شد القلوع يا مراكبي ... مافيش رجوع يا مراكبي

الأربعاء، أغسطس 27، 2008

المدون الجالس القرفصاء

يسعدني أن أزف إلى الشعب المصري الصامد والباقي على قيد ما نسميه بالحياة .. وإلى الشعب العربي الحر إن شاء الله .. وإلى العالم الذي يتحرك للأمام من حولنا ونحن نيام .. بأنني قد أتممت عامي التدويني الثاني في هذا الشهر .. وأستطيع أن أقول الآن أنه قد صار عمري عامين بالتمام والكمال .. لسه نونو يعني
.
ويجدر بي أن أشير إلى أن التدوين ليس من الأمور المحدثة كما يظن البعض .. وليس للبلوجر أوالجوجل أوالمواقع الشبيهة أي فضل في إختراع التدوين .. بل يرجع تاريخ التدوين إلى مصر الفرعونية القديمة وتحديدا في عصر الأسرة الخامسة (2465 إلى 2323 قبل الميلاد) أي منذ عهد خوفو .. فقد كانت منزلة المدون أو الكاتب حينذاك من أكثر المناصب تعرضا للحسد (بلا نيلة) لذا فقد حرص العديد من أصحاب القبور على تصوير أنفسهم في جلسة القارئ أو الكاتب (إبقوا ... على قبري)ء

.

والقرفصاء يا إخوتي ليست بالكلمة السيئة كما يخيل للبعض .. بل هي وضع من أوضاع الجلوس التي يجلس فيها الشخص على قرافيصه .. وأرجو ألا يسألني أحدكم عن مكان تلك القرافيص
.
وجلسة القرفصاء هي جلسة شائعة بين أهل القرى .. وهي السبب في أن تكون ولادة نساء القرية أكثر سهولة عن ولادة نساء المدينة ، فوضع القرفصاء يفيد المرأة أثناء الحمل والولادة لأنها تزيد الضغط داخل بطن الأم وتمنع شعورها بالإمساك أثناء الحمل.. بينما أثناء الولادة فتساعد القرفصاء على زيادة حجم الحوض وسهولة خروج الجنين
.
المهم .. كل سنة وأنا طيب .. وكل سنة وإنتم طيبين .. وكل واحد يخلي باله من قرافيصه

.
تحديث: شكر خاص جدا للعزيزة قوس قزح على الهدية الغالية اللي تحت دي

التسميات:

42 Comments:

Blogger ـ-ـ- أحمد عبد العدل-ـ-ـ said...

كل سنة وحضرتك طيب
ويارب عقبال مية سنة تدوين (هتكون حضرتك شيخ المدونين ساعتها)
تحياتى لمدونتكم الرائعة

الأربعاء, أغسطس 27, 2008

 
Blogger بنت القمر said...

وانت طيب وبالصحه والسلامه ومنور سماء التدوين

الأربعاء, أغسطس 27, 2008

 
Blogger صباح الخير يا مصر said...

يا مراكبي
********
كل سنه و انت طيب ياباشمهندس ..بس يارب ما تتعبش من القرفصه و يقدرك عليها و تكون دايما منور مجالس التدوين
"وكل واحد يخلى باله من قرافيصه"

مع خالص تحياتى

الأربعاء, أغسطس 27, 2008

 
Blogger لماضة said...

كل سنه وانت طيب يا حمايا
ودايما كده مقرفصين مع بعض

الأربعاء, أغسطس 27, 2008

 
Blogger مهيج الجماهير said...

كل واحد يخلى باله من لغلوغه
انتوا عارفين اللغلوغ بقى بكام دلوقت ؟؟
هههههههههههههههههههههه
و ماله يا باشا
كل سنة و حضرتك طيب
و عقبال 2410 سنة تدوين و امتاع لينا
تحياتى

الأربعاء, أغسطس 27, 2008

 
Blogger بثينــــــة said...

كل سنة وأنت طيب يامراكبي
يارب دايما في تألق ونجاح

حلوة الصورة
:D

الأربعاء, أغسطس 27, 2008

 
Blogger محمد عبد الغفار said...

كل عاام وانتم "انت والمدونه يعنى" بخير وقرفصه

قديم انت وعجوز سابقنى ب 8 أيام

الأربعاء, أغسطس 27, 2008

 
Blogger دكتور حر said...

كويس انك جبت أهمية القرفصه في الولاده بس

:)))



تحية للمهندس

الأربعاء, أغسطس 27, 2008

 
Blogger عدى النهار said...

كل سنة وإنت طيب وموفق

عقبال السنة الديشليون قرفصة بس داخل المدونة فقط
:)

الأربعاء, أغسطس 27, 2008

 
Blogger حزيــــــــــــــــــن said...

i think that i know u from 2 years
kol sana we enta tayeb

الأربعاء, أغسطس 27, 2008

 
Anonymous Basma said...

كل سنه وانت طيب
وبالمره علشان شهر رمضان الكريم
.. وشاكرين علي المعلومة الطبيه

(:

الأربعاء, أغسطس 27, 2008

 
Blogger انا من اهوى ومن اهوى انا said...

كل سنة وانت طيب ودايما كدة منورنا ومنور دنيتنا

اتمنى لك مزيدا من التقدم ومزيدا من الابداع

تحياتى

الأربعاء, أغسطس 27, 2008

 
Blogger على عبدالله said...

سنتين ولسه نونو!!!!!!!!

امال انا ابقى ايه ؟؟؟
لسه ما اتولدتش طبعا
ههههه

كل سنة وانت طيب يا عم المراكبى
ودايما مقرفص


خالص تحياتى

الأربعاء, أغسطس 27, 2008

 
Blogger !!! عارفة ... مش عارف ليه said...

كل سنة وانت طيب
وربنا يدينا الصحة ونفضل نقعد على قرافيصنا على طول

وكل سنة وانت طيب .. رمضان كريم

وليد

الأربعاء, أغسطس 27, 2008

 
Blogger shreef said...

ايه ده يعني كل ده كنا مخدوعين و فاكريين ان الراجل اللي قاعد ده كاتب يطلع في الاخر مُدون

يا سلااااااااااام

و الله ده المدونين على كدا ليهم اصول فرعونية طيب كويس و الله علشان الناس تعرف بس المدونين مش شويه يعني

كل سنة و انت طيب يا بشمهندس على رمضان و على السنةالتانية لحضرتك و لمدونتك اللي بجد اسعدتنا وجودها و وجود حضرتك

تحياتي يا فندم بس ليا سؤال بسيط هو بجد فين القرافيص ديه ؟؟؟
:)
تحياتي

الأربعاء, أغسطس 27, 2008

 
Blogger واصطنعتك لنفسي said...

كلما دخلت مدونة حضرتك أو مدونة أحد المدونين الذين اعتاد التعليق لديهم اتعجب من قدرة التدوين علي خلق علاقات إنسانية غالية جدا عجيبة بيننا وبين أشخاص كان من الممكن ألا نلتقي بهم في حياتنا بأي حال من الأحوال.. أو هكذا يخيل لنا المنطق
.
أمر عجيب حقاً.. سنتان كاملتان وهي البداية فقط..
.
كل سنة وحضرتك طيب
كل سنة وقلمك يجري بالخير
.
إيمان

الأربعاء, أغسطس 27, 2008

 
Blogger وميض ابتسامة said...

سنتين بس !!! ياراجل ..
عموما عقبال سنين طويلة قادمة وانت بخير ومدونتك بخير ياصديقى العزيز

الأربعاء, أغسطس 27, 2008

 
Blogger فاتيما said...

عم مراكبى
يا نبع الحكمة
ازيك يا عزيزى
الأخ المقرفص دا أنا عارفه كويس قوى
أربع سنين كلية بعدى عليه و أنا طالعة و أنا نازلة من دار الكتب اللى ع الكورنيش قبل ما يرجعوها باب الخلق
بصراحة كان بيصعب علينا قوى خصوصاً فى الشتا و البرد و نقعد نقول لإيه الشغلانة السودة دى ؟؟
سبحان الله
طلع من بقية قرايبنا و أنا مش عارفة
طب مش كنت تقولى أياميها كان الواحد عمل معاه واجب كويس
أنا كنت بحطله كشكول المحاضرات فى حجره و أقوله :
قول حاجة بدل مانت ساكت كدا
أتاريه يا حبة عينى مكنش ساكت و لا حاجة دا بيدى الإلهام و لو بعد آلالاف السنين
كل سنة و إنت بألف خير يا مراكبى
و تبقى فى وسطنا و منور العالم السحرى كل شوية بحيلة من حيلك الجميلة
اللى الواحد يقف قصادها منبهر و بيقول ...عرف يجيبها إزاى دى ؟؟
رمضان كريم عليك يا غالى

الأربعاء, أغسطس 27, 2008

 
Blogger قوس قزح said...

كل سنة وانت طيب و مدون

بس مقولتيش القرفصاء فايدتها ايه للرجل !!

و دى هدية علشان مناسبة القرفصاء :)
http://www.fileden.com/files/2007/4/29/1028758/marakby.jpg

الأربعاء, أغسطس 27, 2008

 
Anonymous غير معرف said...

كل سنة وانت طيب يا مراكبى ورمضان كريم
وعقبال 100 سنة تدوين


جوجو

الأربعاء, أغسطس 27, 2008

 
Blogger اسكندراني اوي said...

كل سنه وانت مقرفص
يووه قصدي وانت مدون وعقبال 100 سنه قرفصه

كل سنه وانت طيب ورمضان كريم

تحياتي من الدوحه

الأربعاء, أغسطس 27, 2008

 
Blogger سمر الشافعى said...

كل سنه وانت ومدونتك بالف خير ياباشا

وغلاسه منى بقى هيا فين القرافيص دى هههههههه

الأربعاء, أغسطس 27, 2008

 
Blogger أحمد كمال said...

كل سنة و انت طيب يا مراكبي ، نورت المدونات و الانترنت كلها سنتين ، و تنور كمان و كمان بإذن الله :)

إنما هي قوس قزح جابت الصورة دي منين ؟ و إنت كده تبقى من الأسرة كام ؟

الأربعاء, أغسطس 27, 2008

 
Blogger دردشة على الماشى said...

كل سنة وانت طيب
مش كنت تقولنا على تاريخ ميلادك الجديد
بس برضة كدة غلاسة وراك وراك
وبرضة أصغر منك بسنتين
كل سنة وانت بألف خير
ورمضان كريم

الأربعاء, أغسطس 27, 2008

 
Blogger صدى الصمت said...

كل سنة وانت طيب ياحبيبى وعقبال 100 سنة تألق و إبداع وكل رمضان وانت طيب و نفسى يكون عندك اى مأمورية فى مصر فى رمضان عشان نتسحر سوا فى الحسين
سلام

الخميس, أغسطس 28, 2008

 
Blogger سلسبيل said...

كل سنه وانت طيب ياعمنا المراكبي وعقبال العام ال 20 للمدونه
واحنا اصلا سعداء الحظ انك معانا
وانا من موقعي هذا بوجه دعوة لكل مدون ومدونه انهم يقتدوا باجدادهم الفراعنه ويقرروا جميعا توديع جلسه المكاتب
ولنجلس جميعا القرفصاء واحنا بندون
حتي عشان نستعيد مجدنا
كل سنه وانت طيب ..دي بقي عشان رمضان

الخميس, أغسطس 28, 2008

 
Blogger kochia said...

اولا ازيك وكل سنة وانت بكل خير
والاسرة بخير وسلام وصحة وسعادة

وكل سنة وانت طيب بمناسبة العام التاني
انت طلعت قديم بقي
وانا بقول علي نفسي كبيرة بعد تلات شهور وكنت عاوزة اعمل حفلة احط فيها ربع شمعة

هاجل حفلتي بقي لبعدين
وبما اني معرفش القرافيص دي فين
فاسمحلي
...
خلاص مش هسال مادام انت كمان مش عارف
المهم موضوع لطيف وينطوي علي معلومة صغنونة وحلوة

تحياتي

الخميس, أغسطس 28, 2008

 
Blogger مـحـمـد مـفـيـد said...

كل عام وانت مبدع ومشرق وحنرم ومفيد للجميع
فأنت أضافه لعالم التدوين يا صديقي

الخميس, أغسطس 28, 2008

 
Blogger صباح الصباح said...

كل واحد يخلى بالة من لغاليغة... قرافيصة

الا هوة قرافيص جمع (قرفوصة)؟؟

الخميس, أغسطس 28, 2008

 
Blogger أحمد سلامــة said...

كل سنة واحنا اللي طيبين يا عمنا المراكبي
نورتنا في عالم المدونات من سنتين
انت اكبر مني بتلات اشهر بس ؟؟

الخميس, أغسطس 28, 2008

 
Blogger مـجـنـووون said...

كل سنه وانت بألف خير ، وعقبال مية سنه في التدوين ، ويا رب تكون مدونتك دائما رمزاً للفكر البناء ، والعطاء بلا حدود
تقبل مروري
مجنووون

الخميس, أغسطس 28, 2008

 
Blogger حسن ارابيسك said...

بمناسبة عامك الثاني
حلاقاتك برجالاتك
وبخصوص التدوين يعني كل اللي على جدران المعابد ده مش كفايه وخير دليل مش شرط بقا قاعده الكاتب ونوم العازب وعجين الفلاح على فكره انا بشبه على الصورة المصاحبه للبوست انا من الأول كنت شاكك ان ليك فعلا اصول فرعونية حاجه حلوة صحيح

الخميس, أغسطس 28, 2008

 
Blogger الملاك الحزين said...

ألف مبروك وعقبال 1000 سنة واتمنى ان اتشرف بزيارتك لمدونتى قريبا

الجمعة, أغسطس 29, 2008

 
Blogger koukawy said...

كل سنه و انت جالس القرفصاء يا ابو سنتين
و كل رمضان و انت بخير

الجمعة, أغسطس 29, 2008

 
Blogger son's egypt said...

السلام عليكم
كل سنه وحضرتك طيب

الجمعة, أغسطس 29, 2008

 
Blogger يقول أنى امرأة said...

كل سنة و انت طيب
عقبال ما نحتفل بعيد المدونة المئوى

السبت, أغسطس 30, 2008

 
Blogger كراكيب نـهـى مـحمود said...

كل سنة وانت طيب وانسان وجميل كده دايما

السبت, أغسطس 30, 2008

 
Blogger bastokka طهقانة said...

شد القلوع يا مراكبي ... مافيش رجوع يا مراكبي
بل هناك نجاح و تطور و ازدهار
و اوروفوار

السبت, أغسطس 30, 2008

 
Blogger Sharm said...

الصورة جامدة جدا على فكرة

السبت, أغسطس 30, 2008

 
Blogger قوس قزح said...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

الأحد, أغسطس 31, 2008

 
Blogger يا مراكبي said...

أنا مش عارف أقول إيه .. ومش عارف أرد إزاي على كرمكم وذوقكم الرائع ده .. ربنا يخليكم ليا ويارب يديم عليا حبكم ده .. بجد اخجلتوني وفرحتوني جدا في نفس الوقت

نورتوني كلكم

الأحد, أغسطس 31, 2008

 
Blogger أُكتب بالرصاص said...

الظاهر اننا دفعة واحدة يا بشبوش

كل سنة وانت طيب

وعلى فكرة

الصورة دي فعلا معبرة جدا جدا

هي دي الحقيقية
الواحد قاعد القرفضاء وواخد الاب توب في حضنه وهاتك يا تدوين ومتابعة للتدوينات

لذلك الابتعاد عن التدوين له فوائد
:)

الثلاثاء, سبتمبر 16, 2008

 

إرسال تعليق

Links to this post:

إنشاء رابط

<< Home