شد القلوع يا مراكبي ... مافيش رجوع يا مراكبي

الأحد، سبتمبر ٣٠، ٢٠٠٧

وراء كل رجل عظيم إمرأة

وراء كل رجل عظيم إمرأة .. لطالما سمع تلك الجملة الساحرة عبر قراءاته وسمعه ومقابلاته .. يعلم أنها جملة ذات معنى واحد لدي الجميع .. أن تكون هناك إمرأة ما تساعده وتعضده وتخفف من ضغوطه لكي تدفعه دفعا إلى النجاح تلو الآخر .. لكن ما يدركه هو وحده دون الآخرين .. أنه قد يوجد أيضا وراء كل رجل عظيم إمرأة .. يريد أن ينساها
.
لازلت أذكره منذ سنوات بعيده وهو يتجرع البيرة كأسا وراء الأخرى بينما يقبض بيده الأخرى على الأرجيلة بقبضة من حديد .. ينفث همومه مع كل شهيق وزفير عبر دخانها المتأجج .. صورت له الأفلام والمسلسلات أن ذلك قد يؤدي به ذات يوم إلى أن ينساها .. لكن دون جدوى .. لم يكن ذلك سوى وهما كما كان نسيانها وهما آخر
.
لم يمكث هكذا طويلا .. كانت نقطة فارقة في حياته يوم أن إستبدل البيرة والأرجيلة بشيء آخر أهم .. إستغرق في عمله حتى ملأ عليه نهاره وليله .. كان يعمل بجد وعزيمة كي ينساها .. وكلما ألحت عليه صورتها في أي شيء أو تذكرت أذناه صوتها الملائكي الساحر .. كلما إستغرق في عمله أكثر وأكثر .. كان عمله بالنسبة له كالخمور والمخدرات تماما
.
يعلم أن الجميع يتحدثون عنه وعن نجاحاته طوال الوقت .. يستمتع كل من حوله وكل من يعمل معه بنجاحاته التي يستفيدون منها بطريق أو بآخر .. يظنون فيه أنه من أسعد الناس بل ويحسدونه كثيرا كثيرا .. تتكرر على مسامعه أحيانا تلك الجملة الساحرة .. يسمعهم يقولون لزوجته: وراء كل رجل عظيم إمرأة .. تبتسم في خجل أنثوي جميل .. ويبتسم هو إبتسامة رقيقة تدل على الرضا والموافقة والإمتننان .. بينما يبكي قلبه في صمت
.
عبثا يحاول أن ينساها

التسميات:

112 Comments:

Blogger اسكندراني اوي said...

صدقت يا مراكبي
احيانا الانثى بتكون دافع بحنانها وجمالها ومراعتها لرجلها

واحيانا بتدفع الرجل لنسيانها باي شكل
اما بالخروج عن المئلوف واللجوء الى ما يغضب الله ويدمر الرجل

او تكون دافعا له لاعلى فيرتقي السلم بسرعه هربه من شبحها

تسلم ايدك يا مرااااكبي

الأحد, سبتمبر ٣٠, ٢٠٠٧

 
Anonymous غير معرف said...

PAIN is the source of creativity,,,and forgetting is just a mirage!

الأحد, سبتمبر ٣٠, ٢٠٠٧

 
Blogger أميرة ويلز said...

ايه ياعم الكلام الجامد دة

افكارك جامدة جدا يامراكبى ودايما عندك فكرة بتوصلها باسلوب سلس ورقيق
بيسيب احساس جميل جوة الواحد كدة بحس انى عملت دماغ من الاخر وانا بقرالك

خالص تحياتى

الأحد, سبتمبر ٣٠, ٢٠٠٧

 
Blogger Ehab said...

فكره صحيحه الي حد كبير جدا جدا
اظن ان الالم هو اللي بيدفع الانسان انه يشتغل و ينجح عشان ينسي
انما لو كان سعيد ... حقيقي مش عارف ممكن يكون ايه اسلوبه في الشغل
تسلم دماغك

الأحد, سبتمبر ٣٠, ٢٠٠٧

 
Blogger mesh2dra said...

السلام عليكم

كويس انه استبدل الأرجيلة والبيرة بالعمل
وكويس انه فهم ان هو ده اللي المفروض يحصل

بس مش كويس انه مانسيهاش
كل حاجة في الدنيا بتتنسى
مش حيقدر ينسى واحدة

بوست
عجبني

سلاماتي

الأحد, سبتمبر ٣٠, ٢٠٠٧

 
Blogger عدى النهار said...

الصورة غالباً خداعة وإن إختلفت الأسباب

لكن تعرف.. صاحبك لم يتعلم الدرس لأنه إختصر حياته فى عمله زى ما إختصرها قبل ذلك فى من أحب

الأحد, سبتمبر ٣٠, ٢٠٠٧

 
Blogger لماضة said...

تسلم اناملك يا مراكبى والله اللى خطت البوست الجامد ده
فعلا عندك حق
اصل الستات دول زى البطيخه
بس فى حد يقدر ينسى ست دخلت حياته
متهيالى صعب
ربنا يهدى بنات المسلمين كلهم يارب احسن الستات والبنات اتهبلوا اليومين دول هههههه

الاثنين, أكتوبر ٠١, ٢٠٠٧

 
Blogger Esmat said...

الكلام رائع تماسك قبل الانهيار ونجاح ولقاء بأخرى و زواج ولكن مازال القلب جريح
اكيد حبه لم يكن حب عاديا
ولذلك اعذره
فهناك مايمسنا ويعلم فينا
ويصبح بمرور الايام
جزء من تكوينا
لا نستطيع بتره
كان الله مع بطل قصتك
وتحياتى على كلماتك الرائعة

الاثنين, أكتوبر ٠١, ٢٠٠٧

 
Blogger ابن عمر said...

جزاكم الله خيرا على المرور
وعلى البوست الجميل

.....
يا سلام
تسلم أيدك
الناس يرون الظاهر
ويحكمون عليه
أما إنه لا يعرف الألم
إلا من تذوقه
كما أنه
فعلا
هناك من النساء
من هن بألف رجل
إذا أردت أن تعرف منهم
واحدة
انظر إلى أم نضال(

)خنساء فلسطين

الاثنين, أكتوبر ٠١, ٢٠٠٧

 
Blogger آلام وآمال said...

تسلم ايدك بجد
قصة قصيرة بس مضمونها كبير وحلو

كل سنة وانت طيب

الاثنين, أكتوبر ٠١, ٢٠٠٧

 
Blogger julieeet said...

قصه حلوه اوي
كلماتها بجد روعه

ياريت تزورني
يهمني اعرف رايك

سلامااااااااتي

الاثنين, أكتوبر ٠١, ٢٠٠٧

 
Blogger sayed saad said...

السلام عليكم ورحمة الله وبركاتة

وراء كل رجل عظيم امراء يريد أن ينساها عبارة عميقة جدا تقبع في قاع قلوب رجال كثيرين صدقت عندما اظهرت صورتي اليأس والعزيمة وكيف يمكن أن نحول الضعف قوةلكن الخوف كل الخوف ان تكون هذة القوة مؤقتة أو يتحول الشخص في نهاية الامر الي تزيف لواقعة يرضى الناس والمجتمع من حول وهو اطلال من داخلة فماذا يبقي اذن
تحياتي لمدونتك الجميلة ولأسلوبك واوعدك انها مش هتكون آخر مرةازورك يا مراكبي

الاثنين, أكتوبر ٠١, ٢٠٠٧

 
Blogger Mohndis المهندس السري said...

قصة حلوة كتير يا مراكبي، ميرسي أوي، و رمضان كريم

الاثنين, أكتوبر ٠١, ٢٠٠٧

 
Blogger فى القلب said...

لله يا مركبى
ما اروع حبه
نادر
لم ينساها
ما اجمله من رجل رقيق مرهف
عارف يا مركبى هذا النوع من الحب لم يعد موجود الأن

الاثنين, أكتوبر ٠١, ٢٠٠٧

 
Blogger MOSLIM said...

ايوة فعلا اكترية اللى نجحو وراهم امراة
عندك حق
بس برضه فى رجالة كتير فشلو بسبب مراتتهم

الاثنين, أكتوبر ٠١, ٢٠٠٧

 
Blogger القلم السكندري said...

صدق الشاعر

فما في الأرض أشقي من محب

ولو وجد الهوي حلو المذاق



ربنا يكون في عونه

وعاد الباش مهندس الي سيرته الأولي في الكتابة

حيث الألم والحزن والوجد

ولكنه الواقع

تحياتي ياباش مهندس

الاثنين, أكتوبر ٠١, ٢٠٠٧

 
Blogger Xee said...

عزيزي فيلسوف الباشمهندسين
:)

كل سنة و انت طيب الأول

بعد جميل و عمق رائع لمناقشة دور المرأة في نجاحات أي رجل، و في نقاش لي و صديقة عزيزة أثبتت لي و بالبراهين أن المرأة نصف المجتمع و محور النصف الاخر

صدقت هي و صدقت انت

و لن ينساها صديقي، لن ينساها
:)

تحياتي
زي

الاثنين, أكتوبر ٠١, ٢٠٠٧

 
Blogger ღღ فــوضــى الــحــواس ღღ said...

قصة اكثر من رائعة .. ما شاء الله .. اوقات الألم اما بيكون دافع للفشل او اعظم دافع للنجاح

عجباً من كان سبب ألمنا يترك أثر بالغ ..و من يسعدنا يكون من الصعب رؤية أثره .. مفارقة عجيبة و ربما ظالمة
تحياتى

الاثنين, أكتوبر ٠١, ٢٠٠٧

 
Blogger Rania said...

و الله عندك حق
تحدى الذات
الحاجة الوحيدة الى بتخلى البنى ادم ينجح
تسلم يا مراكبى
بس وراء كل رجل عظيم
امراه اعظم منه
مش كدة و لا ايييييييييه؟
تحياتى

الثلاثاء, أكتوبر ٠٢, ٢٠٠٧

 
Blogger loumi said...

تخيل
في الحالتين هو عايز ينساها
فى المرحله الاولى إتجه للإنتقام من نفسه ومن صحته بشرب الارجيله والبيره وربما اكثر من ذلك
ثم انصرف عن ذلك وانشغل بعمله
وذلك حقق له نجاحاً كبيراً
في الحالتين محاوله للنسيان
بس
حاله هدامه
وحالة بناءه
وفي الحالتين
أخفق أن ينساها
انهزم امامها من داخله

تحياتي

الثلاثاء, أكتوبر ٠٢, ٢٠٠٧

 
Blogger أحمد سلامــه said...

وراء كل شقاء امراة
ووراء كل امرأة شقاء

سلسلة لا تنتهي ابدا يا مراكبي
فعلا الحياة معقدة اكثر مما يحتمل

بوست كئيب وحزين وقصير وحلو طبعا

الثلاثاء, أكتوبر ٠٢, ٢٠٠٧

 
Blogger Amr Ahmed said...

كالعادة رائع يا باشمهندس


بس كويس انه اتخذ طريق الصح

مكملش الطريق الغلط

تحياتي

الثلاثاء, أكتوبر ٠٢, ٢٠٠٧

 
Blogger koukawy said...

طب ينساها ليه و هي كانت وراه لحد ما بقي عظيم
بس بيني و بينك بحس ان الجمله دي مش علي كيف الرجاله

الثلاثاء, أكتوبر ٠٢, ٢٠٠٧

 
Blogger صاحب البوابــة said...

خبر عــــاجل

ألف ألف مبروك

تم فجر يوم الثلاثاء 2 أكتوبر 2007 م الافراج عن شيخ المجاهدين أبو الفتوح شوشة 86 عاماً

ومما هو جدير بالذكر أن الإفراج لم يتم إلا بعد تدهور حالة الشيخ الصحية تدهوراً خطيراً

بعد إصابته بجلطة قلبية مفاجئة وهو قيد الإعتقال في محبسه

جعله الله في ميزان حسناتك يا شيخي العزيز

------------

جاري التحديث

الثلاثاء, أكتوبر ٠٢, ٢٠٠٧

 
Blogger البرديــــــة said...

الشخصية دى مركبة , والحقيقة انها متواجدة فى أكثر بيوت مصر , وأنت تعلم بالطبع سبب ظهور شخصيات مثلها فى مجتمعنا.

لكن عايز اقول حاجة مهمة
الحياة لا تقف عند إمرأة أو حتى رجل .
لو كان الحب ده حقيقى يعنى حب فى الله , فأولى له أن ينساها , فلم تعد ملكه , وايضا عنده أخرى هى أولى بذلك الحب .

انت راجل سكر يا مراكبي

الثلاثاء, أكتوبر ٠٢, ٢٠٠٧

 
Blogger Hannoda said...

لما اتحولت من حد بيعتقد في الحب بقوة و يعتقد في قدرته و صموده الجبار

الى حد مؤمن جدا بأنه أكثر المعاني في الحيا هشاشة و ضعف


لما لقيت التحول ده فاعتقادي افتكرت ده تحول طبيعي بييجي مع السن و النضج و العقل

و كان طبيعي أتأكد ان كل من هم في سنّي و أكبر أكيد عندهم نفس اعتقادي بحكم النضج و التجربة و الخبرة

لكن بدات أحس اني التحول ماكنش بسبب تغير العمر و النضوح الموصّل للحقيقة

وبدأت أحس ان إعتقادي مش حقيقة

و انا مابحبش أعتقد في الأكاذيب

لكني اعتقاد اترسّخ جواي قوي

و اللي مخليني ارغي كل ده ان قصتك حسستني انها بتعاندني قوي

و أنات حاعمل نفسي ما فهمتش منها حاجة و مش واخدة بالي منها


تحياتي للمراكبي الكبييير
:)

الثلاثاء, أكتوبر ٠٢, ٢٠٠٧

 
Blogger Blank-Socrate said...

كل سنه و انت طيب

الأربعاء, أكتوبر ٠٣, ٢٠٠٧

 
Blogger شــــمـس الديـن said...

قصة رائعة فعلا

و لا ادري مش قرائتي للردود لماذا يظن الكثيرين ان الحب لشخص يتعارض مع حب الله

هناك اشخاص اذا قابلهم الانسان لا ينساهم ما حيي من عمر و ليس هذا عيبا ً فلقد قال الرسول في حديث ما معناه ان القلوب بين اصابع من اصابع الرحمن يقلبها حيث يشاء

قد يستمر الانسان في حياتة لانها هي المقدرة له ... و لكن هذ ا الامر ليس بالامر الهين علي مين يقع فيه ...

خالص تحياتي لقلمك المبدع الذي صور معاني انسانية نراها كثيرا حولنا و لكن نجسيدها بهذه البساطة و السلاسة

الأربعاء, أكتوبر ٠٣, ٢٠٠٧

 
Anonymous غير معرف said...

الانسان دايما بيحتاج للى يدفعه للامام

الأربعاء, أكتوبر ٠٣, ٢٠٠٧

 
Anonymous غير معرف said...

رمضان كريم يا حاج أحمد

بلاش اللون ده أنت عندك عيال

بس بجد بجد دي تجربة مش خيال كاتب أبداً

أحمد عبد العزيز

الأربعاء, أكتوبر ٠٣, ٢٠٠٧

 
Blogger عصفور بلا أجنحة said...

كلام جميل موت
وعندك حق و انا اتفق معك طبعا ان ولاء كل رجل عظيم امراءة أعظم
العظمة للة طبعا

الأربعاء, أكتوبر ٠٣, ٢٠٠٧

 
Blogger يا مراكبي said...

إسكندراني قوي

أشكرك بشدة على التعليق الجميل ده .. دايما شهادتك ليا بأعتز بيها جدا

كل الحالات اللي قلت عليها فعلا حقيقية .. إضافة للبوست بجد

الخميس, أكتوبر ٠٤, ٢٠٠٧

 
Blogger يا مراكبي said...

Epitaph

تعليقك ده المفروض كنت أختم بيه البوست كحكمة اليوم: الألم هو مصدر الإبداع والإبتكار .. أما النسيان فما هو إلا سراب

أبدعتي

الخميس, أكتوبر ٠٤, ٢٠٠٧

 
Blogger يا مراكبي said...

أميرة ويلز

ربنا يخليكي .. كل اللي قولتيه ده عني أنا بجد؟ ربنا يجبر بخاطرك

يعني أنا وفرت عليكي تمن البانجو لما عملتي دماغ؟ بالنص بقى .. ماشي

الخميس, أكتوبر ٠٤, ٢٠٠٧

 
Blogger يا مراكبي said...

Ehab

انما لو كان سعيد ممكن يكون ايه اسلوبه في الشغل؟

سؤال صعب جدا يا إيهاب .. إحنا محتاجين واحد يكون مش عايش في ألم علشان يجاوب السؤال ده ليك وليا أنا كمان

لو لقيت حد إبقى قوللي

منور

الخميس, أكتوبر ٠٤, ٢٠٠٧

 
Blogger همسات said...

فتش عن المرأة

المرأة وراء كل نجاح ووراء كل مصيبة

بس مش متهيألى ان فى حد بيحب كدة فى زماننا ده


تحياتى ليــــــــــك

الجمعة, أكتوبر ٠٥, ٢٠٠٧

 
Blogger اسكندراني اوي said...

العفو يا هندسه
انت استاذنا ومش حنسى انك اول واحد شرفني البلو ج بعد الافتتاح
ادام الله المعروف

تحياتي ليك

الجمعة, أكتوبر ٠٥, ٢٠٠٧

 
Blogger frozen love said...

wa7shtny gdan we w7shny ur blog we 2slobak kman

m3lsh knt ghayb 3nkm kan fe mshro3 tkhrg we dl3 wenta seed el3arfen...lol

elfkra bta3t elpost da msytra 3lya aslan shwya mn zman lw tftkr

nice post

الجمعة, أكتوبر ٠٥, ٢٠٠٧

 
Blogger يا مراكبي said...

mesh2dra

وعليكم السلام ورحمة الله

سؤالك جميل جدا: كل حاجة في الدنيا تتنسى
مش حيقدر ينسى واحدة؟

محتاجين نعمل إستقصاء على الموضوع ده .. ومتهيألي ده في صميم تخصصك الدراسي برضه .. مش كده؟

نورتينا

الجمعة, أكتوبر ٠٥, ٢٠٠٧

 
Blogger يا مراكبي said...

عدى النهار

وجهة نظرك سليمة إلى حد ما .. لكن السؤال اللي بيطرح نفسه هو: إيه اللي بيخلي الإنسان يختصر حياته في شيء محدد؟

ده سؤال جه على بالي من وحي تعليقك .. أكيد فيه حاجة بتدفع الإنسان لكده

الجمعة, أكتوبر ٠٥, ٢٠٠٧

 
Blogger يا مراكبي said...

لماضة

تحية جامدة جدا لأول واحدة تعترف الإعتراف ده على بنات جنسها

خدي بالك لا يحدفوكي بالطوب .. حرصي على المدونة بتاعتك جامد

:-D

في تعليقك سألتي سؤال مهم جدا: فيه حد ممكن يقدر ينسى واحدة دخلت حياته؟

الإجابة: حسب حجم الحب اللي كان موجود بينهم

نورتي

الجمعة, أكتوبر ٠٥, ٢٠٠٧

 
Blogger يا مراكبي said...

Esmat

إستنتاجك سليم تماما بالنسبة لبطل القصة: حبه لم يكن حب عاديا

جميل جدا تعبيرك ده: هناك مايمسنا ويعلم فينا
ويصبح بمرور الايام
جزء من تكوينا
لا نستطيع بتره

حقيقي إضافة رائعة .. أشكرك عليها

الجمعة, أكتوبر ٠٥, ٢٠٠٧

 
Blogger يا مراكبي said...

ابن عمر

متشكر جدا على إطراءك

وفعلا الناس لا يرون إلا الظاهر .. ودي مشكلة مؤلمة للأسف

إضافتك جميلة على فكرة

الجمعة, أكتوبر ٠٥, ٢٠٠٧

 
Blogger يا مراكبي said...

آلام وآمال

متشكر جدا على رأيك ده

كل سنة وانت طيب

الجمعة, أكتوبر ٠٥, ٢٠٠٧

 
Blogger يا مراكبي said...

julieeet

متشكر قوي وأهلا بيكي

هآجي طبعا حالا أزور مدونتك

الجمعة, أكتوبر ٠٥, ٢٠٠٧

 
Blogger يا مراكبي said...

sayed saad

وعليكم السلام ورحمة الله وبركاتة

مخاوفك صحيحة تماما يا عزيزي .. فبطل القصة بالفعل يرضى الناس والمجتمع وهو اطلال من داخلة وأسوأ

أهلا بيك دايما وتنورني على طول

الجمعة, أكتوبر ٠٥, ٢٠٠٧

 
Blogger يا مراكبي said...

Mohndis المهندس السري

متشكر جدا يا مهندس المغرب العزيز

رمضان كريم علينا وعليكم

الجمعة, أكتوبر ٠٥, ٢٠٠٧

 
Blogger يا مراكبي said...

فى القلب

أيوة عارف طبعا إن الحب ده ما بقاش موجود منه خلاص .. أصل المؤلف دقة قديمة يا دكتورة

عصرنا ما بقاش عصر الأحاسيس المرهفة خلاص .. ده إذا كان فيه أحاسيس أصلا

الجمعة, أكتوبر ٠٥, ٢٠٠٧

 
Blogger shaimaa said...

يا عينى على مراته

السبت, أكتوبر ٠٦, ٢٠٠٧

 
Blogger Tamer Nabil said...

وراء كل رجل عظيم امراة

جملة تدل على الاستقرار بجميع انواعة

كما ايضا وراء كل رجل فاشل امراة فاشلة

الانسان رجل او ست يحتاج الى المودة والعطف والحب حتة يبدع

يحتاج الى من يكون جنبة ويشعر بة حتى يستطيع اكمال مشوار الحياة

ربنا يكرمك

تحياتى

السبت, أكتوبر ٠٦, ٢٠٠٧

 
Blogger الشنكوتي الكبير said...

كتير الناس بتحاول تهرب من المرأه الأولى او مش شرط الأولى المهم انها الأنسانه اللي بتكون علمته معنى الغدر والضياع ناس بتهرب للبيره والخمر والضياع زي ما شافوا في الأفلام وناس بتهرب للشغل وناس بتهرب للكتابه والفنون وناس بتنتحر وناس بتتجنن وكل واحد بيعمل الي يقدر عليه علشان ينسى
وختاما ربنا يسترها
وكل سنه وانت طيب
سلااااااااااااااااااااام
صحيح المظاهر بتخدع

السبت, أكتوبر ٠٦, ٢٠٠٧

 
Blogger كراكيب عادل said...

عبثا يحاول أن ينساها

وما الحب الا للحبيب الاول

يا عيني علي بطل قصتك

بيحب حب ميتنسيش واصعب حب الي هو يفضل موجود وميروحش من البال

الأحد, أكتوبر ٠٧, ٢٠٠٧

 
Blogger كلاكيت تانى وتانى said...

السؤال هو هل يعترف الرجل بأن علاقتة بالمرأة أى أمرأة سواء أنتهت بمأساة أو أنها بالفعل معة بجانبة تساندة وتقف بجوارة
هل يعترف الرجل بأنها السبب؟؟
وأنها الجزء الأوحد من حياتة التى يدفعة أما للنجاح أو للفشل !!
لا أعتقد
لو أعترف الرجل لما جرحت قلوب ولما تألمت نساء وأنهارت حيوات كانت ستصبح سعيدة فقط لو أعترف
بوست رائع ينكأ الجراح التى أندملت منذ زمن
تحياتى

الأحد, أكتوبر ٠٧, ٢٠٠٧

 
Blogger يا مراكبي said...

MOSLIM

تعليك ده دليل على إن الطرف الآخر أو شريك الحياة بيكون عامل مؤثر جدا في تحديد نجاح أو فشل الشخص بغض النظر عن المجهود المبذول

نتيجة منطقية وبتبين أهمية تأثير الطرف الآخر .. ربنا يهدي كل طرف آخر يارب

الأحد, أكتوبر ٠٧, ٢٠٠٧

 
Blogger يا مراكبي said...

القلم السكندري

دايما بأنتظر أشعارك ذات الحكمة واللي بتكون
To th point


بس الله يخليك ما تلبسنيش تهمة .. ألم وحزن ووجد إيه بس .. أنا ما عنديش وجد ولا حاجة .. خلينا جنب الحيط

تحياتي الخالصة وكل عام وأنت بخير

الأحد, أكتوبر ٠٧, ٢٠٠٧

 
Blogger يا مراكبي said...

Xee

,بجد ليك وحشة كبيرة يا زياد
.. نورت المدونة .. كرسي هنا للبيه يابني


وبعدين فيلسوف المهندسين دي كبيرة قوي عليا .. ربنا يكرمك

مين بقى الصديقة العزيزة دي؟ ها؟ قول ما تخافش .. ها؟

وش بيغمز بعينيه الإتنين

:-D

وطبعا لن ينساها .. أنا معاك

الأحد, أكتوبر ٠٧, ٢٠٠٧

 
Blogger يا مراكبي said...

ღღ فــوضــى الــحــواس ღღ

طبعا الموضوع بيدور في فلك أغلب كتاباتك مؤخرا وده اللي خلاني أتوقع إنك تحسي بالموضوع هنا أكتر من أي حد تاني .. لأنك عشتي الألم

عجبني جدا تعبيرك العبقري ده: عجباً من كان سبب ألمنا يترك أثر بالغ ..و من يسعدنا يكون من الصعب رؤية أثره

خالص تحياتي ودايما بالتوفيق

الأحد, أكتوبر ٠٧, ٢٠٠٧

 
Blogger zordeak said...

فكرة جامدة يا باشمهندس

وحشتنى جدا يا راجل

رمضان كريم

صديقك

:)

الاثنين, أكتوبر ٠٨, ٢٠٠٧

 
Blogger يا مراكبي said...

Rania

متشكر قوي على الإطراء ده

وطبعا وراء كل رجل إمراه اعظم منه .. لازم نقول كده .. ربنا ما يوريكي

:-D

الاثنين, أكتوبر ٠٨, ٢٠٠٧

 
Blogger يا مراكبي said...

loumi

تعبير جميل: إنهزم أمامها من داخله

هي دي حقيقة بطل القصة فعلا .. رغم مرور السنين

منورة

الاثنين, أكتوبر ٠٨, ٢٠٠٧

 
Blogger يا مراكبي said...

أحمد سلامــه

إيه الجمال ده كله

وراء كل شقاء امراة
ووراء كل امرأة شقاء

سيدي يا سيدي عالحكم الجامدة

كلامك صح 100% .. بس خليها في سرك طبعا

الثلاثاء, أكتوبر ٠٩, ٢٠٠٧

 
Blogger امرأة تقول الذي لا يقال said...

أول لما قرأت العنوان عرفت انك هتبص لها من الزاوية دي (:

الثلاثاء, أكتوبر ٠٩, ٢٠٠٧

 
Blogger امرأة تقول الذي لا يقال said...

بس انت عارف
أكتر حاجة وجعتني.. انه متجوز
ومراته يا عيني مضحوك عليها

الثلاثاء, أكتوبر ٠٩, ٢٠٠٧

 
Blogger يا مراكبي said...

Amr Ahmed

هو طبعا نص العمى ولا العمى كله

أحسن من مافيش

منورني

الثلاثاء, أكتوبر ٠٩, ٢٠٠٧

 
Blogger يا مراكبي said...

koukawy

ما هو لازم ينساها وإلا بيكون واقع في الخيانة لزوجته بشكل ما ولو بسيط

وطبع الجملة دي مش على كيف الرجالة .. مش سر ولا حاجة

:-D

الثلاثاء, أكتوبر ٠٩, ٢٠٠٧

 
Blogger يا مراكبي said...

صاحب البوابــة

جزاك الله خير الجزاء ودمت بخير

الثلاثاء, أكتوبر ٠٩, ٢٠٠٧

 
Blogger ست البنات said...

اكيد يافندم

هو احنا شويا

انتم بس اللى مش عارفين قمتنا
هههههه

تحياتى

الثلاثاء, أكتوبر ٠٩, ٢٠٠٧

 
Blogger أبو أمك said...

يا عم اسكت بدل ما مراتك تسمعك...وتفتكر مها

الأربعاء, أكتوبر ١٠, ٢٠٠٧

 
Blogger hamsaa said...

مدونتك جميلة اسعد لزياتي الاولي لك و اتمني لك دوام التوفيق و اسعد ان اكون واحدة من زوارك دائما
زرني و قولي رايhttp://rehamanter.blogspot.com/ك في مدونتي

الأربعاء, أكتوبر ١٠, ٢٠٠٧

 
Blogger daktara said...

السلام عليكم

كل عام وانت بخير بمناسبة عيد الفطر المبارك
عساكم من عواده

انظر حولك
د. خالد عزب

الأربعاء, أكتوبر ١٠, ٢٠٠٧

 
Blogger daktara said...

ايه يا عم بس البوست الرونانسي الجميل ده
الصورة كمان حلوة قوي
تحياتي

الأربعاء, أكتوبر ١٠, ٢٠٠٧

 
Blogger يا مراكبي said...

البرديــــــة

أحييك على التعليق الجميل ده

تعقيد الأمور والظروف المحيطة بكل الأمور العاطفية في مجتمعنا بيؤدي إلى ظهور مثل تلك الشخصيات

وصحيح إن الحياة لا تتوقف عند إمرأة .. لكن الألم لا يتوقف

تحياتي

الخميس, أكتوبر ١١, ٢٠٠٧

 
Blogger يا مراكبي said...

Hannoda

نصيحتي ليكي هي زي ما إنتي قلتي بالظبط: طنشي وولا كأنك قريتي حاجة

أنا برضه مطنش على فكرة رغم إني أنا المؤلف .. لازم أطنش .. لازم

الحقيقة يا هنودة دائما وأبدا: مؤلمة وصادمة

متشكر على إطراءك الجامد ده

الخميس, أكتوبر ١١, ٢٠٠٧

 
Blogger يا مراكبي said...

Blank-Socrate

كل سنة وإنت طيب وبألف صحة وسلامة

الخميس, أكتوبر ١١, ٢٠٠٧

 
Blogger يا مراكبي said...

شــــمـس الديـن

اعجبني تحليلك .. فقد يحي المرء حياة ما وبدون تقصير في كل جوانب حياته لكن القلب يكون عكس ذلك وسبحان الذي يقلب القلوب كيف يشاء

نسأل الله أن يجعل قلوبنا متوافقة مع حياتنا واعمالنا

الخميس, أكتوبر ١١, ٢٠٠٧

 
Blogger Esmat said...

كل سنة وانت طيب
واسعد الله اوقاتك
وتقبل الله منك جميع اعمالك وغفر لك
ادعو لك ولاسرتك الكريمة
ان يديم الله عليكم الصحة والعافية
وراحة البال
والف تحية
و عيد سعيد عليكم يا رب

الخميس, أكتوبر ١١, ٢٠٠٧

 
Blogger يا مراكبي said...

hend...hanady

صح .. الإنسان الطبيعي بيحب اللي بيشجعة للتقدم .. لكن عكس كده لأ

بأتكلم عن الإنسان الطبيعي للتأكيد

الجمعة, أكتوبر ١٢, ٢٠٠٧

 
Blogger رفقة عمر said...

كل سنه وحضرتك طيب
عيد سعيد عليكم وعلى الاسرة
ورزقكم الله القبول اللهم امين

الجمعة, أكتوبر ١٢, ٢٠٠٧

 
Blogger يا مراكبي said...

غير معرف
عزيزي جدا .. أحمد عبد العزيز

يا أبو حميد خليك محضر خير وبلاش الأسافين العابرة للمحيطات دي

واحشني جدا .. يارب تكون بخير .. طمني عنك بالإيميل الزاجل

الجمعة, أكتوبر ١٢, ٢٠٠٧

 
Blogger mariam said...

ايوه كده هو ده الكلام
الألم بيكون دافع للأجتهاد
حتى معظم الأشخاص الناجحين بيكون عندهم قصص كفاح و معاناه فى البدايه

كل سنه و انت طيب و الأسره الكريمه بخير

الجمعة, أكتوبر ١٢, ٢٠٠٧

 
Blogger ذو النون المصري said...

تقبل الله منا و منكم طيب القول و صالح العمل
كل عامن انتم بخير

الجمعة, أكتوبر ١٢, ٢٠٠٧

 
Blogger يا مراكبي said...

عصفور بلا أجنحة

متشكر قوي على الإطراء

وبعدين على رأي المثل مين يشهد للعروسة؟ الجنس الآخر طبعا

منورة

الجمعة, أكتوبر ١٢, ٢٠٠٧

 
Blogger اعشق فى اليل ضوء القمر said...

انا شايف
إن المقوله صحيحه حتى الأن
هو صحيح المراء فى سبب تقدمه غير ز
لكن فيه إمرائه وجهته
عيد سعيد وتقبل الله منا ومنك

الجمعة, أكتوبر ١٢, ٢٠٠٧

 
Blogger يا مراكبي said...

همسات

برافوا عليكي .. فتش عن المرأة

Cerchez la femmes

وشهد شاهد من أهلها .. المرأة وراء كل نجاح ووراء كل مصيبة

تحية جامدة جدا لهمسات هدى نصيرة الرجالة

وطبعا مافيش حد بيحب كدة فى زماننا ده

الجمعة, أكتوبر ١٢, ٢٠٠٧

 
Blogger يا مراكبي said...

اسكندراني اوي
تاني مرة

ربنا يديم بينا المعروف وكل سنة وإنت طيب وبالصحة والسلامة

الجمعة, أكتوبر ١٢, ٢٠٠٧

 
Blogger يا مراكبي said...

frozen love

طبعا فاكر كل حاجة عنك وبالذات الحاجات اللي بتبقى فضايح كده ما بتتنسيش

:-D

يارب تكون إتوفقت ونسمع عنك نتايج كويسة إن شاء الله

أهلا بيك من تاني

الجمعة, أكتوبر ١٢, ٢٠٠٧

 
Blogger يا مراكبي said...

shaimaa

ياعيني على مراته؟

طيب .. ماشي

:-D

الجمعة, أكتوبر ١٢, ٢٠٠٧

 
Blogger يا مراكبي said...

Tamer Nabil

عجبتني قوي جملتك: وراء كل رجل فاشل إمرأة فاشلة

كلام سليم تماما .. والفشل ده له أنواع وأوجه متعددة

نورتنا من تاني

الجمعة, أكتوبر ١٢, ٢٠٠٧

 
Blogger يا مراكبي said...

الشنكوتي الكبير

أيوااااة .. ربك يسترها علينا جميعا من فتنة الحب الأول دي .. بتبقى لعنة زي لعنة الغراعنة ما تقدرش تهرب منها

:-D

ده لو فيه حاجة إسمها لعنة فراعنة أصلا كمان

الجمعة, أكتوبر ١٢, ٢٠٠٧

 
Blogger يا مراكبي said...

كراكيب عادل

هو ده فعلا أصعب حب يا عدول .. فعلا أصعب من كده مافيش أبدا

منورني

كل سنة وإنت والأسرة بألف خير وصحة وسلامة

الجمعة, أكتوبر ١٢, ٢٠٠٧

 
Blogger يا مراكبي said...

كلاكيت تانى وتانى

سؤالك هو: هل يعترف الرجل بأن علاقتة بالمرأة سواء أنتهت بمأساة أو أنها بالفعل تقف بجوارة
بأنها السبب؟

الإجابة: ليس كل الرجال .. النبلاء منهم فقط .. وهم ندرة

لذلك تكثر الجروح التي في القلوب في هذه الدنيا

شكرا على التعليق الذي أضاف للنص الكثير

الجمعة, أكتوبر ١٢, ٢٠٠٧

 
Blogger يا مراكبي said...

zordeak

صديقي الدكتور المطحون

يارب تكون فقت بقى من اللي إنت فيه

طمني عليك

منور

الجمعة, أكتوبر ١٢, ٢٠٠٧

 
Blogger يا مراكبي said...

امرأة تقول الذي لا يقال

وليه توقعتي إني هأبص لها من الزاوية دي؟ الحاسة الأنثوية السادسة مش كده؟

ربنا يستر من الجنس الأخر

لكن بطل القصة مش بيضحك على مراته ولا بيخونها .. لكنه مش قادر يتحكم في قلبه وذكرياته

بس كده

إنتي قافلة التعليقات عندك ليه؟

الجمعة, أكتوبر ١٢, ٢٠٠٧

 
Blogger يا مراكبي said...

ست البنات

لأ طبعا إنتوا مش شوية خالص

ما نقدرش نقول غير كده .. مضطرين

ياللا

الجمعة, أكتوبر ١٢, ٢٠٠٧

 
Blogger يا مراكبي said...

أبو أمك

أموت أنا في الأسافين الطائرة دي

إيه اللي فكرك بمها دلوقت بس؟

مش عارف ليه الناس عندها تعاون جامد كده في الأسفنة

نورتني

الجمعة, أكتوبر ١٢, ٢٠٠٧

 
Blogger يا مراكبي said...

hamsaa

أهلا بيكي في أي وقت ويسعدني زيارتك طبعا

الجمعة, أكتوبر ١٢, ٢٠٠٧

 
Blogger يا مراكبي said...

daktara

وعليكم السلام ورحمة الله

كل عام وانت بخير وعساكم من عواده برضه

البوست طلع رومانسي بس علشان نكسر شوية الملل في المدونة .. حبة كده وحبه كده

نورتنا

الجمعة, أكتوبر ١٢, ٢٠٠٧

 
Blogger esraa said...

كل سنة اونت طيب
ويارب يكون عيد سعيد عليك

السبت, أكتوبر ١٣, ٢٠٠٧

 
Blogger عمرو المصري said...

كل عام وانتم بخير

تقبل الله منا ومنكم

اعاد الله عليكم العيد في العام القادم
ونحن علي ابواب المسجد الاقصي ان شاء الله


هدية المحارب للمحاربين في يوم العيد

تجدونها فقط
في
ارض الحرب

السبت, أكتوبر ١٣, ٢٠٠٧

 
Blogger يا مراكبي said...

Esmat

كل سنة وإنتي طيبة إنتي والأسرة جميعا

جزاكي الله خير الجزاء وأشكرك على التهنئة الجميلة دي

السبت, أكتوبر ١٣, ٢٠٠٧

 
Blogger يا مراكبي said...

رفقة عمر

أشكرك جدا على التهنئة دي

تقبل الله منا ومنكم

وكل عام وأنتم بخير

السبت, أكتوبر ١٣, ٢٠٠٧

 
Blogger يا مراكبي said...

mariam

النجاح دايما بيكون وراه ألم .. مش لازم يكون ألم عاطفي زي ما أشرتي بالظبط .. كلامك فعلا سليم

نورتي

السبت, أكتوبر ١٣, ٢٠٠٧

 
Blogger Sharm said...

كل عام وانت بخير اخي الفاضل

السبت, أكتوبر ١٣, ٢٠٠٧

 
Blogger يا مراكبي said...

ذو النون المصري

جزاك الله خيرا وكل عام وأنتم بخير

السبت, أكتوبر ١٣, ٢٠٠٧

 
Blogger يا مراكبي said...

اعشق فى اليل ضوء القمر

طبعا المقولة صحيحة سلبا وإيجابا .. دور المرأة لا يمكن إنكاره أبدا

وليس الحبيبة والزوجة فقط .. بل من الممكمن أن تكون الأم أو الأخت أو الإبنه ... إلخ

أهلا بك

السبت, أكتوبر ١٣, ٢٠٠٧

 
Blogger يا مراكبي said...

esraa

كل سنة وإنتي طيبة وبألف صحة وسلامة

شكرا ليكي

السبت, أكتوبر ١٣, ٢٠٠٧

 
Blogger يا مراكبي said...

عمرو المصري

آمين يا رب العالمين

دعاءك بأن نصلي في الأقصى وهو حر دعاء غالي جدا علينا جميعا

كل عام وأنت بخير

السبت, أكتوبر ١٣, ٢٠٠٧

 
Blogger يا مراكبي said...

Sharm

كل سنة وإنت طيبا ودايما تكون مفاجئنا بكل ما هو عالمي

السبت, أكتوبر ١٣, ٢٠٠٧

 
Blogger اسلام رفاعى said...

كلام منطقى بس خلى بالك لكل قاعدة شواذ
.......................
كل عام وانتم بخير بمناسبة عيد الفطر المبارك
تقبل الله منا ومنكم

السبت, أكتوبر ١٣, ٢٠٠٧

 
Blogger يا مراكبي said...

اسلام رفاعى

ده إذا إعتبرنا الموضوع ده بقى قاعدة أصلا خلاص

لكن ممكن ما نعتبروش قاعدة .. والله أعلم

كل سنة وإنت طيب وتنورني دايما

السبت, أكتوبر ١٣, ٢٠٠٧

 
Blogger إنـســانـة said...

على رأي عمنا كاظم

يضرب الحب شو بيذل يضرب الحب

بس هو هنا مش اتذل بالمعنى المفهوم .. بس هو مذلول عاطفيا وده اقوى بكتير على حد علمي

يلا ربنا يسترها علينا جميعا

الثلاثاء, أكتوبر ١٦, ٢٠٠٧

 
Blogger يا مراكبي said...

إنـســانـة

أيوة .. من أقوى أنواع الذل هو الذل العاطفي .. وذل الكرامة

وربنا يسترها علينا بجد بجد

الخميس, أكتوبر ٢٥, ٢٠٠٧

 

إرسال تعليق

Links to this post:

إنشاء رابط

<< Home