في الذكرى السنوية العاشرة لجوازي .. بأقعد أفكر في حاجات كتير قوي .. ياترى لو رجع بيا الزمن عشر سنين لورا وما كنتش إتجوزت .. مش كان زماني دلوقت بأصحى الصبح متأخر شوية بدل الميعاد السخيف اللي بأضطر أنزل فيه مع الأولاد الصبح علشان باص المدرسة اللي بييجي الساعة ستة ده؟ مش كان زماني بأروح البيت بعد الشغل وأنتخ وأنام بدل ما أقعد أذاكر للأولاد ساعتين بسرعة علشان هيناموا بدري؟ مش كان زماني ما بأروحش السوق كل إسبوع مرتين علشان أشتري طلبات البيت اللي ما بتخلصش؟ أو أفضل كل صيف وكل شتا وكل عيد ألف المحلات كعب داير على شراء ملابس الأولاد وأحتار في المقاسات والألوان والأذواق .. والأسعار؟ . مش كان زماني أقدر أنزل عالقهوة وأقعد مع أصحابي في أي وقت وفي أي يوم زي ما أنا عايز من غير ما أقعد أمهد إسبوع للخروجة دي؟ مش كان زماني أقدر أفتح قناة ميلودي براحتي وأبوس الواوا وأتفرج على الباشمهندسة نانسي عجرم و الباشمهندسة روبي والباشمهندسة كارول سماحة من غير ما أكون خايف من أي قصف جوي بالحلل والأطباق؟ مش كان زماني بأخش البيت وما ألاقيش الأولاد بيقولولي إتأخرت ليه وكنت فين .. والحاجة أمهم ساكتة ولا كأنها مسلطاهم
مراسلينكم بالكويت المراكبي وأولادة بيحيوكم من إستاد القاهرة بالكويت من وسط عشرتاشر طماشرألف متفرج مصري بيشجعوا منتخبنا في مباراته الودية مع منتخب الكويت .. إحنا بعون الله رجولة وكفاءة وجدعنة ومحافظين على كل أصول التشجيع المصري الأصيل وعلى كل الشتايم الكلاسيكية الخاصة بالصحافة والحكام .. وبعون الله هزينا الملعب جامد وفرقتنا كسبت الماتش واحد واحد .. وأنا وأولادي من موقعنا هنا بنقول لكم إننا بجد بجد حسينا لمدة ساعتين وكإننا في مصر .. ساعتين بس .. مش عارف ليه ماتشات الكورة ما بتطولش أكتر من كده؟ 
تعليقات
دايما رافع راسنا عاليا ـ انا مليش فى الكورة زى انيس منصور ومن كام يوم انيس كتب وقال ان الناس اللى مالهمش فى الكورة خسروا كتير قوى ـ ورغم هذا لما مصر بتلعب متش دولى اقعد قدام التليفزيون علشان مصر رغم انى مشفاهم هما بيعملوا اية ماهى مصر تحت جلدنا
جميلة الصور والمصوراتى حريف
انا قلت اكيد المراكبي ها ينشر لنا احداث المباراة
وحسيت مش عارف ليه
انك هاتروح
وحسيت كمان
انك هاتاخد الاولاد
وفعلا
كما قال جدو اللي باحييه
الصور حلوة جدا
صح؟
البنوتة دي شبهك بالظبط
عسولة جدا
أنا سعيد جدا بتشريفك ليا لتاني مرة
الكورة فعلا فيها حاجات كتيرة غير الجزء الظاهر منها للناس .. يمكن أهمها هو اللي إنت أشرت إليه وهو الإحساس بمصر اللي تحت جلدنا من غير ما نآخد بالنا
وهو ده اللي بأحاول أزرعه في أولادي
المصوراتي بيشكرك جدا ياجدو وبيعتبر تعليقك ده شهادة يعتز بيها
المصوراتي اللي هو أنا
القلوب عند بعضها .. كده هنبدأ مرحلة التخاطر عن بعد بيننا وبين بعض
أنا متشكر قوي على شعورك وإطراءك عالصور .. الولد والبنوتة دول أولادي فعلا .. إبني الكبير وبنتي الوسطانية
حقيقي كلك ذوق .. من بعض ما عندكم
بجد استمتعت بسطورك جدا وشوف بقي حب البلد جوانا ازاي مهما طالت الغربه
دى مستعمرة
بلاش تطول بدل ما تقلب بطوب
فين الطراطير اللى عليها علم مصر
ده المصريين اكتر من الكويتيين
ماشاء الله احنا احتلينا الكويت
هههههههههههههه
شكل اللي في الصور ولادك
سلملي بقي علي الولد العسل اللي لابس تيشرت اي سي ميلان
الولد ده بيفهم كده
هههههههه
ربنا يخليهم
ربنا يكرمك ويخليك .. شهادة أعتز بيها
وبالنسبة لحب الوطن .. دي حاجة تحت الجلد زي ما قال جدو .. مهما لفيت يمين وشمال ماتقدرش تنكره
تحياتي الغالية ليك
فكرنى بتعليق لواحد متعصب شوية على بلينتي ضاع من الفريق اللي بيشجعه بكل ثقة وإقتناع قال إيه.. لأ بس مافيش حد يقدر يركن الكورة جنب القائم كده..
طبعاً اللعيب بتاعه ركنها جنب القائم فعلاً بس من الخارج
هنا ما فيش طوب .. إحنا بنحدف قزايز مياة معدنية بلاستيك .. ده المتاح في الملاعب هنا .. وعمار يا مصر
مالاقيناش طراطير .. إحنا إتحصلنا على أعلام مصر بالعافية .. العلم الصغير بعشرين جنيه
في كل المباريات هنا دايما دايما المصريين بيبقوا أكتر من 75% من الإستاد .. دي قاعدة عامة
اللي في الصور دول أولادي .. وإبني طبعا بيشجع إي سي ميلان ودايما بيقارنه بالأهلي
بيحاول يقنعني إن إي سي ميلان أحسن من الأهلي .. بس على مين .. هأو .. واللي خايف يروح
إحنا كسبنا طبعا .. هما لعبوا إيه غير دفاع منطقة طول الماتش؟ وحتى جابوا الجول من ضربة جزاء ظالمة
وزي ما إنت شايف أنا لا متعصب ولا حاجة .. والصحافة فييييييين ال... أهو
عشرتاشر طماشرألف متفرج مصري...بس !!!!!!لا دا تقصير في حق مصر..هههههه
ولادك زي القمر ربنا يخليهملك يا باشمهندس ويباركلك فيهم ،البنوته شبهك الخالق الناطق ما شاء الله
تحياتى
يالهوى كل دول مصريين فى الكويت ده انا كنت بالس على الهنود لما بازور الكويت واقول انا خايفه افتح الحنفيه ينزللى هندى اتارى الحنفيات بتنزل مصريين
ولادك زى السكر ربنا يخليهملك وقول للقاضى الصغير ان اى سى ميلان احسن من الاهلى ميت مره انت بتفهم يا واد ومتخليش حد كده ولا كده ياثر عليك
تحياتى
وعليكم السلام عليكم ورحمة الله وبركاته
أنا برضه إستقليت العدد .. مش معقول نص مليون مصري في الكويت مش عارفين نطلع منهم غير طماشر ألف بس يروحوا يشجعوا .. حاجة تكسف فعلا
:-D
المهم إن الإستاد إتملى على آخره بالمصريين
متشكر قوي على مجاملتك الرقيقة لأولادي .. دايما ذوق
إيه ده؟ إنتي بتعصي الولد عليا وألا إيه؟ أنا عارف إنك زملكاوية أبا عن جد علشان كده عايزة تأثري على إبني اللي بقى لي سنين بأعلمه إنه ينقش حروف الأهلي في قلبه
:-D
:-D
:-D
أهلا بيكي تاني .. نورتينا .. وياريت تبقى تنورينا في الكويت لما تيجيها تاني .. وتحياتي للوالد العزيز
عجبنى اووى البوست ده وخصوصا كسبنا 1-1 المصرى علطول معروف بجبروته :)
إحنا بنهديك يا ريسنا الإنجاز التاريخي ده اللي تم في عهدك وبتوجيهات سعادتك
شرفتنا ياريس يا ناصر الغلابة
الفراعنه
مع انى مليش فى الكورة قوى بس اما بتكس مصر عموما ببقى مبسوطة قوى
و بينى و بينك و كلام فى سرك كدة سمعت ان الاعبية بياخدوا فلوس كتير قوى قوى قوى قوى
اوعى تفهمنى غلط و تقول عليا بنق و لا حاجة حاشا و كلا انا مش كدة يا جماعة
و سمعنى احلى سلام خلى السلاح صاحى
تحياتى
الكلام اللي باللون الأخضر فيه لينك بيوصل لبوست قديم بيشرح أصول التشجيع المصري الأصيل
وقريبا هأنشر عن آخر صيحة في عالم التشجيع في الملاعب
تحياتي للجميع
لأ طبعا ما حدش هيظن فيكي حاجة أبدا .. إنتي عينك باردة وأنا عارفك كويس .. ده حتى إمبارح ما إتصابش غير إتنين لاعيبة بس .. واحد إرتجاج والتاني كسر في الحوض
هو مكتب الترجمة شكله مش ماشي كويس وألا إيه؟
وش بيغمز
رغم انى كنت مبسوطة انكم جيتو مصر ساعتين
بس الأهم بأة
ان الولاد زى السكر
ماشاء الله عليهم
ربنا يحميهم ويخليهم
ويفرحك انت والمدام بيهم
ملحوظة: الولاد
copy-paste
منك
:)
يعنى ناقص بس قميص اسود وكرافات ويبقوا أنت بالضبط
:)
ولادك امورين موت ربنا يخليهملك يارب ويحفظهم بس اوعي يكونوا نسيوا اللهجه المصريه وبيشجعوا بالكويتي
سلامي ليك يامراكبي
ههههههههه
ما شاء الله اولادك زي السكر ربنا يبارك فيهم
يلا هانت بكرة تنزل اجازة و تستمتتتتعععع
بس متغنيش ظلمووه
تحياتي
ربنا يحميهم ويبارك فيهم يااااارب
رافعين راسنا دايما ربنا يخليكم للكورة المصرية
تعرف المصريين بيشجعوا بضمير ليه؟
عشان شربوا من نيلها على رأى شرين ههههههههههه
تحياتى
ده انا لما بيكون لاعب المغرب ماتش و يقعدوا يتفرجوا بدعي ربنا انه يصبرني الساعتين
مالو التنس؟ حلو و هادي احسن من الكورة
ملحوظة: ولادك امورين و خصوصا البنوتة, هما طالعين لمين؟ أكيد للحاجة
الله يخليهم ليك
متشكر قوي على مجاملتك الجميلة دي .. وحلوة قوي حكاية القميص الأسود والكرافات دي .. ضحكتيني جامد قوي
أنا شكلي لازم أغير صورة البوفايل دي .. هأغير الكرافات
:-D
كنت مستني تعليقك ده وكنت متوقعه كمان
ماتقلقيش على اللهجة بتاعة الأولاد .. مافيش إحتكاك بالكويتيين كتير زي ما إنتي متخيلة .. نسبة الأجانب إلى الكويتيين هنا إتنين إلى واحد
نورتينا
أخوكم ومشرفكم في العالم كله .. أي خدمة
إقتلوني وإخلصوا من عاري علشان تستريحوا
:-D
بكرة الأولاد نازلين مصر .. أخيرا إنه الجلاء
:-D
متشكر جدا جدا يا إنسانة على التعليق الرقيق ده
وفعلا المصريين بيشجعوا بذمة من قبل الماتش بساعة من غير توقف ولا تعب .. الظاهر شاربين بنزين مش مياة
هههههههه
منورة بجد
متشكر قوي على شعورك الجميل ده
ربنا يكرمك
مين التنس ده؟ مش دي اللعبة اللي كل واحد ماسك عصاية وبيحاول ينشن بيها على كورة خضراء صغيرة؟ لأ أنا ماليش في الألعاب الشعبية دي
الأولاد بشهادة الجميع طالعين ليا زي ما إنتي شايفه .. مش كل شيء تنسبوه للحاجة بقى .. إقفوا في صفي مرة واحدة بس
منورانا
في كل حتة بنشرف ونعرف بعض من الصوت
..
مش مهم الماتش
ولا مهم النتيجة
المهم انك حسيت انك في مصر ولو لساعتين
أن احنا كنا رجالة
ووقفنا وقفة رجالة
اجرى يا محمد افندى
ورافعين رايتنا على طول برة
ربنا يبارك الك فى الأولاد
ويا ريت ميكونوش لقطوا حاجة من محمد افندى ولاّ ابن أبو سويلم اثناء التشجيع
ماشالله
ربنا يخليهوملك و تحضر ماتشات كتير
بس اهم حاجه الشتايم
حلوه كسبنا واحد واحد
بس مقولتليش ده كان ماتش بين مين و مين وبتاع ايه .. معلش .. رغم اني مصري .. وشربت من نيلها ..بس ماليش في الكوره بمعني الكلمه الحرفي
عموما البوست دي كانت فرصه مهمه قوي قوي قوي
عشان
اقولك
ربنا يخليلك ولادك .. اماميير
ما شاء الله عليهم
أقلك
أبارك لنفسى شوفت ولا المركبى هيه
ربنا يبارك لك فيهم
اللي قولتيه ده حقيقة بجد وجد .. دوسي بس على حتة الوطنية عند المصريين اللي بره وإنتي تشوفي الهوايل
والأهم طبعا إننا عشنا في مصر ساعتين
نورتينا
أنا برضه بأقول للأولاد كده قبل الماتش: لازم نروح نقف وقفة رجالة جنب الفريق في الغربة
وبعدين هما أصلا بيعشقوا حاجة إسمها نشتم الحكم وبالذات لما بيحسب ضدنا قرارات عكسية .. بيقعدوا يقولوا: العبيط أهو أهو .. العبيط أهو أهو
أخوكم ومشرفكم
متشكر قوي يا كوكو
أي ماتش هنا لازم نروحه .. وأهم حاجة طبعا الشتايم .. أنا بأقعد مع الدرجة التانية مخصوص علشان كده .. ده نبض الشعب الحقيقي
:-D
أولا الماتش كان بين منتخب مصر ومنتخب الكويت .. كانوا بيلعبوا كرة قدم
المباراة كانت ودية بمناسبة إعتزال أحد نجوم الكويت .. لكن بالنسبة لمصر تعتبر إعداد لتصفيات كأس الأمم الأفريقية
متشكر قوي على متابعتك ومجاملتك الظريفة
ربنا يبارك فيك ويفرحنا بيك .. متشكر جدا على الشعور الجميل ده
شكلك كدة يا مراكبى انت اللى نقلت المصريين دول كلهم هناك مش مراكبى زى مانقلتنا احنا كمان هناك جوة الماتش والاستاد سمعنا معاة الهتاف ورددنا مصر مصر مصر والصحافه فين واحد مظلوم اهو :( ، انا بجد حسيت من كلامك ان الكويت دى قطعه من مصر او محافظه من محافظات مصر احنا اكتر منهم هناك اصلا
متنساش تنقل تحياتى لاولادك وبتمنالهم حياة جميه انشاء الله
كان معكم محمد فوزى من مصر المحروسه .
متشكر قوي .. ربنا يفرحك كمان وكمان
مدونتك رائعة جدا .. مدرسة لينا بصراحة .. هأحتاج أقراها كلها علشان أعدل من مدونتي جامد
أيوة دول أولادي .. شكرا للمتابعة
طب كان هيكون اية منظرك لو متعادلوش
يالا المكسب الوحيد ان الاولاد يحسوا بالجو دة بس بنتك زي القمر
كدة هنحجزها من دلوقتي شوف لو فية اوراق رسمية او حاجة نجهزها عندي تلاتة اولاد تختار الي يعجبها
:)
بس اية الشتائم الكلاسيكية دي انا من زمان متفرجتش علي كورة في الاستاد
اخر مبارة كانت بتاعة مصر والجزائر بتاعة تصفيات كأس العالم
وبعدها شوفت مبارة اهلي وزمالك في الاستاد واعتزلت التشجيع نهائي من الي شوفتة بس انت فكرتني بيها
بس بجد الصور حلوة وتقولي عايز اتعلم التصوير يا عم انت حريف في كل حاجة
احتومال علشان شلت نسبه الخصم
:((
و بعدين اتنين لاعبية بس
؟
مش ممكن
لالالا لازم اركز بقى اكتر من كدة
و لا ايه؟
عزيزي محمد فوزي
هههههه
المصريين كانوا أفواج وجحافل من غير ما أتدخل أنا في حاجة خالص .. ده طبع المصريين اللي إنت عارفه
أنا سعيد جدا بتعليقك اللي بتقول فيه إني قدرت أنقل لك جو المباراة .. شهادة أعتز بيها
شكرا لمراسلنا محمد فوزي من القاهرة .. نلتقي بعد الفاصل
ياراجل .. ده أنا كنت متوقع إني أقابلك هناك .. ياللا مش مشكلة .. المرة الجاية إن شاء الله هأرتب معاك وآخدك من إيدك معايا
وبعدين إحنا ما إتعادلناش .. إحنا كسبنا .. راجع البوست كويس
:-D
إبعت لي صور الأولاد علشان ننقي العريس .. بس صور حديثة ستة في تسعة
هههههه
وبعدين هتخليني أصدق إني بأعرف أصور وألا إيه؟ هآجي إيه أنا جنبك؟ ربنا يكرمك
نتقابل قريب إن شاء الله
ده مش نق ولا حاجة .. ده حقد بس .. بسيطة يعني
:-D
رجعي نسبة الخصم وأنا أبطا نق .. وعد مني
:-D
أيوة إتنين ضحايا بس .. شكلك ضعفانة شوية اليومين دول .. محتاجة تغذية شوية
:-D
من ارض الملعب فى الاستاد
هنى عندنى
احيك واشيد بجهودك انت
والاولاد اللى زى العسل دول
يا ريت تقرا التعليق باللهجه الفلاحى
و دمت
هههههههههههههه
انا برضه ماليش فى الكورة
بس عاجبانى فكرة المشاركه
وفرحه الاولاد واحساسهم بالانتماء اللى ربنا يكرمك والمدام وتغرسوها فى اولادكم بس من غير ما تعوروهم
احيات ابوك يا شيخ
تحياتى لكل افراد الفريق
عفوا قصدى الاسره
تحياتي لك
انظر حولك
د. خالد عزب
مدونة جديدة
انظر حولك
د . خالد عزب
طيب اعترف كده
عيط و انت بتودعهم في المطار و لا لا؟
و روحت البيت لقيته ملوش طعم و لا لا؟
و اتغديت من غير نفس و لا لا
انتم كده يا رجاله تقولوا كلام و ترجعوا في كلامكم
برييييه منكم
تحياتي:)
بس ديماً متألق ..
صور جامدة .. وطريقة كتابة جامدة ..
وحاسس انى فى يوم من الأيام هقابلك .. مش عارف ليه .. انته دون المدونيين ..
انا هحط لينك المدونة بتاعتك عندى
و الله أول ما عرفت إن فيه ماتش ودّي في الكويت قلت اكييييد مراكبي في الملعب و حاييجي يحكيلنا على اللي حصل
ومش عارفة ليه اللقاءات اللي اتفرجت عليها سريعا ماحدش قال فيها إن كنا كسبنا و لا خسرنا
بس الكلام أوحالي إننا خسرنا و زعلت على الفاضي لكن اللي فهمته إن مستوى اللعب كان وحش
طبعا لو بابا كان هنا كان حكالي كل أحداث الماتش لكن هو فمصر دلوقت
بس أنا قريت في البوست جملة عجيبة شوية
فرقتنا (كسبت) الماتش واحد واحد
اللي أعرفه إن واحد واحد ... اسمه (تعادل) ولا انت ايه رأيك؟؟
:))
تحياتي
ياسلام
بالنتيجة السحرية دي احنا كده عندنا امل نوصل الاوليمبياد الودي
بس سيبك انت
المصري هيفضل مصري
أو اسماعيلي
ربنا يخليهم ليك يا رب
البنوته عسل خالص
انا مليش فى الكوره بصراحه
بس مادام انت بتشجع مقدرش اكسفك
نشجع معاك هنخسر حاجه
اهو كله بثوابه
:)))
فين ثوابه بقى ؟؟
(^_^)
ربنا يكرمك يارب
ويحفظلك ولادك القمر دول
تحياتى
أما بقي تشجيع المصريين لماتش الكورة فأنا بأقول ياريت نحب بلدنا كده ونشجعها كأنها فريق كورة
كان ناقص شويسة .... ونجيب عشرين صفر ...بس إحنا قلنا كفاية عليهم جون واحد ...
يعني هي ناقصة شلل لما جاي تقطمنا ؟؟؟؟؟؟
ربنا يكون في عونك ... وعونا
هل حاولت متابعه قضيته
هل تهتم اصلا بشؤن وطنك
كل ما اطلبه منك فقط هو محاولة معرفته ومتابعة قضته والاطلاع عليها فإن اقتنعت انه مظلوم حاول نصرته ولو بمحاوله تعريف الناس بقضيته
تابع مدونتنا من اجل الدفاع عنه وعن اخوانه
زورو مدونتنا لمعرفة من هو خيرت الشاطر القائد البطل المخلص قبل كل ذلك الانسان
زورو مدونتنا واتركو تعليقاتكم ورائكم ومقترحاتكم وتساؤلااتكم وافكاركم لدعم قضيتنا
www.khirat–elshater.blogspot.com
اى و الله العظيم
ويا سلام على فلكلور مصر كله باين و ظاهر فى الصور بشكل مجرم
الا صحيح
كان فى ناس جايبة معاها محشى برده و الكلام ده ولا قضوها حاجة ساقعة بيبسى
والفارغ طبعا احنا عارفين بتروح فين
خصوصا الوقت الذى تنفصل فيه رقبة لااقزازة عن جسمها
:D
Regards:
Lojain :)
ربنا يا رب يخليلك الباشمهندسين الصغيرين و يحفظهملك
:)
هما المصريين كتير قوي كده في كل حته؟
الناس دي كلها لو رجعت مصر هنروح كلنا فين؟
تحياتي
انا عرفت انهم ولادك من قبل ما تقول
فعلا شفنا الماتش ايه ده دا فعلا ولا استاد القاهرة وده شئ جميل خصوصا للاولاد علشان الانتماء يعشش جواهم بطريقة عملية
مصر مصر مصر
بيييب بييييييب
مصرررررررررر
شكلكو يفرح والله
ما شاء الله عالعساسيل ولادك
ربنا يخليهملك يا رب
ومسيرنا نكسبهم 2/2 المرة الجاية
هوا احنا بنلعب
;)
اشكر كل من تساءل عن غيابي
ووقف بجانبي في محنتي
تحياتي لكل شريف حر
ربنا يخليلك اولادك زى القمر
http://abna2masr.blogspot.com/
اتمني انك تكون بخير
بصراحه انا جايه عشان اعتذرلك علي ردي علي تعليقك في مدونتي الاخير
عشان حسيت اني شريره شويه فيه
واتمني ماتكونش زعلان مني عشان انا حاسه بالذنب:(
وبس
سلامي ليك
.........
العيال شربات
وانت شربات
والماشت شربات
ومدونتك شربات
وربنا ما يفوتلك موبراه
تحياتي
ويجعلوبالنضال عااااااااااااااامر
ربنا يخليهوملك بجد
وتنزلوا مصر قريب
أعتذر عن تأخري في الرد على تعليقاتكم لأني كنت مسافر برة الكويت ولسة راجع حالا
هأنام شوية صغيرين ييجي عشر ساعات كدة ولا حاجة وهأرجع لكم هنا تاني
بأشكركم جدا جدا نفر نفر .. ونفراية نفراية .. ربنا يخليكم ليا
الحق البوست قبل ما يبرد
اوروفوار
اكيد انتا الى خليتنا مانخسرش فى الماتش
ونتعادل
شكرا يا مراكبى
حلوة قوي اللهجة الفلاخي دي .. تحفة
إنجليزي ده يا مرسي؟
ما تقلقيش من التعوير ساعة التشجيع .. دي آثار جانبية بسيطة بتحصل لأحسن العائلات
نورتي
طبعا أحلى حاجة هي تشجيع مصر وبالذات في الغربة
أهنيك على المدونة الجديدة .. فعلا الصورة بتغني عن ألف كلمة
وجودك في وسط المصريين دول في الغربة من أجمل اللحظات .. بس كان نفسنا نكسب بنتيجة أكبر من كده
أنا ما عيطتش في المطار وكنت جامد جدا ولا همني أي حاجة
.
.
.
.
أنا بأعيط في البيت لوحدي .. أصلهم طولوا الغيبة قوي .. بقى لهم يومين بحالهم مسافرين
تعليقك ده بجد شهادة أعتز بيها وبتفرحني .. وأنا يسعدني طبعا إني أقابلك في يوم إن شاء الله
متشكر جدا على المتابعة وعلى الثقة الغالية دي
هى العائلة الكريمة سافرت مصر
يعنى أنت فى البيت لوحدك
يعنى مفيش حد هيحس بينا
يعنى أجيب اللى بالى بالك وأجيلك
دى هتبقى سهرة أأأأأأأأأيييية .. للصبح
بس أوعى تقول لحد على الموضوع دة
يادوب أنا وأنت واللى بالى بالك
قبل ما أجيب الحاجة قولت أسالك بتحب أية
أصل الحاجات دى مزاجااااات بقى
على العموم أنا بحب الشيبسى بالجبنة
أحب أجيبلك شيبسى بالملح.... ياحااااااج
-بعدين يطلع أحمد السقا ويقولك-
السهرة مع شيبسى تحلى
:)
معلش انا مهيس
لما أفوق هرجع وأعلق على الموضوع
:S
بقالك كام يوم مش علي المسنجر وكانك كدة غاطس وملهي في حاجة معرفش اية هي
فية اية ؟؟
ها فية اية؟؟
ضحكتنى
بجد مصر فاخورة بيك اوى
إحنا طول عمرنا رجالة وما نسيبش فرقنا تلعب من غير جمهور في الغربة أبدا .. لازم نونسهم ونحسسهم إنهم مش لوحدهم أبدا
وبعدين الجملة بتاعة "كسبنا" دي مش غريبة ولا حاجة .. هو فيه أي حاجة غريبة على المصريين؟ ده إحنا اللي دهنا الهوا دوكو وحاجات تانية كتير زي كده .. شكلك نسيتي المصريين ولا إيه؟
:-D
تحياتي
ما إحنا كسبنا يا عم .. أنا مفهم الأولاد كده
هههههههه
انت جيت عندي وكبس عليك النوم تاني
صباح الخييييييييييييييير
اصحىىىىىىىىىى
طبعا لازم مفكها على الناس .. لو عايز نفكها أكتر وأكتر ممكن نقول كسبنا عشرة صفر .. إن شا الله ما حد حوش
:-D
والمصري هيفضل مصري
أو أهلاوي
واللي خايف يروح
:-D
قبل ما أشكرك على تعليقك الرقيق - كالعادة - أحب أعرف إنتي قفلتي ليه الدكان؟ ده كان أحد الأماكن القليلة قوي اللي بنستريح عندها
لازم ترجعي جتى لو مش هتكتبي حاجة .. المهم ترجعي
وأهو كله بثوابه برضه
عرفتي فين ثوابه بقى؟
تحياتى
ياسلام على الكلام الكبير الموزون: ياريت نحب بلدنا كده ونشجعها كأنها فريق كورة
حكمة عالية جدا جدا .. أحييكي عليها
أهلا وسهلا .. أشكركم على الزيارة وعلى الدعوة كمان
الله يبارك فيك .. عقبال كأس العالم إن شاء الله
نفسي نروح كأس العالم تاني قبل ما أموت
أشكرك على الزيارة وأهلا بيك
أهلا بيكم وأشكركم على الدعوة الكريمة
شوفتي الفلكور؟ هما دول المصريين في أي مكان حتى لو في أمريكا
طبعا البوليس الكويتي بيآخد مننا كل حاجة عالباب .. مافيش فرصة لإستخدام الغازات السامة والمسيلة للدموع اللي بتنتج عن المحشي
أما القزايز .. فللأسف معدنية وبلاستيك .. ياللا .. لما نيجي مصر نبقى نشوف القزايز اللي بجد وجد
نورتينا
ربنا يكرمك .. متشكر جدا
أيوة المصريين اللي بره كتير .. ولازم حكوماتنا تلطف الجو مع الدول التانية علشان ما يقرفوش كل المصريين دول .. هي مش ناقصة أصلا
نورت
أهلا يادكتور
شفت الجينات عاملة شغل جامد إزاي؟
ههههههه
تشجيع فريق مصر في الإستاد دي من أحد أفكاري لترسيخ الإنتماء في الأولاد فعلا .. وإن شاء الله تجيب فايدة
نورت
أبو حميد .. إزيك؟ عندك موضوع طويل قوي منشور بقى له إسبوع ومش فاضي أقرأه .. إوعى تنشر حاجة جديدة لحد مأقرأه
إحنا كنا على وشك إننا نكسب 2-2 بس الحكم ما حسبش الوقت البدل الضايع بذمة .. ياللا المرة الجاية بقى
وعليكم السلام ورحمة الله وبركاته
نحمد الله على العود الأحمد .. إن نصر الله قريب
دي خطوة عزيزة جدا .. أهلا بيك دايما وأشكرك بشدة
للأسف لسة ما عنديش وقت أقرأ الرواية الطويلة بتاعتك .. ربنا يسهل وأقراها
بالتوفيق إن شاء الله .. أيوة كده
ولا يهمك خالص .. أنا عندي فصل تام بين الخلاف في وجهات النظر وبين تأثيرها على العلاقات بين الناس
بس أنا لسة مصر على رأيي على فكرة
:-P
ده كتير عليا قوي .. أشكرك جدا جدا على ذوقك العالي ده
وسمعني سلام مصر هيا أمي
نورت
أيوة إحنا اللي كان صوتنا قالب الدنيا .. بس مسرسع حبتين
:-D
وأنا معاك في إن الإحساس ده كان أحلى علشان إحنا بره مصر
متشكر جدا .. هما في مصر دلوقتي وبرضه معاهم أعلام مصر
الله يسلمك
قولي لطهقان إني جاهز للسفر الإسبوع اللي جاي
داكور؟
لا شكر على واجب
وبعدين إحنا كسبنا الماتش .. إنت ما قريتش البوست كويس وألا إيه؟
:-D
وإحنا بنشكرك على التحية الجامدة دي
مافيش ساندوتش جبنة؟
أيوة العيلة سافرت .. هيييييه
والبيت بقى فاضي (وش بيغمز) .. هات اللي تلاقيه و تعالى
أنا كنت بأحب المشمش .. بس دلوقت بأموت في المانجة
فالر إيه بس اللي هيلعب في عبك في الحر ده؟أنا كنت بس برة الكويت اليومين اللي فاتوا ولسة راجع
عايزين نركز بقى ونلعب بديلنا شوية قبل ما العيلة ترجع تاني .. إيدي على كتفك
متشكر قوي قوي .. بجد مصر فاخورة بينا؟ .. ياريت بقى تصرفولنا بدل إنتقال وألا حاجة كده
أنا صاحي جدا وفايق جدا
أصل العشر ساعات هنا بيبقوا تلاتين بالمصري
ههههههه
منورني بجد
تصبح على خير ... خخخخخخخخخخ
ياااااااة اية اللى أنا كنت بقولة دة
يالا عادى الحر والشغل بيعملوا أكتر من كدة فى الواحد
كل دول مصريين
دة أحنا لو أتجمعنا وكل واحد أخد فى أيدية أيد مقشة يبقى أحتلينا الكويت بدون قتال
سيبك المصريين أهمة
سواء كسبنا أو خسرنا فأحنا قاعدين بنشجع
:)
إنت كنت بتقول أحلى كلام .. بس ياريت لو تبدل أكياس الشيبسي بحاجات من اللي بالي بالك
:-D
أصل المدونة مش متراقبة اليومين دول
:-D
ونعود للمباراة .. طبعا أهم حاجة التشجيع .. إحنا ما كناش مركزين في الماتش قد ما كنا مركزين في التشجيع
هلا والله
وشكرا على المتابعه
تحياتي
تحياتى
أهلا بيك دايما .. نورتني
ولا شكر على واجب
ربنا يخليكي ويكرمك
المهم .. إمتى هترجعي ترتبي أوراقك من تاني .. وتكتبي حاجة جديدة في مدونتك؟ مش ملاحظة إنك طولتي قوي؟
ربك يسهلها و بجد كلك ذوق أنك مهتم و بتسأل
تحياتى لولادك الجمال دول و لمامتهم طبعا :)
مفيش شيوة طوب في الاستاد لزوم الحماس؟؟
بيب بيب مصر مصر
الله بحب انا اوى الجو دا
وبالذات لو فى غربه ومحتاج تحس بالامان وان فى كتير حواليك من اهل بلدك
ربنا يهون عليكم غربتكم
وحلوة اوى الصور
انا اصلا قعدت اتفرج علي التعليقات
الغريب ان اغلب الناس علقت علي عسولتك الامورة دي
ربنا يخليها ليك و تفرح بيها يا رب ان شاء الله
اكيد طعم الماتش احلي كتير و انت برا مصر ...
الوست دا عسول و بجد الغلب تعليقات الناس اعسل و اعسل
لو ناويين ترجعوا مصر ربنا يرجعكم مصر بالسلامة و لو مش ناويين ربنا بردوا يرجعكم مصر بالسلامة :)
خالص تحياتي
تاني
لا شكر على واجب .. بس حقيقي شيء بيزعل إنك بعد النشاط اللي كنتي عليه والإنتشار اللي حققتيه تقومي تنسحبي كده من الساحة .. وخصوصا إن فيه صداقات محترمة إتكونت معاكي كمان
متشكر جدا على سؤالك الرقيق عن أسرتي .. هما في مصر دلوقت
للأسف ما فيش طوب .. حتى عصاية العلم بياخدوها مننا عالباب
تخيل كل اللي بنعرف نحدفه هو قزايز المياة المعدنية البلاستيكية؟ حاجة فافي جدا
عمار يامصر بصحيح
نورت يا ضاكتور
وعليكم السلام ورحمة الله وبركاته
فعلا ده بيبقى أحلى جو في الغربة .. أنا بأستنى المباريات دي بفارغ الصبر وبأجمع أصحابي وأولادهم وبنروح مجموعة كبيرة علشان نستمتع بالشعور الجميل ده
نورتينا
إحنا طبعا دفعنا فلوس كتير وإستحملنا حرارة الجو اللي فوق ال 45 درجة مئوية بالليل .. يعني لو إتهزموا كنا أكلناهم
ههههههه
نورتينا
متشكر جدا على الدعوة الكريمة
شوفتي إزاي؟ كل الناس دايما بيهتموا بالحاجة مراتي أو بالأولاد وكأني أنا كيس جوافة .. مع إني أنا اللي بأكتب مواضيع المدونة دي
ياللا
المهم .. بأشكرك جدا جدا على تعليقك الجميل ده وعلى متابعتك للتعليقات .. منورانا
ياريت يكون الكومبيوتر بتاعك خف ورجع كويس
ان اولادك بسم الله ماشاء الله عليهم
زي القمر وباين عليهم كانوا
بيشجعوا بحراره في الماتش
وربنا يطول في عمري وأشفهم مدونين رائعين زي بباهم بالضبط
وسلامي ليهم كتير وقلهم ان احنا في سن بعض تقريبا مع فرق الطول بس
و(بست وشز فور يو)0
تحياتي
غيرتي إسم المدونة؟ ماشي .. بس عرفتك برضه
يشرفنا طبعا تبقي أختهم الكبيرة .. وهما أقصر منك .. إطمني خالص
:-D
أهلا أهلا بالمؤلفة الكبيرة
وأحب أؤكد لك إن فعلا الجو في الكويت كان مختلف .. يعني بين 45 و 47 درجة مئوية بالليل
ههههههه
منورانا بجد
بابا كان دايما يقولي الكورة للولاد بس .. يالا خير .. الماتش كنت حاسة اننا ممكن نطلع بنتيجة احلى من كدا
لكن سيبنا من كل .. أولاد حضرتك ماشاء الله عسل جدا
والصور كلها جميلة .. شكرا على النقل الحلو دا
تحياتي
و تحيا مصر يا باشمهندس
:))
أنا على فكرة ليا أخت أصغر مني على طول وبتحب الكورة زي الأولاد بالظبط .. ده حتى كانت بتلعب معايا كورة وإحنا صغيرين
يمكن بنتي تطلع لها وألا حاجة
متشكر قوي على تعليقك الجميل وأهلا بيكي
نلتقي في مباريات قادمة إن شاء الله
وأنا كمان بأضم صوتي لصوتك
بس مصر مش الإسكندرية .. ماشي؟
متشكر جدا جدا .. وتحيا مصر رغم كل اللي عايزين يموتوها من جوة دول
معلش والله لو كان السؤال غبي بس اصل الغريب اعمى (:
أيوة صح .. أنا حسيت وكأني في مصر .. الإستاد كان إسمه إستاد كاظمة
ولوعايزه العنوان .. هو في حي العديلية على طريق دمشق رقم 45 المتفرع من الدائري الرابع
إنتي شايفه كويس ونظرك زي الفل ما تقلقيش
:-D
انا كمان فاكره اما كنت بره حضرت متش مصر وروسيا تقريببا على ما اتذكر
وخدت اختي وصحابها ورحنا هينا هناك
كنا عاملين قلق واحنا الي بنشجع جامد
يالله الواحد بره بيحب بلده
يجي جوه
يبقى نفسه يطفش منها
موضوع جوة وبرة ده حقيقي فعلا .. لأن الواحد وهو بره مابيستحملش كلمة عن مصر وبيقف جنب فريقنا بقلب جامد علشان اللاعبين ما يحسوش بالغربة وبيكون الواحد نفسة فرقته تكسب ويمشي بعدها وهو مرفوع الرأس
جوة بقى حاجة تانية .. بيكون الواحد جوة مشاكل البلد وشعوره مختلف