حالة حب

.
لم يستطع التركيز جيدا في قراءة ما كتب في التقرير .. حاول أن يستجمع تركيزه أكثر من مرة لكن دون جدوي .. تنتابه حالة من عدم التركيز مؤخرا وهو لم يعتد ذلك أبدا .. دخلت إليه مرة أخري تستأذنه في الخروج خلال ساعة الراحة لتتناول الغداء مع زميلاتها .. أذن لها وهو يبتسم مرة أخري وما هي إلا لحظات قليلة حتي غادر مكتبه كي يتناول الغداء لأول مرة في ساعة الراحة .. مبتعدا عن روتينه اليومي حيث الغداء المتأخر مع والدته في المنزل
.
قليلة هي ابتساماته طيلة حياته الجادة .. لكنها كثرت عن ذي قبل .. هكذا أخبرته والدته .. يلمح في عينيها ابتسامة ذات مغزي حينما عرض عليها أن يصطحبها إلي النادي .. لم يذهب أبدا إلي ذلك النادي منذ سنوات طويلة رغم حرصه علي تسديد اشتراكاته العام تلو الآخر .. يجلسان في النادي لعدة ساعات .. تدرك أن هناك ما يخفيه عنها لكنها لا تتعجله .. فقط تمنت ألا يقاوم كما فعل سابقا .. تأملته كثيرا وهو ينظر إلي اللاشئ تاركا فنجان القهوة الثالث يبرد دون أن يحتسيه
.
يوم جديد في مكتبه وهي لم تأت .. قالوا له أنها مريضة .. يتعكر مزاجه كما كان قبل ذلك .. ينفعل ويغضب لأتفه الأسباب .. لا يريد الذهاب لتناول طعام الغداء كما إعتاد مؤخرا في وقت الراحة .. يعتذر لوالدته في إقتضاب عبر الهاتف وهو يلغي الخروج إلى النادي كما وعدها
.
يوم جديد آخر تتحسن فيه حالته المزاجية بشكل كبير .. تتصل به والدته فتعرف أنه يتناول الغداء خارج مكتبه وقت الراحة .. تختبره أكثر بأن تطلب منه إصطحابها إلي النادي فيوافق .. يجلسان معا في صمته المعتاد مؤخرا .. وتنتظر هي فنجان القهوة الرابع حتي يبرد دون أن يحتسيه .. تقرر أخيرا أن تكسر حاجز الصمت .. وتسأله: هل تحبها إلي هذا الحد؟
.
تعليقات
رضي الله عنك وأرضاك
وهداك وأغناك
وعافاك وشفاك
ووفقك لخير الدعاء
وأجاب لك الرجاء
وأحبك بلا ابتلاء
وجعلك ساعياً للخير
مؤثراً في الغيْر
وكل عام وانت بخيْر
قصة لطيفة علي الروح والقلب
كل عام وانت بخير ربنا يتقبل منك ومنا صالح اعمالنا ربنا يعيده علينا بالخير دايما
ده أكيد عيدية العيد بتاعتنا :)
كل سنة وحضرتك طيب
إيمان
البت دي عاوز اتجوزها وعاوزك تيجي معايا بيت ابوها
لو متجوزتهاش هموت روحي
ايه الروقان ده يا عم مراكبي
حلوة القصه بس هادية لدرجة هتخليني اعيط
كل سنه وانت طيب يارب
ظلت تحبه سنوات سرا بينها وبين نفسها
حتى إذا أراد هو أن يتزوجها
مرت سنوات وجاءت بطفلتين مستنسختين منه
و حتي الأن لم تستطع أن تخرج من سنوات حبها الصامت
كل عام وأنت والأهل بكل الخير
والحالة الانسانية التى نحن بصصدها يحتويها الغموض وهذا ما ستوضحه بقية القصة..
الله ينور عليك ومنتظرين الباقى
وتهنئة خالصة بمناسبة عيد الفطر المبارك
كل سنه وحضرتك والأسره بخير وسعاده ويارب تكون بتقضي في مصر أجازه سعيده
تحياتي
واجعله دائـما مأجورا
وبلغه العيد مسرورا
امين يارب العالمين
عيد سعيد
فكرتني وانا بقرأها باحساسي ايام كانت كنت في ثانوي بقرأ روايات رومانسية
ساعتها كانت القراية لها طعم تاني
غير دلوقتي خالص
فيها حساسية في الهواء تجعلك تعلو قليلا وانت تعيش معه هذه الحالة الجميلة
بس يا تري الجانب الاخر .. هي .. هل هناك شئ ما يدور في خدلها
لو فيه ياريت تقولنا عليه
وقد اعجبت بهذه الام الفطنة
تحياتي
تسلم ايدك
وكل سنة وانت طيب
:)
الموضوع خلانى ابتسم ابتسامة هدوء وراحة
بجد القصة حلوة قوى
دي هدية العيد طبعا
مافيش أروع من العيدية دي بجد
كل سنة وأنت طيب وبخير
جميله اوي بجد
طبعا بيحبها للحد ده وأكتر كمان
أكيد لها بقيه
مش عارفه كده حاسه أن بقيتها فيها شئ غير متوقع يميل ألى الألم
يمكن أحساسى غلط هستنى و أشوف
مافيش كلام
أولا عيد سعيد ... جداً ،فى مصر بقى
ثانياً .. بوست رائع وجمل جداً برضه وكأن الحب هو الحالة التى من خلالها يتحول القديم إلى جديد والملل إلى متعة
ثالثاً .. شكراً على اللينك اللى فيها معلومات وكتابات أكتر لحضرتك مع وعد بقراءتها كلها
رابعا .. الحمد لله انى لقيت واحد مسافر فى الأيام دى ولسه عنده استطاعة لاقتراف هذه الآثام .. أقصد لسه عايش
شكراً جداً ياباشمهندس
فيديو كليب ..
تهنئة لشرفااء الوطن
بمناسبة عيد الفطر
الان على
قلب ابيض
تابعونا
كل سنة وإنت طيب يا مراكبي
و حمد لله علي السلامة للعودة من رحلة القاهرة الي ارض المنزل
لا استطيع الا ان اقول لك انك موهوب بالفطرة حقا ماشاء انت بتنقل الاحاسيس بشكل رائع و بتتعمل ضوء علي شئ عادي و عابر و ياريت نسمع عن مجموعة قصصية تنزل لك لانها فعلا تستحق كثيرا
:)
بس رقيقه اوى....
:)
كل سنه وانت طيب يا باشمهندزز...
جميلة يا هندسة
قالولى انه بيجى كدا من غير مقدمات ولا اسباب انا مليش دعوه هما اللى قالولىىىىى هههههه
زى اخينا دا بالظبط
فضل عايش وبيشتغل ويروح ويجى وناسى قلبه
لحد ماجت اللى حركت مشاعره وفثانيه وعلى اتفه الاسباب
عشان مانيكير وردى وصوابع منمنمه
بنت المحظوظه هههههههه
واتمنى تكون دايما بخير وصحه انت وكل من تحب
بس حلوه اوي وصف المشاعر الاوليه ديه
تسلم يا فندم
هذه دراسة لمشاكل مصرالرئيسية :
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
http://www.ouregypt.us/culture/main.html
ههههههه
انا كنت حاسة اني هنام وانا بقرأ
هادية جدا بجد ومريحة
شكرا جزيلا
مش عارفة ليه دخلت هندسة يا باشمهندس؟!
كل عام وانتم بخير والامة الاسلامية بعزة.
مااااااااااشي
حلوه اوي وجميله اوي
كل سنه وانت طيب
ردا على سؤالك عن الكحك والدوحه
اي نعمممممممممممممم لقيت كحك وبسكوت وكله في اللذييذ
وتبقي عايز تعرف ابطال القصة
كل سنة وانت طيب
رجعت من مصر اكيد
قوس قزح
متشكر جدا .. بجد إتشرفنا بيكي
*****
سنووايت
دايما اللي بيحب بيبقى فاكر إن ما حدش واخد باله وهو أصلا بيبقى مفقوس جدا
أشكرك .. وكل سنة وإنتي طيبة
*****
واصطنعتك لنفسي
هي فعلا حالة الكل بيحبها ويتمناها
عجبتك العيدية؟
كل سنة وإنتي طيبة
*****
لماضة
هو مش روقان قوي يعني .. بس هي القصة طلعت معايا كده وخلاص .. هههه
كل سنه وانتي طيبة
******
Basma
يا ريت توضحي لينا أكتر
هل هي ما قدرتش تعبر عن حبها ليه حتى بعد ما إتجوزته؟
وألا هي ما قدرتش تخرج من الأيام الحالمة وتعيش الواقع اللي غالبا بيكون مختلف عن الحلم؟
خالص تحياتي
******
وميض ابتسامة
بس لو القصة قفلت على كده مش يبقى أحلى برضه؟ يمكن الجزء التاني يبوظ الأولاني .. وألا إيه؟
كل عام وأنت بألف صحة وسلامة
*****
إيما ( أم البنين)
أشكرك جدا .. لكن أنا مش محبذ إن يكون فيه جزء تاني .. خلينا في الجزء الحالم أحسن
كل عام وأنتي والأسرة جميعا بخير
******
نهر الحب
أمين .. وجزاكي الله خيرا
عيد سعيد
******
kochia
أشكرك على التعليق الرقيق ده .. شهادة أعتز بيها
سؤالك عن الجانب الآخر – الفتاة يعني – سؤال بجد مهم جدا جدا .. تبقى بمبة كبيرة لو كان حب من طرف واحد
ملاحظة ذكية جدا
*****
آلام وآمال
أشكرك جدا
كل سنة وانت طيب
*****
jehan
ده تعليق بجد جميل جدا .. بجد أشكرك على ذوقك ده
منورة
*****
بثينــــــة
ما فيش أروع من شهادة كاتبة قديرة زيك .. أشكرك بجد
كل سنة وإنتي والأسرة بخير
*****
esraa
أشكرك جدا .. وكل سنة وإنتي طيبة
******
فى القلب
للأسف ما لهاش بقية .. خلينا بس لحد كده أحسن من آلام الواقع
نورتينا .. سلامي لجميع الأسرة
*****
ادم المصري
ألف شكر .. ودايما بالتوفيق
*****
ـ-ـ- أحمد عبد العدل-ـ-ـ
عيد سعيد عليكم وعلينا .. أشكرك على إطراءك .. نورتني .. وبقية القصص تحت أمرك
أنا بأحاول أتأقلم مع مصر من تاني .. شكلي بقى وحش قوي وكأني غريب عن البلد
*****
قلب أبيــض
علم وشكرا
******
عدى النهار
أهم حاجة النهاية المفتوحة .. أي حاجة غير كده هتقلب بغم
كل سنة وإنت طيب وبألف صحة وسلامة
*******
شــــمـس الديـن
ألف شكر على مجموعة الإطراءات دي كلها .. ولو إني مش شايف نفسي موهوب قوي كده
عيد سعيد .. نورتي
*****
تخاريف خاصه!
آه خلصت لحد كده .. هههه .. كفاية قوي كده
كل سنة وإنتي طيبة وألف شكر
******
أحمد كمال
هل هو حقا قلبه؟ الله أعلم .. أنا ما لحقتش بقية الفيلم .. هههه
أهلا بيك دايما
******
سمر الشافعى
أيوة هو ده بقى يا ستي اللي بيقولوا عليه الحب .. ههههه .. هما اللي قالولي برضه .. ههههه
شوفتي بقى المانيكير والصوابع والحركات بتصطاد عريس كويس إزاي؟
كله يخلي باله من صوابعه بعد كده
ههههههه
*****
اهو ده عيبه
ولا متأخرة ولا حاجة .. تنوري في أي وقت
كل سنة وإنتي طيبة .. متأخرة برضه .. هههه
*****
دنـيـا محيراني(ايناس لطفي
ما هو أنا بخبرتي برضه ما رضيتش أكمل القصة بعد كده علشان أنا عارف إن الحقيقة يمكن تبقى مش حلوة
نورتيني يافندم
*****
النجمة الصامدة
أنا برضه نمت بعد ما كتبتها على طول .. الظاهر القصة فيها منوم وألا حاجة .. هههه
نورتينا
**********
أبو أمك
ماعندهمش حاجات ساقعة .. كله قهوة وشاي بس .. هههه
*****
نـــــــور
أشكرك بجد
أنا دخلت هندسة علشان آكل عيش .. الكتابة مش يتأكل عيش اليومين دول .. ههههه
*****
اسكندراني اوي
دايما منور وبتدي التعليقات روح جميلة
وبلاش التلميحات دي .. ميت مرة قلت مش أنا بطل القصص يتاعتي .. هههه
*****
كراكيب عادل
والله ليك وحشة جامدة قوي
منورني بجد
أنا رجعت من مصر من 4 أيام
قلب الأم ياعيني على قلب الأم
تشم ريحتك من بعيد
وتسمعك لو بتقول أه من أخر الدنيا
على رأي ستي الله يرحمها
اللي بلا أم حالته تحسر وتغم
ماعلينا
هي ساعات كده بتيجي على أتفه سبب شوف انت طلاء الأظافر عمل في صاحبك ايه أمال لو شاف شرابها الفليه ولا كل من ايديها فراخ فليه هايعمل ايه
لكن هو الموضوع ببساطه أن هو الواحد من دول بيبقى فاكر انه حويط قوي ومدكن ومحدش شايفه ولاحاسس بيه ولا ملاحظ عليه حاجه ..وهو في الحقيقة بيبقى كل حاجه منه فضحاه..وبتبقى فضاحته بجلاجل والكل عارف وصاحبنا فاكر ان السر في بير جواه
بيفكرني بالمخبر بتاع افلام زمان قاعد على القهوة وخارم الجرنال خرم قد الأوزون والناس كلها عارفه انه مخبر وهو الوحيد اللي مايعرفش
لكن أرجع وأقول هي حالة حب وانت لقطها بعناية فائقة عشان كل واحد يخلي باله ويحرص..بس على مين
تسلم ياباشمهندس
تحياتي..حسن أرابيسك
هو تعود ... شبه بطل القصه ... يري ضياء الحياه بالأخر ويظل يحتفظ بمشاعره الجميله والكثيره إلي ان تتصلب في داخله ... فهي موجوده ولكن صعب خروجها بسبب تراكمها وتحجرها بفعل الزمن
سلام
أهو أنا بلا أم من زمااااان .. بس سيبك إنت .. أنا بأشجعك وبأشجع الشراب الفيلية ده جدا .. أحلى من موضوع الصوابع بكتير .. ههههه
تعليقك في الصميم بجد .. المحب دايما بيستنصح وهو مكشوف تماما .. والمحبة برضة كده
دايما منورني
******
بسمة
من أسوأ الحالات اللي شفتها في حياتي هي الحالات اللي بتكون مشاعرها جواها وغير قادرة على التعبير عنها
ممكن الطرف الآخر يفتكر إن اللي قدامة مش بيحبه أصلا
وممكن كمان البخل في التعبير عن المشاعر ده بيزهق الطرف الآخر .. أي حد في الدنيا بيحب إنه يكون زي ما بيحب يتحب .. وزي ما بيعبر يبقى التاني يعبر برضه عن اللي جواه
تحياتي
ألف شكر ليك
ومعلش التاخير الطوييييل ده بس انت عارف امتحانات طب بتبقى عامله ازاي
كونستراكشن وماتيريال بقى ووجع قلب
المهم خلينا في القصة التحفة دي
بيعجبني في اسلوبك احيانا اختزال الزمن وسط الالفاظ
زي منزل وسيارة واشياء خري
يعني لو قلنا ان القصة بتحصل في عشر سنين مكتوبة في عشرين سطر باحس احيان كتير ان كل سطرين بيتكلمو عن سنة ما
وده ليه حلاوتة خصوصا اما بتكسره في جزء من القصة بإيقاع سريع
القصة هنا مثال جميل على ده وعشان كده هي متماثلة زمنيا للنهاية وممتعه للغاية
بس مخرجنيش من ولقعيتها غير المبالغة في وصف الفناجين البارده
يعني شفتها واسع شوية ان حد يطلب اربع فناجين قهوة ويسبهم يبردو
يعني
على سبيل الفزلكة انت عارفني بس هي الحالة دي خرجتني من ايطار ال بيرفكت واعادتني لحالة الـ قصة
كل سنة وحضرتك طيب