عقبال التأبيدة
و عقبال كل اللي متجوزوش و نفسهم يتجوزوا انها تحصل قريب اوي اوي اوي :)
وعقبالى يارب أما أتأهل الواحد زهق من العزوبية
بس نعمل إية بقى العلم حلو برضو
وعليكم السلام عليكم ورحمه الله
أهلا وسهلا بيك في المدونة في أي وقت .. نورتنا ونتمنى إنك تزورنا دايما
وأشكرك على التعليق الجميل والأماني الطيبة
أنا بحب كلمة جدير بالذكر دي جدا جدا زي ما إنت عارف
بس أنا إصلعيت بجد وجد من الجواز .. وكنت بشعري وبعقلي قبل الجواز
ههههه
أهلا بيك .. أخبار جزمتك إيه؟
وعليكم السلام عليكم و رحمة الله و بركاتة
مافيش داعي للإعتذار ولا حاجة .. تشريفك لوحده يكفيني في أوي وقت
أنا فعلا سعيد جدا بتعليقك الرقيق ده وبأشكرك جدا على مشاركتك بمشاعرك معانا .. وده مش غريب عنك أبدا
أدعو الله عز وجل إنه يمنحنا جميعا الرضاء والصفاء النفسي اللي هما سر السعادة فعلا
وبأتمنى كل الخير لكل اللي متجوزوش و نفسهم يتجوزوا
إلحق إتمتع بالعزوبية على قد ما تقدر
وأنا بخبرتي العلمية وبعد مجموعة محاولات متنوعة في دراساتي العليا أحب أقولك من موقعي هذا إن فعلا العلم لا يكيل بالبتنجان
نورت
تحياتى
يمكن معرفكش بس فرحانه بيك اوى و ده لسبب بسيط عشان انت خليت مراتك و ولادك يستقروا معاك فى الكويت ومسبتهمش هنا فى مصر-ده حسب ما فهمت يعنى-وكانت حتبقى غلطت عمرك لو كنت اغتربت لوحدك وسبتهم هنا مغتربين عنك
الموضوع ده مسنى اوى عشان انا ابويه فى الكويت من تلاتين سنه لوحده واحنا هنا لوحدنا ومش بنشوفه غير كل سنه او اتنين
عقبال ما تكمل مليون سنه مع مدام قاضى و القواضى الصغيره تكبر وتكبرلنا عيله احمد القاضى ان شاء الله
تحياتى
.
.
دا ممكن ياباشا
ولا خلاص ؟
.
.
مش بنق والله
تحياتي والسلام
ولكن إيماننا بدفاعكم عنمبدال الحرية
ندعوكم للتضامن مع عمر الشرقواى المعتقل فى قسم طلخا
إثر قيامه بتغطية انتخابات مجلس الشورى
وجزاكم الله خيرا
أول زيارة لمدونتك ..
وجمادة جداً الخواطر اللى فى الذكرى السنوية العاشرة ..
بس انا معتقد ان حضرتك كتبت الكلام ده عشان المدام بتقرا المدونة بتاعتك ..
اكيد المدونة بتاعتك متراقبة ..
تحياتى ليك
ثانيا لما قريت البداية قلت الراجل ايه اللى حصل له حد يكره انه يستقر ويكون عنده اولاد زى العسل ربنا يخليهمله بس فى الاخر رجعت لقواعدك سالما مفيش احسن من لمتهم حواليك ربنا يخليهوملك
من أول كلمة في التعليق إفتكرتك تعرفيني بجد لأن فعلا كل الناس بتنده عليا كده: احمد يا قاضى .. أو با قاضي على طول
أهلا بيكي
طبعا أحيانا بيكون فيه ظروف خاصة جدا بتخلي رب الأسرة ما يقدرش يصطحب أسرته معاه في الغربة .. لكن في الغالب بعد فترة بيكون يقدر يصطحبهم معاه
هأتكلم عن نفسي: أنا مهما كانت التكاليف مش مستعد إني أعيش بعيد عن أسرتي لأني لما إتجوزت وأنجبت كنت عايز أباشر رعاية الأسرة بنفسي يوم بيوم ولحظة بلحظة وإلا ما كانش ليها لازمة الحكاية كلها من أولها
ربنا يرجعلك الوالد بالسلامة وتتجمعوا تاني على خير بإذن الله
نورتيني
أهلا بيك في أي وقت وتحت أي ظرف .. البيت بيتك
وعليكم السلام عليكم
أهلا بيك
طبعا المدام بتقرأ المدونة وبتراقبها وبتراقب التعليقات والتعليقات اللي في المدوناتا للتانية كان .. هي مش مراقبة .. ده حصار
علشان كده لازم نكتب بؤين زي كده علشان نعرف نعيش .. مشي حالك
ههههه
في الواقع (تنطق القاف ألف) أيوة كان عندي 25 سنة .. ومش لوحدي اللي إتجوزت في السن ده ساعتها .. وكل شيء ممكن
وأنا أعرف كام قصة كفاح لكام واحد إنطحنوا علشان يقدروا يتجوزوا بدري .. شغل ليل نهار وقصص كبيرة جدا ممكن تبدو مستحيلة .. لكن حصلت
لما بيكون فيه هدف .. ممكن الناس تسوي الهوايل
وإنتي بالصحة والسلامة
عدين ماتخافيش عليا في الكتابة .. واخد بالي كويس .. أصل الرقابة جامدة قوي
أهلا بيكي
انا برضه بقالي تقريبات عشر سنين متجوز(حتمهم شهر 9 الجاي)
بس ما عنديش اطفال لسه
وقضيت منهم 3 سنين غربه
متغربييييين بره وجوا
أهلا بيك .. منورني
أنا بأحب إسكندرية وكل أهل إسكندرية .. وإنت كمان جاري .. قطر دي في آخر الشارع اللي أنا ساكن فيه في الكويت بس بعيد شويتين
إن شاء الله ربنا يرزقك بالذرية الصالحة و يؤجرك خير في الدنيا والآخرة
( الملتقى )
ملتقى امدونين
ملتقى الافكاروالاراء
فى مدونة واحدة تجمع افكارنا
تسعدنا مشاركاتكم معنا
أشكركم على الثقة الغالية دي .. لكني في الحقيقة لسة مش مقتنع كتير بفكرة المدونات الجماعية لأن تفكيري في التدوين نابع من رؤيتي الشخصية لمدونتي الخاصة وشخصيتي اللي بأتحرك من خلال أحاسيسها وظروفها
أشكركم مرة تانية
أول ما عرفت جيت على طول قلت ابارك كل سنة وانتم طيبين ودايما ربنا يديم عليك نعمته دي يارب ولا تتحرمش من عالمك الصغير ده اللي منور عليك حياتك
كفاية دخلتك من الباب وأولادك بيجروا عليك أولادك ويستقبلوك بحب وحنان وكلمة بابا اللي بتسمعها منهم دي تسوى الدنيا ومافيها
وزوجة صالحة بتكون سند لك في هذة الحياة الصعبة
وأهديك اغنية أحمد منيب
مين اللي يسهر جنبي الليل
مين اللي باله معايا طويل
مين لما أتعب يساعدني
ومعايا حمل الهم يشيل
من غيرها ست الستات وياها بصبح وابات
وأجيب لمين غيرها وأهادي
أم العيال العشرية
جايب معايا اللي في يدي وقدرت أجيبه من كدي
ولا تقوليش بس أنا عندي
وكفاية بتهل عليا
اصلك أصيله ياعشرية
ياعم يابتاع المخمل
اديني توب نوع المحمل
عشان حبيبتي تتجمل
أبيض بلون الصباحية
أبيض ياقلب العشرية
أتمنى تشريفك لي في مدونتي
هاتنور بزيارتك ليها
دعوة لزيارة مدونة شاعر مغترب تستحق الزيارة
http://mosaiiic.blogspot.com/
أهلا وسهلا بيك ... زيارتك دي شرفتنا جدا .. وبأشكرك على الكلمات الرقيقة والأغنيه الجميلة دي
نورتنا .. وهأروح أشوف شاعرنا حالا
وبجد مدونتك جميله
انا عندي امتحانات طوال شهر يوليو ولما اخلص هاطلع على كل كتاباتك
واعطيك رأيي
تشرفت بمعرفتك
أهلا بيك ومتشكر على رأيك الجميل ده .. ربنا يوفقك ويصلح لك الحال إن شاء الله .. إبقى طمنا على النتيجة
بس انت دايما تفحمني في اخر سطرين في كتاباتك
و عقبال اليوبيل االفضي و الذهبي و الماسي كمان ان شاء الله
وإنت بالصحة والسلامة .. متشكر قوي على الزيارة الظريفة دي وياريت نفرح فيك .. قصدي بيك قريب
شد حيلك .. كلنا لها
نورت