نورت مصر
قبل ما أحكيلكم عن اللي عملته في كندا أحب أقول لكم إني قضيت 72 ساعة في مصر .. أيوه بجد .. الزيارة دي فكرتني بالواد حمؤه صاحبي اللي بقى له 9 سنين برة مصر لما كان عايز ييجي يفرج مراته الخواجايه على مصر الحضارة .. مصر الأصالة .. مصر اليوم في عيد .. قلت ماشي ربنا يسترها معانا بعون الله .. وأول ما وصل مصر إتصل بيا وقال لي تعالى خدنا الهرم .. قلت عينيا .. رحت لقيته لابس بدلة ومراته لابسه فستان سواريه من الفساتين إياها .. لابسين كده ليه يا إخواننا؟ قالوا علشان رايحيين مكان مهيب زي الهرم! أخدت الواد حمؤه على جنب وقولت له: وله .. خشوا جوه وإلبسوا كاجوال .. الدنيا هناك تراب وعفرة .. ولو كنت محرج من مراتك قولها إحنا يمكن نشارك في التنقيب عن آثار الملك شلح ولا حاجة ويمكن نتبهدل.
المهم لبسوا كاجوال ورجعوا لي تاني .. أخدت الواد حمؤه على جنب تاني علشان أشرح له آداب زيارة الأهرام: شوف يا حمؤه يا أخويا .. أولا .. من الفضايح اللي هنا إن الأجانب ليهم سعر دخول غير المصريين .. علشان كده لازم تفهم مراتك إننا لما نيجي نقطع التذاكر .. لو الراجل كلمها أي كلمة علشان يعرف هي خواجاية ولا مصرية .. ترد عليه وتقول له: نعم يا عمر .. ساعتها هيقطع لنا تذاكر بسعر المصريين على طول .. فهمت يا عمر؟ قصدي يا حمؤه؟ طبعا حمؤه كان فاقد الذاكرة المصرية .. لكنه كان بدأ يفهم ويتعاون معايا
.
ثانيا .. قولها تخش الحمام دلوقت علشان ما فيش أي حمامات عمومية هناك .. لو جت وقالت لنا عايزة أعمل بي بي هناك مالهاش غير إنها تستخبى وراء أي صخرة وتمارس الطبيعة هناك .. فهمت يا حمؤه يا أخويا؟ هنا بقى حمؤه وشه جاب ألوان .. لأن دي مفاجأة ما كانش متوقعها .. وفين؟ في الهرم .. المكان السياحي اللي دايما بنتفشخر بيه بين الأمم ليل نهار
.
المهم .. خرجنا من شارعنا وأنا بقيت مطمئن إني أخدت كل إحتياطاتي ضد الفضايح المحتملة .. لكن على مين؟ إتفاجئنا بعربية كارو بيجرها حمار عايز يعدي من عربية كارو تانية من على يمينه عكس كل قوانين المرور اللي بتقول إنك لازم تعدي من الشمال .. طبعا مراة حمؤه صاحبي كانت مبهورة من منظر الكارو اللي لسة موجود في شوارعنا لحد القرن الواحد والعشرين .. واللي زاد وغطى إن العربيتين خبطوا في بعض وعطلوا الشارع .. وإسمع بقى أحلى كلام بين الإتنين العربجية .. أمك .. أبوك .. يلعن .. يابن ال .. إلخ .. ومش كده وبس .. الحمار الأولاني كملها بإنه إنتهز فترة التوقف دي وقعد يتبرز في الشارع .. والحمار التاني حب يحيه فقعد يتبول في الشارع .. والإتنين العربجية لسة بيتخانقوا .. والشارع كله لسة واقف ومتعطل .. ومراة حمؤه الخواجاية لسة مبهورة .. وسمعوني أحلى سلام بتاع نورت مصر
تعليقات
hopless case
الا ان هناك اتجاه عام عالمى لحذف الاهرامات من عجائب الدنيا السبع الجديدة والجارى التحضير لها
انا شايفه ان اللى قلته يخلينا نصر على وجودها من عجائب الدنيا السبعة
:)
ودة الموقع اللى يمكن التصويت فيه
http://www.new7wonders.com
كنت مفروض تقول لحمؤة يلبس مراته نضارة سودا علشان الشمش
و لما تعدوا كل المناظر اللي مش ولابد تبقى تخلعها
عظيمة يا مصر
يا ارض الحيل
اوروفوار
حمد الله علي السلامة يا باشمهندس
نورت مصر
مش كنت تقول كنا فرشنا الارض ورد
كنت لازم في خلال الرحله السياحيه المهيبه دي تشغلهم اغنية :
يبقي انت اكيد اكيد في مصر
علشان يعيشوا الجو المصري اللي علي اصوله
تحياتي
يا ماراكبي
جبار
صحيح من فترة كبيرة ما ضحكتش كدا ...
من ايام مذكرات عم طهقان
بالاضافة أني وغلاوتك عندي كنت ناوي اكتب عن الموضوع دا..
خمسة سياحة في القاهرة
وكنت ناوي اعرج
اه
اعرج على الاهرامات
ها
هاتكمل
والا اشيل انا ؟
بغض النظر طبعا عن موضوع البوست (وهو بالمناسبة يمس السياحة المصرية عموما وليس الأهرامات فقط) فإننا جميعا لابد أن نتكاتف لتبقى أهراماتنا إحدى بل وأعظم عجائب الدنيا السبع .. وهي بالفعل كذلك دون تحيز
وأشكرك على إرسال عنوان موقع التصويت
نظارة سوداء مش هتنفع .. إحنا كنا المفروض نغميها لحد ما نوصل هناك
بونجور مادام
الله يسلمك وأشكرك على الترحيب
أغنية يبقى أنت أكيد في مصر دي بتجيبلي أرتكاريا لأني بأحس إن اللي عملها كان منفصل عن الواقع الفعلي اللي لازم نصلحه الأول
أولا أشكرك بشدة على إطراءك الجميل ده .. طول عمرك ذوق
ثانيا حلوة قوي أعرج دي .. عجبتني جدا جدا
وثالثا أنا وإنت واحد .. اللي إنت هتكتبه كأني أنا اللي كتبته بالظبط .. كمل إنت وأنا متأكد إنك هتوضح الصورة أحسن مني
دايما منورني
بالعكس .. لازم نشوف كده الأول ونصلحه .. لازم ننتقد أخطائنا ونصلحها بدل ما نتفضح قدام الآخرين
وقديما قالوا .. لا تقذف الناس بالحجارة طالما أن بيتك من زجاج
تحياتي
أنا بجد ساعة ما كتبت البوست إفتكرتك وإفتكرت البوست اللي بيحمل عنوان بنفس تعليقك ده .. وكنت هأسرق .. قصدي أقتبس منك صورة الحمار إياه
المرة الجاية بقى
بس نعم يا عمررررررررررر
و الله بةست جميل و نفسي أروح الأهرام و حاجي عندك انت تفرجني ههههههههههه
المصيبة اني شكلي خوجاية هههههههه
إنتي تنوري مصر .. وحتى لو شكلك خواجاية .. مايهمكيش
بس المهم إني انا كمان أكون هناك علشان نقوم بالواجب
تحياتي ليكي
ههههههههههههههههههههههههههههه
ايه يا عم بلاش فضايح هما الاجانب زيينا
البي بي ده موجود عند كل الجنسيات .. عادي جدا
هي بي بي دي كلمة وحشة ولا حاجة؟
آثار الملك شلح ولا حاجة ويمكن نتبهدل"
بجد تعبيراتك تحفة
تستحق جايزة "نوفل" أحسن تعليق
وعلي العموم
انا من البلادي ي ي ي ي ي ي ي ي ي ي
وانا من البلادي ي ي ي ي ي ي ي ي ي
تحياتي
ويجعلو بتراثناالعربجي عااااااااااامر
زميلتنا المدونة وينكي تعرضت لموقف خطير أدى لحذف مدونتها، و مما تسبب لها باحباط شديد فقررت ترك الكتابة إلى الأبد و اعتبرت نفسها ميتة
و لأننا نحن المدونون كلنا يد واحد و رزمة أقلام مجتمعة، أتمنى أن تشاركونا بهذه الحملة لاقناع وينكي العزول عن موقفها السلبي و لمعرفة ما حصل معها تماما
رابط الحملة وينكي لن تموت من هنا
أرجو من الجميع مساندة الأخت وينكي
http://gayofsun.blogspot.com/2007/04/blog-post_29.html
دة الي هيقولة جوزها بعد ما تروح هناك بلدهم وتزل حمؤة... بانك كذا وكذا وبلدك كذا يا حبيبي يا حمؤة
وهو فية حد قالة اتجوز خوجاية مالهم المصريات يا سلام يا سلام دول حتي ستر وغطا علينا يا سلام دة كلامي انا
ودمتم
مش عارفة ازاي
بعد ان نجحوا في تغييب العقول الان ييريدوا تغيير التاريخ
ابقى زورنى
http://mazaag.blogspot.com
و يجعله عامر
فادنى بطريقه لا تتخيلها
لى صاحب تزوج من واحده أجنبيه وطلب منى عمل جدول لها للخروج وزياره المقالب أقصد المعالم السايحه أقصد السياحيه فى مصر
عرفت اختصر الطريق وامشيهم يتفرجوا على إيه
ونحن بلد الحضارة الأصاله العراقه كفايه كده
و بعد كده متفهمش حد انك مصري عشان مش عايزين فضايح لما يجوا يزوروك
ابقي ابعتهم علي الامارت علي اساس انك من هناك
هههههههههههههههههههههه
انت حافظ التراث المصرى
احييك
مش حمؤة اللى نسى الهرم و تقاليد الهرم
نورت
يعنى من ضمن الحاجات اللى سايبنها عشان السياح يتفرجوا
و بعدين مخفتش مرات صاحبك تسمعك و انت بتقول ان الدنيا عفرة و تراب
عايز تبوز السياحه و الناس تطفش؟؟؟؟؟؟؟
ما قلنا مستنيين تعليقك على كلامى عندى
يووووه
ايه الحكاوي الجميلة دي
وبعدين
يا ريت توصي الواد حمؤة يشوف لنا حتة مستوردة ...علشان خلاص
الواد معدتة مابقتيش بتيجي على المحلي
ده بس من ذوقك
وعلى فكرة .. أنا كمان من البلادي ي ي ي ي ي ي
بس أنا بقيت محرج قوي من موضوع الكارو ده .. ده كل الناس بتسألني عن الموضوع ده: هو بجد عندكوا كده؟
ما هو ده اللي مجنني .. كل يوم أسمع إن مصر بلد سياحي وإقتصادها معتمد على السياحة .. هي فين السياحة دي؟ ده إحنا أحسن ناس نطفش أجدعها سياح .. والكلام ده مش كلامي .. ده كلام ناس أجانب كتير قالوه ليا شخصيا
علم وشكرا
فعلا عندك حق
يعني إنت شايف إن إصلاح السياحة المصرية يبدأ بإننا نمنع زواج المصريين من أجنبيات
صح كده ياباشا ولا أنا فهمت غلط؟
هأستخدم نفس التعليق اللي قولته في البوست الجديد بتاعك
إنت بتمثلي تجربة تستحق الدراسة .. لأنك شايفه في بلدنا كل الحاجات الجميلة بس .. وكأن الحاجات التانية اللي عكس كده مش موجوده خالص
لكنها موجودة بالفعل وما نقدرش نتجاهلها .. ولازم نآخد بالنا منها علشان ينصلح الحال
أشكرك
جملتك دي مؤلمة جدا: بعد ان نجحوا في تغييب العقول الان ييريدوا تغيير التاريخ
وهي صحيحة للأسف
:)
طبعا مصر هتحيا بإذن الله تعالى .. أنا جاي عندك حالا
عامر بوجودك .. منورة ياحاجة إيبي
إنت كده جيت للي هيفيدك
وديهم شرم الشيخ أو الغردقة وإبعد عن العاصمة والمدن المصرية العادية
أو إنك تنقلهم من مكان لمكان وهما متخدرين
نورت مصر
دى مميزة واختلاف
تحياتى
إزاي ما أقولش إني مصري؟ أنا لا يمكن أدعي إني من أي جنسية عربية تانية أبدا أبدا .. ده مش من مبادئي
أنا رجل المباديء وإلا فلا
أنا رجل كالسيف
لكن ممكن أقول إني أمريكي أو كندي .. بتبقى أحلى بصراحة
مصر منورة بأهلها وحاجات تانية كتير
أصل أنا معقد ومش عارف أتمدن زي حمؤة كده .. وعلشان كده مش بأعرف أعيش زيه في بلاد الفرنجة لأني شايل جوايا كل التراث الأصيل بتاعنا
كمان هنخللي الكارو في الشوارع علشان فلكلور؟ مافيش فلكلور أنضف من كده شوية؟
هههههه
وبعدين ماتقلقيش .. حتى لو مراة حمؤة سمعتني .. الشوارع النظيفة بتاعتنا قايمة بالواجب وزيادة
أنا جاي عندك حالا
مصر هي اللي منورة بيك وبأهلها .. أشكرك
ومين سمعك يا طهقان ياخويا .. ده أنا شفت هناك شوية .. هسسسس .. نكمل كلامنا بعدين علشان الحاجة مراتي جاية ناحيتي
شايفك وإنت بتضحك عليا
هههههه
مصر منورة بيك
طبعا إحنا مختلفين .. مختلفين جدا جدا
أهلا بيك .. أشكرك
و هييييييييييييه
بتقول ايييييييييييه؟
يعنى لزوم السلام
الحمدلله انها جت على قد كدة
و متطورش الموضوع الى تشابك بالايدى و الارجل
و بالنسبة للاهرامات
ماهى هتتباع تقريبا
تخيل بقى؟ هتتباع الحته الفاضية الحلوة دى الى بنركب فيها الحصان و الجمل
هتتباع
و هتبقى مطعم كبير
يلا اهو كله للسياحة و سمعنى احلى سلام للسياحة
تحياتى
صدفة غريبة جدا .. لسة كنت فاتح البلوج بتاعك وبأقرأ اللي فاتني .. لقيت إيميل بيقول إنك علقتي هنا
ونرجع لموضوعنا .. هو كمان فيه إحتمال للخناقات؟ يبقى كويس فعلا إنها وصلت لكده بس
ماتعرفيش متر الهرم هيبقى بكام؟ ولا ده هيتباع بالكيلو؟
ورغم كل اللى قلته بردو نورت مصر
:)
:)
:)
أشكرك .. ده بس من ذوقك
شايفك وإنتي بتضحكي وإنتي بتقولي نورت مصر
جامده ياباشا
حلوه اوى التنقيب على الملك شلح دى .. عامة خير دى مصر اليوم .. ف عيد
تحياتى
ما اعرف الكيلو بقى بكام
بس الى اعرفه و كلام فى سرك و خصوصا انى مبحبش اجيب فى سيرة حد و خصوصا لو معرفهوش او متاكدة من المعلومات دى و بردة ندع الخلق للخالق و ..........
نسيت؟
ايوة ايوة
تقريبا جماعة طلينه هما الى هيشتروة بكام مليار دولار تقريبا حاجاة و اربعين
يلا يا عم هنهيص و هنظئطط و هنبقى من اصحاب المليارات
شوفت الخيبة هنبيع الحته الفضية يا سيدى
يلا ى كفاية اصلى مش بحب اجيب فى سيرة حد و خصوصا لو معرفوش و نكمل بعدين:))
تحياتى و شكرا على المتابعة
الله يكرمك .. ده من بعض ما عندكم
متشكر جدا جدا
طبعا أشكرك على المتابعة .. وأحلى حاجة فيكي إنك كتومة ومابتجيبيش في سيرة حد خالص .. السر عندك لا يمكن حد يعرفه أبدا
:-D
المهم .. مادام طلاينة يبقى هيتباع باليورو .. وهنقب أخيرا على وش الدنيا .. مش الدولار الخيبان اللي مايجيش ب25 قرش اليومين دول
الحمد لله علي السلامة
هوا سؤال: المخالفة المرورية كانت على مين من الحمارين؟
سلملي على مصر
بس أنا ناوية أغتت على أكتب بالرصاص ليا عنده تار هههههه
Thanks for you work and have a good day,
My next work goes to be made in Arab. The heading is: Egipto, the mother of the World.
مافيش مخالفات هناك ياراجل يا طيب
قول يارب
هو مين بيفكر عندنا في إصلاح أحوال الناس اللي جوة البلد؟
ولا حد
وبالتالي الناس اللي جوة دي بيكون عندها سلوك طارد لكل اللي جاين من برة للسياحة
وطبعا إنت أكيد عارف إن مافيش عندنا وعي سياحي خالص بين الأفراد العاديين اللي بيتعامل معاهم السياح .. أيحد يروح لبنان هيعرف يعني إيه وعي سياحي
ماشي .. خليكي على راحتك بس الهرم ده تخصصي أنا .. أنا عندي خبرة كبيرة في طقوس زيارته
Thank you very much, you are really doing a huge effort. Thank you for your support all the time.
ايه الوصف الشاعري دا
بجد عندك حق في الي بتقوله
فضيحه بجد ان مكان سياحي مهيب زي دا ميكنش يتمتع بالقدر الكافي من الرقي والتحضر
ابسط شيء
المراحيض العامه
ايه يا اخي دا بجد كل حاجه كدا بيظه
نروح فين بس ياربي
تحياتي
بس عايزين بوست توصف فيه مشاعرك اول مدخلت البلد وشفت ارض مصر
http://1minelnas.blogspot.com
بغض النظر عن موضوع الريحة .. أنا لسة مش مصدق إن ممكن مكان زي الأهرام مايكونش فيه حمامات عامة .. اللي هيا أبسط الأشياء اللى لازم تكون موجودة
أما وضوع إن كل حاجة عندنا بايظة .. فدي حقيقة لأن المبدأ العام في ي حاجة هو إن الشخصية لا تتجزأ .. وفاقد الشيء لا يعطيه .. وأنا مش قصدي حاجة خالص
أولا أهلا بيك مرة تانية في عالم التدوين .. بتطول قوي قوي
سؤالك عن شعوري ده سؤال من أصعب الأسئلة .. بس هأحاول أجاوب بإختصار
طيارتي كانت راجعة من ألمانيا للقاهرة .. وكل ما أقرب بألاقي نفسي بأفتكر أهلي وأصحابي والذكريات الحلوة اللي كانت هناك .. وفي نفس الوقت بأكون خايف إن تحصل أي حاجة مش كويسة تخليني أتضايق إني نزلت مصر
ولما وصلت لقيت نفس اللي حكيت عنه بالظبط .. خليط بين الإتنين .. وتزيد حيرتي أكتر وأكتر في مشاعري تجاه بلدي
زعلتنى اوى يعنى
من كلامك ده
او نقدر نقول
صدمتنى
طبعا أنا مش فاهم إنتي زعلانة بسبب إن حاجات زي كده بتحصل وألا لأ .. ولا زعلانة علشان نشرنا غسيلنا القذر على الملأ
لكن في كلا الحالتين تكتمنا على الخطأ مش هيصلح شيء بل بالعكس .. الخسائر هتكون أكبر
لازم نواجه مشاكلنا ومانستخباش .. لازم
ازيك يا هندسة
حمدلله عالسلامة قبل كل شيء
بصراحة انت اثرت موضوع من الموضوعات التى تسبب غصة فى الحلق مع فوران فى الدم
للاسف يا صديقى ان صورة مصر السيئة اللى بسشوفها السائح مش متوقفة بس على الخدمات العامة، كمان بتتوقف على طريقة التعامل واداب الحوار
يعنى الموضوع مش موضوع مناظر مقززة ممكن عين السائح تقع عليها
ده كمان ممكن يشمئز من مواقف معيبة قد تحدث له من مختلف افراد الشعب
في اللى بيحاول ينصب عليه واللى بيحاول يستذكى عليه
او المستفز اللى عاوز يتصور معاه بالعافية خاصة لو كانت سائحة
انا نفسى شوفت موقف لن أنساه ابدا ماحييت
واحد وقح جدا كان بيتحسس فاحدي السائحات فى وضح النهار وبشكل مهين وقذر
والاكثر وقاحة انه عندما قمنا بالتدخل لإتقاذ تلك المسكينة وفى غيبة من شرطة السياحة ، قام هذا الوغد بسبنا بأبشع الألقاظ
ودي كانت المرة الاولى والاخيرة اللى زرت فيها الاهرام
المضحك يا بشمهندس انى لما اتكلمت عن الحمامات العامة فى البوست قبل الاخير عندي فى المدونة
قام بعض المعلقين بالسخرية من هذا الموضوع وقالوا هى الناي لاقية تاكل؟؟
اسف للإطالة
سلام يا غالى
أشكرك على تعليقك الوافي ده
وأحب أقول للناس اللي بتقول إن الحمامات العمومية مالهاش لازمة وهي الناس لاقية تآكل .. ماهو مصر اللي بتقول إن دخلها معتمد على السياحة لو ما إهتمش بده .. مش هنلاقي السياح .. ومش هنلاقي نآكل بجد
لازم نهتم جدا بالبنية الأساسية للسياحة والأهم كمان الوعي السياحي اللي يحبب فينا الساح مش يطفشهم
وعلى فكرة .ز من أحد أسباب صفر المونديال هو الحمامات والتاكسيات .. بأقول أحد الأسباب مش كل الأسباب
تحياتي
فعلا .. إحنا في نعمة مش حاسين بيها خالص ولا قادرين نستغلها
ياريت تتابعني البوست اللي جاي .. هنتكلم فيه عن الموضوع ده بتوسع أكتر إن شاء الله
تحياتي ليك
لو بتحبي مصر بجد .. يبقى لازم تتنرفزي
ولو ما بتحبيهاش أو بتحبيها كده وكده .. يبقى ولا هايهمك
على فكرة .. بنتي الوسطانية إسمها يارا برضه
البوست الجاي يكون اية الي عجبك في مصر
سيبك من البلاوي عايزين الحجات الحلوة
من وجهة نظرك.... مش عارف لية انا
برضي بكل حاجة في مصر حتي لو وحشة
علشان كدة مهتم اشوف الحجات الكويسة الي قابلتك هناك في ال 72 ساعة
او قبل كدة او حجات مشتاق تشوفها
وحشتك يعني افهمني بقي يا هندسة
ايوة إعتراض
عشان اللى حصل ده احد انواع الجذب السياحى
يعنى مثلا
فى بلد أجنبى فى الدنيا ولا حتى عربى لسه فيه توكيل عربيات الكارو؟؟؟
بذمتك فى اى بلد فى الدنيا فيها الكارو و كمان بالموديلات المختلفة زى اللى عندنا؟؟
بلاش دى
فى بلد فيه هذه الألفة بين البشر و الحيوانات بحيث إنك زى ماهو عادى جدا انك تشوف بنى ادمين فى الشارع كذلك من العادى انك تشوف حمار فى الشارع؟؟
بلاش دى كمان
مش الحوار المهذب اللى دار بين العربجية ده يندرج تحت بند المسرح المفتوح؟
يعنى الدولة بتدى للسايح فرصة انه يتفرج على مسرحية و ببلاش و كمان فى الهوا الطلق
مش ده تفرد؟
مش ده تميز؟
مش دى سياحة؟
ده انت حتى بنفسك قعدت تقول ان الست الخوجاية كانت مبهوووووووووووووراااااااااااة
معنى كده اننا نجحنا
حرام عيكوا يا ظلمة
و قبل ما تنتقدوا حاجة, إعرفوا الهدف الحقيقى
بس صحيح
هى الست لما روحتو حكت للفاميلى
قالتلهم اييييييه؟؟؟
يلا
سلامى ليك و لحمؤة
وانا اتخيل ما تحكيه
تحياتي اخي العزيز
وبعدين في الإحراج ده؟ أنا شايفك وإنت بتغمز لي وإنت بتكتب التعليق ده
ممكن أستسمحك تعفيني من الموضوع ده علشان الرقابة؟
إيه ده كله؟ ده إنتي تعليقك عايز يتحط في بوست لوحده .. تحفه بصراحة
وإنتي عندك حق .. إحنا فعلا ظلمة ووحشين جدا
وعموما أنا قطعت علاقتي بحمؤه خلاص علشان هو ومراته ناس مش من مستوانا .. بيئة خالص
حمد الله عالسلامة
أشكرك للغاية .. أنا سعيد إن البوست عجبك
أهلا بيك دايما
ربي يكرمك ويعزك يا مراكبي
منساش تبقى تاخدهم جولة في السيدة أو الحسين :)
حمؤة ده مش بيقرا جرايد ولا ايه
مش عارف ان الدنيا مقلوبة في مصر بقالها حوالي 26 سنة ولا ايه
وطبعا كانت مقلوبة قبلها
بس مقلوبة عالجنب التاني
والنبى كده فرجت علينا خلقه
وقال ايه رحت امريكا و كنكا قال
لو سمحت نمرة الحاجة
ههههههههههههههه
بس بحد نورت مصر
أنا حقيقي ما نقيتش عارف .. هي المشكلة مشكلة ترويج سياحي وفشل إعلاني .. وألا نقص في البنية الأساسية للسياحة .. وألا شعب طارد للسياح .. وألا كل دول مع بعض
ياريت نروح نتفرج على الدول السياحية اللي بحق وحقيق
لأ .. الحسين إيه والسيدة إيه .. كفاية لحد كدة
إنتي ماقريتيش في أخبار االيوم بتاعة إمبارح عن إيه اللي بيحصل من مضايقات وتحرشات للسياح في المناطق دي؟
ده مش كلامي .. ده كلام جريدة حكومية .. مستقله
نورتينا
حلوة قوي مقلوبة عالجنب التاني دي .. تعبير رائع
بس قصدك إيه بال 26 سنة .. إشمعنى الرقم ده يعني؟ إنت هتقر على الناس وألا إيه؟
مابلاش نمرة الحاجة دي .. خليكي محضر خير مرة واحدة حتى
وبعدين أنا ذنبي إيه بس في الموقف ده؟ هو انا اللي مشغل الكارو ده لحسابي؟
هههههه
ياعم يعني هي جت علي الاهرامات
علي راي يونس شلبي
ياعم صلي
ان وحمؤه والخواجايه يا عم بدل ما تنصح ححمؤه بالتعليمات دى وديه حته تانيه ياباشا
تحياتى الشديده
سلامااااااااااااااااااااات
على رأيك .. وعلى رأي يونس شلبي كمان .. إشمعنى دي يعني اللي هتبقى حاجة عدله
طيب قوللي كدة أوديهم فين من غير ما يحصل أي فضايح؟
لو عندك إقتراح .. دلني عليه الله يكرمك
منور
لأن أي اجنبي بيروح أي حتة في العالم فيها أماكن أثرية أو تاريخية بيسموا دة هايكنج و دة غير الهاكنج على فكرة و معناة السير في أماكن وعرة و دة لية لبس خاص مش حتى كاجوال لكن نقول عشان أحنا في مصر و مش عايزين نبان أجانب أوي نمشيها تيشيرت قطني خفيف أو فلييس أو سويتشيرت حسب الجو مع بنطال جينز مع حذاء رياضي ، دة لو الأجنبي لوحدة أما لو معاة مرافق مصري سواء زوج/زوجة ن صديق ... ألخ فطبعاً المصري أبن البلد و عارف أية اللي يتلبس ألا لو ماكانش راح الهرم خالص و في الحاة دي تبقى مصيبة سودة و ماتقوليش أنة أتخوجن لأنك مهما عشت برة مابتتخوجنش لدرجة أنك تروح الهرم ببدلة و فستان في عز الضهر خصوصاً في عصر الجوجل.
الحاجة التانية بأة :
زوجة المصري الغير مصرية تعامل معاملة المصري (راجع القانون المنظم لذلك بوزارة الهجرة و الجنسية أو بأي سفارة مصرية في أي دولة في العالم).
طبعا موضوع الفستان فيه فانتازيا لا أنكرها .. ولو إن اللبس اللي كانوا في الحقيقة هايلبسوه كان برضه مش مناسب .. دي بقى حقيقة بجد وجد
أما معلومة معاملة الزوجة الأجنبية للمصري زي المصريين فدي بالفعل جديدة عليا جدا .. وخصوصا إني شفت عكس كده في الواقع الفعلي .. كويس إنك قلت لي .. بس المهم إن اللي واقفين هناك يكونوا عارفين كده برضه
أهلا بيك
الباندودث بتاع الموقع خلص كله و هيرجع كمان اسبوع ان شاء الله
مبن الباند ويدث اللي خلص ده؟ إنت مش كنت في صيدلة برضة؟ اللي وداك للحاجات دي؟
طبعا الباند ويدث خلص من كتر لفك على المدونات ومواقع الإنترنت
ههههههه
نستنى لإسبوع مش مشكلة .. أشكرك