زعلان على مصر


كالعادة .. أشعر دائما أن المعرفة نقمة وليست نعمة .. وكلما تعلمت شيئا جديدا كلما إزداد همي للأسف .. ففي هذه الأيام من كل عام وبحكم طبيعة عملي تنهمر على رأسي التقارير الإقتصادية من البنوك وهيئات التمويل ومجلات الأعمال .. كلها تحلل النتائج والإتجاهات الإقتصادية الإقليمية والعالمية عن العام السابق .. وتشرع في التنبؤ بما هو آت في العام المقبل أو الأعوام التي تليه
.
للعلم بالشيء .. فالعالم كله في النهاية معنى بالتطور الإقتصادي والتطور الإقتصادي فقط .. فالنمو السكاني المطرد لابد أن يستتبعه تطور مواز في الخدمات والمرافق والغذاء وفرص العمل .. وإلا أصبحت المجتمعات في أزمة خانقة ذات آثار جانبية خطيرة .. ولهذا تتغيرالحكومات في أغلب أنحاء العالم .. فمن ينجح يستمر .. ومن يفشل سيأتي من بعده من يحمل برنامجا إصلاحيا جديدا .. وتلك هي سنة الحياة
.
هل تاهت سنة الحياة عن مصر؟ سؤال يحتاج إلى إجابة بلا شك .. وقبل أن نشرع في الإجابة دعونا نتأمل إمارة دبي مرة أخرى .. تلك الإمارة التي طلبت من دائنيها عشية عيد الأضحى السابق أن تؤجل سداد بعض ديونها لمدة ستة أشهر قادمة .. وفور إعلان ذلك الخبر سارعت جميع الصحف والمجلات في أن تنعي دبي وتعلن وفاتها .. وكأن بين عشية وضحاها إنهارت العمارات الشاهقة بطريق الشيخ زايد وغرقت جزر النخيل وميناء جبل علي الصناعي العملاق .. وإحترقت المدن الصناعية العملاقة .. وسقطت طائرات طيران الإمارات ذات الأسطول الرهيب



صحيح أن الإمارة أفرطت في الإقتراض والتوسع في التمويل العقاري .. لكنها إستثمرت أيضا العديد من القروض في شركات عملاقة تدر وستظل تدر أرباحا رائعة .. فدبي تمتلك أكبر شركة في العالم لإدارة الموانئ العالمية .. ولديها أكبر مصهر لصناعة الألمونيوم في العالم تحت إسم دوبال .. ولديها طيران الإمارات ومطار دبي الذي يعد من أشهر مطارات الترانزيت في العالم وكذلك العديد من المشروعات السياحية المتنوعة التي يصعب حصرها .. هذا بخلاف أن دبي هي جزء من دولة الإمارات العربية المتحدة التي تقودها إمارة أبوظبي الغنية بالنفط .. والتي لن تسمح أبدا بأن تنهار دبي ومعها سمعة الإمارات كلها

.
الأهم من ذلك كله أن جميع المحللين الإقتصاديين يؤكدون أنه لا توجد مدينة أخرى في الشرق الأوسط كله قادرة على أن تلعب الدور الذي تقوم به دبي .. فهي المدينة الوحيدة المؤهلة لكي تكون المكان الأمثل لممارسة الأعمال بالنسبة للمستثمرين .. وهنا يطل علينا سؤال آخر: أين مدينة القاهرة إذا؟ سؤال آخر يحتاج إلى إجابة .. وقبل أن تكثر الأسئلة دعونا نرى إجابة السؤال الأول عن سنة الحياة والتغيير
.
ففي التاسع عشر من نوفمبر من العام الماضي أقال حاكم دبي الشيخ محمد بن راشد آل مكتوم كلا من محافظ مركز دبي المالي عمر بن سليمان .. وكذلك أهم ثلاثة أعضاء في مؤسسة دبي للإستثمار التي تدير حصص الحكومة في طيران الإمارات وبنك الإمارات وشركة إعمار ومصهر دوبال للألومنيوم وشركة موانئ دبي وجزر النخلة .. وهؤلاء الثلاثة هم محمد القرقاوي وسلطان بن سليم ومحمد العبار .. والجدير بالذكر أن كل هؤلاء المقالين هم من كان لهم دور أساسي في تحويل دبي من مركز تجاري إقليمي إلى مركز عالمي .. ولتفسير تلك الإقالة قالوا هناك: لكل زمن دولة ورجال

يقول لي أحد الخبثاء: لكن مصر قامت هي أيضا بعمل تغيير ورزاري منذ أيام .. ومع خالص إحترامي لهذا التغييرالذي حدث إلا أنني أحس بالحركة والديناميكية أكثر في تغييرات دبي برغم وطأة ديونها .. فهم يقيلون من هم أكفاء بالفعل ويعينون من هم أفضل منهم لقيادة المرحلة الجديدة وفق المتغيرات الجديدة .. وهو ما لا نطبقه في بلادنا للأسف
.
تقول التقارير الإقتصادية عن العام الماضي أن مصر لم تتأثر كثيرا بالأزمة الإقتصادية العالمية مثلما تأثرت بها دبي .. ليس ذلك بسبب تفوق الإقتصاد المصري بالطبع .. لكن السبب هو عدم إرتباط الإقتصاد المصري بآليات السوق العالمية بالشكل الكامل .. فمصر تعيش سوقا داخية مختلفة حيث يصنف نصف الإقتصاد المصري بأنه غير رسمي وغير مسجل .. هذا عن العام الماضي .. أما الأعوام التالية فتشير التقارير إلى إنخفاض حاد في الدخل للدولة المصرية بينما يوجد طلب متصاعد على الخدمات المختلفة .. وهذا الطلب لن يقابله موارد إقتصادية تجعل من الدولة قادرة على تمويل المشروعات المتعلقة بتلك الخدمات .. مما سيسبب حالة من تدني الخدمات في المستقبل القريب .. أما عن العام المقبل .. فالتقارير تشير أن الإستثمار سيكون حذرا للغاية إنتظارا لما ستسفر عنه التغييرات السياسية
.
أحس بالثقة في دبي بأنها ستستطيع وقريبا أن تسدد التسعين مليار دولار التي هي حجم مديونيتها .. وبأن إنهيار أسعار العقارات والإيجارات في دبي سيجعل منها مكانا ساحرا وجاذبا للأعمال أكثر من ذي قبل .. بينما أتألم وأنا أرى بلادي ذات يوم تصدرحكومتها قرارا بذبح الخنازير إتقاء لشر إنتشار المرض المسمى بإسمها .. لكن رغم ذلك تصبح مصر فجأة إحدى الدول التي توطن فيها المرض عن جدارة وإستحقاق .. وهو إن دل على شيء فإنما يدل على عدم التخطيط الجيد وهو ما يقلقني بشده .. تتوالى الكوارث على بلادي هذه الأيام ويصعب هنا حصرها .. ولا أثق في أن حسن شحاته مدرب الفريق الوطني لكرة القدم قد يستطيع أن يفعل شيئا في كأس الأمم الأفريقية القادمة ربما يكون من شأنه أن يخدر الملايين من هذا الشعب عما يحدث
.
يهمس أحدهم في أذني قائلا: أنصحك بأن تبقى فترة أطول خارج مصر .. فأسأل نفسي مجددا: مافيش رجوع يا مراكبي والا ايه؟

تعليقات

‏قال غير معرف…
كفيت ووفيت
لا مجال فى بلادنا للنجاح يامراكبي
وهذا هو سبب حنينى للعوده الى دبي
‏قال sal
مش عارف اقول ايه!!!؟
على رأى اسامه ...كفيت ووفيت
ربنا يستر
‏قال فاتيما
بلاش تلاكيك
انت شادد القلوع لأسباب كتير
لكن مش أولها حال البلد يا فندم
لست انت هذا النوع من الرجال


و كلامك منتهى المنطقية و الحسرة
كلنا ينتبانا هذا الشعور
و انا شخصياً لأنى عشت ف هذا لبلد اربع سنين عندى جنين و إنتماء خفى ليه من غير ما احس
لما بشوف حجة كويسة بتحصل هناك
بفرحلهم
و بحس إننا كعرب منظرنا مش كله زفت
و إن الخليج مش مجرد زكايب فلوس و بس
دى عالم علمت اولاده و طورتهم
و بتستغلهم عشان نهضة بلدها بجد
مش منظر و رفاهية و ترف و خلاص
زى باقى جيرانها محلك سر

نلف نلف و نرجع تانى
نتحسر على روحنا
و لينا ألف حق

دايما نبع الحكمة
يا أبو جنى
‏قال قوس قزح
بوست مؤلم فعلا
و رغم كل الكلام المنطقى اللى قولته
هتلاقى ناس كتير لسه عايشة فى وهم احنا افضل الشعوب على وجه الارض ..احنا الحضارة ..احنا اللى وقفنا الدول العربية على رجلها

طيب ليه بدام احنا شاطرين كده مش عارفين نقف على رجلنا ..لا و كمان جايين عمال بنجلاديش يعملوا لنا عكاز يمكن الصناعة تقوم به


انا من الناس اللى بتشارك فى المقولة بتاعت ..اوعى ترجع يا مراكبى :(
‏قال أم بتول
شد القلوع يامراكبى ، علشان الرجوع
طيب تفتكر لما كلنا نهرب منها مهما كانت اسبابنا و أحباطاتنا ، يبقى فين الأمل أنها تقوم من تانى ، الأمل فينا أننا نقدر نعمل حاجة ليها ، صحيح مشاكلنا بالجملة و الى جاى أصعب من الى فات ، و تخلفنا عن الركب بيزيد كل يوم عن الى قبله "" أوعى تقول لى طيب فين المل وسط كل ده "" لكن عندى أمل فى بكرة فى الى زيك يقدروا يعملوا حاجة ، يقدرو يكون ليهم دور جوه البلد يقدروا يشيلوا جزء من الهم عن قلب ولادها ، لأنهم بيحبوهات بجد و عاوزين يعملوا لها حاجة ، يمكن و قتها نقدر نرجع جزء من الماضى و بدل ما نقعد نقول أجدادنا أجدادنا لأ نقول أولادنا و أخواتنا قدروا هم كمان يعملوا حاجة و نستحق أننا نقول أننا أحفاد ناس عظماء قدموا كتير للدنيا كلها مش مصر وبس .
ترجع بالسلامة
أزال المؤلف هذا التعليق.
‏قال حنين
بوست جميل جدا يامراكبى
ومعبر عن حال عايشينه
مش عارفه اقولك ارجع
ولامافيش رجوع يامراكبى
ممكن ناس تقولك
شعارات حلوة اوى اصلى
احنا تخصص شعارات دى بلدك
واهلك وناسك ماتبعدش عن وطنك
بس افرض ان وطنك مش هيحقق لك
حياه كريمه لك ان وولادك
يبقى للاسف هناك احسن.
وان شاء المولى هيلا هيلا
راح نرسى فى مينا هيلا هيلا
ايامنا على الله هيلا هيلا
وقمر ليالينا هيلا هيلا
ويا مراكبى
شد القلوع يا مراكبى ..... مفيش رجوع يا مراكبى
وياليل من غير حبيب هيلا هيلا
وياليل قمرك عجيب هيلا هيلا
____________________
عمى يامركبى ياجميل
الامل موجود يامركبى موجود فينا فى شبابنا فى وحدة كلمتنا الامل يامركبى فى الناس الغلابه اللى فى لحظه بتبقى مجاديف للوطن بتزرع وبنقلع واتخطط وتبنى واتعمر ومن غير انتظار كلمة شكر
الامل فى اولاد البلد
تقدر تقولى احنا عملنا ايه لبلدنا ؟
خططنا لمستقبلنا بطريقه صح ؟
حفرنا بظوافرنا فى الصخر ؟
حاولنا ننجح فى بلدنا وفشلنا؟
طيب حاولنا تانى ؟
احنا اخترنا الطريق السهل الهروب يامركبى
ملعونه الغربه ياخوى
______________________
انا ابنك يا مصر دمى مياه نيلك
منين ما اكون نادينى وانا جيلك
شايل على كتافى عدتى وزادى
ف ايدى اليمين قرآنك والتانية انجيلك
___________________________________
خد الكلمات الجميله دى هديه بس والله ماانا عارف مين اللى كاتبها
مصر يامة يا سفينة
بصى على زهرة شبابك
ملطوعين على كل مينا
سايبة ليه ضناكى يمشى
اقفلي بيبانك علينا
لما أخويا ف بحر يغرق
يرفض انه يعيش معاكى
و انتى ساكتة و قافلة بؤك
كانه جاى على هواكى
ولا لجل كلاب ما يسوو بعتي أحلام عمر فينا؟؟؟
أحكى ع اللي دمرونا ؟؟
سرقونا و ضيعونا وجوعونا
دمرونا و يأسونا
ع القهاوى عودونا و قعدونا
ع النواصي وقفونا
شيبـــــــــــــــــــــــــــــونا
موتو أحلامنا فينا
سكتـــــــــــــــــــــــــــــونا
أيوة عرفو يسكتونا ..... بس بعد ما عذبونا
اديتيهم كل خيرك و احنا بننفض ايدينا
ليه يا أمي أخويا سابك؟؟
خيرنا ليهم و لا لينا ؟؟
تعرفي انى بحبك؟!!
حبي ليكى كله كره كله غل
حب أيوة بس صاحبه منه مل
نفسي يامة بس لو تشوفيلى حل
يا تراعينــا...... يا تسيبينا
يامة نفسي أموت ف أرضك
تحمى عرضي و أحمى عرضك
مش ف بحر واسع أغرق
و أرجع جثتي تملى سفينة
بكرة جاى ولا لأ ؟؟؟؟
خلاص مبقتش تفرق
بكرة أجبلك منى عيل لجل يغرق
إبكى يامة لجل دمعك يجرى يحرق
لحم ناس ربربوه من قوت أبونا
تحياتى يامركبى
‏قال خواطر شابة
تعرف ينطبق عليك قول الشاعر
ذو العقل يشقى في النعيم بعقله
وأخو الجهالة في الشقاوة ينعم

ربنا يصلح الاحوال
‏قال Unknown
معاك ومن زمان
فى أن المعرفة فى
كثير من الأحيان
تجلب (التعاسة)
وللأسف يافندم:(
‏قال Unknown
أمـا الرجوع
فهو معضلة
انت مخطط
لشىء
ولا تاركها
للظروف والأحوال؟
بس نصيحة لو أسرتك
الصغيرة(الزوجة والاولاد)
معك يبقى طول المدة الى أقصى ما تستطيع حتى يدخل أول أبن أو بنت
الجامعة حينها لابد من عودتكم .بالله
عليك يامراكبى لا تسمح بدخوله الجامعة
بمفرده هنا ابداًولا تسمح بعودة الاسرة
ايضا بدونك لدخول أبن فيها الجامعة.
آه .. ما أقسى الجدار . عندما ينهض فى وجه الشروق ربما ننفق كل العمر..كى ننقب ثغرة ! ليمر النور للأجيال.

أمل دنقل
‏قال غير معرف…
ما هو من اسرار التخلف اللي احنا فيه طرد العقول المفكره اللي زي حضرتك وغيرهم من العاملين في الخارج

طاقه مهدره تبني لكل العالم حضارته .... ولا تستطيع البناء لوطنها

تحياتي
مش عارف يا مراكبي
اجابه سؤالك في اخر البوست صعععععععبه اوي اوي اوي
‏قال Tamer Nabil Moussa
هذا هو الحال وهذة هى مصر


بندعى ربنا يتغير الحال ونشوف بلدنا افضل من كدة

مع خالص تحياتى
‏قال عدى النهار
لكن "برج دبي" تم تسميته ، قبل دقائق من إفتتاحه ، "برج خليفة" نسبة لحاكم أبو ظبي الذي أقرض دبي لسداد دفعة من ديونها. وهناك حديث عن أن أبو طبي تضع عينيها على "طيران الإمارات". ذلك هو الثمن المادي لكن هناك ثمن أكبر دفعته دبي وستظل تدفعه وهو التخلّي عن قيمها لصالح قيم من يأتيها من كل بلاد الدنيا

حقيقي أتساءل عن قيمة شهرة دبي ونجاحها المزعوم إذا كان الثمن هو ديون طائلة وإنسلاخ عن قيمها لصالح ذلك النجاح المزعوم!

حال مصر يجلب الحزن ولبس مجرد الزعل. ربنا يرزقنا بمن هو أهل لحكمها
‏قال sabry abo-omar
اذا كنت تتحدث عن لغة المال فلا تعود
‏قال رضا الكومى
أعتقد يا بشمهندس إذا بطلنا ننظر للـ 7 آلاف سنة الماضية ونظرنا للأمام ممكن كلامك ده يتغير
‏قال امل
مقال محزن ومفجع
مقال يدمى القلب على بلدناوارضنا وحضننااللى مالناش غيره
جايز انت بتعمل لنفسك وطن
لكن احننا مالناش غير هذه الارض
معجونين بطينها
وشاربين هواها
ولانملك الا ان نقول يارب
يارب الطف فيما جرت به المقادير
يارب من اجل اطفال رضع وشيوخ ركع
ارحم بلدنا ...ارحمناوارزقنا برجل صالح
امين يا رب
‏قال Unknown
:(
تسلم الأيادى
ولا تعليق
ترجع بالسلامة يامراكبى !!!
‏قال يا مراكبي
رد سريع خاص بالعزيز: عدى النهار

بالنسبة لبرج دبي

ذكرت في مقالي أن دبي استثمرت في نوعين من الإستثمارات .. منها ما هو يدر أرباحا منتظمة كالشركات الصناعية والطيران والسياحة والموانئ . ومنا ما لا يدر شيئا الآن وهي العقارات

وخروج دبي من أزمتها يتطلي شيئين .. أولهما أن تجدول فترة سداد ديونها حتى تستطيع الأنشطة التي تدر أرباحا أن تسدد تلك الديون .. وأن تتدخل إمارة أبوظبي لتسهيل عملية إنتشال دبي من أزمتها

أبوظبي لن تسمح بإنهيار دبي .. فهي لابد وأن تبرهن على قوتها في قيادة الدولة الإتحادية وأن تنشل أي إمارة من كبوتها .. وأيضا إنهيار أي جزء من دولة الإمارات هو سمعة سيئة للإمارات كلها وهو ما لا تسمح يه أبوظبي

وهنا لا عجب في أن يسمى برج دبي ببرج خليفة .. ولا تنس أن للشيخ زايد بن سلطان رحمه الله مكانة عظيمة في قلوب جميع شعب الإمارات .. وأولهم حاكم دبي .. وأن أهم شوارع دبي هو بإسم الشيخ زايد

أما موضوع القيم فهنا أنا أؤكد أن دبي لا تنافق ولا تكذب كالآخرين .. فهي إمارة منفتحة بوضوح دون رياء .. وهذا الإنفتاح ليس مصحوبا بمظاهر فساد منتشرة هنا وهناك إطلاقا . بل كل شيئ مقنن .. والقانون مطبق على أفضل ما يكون بإمارة دبي

أما باقي المدن العربية .. فالفساد فيها مستتر والكل ينكر وجوده رغم أن الجميع يلمسه
‏قال Cute Kitty **sookra
بلدنا موش هى الملامه ولا حكومتنا كمان
احنا الملامين لاننا تركنا كل شىء فى يدهم وتركناهم يأخذوننا من منحدر لاخر
تحياتى
‏قال ميرام
كلنا زعلانين على مصر ...
بس ليه ياترى مصر مابتزعلش علينا ؟؟!!

تحيــاتي
فعلا خليك برا مصر
عشان لو دخلتها هتفقد البريق اللي في كلماتك
والحماس والطموح وكل حاجه حلوه فيك

واسأل مجرب؟؟
‏قال ...
كلنا زعلانين
جداً
والحقائق بتخلينا نزعل أكتر سواء كانت عنا أو عن الغير
كنت أتمنى أقول لا مجال للمقارنة لكن الحقيقة واضحة كالشمس : أننا منهوبين نهب منظم منذ زمن ولو لم يكن الأمر كذلك لكنا في حال غير الحال
‏قال micheal
بغض النظر عن رأيي في موضوع البرج ده بس طبعا أتمنى الإستفادة من أي تجربة ناجحة تدفعنا للأمام
تحياتي
إزاي تقول الكلام دا يا ماراكبي بس ؟

دي مصر بتتقدم بينا ....

شوف بقالنا كام سنة عماليين نزق فيها ، ولا بتتقدم ,, الظاهر حد شادد فرامل اليد

وحتى لو قدرنا نفور الفرامل....الطريق مقفول علشان الموكب يعدي
يبقى لازم نفور الموكب كمان
نفسي اقولك ارجع يا قاضي
بس البلد ضاقت بأمثالك واصبحت مرتعاً للفساد
للاسف احنا عايشيين علي كنا كنا كنا
نفسنا نقول بنعمل او هنعمل
"فأسأل نفسي مجددا: مافيش رجوع يا مراكبي والا ايه؟"


يظهر كده :(
‏قال عين فى الجنة
النصيحة المخلصة فعلا خليك عندك طالما امورك ماشية كويس ليس فقط بسبب الازمة المالية التى طالت مصر بلا جدال وتمثلت فى انهيار البورصة وتقلص دخل القناة والعائد من تصدير الغاز ولكن بسبب الانهيار الاخلاقى والثقافى و انهيار التعليم والصحة وهلم جرا وما يخبئه العام الجديد من المزيد من الانهيار بسبب الحذر فى اتخاذ قرارات تصب فى صالح المجتمع بسبب الانتخابات التى على الابواب وما سوف تسفر عنه من مواجهات سياسية وامنية وبالتالى انعكاس هذا على الاقتصاد
لكن لست ادرى هل يمكن مقارنة دبى بسكانها الذين لا يتجاوزون المليون والنصف ( نسبة الوطنيين منهم 20% )والتى تأجل دفع ديون شركة دبى العالمية لمدة 6 شهور وليست ديون الحكومة هناك بحكومة مصر الرشيدة التى بلغ نصيب الدين الداخلى لكل فرد فيها اكثر من 9 الاف دولار واضرب فى ثمانين مليون يطلع 720 مليار دولار
تمنياتى لك لاسرتك والبنوتة الجديدة بالسعادة
أنا كمان حزينة جداً على مصر وأحوالها
ربنا معانا ويهونها علينا
وبالطبع أنا نفسى أقولك إرجع وتكون معانا على طول بس ما أعتقدش إنك هتقدر تتكيف مع الوضع الحالى فى مصر وتعيش مبسوط ومرتاح
سلامى للجميع عندك وقبلاتى للنونة جنى
خير يا بشمهندس ان شاء الله خير
دوام الحال من المحال ومسيرنا يوم ننفض التراب من علي رؤسنا
‏قال كلمات من نور
أزال المؤلف هذا التعليق.
‏قال كلمات من نور
لك حق تزعل ولينا حق كلنا نزعل بس أكيد مصر زعلانه قوي مننا كلنا..أما رب مصر وسائر الكون فماذا يفعل ونحن بهذا الهوان؟

تحياتي من داخل مصر و أنا أقرأ جريدة الأهرام : معلش بحب اقرا الاخبار بايته .قريت خبر واجع قلبي قوي : شاب اسمه محمد عبد الوهاب طيار اد الدنيا راح أمريكا يتمرن ويزداد علما وهو راجع رايح على بيت أمه شايله حنينه وماشي وقفته دورية بتاعة بوليس وهوب انت محمد عبد الوهاب مهرب المخدرات .يا ناس لا ..حكمت المحكمة حضوريا ...ودخل محمد السجن وعاش وسط مجرمين انتهكوه بكل الوسائل أغربهم العض ..كما أشارت أخته ..وماتت أمه كمدا على ولدها حينما رأته وراء القضبان منكسرا ...ومضت الأيام و ثبت لهم أنه مش محمد عبد الوهاب مهرب المخدرات لا يا جماعه داه محمد الطيار بس دي تشابه أسماء.....داه ولا قصص اخل الوفي والمستحيلات الأربعه يا ناس..يا قهرتي يا قهرتي ووجعي بجد ...أخد أبنائي و أروح فين؟بعدما كنت أقول إلا مصر أسيب مصر لمين ..............اللهم لا اعتراض

http://www.masrawy.com/News/Egypt/Politics/2010/january/11/egyptian_pilot.aspx
‏قال Dr. Ibrahim
ربنا يصلح الحال..
‏قال اقصوصه
دوام الحال من المحال

ولولا الامل,,لاصبحت الحياه مستحيله:)
‏قال mohamed ghalia
واحنا كمان زعلانين على الحال الى وصلناله
‏قال max.adams
للمراكبي زمان يدور في البحار ولابد له من يوم على شط بلده يحط الرحال
قصدي المرساه

ربنا معانا

سلمت و غنمت
‏قال -_-
بغض النظر عن كون دبي جزءا من الامارات , هي جزء من مجلس التعاون الخليجي الذي لا يرضى بانهيار دبي
‏قال History Of Me!!!
مافيش رجوع يا مراكبي؟
ارجع لما يعتبروك من بافي البشر
فهل يعتبر الشعب المصري من باقي البشر بنظر ..........؟؟؟؟؟
‏قال osama44 اسامه 44
بجد اشكرك يا مراكبى من عميق قلبى اشكرك
يعجز اللسان عن الكلام
انا كمان زعلانة اوى يا مراكبي:(
‏قال hana
للأسف يا بشمهندس مافيش تغيير ولا حتى
في أمل أنه يبئا

كأن نفسي تبئا إجابة سؤالكـ
اللي باعتد أنه مش سؤال على أد ماهو
حزن عالأوضاااع

بالرجوع لكن إذا ترجع
واللي فيها عاوزين يسبوها ويمشوا
‏قال غير معرف…
السلام عليكم
الزعل أول خطوات التحرك و التغيير.
(بس بعض الخبثاء قالوا فيه تحرك جاد و هو تغيير وزراري و كام محافظ)
ونعم التغيير.
أنا من يومين كنت زعلانة فقلت لصاحبتي ما فيش مجال لأي إصلاح او تغيير
اول ما اخلص الامتحانات هاهج من البلد
التغير صعب
و الزعل منتشر بس السلبية و الاهمال متأصلين.
هنغير الناس و لا نعيد تربيتهم من جديد؟
‏قال غير معرف…
أخبار الكتكوتة الجديدة إيه؟
‏قال غير معرف…
أخبار الكتكوتة الجديدة إيه؟
‏قال Hannoda
بشكل شخصي جدددا ارتحت للكلمتين الأخيرتين .. ولا ايه؟
فانا أضع تجربتك أمام عيني دوما يا باشمهندس

أعتقد كل الازمات اللي اتكلمت عنها و اللي حاتواجه مصر السنين اللي جاية ممكن أوي نلاقي كل الناس على استعداد تاااام لتحملها و تحمل كل انعكاساتها داخل بيوتم و تحمل تأزمات إضافية لقدرتهم على مرور اليوم ثم الاسبوع ثم الشهر في حال واحد
ان وجدت قائد يكسب ثقة بالغة و على درجة كبيرة جدا من الصدق و الوعي والاخلاص للبلد يبدأ بتغيير الحكومة لحكومة تحمل نفس الصفات

أحلام مش كده؟؟
أنا كمان زعلانة على مصر قوي
بس والنبي .. خلينا على "ولا ايه"
‏قال max.adams
كنت عايز أضيف تعليق قاله الرئيس القذافي

حين سأله أحدهم من هي أغنى دولة في المنطقة العربية فأجاب مصر
وعلل الإجابه قائلاً

دي بلد بتتنهب بقالها سبة ألآف سنة و لسه عالخريطة ...

لا تعليق

المشاركات الشائعة من هذه المدونة

في الذكرى السنوية العاشرة

عايز أرقص تانجو

عيناها وشفتاها