تاجين مرة واحدة .. أحمدك يا رب
إمبارح لسه بنقول يا فتاح يا عليم عالصبح وبنرش مياة قدام المحل قصدي قدام المكتب لقيت الصديق العزيز عمرو أحمد صاحب مدونة أريدك أنثى .. هي إسمها كدة .. بيقترح إنه يمرر لي تاج .. وبرضة ماحدش يقول لي يعني إيه تاج .. لكن اللي مكتوب تحت ده بيسموه تاج وخلاص .. ومطلوب الاجابة عليه .. بعدها بيوم لقيت برضة الصديقة العزيزة دينا فهمي صاحبة مدونة بالعربي الفصيح بتمرر لي تاج تاني رهيب بيسأل عن خمس حاجات ماحدش يعرفها عني .. يعني فضايح وجرسة وحاجات كدة .. طبعا بأشكر الأصدقاء علي التاجين دول وهأرد عليهم بالترتيب كالتالي
.
التاج الأول
.
اية اللي حيحصل لايميلك لما تموت؟
.
أهو الإيميل ده هو اللي هيعرف الناس إني خلاص ودعت .. لأني لما بكون أوف لاين يبقى معناها إني يا إما نايم يا إما ميت .. وطبعا الإيميل هايتملي ويطف وتبظ منة الرسائل
.
اديت الباس وورد لحد قبل كده؟
.
لأ .. بس الموضوع ده في بالي فعلا .. يمكن أكتبه في ورقة مع وصيتي
.
لو اه كانت طبيعة علاقتك بيه اية؟
.
كويس إني قلت لأ قبل كده علشان أفلسع من السؤال ده
.
اسمك؟
.
أحمد ثروت القاضي
.
اسم الدلع المشهور وسط اصحابك؟
.
في العيلة بيقولولي حمادة وأصحابي بتوع الجامعة بيقولولي عبد الخالق
.
عمرك؟
.
أربعة وتلاتين و10 شهور .. لسة صغنون
.
برجك؟
.
برج القادة .. برج الحمل .. منتهى التواضع
.
مجال دراستك؟
.
كنت متخرج من كلية الهندسة جامعة القاهرة وبعد كده درست شوية إدارة مشروعات في الجامعة الأمريكية .. كانت أيام جميلة .. أقصد الجامعة الأمريكية طبعا
.
شخصيتك نوعها ايه؟
.
أحب النظام والدقة والعمل بروح الفريق وجاد جدا في شغلي .. بأحاول أكون مخلص لله سبحانه وتعالى .. وبأحب الفكر والأدب والشعر والموسيقى ولعب البولينج بنظام الهوك .. إسمه كدة
.
السفر بالنسبة لك؟
.
دي أكتر حاجة بحبها والحمد لله ربنا أنعم عليا بالسفر الكتير لأماكن كتيرة
.
المود بتاعك؟
.
أحيانا بال و أحيانا سيكام .. حسب حالة الإرسال
.
وقت فراغك بتعمل فيه ايه؟
.
ما عنديش وقت فراغ .. حتى كل هواياتي بقى ليها أوقات في الجدول الإسبوعي بتاعي
.
الاكلة المفضلة؟
.
كل اللي تعمله مراتي جميل .. وكل اللي يجيبه ربنا كويس
.
الصفات اللي خدتها من بابا؟
.
كل الصفات الجميلة وبالذات الصدق والصراحة والإخلاص والتعامل بنبل مع الآخرين
.
الصفات اللي خدتها من ماما؟
.
هي ماتت من زمان قوي بس يمكن أخدت منها حبي للفنون
.
اكتر 6 حاجات بتكرهها؟
.
الكذب
النفاق
التفاخر بالمعاصي
الأنانية وعدم الإكتراث بالآخرين
القلوب العمياء
عدم الخوف من الله ويوم الحساب
.
اكتر 6 حاجات بتحبها؟
.
قراءة القرآن
خطبة الجمعة لو مفيدة
الإنترنت
لقاء الأصحاب
السفر
الإنجازات
.
الشغل بالنسة لك؟
.
هو اللي خلى للواحد قيمة وكيان .. وعلى قد ما تخلص فيه هتلاقي مردود رائع .. وأنا بحب مجال شغلي جدا وخصوصا إني بأشتغل في تخصص نادر شوية
.
ايه الكمبيوتر والانترنت بالنسبة لك؟
.
أنا بدأت الحاجات دي من أيام المنافيللة والمكواة الرجل .. وهما جزء من كياني وتكويني .. بدأت أشتغل على الكومبيوتر سنة 1988
.
نيجي بقى للتاج التاني
.
الخمس حاجات اللي ماحدش يعرفها عني هي
.
إني رقيق جدا وحساس جدا على عكس ما الناس تعرفني
إني أمنية حياتي إني أكون غني جدا وأصرف عالفقراء كتير
إني جبان وخايف إني أفتح شغل خاص
إني بتجيلي أحلام يقظة كتير وأتخيل نفسي قارئء قرآن .. مذيع .. مغني .. عازف .. أو لاعب كرة قدم .. وأنا بأعتبر ده مركب نقص دفين جوايا
إني كتير بحس إن إيماني ناقص وأحيانا فيه رياء .. وكل ما أتوب أرجع للغلط تاني
.
خلص التاجين .. تحياتي لعمرو ودينا .. وأحب أمرر التاجين دول للمدونات دي
.
كلبوزة لكن سمباتيك
كهف للنشوة
No Fear
شهروزة
daylight
frozen love
arranging my papers
أ فكار حرة لتامر
.
وكل تاج وإنتم طيبين
تعليقات
ماله اسم المدونة
علي فكرة ده اسم قصيدة للرائع نزار قباني
بس ايه حكاية عبد الخالق دي
يعني علشان عبد الخالق ثروت ولا ايه؟
تحياتي
لو زعلان قول لي وأنا أشيل الجملة اللي زعلتك فورا
فعلا إسمي الكامل هو أحمد عبد الخالق ثروت القاضي
مش بس نجحت ده حضرتك جبت مجموع كمان
عايزين الحلاوة بقا
بس الله يكرمك ويكتر من تيجانك يارب
يعنى ايه البولينج بنظام الهوك؟؟؟؟
والسلام ختام
أول مرة حد يمررلى تاج أهىء أهىء لأو المفروض أقول حاجات محدش يعرفها بتهيألى ربنا ستار حليم و بلاش فضايح بس علشان خاطرك يا مراكبى نحاول
بس أيه محاسن الصدف ديه
هندسة القاهرة و إدارة مشروعات!! ده بينجو جامد جدا
بس لو مفيهاش بواخة ممكن أعرف أيه التخصص النادر الى بتعمل فية؟
( مهندسة حشرية صحيح ) تحياتى
حسة انك كنت بتجاوب وكان وراك حاجة (:
بس بجد كلامك حلو
ربنا يحقق لك أحلامك ويبعد عنا وعنك الرياء
لازم الزنقة دى يا أحمد؟؟
يعنى كدة الشعب كله يعرف عنى حاجات مخبياها وابقا مكسوفة بقا وكدة؟؟
المفترض يعنى انى باتكسف
نيااهااهاااااا
بالفعل أخجلتنى لما مررت لى التاج
ليا الشرف انى اقبله منك ومن اللى مرروه ليا
لأنكم لكم مكان خاص لدى
وحسستنونى انكم فاكريننى
على فكرة
انا كمان برج الحمل
بصرة
ده شرف كبير
ربنا يجبر بخاطرك .. الحلاوة لما آجي مصر إن شاء الله .. أنا فعلا نفسي أشوف كل البلوجرية الأعزاء
بالنسبة للبولينج .. طريقةالهوك أو الإسكروو هي الطريقة اللي الكورة بتمشي فيها في مسارات منحنية .. وده تكنيك المحترفين .. وهو تكنيك ضروري علشان الكورة تدخل على البنز من جنب وبالتالي نقدر نتحكم في وقوع البنز يمين وشمال زي ما إحنا عايزين
ولازم ثقوب الكرة تتخرم مخصوص حسب مقاس صوابع كل واحد على حدة علشان الإبهام بيدخل كله جوة الكورة
أرجو إني أكون مفهوم شوية
متشكر كتير على ذوقك
أنا كنت مهندس مدني والتخصص اللي بأشتغل فيه هو المنشآت الحديدية .. وبيستخدم في المشاريع الصناعية العملاقة زي محطات الكهربا ومصانع الأسمنت ومعامل تكرير البترول وماشابه
كل الناس تعرف المنشآت الخرسانية ومهنسين مدني وعمارة .. لكن ما يعرفوش المنشآت الحديدية اللي نص الشغل فيها بيتبع هندسة الميكانيكا اللي إضطريت أتعلمها بعد التخرج
الجزء التابع للمدني هو التصميم واللوحات التفصيلية وما شابه
والجزء التابع للميكانيكا هو التصنيع والتقطيع واللحام والإختبارات الغير إتلافيه والدهانات والتركيبات
والحمد لله ربنا أنعم عليا بتعلم كل ده قبل ما أبقى مدير
إنتي بقى تخصص إيه؟
ده أنا كنت هاكروت أكتر من كدة كمان .. أنا كنت بأجاوب على الأسئلة وأنا مكسوف ووشى أحمر
عموما متشكر تاني على التاج بس ما تعمليش فينا كدة تاني
على قد ما أنا عارف إنك جريئة .. على قد ما أنا عارف إنك فعلا هاتبقي محرجة لما تردي على التاج
بس كان لازم نعرف عنك شوية حاجات ولا هاتفضلي مستخبية عننا كتير؟
ده إحنا اللي نتشرف .. شكرا لذوقك وربنا يعينك
إيه يا عم الإجابات السريعة والواثقة دي؟
لأ لأ بصراحة مهندس مهندس يعني
عموما شكرا جدا على التاج وعلى إنك فاكرني يعني وإنشاء أجاوب على طول بس أنا لسة بحضر إجابات
وبصراحة التاج التاني ده صعب جدا
ههههه تقدر تقول غير كدة
إني بتجيلي أحلام يقظة كتير وأتخيل نفسي قارئء قرآن .. مذيع .. مغني .. عازف .. أو لاعب كرة قدم .. وأنا بأعتبر ده مركب نقص دفين جوايا
دة انت زييى بالضبط كل ما أزهق من الحياة أعيش فى حياة تانية أكون فيها حاجة جديدة .. ضابط، دكتور او حتى زبال
تغيير المود حلو بردة وبيخفف الاحساس بالملل
على فكرة موضوع إني مهندس ده مأثر عليا بجد مش هزار في كل تفاصيل حياتي .. زي سبعاوي في فيلم عائلة زيزي بالظبط
ياللا شد حيلك في التاجين .. مستنيينك
لأ ده أنا جامد جدا وكلمتي هي اللي لازم تمشي .. تمشي برة طبعا
بجد منورني دايما
الله يكرمك على مجاملتك الجيلة يا دكتور
اه أكيد أنا عارفة المشئات الستيل
هية مش منتشرة أوى فى مصر إلا فى المصانع بأة و كدة و اه أحتكيت بيها من بعيد كدة و فعلا هندسة الميكانيكا متوغلة معاها علشان مثلا لو مصنه نشوف مسارات خط الإنتاج و أحتياجات المساحات و نظم التبريد و التهوية الى ممكن تكون مخصوصة لنوعية معينة من خطوط ال،تاج و كمان لو تعقيم و نوعيات معينة من البلاطات أو الأرضيات و الأسطح....خير خير ربنا معاك :) بس هايل أنك أتعلمت دة كلة :)
طبعا دلوقت خمنت أنى معمارية زميلة بس بينى و بينك مش لاقية نفسى لح دلوقت لأن مفيش أستقرار فى شغل المكاتب فى مصر يعنى من الأخر العمارة مش جايبة همها معايا
تحياتشى
و اعتذر عن بعض الغموض فى اجاباتى
و قد غيرت بعض الاجابات
اذا اردت الاطلاع عليها
شكرا
بصفتي من محبي العمارة والفنون .. أحب أقول لك إني فاهم شعورك ده تجاه الشغل في مصر
العمارة والفنون بيدوروا كتير حوالين الجمال في كل الأشياء .. والحياة في مصر ما بقاش فيها جمال .. وصعب إنك تتطلعي حاجة جميلة في وسط ظروف مش جميلة لناس مهمومين غير مستعدين لإستقبال الجمال
للأسف
حد يبعت لي البتاع ده اللي بيشغل أغاني مصاحبة في البلوج علشان حاولت كتير ومش شغال .. الظاهر إني راحت علي في البرمجة خلاص
مانا كل حاجه عني مكتوبه في
مغامرات كوكو الكميل
مش انا كوكو الكميل
ميرسي علي دخولك البلوج عندي
و هستناك علي طول
يعني لازم أقرأ البلوج كله علشان أعرف إنت مين؟ ماشي يا عم .. ربنا يقدرني وأعرف أخلصه
تعالى بقى وشوف الفضايح
وبعدين انت مش ملاحظ انك مقولتش مرتك من الست حاجات اللى انت بتحبهم
انا بس بحب اهدى النفوس
اجاباتك لذيذه اوي :) كانها بوست مش مجرد اجوبه اسأله هههه
انت الخبره المفروض تعلمنا بقه .. احنا ولادك يا عم الحج
ايه اخبار الكويت ؟؟
بس اللي ما حيرني بجد
ايه علاقه حماده
بعبد الخالق ؟
هو فيه فضايح؟ أنا جاي حالا
أصيله والله .. دايما ماشية في الخير
وبعدين إحنا بنتكلم عن الحاجات اللي ببنحبها مش الأشخاص اللي بنحبهم
بلاش كده . إنت ما ترضيش ليا الأذية برضه
متشكر كتير على ذوقك وأهلا بيك يا دكتور .. منورني
وبعدين أنا مش كبير قوي كده وعندي إستعداد أتعلم من أي حد مهما كان عمره
الكويت كويسة وبتسلم عليك
نورتينا بجد
حمادة ده الدلع المصري المعتاد بتاع أحمد
أما عبد الخالق فده بسبب إن إسمي الرسمي أحمد عبد الخالق ثروت القاضي
تحياتي
ربنا يوفقك فى حياتك يارب
بالنسبة للتاج انت حدفتة ليا ههههه
وفية كمان كم مدونة بعتتة ليا بش مش عارف هكتب واقول اية لانى معرفشى اكنب حاجة عن نفسى وان كتبت هيبقى دمها تقيل
تحياتى
وأدينا إتعرفنا عليك وقربنا منك شوية
على فكرة أنا بقالى فترة مدخلتش على مدونتك
بس تقريبا حصل بعض التظبيط في السايدبار
طب بالراحة.. انت هتهدنا ولا ايه!!؟
جميل ان الواحد يكونراضي وسعيد بالوضع اللي هو فيه في شغلة
ربنا يحفظها عليك نعمة ويحفظها من الزوال
مبروووك :) وعقبال الشعر ياباشا
متشكر كتير على المجاملة الجميلة دي
ماتهربش من التاج .. إنت عايز تستخبى عننا وما نعرفش عنك حاجه وألا إيه؟
أي حاجة هاتكتبها هيبقى برضه دمها خفيف
أهلا بيك وأنا مقدر الزنقة اللي إنت فيها بسبب الثانوية .. ربنا معاك
إكتشفت إن السايد بار بينزل لتحت لو البوست كان طويل شوية .. حاجة غلط في البلوجر والله أعلم
منور
يا عم أنا لا مهم ولا حاجة .. إعتبروني أقل واحد فيكم .. كل ده هايزول في يوم وأنا ما بتغرش بكل ده
نورتني وحمدالله على سلامتك من سوهاج
إكتشفت إن السايد بار بينزل لتحت لو البوست كان طويل شوية .. حاجة غلط في البلوجر والله أعلم
بأفكر أجيب شعري على جنب يمكن الحال يتعدل زي المدونة
هلا والله بيك
تحياتي