شد القلوع يا مراكبي ... مافيش رجوع يا مراكبي

الجمعة، أكتوبر 23، 2009

كيف تأتي الأطفال؟


حسنا .. لننحي إبتساماتنا الخبيثة جانبا بعد أن قرأنا جميعا عنوان هذا البوست .. وليتذكر كل منا الآن ذلك اليوم البعيد الذي سألت فيه والديك - أحدهما أو كلاهما - ذلك السؤال اللوذعي الساحق الماحق الذي لا يصد ولا يرد: هو أنا إتولدت إزاي؟

كلنا يتذكر ذلك الإرتباك الذي أصابهم عند إلقاءك لهذا السؤال .. وربما كنت توجه السؤال لأمك بمفردها فكانت الإجابة هي: روح إسأل أبوك .. وربما كنت توجه السؤال لأبوك بمفرده فكانت الإجابة هي: روح إسأل أمك .. وبما كان حظهما سيئا للغاية بأن تواجدا معا أمامك في تلك اللحظة التاريخية مما أدى إلى حتمية أن يجيبونك عن سؤالك .. فكانت الإجابة التي يحفظها الجميع: لقد ذهبنا ذات يوم لنشتري علبة من الحلوى فوجدناك فيها .. وهي إجابة أفضل كثيرا من الإجابة الأخرى التي وجدوك فيها على باب المسجد
.
وبرغم أنهم قد أسكتوك مؤقتا بموضوع علبة الحلوى أوالمسجد .. إلا أن الآلية التي جئت بها إلى الدنيا ظلت في رأسك كمنطقة ضبابية غير واضحة المعالم .. ومما زاد من تلك المشكلة هو أن أحدهم قد أبلغك أنك قد ولدت من بطن ماما .. وهنا كان التساؤل: كيف دخلت إلى بطن أمي إذا؟ ومن أين خرجت عند ولادتي؟ فبطن الأم مكور الشكل مغلق السطح ومصمت من كل الجهات .. لابد أن هناك سرا إذا .. فتأتي الإجابات مؤكدة أن الله قد زرعك في بطن أمك كنقطة مياه صغيرة .. وأنهم قد فتحوا بطن أمك بالسكين كي يخرجوك منها بعد أن كبرت
.
إذا فالموضوع يبدو قدريا إلى حد ما وفق ما توصلت أنت إليه حتى تلك اللحظة .. لكن الموضوع لم يمر بسلام هكذا .. فقد شاءت الأقدار أن تستمع ذات يوم إلى حوار بين أبويك كانا يتناقشان فيه عن أن الوقت قد أصبح مناسبا لكي ينجبا أخا أو أختا لك .. ثم مالت الأم بدلال موجهة سؤالها إليك قائلة: مش عايز نونو يبقى أخ ليك؟ نفسك في أخ ولا أخت؟ اذا الموضوع فيه نوع من الاختيار .. هناك نوع ما من الفعل يمكنهما فعله لكي يأتي ذلك النونو .. وأخذت تفكر .. هل سيصطحبانك معهما إلى ذلك الحلواني الذي ستشترون منه علبة الحلوى التي سيكون فيها أخوك أو أختك؟ أم سينتظرون تلك النقطة المائية التي سيقذفها الله إلى داخل بطن أمك ليكبر الجنين مع مرور الوقت حتى يأتي اليوم الذي تستخرجون الطفل فيه بواسطة السكين؟ الأمر أصبح أسوأ بكل المقاييس وصرت لا تفهم شيئا ولا تثق في أية إجابات .. أضف إلى ذلك أنك طفل سقيل أصلا
.
ربما نتفق جميعا أن الفرج قد جاء حينما وصلنا إلى الصف الثاني الإعدادي .. فقد كانت مادة العلوم تحتوي على درس هام كان يتحدث عن التكاثر في النباتات .. يذكر ذلك الدرس أن حبوب اللقاح التي تطير من زهرة بها طلع مذكر تصل إلى زهرة أخرى بها ميسم مؤنث فيحدث التلقيح .. كانت تلك هي المرة الأولى التي تتعرض فيها إلى كلمة التلقيح تلك .. بعد ذلك الدرس يهمس أحد أصدقاء السوء في أذنك بأن تلك الطريقة هي نفس الطريقة التي يولد بها الإنسان .. تصدم أنت من تلك المعلومة الغريبة .. تحاول أن تستوضح منه أكثر فيخبرك عن أن الرجل يحمل ما يسمى بالحيوانات المنوية التي تكون بديلا لحبوب اللقاح .. تستمر أنت في أسئلنك الساذجة عن المكان الذي يحمل فيه الرجل تلك الحيوانات المنوية .. وكيف تصل إلى بطن الأم .. ومن أين تدخل إليها أصلا .. فيجيبك هذا الصديق على كل تلك الأسئلة .. وتعود إلى منزلك وأنت في حالة نفسة سيئة للغاية .. لا تصدق أنت أن أبويك قد قاما بتلك الأفعال لكي تأتي أنت إلى الدنيا .. فلطالما كانت الإشارة إلى تلك الأعضاء محفوفة بالعيب دون إبداء أسباب .. هو عيب وخلاص .. هذا بالإضافة إلى إدراكك بأنهما قد كذبا عليك لسنوات طويلة عشت أنت فيها في وهم علبة الحلوى ونقطة المياه والسكين
.
وما هي إلا شهور قليلة إلا وأتي الصف الثالث الإعدادي حيث يحتوي كتاب العلوم هذه المرة على درس كامل يتحدث عن التكاثر في الإنسان .. ربما كانت تلك هي المرة الوحيدة في حياتك التي وجدوك فيها مهتما بقراءة كتاب مدرسي حتى من قبل أن يبدأ العام الدراسي نفسه .. كلنا راجع هذا الدرس العديد من المرات خلال العام الدراسي وحفظناه عن ظهر قلب .. وكانت هذه المراجعة مفيدة لأن معلمة العلوم الحسناء قالت يومها: إن هذا الدرس سهل ويمكنكم أن تدرسونه بمفردكم .. كنت تدرك أنها محرجة من أن تشرح درسا كهذا بينما كان إبن عمك محظوظا بأن كان لديهم معلما رجلا لم يستح من أن يشرح هذا الدرس في الفصل .. فذهبت أنت إليه فورا لكي يذاكر هو لك ذلك الدرس الذي لم يتم شرحه في مدرستك .. قال يعني
.
تكبر أنت قليلا ويحدث أن تشاهد بعضا من الأفلام القديمة بحضور والديك أمام التلفاز .. تأتي بعض المشاهد التي تعبر بطريقة غير مباشرة عن حدوث لقاء جنسي بين بطلي الفيلم .. فتبتسم أنت إلى أبويك في خبث وتقوم بتلقيح بعض الكلام معلنا أنك فاهم كل حاجة يا عفاريت
.
أما المرحلة التالية فقد كان بطلها سلسلة كتب طبيبك الخاص .. وهي التي لم يخلو منها عدد عن الحديث عن تلك المسأله .. هذا بخلاف العدد الخاص بحياتنا الجنسية والذي كان يصدر كل عام لكن غلافه كان يتغير فيشتريه الناس كل مرة .. وكلنا يذكر الجملة الشهيرة: أنظر الشكل صفحة 17 هههههه
.
تمر الأيام والأسابيع والسنين .. يقترب أبنائي من الصف الثاني الإعدادي شيئا فشيئا وأبدأ في القلق بشدة .. فقد إقتربت تلك اللحظة التي يكتشف فيها أبنائي أن الحلواني إياه ليس له وجود .. والجرسة هتبقى للركب .. ويا كسوفي يا كسوفي

التسميات:

57 Comments:

Blogger ـ-ـ- أحمد عبد العدل-ـ-ـ said...

:))))
ربنا يبارك فيهم و يحفظهم ان شاء الله و يكبروا و يجيبوا ولاد من عند الحلوانى برضو

بس على فكرة ياباشمهندس تانية إعدادى دى النظام القديم أعتقد النظام الجديد من تانية ابتدائى بيفقس موضوع الحلوانى :)))

الجمعة, أكتوبر 23, 2009

 
Blogger إسكندرانية said...

ربنا يخليهمللك

بس اللي مستغرباة ان فعلا دة نظام تانية اعدادي وتالتة اعدادي يعني
من ايام حضرتك لغاية دلوقتي موضوع متغيرش

الجمعة, أكتوبر 23, 2009

 
Blogger مهندس مصري said...

على أيامنا إحنا كان شرح التكاثر في النبات في اولى ثانوي و التكاثر في الإنسان في ثانية ثانوي
فكده يبقى الموضوع إتقدم سنتين عننا
:)

الجمعة, أكتوبر 23, 2009

 
Blogger سومه...مجنونه فى بلد عاقل said...

:)))))))) ربنا يخليهوملك يا رب
انا بقى مليش فى التطلعات يعنى مسالتش ماما ولا بابا جيت ولا مجيتش اشغل راسى ليه المهم انى جيت :)
بس انا منغير ما اسالهم فى ذات مره ماما كانت بتهرج معايا تهريج تقيل شويه واقنعتنى انى مش بنتها وانها وجدتنى فى صندوق الزباله .... واما سالت بابا لا بنته ولالا ...
قالى ان عمر افندى كان منزل هدايا ع العفش وانهم اخدونى هديه ع الكرسى :)

الجمعة, أكتوبر 23, 2009

 
Blogger حزيــــــــــــــــــن said...

يخرب عقلك
هموت من الضحك

انت فاكر كتاب طبيبك الخاص دا ازاى
واضح ان دى فترة مؤثرة جدا فى حياتك او انك اتصدمت على سهوة كده

الجمعة, أكتوبر 23, 2009

 
Blogger norahaty said...

مــا تحملش هم
ياباشمهندس فالأبناء
الان يعلمون أحياناً أكتر
من اللى خلفوهم وخلفوا
ابوهم كمان(بردون يعنى)

الجمعة, أكتوبر 23, 2009

 
Blogger micheal said...

نفسي أعرف ليه بنخجل من هذه المناقشات رغم أن عملية التكاثر دي شيء راقي جدا جدا لانها ببساطة سر إستمرار الحياة ووجودنا
تحياتي لطرحك البسيط للموضوع

الجمعة, أكتوبر 23, 2009

 
Blogger allfollowsome said...

قابل يا معلم

انا لسه قدامى فترة طويلة لحد اما اوصل المرحلة دى

لسه السن عندى لم يتجاوز 4 شهور

ههههههههههههههههههههههه


بس السؤال بقى فى سن كام سألوك كده عشان يبقى الواحد عامل حسابه

الجمعة, أكتوبر 23, 2009

 
Blogger mohamed ghalia said...

العيال كبرت يا أستاذنا
ربنا يعينك

الجمعة, أكتوبر 23, 2009

 
Blogger لاسع افندى said...

طيب مش كنت تقولنا الاجابه النموزجيه
احسن انا شايل هم السؤال ده



تحيه لاسعه

الجمعة, أكتوبر 23, 2009

 
Blogger شيمـــــاء said...

مش قادرة اقولك فرحانه فيك اد ايه :)
ربنا يخليهم يا رب ليكم

الجمعة, أكتوبر 23, 2009

 
Blogger يــوم جــديد said...

في دلوقتي كتب كتير ومقالات على صفحات الانترنت بتتكلم عن الموضوع ده وتوصيله للأطفال من سن 3 سنين لغاية فترة المراهقة
لا تقلق يا أستاذنا

الجمعة, أكتوبر 23, 2009

 
Blogger همس الاحباب said...

هههههههههه
ده كان على ايامكم وايامنا يا هندسة
دلوقتى الطفل مولود ومعاه كتالوج مصور
لا تقلق
او لحد سالك من الاولاد قله انظر المدونة بوست كيف تاتى الاطفال
ربنا يبارك فيهم وبحفظهم من كل سوء
تحياتى

الجمعة, أكتوبر 23, 2009

 
Blogger رشا ashash said...

اعتقد ان الموضوع ابسط مما تتخيله فاطفال اليوم منزوعي البراءة يدركون كل شيء بسرعة وخاصة مع انتشار الفضائيات
مش زي اطفال زمان البريئة

الجمعة, أكتوبر 23, 2009

 
Blogger Tamer Nabil said...

ههههههههه

بجد ياصاحبى كما نقول هم يضحك وهم يبكى دة اخرة الكذب بقى على الاطفال ههههه.


اعتقد ان الامر عادى والاطفال بمرور الايام هتعرف كل حاجة من الدراسة والاصحاب وهيوصل لسن يتحرج يكلم معاك فيها

ربنا يخليهم ليك وتفرح بيهم

مع خالص تحياتى

الجمعة, أكتوبر 23, 2009

 
Blogger نـــــــــــــور said...

:))

اسلوب حضرتك لذيذ لكن ماعلينا
عايزة اقول لحضرتك بصرف النظر عن الحلوانى والفيلم ده
الاولاد دلوقت مابقوش يستنوا لحد تانيه او تالته اعدادى لما يعرفوا بالصدفه هما بيجوا ازاى؟!
هما دلوقت من قبل خامسه ابتدائى بيكونوا عارفين
وساعتها بتحسر على نفسى لسبب مهم اوى
هو انى لحد من سنوات قليله جدا جدا
مكنتش اعرف الست بتولد ازاى هههههههههههههههه

الجمعة, أكتوبر 23, 2009

 
Blogger Mona said...

اولا يا أحمد ربنا يخلى لك اولادك ويحفظهم لك ولاتقلق لن يقوموا بسؤالك لان عندهم الاجابات من زمن أنت لسة متخيل ان العيال بتسأل فى الحاجات ديه لا ديه خلاص ديموديه!!
أما لو حصل وتم سؤالك ليه الحرج والكسوف وارتكاب نفس أخطاء الماضى على العكس يجب أن تكون المعلومات مفيدة وذا قيمة فى حدود السؤال والسن ومدى استيعابهم - وربنا يكرمك ويكرمهم بأذن الله

الجمعة, أكتوبر 23, 2009

 
Blogger Dr Ibrahim said...

فى كتاب "يوميات نص الليل"للدكتور مصطفى محمود والذى تناولته هنا

فى مقال "الطفل العميق"


" الطفل العميق" وتناول

فيه براءة الطفل الذى يسأل عن أشياء كثيرة وكيف أن هذه الأسئلة التى

يعتبرها البعض ساذجة وتافهة لاجواب لها ماهى إلا أسئلة يتألف منها

فكر الإنسان وحضارته
ربنا يحفظ ولاد حضرتك ويوفقهم

السبت, أكتوبر 24, 2009

 
Blogger esraa said...

:)

ربنا يخليهوملك يارب

السبت, أكتوبر 24, 2009

 
Blogger Jana said...

يقولون أن معرفة الأطفال بهذه الأمور من الأفضل أن تكون عن طريق الأهل.. ولكن ما يحدث دائما بعد اكتشافهم صدمة طفلهم عند اكتشافه الحقيقة المريعة هو التظاهر بعدم ملاحظتهم لما طرأ وبرغم الاحراج الذى يقتلهم يشعروا بالراحة لمجرد أن تولى غيرهم الأمر
..حاول تسافر الصين تانى فى الفترة دى
:-)

فاتتنى التدوينتين السابقتين للأسف
وأحييك كثيرا على تدوينة الشطرنج ..الذى أجدنا فيه الفشل فاستحققنا الخسارة بجدارة

السبت, أكتوبر 24, 2009

 
Blogger Sharm said...

متقلقش

كلنا مرينا بالمرحلة دي

السبت, أكتوبر 24, 2009

 
Blogger لورنس العرب said...

انا فاكر فعلا اني اخدت التكاثر في اولى اعدادي
لكن على ما اعتقد انه حاليا الموضوع المفروض يتحذف من المنهج لأن الخلفيه عند العيال من 3 ابتدائئب بالكتير!


ربنا يخلي لك اولادك

السبت, أكتوبر 24, 2009

 
Blogger اعشق فى الليل ضوء القمر said...

ههههههههههه

الحمد لله ليس لى اطفال يسألونى تلك الأسئله اما عن مخاوفك اظن انك من تخاف

السبت, أكتوبر 24, 2009

 
Blogger Ahmed Mubarak said...

مش عارف انا الي فلته علشان عارف من ربعه ابتدائبي ولا اصحابي اصحاب سوء
:)

السبت, أكتوبر 24, 2009

 
Blogger بثينــــــة said...

ضحكت من قلبي
يا كسوفك صحيح :))ا
الفكرة ان اطفال اليوم غير اطفال الامس اللي هما احنا يعني لانهم في مجتمع مختلف تماما
بس برضه اصح حاجة ان الاهل ما يستخفوش بالطفل لان مسالة الحلواني دي تغيظ .. التضليل باجابة مبهمة هو الحل لحين تسريب الاجابة لهم بالتدريج وعن طريقنا وبوش جبس وباجابة علمية بحتة وتغيير الموضوع ودة طبعا عند وصولهم للسن المناسب
لكت يظل الخوف من سؤالهم وارد
بنتي عمرها ما هتسأل لانها تقيلة ومتحبش حد يحرجها وبتفكر الف مرة قبل اي سؤال
المصيبة في الصغير لانه ممكن عادي يسأل بعلو صوته لو خطر في باله سؤال حتى لو كنا في ميدان عام :)ا

الأحد, أكتوبر 25, 2009

 
Blogger أحمد كمال said...

الموضوع قرّب فعلا يا هندسة ، و الحل الصحيح هو أن ترد على السؤال دائما بإجابة صحيحة ، و لكنها مناسبة لسن الطفل ، فمعرفة أن الأم تحمل الأطفال في بطنها و تلد أساسية ، و كذلك أن الأم المتزوجة فقط هي التي تلد ، و هكذا - و ربنا يعيننا على هكذا :)

و بهذه المناسبة أتذكر تعليق قريب لطفلة في العائلة عندما قالت أن أمها ذهبت إلى الطبيب لكي يضع لها البيبي الجديد في بطنها !!

الأحد, أكتوبر 25, 2009

 
Blogger طهقان said...

يا مراراكبي

قرئت الموضوع اكثر من مرة


وبرضه ماعرفتش
الولاد بيجو منين وإزاي ؟

الأحد, أكتوبر 25, 2009

 
Blogger رابطة هويتي اسلامية said...

وكما وعدناكم بأن تستمر حملتنا وتأتي بكل جديد

ضيف حوارنا هذه الرسالة :::

الأستاذ معتز شاهين - باحث تربوي

صاحب مدونة إحنا وهما

وهي مدونة تهتم بالإستشارات التربوية

نتمني منكم المشاركة معنا في الحوار لمزيد من الإستفادة ولمزيد من الإفادة

مع تحياتنا

أسرة رابطة هويتي إسلامية

الأحد, أكتوبر 25, 2009

 
Blogger وينكى said...

هههههههههههههههههههههههههههههههههههه
كاس وداااااااااااااااير

أفتكر لما كنت فى تالته اعدادى ومدرسة العلوم كانت بتشرح الدرس ده سألتها سؤال غبي جدا ( هي الحيوانات المنوية بتدخل منين؟)
وانا باسال بمنتهى البراءة ومستغربه مابين ضحكات زميلاتى ونظرة الشفقة فى عين مدرستى
هييييييييييييه ايام
متهيألى دلوقتى من تالته ابتدائي العيال هاتبقى عارفه كل حاجه
وربنا يخليلنا التليفزيون والنت
بس حلوة علبة الحلويات دى :)

الأحد, أكتوبر 25, 2009

 
Blogger أم بتول said...

ربنا يبارك لك فيهم ، و لو سألوك قول لهم أنظر مدونة يا مراكبى بوست كيف ياتى الأطفال و تكف عن نفسك معاناه الأجابة و العرق و الوش الى بيحمر ، على فكرة حكاية السكينة دى و إن كانت أختلفت قليلا وهى أن الصرة التى فى بطن الأنسان يقومون بفكها مرة أخرى ليخرج منهاالطفل المعلومى دة كانت عندى لحد ثانوية عامة ... أرجوك ما تضحكش لأنى سمعتها و أنا صغيرة ولم أشغل بالى تانى بيها لأنى و قتها قلت عرفت و خلاص !!!!!!!!!

الأحد, أكتوبر 25, 2009

 
Blogger osama44 اسامه 44 said...

ههههههههههه
موضوعك جميل اراك تتكلم عن اهمية التحدث مع الابناء فى هذه المواضيع
دمت رائعا

الأحد, أكتوبر 25, 2009

 
Blogger رضا الكومى said...

إيه رأيك يا ياشمهندس لو جاوبت عليهم من خلال الدين أو القرآن مثلاً " وَاللَّهُ خَلَقَكُم مِّن تُرَابٍ ثُمَّ مِن نُّطْفَةٍ ثُمَّ جَعَلَكُمْ أَزْوَاجاً وَمَا تَحْمِلُ مِنْ أُنثَى وَلَا تَضَعُ إِلَّا بِعِلْمِهِ"
وتحاول شرحها شرح مبسط

وياريت تقولى على النتيجة علشان أستعد

تقبل مودتى

الأحد, أكتوبر 25, 2009

 
Blogger Queen of Shiba said...

loool..one of the most interesting pieces I read on "howdo children come"!Loved your style!

الاثنين, أكتوبر 26, 2009

 
Blogger أبو أمك said...

طب أمانة عليك يا شيخ
لما العيال يوصلوا تانية إعدادي..تبقى تسلفني الكتاب
عشان ضاع مني ومش لاقيه من زمان

الثلاثاء, أكتوبر 27, 2009

 
Blogger صدى الصمت - عاشقة الورد - said...

والله أنا شايلة هم السؤال دة من ساعت ماخلفت وبرضة لغايت دلوقت مش محضرة إجابة وخايفة مريم تسألنى وفى الغالب هأمطوحها وأقولها إبقى إسألى أبوكى وعقبال مايرجع من السفر تكون نسيت
قشطة؟
سلامة للجميع عندك

الأربعاء, أكتوبر 28, 2009

 
Blogger اسماء said...

:‏))))
حلو الموضوع ده جداااا تناول رائع لموضوع شديد الحساسية بأسلوب شيق جدا
انا بقا مقالوش ليا اني من الحلواني ولكن لاقوني جوا الفازا اللي كانت جنبهم في صورة الفرح
:‏) سذاجه وش يعني

الأربعاء, أكتوبر 28, 2009

 
Anonymous ثرثارة said...

ذكرتني بحاله ووجه امي ههههههههههه

ربنا يخلي ليك عيالك و استعد للسؤال لما بتذاكر لهم

الأربعاء, أكتوبر 28, 2009

 
Blogger بنت مصريه said...

ههههههههههههههههههههههه
طب بالذمه انا اعلق اقول ايه هههههههه
والله العيال دول اتضح انهم بيستحملوا م الكبار بلاوى ههههههههههه
بوست مهم يا بشمهندس وخلانى افتكر طفولتى هههههههههه

الخميس, أكتوبر 29, 2009

 
Blogger حسن ارابيسك said...

مراكبي
الله يجازيك
خلتني أقعد أفكر ياترى أنا سألت نفس السؤال ده
قلت لنفسي لا
رجعت قلت لنفسي يمكن بس أنا مش فاكر
طيب ولو كنت سالتهم
ياترى قالولي من عند الحلواني في علبة الحلويات
ولا من عند الفكهاني مثلا يمكن
لكن سألت نفسي أنا وأنا صغيور كنت بحب أيه..وده اللي أنا فاكره كويس
كنت بحب العيش المرحرح الفلاحي ومازالت بحبه بشكل غريب
فأقنعت نفسي أنه ربما قالولي جبناك في قُفه وسط العيش المرحرح
الله يجازيك ياعم يامراكبي
تحياتي
حسن أرابيسك

الخميس, أكتوبر 29, 2009

 
Blogger رجل تحت الصفر said...

تعرف هما قالوا لي ايه يا بشمهندس


قالوا انت جيت هدية مع علبة عصير ؟


و أنا هقول لعيالي أنا كسبتكم في كيس شيبسي

و عيالي هتقول لعيالها

واحنا بقى جبناكم من فوائد البنك ، اشترينا مصاصة و لقينا فيها اسمكم رحنا استلمناكم



حلواني ايه بس ، طب افرض الحلواني فتح تحت البيت ، العيال هتروح تقولوا انت بتصنع العيال فين


وعلى فكرة الفترة اللي العيال بتسأل فيها لو ما لقيتش إجابة منطقية ، هيجيلها عقم فكري

و متهيألي لما يعرفوا لوحديهم في 3 إعدادي أرحم من اللف و إعادة التدوير .

الجمعة, أكتوبر 30, 2009

 
Blogger mimi said...

أنا بنت أختي النهاردة سألتني يعني إيه شيعة؟

وهيا لسة 10 سنين

أختها اللي عندها 8 سنين سألتني يعني إيه جواز عرفي؟

قلتلها " روحي إسألي حد كبيييييير"

السبت, أكتوبر 31, 2009

 
Blogger شاب فقرى said...

قرب قرب قررررررررررررررب

قرب يا واد وشوف السكس كله من عندي

عمك الفقري جايبلك السكس لحد عندك

زورونا وهتهيصوا

قرب قرب قررررررررررررررب

قرب يا واد وشوف السكس كله من عندي

عمك الفقري جايبلك السكس لحد عندك

زورونا وهتهيصوا

قرب قرب قررررررررررررررب

قرب يا واد وشوف السكس كله من عندي

عمك الفقري جايبلك السكس لحد عندك

زورونا وهتهيصوا

قرب قرب قررررررررررررررب

قرب يا واد وشوف السكس كله من عندي

عمك الفقري جايبلك السكس لحد عندك

زورونا وهتهيصوا

قرب قرب قررررررررررررررب

قرب يا واد وشوف السكس كله من عندي

عمك الفقري جايبلك السكس لحد عندك

زورونا وهتهيصوا


قرب قرب قررررررررررررررب

قرب يا واد وشوف السكس كله من عندي

عمك الفقري جايبلك السكس لحد عندك

زورونا وهتهيصوا

السبت, أكتوبر 31, 2009

 
Blogger محمد الجرايحى said...

أخى الفاضل
السلام عليكم ورحمة الله وبركاته
هذا الموضوع منذ الأزل وهى يتردد
ولكن لم نسمع من أحد كيف تكون الإجابة بأسلوب علمى مبسط !!!!!!!

السبت, أكتوبر 31, 2009

 
Blogger !!! عارفة ... مش عارف ليه said...

في البداية أحب اعتذر عن تأخيري
طول الفترة اللي فاتت، وإن شاء الله يدوم التواصل بينا مستقبلاً

نيجي لموضوعنا وهو كيف تأتي الأطفال؟

والله أنا حاولت أعمل ضربة إستباقية

وأبدأ قبل تانية إعدادي لأني بدأت الاحظ النظرات المريبة إياها لما يكون في مشهد لفيلم كده

وقد كان بعد محاولات عديدة وكل مرة كنت أقدم رجل وأخر عشرة قررت أفتح الموضوع ده مع الواد

لقيته يا خويا تقريبا عارف كل حاجة

بس يمكن المعلومة عنده مشوشة شوية وكلمته بصراحه وبمنطق علمي جدااا وشرحت له الموضوع زي ما بيتشرح في كتاب العلوم بتاع تالته إعدادي

بس للأمانة كل اللي قولته هو كان عن الجهاز التناسلي للذكر

كتوضيح للمعلومة بالنسبة له علشان مرحلة البلوغ متكونش صادمة بالنسبة له ويكون مستوعبها وميتخضش منها

أما الجهاز التناسلي للأنثى لحد دلوقت مقدرتش استجمع شجاعتي واتكلم معاه فيه .. ومش عارف اعمل ايه في الحوسة دي وبصبر نفسي وأقول لسه بدري وبحاول أضيع وقت

إنما على كل حال تقدر تقول إني حطمت حاجز كبير في الحديث في الموضوع ده بالضربة الإستباقية دي وبقى في ثقة كبيرة بينا للحوار في الحاجات دي بدون خجل

وده الجميل في الموضوع

وبالنسبة لموضوع السؤال كيف تأتي الأطفال؟

واللي بيجي في مرحلة قبل اللي بحكي عليها دي

في رأي بيقول

إن العقل اللي بيسأل

أي سؤال من أي نوعية

لديه القدرة لإستيعاب إجابة سؤاله.


ومن هنا لما أتسألت السؤال ده
جاوبت عادي زي ما قال أحمد كمال

وعن لحظة الميلاد كانت الإجابة روحنا للدكتور وخرجك من بطن ماما ، وده الطفل بيشوفه فعلا لأن الولادات القيصرية تفشت أوووي الأيام دي

معلش بقى الكلام اخدني ورغيت كتير

إنما موضوعك هو اللي فتح المجال للحوار

وبصراحه التعليقات كمان كلها لطيفة :)

تحياتي
وليد

السبت, أكتوبر 31, 2009

 
Blogger م/ الحسيني لزومي said...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

الاثنين, نوفمبر 02, 2009

 
Blogger وميض ابتسامة said...

كلنا ياعزيزى هذا الرجل قد اكون سبقتك بمراحل ولكنى بدون شك وقفت موقفك متوجسا وانا اتحسس كلماتى ولا ادرى ان كنت صائبا ام انى فى ورطه ما بعدها ورطة .. واشد ما كنت اخشاه هو فذلكة وتأثير الاصدقاء فى هذا السن المزعج .. على فكرة وحشتنى مدونتك جدا

الاثنين, نوفمبر 02, 2009

 
Blogger Shaimaa said...

ربنا يخليهم ليك يا مراكبى ويكبروا بسرعة ويجيبولك أحفاد يسألوك احنا جينا اذا يا جدو؟؟!!!!
تحياتى

الثلاثاء, نوفمبر 03, 2009

 
Blogger خواطر شابة said...

أضحك الله سنك

الأربعاء, نوفمبر 04, 2009

 
Blogger هنونه said...

ههههههههههههههههههههه
طب والإجابة
يعني تحط سؤال من غير إجابة
طب جاوب عشان نعرف نجاوب يوم مانتسال احنا كمان :)

الخميس, نوفمبر 05, 2009

 
Blogger يا مراكبي said...

:-)

طبعا أنا لسه ما عنديش إجابة مقنعة للأولاد .. ولسه مش عارف هأعمل إيه .. لكن أهو بأنفس عن نفسي معاكم وبتعليقاتكم .. كلنا مشتركين في الذكريات دي وكلنا هنتعرض للموقف ده

أشكركم جدا على التعليقات الجميلة دي

الجمعة, نوفمبر 06, 2009

 
Blogger أحمد كمال said...

مراكبي : اكتشفت من أيام قليلة إن المشكلة دي بتحصل بسبب أول دروس الفقه كمان
:s

لو قابلتك قريب ممكن أقول لك خبرتي في هذا الموضوع !!!

الجمعة, نوفمبر 06, 2009

 
Blogger Gid-Do - جدو said...

ازيك ياحمد

فكرتنى بالماضى الجميل ماضى الطفولة البريئة والاباء الطيبة- كنا فى تلك الفترة اربعة اخوة- ثلاثة اولاد وبنت - وكانت البنت هى الرابعة فى الترتيب وكان الفرق الزمنى بين كل واحد والتالى له فى حدود العامين - كانت البنت قريبة الى اخيها السابق لها فى الترتيب اكتر منا نحن اللذان سبقنها واعتقد انها كانت فى حدود الثالثة من عمرها وكنت فى حدود التاسعة من عمرى حينما جاءت اختى باكية الى ابى - يرحمه الله - وهى تقول اشمعنا انا اللى لازم اتبول جلوسا واخى يتبول واقفا انا عاوزة اتبول زيه وانا واقفة - ضحك ابى واحتضنها وقال لها البنات والولاد الحلوة تتبول زيك كدة جلوسا اما اخوكى ده وحش لانه بيتوبل واقفا زى الحيونات واعتقد ان اختى اقتنعت بالاجابة لانها لم تعاود الطلب.

تحياتى

السبت, نوفمبر 14, 2009

 
Blogger Bumedian said...

السلام عليكم ...

نعم يا باش مهندس .. فعلا ... وهذا قصور في نظام تربيتنا و تغطيتنا لحقيقة حياتنا ...

تقسم التربية التي يتلقاها الاطفال على مراحل امر ضروري .. و الحديث معهم بطريقة واقعية على انهم يفهمون لا على انهم اطفلا ولا يعقلون بعد يساعد كثيرا في تنمية قدراتهم الفكيرة و التفيكيرة و العقلية ...
و انا اؤيد اجابة اسئلة الاطفال دائما بالواقع الحقيقي بطريقة تصل الى اذهانهم ... و تهيئتهم لهذا الامر بعيدا ان يكون امر الانجاب و غيره عيبا او ما شابه لكي لا يكون الامر كذلك عند كبرهم و لا نتركهم يتعلمون تلك المعلومات من اماكن لا يلق بهم اخذها منه ..
و ايضا حمايتهم من تجربة الغير مصرح به بانفسهم و يقعون في شرك انفسهم و تكون لهم عادات سيئة في المستقبل ...

فلا ارى بأسا من ان يبدا الحديث عن هذه الامور حال سؤال الطفل لابويه ..
على الاقل بان يقول له .. ان الله شرع الزواج .. و هو امر ضروري لانجاب الاطافل .. بحيث يجب ان يكون رجل وامرأة بحيث لا يكون الالامر مضللا بصندوق حلوى او مدخل جامع او هدية احضرت صدفة ...

و يعتمد ذلك على مدى عقلانية الابوين و قدرتهما على خلق اسلوب تفاهم مع ابنهم ... و تنوير عقله بالواقعية بعيدا عن الغير واقعية التي يهرب بها الاباء من مسؤولية نقل المعلومات التي تعلموها باي تجربة كانت الى ابنائهم وتجنيبهم ما قد عانوه من صعوبة الحصول على المعلومة مما ادى اي تجارب غير جميلة ابدا ...

ولا تنسى ان اليوم اصبح الحصول على الافلام و المجلات و غيرها متاحا للجميع انترنتيا او ورقيا او سديات ...


شكرا لك ...


ربي يوفقنا انا نقلو معلومات صحيحة لابنائنا ونجبنهم عقد عصرية زرعها القدماء بجهلهم ...


خالص تحياتي

الجمعة, نوفمبر 20, 2009

 
Blogger max.adams said...

ربنا يباركلك فيهم و أهو التاريخ بيعيد نفسه

بس لما أنا فهمت الموضوع في تالته اعدادي و و فهمت الباقي في ثانوي و شفت مسلسل يوميات و نيس و بنته بتسأل السؤال ده و يقولها روحي لماما و ماما تقولها روحي لبابا

سألت أنا ماما هو أنا سألت السؤال ده ؟؟ قالتلي لأ

ليه بقى ؟؟ الموضوع ده فهمته من شهر واحد بس ...

طلع أن السيد الوالد حفظه الله و مده بالصحة و العافية جابلنا و احنا صغار قصص عن الحيوانات و النباتات و التكاثر بتاعهم .. فيبدو أن الموضوع ده عمل ارضاء معرفي بشكل أو بآخر للسؤال المعني ...

و ربنا يوفقنا لو اتحطيت في الموقف ده في يوم من الأيام أعرف أسايس الموضوع لأن موضوع كيس الشيبسي و مبروك كسبت ابراهيم ... مش هاينفع

سلمتَ

الأحد, ديسمبر 06, 2009

 
Anonymous غير معرف said...

topic91, [url=http://www.chop.edu/forum/user/profile/8207.page]buy klonopin without prescription[/url], :-( czp, http://www.chop.edu/forum/user/profile/8207.page buy klonopin without prescription :-), [url=http://www.chop.edu/forum/user/profile/8208.page]xanax 2mg online[/url], :-) pjp, http://www.chop.edu/forum/user/profile/8208.page buy xanax 2mg :-), [url=http://forum.cprs.ca/default.aspx?g=posts&m=6]order adipex[/url], :-) dgw, http://forum.cprs.ca/default.aspx?g=posts&m=6 order adipex *sorry*, [url=http://forum.cprs.ca/default.aspx?g=posts&m=7]alprazolam without prescription[/url], ;-( ema, http://forum.cprs.ca/default.aspx?g=posts&m=7 alprazolam without prescription :-), [url=http://forum.cprs.ca/default.aspx?g=posts&m=8]buy ambien without prescription[/url], ;-( jrj, http://forum.cprs.ca/default.aspx?g=posts&m=8 buy ambien without prescription :-(

الأربعاء, يناير 13, 2010

 
Anonymous غير معرف said...

hi! [url=http://esnips.com/web/minnaregina/]Hello. And Bye.
[/url] http://esnips.com/web/minnaregina/ free nude video clips of milfs
thanks!
free nude video clips of milfs

الاثنين, يناير 25, 2010

 
Anonymous غير معرف said...

ما ابغي ازووج خلاص خلاص خلاص اووووووووووه ماي غود خلاص مابدي ازوج يالللللللللللله

الأربعاء, ديسمبر 19, 2012

 

إرسال تعليق

Links to this post:

إنشاء رابط

<< Home