أفتكر إن أول ما طلع الدش والريسيفر .. كان ليه سمعة كده مش كويسة .. كانوا بيقولوا إنه بيجيب حاجات قبيحة وقليلة الأدب ولامؤاخذة .. وكنت كل ما أسمع إن فيه حد ركب دش ألاقيه يحلف ويقول لي: بس أنا مش من الناس إياهم يا مراكبي .. أنا والله العظيم ركبت النايل سات بس .. ومن كتر ما الجملة دي إتكررت قدامي كتير .. جه عندي شعور إن النايل سات ده حاجة كده وكأنك داخل مسجد .. ولازم تقلع الجزمة برة على الباب قبل ما تشغل التليفزيون وحاجات كده . لحد ما جه اليوم اللي قررت فيه إني أركب الدش ده أنا كمان .. وطبعا لأني من أهل التقوى والصلاح أصريت على النايل سات بس زيي زي الإخوة الأفاضل إياهم بالظبط .. وأول ما إشتغل التليفزيون لقيت النايل سات ده إيه .. ولعة ولعة ولعة .. وأذكر إن لم تخني الذاكرة إن أول لقطة شفتها كانت لجزء عريان من صدر مغنية مش عايز أقول إسمها وكانت بترقص وتقول: أخاصمك آه .. أسيبك لا .. ما علينا .. أرزاق . ومرة من سنتين كان عندي مدير أمريكي .. لقيته بيشتكيلي ويقوللي: المدير الأمريكي: أنا زهقت قوي من الدش المركزي اللي عندنا في العمارة .. مليان قنوات كتيرة مالهاش لازمة المراكبي: أيوة .. علشان ظابطي...
تعليقات
وحج مبرور وذنب نغفور إن شاء الله
طيب مش كنت تقول علشان كنت أوصيك تدعيلى
المرة الجاية ماتنساش بقى :)
ربنا يوعدنا ويكتبهالى
لا تعلم شوقى وحنينى للحج
أدام الله عليك نعمه وتقبل منك وغفر لك
مع خالص تحياتى
(:
كل سنة وانت طيب يا طيب.
http://te3mah.blogspot.com/2011/11/1.html
http://te3mah.blogspot.com/2011/11/2.html
نسأل الله ألا يكون هذا آخر عهدنا بالبيت الحرام
اللهم آمين
حج مبرور وذنب بأذن الله مغفور
وعقبال كل مرة تهفوا الأفئدة
ومتنحرمشى من الزياردة ابدا
وتلقى الدعوة القبول
من رب العباد دايما ..
اللهم آمين
في عامنا هذا وفي كل عام :)
انا رجعت تاني ... وحشتني مدونتك اوي و كنت تاني مدونه ادخلها علي طول
عجبتني اوي طريقة العرض..
رائعة.. وواضح إن حضرتك مدون قديم
محترف تدوين يعني، مش زي المدونة التعبانة دي
http://saraeldafrawy.blogspot.com/
:D
دي مدونة أنا لسه عاملاها ومش عارفة.. أكمل ولا إيه؟!
يا ريت تقولي رأيك بصراحة وأي حد يشوفها يا ريت يقولي رأيه بصراحة (بس من غير شتيمة يعني (: )
أنا لسه بجرب ومحتاجة أعرف أنا بغلط في إيه
شكرا..