شد القلوع يا مراكبي ... مافيش رجوع يا مراكبي

الخميس، يونيو 28، 2007

مها

لم أكن أتوقع أن يكون ذلك الحدث السعيد هو بداية لشهور طويلة من الخلاف مع زوجتي .. فبعد ساعات قليلة من ولادة ابنتنا الجديدة .. كنت قد قررت أن أسميها .. مها .. أما زوجتي فقد كانت تريدني أن أختار اسما بين ثلاثة أسماء اختارتهم هي بنفسها .. لكنني كنت مصرا للغاية على أن أختار .. مها
.
لم تستنج زوجتي من إصراري على ذلك الاسم سوى أنني كنت أحب في الماضي فتاة ما تدعى أيضا مها .. هذا ما تخيلته هي وصدقته تماما .. قالت لي أنني لا أريد أن أنسى فتاتي المزعومة تلك .. ولذلك السبب أصر على أن أسمي ابنتنا على اسمها كي أظل أذكرها دائما .. عبثا حاولت أن أقنعها بأن ذلك هراء بلا شك .. فما دفعني لاختيار ذلك الاسم هو شدة جمال معناه .. ورقة حروفه .. وسهولة نطقه .. إنه اسم رائع بالفعل .. لكن دون جدوى
.
كانت زوجتي تكره مها الصغيرة وتبغضها .. اختزلت فكرة فتاتي الافتراضية في تلك الطفلة الرضيعة المسكينة .. كانت تتركها تبكي كثيرا وتجوع كثيرا .. كانت وكأنها تعاقبني أنا وفتاتي الخيالية بأن تهمل في رعايتها لمها الصغيرة
.
وبعد طول عناء .. جاءني الفرج عندما اتصل بي صديق دراستي تليفونيا ذات يوم ليزف إلي بأن زوجته قد وضعت بنتا جديدة .. أسموها أيضا .. مها .. كان أمرا ملفتا ومدهشا جدا لزوجتي .. أخيرا اقتنعت بأن ذلك الاسم هو اسم جميل وجذاب .. فالجميع يقبلون على إطلاق ذلك الاسم على بناتهم في هذه الأيام
.
لن تدرك زوجتي أنني كنت أتنافس مع صديق دراستي سنوات طويلة على حب مها

التسميات:

139 Comments:

Blogger شــــمـس الديـن said...

يا نهار ابيض !!!!!!!!!!!!!
هههههههههههههههههههههههههههههههه


عامة خلي بالك لا تكون ست الكل بتقرأ الكلام دا و تقع انت في شر اعمالك

قصة جميلة بالفعل و خفيفة ( لو كات مش حقيقية )

دمت بكل الخير و رعاية الله

الخميس, يونيو 28, 2007

 
Blogger حــلم said...

مراكبى
هذه القصة من أجمل ما قرات لك
ربما لخاتمتها المفاجئة التى ظللت تعد لها من البداية
أو ربما لانتقائك لمفردات سهلة خالية من الكلاكيع
أو ربما .. لا أدرى ..أحببتها وخلاص

المهم ان الفكرة الرئيسية وهى خوف الزوجة من مجرد خيال افتراضى هو حقيقة واقعة جسدتها فى بساطة جميلة
ظنى أنه ليست كل الزوجات يفعلن ذلك
فقط الزوجة التى تشعر بتميز زوجها الزائد
وحرصها عليه من الضياع

جميلة بجد

الخميس, يونيو 28, 2007

 
Blogger Gid-Do - جدو said...

مراكبى

حلم ـ بتعليقها اللى فات ـ رفعت الكورة وركنتها عالية فى الجون تحت الخشبة فى الزاوية اليمين وحارس المرمى منبطح ارضا فى الناحية الشمال ـ جون محصلش

وانا واقف فاتح بقى مش عارف اقول اية

الخميس, يونيو 28, 2007

 
Blogger عدى النهار said...

ضحكت بصوت عالى مع آخر سطر

لكن

لاداعى لهذه الثقة :) فربما أدركت لكنها أرادت أن تنهى الموقف بإختيارها

البوست جميل فعلاً وحاسس إنك كنت متنرفز أثناء كتابتك له

الخميس, يونيو 28, 2007

 
Blogger عمرو غريب said...

بص علي العموم انا لسا ماجوزتش وما جربتش الغيرة دة بس الف مبروك علي مها ويارب يخليهالك ويطولك في عمرها تحياتي لك واتمني لك التوفيق

الخميس, يونيو 28, 2007

 
Blogger مبرمج حر said...

هههههههههههههههههههههههههه

حلوة جدااااا

الخميس, يونيو 28, 2007

 
Blogger مـحـمـد مـفـيـد said...

:)
حبيبي
بجد ممتعه جدا
ولكن اتمني من الله عز وجل الا تكون زوجتك تعرف البلوج والا..... ربنا يستر

لا يفوتني كلماتك الرقيقه التي قولتها في حقي علي البلوج في البوست السابق
فهذا ليس بجديد عليك
في حفظ الله

الخميس, يونيو 28, 2007

 
Blogger واحد من الإخوان said...

الله
يا لها من مشاعر
اخرجتها الصغيرة مها
تغلبنا مشاعرنا احيانا كثيرة
ولا نستطيع إلا ان نعبر عنها بقراءة بعض الأبيات من شاعر رقيق احيانا او سماعها احيانا
أو تعبر عنها اعينننا احيانا
واحيانا تزيد مشاعرنا في التدافع
فلا نستطيع إخفاءها فتخرج في كلماتنا
---------
اظن ان العلاقة بعد هذا الموضوع عادت كما كانت متوترة بين مها الصغيرة وامها
وما توترت إلا لمشاعر حملتهاأمها لأبيها و رأت مشاعر اخرى تخرج منه ليست لها
بل إنها لمها!!!!1
---------
اظن علاج الأمر اصبح اصعب
يا لها من مشاعر تأخذنا بعيييدا
ولربما لا نستطيع العودة بعدها
فيا لها من مها !!!1
محمد حمزة

الخميس, يونيو 28, 2007

 
Blogger بالله المستعان said...

هههههههههههه
اسلوب الكتابه
حلوه اووووي

بس هو حضرتك
بتتكلم جد
؟؟؟؟؟؟؟؟

الخميس, يونيو 28, 2007

 
Blogger يا مراكبي said...

شمس الدين

متشكر قوي على التحذير ده هههههه

القصة مش حقيقية والحمد لله .. بس فيه بجد واحد صاحبي قوي هو اللي كان بيحب مها وسمى بنته على إسمها .. لكن أنا لأ

الحاجة مراتي بتقرأ كل حاجة .. دي حتى بتتابع التعليقات والردود عليها كمان .. حتى تعليقاتي عند الغير كمان

خلينا ماشيين جوة الحيطة

الخميس, يونيو 28, 2007

 
Blogger يا مراكبي said...

حلم

تعليقك ده وسام على صدري وخصوصا إنه صادر من كاتبة قديرة زيك

تحليلك أكثر من رائع وأضاف فعلا للقصة أبعاد أخرى

خالص تحياتي

الخميس, يونيو 28, 2007

 
Blogger يا مراكبي said...

Gid-Do - جدو

ياجدو إنت نورك علي كفاية قوي حتى لو ما قلتش أي حاجة

و العزيزة حلم طبعا لاعبة محترفة وإحنا مش قدها

إوعى تكون زملكاوي ولا إسماعيلاوي يا جدو .. النهاردة الأهلي هيلاعب الإسماعيلي الساعة 8:30 بتوقيت الاهرة

الخميس, يونيو 28, 2007

 
Blogger يا مراكبي said...

عدى النهار

ربنا يكرمك

وبالنسبة لملاحظاتك: إنت شايف إنها بتآخد جوزها على قد عقله؟

جايز

عموما أنا فعلا لما بأكتب أي حاجه فيها سيرة الجواز بأبقى متعصب

هههههههه

الخميس, يونيو 28, 2007

 
Blogger امام الجيل said...

انتو الاتنين بتحبو مها للدرجة دى ولا ايه بس اتضايقت اوى من معاملة زوجتك لمها والله زعلت اوى يا راجل غيروا اسمها بس المهم البنت المعاملة دى قاتلة فى حق البنت متسموهاش احسن

الخميس, يونيو 28, 2007

 
Blogger يا مراكبي said...

عمرو غريب

متشكر قوي .. بس بناتي الإتنين مافيش ولا واحده منهم إسمها مها على فكرة

ماتوديناش في داهية الله يخليك

ههههه

تحياتي

الخميس, يونيو 28, 2007

 
Blogger يا مراكبي said...

مبرمج حر

أشكرك جدا على التشجيع الجامد قوي ده .. أنا سامعك من هنا

منور

الخميس, يونيو 28, 2007

 
Blogger Reemo said...

loooooooooooool
بيقولو ان المرأه عندها حاسه سادسه بتعرف بيها اللى مستخبى عنها
بس واضح ان تاثيرك طلع اقوى من الحاسه السادسه دى :)
خلى بالك بقى احسن تقرى الكلام ده
بعيد عن كده
البوست عجبنى اوى اسلوب كتابته
وخاصه النهايه الغير متوقعه
تمام جدا
تحياتى

الخميس, يونيو 28, 2007

 
Blogger ياسر سليم said...

ههههههههههههههههههههههه

والله انا كنت هقولك كده قبل ما تخلص

بس يلا ..

بس كده المدام هتقرى البوست وترجع تهمل مها تانى ..

ربنا يستر ..

جميل كالعادة

الخميس, يونيو 28, 2007

 
Blogger يا مراكبي said...

مـحـمـد مـفـيـد

إنت اللي دايما شعورك أكتر من رائع .. ربنا يديم المعروف

للأسف الحاجة عندها علم بالبلوج ومتابعاه متابعة جيدة جدا .. لما قرأت القصة طنشت بمزاجها .. ربنا يستر فعلا

أصلها تعرف صاحبي اللي مسمي بنته على إسم بنتي

الخميس, يونيو 28, 2007

 
Blogger mariam said...

لو كانت قصه خياليه
فنهايتها مفاجئه و جديده

و لو كانت حقيقه ربنا يخليهالك

الخميس, يونيو 28, 2007

 
Blogger يا مراكبي said...

واحد من الإخوان

تعليقك حقيقي جميل ويستحق إنه يكون بوست لوحده

تحليلاتك كلها فعلا سليمة .. حتى توقاعتك لما بعد القصة برضه مظبوطة .. وده مش غريب عليك .. ما إنت محلل سياسي كبير

المهم أحب أطمنك إن القصة مش حقيقية .. دي من مؤلفاتي المتواضعة

الخميس, يونيو 28, 2007

 
Blogger يا مراكبي said...

بالله المستعان

متشكر جدا .. كويس إنها عجبتك

طبعا مش بأتكلم جد .. إنتي هتعمليلي مشكلة مع الحاجة مراتي وألا إيه؟

الخميس, يونيو 28, 2007

 
Blogger يا مراكبي said...

امام الجيل

تعليقك ظريف جدا .. ما نسميهاش أحسن طبعا

ههههههههه

ياخواننا .. دي قصة قصيرة مش حقيقية .. وديتونا في داهية .. أخش البيت أنا إزاي دلوقت؟

الخميس, يونيو 28, 2007

 
Blogger خمسة فضفضة said...

السلام عليكم ورحمة الله وبركاته

حلوه اوي يا باشمهندس

علشان بس تعرف ان الستات عندهم الحاسه السابعه خصوصا لما يكون في الموضوع واحده تانيه تلاقي الردار الستاتي اشتغل وحدد الهدف بكل دقه ...هههههه

الخميس, يونيو 28, 2007

 
Blogger همسات said...

حلوة اوى ودمك خفيف بجد
الخاتمة تحفة وغير متوقعة فعلا
بس تصدق خلتنى احب اسم مها
:)
تحياتى لييييييييييييييك

الخميس, يونيو 28, 2007

 
Blogger المٌهَــــاجِر المَصْـــــــرى said...

قول الحقيقه يا مراكبى
انت سميت الاموره الجديده مها علشان الاسم ولا فعلا علشان الحبيب الاول؟؟؟؟

الخميس, يونيو 28, 2007

 
Blogger اسكندراني اوي said...

على فكره
كلهن هكذا
هي عندي بتقرا بوستاتي اه لكن لسه ما تعرفش تقرا لعليقاتي عند الغير ههههههههههههههههههههههههههههههه
مش عارف ليه يا اخي حاجه غريبه
عايشين دايما في هاجس اننا ممكن نتعلق بحد
او نكون كنا بنحب زمان وعشان كده لسه بنفكر فيه

وبعدين يا مراكبي الحل ايه يا جماعه
حلولنا المشكله دي


اه بالحق نسيت اقولك
البوست زيييييييييي العسل
ربنا يخليلك مها وام مها واخوات مها
وابو مها كمان بلا


السطه اللنش بروه واش
الدومان في النص وقلع على البركه

الخميس, يونيو 28, 2007

 
Blogger koukawy said...

هههههههههههههههههههههههههههه
اه يا خلبوص طب انا هدور علي نمرتها و اقولها
بس بنتك ملهاش ذنب حرام

الخميس, يونيو 28, 2007

 
Blogger علاء said...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

الجمعة, يونيو 29, 2007

 
Blogger tota said...

اكيد مش من فراغ القصه دي لأن افكارنا ومؤلفاتنا ديما بتكون جزء من تجاربناواحلامنا وثقافتنا في الحياه قد يكون بها جزء من الصحه مستتر خلف قصه وهميه
انت وحدك تعلم الاجابه يامراكبي:)
بوست جميل بجد
وسلامي ليك

الجمعة, يونيو 29, 2007

 
Blogger رينـــــــــــا said...

الله
بجد حلوة اوى
سهله جدا وواقعيتها جملتها اكتر
بس البنت حرام :(:(:(
كنت تنازلت علشان الستات مخها صغير الصراحه

الجمعة, يونيو 29, 2007

 
Blogger يا مراكبي said...

Reemo

رغم سعادتي بزيارتك ليا هنا بس برضه لسه متضايق علشان البلوج المقفول ده .. مش كفاية كده بقى؟

طبعا الزوجة بتقدر تحس أي حاجة من لمحة .. سرحان .. تنهيده .. إهمال .. نظرة .. دي حاسة سادسة وسابعة وعاشرة كمان

عموما إطمني .. ما عنديش بنت إسمها مها .. وربنا يعدي البوست ده على خير

الجمعة, يونيو 29, 2007

 
Blogger dr.D said...

علي فكره يامراكبي أنا بصيت للموضوع بزاويه تانيه هوا أحنا (الرجاله)ليه مجبرين نبرر لزوجاتنا حاجات عاديه ولو متبررتش نعيش في نكد و إحنا مش ناقصين. تسمي دا أيه؟؟؟؟؟؟؟؟؟؟؟؟؟؟؟

الجمعة, يونيو 29, 2007

 
Blogger إنـســانـة said...

هههههههههههههههه

يادى مها وسنين مها .. حرام عليك حتى البنوتة عايزها على اسمها انت وصاحبك هههههههههههههههههههه

طب ذنبها ايه البنوتة المسكينة تعيط كدة ومحدش يسأل فيها؟؟ هههههههههه

لا بوست هايل بجد وألف مبروك على مها وعقبال ما تكبرها وتفرح بيها يااااارب

اللهم اميييييين

الجمعة, يونيو 29, 2007

 
Blogger يا مراكبي said...

ياسر سليم

كويس إنك كنت هاتتنتج كده برضه .. شكلك عايش نفس القصة وألا حاجة كده .. ماشي يا عم ربنا يسهلك

أكرر للمرة الخمسين: ماعنديش بنت إسمها مها .. إستروا عليا الله يخليكم

متشكر جدا على إطراءك .. وتحياتي

الجمعة, يونيو 29, 2007

 
Blogger Anima said...

هي فين الست الحاجة تيجي تشوف جوزها و اللي كاتبه

هههههههههههه

الجمعة, يونيو 29, 2007

 
Blogger М€ŝЋМΣŞĦ said...

ههههههههه

مفيناش من الكلام ده .. مفيش كدبه بيضا

وبعدين ايه بقي ذنب المسكينه مها لما مامتها تدخل تقري المدونه بتاعتك وتكتشف الحقيقه المفجعه

او واحده صاحبتها تيجي تطلع علي مكنوناتك هنا

الجمعة, يونيو 29, 2007

 
Blogger بالله المستعان said...

لا لا ربنا ميجبش مشاكل
ويديم عليكم السعادة الاسرية

بس بجد حضرتك مبدع
روووووعه

الجمعة, يونيو 29, 2007

 
Blogger Esmeralda said...

ان شاء الله ناويه اسمى البنات
ده اللى ناقص يسموا عشان يفتكروا الذى مضى
الولاد براحته بقي

الجمعة, يونيو 29, 2007

 
Blogger كراكيب عادل said...

اية ده يعني لو جاتني بنت مش هسميها مها انا

؟؟

هههههههههههههههههههه

بس كدة برضو بيرمز للحب يا افندم

ربنا يخليكم لبعض

قصة خفيفة تهون من الحر شوية

والاشتعالات
:)

الجمعة, يونيو 29, 2007

 
Blogger يا مراكبي said...

mariam

مشيها قصة خيالية .. هي قصة خيالية ..هي قصة خيالية .. هي قصة خيالية

:-D

نورتي

الجمعة, يونيو 29, 2007

 
Blogger يا مراكبي said...

خمسة فضفضة

أيوااااه .. ياريت توضحيلي موضوع الرادار النسائي ده وتقوليلي إزاي نعمل تشويش عليه .. محتاج أشوش عليه قوي اليومين دول

هههههه

تحياتي لكل أصحاب الحاسة السابعة

الجمعة, يونيو 29, 2007

 
Blogger hebaz said...

يا سبحان الله
شفت الحاسة السادسة بتاعت المدام قوية أزاى؟ قلبها كان حاسس :)
بس القصة بجد سلسة و نهايتها ممتعة بجد ضحكتنى :)
تحياتى بس سؤال صغير على حد علمى اسم مها يعنى عيون البقر
فبصراحة أنا ش شايفة أنه جميل ولا حاجة!! ولا أيه رأيك ؟:)

السبت, يونيو 30, 2007

 
Blogger أحمد عبد الفتاح said...

تصدق زوجتك ده طيبة قوي ولازم يسحبوا منها رخصة " زجة مصرية نكدية "
ده طيبة طحن
قال ايه الاسم حلو
ربنا يخليها لك ويخلي لك مها
ولو عند زوجتك اخت صغيرة من نفس النوع انا موجود
اعزب يقدس الحياة الزوجية

السبت, يونيو 30, 2007

 
Blogger يا مراكبي said...

همسات

متشكر جدا على ذوقك .. شفتي الإسم حلو إزاي؟ قوليلها بقى

نورتي

السبت, يونيو 30, 2007

 
Blogger MAKSOFA said...

الله يكون في عونك يامراكبي ، بس عجبتني كلامك هو اللي مشي ، وسميت بنتك مها ، يعني علي رأي القصري (أنا كلامي ماينزلش الأرض أبدا ) بس الحمد لله المدام مازعقتش وقالت لك حنفي ؟؟؟ فتقوم ترجع في كلامك وصوتك ينخفض وتقول لها بس علشان خاطرك ينزل المره دي -------
مها أسم فعلا جميل
تحياتي لمها وأبو مها

السبت, يونيو 30, 2007

 
Blogger أحمد المصري said...

ههههههههه جمييل والخاتمة أروع ما يكون0
انتظر المزيد 00فسكر قراءة القصص الرائعة أمتع من سكر الولع بتامر حسني أو هيفا 00هذا هو الفن00
مع تحياتي00
والسلام عليكم0

السبت, يونيو 30, 2007

 
Blogger يا مراكبي said...

المٌهَــــاجِر المَصْـــــــرى

أولا أهلا وسهلا بيك وأشكرك على الزيارة الكريمة دي

ثانيا .. ما تضغطش عليا أكتر من كده لحسن هأعترف خلاص

أنا ما بحبش غير مراتي و إخواتي

هههههه

السبت, يونيو 30, 2007

 
Blogger Mirage said...

ههههههههههه

لأ بجد قصة دمها خفيف

انا اصلا متوقعتش نهايتها

بس اللى شدنى ليها انى مختار فعلا اسم مها ده لبنت خالتى

السبت, يونيو 30, 2007

 
Blogger sendrlla said...


الف مبروك وربنا يخليها ليك هى وزوجتك
اخر سطر كان جميل

بس انت كنت بتحب بنت اسمها مها فعلا ولا برده علشان الاسم حلوووو
هههههههههههههههههههههههههههه

السبت, يونيو 30, 2007

 
Blogger أحمد سلامة said...

غرتي ليلى من المها
والمها منك لم تغر
لست كالغيد لا ولا
قمر البيد كالقمر

--------شوقي--------
طبعا اسم رائع ومالهاش اي حق ومش عارف مع انى متاكد ان القصة مش حقيقية بس برضو في تلميح لحاجة كده
القصة مش بالبراءة الي عليها يا مراكبي
متفضفض حبتين
:)

السبت, يونيو 30, 2007

 
Blogger Xee said...

مراكبي باشا

ههههههه

افتقدت بوستاتك الجامده دي في اجازتي

==================

عشاااااان كده، من ساعة ما اصريت اني اسمي ابني الوحيد ادم، و مراتي بتبص لي بنظرات غريبة و مش عايزة تقول مالها

هههههههه

تحياتي
و ملعوبة يا باشمهندس

السبت, يونيو 30, 2007

 
Blogger يا مراكبي said...

اسكندراني اوي

طيب خد بالك لحسن مراتك تتعرف على مراتي وتعلمها إزاي تجري وراك في كل مدونة وكل حارة وزقاق وتحصلك عالقمة كمان

أما موضوع إنك ممكن تتعلق بحد فده مش مستبعد على فكرة .. حلو الإسفين ده؟ أي خدمة

ههههههه

حلوة قوي التعبيرات الإسكندارانية اللي إنت نورتنا بيها دي .. ياريت بقى الترجمة علشان الزملا يفهمومها

السبت, يونيو 30, 2007

 
Blogger يا مراكبي said...

koukawy

متشكر قوي على الخدمات المجانية دي .. أنا هأستخبى في القطب الشمالي لحد ما البوست ده يتنسي

عندي بنتين وولا واحدة منهم إسمها مها .. الإتنين هيتشردوا كده

:-D

السبت, يونيو 30, 2007

 
Blogger اسكندراني اوي said...

يا سيدي يجرو براحتهم عادي ما تفرقش
اسفين في الجون

يا مراكبي دي مش تعبريرات اسكندرانيه دي تعليقات بحريه
انت مطلعتش اوف شور قبل كده
هههههههههههههه
تحياتي ليك وبجد بوست زي العسسسسسسسسل

السبت, يونيو 30, 2007

 
Blogger يا مراكبي said...

علاء

شكرا للدعوة .. وهآجي أشوف الموضوع حالا

السبت, يونيو 30, 2007

 
Blogger shreef said...

باشمهندس البوست ده بجد في الجون او بالنسبة ليا شخصيا لان تقريبا القصة ديه ليا في المستقبل لان اد ايه انا بعشق الاسم ده و اد ايه كنت عايز اسمي بنتي كده علشان يفكرني بجمال صاحبته لكن يبدو ان مراتي مش هتسبني في حالي..عموما بالرغم من اذا كانت القصة مش حقيقة الا انها تكاد تكون حقيقية لناس تانية..و الاخ اللي بيقول ان اسم مها هو عيون البقر ايه اللي حلو في كدا؟؟ انت كدا حكمت على البقرة لكن محكمتش على العين و انها فعلا جميلة لانها بتبئى صافية هو انتا مشفتش بقر قبل كدا ولا ايه يا عم..احب اكررها تاني يا باشمهندس قصة جميلة فعلا تحياتي ليك و لمها (اللي هي مش بنتك)..سلام

السبت, يونيو 30, 2007

 
Blogger Amr Ahmed said...

بصراحة يا مراكبي

غلطان


متزعلش

بس خلاص يعني محبكتش

يارب الحاجة تكون بتقرا الكلام ده


نياههههههههههها

بس ربنا يخليلك الامورة الصغيرة

السبت, يونيو 30, 2007

 
Blogger يا مراكبي said...

tota

كلامك حقيقة .. فيه طبعا لمحة حقيقية بسيطة في حياتي هي اللي بنيت عليها القصة دي كلها من خيالي

إستري عليا الله يسترك

وش بيغمز

السبت, يونيو 30, 2007

 
Blogger يا مراكبي said...

رينـــــــــــا

أيوة كده .. وشهد شاهد من أهلها .. الستات مخها صغير

أخيرا فيه أخت واقفة في صفي .. أحمدك يارب

ياريت تيجي تشجعيني كل يوم لحسن الحاجة والأولاد فايقيين عليا على طول

أهلا بيكي

السبت, يونيو 30, 2007

 
Blogger يا مراكبي said...

dr.D

أنا ما أقدرش أسمي ده أي حاجة غير إنه نظرة ثاقبة وحسن إدراك للأمور وخلينا ماشيين جنب الحيط يا دكتور

يعني إنت ترضالي الأذية برضه؟

نورتني

الأحد, يوليو 01, 2007

 
Blogger يا مراكبي said...

إنـســانـة

لبستوني تهمة خلاص .. طب أروح فين بس يا ربي

ده كان واحد صاحبي مش أنا .. ومش عايز أعرفه خلاص .. إتبريت منه

صحيح نسيت أقولك .. ألف مبروك إنك بقيتي عاطله .. بجد فرحت لك جدا

الأحد, يوليو 01, 2007

 
Blogger soosa el-mafroosa said...

يعني المدام تشيل في بطنها و على قلبها تسع شهور

و morning sickness

و تورم في القدمين و هرمونات ضاربة في كل الإتجاهات

و شد عضلي و مغص و صداع و حموضه

وكل ده مايقرب من سنة

و في الآخر الزوج عايز يسمي البنت على مزاجه و على إسم الجو كمان

حرام..حرااااااام

ماهو لو تحصل أي معجزة و الراجل يتحط مكان الست و يجرب ..ماكانش حد يعمل كده

:)

قصة لطيفة

تحياتي

الأحد, يوليو 01, 2007

 
Blogger dr.D said...

والله يامراكبي أبدا مرضلكش الأذيه طبعا بس المهم دلوءتي أنك تربيها و تعلمها و تحبها أكتر من مامتها و ربنا يخليهالك
سلام

الأحد, يوليو 01, 2007

 
Blogger يا مراكبي said...

Anima

الحاجة مسافرة مصر بقى لها إسبوعين

هييه هيييه .. فسحة

وش بيطلع لسانه

الأحد, يوليو 01, 2007

 
Blogger يا مراكبي said...

М€ŝЋМΣŞĦ

هو نظريا مافيش ألوان للكذب .. لكن عمليا أنا بأحب الكذب الأخضر والأصفر المخطط

:-D

إطمئن خالص .. أصغر بناتي عدت ال3 سنين والحمد لله .,. أنا برضه مختار الوقت المناسب اللي أحكي فيه الحكاية علشان ما يأثرش عليها .. هههههههه

مين صاحبتها دي بقى اللي هتكون فاعلة خير؟

الأحد, يوليو 01, 2007

 
Blogger None said...

جميله وبسيطه ومعبرة

هي الخاتمه بس حرقت دمي كأنثي يعني بصراحه ..وخلتني اقعد افكر في اسم بنتي مريم مين اللي اختارة الاول انا وللا جوزي

عموما تحياتي علي ال مها الاكتر من رائعه

الأحد, يوليو 01, 2007

 
Blogger momken said...

كلام جميل وبوست حلو اوى
لكن واضح ان لغه الحوار منقطه بينكم وبين رام صدع تلك العلاقه
كمان واضح ان زوجتك شكاكه وانت متسمتع بهذا الشك على اساس انك عندك معجبات حتى لو عاشوا فقط فى خيال زوجتك
بالنسبه لاختيار الاسم هو بيكون بلاتفاق بين الابوين وليس حكرا على الاب

اخر نقطه انت كنت تقدر تتهمها هى ايضا انها تعرفت على ثلاثه الى اختارت اساميهم
انت عرفت مها بس
لكن هى عرفت تلاته لو منطقها

متقلقش انا كنت بهزر
البوست جميل
تحياتى

الأحد, يوليو 01, 2007

 
Blogger يا مراكبي said...

بالله المستعان مرة تانية

متشكر قوي على المتابعة ونتمنى لك برضه كل الخير

متشكر كمان على الإطراء الجميل ده

الأحد, يوليو 01, 2007

 
Blogger يا مراكبي said...

Esmeralda

طبعا ما إنتي قوية وقادرة .. كان الله في عونه

:-D

طيب إفرضي سمى الولد على إسم أبو أو أخو الجو .. هتعملي إيه؟

الأحد, يوليو 01, 2007

 
Blogger يا مراكبي said...

كراكيب عادل

أيوه يا سيدي إتريق عليا زي ما إنت عايز .. ما إنت مراتك مش هنا

ربنا يسهلك يا سيدي

وبعدين فين الحر ده؟ لسة ما عديناش الخمسين مئوية .. إجمد كده ما تخليش الناس تفتكرنا خرعين

منور

الأحد, يوليو 01, 2007

 
Blogger يا مراكبي said...

hebaz

إنتي هتقوليلي على الحاسة السادسة؟ إسأليني أنا

المها بيعني أحد المراحل العمرية للغزال .. مش عيون البقر

وبالإنجليزي
Oryx

بس هي في الحقيقة أحلى من كده بكتير

وش بيغمز

الأحد, يوليو 01, 2007

 
Blogger عازف الناى said...

معلش سؤال صغير
هو انت كنت فى جامعه ايه ؟؟
لان اخويا مسمى بنته مها

الأحد, يوليو 01, 2007

 
Blogger مصراوي أوي said...

ههههههههههه أما قفلة مش ممكن

الاثنين, يوليو 02, 2007

 
Blogger يا مراكبي said...

أحمد عبد الفتاح

إحقاقا للحق .. النوع بتاع الحاجة مراتي ده خلص من السوق من زماااااااان .. ومالهاش إخوات أصغر للأسف

دور إنت بس بحسن نية وإن شاء الله هتلاقي بنت الحلال الصالحة

نورتني .. أهلا بيك

الاثنين, يوليو 02, 2007

 
Blogger يا مراكبي said...

MAKSOFA

إنتي عارفاني أنا جامد جدا جدا

بس ده بيني وبينك بس

ههههههه

نورتي .. وكل سنة وإنتي طيبة

الاثنين, يوليو 02, 2007

 
Blogger يا مراكبي said...

أحمد المصري

أهلا بيك وأشكرك على إطراءك

ومادام جيبت سيرة الغالية .. أحب أهديك عنوان موقع القصة العربية .. إعمل بحث عن كاتب مغمور إسمه أحمد ثروت القاضي وهتلاقي قصص قصيرة كتير زي كده يارب تعجك

http://www.arabicstory.net/index.php

الاثنين, يوليو 02, 2007

 
Blogger يا مراكبي said...

Mirage

أهلا بيك ومتشكر على الإطراء

نورت

الاثنين, يوليو 02, 2007

 
Blogger يا مراكبي said...

sendrlla

أولا أهلا بالصحافة كلها

ثانيا الله يبارك فيكي .. ولو إني مش عارف على إيه

ثالثا وده الأهم .. ماعنديش بنت إسمها مها .. ههههههههه .. ضحكت عليكوا

نورتينا

الاثنين, يوليو 02, 2007

 
Blogger طهقان said...

يا راجل

انت بقا كنت دفعتي؟؟؟

بس انت اتغيرت كتير

بس بيني وبينيك
كويس اانك ماتجوزتش مها

لانها زمانها دلوقت اتغيريت
وماتقدرش
او مايجيش لك نفس تقول فيها الكلمتين الحلوين دول

الاثنين, يوليو 02, 2007

 
Blogger يا مراكبي said...

أحمد سلامة

عزيزي الناقد اللي بأستناه دايما

أشكرك الأول على أبيات شوقي الجميلة

وفعلا القصة مش بالبراءة دي .. إحساسك سليم جدا .. بس الرقابة يا معلم جامدة قوي .. هأبقى أفضفضلك عالقهوة .. مش إنت عندك قهوة؟

الاثنين, يوليو 02, 2007

 
Blogger Rozza!.......فاقد الذاكرة said...

ألف الف مبروووووووووووك يا عسل
ومها اسم جميل
ويا رب ما تقرأ البلوج بتاعك
وطبعا الغيرة هي نوع من انواع الحب
وخود بالك

الاثنين, يوليو 02, 2007

 
Blogger انا من اهوى ومن اهوى انا said...

يا مراكبى :

السلام عليكم ورحمه الله وبركاته ، برضو بتثبتلى ان الوقت اللى مكنتش بتابع فيه كتاباتك فعلا وقت بندم عليه .

بوست جميل جدا جدا جدا سهل وبسيط

على كدة لما اتجوز هاختار ييجى 50 اسم وخليها بقى تبقى تعرف بالحاسه التاسعه حتى :(

تحياتى

محمد فوزى .

الاثنين, يوليو 02, 2007

 
Blogger يا مراكبي said...

Xee

زياد .. حمد الله بالسلامة رجوعك للناموس

كان الله في عون المدام .. بس ياترى عندك بنات وألا لأ؟ هو ده اللي هيخليك تتقفش زيي يا حلو

ههههههه

الاثنين, يوليو 02, 2007

 
Blogger يا مراكبي said...

اسكندراني اوي

ده إيه الثقة دي كلها؟ ماشي ياسيدي .. ربنا يسهلك

ولو إني عارف إنه كلام من ورا المدام .. بس هنعديها المرة دي

وش بيغمز

لما آجي الدوحة المرة الجاية نبقى نطلع أوف شور ده اللي بتقول عليه ونراجع المصطلحات دي كلها

الاثنين, يوليو 02, 2007

 
Blogger يا مراكبي said...

shreef

وكمان بتحيي مها اللي هي مش بنتي؟

أنا طول عمري بأصقف للأسفين الحلو .. مستتر كده ومن تحت لتحت .. ماشي

ربنا يجمعك بمها على خير إن شاء الله وتنول اللي في بالك

منور بجد

الاثنين, يوليو 02, 2007

 
Blogger mo'men mohamed said...

هههههههههههههههههههه
يا عينى
ده انت متبهدل وطيب أوى
على العموم أنا الموقف ده لو حصل معايا
حقلها أولعى انا معنديش استعداد ادادى وأحايل

سلام يا جميل
السلام عليكم

الاثنين, يوليو 02, 2007

 
Blogger يا مراكبي said...

Amr Ahmed

إنت راجل أصيل .. طول عمرك أصيل وصاحب واجب

نردهالك في الخطوبة والأفراح والمواقف اللي زي كده .. هتروح مني فين؟

:-P

نورتنا

الاثنين, يوليو 02, 2007

 
Blogger sarah la tulipe rose said...

هههههههه
كنت حاسة كدة و الله
ربنا يخلي مها ..مها الصغيرة طبعا!

الاثنين, يوليو 02, 2007

 
Blogger Rania said...

ملعوبه ملعوبه منك بجد
هههههههههههه
انا بردة قلت الموضوع مش موضوع اسم جميل و رقيق مش للدرجة دى يعنى
عموما ربنا يخليهالك طبعااااااا
تحياتى

الاثنين, يوليو 02, 2007

 
Blogger gohayna said...

اولا الصوره جميله

وتاني حاجه

بجد نفس الكلام دا بيجي في دماغ كل الستات حضرتك

كلنا بنفكر باسلوب واحد

سبحان الله

عارف لو غلطت وناديت لاقدر الله مراتك باسم واحده تانيه ولتكون مثلا اي شخص او اسم اخت من اخواتك او قريبك غلطت وامر الله كدا

هتكون اليوم مش معدي عارف الفليم هيتعمل في ثانيه

ويا منجي من المهالك يارب

ههههههههههههه

كلنا بنفكر بنفس الاسلوب يا مراكبي

تفتكر قله ثقه في الرجاله دي ولا احنا موسوسين زياده عن الازم

تسلم ايدك

تحياتي

الاثنين, يوليو 02, 2007

 
Blogger shaimaa said...

يا حبيبتى يا حاجة
مراكبى بيستعبطك

لما اتجوز ممنوع يسمى اى حد من بناتى جوزى يسمى الولاد بس
ولا كمان الولاد
يلا
بلا هم

الاثنين, يوليو 02, 2007

 
Blogger يا مراكبي said...

soosa el-mafroosa

من وجهة نظرك دي يبقى عداكي العيب وقزح

فعلا الست بتتعب جدا جدا جدا في الحمل .. أنا عشت الموضوع ده 4 مرات مع الحاجة

بس الجو بقى ليه معزة برضه

:-D

نورتينا

الثلاثاء, يوليو 03, 2007

 
Blogger يا مراكبي said...

dr.D

ربنا يكرمك ودايما كده تقف جنبي

الأولاد هما اللي بيربوني .. الجيل إختلف خالص يا دكتور

هههههه

نورت تاني

الثلاثاء, يوليو 03, 2007

 
Blogger شـــــهــــروزة said...

انا لو منك

أقفل الكمبيوتر فى البيت وأتوه عنوان البلوج لو المودام بتقراه

حتبقا سنين كحلى على المسكينة الصغنونة

معلش بقا اعذرها لأن كل أمخاخ الحريم قطعية واحدة

يا سنة كحلى
دة انا لو جوزى مثلا صمم على اسم البنت أو نادانى باسم واحدة تانية

حيبقا يوم مطلعتلوش شمس من الأساس

يوم من أيام الدينونة على دماغه

دى المودام متسامحة معاك جداااااااا

ابقا سنكر على المدونة كويس علشان السطر الأخير بس

انت عارف أنا بأعزك أد اية وخايفة عليك من نشوب الحرب العالمية التالتة فى بيتكم

تحياتى

الثلاثاء, يوليو 03, 2007

 
Blogger كلام لوجيك said...

السلام عليكم

كعادتك دائما
مبدع ومتمكن من أدواتك

أعجبتنى كثيرا واراهنك بأنك لو شاركت بها فى مسابقة للقصة القصيرة فستنال المركز الأول بكل ثقة

خالص مودتى

الثلاثاء, يوليو 03, 2007

 
Blogger Sampateek said...

و دائما يكون حدس الزوجة في محله و لكن غريب ان الزوج اتطاع ان يفرض وجهة نظره عادة الام هي التي تنتصر في معركة الاسماء
يا ترى كام واحد في الدفعة سموا بناتهم مها
::))
تحياتي

الثلاثاء, يوليو 03, 2007

 
Blogger Sampateek said...

على فكرة مفيش ام تسيب بنتها جعانة او بتعيط و تطنش
تلاقي بس مها زنانة بطبعها و يمكن طفسة حبتين
النهاية ربنا رحم البطل انه متجوزش من مها الاصلية
كل مها و انت طيب

الثلاثاء, يوليو 03, 2007

 
Blogger Epitaph said...

obbaaaaaaaaaa gamdaaaaaaaaaaaaaaa

:D loooooool

la2 gameela gedan masha Allah

precise... concise...and all that intensity

الثلاثاء, يوليو 03, 2007

 
Blogger يا مراكبي said...

none

أهلا بيكي وأشكرك على الإطراء الجميل .. وإن شاء الله هتلاقي إن مريم إنتي اللي سميتيها .. بس إفتكري شوية

واضح إن البوست ده عمل قلق جامد قوي

الثلاثاء, يوليو 03, 2007

 
Blogger يا مراكبي said...

momken

هههههههه

تعليق جميل جدا .. بس كله ضرب ضرب ما فيش شتيمة؟

:-D

متشكر جدا على الزيارة دي وأهلا بيك دايما

على فكرة .. مدونتك جميلة جدا

الثلاثاء, يوليو 03, 2007

 
Blogger hend said...

خلى بالك من البنت كويس والحمد لله جت سليمة المره دى تانى مره اوعى تسمى البنت خلى مامتها تسميها

الثلاثاء, يوليو 03, 2007

 
Blogger يا مراكبي said...

عازف الناى

إنت عايز توقعني علشان أقولك إني كنت في جامعة .. ما تحاولش يافندم .. أنا مركز معاك جدا

إلا إذا كنت عايز تخدم أخوك خدمة جامدة جدا وتخليه يبات في الشارع

:-D

نورتنا بجد

الثلاثاء, يوليو 03, 2007

 
Blogger يا مراكبي said...

مصراوي أوي

أيوة كده أقف جنبي .. هي قفلة بس مش حقيقة زي ما الناس ظنت فيا

الثلاثاء, يوليو 03, 2007

 
Blogger يا مراكبي said...

طهقان

أنا بأتكلم عن مها لما كانت بعزها مش دلوقت .. وبعدين كل الستات بيتغيروا بعد الجواز وإنت فاهمني طبعا

وش بيغمز بعينيه الإتنين

إيه أخبار مها التانية اللي كانت معاها في نفس السيكشن؟

الثلاثاء, يوليو 03, 2007

 
Blogger يا مراكبي said...

Rozza!.......فاقد الذاكرة

الله يبارك فيك ولو إني مش عارف على إيه .. هتدخلني في الحيطة كده

أهلا بيك وإن شاء الله تكون رجعت مصر على خير

الثلاثاء, يوليو 03, 2007

 
Blogger يا مراكبي said...

انا من اهوى ومن اهوى انا
محمد فوزي

وعليكم السلام عليكم ورحمه الله وبركاته

أشكرك جدا على الكلام الجامد ده وعلى الثقة الغالية دي

حلوة حكاية الخمسين إسم دول .. فكرة جريئة .. برافو عليك .. أهو كده .. خليها تحتاس

الثلاثاء, يوليو 03, 2007

 
Blogger يا مراكبي said...

mo'men mohamed

ماشي .. ما طبعا ما إنت لسه عالبر وما جربتش

ماشية معاك ياعم

عموما أحب أقولك إن إذا كان فيه حد بيولع .. فهو بيكون الرجالة علشان تبقى عارف .. إستعد من دلوقت بطفاية حريق كبيرة

:-D

الثلاثاء, يوليو 03, 2007

 
Blogger يا مراكبي said...

sarah la tulipe rose

بتشجعي مها الصغيرة بس؟ ومالها مها الكبيرة .. وحشة؟

:-D

أهلا بيكي على أي حال .. نورتي

الثلاثاء, يوليو 03, 2007

 
Blogger يا مراكبي said...

Rania

وإنتي كمان بتشكي فيا؟ كده برضه؟ هي دي أصول زمالة التدوين؟

:-D

ربنا يخليكي .. منورانا .. وعقبالك

الثلاثاء, يوليو 03, 2007

 
Blogger omar مشروع بطل said...

مبروك عليك مها
انا برضه توقعت ان انت وصاحبك كنته بتحبوا مها .. اصل انا كمان كنت بحب مها

اول مرة ازور هذه المدونة .. بس يبدو انى هكون ضيف متكرر هنا .. ده بعد اذنك طبعا

الأربعاء, يوليو 04, 2007

 
Blogger نـــــــور said...

هههههههه

قصة جميلة جدا .. ضحكت أكثر على الردود .. ودفاعك المستميت انها مش قصة حقيقية .. وماعندكش بنت اسمها مها
هههههههههه

ربنا يخليلك زوجتك وبناتك :)

الأربعاء, يوليو 04, 2007

 
Blogger يا مراكبي said...

gohayna

والله يادكتورة أنا سعيد جدا بإنك بتقولي الحقيقة بالشكل ده ولو إن الستات هتزعل .. أحييكي على الحيادية الجامدة دي

كنتي فين من زمان وأنا مقطعيني من بدري؟

بس بجد بجد حتى أسماء إخواتنا البنات ما يمشيش معاكوا؟

الأربعاء, يوليو 04, 2007

 
Blogger يا مراكبي said...

shaimaa

نفسي مرة واحدة تبقي محضر خير .. مرة واحدة قبل ما أموت .. هأموت بسببك كده متقطع ومرمي في أكياس سوداء

سمي اللي إنتي عايزاه .. ربنا عالمفتري

الأربعاء, يوليو 04, 2007

 
Blogger يا مراكبي said...

شهروزة

ياساتر إستر يارب .. كل ده؟

ده أنا مش خايف إن الحاجة تقرأ المدونة .. أنا بقيت خايف إنها تقرأ تعليقك إنتي

كان الله في عونه بقى اللي في بالي .. كان راجل طيب

الأربعاء, يوليو 04, 2007

 
Blogger يا مراكبي said...

كلام لوجيك

وعليكم السلام ورحمة الله

مش عارف أشكرك إزاي على الثقة الغالية دي ولشهادة الجامدة قوي دي .. إنت اللي كلك ذوق بجد

أهلا بيك ودايما منورني يأبو جنا

سميت جنا على إسم مين بقى؟ أي خدمة

الأربعاء, يوليو 04, 2007

 
Blogger يا مراكبي said...

Sampateek

إحنا بقى كنا رجالة ووقفنا وقفة رجالة

الدفعة كلها سمت بناتها مها على فكرة .. أصلها كانت صاروخ

هههههه

نورتي

الأربعاء, يوليو 04, 2007

 
Blogger يا مراكبي said...

Sampateek تاني

ويمكن مها كانت عايزة تغير الكافولة أو البامبرز وأمها مطنشاها

وممكن برضه يكون عندها مغص وأمها مش عايزة تديها ماء غريب

أسباب الزن كتيرة قوي غير الأكل

بس ليه ربنا رحم البطل إنه ما إتجوزش مها الكبيرة؟ بينك وبينها إيه؟ هه؟

الأربعاء, يوليو 04, 2007

 
Blogger يا مراكبي said...

Epitaph

متشكر قوي على تعليقك الجميل ده .. شوفت أنا كنت جامد قوي إزاي؟

نورتينا

الأربعاء, يوليو 04, 2007

 
Blogger يا مراكبي said...

hend

هو الزملاء هنا خلوا فيا حتة سليمة؟

وبعدين الحاجة بتكون نايمة بعد الولادة ولازم نسمي البنت علسان يكتبوا إسمها عليها .. أعمل إيه انا بقى؟ مضطر

الأربعاء, يوليو 04, 2007

 
Blogger Hannoda said...

أنا جيت و قريت من زمااان عن مها

وكتبت سطرين في الكومنت و لسة ما كملتش نادوني في الشغل و بعتهوش

بعتذر عن الغياب

أما عن مها

فأنا مع المدام جدا إن كل منّا جواه أمل حايجي يوم يصر إنه يلزق إسمها في حد من أبناءه

مش عشان لسة بيحب مها
ده ممكن تكون أضعف من خط نور ضعيف وسط سطوع نور الحب الي عايش بين أسرتك

لكنة مجرد وعد وعدته لنفسك و إنت صغير و مالهوش علاقة أساسا بمها

ورغم الرغي ده كله إلا إني عارفة إن ده مجرد قصة ألفتها

:)


تحياتي على الحبكة اللي دمها خفيف

الأربعاء, يوليو 04, 2007

 
Blogger يا مراكبي said...

omar مشروع بطل

طيب إنت وأصحابك بتحبوا مها .. هتلبسني أنا التهمة ليه بس؟ يرضيك أروح فيها ظلم؟

:-D

المدونة تحت أمرك .. تشرف في أي وقت .. وإن شاء الله تبقى بطل .. مش مشروع بطل

الأربعاء, يوليو 04, 2007

 
Blogger يا مراكبي said...

نـــــــور

ربنا يخليكي .. أيوة كده إقفي في صفي

أنا إتشردت جامد قوي في البوست ده

متشكر على دعائك وأهلا بيكي

الأربعاء, يوليو 04, 2007

 
Blogger يا مراكبي said...

Hannoda

أولا صدفة غريبة إن تعليقك ده يوصلني وأنا لسة كنت بأقرأ البوست الجديد بتاعك

ثانيا .. ربنا بجبر بخاطرك زي ما جبرتي بخاطري كده .. ليكي عندي عزومة لما أنزل الدوحة المرة الجاية

ولا أقولك .. عزومتين علشان ناوي أعك في بوست تاني قريب

نورتينا وبالتوفيق

الأربعاء, يوليو 04, 2007

 
Blogger loumi said...

العزيز الباشمهندز احمد
حمد لله على سلامه مها ووالده مها
ااااااععععععععععععع
ده عياط جامد مغرق المنطقه عشان انا جيت من كام يوووووم
وسبت تعليق وجيت ما لقيتوش
ما علينا
انا بصراحه كنت باقرأ ومجهزة تعليق جامد بس لما وصلت للنهايه كالمعتاد متت على روحى من الضحك
كعادتك كلمات قليله سريعه معبره والنهايه اخر شقاوة
تسلم ايديك يا فندم
سلام لمها واسرتها
تحياتى

الخميس, يوليو 05, 2007

 
Blogger يا مراكبي said...

loumi

ثواني بس أنشف الأرض اللي غرقت دي .. إبقي إبكي قبل ما تدخلي المدونة بعد كده

:-D

وبعدين أنا لا شقاوة ولا حاجة .. ده انا غلبااااااان

عموما متشكر جدا على التعليق الجميل ده وعلى التشجيع الجامد ده .. نورتينا

الخميس, يوليو 05, 2007

 
Blogger david santos said...

Hello, my friend! This day 8 I go for Africa. I go I stop next to abandoned children. When I to arrive, in October, go to visit you. I take you in my heart. Until always

الخميس, يوليو 05, 2007

 
Blogger كلام لوجيك said...

مساء شريف
ونضيف

دي ثقة حضرتك تستاهلها بجد وبدون ادنى قدر من المجاملة او النفاق لا سمح الله
انت قلت
سميت جنا على إسم مين بقى؟ أي خدمة

انت عاوز توقع بينى وبين الجماعة ولا ايه؟؟
على فكرة هى بتابع مدونتك باستمرار وبتحب تشوف تعليقاتى عند اخوانى المدونين
(:
وعشان اجيب من الاخر
الاسم اخترناه احنا الاتنين
بس مش مشكلتى ان زميلة العمل اللبنانية اسمها جنا
هههههههههههه

خالص مودتى

الخميس, يوليو 05, 2007

 
Blogger يا مراكبي said...

david santos

Welcome .. but to see me where? In which country?

الخميس, يوليو 05, 2007

 
Blogger يا مراكبي said...

كلام لوجيك

أنا كنت عارف من الأول إن إسم جنا ده لبناني وأكيد إنت ما عرفتوش لوحدك

إنت فين بقى في أبوظبي علشان آجي أشوف الموضوع يستاهل وألا لأ؟

وبعدين أنا مش قصدي أوقع بينك وبين المدام ولا حاجة .. أنا فاعل خير زي ما إنت شايف

هههههه

نورتني تاني

الخميس, يوليو 05, 2007

 
Blogger S H A H said...

دخل عندي الخيال في الواقع يا مراكبي, بس ايا كان لازم اقولك مبروك يا ابو مها و تتربى في عزك ان شاء الله

وسيبك انت مش ملاحظ ان جو الكويت اليومين دول بليل بقى تحفة؟!؟

اخوك هناك

شاه:)

الخميس, يوليو 05, 2007

 
Blogger يا مراكبي said...

S H A H

منور الكويت والسالمية

وبعدين مها دي قصة مش حقيقة .. هتعوم على عوم الباقيين وألا إيه؟

خليك في صفي ده إحنا جيران

أيوة ملاحظ إن الجو بالليل بقى حكاية .. ما بتعديش ال45 بالليل دلوقت أبدا .. شكلها موجة باردة

:-D

الخميس, يوليو 05, 2007

 
Blogger امرأة تقول الذي لا يقال said...

ههههههههههههه
ده بجد الكلام ده؟؟

السبت, يوليو 07, 2007

 
Blogger يا مراكبي said...

امرأة تقول الذي لا يقال

قصة قصيرة .. والله قصة قصيرة

هو أنا شكلي ملعب قوي كده؟

السبت, يوليو 07, 2007

 
Blogger أميرة ويلز said...

هههههههههههه

يعنى الموضوع طلع فيه مها

انا بقول مها ايه الاسم دة قديم جدا ايه اللى فكركوا بيه دلوقتى :D

حلوة اوى بجد بس هى بجد والا كدة وكدة

الخميس, يوليو 19, 2007

 
Blogger يا مراكبي said...

أميرة ويلز

يا سمو الأميرة .. خليكي محضر خير .. الحكاية دي كده وكده طبعا

وش بيغمز

منورة

الجمعة, يوليو 20, 2007

 
Anonymous غير معرف said...

أول مرة أحس ان اسمي جميل اوي كده ،، انا اسمي مها ،، ربنا يخليلك بنتك وتشوفها عروسة امورة وحلوة ،،
الله يباركلك فيها والف مبروك ومبروك عليا اسمي اللي اخذته مني بنتك
مها ربيع
بدون بلوج حتي اشعار اخر

الاثنين, يناير 14, 2008

 
Blogger يا مراكبي said...

مها ربيع

أهلا بيكي .. نورتي .. عقبال ما نزورك في المدونة بتاعتك إن شاء الله

وبعدين دي قصة .. قصة .. بناتي الإتنين ما فيش ولا واحدة منهم إسمها مها

ههههه

الاثنين, يناير 14, 2008

 
Anonymous غير معرف said...

حلوة حلوة
انا اسمى مها على فكرة

الأحد, يوليو 25, 2010

 

إرسال تعليق

Links to this post:

إنشاء رابط

<< Home