شد القلوع يا مراكبي ... مافيش رجوع يا مراكبي

السبت، أغسطس 26، 2006

شد القلوع يامراكبي

بدأت الطائرة في التحرك ولا تزال الهموم تطبق علي أنفاسه، ولم يهدأ إلا وقد أقلعت الطائرة و تركت الأرض بالفعل. حينها تنفس الصعداء وكأنه قد تم حل جميع مشاكله: الديون، الزوجة الحامل في طفليهما الثالث، التضييق في العمل والأهم من ذلك كله السلوك المتدهور لكل من حوله ممن يعرفهم و ممن لا يعرفهم ... كان ذلك منذ عامين ونصف ولا تزال تلك اللحظة عالقة في ذاكرته لا تفارقه أبدا فهو إلي الآن لم ينسي بعد لماذا إضطر إلي الرحيل ولم يعرف بعد متي سيعود؟

التسميات:

14 Comments:

Blogger الأباصيرى said...

يعنى مفيش رجوع يامراكبى

الأحد, أبريل 08, 2007

 
Blogger يا مراكبي said...

يااااه

إنت إيه اللي فكرك بالبوست ده؟ قلبت عليا المواجع

مش قادر أجاوب على سؤالك .. حقيقي ماعنديش إجابة

الأحد, أبريل 08, 2007

 
Blogger الأباصيرى said...

نوح راح لحاله والطوفان استمر..
مركبنا تايهة لسه مش لاقية بر..
آه م الطوفان وآهين يا بر الأمان..
إزاي تبان والدنيا غرقانة شر..
وعجبي

صلاح جاهين

معلش... بكرة تروق وتحلى

الاثنين, أبريل 09, 2007

 
Blogger يا مراكبي said...

الله عليك .. وخد دي كمان

إقلع غماك يا تور وبطل تلف

إكسر تروس الساقية وإشتم وتف

قال .. بش لفة كمان .. ولفة كمان

يا أوصل نهاية السكة .. يا البير تجف

وعجبي

أشكرك بشدة

السبت, أبريل 14, 2007

 
Blogger الأباصيرى said...

مش قولتلك

الغربة بحر ملوش شط
ومادام أتغربت مرة. هتلاقى نفسك بتتغرب كل يوم

بتتغرب عن أهلك وأصحابك وحبايبك والاماكن اللى أتعودت عليها
حتلاقى نفسك متغرب حتى عن نفسك وعاداتك

انا ساعات مبعرفش نفسى
وبلاقى أنى شخص غريب معرفهوش

فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين يا جدع
قال من بعيد و لسه رايح بعيد
عجبي !!

السبت, يوليو 21, 2007

 
Blogger يا مراكبي said...

أنا مش عارف أشكرك إزاي إنك جيت تاني وفكرتني بالبوست ده

أنا فعلا ما بقيتش عارف أنا جاي منين ورايح لفين .. مش قادر أحدد أي حاجة غير إني طاير على طول

وبجد بجد زي ما قلت ما بقيتش عارف نفسي كويس .. كأني غريب عنها

إن شاء الله ينصلح الحال ليك وليا

الاثنين, يوليو 23, 2007

 
Blogger Hannoda said...

أنا ايه اللي جابني هنا انهاردة و دلوقت بالذات

منكوا لله

الإختيارات الإضطرارية صادمة يا مراكبي فعلا

ولكن زيما بتقول دايما

لكل اختيار ثمن

الخميس, أكتوبر 25, 2007

 
Blogger يا مراكبي said...

Hannoda

أيوة بصحيح .. إيه اللي جابك هنا دلوقتي؟ بتقلبي عليكي وعليا المواجع ليه بس؟

إزاي جات لك الفكرة إنك ترجعي لورا قوي كده؟

ده شرف ليا طبعا وتقدير كبير منك .. حقيقي اشكرك

الخميس, أكتوبر 25, 2007

 
Blogger Hannoda said...

حبيت آخد جولة عند المتغربين

و أشوف .. اذا كنت أنا لوحدي اللي قلبي متقطع عليها ولا لأ

لقيت لأ

بالعكس
أنا اللي كسبت من الجولة و انت اللي تستحق الشكر
تحياتي

الأحد, أكتوبر 28, 2007

 
Blogger يقول أنى امرأة said...

انا من متابعينك الجيدين جدا و لكنى لا اعلق عادة

شدانى جداا صورة المركب و الشراع و دايما بحب لما اكون بتابع بلوج اقراءة من الاول و دى مش اول مرة اقراء مواضيعك القديمة بس النهردة حسيت انى عايزة اقراء الموضوع دة بالذات و اكتبلك
بجد احسنت جدا

الخميس, فبراير 28, 2008

 
Blogger يا مراكبي said...

يقول أني إمرأة

أولا أنا بأتشرف برجوعك لأول بوست .. ده تقدير جامد جدا

ثانيا .. للأسف البوست ده مش عمل أدبي ولا فني .. ده حقيقة .. ووراه حكاية طويلة لسه ما حكيتهاش

أشكرك جدا

الجمعة, فبراير 29, 2008

 
Blogger سبهللة said...

اصعب لحظة بتمر عليا فى مطار القاهرة وانا مغادرة البلد وحبايبى بيودعونى بدموعهم
واحلى لحظة وانا فى مطار القاهرة وانا راجعة ونفس اللى ودعونى بدموعهم بيستقبلونى بدموعهم برضه
بس المرة دى دموع الفرحة
الله لا يسامح اللى كان السبب فى غربتنا كلنا
انا وانت وغيرنا ملايين من خيرة شباب البلد دى

الثلاثاء, ديسمبر 01, 2009

 
Blogger يا مراكبي said...

سبهللة

أنا بقى بعد ثاني سنة بطلت أخلي حد يودعني أو يستقبلني .. وأخلي دموعي جوايا وبس

ربنا يجازي اللي كان السبب وخصوصا إن بجد الواحد ماكانش عايز يمشي من البلد .. بس إضطرونا لكده .. ودي قصة تانية طويلة

الثلاثاء, ديسمبر 01, 2009

 
Anonymous غير معرف said...

علي فكرة اسلوبك سخيف ودمك تقيل والمشكلة إحساسك بانك الواد الخفيف مخلي كلامك من أسخف مايمكن
لم اجد معني لما تكتب .. ولم اشعر باي احاسيس واضحة
مشكلة المدونات انها فتحت باب لأمثالك من المدعيين ان يخرجوا علي الناس بأفكار لا معني ولا قيمة لها
ركز في شئ اخر غير هذة السخافات وربنا يمكن يوفقك
 

الأربعاء, مارس 24, 2010

 

إرسال تعليق

Links to this post:

إنشاء رابط

<< Home