شد القلوع يا مراكبي ... مافيش رجوع يا مراكبي

الخميس، سبتمبر 03، 2009

حبيبي لما سنتح


ربما كانت لحظة من لحظات العبث أو الحنين إلى الطفولة أو المراهقة .. لا يهم السبب .. إنها لحظة كتلك التي تكون فيها وحيدا في غرفتك فتنظر إلى المرآة وتجد نفسك فجأة تخرج لسانك لنفسك .. أو تقوم بملاعبة حواجبك لنفسك .. إلى آخر تلك التصرفات التي أعلم أنك تقوم بها فعلا لكنك لم تصرح بها قبل ذلك .. وأعلم أيضا أنك تتساءل الآن: كيف عرفت كل ذلك؟ ههههه
.
المهم .. وجدت نفسي فجأة أكتب تلك الأبيات التي لا أعرف حتى الآن كيف كتبتها .. وكانت تقول
.
حبيبي لما سنتح
لقيت القلب تنح
ولساني في بقي أنتخ
بغرامة شدني
.
جنني بحلاوته
بشعره وملايته
والشبشب أبو وردة
ونعله المشمشي
.
واقف يبيع مناديله
خايف البلدية تشيله
تفتكروا يوم هأسيبه؟
في القسم يتهري؟
.
إلى آخر القصيدة
كانت القصيدة بمثابة مزحة عبثية تدعوا إلى المرح .. ففكرت في أن أنشرها على الفيس بوك بعنوان: المراكبي يعود إلى الشعر بقصيدة من الغزل العفيف .. نشرتها بالفعل ودعوت الأصدقاء إلى قراءتها .. تفاجئت بأنها لاقت نجاحا كبيرا جدا لدرجة أن أصدقائي بدأوا في نشر الدعوة لأصدقائهم الغير مشتركين بيننا وذلك لقراءتها والتعليق عليها .. كل ذلك وأنا سعيد بأنني أخيرا إستطعت أن أكتب شيئا مضحكا
.
وفي يوم ما كنت أقف محاضرا لمجموعة من مديري الإدارات ورؤساء الأقسام .. إذا بهاتفي المحمول يضيء معلنا عن إتصال يأتيني من مصر .. إعتذرت من الحضور لكي أرد على هذه المكالمة لعلها تحوي شيئا هاما .. كان المتصل رجلا يبدو عليه أنه ليس بكامل وعيه تماما .. أخبرني بأنه قد عانى كثيرا حتى يحصل على رقم هاتفي المحمول وخصوصا أنني مقيم خارج مصر .. ثم إستطرد ليعرفني بنفسه .. إنه مدير أعمال أحد المطربين الشعبيين .. قال لي أنه قد أعحب بقصيدتي تلك التي عرف من الآخرين أنني قد نشرتها على صفحات الفتيس بوك .. قالها هكذا
.
كان وقع المفاجأة على قد أفقدني النطق .. تذكروا أنني أقف محاضرا .. المهم أن ذلك الرجل قد عرض علي مبلغ عشرة آلاف جنيه مقابل حق الإنتفاع بالقصيدة .. صرخت فيه: ماذا تقول؟ كنت أصرخ من الدهشة بينما ظن هو أنني لم أوافق على المبلغ المعروض لضآلته .. أخذ يساومني إلى أن وصل المبلغ إلى خمسة عشر ألف جنيه بالإضافة إلى نسبة ما من حق الأداء العلني بعد توزيع الأغنية على الفضائيات وفي الحفلات .. كل ذلك وأنا غير مصدق .. المهم قلت له أن رئيس الشئون القانونية بشركتي سيسافر غدا إلى مصر وسأفوضه في دراسة التعاقد وإتمامه .. قمة العبث
.
سارت الأمور بعد ذلك بشكل دراماتيكي .. فقد تم تحويل الخمسة عشر ألاف جنيه إلى حسابي البنكي بالفعل .. وبعدها بإسبوعين فقط رأيت إسمي مكتوبا على تترات فيديو كليب لذلك المطرب .. كلمات المراكبي .. وألحان شخص ما غريب الإسم .. ثم أصبحت تلك الأغنية قنبلة الموسم وصارت فقرة أساسية في جميع القنوات الفضائية بلا إستثناء .. كما أنني رأيت برنامجين حواريين لذلك المطرب الذي أشاد بكلمات الأغنية برغم أنه لم ير مؤلفها حتى الآن .. وهو يتمنى أن يراني
.
أشار علي أحدهم بتوكيل محامي لمتابعة حقوقي المادية ففعلت .. كان المحامي يتتبع الأغنية في كل القنوات الفضائية ويتابع أيضا أخبار أية حفلات يتم فيها غناء تلك الأغنية .. كان يتابع تحويل الأموال الخاصة بحقوقي التي إتفقت عليها .. وكنت أتابع تلك التحويلات بإندهاش وشغف
.
اليوم .. كان يزورني مندوبا من كلية الهندسة التي تتبع الجامعة القريبة من مكان عملي .. كان يطلب مني أن أقوم بإلقاء بعض المحاضرات لطلاب الدراسات العليا .. يرن الهاتف المحمول .. إنه مدير أعمال ذلك المطرب .. يسألني إذا كنت سعيدا لأن الأموال يتم تحويلها بإنتظام .. أنظر في نفس اللحظة إلى كشف حسابي البنكي الذي لم يصل إلى هذا الرقم طيلة حياتي .. طلب مني أن أكتب قصيدة أخرى للألبوم الجديد ووعدني بأن الإتفاق الجديد سيكون أفضل .. أغلقت الهاتف لأتفاجأ بأن مندوب الجامعة مازال أمامي منتظرا قراري لكي أحاضر عندهم .. أبتسم .. تتسع إبتسامتي .. أضحك .. يندهش .. أعتذر له وأخطره بأنني قد إعتزلت الهندسة نهائيا .. ثم بدأت في كتابة إستقالتي من العمل بسرعة شديدة .. لأتفرغ لكتابة القصيدة الجديدة .. الحلو لما شلح

التسميات:

66 Comments:

Blogger kochia said...

بصراحة كلمات مفيش بعد كدة
مؤلف ممتاز

واهي سبوبة لوز
بس يا تري المؤلف العظيم هيلاقي وحي تاني يمده بكلمات جميلة زي دي ؟

الخميس, سبتمبر 03, 2009

 
Blogger بنت القمر said...

انت طبعا بتهزر قول انك بتهزر بليز
!!

الخميس, سبتمبر 03, 2009

 
Blogger إنـســـانـة said...

هههههههههههههههه

مش عارفة ده حصل بجد ولا لأ

بس لو حصل بجد يبقى فعلا ... قمة العبث

الخميس, سبتمبر 03, 2009

 
Blogger bastokka طهقانة said...

لا مش معقول اكيد مجرد قصة
او امل
او حلم

بس افضل نقطة في الموضوع
هو الحساب اللي زاد

انا فكرت كتير في تاليف حاجات من دي بس اللي بيمنعني
خوفي من ربنا اني حايجي يوم اقابله
و مش عايزة ادخل النار
اصل مش بستحمل الحر

تحياتي

الخميس, سبتمبر 03, 2009

 
Blogger بثينــــــة said...

ما انا باقول كدة من بدري
بلا هندسة بلا وجع قلب
انا من ضيع في الاوهام عمره :)))ا

شكله حلم يقظة يس حلو حقيقي
وواقعي جدا
اوعى يكون بجد
لو بجد يا ريت توريني السكة علشان الحق اعمل حاجة لمستقبل العيال

الخميس, سبتمبر 03, 2009

 
Blogger عاشقه وغلبانه said...

مافيش احلي من الهلس والعبث ياكلم الشهد
هندسه ايه وطب ايه وبتنجان ايه
لو ليا في التأليف كنت احصلك
ههههههههههههههههههههه

الخميس, سبتمبر 03, 2009

 
Blogger صدى الصمت - عاشقة الورد - said...

أخ أهو دة عيبة
أنا برضة كنت متأكدة إن قاعدتك لوحدك فى البيت المدة دى هتخليك تلسع وتخاريف الحر والصيام هتتمكن منك
ههههههههه
ربنا يستر وترجع لنا بألف سلامة

الخميس, سبتمبر 03, 2009

 
Blogger şoмa ēŁ3āşħē2 said...

حبيبى لما شلح بانت قرعته
ههههههههههه
كل سنة وانت طيب

الخميس, سبتمبر 03, 2009

 
Blogger لاسع افندى said...

حبيبى لما شلح
الكل بص تنح
اتغر حبيبى ورحرح
من حق الجميل يتبحبح

ماتنساش حقى فى الفلوس



تحيه لاسعه

الخميس, سبتمبر 03, 2009

 
Blogger فاروق عادل said...

اكيد بتهزر مش كدة

الخميس, سبتمبر 03, 2009

 
Blogger عمرو امام said...

اولا الى لازم يفوضوك عليه مش القصايد لا
الموقفين الى انتة حكيتهم دول لازم يبقة فيلم او على الاقل مشهدين مهمين فى فيلم

ادعوك لتشريفى مدونتى لعلى استفيد
مع فائق احترامى

الخميس, سبتمبر 03, 2009

 
Blogger Blank-Socrate said...

جااااامدة جدا انا صدقت فى الاول
اما موضوع الهندسة
فبصراحة احنا
operators not Inventors or developers
علشان كدا الهندسة تكال بالباذنجان
و انا بصفتى مهندس باعترف بانى مدمن باذنجان
تحياتى

الخميس, سبتمبر 03, 2009

 
Blogger مُزمُز said...

هههههههههه
يا راجل انا كنت خلاص صدقت والله العظيم

الخميس, سبتمبر 03, 2009

 
Blogger Appy said...

تفتكر بسهوله حد يتخلى عن وقاره واحترامه ومحاضراته وسلاطته وبابا غنوجه علشان خمستاشر الف جنيه اعتقد انه لا

الخميس, سبتمبر 03, 2009

 
Blogger Jana said...

:-)))))
انا صدقت فعلا فى البداية .وتعجبت امتى ده حصل على الفيس :))
المهم انك متحولتش كتير ..من طلبة الدراسات العليا لطلبة الدماغ العالية الفرق مش كبير اوى يعنى :-))

اما بخصوص لعب الحواجب فى المراية ....فعرفت ازاى صحيح !!!؟

الخميس, سبتمبر 03, 2009

 
Blogger حررروووف said...

هههههههههههه طب انا دلوقتي مش عارفة دة حقيقة ولالالا

بس انا محدش دعاني لنوت دية ع فيس بوك
؟؟؟؟؟؟؟
كل سنة وانت طيب

الخميس, سبتمبر 03, 2009

 
Blogger فتاه من الصعيد said...

ههههههههه

بكره تبقا مشهور 0000 بس ما تنساش جمهورك الاول

الخميس, سبتمبر 03, 2009

 
Blogger camera_girl said...

هههههههههههههههههههههههه
الكيمى كيمى كا والكيمى كيمى كو

يا عينى بجد مهو ده الى دلوقتى بيلاقى التقدير والنجاح...وطبعا القصه جامده جدا جزء منها خيال وجزء منها حقيقه

الخميس, سبتمبر 03, 2009

 
Blogger Sharm said...

بتهزر ؟؟

الخميس, سبتمبر 03, 2009

 
Blogger ـ-ـ- أحمد عبد العدل-ـ-ـ said...

ايه ده ياباشمهندس ؟ عشر الاف بس ؟
لا لأ لازم تزودهم ده كفاية اسم المراكبى اللى هيتكتب على التتر
أنا معاك يافندم ، ،،
:)) ربنا يسعدك يارب

الخميس, سبتمبر 03, 2009

 
Blogger انكسارات .. احمد البوهى said...

يا غالى الموضوع غير ما انت كاتب خالص على فكرة
الموضوع كالتالى:

حبيبى لما سنتح
مبقتش قادر افتّح .. عنيا وابصله
وقلت بلاش اسيّح
وهريّح واستريّح .. وان رق هكلمـه

ـــ
وده كلام ثقة على فكرة.. أيون
ــ
انا عايز خمس بواكى ومتنازل عن الاغنية دى
:)

الخميس, سبتمبر 03, 2009

 
Blogger micheal said...

هههههههههههههه..يا راجل حد يكره رزق جاله من حيث لا يدري
:)
طب يا ريت حد يقولي ينتج الأغاني التهييسية اللي بكتبها
حضرتك راجل طيب أوي عشان كده ربنا بيكرمك
تحياتي

الجمعة, سبتمبر 04, 2009

 
Blogger jafra said...

بالقراءة الاولى
و قبل الافطار
حاولت اني اتذكر اذا شفت اسمك على اي اغنية هادا قبل الافطار

بعد الافطار : عن جد كنت رح صدق لولا ثقتي انك مش هتعمل هيك
لاني متابعة قديمة جدا لحضرتكم


المهم : محاضر او سنتح
كلو هندسة

الجمعة, سبتمبر 04, 2009

 
Blogger قوس قزح said...

ايه السبوبة الحلوة دى :)
انت خليت الناس كلها مسنتحة بالقصة دى

الجمعة, سبتمبر 04, 2009

 
Blogger كراكيب نـهـى مـحمود said...

كل ده من الصيام؟ معلش هانت

الجمعة, سبتمبر 04, 2009

 
Blogger اسكندراني اوي said...

يا راجل هندسه ايه ومحضارات ايه
اي كلام فاضي معقول يجيب فلوس
ما اعتقدش ده ممكن يحصل يا مراكبي ....انت قريت تعليقات المتابعين هنا عسسسسسسسسسسل

الجمعة, سبتمبر 04, 2009

 
Blogger مهندس مصري said...

هههههههههههههههههههه
دا فيه ناس مش واثقة فيك و فاكرة الموضوع ممكن يكون جد

السبت, سبتمبر 05, 2009

 
Blogger عاشقه الرومانسيه said...

علشان تعرف بس ان التعليم مابقاش بيجيب همه
والتفاهه هى اللى بتجيب فلوس
ههههههههههه

السبت, سبتمبر 05, 2009

 
Blogger مخنوقة يما said...

ههههههههه

حبيبي لما فلسع
سابلي جزمتـه

D:

جامدة

السبت, سبتمبر 05, 2009

 
Blogger د/ أحمد لاشين said...

يعني حضرتك بتشتم في مصر مثلا ؟؟؟
كده نخطر الانتربول
تقصد انهم لم يحترموا علمك في بلدك
ولما جربت العكس قدروك ؟؟
لألألألألأ يا باشمهندس
انا احذرك وانذرك
وقد اعذر من انذر

ربنا يكرمك يا افندم
فعلا المعني في عقل وقلب الشاعر
بس والله الدنيا بخير
ومصر بتحب كل ابنائها وبتقدرهم
بس بعض ابنائها بغوا علي بعضهم
العيب مش في مصر
العيب في ابنائها اللي قلبوا لها ظهر المجن
العيب علي اللي بيبيع البلد ويعيش لنفسه بس ويطفش اهلها برة
بس من غير قصيدتك ان شاء الله هترجع وتاخد مكانك وسط اهلك
وقريب ان شاء الله فإن لكل شئ نهاية
واعتقد ان النهضة هتبدأ

دمت بود

السبت, سبتمبر 05, 2009

 
Blogger يا مراكبي said...

:-)

أحيانا تكون التعليقات أطرف وأجمل من البوست نفسه .. وهو ما يحدث هنا الآن .. لكم خالص مودتي وتقديري وشكري لأنكم أضحكتموني بالفعل

:-)

البوست ليس من الواقع .. بل هو من الكوميديا السوداء وما أكثرها هذه الأيام

---

أسافر الأن في رحلة أسيوية طويلة .. وسأظل متابعا لتعليقاتكم بإستمرار

خالص تحياتي للجميع

السبت, سبتمبر 05, 2009

 
Blogger أم بتول said...

فعلا سخرية سوداء من واقع اشد سوادا ، للأسف هذا هو الحال علشان توصل لفوق قوى لازم تنزل لتحت قوى ، كل ما نزلت أكتر كل ما ذاد رصيدك البنكى و نقص رصيدك الأنسانى و الأخلاقى ، بوست رائع بجد ، و ترجع بالسلامة .

السبت, سبتمبر 05, 2009

 
Blogger شجرة الدر said...

انا جد سعيدة بتواجدي هنا معاكم
وخاصة عندك يا اخ يا مراكبي وتشرفت بزيارتك وياريت نتواصل ديما انا حظيف مدونتك عندي لاتابع كل جديد
تحياتي لم مع التمنياتي الاجابية لك دائما :)

السبت, سبتمبر 05, 2009

 
Blogger Sonnet said...

تحياتى لكم
و للمدونة الكريمة
قرات هذا الخبر فتساءلت
يا مهندسى العرب و يا علماء العرب: أين نحن من هذا الاختراع؟

Computer algorithm to decipher ancient texts

http://www.reuters.com/article/scienceNews/idUSTRE58141O20090903?feedType=RSS&feedName=scienceNews

السبت, سبتمبر 05, 2009

 
Blogger فاتيما said...

شفت يا نبع الحكمة
انتا خدت اكلام من على طرف لسانى
دايما عندك بلاقى التعليقات بتكمل الحالة اللى ف البوست
خصوصا التدوينات الساخرة
و كمان إنتا عملت حالة توحد رهيبة مع بطل القصة لدرجة إن فيه ناس مخضوضة عليك و بتقول اوعى تكون بتتكلم جد ...
سفرية سعيدة و رمضان كريم و الفطار كان عاوزك قوى تنوره

الأحد, سبتمبر 06, 2009

 
Blogger None said...

اكيد بتهزر مش كده ؟

الاثنين, سبتمبر 07, 2009

 
Blogger None said...

قريت الكومنتات بعد ما كتبت تعليقي :)
قمة العبث بقي فعلا ان الناس ماستغربتش خالص ان يكون دا حصل .. وانا اولهم :)
ويارب ترجع بالسلامة

الاثنين, سبتمبر 07, 2009

 
Blogger أحمد فياض said...

ههههههههههههه
من أيت أتيت بهذا الكلمات ؟
بل ومن أين أتيت بصورة البوست هذه ؟
ظريفة بالفعل ..
تحياتي

الاثنين, سبتمبر 07, 2009

 
Blogger osama44 said...

ابيات شعريه رائعه
غالبا يكون العبث نتاج رائعه لهموم اليوم باكمله

الثلاثاء, سبتمبر 08, 2009

 
Blogger camera_girl said...

فين البوزت الجديد بأه

الثلاثاء, سبتمبر 08, 2009

 
Blogger Asmaa Fathi said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

مش قادره اصدق ولا ابطل ضحك

ربنا يكرمك في مهنتك الجديده

ونشوف إبداعاتك اللي مكسره الدنيا فوق دماغنا

وخلت الذوق العام بقي حاجه تهبل

كل سنه وانت طيب

ورمضان كريم

تحياتي

الثلاثاء, سبتمبر 08, 2009

 
Blogger Heba Faruq said...

الكوميديا السوداء هي بالظبط الحياة التي نعيشها الآن في مصر والتي استطعت أن تعبر عنها هنا ببراعة معهودة
احييك عليها
ومع تحياتي

الثلاثاء, سبتمبر 08, 2009

 
Blogger ذو النون المصري said...

و مش بعيد كمان تبقي امير شعراء جيل الشباب او شاعر الجيل زي واحد
انا لما قريت القصيده ابتسمت و مستغرب جدا انها اتغنت
هل فعلا ده حصل و للا قصه
لاني مش متابع ساحة الغناء الشعبي بقالي زمن

الثلاثاء, سبتمبر 08, 2009

 
Blogger Sherif said...

صحيح ان الهندسة مش جايبة همها .. وصحيح ان الذى أثر فىّ هو معانى الكلمات التى نظمتها فى الاغنية الأولى ..لكن المثير هو ذلك الانطلاق بسرعة الصاروخ فى عالم الفن والسبوبة

لذا كان من الطبيعى صديقى العزيز ان اهنئك على هذا النجاح الباهر على جميع الفضائيات ..

واذكرك فقط بانى موسيقى وملحن قديم مغمور .. يعنى .. أى خدمة خصوصا فى هذا الشهر الكريم بحيث يزيد رصيد حسناتك الى جانب رصيد دولاراتك

بوست مثير

الأربعاء, سبتمبر 09, 2009

 
Blogger وينكى said...

لا انا عاوزه افهم دلوقتى
الموقف ده حصل بجد؟؟؟
ولا دى قصة اقرب للواقع منها للخيال
الموضوع ده بجد وحصل فعلا وفيه اغنية نزلت من كلمات المراكبي ولا انت بتشتغلنيييييييييييييييييييي

يخرب بيت القنبلة الموسمية الفظيعة
فكرتني بأغنية قديمة انا كمان كتبتها اسمها شويه فشافيش
لو هلاقى حد يتبنى الاغنية دى ويحولى الفلوس ويكونوا بالنزاهه دى اللى خلتهم ما يسرقوش الاغنية اللى انتشرت فى كل حته ويحطوها وخلاص
والبلية تدور وتلعب معاك يا معلم
:)

ايا كان الموضوع.. الفكرة رائعة خصوصا انها ابتدت بتهييسة
افتكر كان فيه مسلسل بطولة نجاح الموجى وسيد زيان فى احدى حلقاته كان سيد زيان مطرب من الزمن القديم وعاوزينه يغنى اغنية ربع لبه
ولما راح لصديق عمره نجاح الموجى اللى كان بيكتب كلمات الاغنيه فى سنه من كتر دقته وبلاغته اكتشف ان الاغنية " لو كنت آخر ألسطه" من كلماته

يااااااااااه
فكرتني بحاجات قديمة قوى
وخلتنى ارغى كتير:)

الأربعاء, سبتمبر 09, 2009

 
Blogger !!! عارفة ... مش عارف ليه said...

هو ده المركبي بعينه

قادر على إخراج الابتسامة الساخرة من قلب لحظة الأسى

هتصدقني لو قولتك إن كتاباتك بتفكرني بناس جامدة اووووي زي أحمد رجب ومحمود السعدني والله يرحمه بديع خيري

وكل سنة وأنت طيب يا هندززززه :)

وإن شاء الله تسمح الظروف
ونتقابل قريب بإذن الله

وليد

الخميس, سبتمبر 10, 2009

 
Blogger رضا الكومى said...

تعرف إنى فى البداية صدقت
لكن قلت إن أحمد القاضى صاحب المبادئ
مش ممكن ينشر كلمات تزيد من ضياع اللغة والأخلاق

أوعى تكون بتفكر تعمل كده


تقبل مودتى

الخميس, سبتمبر 10, 2009

 
Blogger المدون / أحمد كجول said...

يو يو يو

مقال رائع كتير , اعترف انت كاتب زي العسل حقيقي و اتمني يكون فية تعاون مشترق في الفترة القادمة بينا ,, اعتزر لغيابي عن المدونات و عالم الانترنت " اصل بصراحة الراجل بتاع النت غتت و الكمبيوتر بيفيص .. ههههه "

معلش حابب اهرج شوية , بس افكارك لزيزة , احمد كاجوال
او/ السيد الرئيس "احيانا" يلا سلام بقا ورمضان حلو

الأحد, سبتمبر 13, 2009

 
Blogger يا مراكبي said...

رجعت من كوريا والصين .. ومتابعكم دايما .. أشكركم على تعليقاتكم الجميلة دي

الأحد, سبتمبر 13, 2009

 
Blogger أبو أمك said...

الحلو لما شلّح
وكله بان وأوضح
من الشمس لمّا تنقح
قال إيه بيحبني

ولا رمش عينه جرّح
ولا موس في قلبي يدبح
دي قباحته بجد أنقح
من كلب يعضني

ولا دارى ولا لمّح
ده جاب من الآخر وقبّح
خايف أصدّه يبجّح
بالجزمة يهفني

الثلاثاء, سبتمبر 15, 2009

 
Blogger بنت مصريه said...

هههههههههههههههههههههههههههههههههههههههههههههههههههههه
الكلام ده صح يا مراكبى هو صحيح العلم لا يكيل بالبتنجان بس مش لدرجه انك تسيب الهندسه
بص خليها هوايه جنب الهندسه ولو الهندسه مانفعتش اهو يبقى معاك صنعه هههههههههههههههههه
ههههه بس والله جميله اوى يا بشمهندس احمدوللا ايه رايك نمشيها يا برنس احمد مانت بقيت مؤلف شعبى بقى

الخميس, سبتمبر 17, 2009

 
Blogger فى القلب said...

مش ممكن أصدق أنك تقدر أن تفعلها

حتى لو شفت العقد بعينى

أنت لا و الف لا

السبت, سبتمبر 19, 2009

 
Blogger well said...

جميلة ...الحظ ما يلعبش معايا انا كمان كدة
كل عام وانت طيب

السبت, سبتمبر 19, 2009

 
Blogger ذو النون المصري said...

كل عام انتم بخير
تقبل الله منا و منكم طيب القول و صالح العمل

السبت, سبتمبر 19, 2009

 
Blogger assafo anaroze said...

يسعد الله مساك
احل علينا و عليكم العيد يا رب يتقبل منا و منك شهر الصيام من صلاة و ركوع و قيام و سائر العبادات و المعاملات
عيد سعيد على الجميع و يا رب تكون بالف خير

الأحد, سبتمبر 20, 2009

 
Blogger norahaty said...

الكلام ده بجد؟
ولا أضغاث احلام؟
ولا افتراء؟ ولا ...؟

الأحد, سبتمبر 20, 2009

 
Blogger norahaty said...

كل سنة وانت ياباشمهندس
الحاج احمد المراكبى والاسرة
بكل خيـــــــــــــــر

الأحد, سبتمبر 20, 2009

 
Blogger يا مراكبي said...

ههههههه

إطمئنوا .. البوست ده فانتازيا مش أكتر

كل سنة وإنتم طيبين

الأحد, سبتمبر 20, 2009

 
Blogger jehan said...

ههههههههههههههههه شوف يامراكبى علاوه على ان الموضوع تحفه بجد الصوره والكلمات الى عليها خطيرررررررررررره هههههههههههههههههههه

بجد ربنا يكرمك وعموما يامراكبى مافيش مانع تقلب رزقك من الناحيتين الهندسه والشعر واهو كله لمصلحه تأمين مستقبل الاولاد

الاثنين, سبتمبر 21, 2009

 
Blogger jafra said...

كل عام واهنت بخير و ترجع من رحلتك بالسلامة
تحية

الثلاثاء, سبتمبر 22, 2009

 
Blogger micheal said...

كل سنة وأنت طيب
عيد سعيد

الثلاثاء, سبتمبر 22, 2009

 
Blogger المدون / أحمد كجول said...

السلام عليكم يا غالي :

طبعا كا العادة و بدون مجاملات مقال جامد اخر حاجة و دة طبعا العادي

و بردوا اتمني من حضرتك و كل اصدقاء المدونة الاطلاع علي اهم اعمالي قصيدة "انا جعان" و اتمني اشوف تعليقك الكريم عليها لاني فعلا محتاج اعرف رأي حضرتك ...

القصيدة علي الرابط التالي :
http://www.youtube.com/watch?v=kBG6zRyZDSU

او الاطلاع علي باقة هائلة من المرئيات الحصرية علي صفحتي علي اليوتيوب :
http://www.youtube.com/user/mrkajwal

الأربعاء, سبتمبر 23, 2009

 
Blogger محمد ابراهيم said...

لأ في الحالة دي
القصيدة بقي هتجيبلك ملايين
مش مجرد 15000 جنيه بس

اكيد انت بتهزر صح ؟
مش كدة ؟
هههههههههههههههههههههههههههه

الأربعاء, سبتمبر 23, 2009

 
Blogger ماما said...

عيد سعيد يا باشمهندس
دمك خفيف

الخميس, سبتمبر 24, 2009

 
Blogger أسما عواد said...

بوست جميل ورائع
دمه خفيف جدا بس انا لغاية ما قرات التعليقات كنت بحسبه بجد

الجمعة, أكتوبر 02, 2009

 
Blogger فتوح أبو المفاتيح said...

جميل جدا
سكة حلوة لو كانت حقيقية
بس الاهم نزول الوحل المناسب لوجود غنيوة جديدة

بس شايف ان دا إضافة جديدة
يعني بغض النظر عن المكسب المادي
هو منطقي الغنا بالطريقة دي وبالكلمات دي ؟
خير خير خير
محدش عارف الخير فين

الأربعاء, أكتوبر 14, 2009

 

إرسال تعليق

Links to this post:

إنشاء رابط

<< Home