في الذكرى السنوية العاشرة
في الذكرى السنوية العاشرة لجوازي .. بأقعد أفكر في حاجات كتير قوي .. ياترى لو رجع بيا الزمن عشر سنين لورا وما كنتش إتجوزت .. مش كان زماني دلوقت بأصحى الصبح متأخر شوية بدل الميعاد السخيف اللي بأضطر أنزل فيه مع الأولاد الصبح علشان باص المدرسة اللي بييجي الساعة ستة ده؟ مش كان زماني بأروح البيت بعد الشغل وأنتخ وأنام بدل ما أقعد أذاكر للأولاد ساعتين بسرعة علشان هيناموا بدري؟ مش كان زماني ما بأروحش السوق كل إسبوع مرتين علشان أشتري طلبات البيت اللي ما بتخلصش؟ أو أفضل كل صيف وكل شتا وكل عيد ألف المحلات كعب داير على شراء ملابس الأولاد وأحتار في المقاسات والألوان والأذواق .. والأسعار؟ . مش كان زماني أقدر أنزل عالقهوة وأقعد مع أصحابي في أي وقت وفي أي يوم زي ما أنا عايز من غير ما أقعد أمهد إسبوع للخروجة دي؟ مش كان زماني أقدر أفتح قناة ميلودي براحتي وأبوس الواوا وأتفرج على الباشمهندسة نانسي عجرم و الباشمهندسة روبي والباشمهندسة كارول سماحة من غير ما أكون خايف من أي قصف جوي بالحلل والأطباق؟ مش كان زماني بأخش البيت وما ألاقيش الأولاد بيقولولي إتأخرت ليه وكنت فين .. والحاجة أمهم ساكتة ولا كأنها مسلطاهم
تعليقات
اللهم لك نصرك الذى وعدتنا
الف مليون مبروك يامصري
مبروك يامصر ياحبيبتى مبرووووووووك
احساس الحرية فعلا راقى اووووى و جميييييييل اوى اوى اوى
تحيا مصر تحيا مصر
المجد للشهداء
الفخر لكل مصري
يا بلادي عيشي حرة
و اسلمي رغم الاعادي
.....................
فوز ساحق و ليس تعادل بطعم الفوز
تحياتي الغاليه
مصر استردت حريتها وان شاء الله هتسترد مكانتها بين العرب ووبكرة أحسن ان شاء الله
مبروك
الحمدلله:)
مبروك رحيل الطاغية
يارب الجاي اجمل يارب
شكلها ايه
وفاكر البوست الاخير بتاع حضرتك؟
شوفت الارادة فى الفوز بالضربة القاضية
الاية اللى حضرتك مصدر بيها البوست يبدو ان حضرتك فاهمها غلط
اللى انا فاهمه
ربنا يعز من شاء ان يكون عزيزا
ارادة الانسان تأتى اولا تم يأتى توفيق السماء
حتآ يغيروا ما بأنفسهم
انا اسف
كنت زعلان منك وكان لازم اقول الكلمتين اللى فاتوا
بس النهاردة سمااااااااح
انت حبيبى برضو
تحياتى
وتحيه لكل اللي وقفوا في الشوارع والميادين
تحيه للشهداء اللي ضحوا بحياتهم وهتفضلوا معانا على طول
يارب الخير لبلادنا
مبروووووووووك
مبروووووووووك
والله وعملوها الرجاله
ورفعوا راس مصر بلدنا
اللهم اجبر كسرنا و ارزقنا بمن هوا حريص على شئون بلادنا
ليون مبروك للعرب
الحمجد لله رجعنا تاني مصريين و ةنفتخر
اللهم ولي من يصلح و لا تفرق شملنا
امين
انت وحدك اسقط مبارك
تحياتي
موديل