شد القلوع يا مراكبي ... مافيش رجوع يا مراكبي

الثلاثاء، سبتمبر 23، 2008

عيل تايه ياولاد الحلال

يعلم المقربون مني أني قد إعتدت الإنشغال بعملي ليل نهار لدرجة تجعلني أحتار جدا إذا صادفني يوم عطلة .. تتداخل حينها الأفكار برأسي لكي أختار ما أفعله في تلك العطلة .. فقائمة الإنتظار عندي طويلة ومليئة بالأمنيات المؤجلة .. وقد ينقضي اليوم بأكمله وأنا أفكر فيما أستطيع أن أفعله حتى ينتهي يوم العطلة دون عمل أي شيء
.
لا أدري متى كانت آخر مرة حصلت فيها على عطلة طويلة .. أذكر أنني قد مكثت في مصر عشرة أيام كاملة ربما خلال صيف عام 2006 وربما 2007 لا أذكر بالتحديد .. لكني أتذكر جيدا أنني سأسافر مساء اليوم إلى القاهرة في عطلة طويلة جدا لمدة عشرة أيام بحالهم .. ذاكرة حديدية بصراحة
.
ولكي لا أفقد تلك العطلة .. حاولت قدر الإمكان أن أنظم بعضا من الأنشطة منها الذهاب إلى دار الأوبرا المصرية وحضور حفل إفطار المدونين بساقية الصاوي والتطفل على موائد الإفطار لبعض أفراد العائلة .. وعشانا عليك يا كريم يارب
.
وبمناسبة أنني سأضطر إلى أن أمارس فعلا فاضحا وهو قيادة السيارة في شوارع القاهرة .. وبمناسبة أنني قد فقدت ذاكرتي الخاصة بالطرق والإتجاهات .. فإنني أناشد زملائي المدونين بتوضيح كيفية الذهاب إلى الأوبرا وساقية الصاوي قادما من أكتوبر أو الهرم .. وخصوصا أنني لا أعرف ما هي الطرق التي أصبحت ذات إتجاها واحدا أو إتجاهين أم أن الموضة هي السيربالسيارة على الرصيف كما أسمع .. ولا أدري أيضا هل توجد أماكن ومواقف لإنتظار السيارات أم أن ذلك أصبح رجزا من عمل الشيطان وبالتالي سأصطحب معي السيارة لتجلس على المقعد الذي سيكون بجواري
.
حد يقوللي أي حاجة .. عيل وتايه يا جدعان

التسميات:

35 Comments:

Blogger إنـســـانـة said...

ألحق رقم واحد بس فى التعليقات واجرى اقرا تانى

:D

سلام مؤقت

الثلاثاء, سبتمبر 23, 2008

 
Blogger إنـســـانـة said...

لا بسيطة خالص مالص بالص

بالنوسبة للأوبرا انت تدخل على فيصل وبعدين تطلع الكوبرى الفردة اللى رايحة شارع السودان

وبعدين لما توصل لكوبرى الخشب تدخل شارع التحرير طواااااااالى لحد آخره

وبعدين حتلف كدة هناك الإشارة وتطلع كوبرى صغنون اوى فوق النيل حتلاقى نفسك عند الأوبرا

وانا بفضل بصراحة انك ماتروحش بالمواصلات

اركب من فيصل ميكروباص التحرير والراجل حيوقفك قدامها او تركب من فيصل لحد المترو وتركب المترو وتقف محطة الاوبرا .. او لو ربنا كارمك بقرشين وعايز تطيرهم اركب تاكسى

:D

اما الساقية دى بقا انا عارفاها بنفسى لكن مش حعرف اوصفها كويس

وياريت تسلملى كتييييييييير جدا على مها يا ابو مها

اتمسى بالخير

فوتك بعافية

الثلاثاء, سبتمبر 23, 2008

 
Blogger إنـســـانـة said...

قصدى بفضل انك ماتروحش بالعربية *

هو انا تعلقاتى كترت كدة ليه مرة واحدة

مع انى قاعدة فى مكتبى وعندى شغل كتيييييييير

:(

الثلاثاء, سبتمبر 23, 2008

 
Blogger kochia said...

طيب حمد الله علي السلامة
ودي الحاجة الوحيدة اللي اقدر اقولهالك بالنسبة للموضوع ده

تحياتي

الثلاثاء, سبتمبر 23, 2008

 
Blogger يا مراكبي said...

***


إنسانة

دي وصفة سهلة .. دي وصفة هايلة

ههههه

أنا عايز تفاصيل أكتر من كده .. وهأركن العربية فين؟ أطيد ما فيش توك توك هيرضى يوديني من أكتوبر للأوبرا

ههههه



*******

كوشيا

أشكرك جدا جدا .. كل سنة وإنتم طيبين

الثلاثاء, سبتمبر 23, 2008

 
Blogger وميض ابتسامة said...

بص من الاخر كدة انت ادينى ميعاد الطيارة واحنا نستناك ..وسيب الباقى علينا ..وبكدة ح تتعتق من السواقة فى القاهرة ..ايه رأيك فى الفكرة دى؟؟

اما عن ساقية الصاوى فالطريق من اكتوبر سهل خالص خليك فى الدائرى حتى تصل ميدان لبنان من فوق وبكدة تصبح متصلا بكوبرى 15 مايو وعلى طول وتنزل من فتحة الذمالك وتحاول تركن فى اى شارع يمين ..أى خدمة ومنور مصر ورمضان كريم

الثلاثاء, سبتمبر 23, 2008

 
Blogger حزيــــــــــــــــــن said...

السلام عليكم
مصر هتنور بيك
اتمنى اشوفك فعلا لما تيجى

منصحكش تسوق العربيه بنفسك خصوصا فى القاهرة فى رمضان وخصوصا انك مش فاكر الطرق
عليك وعلى المترو لأن الشوارع كلها بتبقى مقفوله فى رمضان

عموما لو انت جاى من الهرم هتدخل ميدان الجيزة على طريق جامعة القاهرة كده وبعدين تاخد الدقى شارع التحرير علطول هتلاقى نفسك جنب الاوبرا اما ساقية الصاوى فخد الكورنيش وامشى جنبه فى اتجاه الزمالك من اى مكان هتوصل
حمدا لله على السلامه مؤقتا
ابقى عرفنا رقم موبايلك

الثلاثاء, سبتمبر 23, 2008

 
Blogger ـ-ـ- أحمد عبد العدل-ـ-ـ said...

أجازة سعيدة ياباشمهندس ..
بس وصلت لان حضرتك تبقى عيل تايه ياولاد الحلال لما تروح مصر ..
وبعدين عشر أيام بحالهم ؟
ترجع بالسلامة(أقصد من الغربة)
تحياتى

الثلاثاء, سبتمبر 23, 2008

 
Blogger esraa said...

انا مش من كايرو والحمدلله

وبناء عليه أنا مقدرش اني اوصفلك أي حاجه

أفدتك جدا مش كده

(:

الثلاثاء, سبتمبر 23, 2008

 
Blogger بثينــــــة said...

كان نفسي أفيدك بس أنا مش من هنا
ولا من هناك
:D
بس ممكن أفيدك في أجازة ألفين وتمنتاشر أكون إتودكت في السواقة شوية
توصل بالسلامة
وأجازة سعيدة لك وللأسرة إن شاء الله

الثلاثاء, سبتمبر 23, 2008

 
Blogger سمر الشافعى said...

ايه داااا

استغفر الله العظيم

قلبك هيطاوعك تعمل العمله دى

يااخى اذا بليتم فاستترو

هتسوق ععربيتك فى شوارع القاهره ههههههه

والله انا مقدرش افيدك لانى محلاويه اساسا ولسه لحد دلوقتى بتوه فى شوارع المحله خخخخخ

بس هتنور مصر كلها واجازه سعيده

هتعيد معانا بقى ياعم وتهيص

الثلاثاء, سبتمبر 23, 2008

 
Blogger عدى النهار said...

أجازة سعيدة يا مراكبي :) تروح وترجع بالسلامة إنشاء الله

الأربعاء, سبتمبر 24, 2008

 
Anonymous صمت الأنين said...

حبيت أقول لحضرتك تيجي بألف سلامة. ومصر كلها منورة من دلوقتى يابشمهندس. بخصوص السيارة انا عندى عربية اشترتها من 2005 ومركبتهاش غير مرتين بالعدد وذلك حفظاً لماء الوجة مش عشان انا مابعرفش اسوق بس عشان الشوارع هى اللى متعرفش تتعامل مع عربيتى الصغيرة. بلاش يابشمهندس الافكار غير المنظمة، عربية ايه، دة أنت فى مصر؟؟؟

الأربعاء, سبتمبر 24, 2008

 
Blogger No Fear said...

السلام عليكم
هتنورنا يا باشمهندس عقبال كده ما ترجع لنا علي طول بالسلامة
.
بلا عربيات بلا كلام فارغ حضرتك تجهز معاك سرة من الدنانير الجنيهات أصبحت معدن عندنا و تنزل تركب أي أتوبيس أخضر شيك كده حلو هيلف بيك أكيد هتوصل بيه لأي حتة مش مشكلة فين بس هتوصل إن شاء الله
.
فعلا هتنورنا يا باشمهندس

الأربعاء, سبتمبر 24, 2008

 
Blogger قوس قزح said...

ان شاء الله اشوفك يوم الفطار

بالنسبة لطريق الساقية اسهل حاجة لو انت جاى من اكتوبر انك تاخد المحور و منه تطلع على كوبرى 15 مايو و اول ما تعدى النيل تنزل نزلة الزمالك تحتها على طول الساقية

اما عن الاوبرا فى نفس الطريق المحور و 15 مايو و تعدى النيل و تنزل نزلة الجزيرة جنب نزلة الزمالك على طول و تمشى لحد نادى الاهلى و تدخل شمال على طول بعد النادى هتلاقى الاوبرا على يمينك

بالنسبة للركنة ففى الاوبرا ممكن تركن جوه اما الساقية فتدور شوية على ركنة فى الشوارع الجانبية

ده اسهل طريق لك
لو محتاج اى مساعدة او استفسار ابعت لى على الايميل موجود على البروفيل عندى

اشوفك على خير

الأربعاء, سبتمبر 24, 2008

 
Blogger بنت القمر said...

بالسلامه
ولكن بعد تجربه في السؤال في القاهرة علي طريق الساقيه فاحذر الكل يبدو ودودا ولطيفا ومستعد ويشنيرك باعطائك وصفه غلط!!:((
وتفضل تنزل كباري وتطلع كباري
لان كل كوبري ليه تلات اربع فتحات
النصيحه
انزل قبل اي موعد بدري اوي لو المعاد مهم عشان تعمل حساب التوهان والمتبرعين بالوصفات الخاطئه.. طبعا العدد التاني من مدونات موجود وتحت الطلب
ومتشغلش بالك يورو او دولار حاسبني بالموجود وانا ها اتصرف
:))
اجازة سعيده

الأربعاء, سبتمبر 24, 2008

 
Blogger Hannoda said...

زمانك وصلت يا مركبي



حمد الله ع السلامة

قلقتني عليك.. ايه كم التوهان ده

ناسي الاجزة اللي فاتت 2007 ولا 2008
بس ده فعلا بيحصل لما بتطول قائمة الانتظار زي ما بتقول

أجازة سعيدة انشاء الله و يارب تعرف تنفذ الجدول على خير

فاكرالبوست بتاع محطة البنزين والبنت اللي كانت بتمسح الازاز أو بتبيع مناديل!!

ماعرفش ايه اللي فكرني بيه دلوقت

إحكيلنا عن افطار المدنين و النبي و إحكيلنا عن مصر باللي فيها

الأربعاء, سبتمبر 24, 2008

 
Blogger يا مراكبي said...

*******

وميض ابتسامة

ربنا يكرمك على العرض الكريم ده .. ألف شكر

ومتشكر جدا على الوصفة السهلة دي .. ياريت نشوف حضرتك هناك



************

حزيــــــــــــــــــن
وعليكم السلام ورحمة الله
مصور منورة بأهلها
أشكرك برضه على الوصفة وياريت أبقى أشوفك



*************
ـ-ـ- أحمد عبد العدل-ـ-ـ

شفت الزمن .. بقيت فعلا تايه في بلدي ... شفت التدهور اللي حصل لي؟

أشكرك جدا وخالص تحياتي ليك



************


esraa

عادي ممكن تعملي زي كل المصريين وتوصفيلي أي حاجة وخلاص .. دي خاصية مصرية خالصة

هههههه

منورة



*************


بثينــــــة

أمال إنتي مع مين يالظبط؟ هههههه

وبعدين خديها مني حكمة .. ما فيش ست يتعرف تسوق كويس في مصر
ولا الرجالة حتى

هههههههه



***********

الأربعاء, سبتمبر 24, 2008

 
Blogger يا مراكبي said...

******


سمر الشافعى

أهو القر ده هو اللي جايبنا لوراء .. ههههه

والقاهرة إستقبلتني إستقبال رائع يخليني ما جيش تاني بصراحة

هههههه

أشكرك وخالص تحياتي



************

عدى النهار

متشكر جدا جدا .. مسيري أجيلك تورونتو في يوم إن شاء الله



***********


صمت الأنين

هههههه

الشوارع هى اللى متعرفش تتعامل مع عربيتى أنا كمان .. ههههه

عندك حق .. قال عربية في مصر قال .. أنا شكلي إتجننت



**************

No Fear

وعليكم السلام ورحمة الله
مصر منورة بيك
حلوة حكاية صرة الدنانير دي ... ههههههه .. حأحاول أعمل كده



*************

الأربعاء, سبتمبر 24, 2008

 
Blogger يا مراكبي said...

********

قوس قزح

إحنا نتشرف بيكي إن شاء الله
الوصفة بتاعة الأوبرا دي تحفة .. تصدقي أنا إفتكرت الطريق ده أول ما قلتي عليه على طول .. صح كده .. أنا كنت زمان بأمشي والنادي الأهلي على شمالي وبعدين بأدخل شمال في يمين على الأوبرا اللي بتكون على يميني ساعتها
ألف شكر ليكي واشوفك على خير إن شاء الله



**********


بنت القمر

يعني إنتي من رأيك إني أنزل من البيت دلوقت لأني هأتوه من هنا ليوم الجمعة؟ هههههه

إحم .. أنا نسيت موضوع العدد التاني من كتاب المدونات وحكاية اليورو دي
ينفع بالجنيه الصومالي؟

هههههه



************


Hannoda

أيوة وصلت وبأوضب البيت مع الحاجة دلوقت .. هههه

أنا ناسي الأجاوة كانت إمتى لأني شغال 24 ساعة ومش فاكر أنا بآخد أجازة وألا لأ

البوست اللي بتحكي عليه هو: الحياة بدون كاتشاب
أنا بأفتكره دلوقت كل ما أنزل مصر وبرضه مش عارف ليه
لأ أنا عارف ليه بس مخبي

إن شاء الله هأحكيلكم عن كل حاجة .. عقبال أجازتك إن شاء الله

الأربعاء, سبتمبر 24, 2008

 
Blogger حسن ارابيسك said...

أولاً هاتنور مصر
وتنظيم الوقت عملية جميلة جداً وعمل برنامج يدل على عقلية منظمة ومرتبة
ثانياً كان لازم تاخد دورة في كل ماذكرته من أفعال فاضحة وتاخد رخصة بكده

بخصو البوست اللي فات
انت بنفسك قلت بيشتم في الحكومة مش في مصر تفرق كتير ياسيدي الفاضل

توصل بالسلامة
تحياتي
حسن أرابيسك

الخميس, سبتمبر 25, 2008

 
Blogger Beram ElMasry said...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف بها المسار

الخميس, سبتمبر 25, 2008

 
Blogger انا من اهوى ومن اهوى انا said...

النصيحة اللى اقدر اقولهالك ماتنزلش وتسوق فى القاهرة

اركب تاكسى معزز مكرم ولا سواقة ولا بهدلة ولا حرقة دم ، إنت يتقول نازل اجازة تروقك اعصابك تقوم انت تبوظها بالسواقة لا وإمتى فى موسم

لا وإية عندك أمل تركن كمان عند الاوبرا او ساقية الصاوى

مش ناقص كمان تقول انك عاوز تروح العتبة بالعربية هههههههههههه

إنت بتحلم يا بشمهندس

انا بجيبلك من الأخر

هههههههههههههههههه

تحياتى وتشرف مصر بألف سلامة

الخميس, سبتمبر 25, 2008

 
Blogger بيجاسوس المصرى said...

انا اقول ايه النور ده كله
نورت مصر يا باشمهندس

حدها نصيحه منى انا من بنى سويف كل شهر لما انزل القاهرة الاقى الاتجاهات اتغيرت

ارجوك احفظ دماغك من حفظ الاتجاهات و خليها على الله و طالما انك مفول تنك البنزين دوس و اوعى يهمك حد
فى بلدا ممكن تمشى عكس الاتجاه و تبقى عادى و لما ما تلبيسشى الحزام تبقى مصيبة و تدفع

الخميس, سبتمبر 25, 2008

 
Blogger jehan said...

امسك مرااااااااااكبىىىىىىىىىىىىىىىى

نازل على العيد بعيدا عن المواصلات لانى مش من القاهرة وبعيدا عن اى حاجة
انا بحجز عيديتى من دلوقتى وكيلو اللحمة بتاعى ..... لاية دة دى الحمة فى العيد الكبير مع علينا
وطبق الكحك والبسكوت بتاعى وبالمرة شوية هدايا من الاراضى المباركة

اه نسيت توصل بالسلامة يا مراكبى لاحسن تقول عليا طماعة ومش هاممنى غير الهدايا وبس

الخميس, سبتمبر 25, 2008

 
Blogger بنت مصريه said...

اديك نورت يا استاذ احمد انت والمدام واتشرفنا بحضورك كلنا
والحمد لله محصلش توهان ولا حاجه

ويارب يتكرر هذا التجمع الجميل مره تانيه
عشان نحس ان لسه مصر بخير ههههههههه

احييك واتمنى تنورنى ف مدونتى المتواضعه

السبت, سبتمبر 27, 2008

 
Blogger catroz said...

اركب تاكسىىىىىىىىىىى..

:D

السبت, سبتمبر 27, 2008

 
Blogger اسكندراني اوي said...

حمدا لله على السلامه واجازه سعيده وحتعيد في مصر وعيني عليك باااااارده
هههههههههههه
يا عمنا تاكسي العاصمه اريح وانظف واكرم حل حتسوق ايه وفين وازاي

تقبل الله منا ومنكم صالح الاعمال

السبت, سبتمبر 27, 2008

 
Blogger david santos said...

Hello, my friend.
Have a nice weekend.

الأحد, سبتمبر 28, 2008

 
Blogger أُكتب بالرصاص said...

يا ماراكبي

انت اخدت فتوى من احد الموثوق فيهم في المرور

انا سمعت ان السواقة في نهار رمضان

زيها زي السواقة في ليله

هذا والله اعلم


شوف يا سيدي
انت تاخد الدائري بتاع المنيب وتنزل عن اخره في كفر الجبل
وتركن هناك
وتاخد تاكس

الأحد, سبتمبر 28, 2008

 
Blogger يا مراكبي said...

حسن ارابيسك

مصر منورة بيك .. أنا قالولي إنك هتيجي الإفطار اللي في ساقية الصاوي وكان نفسي أشوفك قوي

ألف شكر عل تعليقك الموضوعي وأتمنى إنك تكون بخير



**************


Beram ElMasry

علم وجاري التنفيذ .. أهلا وسهلا



*************


انا من اهوى ومن اهوى انا

لأ .. تاكسي لأ .. أنا مستوي عالآخر من قلة أدبهم وسخافتهم

أنا هأروح مشي وخلاص

هي العتبة لسة موجودة ما إتحرقتش؟

ههههه

أشكرك جدا



*************

الأحد, سبتمبر 28, 2008

 
Blogger يا مراكبي said...

******

بيجاسوس المصرى

حلوة النصايح الجامدة دي .. هههه

يعني أفهم من كلامك إني أروح بني سويف أسهل؟

ههههه

ألف شكر



***********

jehan

إحم

أهو ده عيبه بقى .. عيدية ولحمة .. ناقص تقولي عاشورا كمان

ههههه

أجمل حاجة إنك مرحبة بيا جدا جدا .. عشان الهدايا بس .. هههه



**********

بنت مصريه

متشكر جدا .. إتشرفنا بيكي والوالد العزيز

كل عام وإنتم بخير وإن شاء الله يتكرر الموضوع مرات عديدة




************


catroz

مش التوك توك أحسن؟


هههه

الأحد, سبتمبر 28, 2008

 
Blogger يا مراكبي said...

********
اسكندراني اوي

الله يسلمك .. ما تحسدش قوي .. أنا أجازاتي نادرة جدا

ههههه

مين تامسي العاصفة ده؟ لسه موجود ده؟

تقبل الله منا ومنكم



***************

david santos

Thank you .. welcome back



**********

أُكتب بالرصاص

فتوى مين .. أنا المفتي .. ده أنا جاي من الأراضي الحجازية يعني من عند النبي .. هههههه

وبعدين حلوه قوي الوصفة دي .. ما تتوهش أبدا

إنت متأكد إني هألاقي تاكسي عند كفر الجبل دي؟

الأحد, سبتمبر 28, 2008

 
Blogger Beram ElMasry said...

اخى المراكبى
عدى مع مصر الى بر الامان يا مراكبى ، وبارك الله لك فى موهبتك فكتابة القصة القصيرة شاقة جدا ، ولاتتعجل ظهور مواهبك فكل شئ باوان ، والاه انت تايه ، لا اظن
شكرا على الزيارة والتعليق وبارك الله لك
ارجو ان لاتحرم مدونتى الزيارة والتعليق
عيد سعيد وكل سنة وانت والاهل بخير وسلامة

الاثنين, سبتمبر 29, 2008

 
Blogger Ahmed Essawy said...

ازيك يا مراكبي باشا
حبيت انوه بس ان الوجو بتاع مع ليلي مش بيننقل للتفاصيل زي ما هو موضح علي الصورة .

السبت, أكتوبر 18, 2008

 

إرسال تعليق

Links to this post:

إنشاء رابط

<< Home