شد القلوع يا مراكبي ... مافيش رجوع يا مراكبي

الأحد، أبريل 01، 2007

الهلابؤة والهلاهؤة

مساء الخيييير
.
النهاردة أحب أشرح لكم نظرية هندسية عبقرية لوذعية من إختراع العبد لله .. مش كده وبس .. دي معترف بيها ومعمول بيها في مصر اليومين دول .. وهي نظرية الهلابؤة والهلاهؤة .. أيوة إسمها كده مستغربين ليه؟ وعلشان أنا راجل عملي وما بأحبش اللت والعجن .. هأخش في المعاميق وهأشرحلكم النظرية دي بمثال محلول .. بس نصحصح كده مع بعضينا وخدوا نفس .. مساء الخير
.
نتخيل مثلا إننا هانسأل العشر جدعان اللي قاعدين معانا عالقهوة علشان نشوف إذا كانوا هايشربوا معسل سلوم ولا معسل زغلول ولامؤاخذه .. بعد ما كل واحد قال عايز يشرب إيه .. طلع إن فيه تلاتة عايزين معسل سلوم .. وسبعة عايزين معسل زغلول .. ماشي لحد كده؟ طيب
.
الواد القهوجي راح علشان يجيب الطلبات لقى نفسه نسي الطلبات كانت إيه بالظبط .. بس هو كان فاكر إن السلوم كان أقل من الزغلول بكتير .. راح قال للواد التاني: روح نزل هناك عند الجدعان أربعة شيشة سلوم وسته زغلول
اللي حصل ده إسمه: الهلابؤه .. يعني الواد إفترض كده أي أرقام لكن اللي إفترضه كان قريب من الحقيقة إلى حد كبير ومجموعهم برضه يطلع عشرة .. جابها كده بالهلابؤة
.
أما النظام التاني فهو إن الواد القهوجي يقول: روح نزل هناك ستة شيشة تفاحة .. يعني لا سلوم ولا زغلول .. ولا العدد كمان يكمل عشرة .. يعني إفترض أي حاجة كده بالهلاهؤة .. واضحة كده؟.

بعد الشرح ده .. أعتقد إن كل واحد فيكم يقدر دلوقت يعرف إيه اللي ماشي في بلادنا بالهلابؤة .. وإيه اللي ماشي عندنا بالهلاهؤة .. وبين الهلابؤة والهلاهؤة .. كل سنة وإنتم طيبين بعد ما تقريبا كل حاجة بقت ماشية بالهلاهؤة .. ومساء الخيييييير

التسميات:

122 Comments:

Blogger محمد العنانى said...

النظريه حلو بس المشكله انو فرض غلط
او بيكدب على نفسو علشان مصلحتو مهو لما بيع الزفت الى بيتهببو الناس ده هو بيكسب على قفاهم زى الى بياكل فلوس وعرق ناس وهم غلبنين راضين وسكتين
بس الحمد الله هو عارف النسبه صح وعارف ان الوعى موجود وهو واتباعه مصرهم محتوم
يارت مكنش ضيقتك

الأحد, أبريل 01, 2007

 
Anonymous حسن محمود said...

اوبااااااااا

ملحقتش أكون أول واحد انما معلش
ملحوقه المره الجايه
شوف ياسيدى
هو العشرة الجدعان لو شافوا الواقع بتاع مصر مش هايطلبوا معسل

هايتسطلوا لوحدهم
حاجه كده فول أتوماتيك

ودمت بخير
سلام

الأحد, أبريل 01, 2007

 
Blogger zordeak said...

يبدو يا عزيزى ان الهلابؤة والهلاهؤة صاروا بعدا اخر لحالة الطرمخة والتنفخة ومثالا جديدا للشعب الذى يحب أن يأخذ السقط فى الحساس
وأن ياخذ فى الهايف لكى يحب أننس
فتعمير الدماغ فرض عين على كل مواطن
وتستيف الهجايص ليس منه فرار

وفى ظل الدستور السريالى الجديد
والذى أثبت شجاعة الشعب

أحب أقولك

ان سيدنا الحسين نادانى



قلت ألبى الندا




بس للأسف



السوارس صدمتنى





مساء العسل

تشرب ايه يا رفيق


:)

الأحد, أبريل 01, 2007

 
Blogger مبرمج حر said...

الهلاهؤة هى اللى مسيطرة دلوقتى و أيام الهلابؤة راحت , بس عارف أجمل حاجة فى البوست أنك ماقلتش رد فعل العشرة كان أيه أو إحتمال هيكون أيه , ماقلتش أى حاجة خالص عن رد فعل العشر جدعان ومن وجهة نظرى عدم حدوث رد فعل من العشر جدعان هو أحد الأسباب القوية وراء أن كلتا النظريتين معترف بيهم ومعمول بيهم في مصر اليومين دول .

تحياتى

الأحد, أبريل 01, 2007

 
Blogger Rozza!.......فاقد الذاكرة said...

تحياتي
اذا سمحتلي
الحمد لله انو خربط بعدد الطلبات وما جابش شوية جرابين منتنة عشان تنشم(ادمان جربان) بس الكلام الجميل انو اذا خربط وجاب الجربان, ممكن ينزل قرار بفني الشعب كله
والشعب يوافق
مهيا طعة وقايمة
وهيا بنا نلعب

الأحد, أبريل 01, 2007

 
Blogger Mohamed A. Ghaffar said...

فى بقى وضع تالت وهو وضعيه التناشهؤ

وهو ان الواد القهوجى يروح وميجبش حاجه خالص لحد ما الزباين تعيط وتقوله هات يا عم اي حاجه وخلاص اللى هتجيبه هنطفحه

بزمتك مش بيحصل فى القهوه والبلد بردو

الأحد, أبريل 01, 2007

 
Blogger Epitaph said...

و صدقني
اللي بيطبقوا نظريات الهلابؤة
و الهلاهؤة

هما اصلا
هلاهوطة

تحياتي

الأحد, أبريل 01, 2007

 
Blogger ادم المصري said...

هههههههههههههههههههههه
بس انت بقي ليه ما جيبتش سيرة عن النظرية لتالته بتاعتهم


نظرية
ـــــ
البلاهوئه


ان الراجل بعد ما ينزل سته زغلول
واربعه سلوم

الزباين تشرب وما تخدش بالها م الفرق


هههههههههههههههههههههههه

تحياتي

الأحد, أبريل 01, 2007

 
Blogger مصرى said...

قريت البوست ده النهاردة الساعة سبعة و نص كده و قعدت أضحك لغاية ما رجعت من الكلية كل ما أفتكره

بصفتي في هندسة ففاهم النظريتين و مطبقهم كتير في إمتحانات لكن المطبق في مصر حاليا هو مش هلابؤة و لا هلاهؤة الهلاهوزة يعني القهوجي في الهلاهؤة في النهاية برضه جاب دخان هو أينعم مش معسل و لا على قد العدد لكن برضه دخان

الهلاهوزة بقى هو إنه يتطلب منه 10 معسل زغلول يجيبلهم 3 فول و 4 طعمية و إتنين بطاطس من غير سلطة يعني هو جاب حاجة مش بتطلب في القهوة أصلا و مش على قد العدد و كمان من غير سلطة

بس

الأحد, أبريل 01, 2007

 
Blogger واحـــد مـــــن الـنـــاس said...

احم احم

بسم الله الرحمن الرحيم

الاجابة الصحيحة
هي
تونس

الأحد, أبريل 01, 2007

 
Blogger No Fear said...

السلام عليكم
بجد تستحق جايزة نوفل للأداب علي النظرية اللوزعية دي

كل سنة و أنت طيب

الأحد, أبريل 01, 2007

 
Blogger واحـــد مـــــن الـنـــاس said...

ادي اخرة اللي مبيسمعوش كلام ماما وبابا


شفتو بقا ؟؟؟
بيحصلهم ايه

بتجيلهم نوبات

هلابؤة وهلاهؤة

الأحد, أبريل 01, 2007

 
Blogger Tamer Nabil said...

ههههههههههههههههه

النظرية مفهومة طبعا

مساء الخير

تحياتى

الأحد, أبريل 01, 2007

 
Blogger fares said...

ههههههههههههههه مساء الخير علي كل حاجه حلوه في بلادنا احيك علي البوست الرائع ده

الأحد, أبريل 01, 2007

 
Blogger koukawy said...

من الهلاهؤه للهلبؤه يا قلبي ما تحزن
هههههههههههه

الأحد, أبريل 01, 2007

 
Blogger Hannoda said...

مساااااااء الخييييير

واضح من البوست بتاعك مدى التأثير السياسي على ثقافة شعبنا

ازااااي بقى؟؟؟

أصلك جبت سيرة الهلابؤة و الهلاهؤة

طب ما فيه إختيار تاني "بس ده مش في جمهوريتنا العزيزة" و هو"أترك التسمية للمبدع" لكن الإختيار التالت هو إن القهوجي ينزل من كل صنف و لون وأعداد و فيرة تقضي حاجة الزباين و اللي يفيض أهو مكسب نبيعه للقهاوي المجاورة

مافيش من الصنف ده ولاّ ايه

و النبي اديله اسم من أسماءك يمكن يبقى فال و يعم ع الجميع
:))

تحياتي

الأحد, أبريل 01, 2007

 
Blogger واحـــد مـــــن الـنـــاس said...

أزال المؤلف هذا التعليق.

الأحد, أبريل 01, 2007

 
Anonymous مستبشر بالفتح said...

السلام عليكم ورحمة الله تعالى وبركاته


أطلنا شهر عظيم شهر ربيع الأول؛ و فيه بزغ نور الهدى بمولد خير البرية محمد ابن عبد الله صلى الله عليه و سلم.
و بالمناسبة الكريمة يسرني أن أتقدم إليك بأحر التهاني و أجمل الأماني، سائلا المولى عز في علاه أن يصلي على سيدنا محمد صلى الله عليه و صلم و على امهات المومنين و على اله و صحبه و من تبعه باحسان و جهاد ال يوم الدين و أن يحشرنا في زمرته و أن يجعلنا من أهل شفاعته، و أن يحيينا على سنته و أن يتوفنا على ملته و أن يوردنا حوضه و أن يسقينا بكأسه غير خزايا و لا نادمين و لا شاكين و لا مبدلين و لا فاتنين و لا مفتونين.
آمين إنه نعم المولى و نعم النصير
و الحمد لله رب العالمين

الأحد, أبريل 01, 2007

 
Blogger واحـــد مـــــن الـنـــاس said...

الا قولي يا احمد باشا

هوا ربع الحشيش عندكم في الكويت بكام ؟؟؟

الأحد, أبريل 01, 2007

 
Anonymous مستبشر بالفتح said...

أزال أحد مشرفي المدونة هذا التعليق.

الأحد, أبريل 01, 2007

 
Blogger Sharm said...

فهمتك يا لئيم

الأحد, أبريل 01, 2007

 
Blogger hend said...

يا سلام هى دى الامخاخ الهندسية فعلا ونظرية انما ايه ولا اينشتين يعرف يعملها
بس باه وطوا صوتكم احسن الدستور اتوافق عليه والعساكر ملغمين البيوت ايه

الأحد, أبريل 01, 2007

 
Blogger همستى said...

دعوة لزيارة مدونة عاوز اتجوز
هتعجبكوا اكيد
ننتظر مشاركاتكم

الأحد, أبريل 01, 2007

 
Blogger hebaz said...

يعجينى أنك شرحت النظرية نشأتها و تطورها
تكسب معانا جايزة الهيلا هوبة :)

الأحد, أبريل 01, 2007

 
Blogger bentfalestine said...

اولا كل سنه و انت طيب , و الحج بالف خير يارب..
صدقني خيي قرات البوست مره و تنين في كلمات صعبه علي زيي انا بفهم مصري ع قدي يعني و الباقي بحلله و بركبه زي ما انا مستنتجه
هههههه و انت حظك يطلع المعنى ايه..
بس اوعدك اني رح اقراه و مخي مفتوح عشان افهم ما استعصي علي من كلمات تحياتي كان صعب ادخل بدون ما احييك و دمت بسلام و راحة بال و سعاده

الاثنين, أبريل 02, 2007

 
Blogger shreef said...

يبدو ان انا مفتقد ما ترمي اليه من الهلابؤة و الهلاهؤة دا اذا كان هناك اصلا حاجة معينة تقصدها لكن بالقياس على الحالة العامة للشعب المصري بالربط مع القصة ديه فيبدو ان البلد كلها بتمشي بالهلابؤة وفي الاخر الهلاهؤة هي اللي بتمشي..انا كده ماشي صح ولا عكيت

الاثنين, أبريل 02, 2007

 
Blogger الدبور said...

سيبك انت من النظريه و الكلام ده
الصورة جامده جدا يا عم يا مراكبي
لو تقدر تبعتها لا في ايميل يبقي انت كده كتر خيرك
عاجباني الراجل وهو متسلطن و شغال في سحب الانفاس من الشيشه

الاثنين, أبريل 02, 2007

 
Blogger khaled said...

مساء الخيييييييير
مية مسا ع الناس الكويسة
بتقول ايه؟
هلاهؤة
ايون ايون كان لسة معدى من شوية
المعسل ده بيدخل فى النغاشيش قوى
على فكرة انا مدروخ مش من الشيشة
ده من الهلاهؤة بتاعة مصر
و سلملى على زغلول

الاثنين, أبريل 02, 2007

 
Blogger يا مراكبي said...

محمد العناني

عجبني تعليقك عن الزفت اللي بيشربوه وهما راضيين وساكتين

وياريت يكون الوعي موجود فعلا زي ما إنت بتقول .. أنا مش شايف كده خالص .. أما المصير المحتوم اللي حكيت عنه فده أمر مفروغ منه .. فالله سبحانه وتعالى يمهل ولا يهمل

أهلا بيك وياسيدي ضايقني في أي وقت .. المهم تشرفنا دايما

الاثنين, أبريل 02, 2007

 
Blogger يا مراكبي said...

حسن محمود

عندك حق .. ده أنا هنا بعيد ومع ذلك إتسطلت بسبب متابعة أخبار البلد

الفول أوتوماتيك ده بيستخدموا ليه مسحوق غسيل زي ما عملوا في اللبن والزبادي؟

الاثنين, أبريل 02, 2007

 
Blogger يا مراكبي said...

zordeak

يا مساء الخييييييير

كلامك كله درر وموزون عالآخر

:-D

ولسة بعد الطرمخة والتنفخة هانشوف الأنتخة يا معلم

أنا أحب أشرب جاز لو فيه

مساء الجمال

الاثنين, أبريل 02, 2007

 
Blogger يا مراكبي said...

مبرمج حر

أنا ما قلتش إيه رد فعل الجدعان علشان ما فيش رد فعل أصلا

أمال هما إيه اللي خلاهم يغيروا الهلاهبؤة ويخلوها هلاهؤة؟ سلبية الجدعان هي السبب يا عزيزي

الاثنين, أبريل 02, 2007

 
Blogger يا مراكبي said...

Rozza!.......فاقد الذاكرة

لأاااه .. إلا موضوع الجرابات ده

ده كده يبقى أخطر من التهديد النووي .. ومش هيبقى فيه هيا بنا نلعب دي تاني أبدا

ملحوظة: جرابات = شرابات بالعامية المصرية = جوارب بالفصحى

الاثنين, أبريل 02, 2007

 
Blogger يا مراكبي said...

Mohamed A. Ghaffar

بيحصل يا فندم .. بيحصل

والكل بيعيط لحد ما يقبل أي حاجه وخلاص

الاثنين, أبريل 02, 2007

 
Blogger يا مراكبي said...

Epitaph

إنت اللي بتقولي عليهم هلاهوطة .. أنا ماليش دعوة

أنا ماليش في السياسة .. منك ليهم بقى

الاثنين, أبريل 02, 2007

 
Blogger يا مراكبي said...

آدم المصري

حلوة النظرية دي .. أصل أنا بقى لي كتير متخرج من الكلية وماحصلتش النظرية دي

:-D

الاثنين, أبريل 02, 2007

 
Blogger يا مراكبي said...

مصرى

لأ ده أنا شكلي متأخر في التعليم قوي بقى .. وكمان هلاهوزة؟

هي وصلت لأنه بدل الشيشة يروح يجيب فول وطعمية .. ومن غير سلطة كمان؟

هو أنا بقى لي كتير غايب عن مصر وألا إيه؟

الاثنين, أبريل 02, 2007

 
Blogger يا مراكبي said...

واحـــد مـــــن الـنـــاس

الإجابة غلط .. الإجابة الصحيحة هي المهلبية

حاول مرة أخرى ومساء الخير

الاثنين, أبريل 02, 2007

 
Blogger يا مراكبي said...

No Fear

يا سيدي أشكرك .. ولو إني نفسي في جايزة الدولة التكديرية بتاعة البيئة

فين حلاوة المولد؟

الاثنين, أبريل 02, 2007

 
Blogger يا مراكبي said...

واحـــد مـــــن الـنـــاس

والله بأسمع كلامهم .. النوبة دي أسبابها إني بأسمع كلام الحكومة كمان .. تعيش الحكومة

وسلم عالاااااي

الاثنين, أبريل 02, 2007

 
Blogger يا مراكبي said...

تامر نبيل

مساء الفل عليك .. نورتني ومتشكر قوي

الاثنين, أبريل 02, 2007

 
Blogger يا مراكبي said...

fares

يا ريت بس تشاورلي على الحاجات الحلوة دي علشان أبقى أزورها

متشكر قوي ولك خالص تحياتي

الاثنين, أبريل 02, 2007

 
Blogger يا مراكبي said...

koukawy

عمرك أطول من عمري .. كنت هأقولها

الاثنين, أبريل 02, 2007

 
Blogger ست البنات said...

الهلابؤة والهلاهؤة

هههههههههههه

والله مو فاهمة الكلمتين؟؟؟

يعنى اية

الاثنين, أبريل 02, 2007

 
Blogger الأباصيرى said...

مش مهم النظرية ومش مهم التطبيق

أى واحد فى مصر ممكن بعد قعدة حلوة مع الشباب والأصطباحة الافغانى يطلع نظرية تخلى اينشتين يقول أنا حمار

اهم حاجة فى الموضوع


مين اللى هيدفع حساب المشاريب

الاثنين, أبريل 02, 2007

 
Blogger الوردة السوداء said...

فهمتك

يا خبيث

بجد جامدة الفكرة جداااااااااا

الاثنين, أبريل 02, 2007

 
Blogger Sampateek said...

انا شايفة ا النظرية السائدة حاليا الحسنوئة و بكرة تتغير الى الجمالوئة


---
درس عملي في ماركات الشيشة
بس نسيت شيشة حمي
و ياة النبي فسي اعرف اية الفرق بيهم

سلامي للمدام
و
تحياتشي

الاثنين, أبريل 02, 2007

 
Blogger Rania said...

مصاااااااااء الخير
مرحبا بك فى عالم البحار
بصراحة دى اول مرة ادخل مدونتك
و لما دخلت كنت فكرة انك بتلعب كلمات متقاطعة
مدونتك حلوة و الموضوع بيحمل فكرة حلوة بجد عن المهازل الى بتحصل فى بلدنا الغاليه مصر و الى لازم نفديها بدمنا و روحنا
حلو البقين دول؟:))
تحياتى لك و لمدونتك

الاثنين, أبريل 02, 2007

 
Blogger حــلم said...

حلوة النظرية

بس موش موستريحة

متهيألى فيه ريحة تفاح

:)

ممكن تروح تعمل براءة اختراع لنظرياتك
هتلاقى اللى يطلع يعملها اغنية
او كليب
او يقولها فى خطاب سياسى
او يشجبها فى فيلم

ودى عصاااارة تفكييييير

وتحياتى

الاثنين, أبريل 02, 2007

 
Blogger kaed said...

عزيزى يا مراكبى
النظرية واضحة ومفهومة
دة فى كمان نظرية أنأح
و هى نظرية الهطلولة
و هى أن الزباين يطلوبوا معسل و الواد القهوجى يجيبلهم شاى و يوهمهم أنهم كانوا طالبين شاى و الغريب إن هم يصدقوا
دمت بخير أخى الكريم

الثلاثاء, أبريل 03, 2007

 
Blogger خمسة فضفضة said...

السلام عليكم ورحمةالله وبركاته

حلوه النظريه
اعتقد بعد توضيح حضرتك للنظريتين المهمين دول ، اعتقد اننا قدرنا نتوصل للسبب اللي خلي الشخرمون يطاخ في الطراللي

ويجعله عامر

الثلاثاء, أبريل 03, 2007

 
Blogger يا مراكبي said...

Hannoda

الصنف اللي بتقولي عليه ده بيعني إن فيه خير كتير ووفرة في الإنتاج لدرجة إننا ننزل الطلبات اللي عايزينها واللي مش عايزينها كمان .. وده موجود في الخيال العلمي بس .. لكن في مصر دلوقت: مستحيييل

سيبك إنتي .. مساء الخير

الثلاثاء, أبريل 03, 2007

 
Blogger يا مراكبي said...

مستبشر بالفتح

آميين يارب

اللهم أجب دعاءنا وصلي وسلم وبارك على محمد وعلى آله وصحبه

أشكرك على الزيارة وعلى الدعاء البديع

الثلاثاء, أبريل 03, 2007

 
Blogger يا مراكبي said...

واحـــد مـــــن الـنـــاس

أسعار آخر إقفال هنا

ربع الحشيش ب 125 جنيه .. قرش الحشيش ب 500 جنية

أي خدمة .. يعني في مصر أرخص بكتيييييير علشان تعرفوا النعمة اللي إنتوا فيها

الثلاثاء, أبريل 03, 2007

 
Blogger يا مراكبي said...

Sharm

أنا لا لئيم ولا حاجة .. أنا قصدي خير وبأهدي النفوس بس .. الإسقاط مسؤلية المتلقي .. أنا ماليش دعوة ياعم

الثلاثاء, أبريل 03, 2007

 
Blogger يا مراكبي said...

hend

أينشتين مرة واحدة؟ ربنا يكرمك

وبعدين دستور إيه .. أنا ما بأتكلمش في السياسة

الثلاثاء, أبريل 03, 2007

 
Blogger يا مراكبي said...

أحمدسعيد

متشكر على الدعوة وأهلا بيك

الثلاثاء, أبريل 03, 2007

 
Blogger يا مراكبي said...

hebaz

أي خدمة .. وأنا في إنتظار جايزة الهيلاهوبة دي

يارب ما تطلعش مقلب

الثلاثاء, أبريل 03, 2007

 
Blogger يا مراكبي said...

bentfalestine

العزيزة بنت فلسطين العزيزة

الكلمات دي مالهاش معنى لغوي لكنها بتدل على اللانظام .. اللاترتيب .. اللاتحكم

هلابؤة .. وهلاهؤة

خالص تحياتي

الثلاثاء, أبريل 03, 2007

 
Blogger يا مراكبي said...

shreef

إنت ماشي صح الصح يا معلم .. هما اللي بيعكوا مش إحنا

منور

الثلاثاء, أبريل 03, 2007

 
Blogger يا مراكبي said...

الدبور

الصورة تحت أمرك .. أقف عليها وكليك يمين وسيف آس .. هتلاقيها بقت عندك

بس هي صورة معبرة جدا جدا فعلا

نورت

الثلاثاء, أبريل 03, 2007

 
Blogger يا مراكبي said...

khaled

مساء الفل على أحلى ناس فايقة ومركزة

لو الواد هالاهؤة عدى عليك تاني .. قوله يستناني ويكرس لي شوية من وقته

خد نفس .. مساء الخييييير

الثلاثاء, أبريل 03, 2007

 
Blogger يا مراكبي said...

ست البنات

سيبك من معنى الكلمتين .. مش إنتي كان إسمك بنت البدو؟ إيه اللي حصل لك؟

نورتي على أي حال

الثلاثاء, أبريل 03, 2007

 
Blogger يعقــوب أو فانتــي said...

تصدق الهلابؤه انا اه بشوفها في القهوة كتير بس لحد دلوقتى معملوش الهلاهؤة...أما بأه الهلاهؤة فده اكتر حاجة بشوفها في بلد الحبيب ياريت يتعلموا من القهاوي على الاقل لسه في طور الهلابؤة

الثلاثاء, أبريل 03, 2007

 
Blogger يا مراكبي said...

الأباصيرى

دايما فاضحنا كده؟ كل اللي همك مين اللي هيدفع؟

إنت طبعا .. مش كسيب وشغال في الخليج؟

الثلاثاء, أبريل 03, 2007

 
Blogger يا مراكبي said...

الوردة السوداء

أن مش خبيث ولا حاجه .. إنتوا اللي بتفهموا الحاجات بطريقة تانية وأنا مش مسؤووول

متشكر قوي على إطرائك

الثلاثاء, أبريل 03, 2007

 
Blogger يا مراكبي said...

Sampateek

لأ بأقولك إيه .. حسنؤة مين وجمالؤة مين .. فيه مخبرين بيعدوا هنا وبيبلغوا العدلؤة وإحنا مش ناقصين .. عندنا عيال عايزين نربيهم

وبالنسبة للشيشة .. فالتبغ اللي عليه عسل كمادة قابلة للإحتراق هو المعسل .. ودرجاته التلاتة هي الزغلول والسلوم والقص

أما التبغ اللي عليه مربى بيبقى التفاحة والكانتالوب والعنب العنب العنب .. وبيحطوا عليه جلسرين كمادة قابلة للإحتراق

أي خدمة

الثلاثاء, أبريل 03, 2007

 
Blogger يا مراكبي said...

Rania

مصاء الفل

:-D

متشكر قوي قوي على البؤين دول ونورتينا

الثلاثاء, أبريل 03, 2007

 
Blogger يا مراكبي said...

حلم

مافيش ريحة تفاح ولا حاجة .. دي ريحة حشيييييييش

هأشوف موضوع براءة الإختراع ده ما دام الحكاية هيبقى فيها فيديو كليب وحاجات كده

الثلاثاء, أبريل 03, 2007

 
Blogger قصاقيص said...

هههههههههه
حلوة الفكرة اوي
ولا الصطلحين..."هلاهؤة " و"هلابؤة".....حاجة كده تؤك فعلا اننا مش في بلد....لأ.....في مصمت
حاجة تخلي الواحد يدمع من فرط اللذة
......
مفيش بقي طلب شيشة تفاح علشاني
.....
علي فكرة.....لو عملوا عليها استفتاء هتطلع هي نمبر وان.....الشيشة التفاح طبعا....دماغكم ماتروحش لبعيد

الثلاثاء, أبريل 03, 2007

 
Blogger الأباصيرى said...

هاهاهاها

كان زمان ياباشا

انا قدمت استقالتى بقالى أسبوع

كدة أنت اللى هتدفع الحساب

أأشرررب بقى ياحاج

الثلاثاء, أبريل 03, 2007

 
Blogger gohayna said...

بقي انا اغيب يومين عن المدونه ارجع الاقيك دورت المكان لوحدك
مش اتفقنا المكسب يكون بالنص
اما الهلابؤة والاهلاهؤة
فدا عن تجربه مش حلوين والمكان الي بيقدمهم صدقني هيقفل قريب
فيه صنف جديد جابه المعلم جمال
واكيد انت عارف مين المعلم جمال
الصنف دا اسمه بابا أوبح
وهينزل في مصر جديد بس لما السر الالهي بتاع المعلم حسني يطلع

اتحياتييييييييييييي

الثلاثاء, أبريل 03, 2007

 
Blogger REEMOO said...

من الهلابؤه للهلاهؤه يا قلبى لا تحزن
اهو كله برتقال
اول مره ازورك فيها
بس شكلها مش اخر مره
تحياتى

الثلاثاء, أبريل 03, 2007

 
Blogger khaled said...

هههههههه
جامد الموضوع يا معلم

الثلاثاء, أبريل 03, 2007

 
Blogger صفصف مان said...

صباح الخير
تصدق بأيه
انا بشرب شيشة
بس مش عارف
انا بقوله اص يا فتحى
هو اص يعنى سلوم ولا زغلول

الثلاثاء, أبريل 03, 2007

 
Blogger مهندس زراعي said...

بجد مش لاقي كلام أقوله لانك قلت كل الي على لساني

ربنا يوفقك ويبارك فيك

تحياتي القلبيه لك

الثلاثاء, أبريل 03, 2007

 
Blogger يا مراكبي said...

kaed

الهطلولة

الله عليك .. نظرية برضه بتحصل وياما أقنعونا بحاجات لحد ما صدقناها فعلا

تحياتي الغالية

الثلاثاء, أبريل 03, 2007

 
Blogger يا مراكبي said...

خمسة فضفضة

في الواقع .. اللي خلى الشخرمون يطاخ في الطراللي مش كده وبس .. ده فيه عوامل خارجية كمان وبتؤيدها عناصر داخلية عميلة

أهلا بيكي

الثلاثاء, أبريل 03, 2007

 
Blogger يا مراكبي said...

يعقــوب أو فانتــي


أنا شايف برضه إن القدوة والحكمة لازم نتعلمها من القهاوي .. ده هي دي مصدر المفهومية كلها

منورين

الأربعاء, أبريل 04, 2007

 
Blogger يا مراكبي said...

قصاقيص

أنا مش فاهم ليه عايزين تشربوا شيشة؟ وتفاحة كمان؟ أنا أكبر منكم وبأنصحكم بالحاجة المظبوطه علشان تعرفوا تعيشوا في بلادنا كويس: الجاز والحشيش

أخوكم أكبر منكم ويعرف أكتر منكم

الأربعاء, أبريل 04, 2007

 
Blogger يا مراكبي said...

الأباصيري

مش مصدقك .. طول عمرك بتاع مقالب

هاتدفع يعني هاتدفع

الأربعاء, أبريل 04, 2007

 
Blogger يا مراكبي said...

gohayna

هو الناس ماتصدق تلاقي مشروع ناجح تقوم تبص فيه؟

أؤكد وأعيد .. أنا ماليش في السياسة .. وأحيي الصنف الجديد بتاع بابا أوبح ومستعد أقدمه عندي وببلاش كمان

بابا فين؟

الأربعاء, أبريل 04, 2007

 
Blogger يا مراكبي said...

REEMOO

على رأيك .. أهو كله برتقال

نورتينا وأهلا بيكي في كل وقت

الأربعاء, أبريل 04, 2007

 
Blogger يا مراكبي said...

khaled

أهلا بيك أهلا بكل أهل المنصورة

نورت

الأربعاء, أبريل 04, 2007

 
Blogger يا مراكبي said...

مصطفيتش ابن حفصوتشا

أهلا أهلا بيك

القص يا سيدي أحد أنواع المعسل التلاتة .. وهو أتقل نوع فيهم

يعني أتقل من السلوم والزغلول .. أسفلت يا معلم

نورت .. وأي خدمة

الأربعاء, أبريل 04, 2007

 
Blogger fares said...

http://www.fareszoom.s5.com هو ده الموقع الجديد بتاعي ياريت تبقي تزوريه

الأربعاء, أبريل 04, 2007

 
Blogger يا مراكبي said...

مهندس زراعي

لازم طبعا أقول اللي على لسانكم .. أنا من البلد دي

تحياتي وأهلا بيك

الأربعاء, أبريل 04, 2007

 
Blogger david santos said...

Hello!
Thanks my friend for you translation, are a exit. You now se?
Good day for you

الأربعاء, أبريل 04, 2007

 
Blogger zordeak said...

جييت اقولك كل سنة وانت طيب يا جميييييييل

عقبال 100 سنة وانت فى احسن صحة وحال يا رب


بس انا زعلان

مش كنت تقول


كنت عملتلك عييد ميلاااد كبيير اوى اوى


عالعموم

كل سنة وانت طيب


:)

والتورتة اللى عندى تكفى الكل

الأربعاء, أبريل 04, 2007

 
Blogger BinO said...

وأشمعني مثل المعسل ده يعني
طب ممكن اي حاجة تانية حلال
علي كل حلال
اقصد حال
المثل وصل
اما عجيبة

الأربعاء, أبريل 04, 2007

 
Blogger ماما عبير said...

هههههههههههه

كانت ايام

هيا اللغة اتعدلت ولا اية

لو كدة ابعت ليا القاموس

الأربعاء, أبريل 04, 2007

 
Blogger Esmeralda said...

و يجى الجزء التانى من النظرية
الهالابؤه و هو ان الاربعة اللى ماجالهومش شيشه يشاركوا السته
التانيين بدل ما يجيبوا و يحاسبوا
و بالمرة السته التانين يقوموا متختنقين لأن الواد
جاب تفاح مجابش اناناس
و اهى حاجة ببلاش

الأربعاء, أبريل 04, 2007

 
Blogger أحمد العربي said...

يا نهار ابيض هما الهلاهؤة والهلابئة طلعوا نظريات وان اللي كنت فاكرهم .........ان بعض الظن اثم استنغفر الله ...ظلمتهم ...بوست هايا وتحياتي *****************************دي بقي مدونتي الجديدة يا ريت تنورني

الأربعاء, أبريل 04, 2007

 
Blogger Amr Ahmed said...

هما يستاهلوا اصلا

وبعدين هي دي مصر ياعبلة

مش انت عبلة طبعا
ههههههههه
بص احنا بلد الفهلوة يا سيدي

الخميس, أبريل 05, 2007

 
Blogger واحـــد مـــــن الـنـــاس said...

96 كومنت

بالصاة عالنبي

مساااااااااااء الخييييييييييير


مبارك عليك يا احمد باشا

الخميس, أبريل 05, 2007

 
Blogger Pakinam Nasser said...

موضوع جميل

الخميس, أبريل 05, 2007

 
Blogger copa said...

حبيبي يا مراكبي ههههههههههههههه نظريتك الجامده دي وااعتقد النظام الحالي هو الهلاووئه علشان مش بيحصل عندنا هبلاوئه لان الهبلوئه في الدول الي شبه مهلوبئه بس في مصر الموضوع هلاوئه خالص و احلي تحيه للحج مراكبي مزاااء الخيييييير

الخميس, أبريل 05, 2007

 
Blogger يا مراكبي said...

fares

شكرا للدعوة وأهلا بك مجددا

الجمعة, أبريل 06, 2007

 
Blogger يا مراكبي said...

david santos

It is our pleasure to see you here again. Thanks alot for your blog and your translations.

See you again and happy Eastern.

الجمعة, أبريل 06, 2007

 
Blogger يا مراكبي said...

أزال المؤلف هذا التعليق.

الجمعة, أبريل 06, 2007

 
Blogger يا مراكبي said...

zordeak

وإنت بالصحة والسلامة

متشكر قوي على الشعور ده .. وشيل التورتة في التلاجة لحد ما آجي .. ماشي؟

الجمعة, أبريل 06, 2007

 
Blogger يا مراكبي said...

BinO

ملاحظة في محلها طبعا .. لكن المعني المخفي هو حالة التغييب اللي عند شعبنا

متشكر للزيارة وأهلا بيك

الجمعة, أبريل 06, 2007

 
Blogger يا مراكبي said...

ماما عبير

دي مصطلحات بتواكب العصر الجديد وجاري إعداد القاموس

مبروك مدونة الطبيخ دي .. بس كده هتبوظيلنا الرجيم

الجمعة, أبريل 06, 2007

 
Blogger يا مراكبي said...

Esmeralda

ههههه

حلو قوي .. يعني أصحى الصبح ألاقيكي شعللتي خناقة في المدونة؟

ههههه

نورتي

الجمعة, أبريل 06, 2007

 
Blogger يا مراكبي said...

أحمد العربي

كنت فاكرهم إيه؟ قول ما تتكسفش

أنا جاي عندك دلوقت ... تحياتي

الجمعة, أبريل 06, 2007

 
Blogger يا مراكبي said...

Amr Ahmed

فكرتني بقصة دموع في عيون وقحة .. أجمل حاجة فيها العنوان

حلو قوي إننا بقينا بلد الفهلوة .. كويس إن بقى عندنا حاجة نصدرها

الجمعة, أبريل 06, 2007

 
Blogger يا مراكبي said...

واحـــد مـــــن الـنـــاس

96 كومنت

مش مهم عدد التعليقات .. المهم إن يكون للي بنكتبه قيمة مش زي غثاء السيل .. ويكون مؤثر في الناس مش كلام في الهوا وخلاص

تحياتي الغالية ليك

الجمعة, أبريل 06, 2007

 
Blogger يا مراكبي said...

Pakinam Nasser

متشكر جدا وأشكرك على زيارتك

الجمعة, أبريل 06, 2007

 
Blogger يا مراكبي said...

copa

مزاء الفل

تعليقك ده خلاني أتلخبط في أسماء النظرية .. ده أنا حتى نسيت هو أنا رحت الحج وألا لأ

هههههههه

حلوة قوي الهلاوؤة دي .. أحييك وأشجع

الجمعة, أبريل 06, 2007

 
Blogger bastokka طهقانة said...

ايوة كله ماشي على النظرية دي
و اولهم طهقان
هلبوؤة و استعباطوئة كمان

الجمعة, أبريل 06, 2007

 
Blogger Ezzo said...

حقيقي
نظرية جديدة
بس الحس الساخر اللي عندك
يستحق المتابعة
تحياتي

السبت, أبريل 07, 2007

 
Blogger يا مراكبي said...

bastokka طهقانة

يا عزيزتي أنا بأحب أخويا طقهان وبأعزك إنتي كمان .. مش عايزين نقع كلنا في بعض

:-D

الإستعباطؤة دي ماشيين عليها الرجالة والستات برضة .. كلنا في الهوا سواء

:-D

تحياتي ليكي ولطهقان كتيييير

السبت, أبريل 07, 2007

 
Blogger يا مراكبي said...

Ezzo

متشكر جدا وأشكرك على الزيارة الكريمة دي

أهلا بيك دايما

السبت, أبريل 07, 2007

 
Blogger خالد وليس بخالد said...

يا استاذنا...
مجرد سؤال
هو حضرتك فيه في اسمك السيد...أو عوض؟؟؟

:)

تدوينة حلوةو...اهي حاجة للترفيه

السبت, أبريل 07, 2007

 
Blogger يا مراكبي said...

خالد وليس بخالد

إشمعنى يعني الإسمين دول .. رمز الفشر وألا إيه؟

عموما متشكر جدا على الزيارة الكريمة .. وما تقلقش من الترفيه ده .. النكد جاي البوست اللي جاي

:-D

السبت, أبريل 07, 2007

 
Blogger طهقان said...

طيب
عندك
واحد عنب ميكس بالنعناع
وإزازة جلوكوز يا مراكبي
اللي يكفيك شر الامراض وشر الجواز

الأحد, أبريل 08, 2007

 
Blogger يا مراكبي said...

طهقان

إزيك عامل إيه؟ إن شاء الله تكون بخير .. طمني عنك

الجلوكوز ده لمين بالظبط؟

الأحد, أبريل 08, 2007

 
Blogger إنـســانة said...

ياسلااااااااااام

بقا هو ده؟؟؟؟

الاثنين, أبريل 09, 2007

 
Blogger يا مراكبي said...

إنسانه

أيوة هو ده .. بس ما تقوليش لحد .. خلينا ماشيين جنب الحيطة

الاثنين, أبريل 09, 2007

 
Blogger سكتم بكتم said...

هلا هلا هلا هلا هؤه.أنا رأيي تلحق تسجل براءة أختراع .الفكرة صحيحة تماماوقيس عليها المثل التالي
شعب تعدادة 70مليون منهم 35 مليون رايحين ينتخبوا وصل منهم حوالي عشرة مليون .فأحسب عدد الأصوات الصحيحة إذا علمت أني مرحتش ولا أبويا ولاأمي ولاحد من قرايبي ولاحد من الجيران ولا حتي بتاع الفول الي علي أول الشارع سعاتها حتعرف أن البلد في الهلا هؤه

الثلاثاء, أبريل 10, 2007

 
Blogger يا مراكبي said...

سكتم بكتم

ههههههه

تحليل رائع جدا .. ممكن تكون المحافظة كلها أصلا ما راحيتش كمان

ههههههه

أنا برضه سكتم بكتم ونا قولتش حاجه

الجمعة, أبريل 13, 2007

 
Anonymous غير معرف said...

[url=http://ebiteua.com/forum60-prostitutki-poltavy-i-oblasti.html]Prostitutki Poltava[/url]

الاثنين, ديسمبر 31, 2012

 

إرسال تعليق

Links to this post:

إنشاء رابط

<< Home