مسابقة أجمل تعليق

قرب قرب قررررب .. الغايب يعلم الحاضر .. تعالوا وشاركوا في مسابقة أجمل تعليق على الصورة اللي فوق دي .. الجايزة هتكون مفاجأة كبيرة .. وممكن تاخدوا بمبة وأطلع عيل وألغي الجايزة أصلا .. ياللا في إنتظار خفة الدم المصرية والعربية والأوتوبيس كمان

تعليقات

‏قال Unknown
امممم
طيب سيبني افكر شوية
مش انتوا قاحدين
اصل انا لازم امشي في الجذمة الأول
:))
‏قال Unknown
أكيد دى هتتحط فى دوار جديد فى جدة .. دوار الجزمة ..مش كده؟
طبعاً محدش فاهم حاجة خاااالص
مش حضرتك المفروض فى السعودية برضه؟
هتبقى أكيد مكان دوار الصاروخ ..صاروخ ايه بقى ملهمش غير الجزمة .. ولا دى لينا احنا؟
هو فيه ايه؟
عمرى ماكنت استخيل انك تعرف حد بالحجم ده
ــــ
داانت طلعت واصل يا بشمهندس
ـ
انابتصور الكاميرا اللى صورت حضرتك مستورده مخصوص للحجم ده من الجزم .. اكيد مش كاميرا عاديه .
ـــــ
بس يارب بقى اللى انت جايبهالو هديه تطلع مقاسه ومتبقاش ضيقه عليه
ــ
وربنا انت واصل
‏قال فاروق عادل
امممممم صورة غريبة جدا مش عارف اعلق
:))
انت لو هتعلق هتقول اية
‏قال Unknown
دى واكلة محشى لما قالت يا بس الجزمة دى

ولا اتحطت فى الردة يومين كدة وفردت؟؟؟


لا يا جماعة يا مراكبى اكيد واصل وماسك فى ايده سفينة وبيمد القلوع عشان مافيش روجوع .. بس دى سفينة مقاس كام دى يامراكبى .. والسواق حيقعد فيها فين دى .. الخوف لاتكون لميع وتزحلق كل الركاب ولا حاجة


اهم حاجة بس انك تاخد بالك من مها وهيا بتركب عشان لسة نونو

صحيح قبل ما انسى .. تقيلة السفيييييييينة دى وانت شايلها؟؟؟؟؟؟؟؟؟
‏قال Unknown
اكيد الجزمه دي اكلت شباشب كتير

عارف الجزمة بقى دي معموله ليه

تعالى اقولك في السر كده

عشان الناس كترت قوي ومش لاقينلهم جزم تكفيهم

قالوا يعملوا جزمه تضرب عشره مره واحده عشان يخلصوا

هما فاضين للكلام ده
‏قال Bella
جزمة فاميلي سايز علشان الاسرة كلها واهو بالمرة توفير بدل مابنجيب لكل فرد جزمة لوحده
هى الجزمه عالموضه لكن اللى محيرنى الرباط اللى لو اتفك الناس هتفتكرو حبل غسيل
ـــــــــ
مش انا عرفت انت جايبها لمين يا بشمهندس ..؟
طلعت جايبها لصاحب المحل عشان لو اى جزمه فى المحل او شبشب شايف نفسه يضربو بالجزمه
ـــ
انا عارف كل حاجه بس انت واصل بردو
‏قال Unknown
هي دي جزم العيد كلها بتاعه العيله بس متجمعه في جزمه واحده

ودي هتدوب بعد كام سنه
اهي دي الجذمة اللى هتدوب البني ادم وخو لابسها
فكرتني بجزم زمان الحديد

هي دي حل الجذمة الاقتصادية الي احنا عايشينها
قصدي الأزمه الاقتصادية
‏قال Ahmed Al-Sabbagh
هههههههههههههههههه
جزمة مقاس 450 لأكبر قدم فى العالم
‏قال Ahmed Al-Sabbagh
بشرى لكافة أفرد الاسرة .. حذاء للكل
‏قال Ahmed Al-Sabbagh
بشرى لكل زوجة ....
‏قال Ahmed Al-Sabbagh
الأن حذاء حمواتى ممتاز
يوفر مجهود الحماة فى ضرب الزوج
‏قال Unknown
دي نجيبلها لابيسه مقاس كام
طيب هتحتاج شراب اكيد
تفكتر اجيب كام متر شرابات
والشراب لما يتخرم
نستغل الكام متر دول يعمل عشرين كورة
الواحد ممكن يعملها شقه وينام جواها
انا شخصيا عندي القدره اني انام وامدد جواها كمان

لو حبيت افكها بجزم صغننه تجيبلي كام فردة ياه ده القيراط منها هيساوي الشىء الفلاني خصوصا بقى
لو حطيتها على الكورنيش
‏قال Ahmed Al-Sabbagh
حذاء متعدد الاغراض
جزمة .. اودة نوم .. مركبة .. يستخدم فى الشبشبة
‏قال Ahmed Al-Sabbagh
فقد طفل صغير كان معدى من جنب الحذاء ده
ياترى الواد فين ؟
‏قال Ahmed Al-Sabbagh
وده يتباع معاه مولة سرير للعمل كـ لبيسة جذاء
‏قال Ahmed Al-Sabbagh
ااااه فهمت
الحذاء ده مش بيتباع قطعة واحدة
ده بيتقطع منه ويتباع بالكيلو


هههههههههههههههههههههه
هههههههههههههههههههههههههه
‏قال Ahmed Al-Sabbagh
اخر الأخبار : حذاء يبتلع 30 كوتش و 5شبشب وجارى مطاردتة
‏قال Ahmed Al-Sabbagh
وده بقى الحذاء اللى كانوا بيستخدموه فى العصر الحجرى لما كانوا بيشوفوا ديناصور ماشى على الحيطة

هههههههههههههههههههههههههههه
الله يسامحك يابشمهندس سايبنى اعلق ده كله على حصالة رجول ومفكرها جزمه..؟
ـــ
بس ده مايمنعش انك واصل
ــ
وعلى فكره البتاعه اللى حضرتك ماسكها دى ينفع اتنين يمشو فيها بالعكس ..ايون
ــ
انا هبلغ عنها مصلحة الجزمات عشان دى قاعده فى السعوديه مخالف وبدون اقامه

ــ
‏قال خمسة فضفضة
السلام عليكم ورحمة الله وبركاته

اكيد ياباشمهندس الجزمة دي الحكام العرب جايبينها عشان يضربوا شعوبهم بالجزمه
‏قال بنت مصريه
ايه ده الجزم كمان دخلت هيئه النقل العام
هههههههههههههههههههه
اول مره اشوف تك تك بالحجم ده

يلا اهى تقرب المسافات هههههههههههههههه
اتمنى تنورنى يا استاذ احمد

بس انا معرفتش الجايزه ايه
اوعى الجايزه تكون الفرده التانيه
ههههههههه
‏قال MKSARAT - SAYED SAAD
محدش يشتري الجازمة ديه علشان ما تعملوش كالو
‏قال فاتيما
بصراحة معنديش تعليق حلو
بس مش عارفة ليه لما شوفتها إفتكرت الحكام العرب ؟؟؟
دقيقتين بس كدا عشان أضحك براحتى
هاهاهاهاهاهاهاهاهاها
تصدق انت غلطان لانك طلعت حذاءك وانت صغير
‏قال عدى النهار
إيه اللي حصل!؟ مش من عادتك تتكلم فى السياسة
‏قال ...
وراء كل مفتري 'غالبا' جزمة بتتحمله .. واللي بيصبرها إن 'كعبها عالي' عليه
إزيك يا مراكبي
‏قال انا حره
عااااااااا

انا مقاسى 36 والنعمه بس بتكسف اطلب من الراجل البياع فبشتريها 37 وامشى فيها الاول وامرى لله

اومال بقى لو جربت بس احط رجلى فالمركب دا

فاكر انت فطوطه؟؟؟؟؟؟
ناقص تركبلها عجل ونمرة من وراء وتقلبها ميكروباص
أهى تفك زنقة المواصلات عندنا شوية
تحياتى
‏قال دينا فهمي
هو ده الحجم اللي بنتضرب بيه من الحكومة
‏قال تخاريف خاصه!
وبعد الفحص والتمحيص من قبل اللجان الفنية اكد سعادة الوزير ان هذه الجزمة المخالفة هي السبب الرئيسي المتسبب في كارثة الدويقة!وجاري البحث عن الفردة التانية منعا لتكرار الكارثة!
‏قال يا مراكبي
أنا بجد مستمتع جدا بتعليقاتكم .. بقالي كتييييير قوي ما ضحكتش من قلبي كده ... ههههه

ههههه
‏قال انا حره
هههههه وانا كمان والله كل شويه ادخل اقرا التعليقات الجديده واضحك

بس تعالى هنا اوعى تكون بتشتغلنا وفالاخر مفيش جايزه ولا غيره زى 0900 كدا ساعتها بقى متلومش الا نفسك

احنا لازم بعنينا نشوف صوره الفايز وهوا بتسلم الجايزه وبيشكر القناه قصدى بيشكر المدونه
‏قال Hannoda
والعربية؟؟
و الاتوبيس؟؟؟
هههههههههههههههههه

طب انت خليتني اتخيل بدلة صاحب الجزمة ده

تخيل كده بدلته قد ايه
طب تخيل نفسك بتحاول تمسكها و تتصر بيها

طب تخيل عربيته
تخيل فيلم الفيديو اللي بتتصور جنبها بيه

طب تخيل الاتوبيييييييس
أكيد الفيلم بتاعه جايكون 100GB
‏قال Ahmed Kamal
أول تعليق
- باقول لك عملت لي كاللو ، و لازم تشوف لي مقاس أكبر

تاني تعليق
- تفتكري مش حانعوز الفردة التانية ؟

تالت تعليق
- و الله ما كان قصدي أخبيها و أنا خارج

رابع تعليق
- فكرك يا أبو حميد ممكن تتجمرك ؟

خامس تعليق
- إبحث عن الشراب
‏قال غير معرف…
ادخل برجلك اليمين

--------------

مش هفاصل معاك ف سعرها .. بس خلى مصاريف الشحن كادو بأة

--------------

متخفش هتريح معاااك .. متخفش

--------------
السلام عليكم

زمان كنت بعمل المسابقة دي في مجلة الكلية و اعمل صورة مضحكة و اقول اكتب تعليق

بس انا دخلت علشان اشوف التعليقات اللي فعلا رسمت الابتسامة علي وجهي

:)))

**جيبت الفردة الاولي , فاضل التانية و بعدين بقي بدلة شيك تليق عليها

** اول ما شوفت الجحذاء دا جسيت انهالوجو رمزي لللي بالي بالكم و من كترة النهب بقوا فاميلي سايز


**
‏قال اهو ده عيبه
ههههههههه
ياترى مفيش مقاس اكبر ؟
دى اكيد اتحطت فى القالب 6 سنين علشان توسع

ممكن كمان يعلقوا عليها يافطة(ايجار ليموزين)او يركبوها العيال الصغيرة فى العيد

انا بفكر نستثمرها صح ونعملها بطارية ارانب او نربى فيها كتاكيت
‏قال Jana
1- وأنا يشرفنى من هذا المزنق كأكبر طبيب جراحة مخ واعصاب أن اعلن عن نجاح العملية اللى عملناها لسيادتم بإستئصال فص المخ الأيسر ..أملا فى عمل الفص الثانى بكامل كفائته فى مجال حموم الانسان
*******

2- شعار وزارة التربية والتعليم الجديد
"يا تنضرب بيها يادماغك تبقى أديها"
********

3- وزى مانتو شايفين معايا ..مش محتاجين لقوارب نجاة احتياطية ..لأن الناس اللى ناوية تموت ..حتموت كالعادة بسبب مشاكل الصدر والربو ورائحة الشراب طبعا
*******

4- ممكن استلمها بكرة بعد مااستلم الجنوت الجديدة للعربية
والفردة التانية بعد بكرة بعد ما استلم العربية الجديدة!!!!؟
‏قال بنت القمر
الدنيا لما تئاتي تئاتي من وسع:((
أنا دلوقت بس فهمت يعنى إية
( تاتا تاتا خطى العتبة)
لإن جزمة بالمقاس دة تخطى ميدان العتبة
فى خطوطين
هههههههه
بس بجد بجد دى لقيتها فيييين؟؟
‏قال كراكيب عادل
هاااا

1 ودي يا جماعة جزمتي ... قبل التخسيس

2 جزمة حديثة .. للازمات القادمة في بر مصر تنفع في السيول وكمان ضد الحريق وممكن تستخبي فيها من الامن


3 للناس العصبيين الي بيقولوا للناس التانين في قمة الغضب انت ابن ستين جزمة ... وفرنا لكم شتيمة جديدة

4 موديل السنة ومصنوعة من جلد الحمير المذبوحة تحت الاشراف فقط

5 كل واحد يجيب معاة حصان .. عندي جزمة ممكن تتحول لحنتور

6 توفير الطاقة والمجهود في اثناء الخناقات العائلية ... بخبطة وحدة بس

7 الاب لابنة طلبت مني عجلة جبتلك ... دي .. بس ابقي خد اخواتك وراك

8 مطلوب توفير .. مواتير وموظفين لف مواتير للعمل 24 ساعة في خدمة الجزمة
‏قال History Of Me!!!
يلا يلا قرب
خصم 50% للنساء المتزوجات
واحلى خصم 50% كمان للشرطة
والرجال يمتنعون
يا مراكبى :

الموضوع سهل وبسيط

المحل دا عامل المقاس دا مخصوص لأطول واحد فى بلدنا:( عرفتة

جزمة لأكبر رجل تساع قفا كل المصريين لو اترصوا جمب بعض واترقعوا شلوت واحد

تحياتى
‏قال karakib
جزمة و تمر
‏قال Unknown
اكيد صاحب الجزمه دي ايده طايله
:)) طبعا مفهوم


اهي الجزمة دي بالذات مستحيل تتسرق من الجامع
الحرامي هياكل بيها ضرب
بس دي لو حبينا نركنها نحطها فين
‏قال يا مراكبي
يا إخواننا هأموت من الضحك بجد .. ولا تعليق من دول جه على بالي خالص

هههههه

أنا محتار مش عارف مين أحلى تعليق؟
‏قال Ahmad Hegab
حضرتك انا قلتلك تسيبها فى الرده نص ساع بس !!
اهو هو ده بقى الحجم العائلى الجديد!!

ياريت تجربوه .... هههههههههههههه

مع خالص تحياتى
‏قال son's egypt
السلام عليكم
اكيد جزمة تكفينا كلنا
علشان المقاس كبير
‏قال قوس قزح
بعد رفض اعطاء ترخيص للتوكتوك
اقدم لكم الاختراع الجديد اللى مش محتاج ترخيص :
الموتورجل
حمولة 2 راكب
و به رباط امان
و يوجد منه موديلات اسبور شبابية كوتشى رايد
و موديلات حريمى هاى واى هيل

اتصل بنا نصلك بعد فركة كعب
‏قال klmat
اربط الرباط يامراكبى .الدنيا بتقول دى جزمتى
اصل الدنيا مآسى

لأصحاب الهمه وراغبين المكانه لاسيما اعضاء مجلس الشعب اللى بيحبوا يضربوا بالجزمه ضربه منها مش حاتقدر تفتح عينيك

عايز توفر اشترى فرده واحده وامشى برجليك الأتنين
يارب اكسب اى حاجه
‏قال يا مراكبي
طيب أنا أعمل إيه دلوقت؟

كلكم كده كسبتم المسابقة .. هأجيب جوايز لمين وألا لمين؟

حد يساعدني في إختيار أحسن تعليق .. أنا مش قادر أحكم

ولسه برضه بأضحك
‏قال Unknown
دلوقتى 56 .. أنا صفيتهم وحيران دلوقتى فى 55 بس
عندى فكرة حلوة .. حضرتك تقف بالجايزة عند المحل اللى فيه الجزمة واللى يلحق يجيلك هو اللى ياخد بالــ قصدى هو اللى ياخد الجايزة ... ايه رأيك؟
والله ربنا يكرمك ياباشمهندس على الفاصل الكوميدى اللى جاى فى وقته ده
تحياتى
‏قال klmat
التعليقات كلها ظريفه اوى والفكره نفسها جميله شغلتنا يامراكبى بالـ...
لأ ماتتهمنيش غلط بالجايزه طبعا
تعليق قوس قزح جميل اوى
لو قلت الجايزه ايه يمكن اشد حيلى :)
‏قال أميرة
انا اتفاجئت بالصورة دي فى الفيس بوك مكنتش اعرف انك عامل عليها بوست بحاله

بس احلى بوست

مافيش تعليق بعد كل اللي اتقال انا بقالي نص ساعة بضحك دلوقتي اللي في البيت هيقولوا عليا مجنونة ههههههههههههههههههههههههه
‏قال jehan
ههههههههههههههههههههههههههههه

لا يامراكبى فى شوية تعليقات جامدة جدا وانا فطست على نفسى من الضحك

بس بينى وبينك يا مراكبى انا عارفة الجزمة دى بتاعة مين ((( بتعتك )))
بس اية سرك فى بير اناعارفة انك محرج تخرج بيها وقلت احطها واشوف الناس هتعلق تقول اية علشان التعليقات وانا خارج يبقى عندى استعداد ليها
عموما ما تخدش فى بالك كلام الناس وبلاش الحركات النص كم دى يا مراكبى انت كبرت على كدة وبعدين المثل بيقول البس الى يعجبك وكل الى يعجب الناس هههههههههه
‏قال Unknown
ايه ده يا مراكبي
انت ناوي تضحك علينا ولا ايه
ايوه بتقول عمال اضحك اهو
وشكلك ناوي تهرب بره مصر بالفرده التانيه
:)))
‏قال Alkomi
جيت اعلق و حاطط في دماغي موضوع جاد من مواضيع حضرتك اللي سمعت عنها لاقيتك عامل حاجة خفيفة

الخير على قدوم الواردين

هههههههههههههههههههههههه

و برضه نعلق

المهم تكون مؤمنة تمام

يعني لو اتزنقت و خدت بيها مشوار لايطاليا هتسترنيولا هتفضحني

سعيد جدا بتعليقي في مدونتك الجميلة
‏قال يا مراكبي
شكلي كده هأنزل بوست جديد يبقى إستفتاء عن أحسن تعليق .. وأهو يبقى تسويف لموضوع الجايزة برضه .. ههههه
‏قال اقصوصه
سندريلا تبحث عن الامير

اللي يطلع الحذاء هذا من مقاسه

بيكون فتى احلام لسندريلا!!
‏قال Asmaa mahaba
ايه دا هم فصلوا عربيات السيدات عن المترو ولونوها بنى ولا ايه؟؟؟
‏قال Asmaa mahaba
ييييييييييييييه وانا برضو بشبه عليها هى نفس بعينها
عربيه الرئيس اللى بتعدى فى موكبه حتى بالاماره والموكب معدى الظباط بيصوتوا ويقولوا ارفعوا النعاااااال
تحسبا لحدوث اى فوضى شعبيه
‏قال Asmaa mahaba
هدد تنظيم القاعده السوق الامريكيه حين اطلق طائراته الجديده طراز النعل المتين فى السوق الحره منافسا للطيارات الجامبو
‏قال Asmaa mahaba
اكد الرئيس الامريكى بوش انه لا يوجد اى خطوره من طائرات القاعده الجديده حيث ان العرب معتادون على الاخذ بها دائما وليس ركوبها
‏قال daktara
مش علي قدي طبعا ضيقة جدا
‏قال Epitaph1987
ههههههههههههههههه

دي بجد معمولة ازاي وليه دي
‏قال يا مراكبي
أنا بأشكركم كلكم جدا جدا على الإبتسامات وخفة الدم دي كلها

صعب جدا إني أختار واحد بس وأديله الجايزة

وأصعب بكتير إني أقدم جوايز لكل الناس دي (وش بخيل جلدة) هههه

كلكم فايزين .. وأنا الفايز الأكبر بجد

خالص حبي وتقديري للجميع
علي فكره نزل عندنا منها هنا في مصر
بس اسمها توك توك
‏قال بس خلاص ...
بص بقا يامراكبى
دى اول مره ادخل عندك بس هاقولك
ادى المركب وادى المراكبى..
بس اول مره اشوف مراكبى شايل مركبته ..طيب شيل على قدك
‏قال Ahmed Essawy
تعليق الحزب الوطني
في دعايه وقفه مصريه
جزمه واحده علي دماغنا كلنا

علي وزن :)


وقفة مصرية

نحكم عقلنا نتعالج كلنا

وقفة مصرية


نحكم عقلنا نستريح كلنا


وقفة مصرية


نحكم عقلنا نشرب كلنا


وقفة مصرية


نحكم عقلنا نشبع كلنا


وقفة مصرية


نحكم عقلنا نتعلم كلنا
‏قال max.adams
الصورة جميله جدا يا بشمهندس

التعليق:
حذاء السبعة فراسخ
‏قال koukawy
جزمه اقتصاديه
عشان العيله توفر فلوس لجزم كتير
ههههههههههههههه

الخميره بتاعة الجزمه كانت زياده شويه
هههههههه

المشاركات الشائعة من هذه المدونة

في الذكرى السنوية العاشرة

عايز أرقص تانجو

عيناها وشفتاها