لامؤاخذة .. تخطيط إستراتيجي
من اولها ياجماعة كده بالصلاة عالنبي .. اللي عنده سكر أو ضغط ما يكملش قراية علشان ماحدش يقول ما حذرتناش ليه وحاجات كده .. أصل أنا النهاردة نفسي أتكلم عن موضوع قبيح إسمه التخطيط الإستراتيجي ولا مؤاخذة
.
وعلشان أبسط الموضوع قوي أحب في البداية أشرح حاجة مهمة جدا جدا فيه ناس كتير ما تعرفهاش .. وهي إن أي فرد بيكون ليه إستهلاك من كل المواد اللي خلقها ربنا .. يعني كل واحد فيكم بيستهلك كمية معينة من الحديد والأسمنت والخشب والنحاس وأسلاك الكهربا .. زي بالظبط ما بتستهلكوا الأكل والمياة والملابس .. طبعا واحد ييجي ويقولي يا كابتن مراكبي .. إزاي بس بناكل حديد وأسمنت؟ إنت كبرت وخرفت والا إيه؟ أقول له إنت جيت للي هايفيدك .. ركز معايا وشوف
.
مش أي حد في الدنيا بييجي عليه يوم ويتنيل على عينه؟ آسف .. قصدي يتجوز على عينه؟ يعني هيحتاج شقة .. والشقة يعني حديد وأسمنت وألومونيوم .. خشب وسيرامبك وحنفيات .. سراير ودواليب وترابيزات وكراسي .. لمبات وملايات ومخدات .. تليفزيون وتلاجة وغسالة .. نزود على كده إننا محتاجين مدن جديدة تساعنا .. وطرق ومجاري وكهربا .. مدارس وسينيمات وكازينوهات .. مصايف ومستشفيات ووسائل مواصلات .. الخلاصة .. كل واحد فينا ليه معدل إستهلاك من كل الحاجات دي. طيب إجمالي الإستهلاك بتاع الدولة كلها من كل الحاجات دي بنحسبه إزاي؟ بسيطة يا معلم .. نضرب معدلات الإستهلاك في عدد السكان .. سهلة دي؟ لا سحر ولا شعوذة
.
وهنا بقى مربط الحمار .. عدد السكان ده بيزيد بمعدل ممكن حسابه بالتقريب .. وبالتالي نقدر نعرف تقريبا هنكون كام جثة بعد 10 سنين .. وبعد 20 سنة .. وبعد 50 سنة .. وبالتالي نقدر نستنتج من الأرقام دي قد إيه هنحتاج شقق ومدارس ومستشفيات وخلافه .. وبالتالي هنقدر نستنتج بالتقريب إستهلاكنا المتوقع من كل المواد .. ومنها هنعرف على طول إحنا محتاجين نعمل كام مصنع أسمنت في السنين اللي جاية .. وكام مصنع ألمونيوم .. وكام محطة مجاري وكام محطة كهربا .. وممكن على أساس كده نخطط للمدن الجديدة للمستقبل البعيد .. وبالتالي ما تحصلش أي مفاجآت أوأزمات في المستقبل
.
هو ده يا إخواننا اللي بيسموه التخطيط الإستراتيجي .. يعنى التخطيط البعيد المدى .. وطبعا لا يخفى عليكم إن دي أكتر حاجة متخصصة فيها مصر طبعا .. وألا فيه أي موتور عنده رأي تاني؟ بس الواو الأولانية بتاعة موتور عليها سكون على فكرة .. ماشي؟ أي خدمة .. سلام
تعليقات
وهقراء وأرجع تتتتتتتتتانى
ورجعت
بس رجعت مش زى ما روحت
حاسه كده يا مركبى يا خويا أنك ضربتنى على راسى بحاجه
طب وأنا أفكر فى بكره ليه بالطريقه دى
مش ممكن ربنا يبعت النهارده
دهب يقوت مرجان والحجات بتاعه أحمدك يا رب دى
وله فى ذلك حكم
ويمكن يبعتلنا قنبله نوويه تشيل العالم كله بكره الصبح
ممكن
عشان كده أنا بعلنها من مكانى هذا وانا طلعلى قبه بينه من دماغى من أثر ضربتك فى دماغى
أنى بفكر فى اللحظه دى وبس
هو البوست ده نازل عليه رقابة
يعني لمسئولين الدولة فقط؟
المفروض كل مواطن اول ما يتولد يسلموه مع شهادة الميلاد جردل فيه شيكارة اسمنت العبارة في الشكارة و سيخين من حديد عز و لوحين خشب
هي الدولة ح تتعب نفسها بالكلام ده
مش كفاية عليه الخيار الاستراتيجي
تيجي تقول معرفش ايه
سلاماتي
:)
محتاج حد يخطط
ويكون لية نظرة مستقبلة مش باصص تحت رجلية
ومحتاجين كمان وزارة تقوم على تنفيذ التخطيط
يعني محتاجين حكومة يكون من ضم خططها الاساسية حاجة اسمها تخطيط
يعني محتاجين يكون المعلم الكبير بيفكر في حاجة غير التوريث
وان شاء الله بعد كل دا ما يحصل
الي حينفذ التخطيط حيطلع حرامي ويخربها
---------
عارف النشيد القومي بتاع سعد زغلول؟
التخطيط الاستراتيجي
مصطلح تعبني قوي في البحث وراء أصله اللغوي في قواميس حكومات مصرية متعددة تعاقبت وتكالبت علينا
المصطلح يعني
أفيونة الحكومات والعقار رقم واحد لديها في تبنيج الشعوب ان كل شئ على مايرام كل شئ تحت السيطرة كل شئ محسوب بدقة الأن أوبعد خمسون عام
نطمئن على أنفسنا نطمئن ‘علىمستقبل أولادنا
النداء الأول وليس الأخير
كل شئ تحت السيطرة
سلااااااااااام0
مش تحس كده يا مراكبي إن مصر ما بقاش ليها حد
ماحدش حاططها فوق راسه وشاغل نفسه و بيها و حاطط همها قدام عنيه
احمد باشا
إحنا فى مصر ولا مؤاخذه
ماشيين ببركه دعا الوالدين
وإلا ليك راي تاني؟
لو ليك قول
:):):)
امبارح كنت باقرأ فى المصري اليوم عن الخريطه الذهنيه
وان ملك البحرين بيستخدمها عشان يبقا شايف مستقبل بلده عامل ازاي
وإن ناس كتير بتستخدمها في كل المجالات لانجاز اكبر قدر فى اقل وقت وبأقل جهد
ولا عزاء لاحد
تحياتي
شكراً على التنويه فى بداية البوست
:):):)
ياصحبى ارجع روح حتة تانية علشان عقلك يردلك وعلشان خاطر ولادك لسه محتاجين اب عاقل اكتر من اى حاجة تانية
انا من ساعة ما وعيت على الدنيا وانا اعرف ان مصر فيها المجالس القومية المتخصصة ودول احسن عقول فى المحروسة وشغلهم النظر والتخطيط والبحث وتقديم الاقتراحات للمستقبل لكن واضح ان كل اقتراحتم بتتحول على اقرب صفيحة زبالة ـ والمصيبة ان واحد معروف عنه انه الملك المتوج فى مصر كلها لظرفنى تجدنى ـ هو دلوقت المشرف على هذة المجالس علشان تعرف القدر الكبير اللى بلدنا بتبص بية للمستقبل
ا" اللى بنى مصر لا خطط و لا سطر "ا
و مفيش كلام تانى يتقال يا رجالة
أنا اللي فاكره إن أوتوبيس 921 كان بيروح من بولاق الدكرور لحد شبرا الخيمة
ماعاش اللي يضربك على دماغك .. تلاقيكي بس خبطي في في حاجة وإنتي داخله المدونة
وبعدين ولا تزعلي نفسك خالص ..فكري في اللحظة دي وبس .. يعني هتكوني أحسن من كبارات البلد؟
أما المعتوهين اللي زيي بتوع التخطيط والحاجات الهبله دي يترموا بره البلد
جتنا البلاوي ملينا البلد
:-D
بس عايزةاتباسط شوية و اقول بلغة الشباب بتوع الايام دي
باشا , استاذ و رئيس قسم كمان
بس البلد دي اللي ماسكينها شوية سواقين ميكروباسات !!!!!
تدوينة كالعادة في الجون
او صدقني زي ما بقولك كده
الخطاط من دول يرقعلو كام يافته على كام تصريح
وعيش وخطط يا مؤمن وكنتاكي وماك وبالهنا والشفا
تخطبط ايه يا باشا
نحن في زمن المسخ
تحياتي
--------------------------------
انا عايزه خدمه
انا راسلتك علي الايميل وواضح
انه لم يصل
مش مهم انا غلسه و هاطلب برضه
دلوقتي انا عايزه اضيف
google Reader
زي الاي انت عاملها تحت اسم قرأت لك
عايزه اضيفها
في مدونتي انا دخلت علي الصفحه و فضلت اخرج من حاجه و ادخل علي حاجه و اعمل add
بس مش عارفه اعملها و انزلها علي مدوناتي فممكن تشرحلي انت عملتها ازي و اضافتها ازي
و اشرح براحه و ياريت توضحلي بالعربي عشان اختك ضائعه في الانجليزي
معلش انا بتقل عليك و عارفه انك مشغول دائما بس مساعده قليله تاخذ ثواب عليها
ايميلي اهو inyeg@yahoo.com
و شكرا كتيررر علي مساعدتك ليه شكرا
Yes, it usualy comes with "Elmajales" Elmotkhasesah and "Elkhyar" El-estratejey, sorry because half people are tired and want to sit..."Elmajales" and the other have are tired from eating "Lahma/hopper" and now thy are looking for "Elkyar wa El-tmatem".
Marakby, sorry to tell you that next time if I do not see the old style back, I will remove you from the favorites -:) but I would recomend you to "Terga3 lebaladak wa habybaic ya Mrakby ya akhoya in kietwit.
واحد شاى لبيتون هنا يابنى
هييييييييييييييييييه اما نرد
ياسيدى الفاضل
تم سؤال احدى الفتيات الفاضلات بواسطة الاستاذ عمرو اديب من فترة بسيطة
يقولها فيها
مين د / احمد نظيف؟؟
و كان الجواب
هى هى هىىىىىىىىىىىى
محرفشىىىى!!
الحلوة متعرفش مين احمد نظيف
عايز الناس تعرف يعنى ايه تخطيط اتسارتيجى
وبعدين بقى يقوموا يخدوا كلامك و يعملوه فيلم عايز حقى 2
وتروح انت فى الرجلين
ٌRegards:
Lojain :)
إحنا برضه اللي حاصل عندنا بدرجة إستراتيجي لكنه تخبيط مش تخطيط
وعلشان ماحدش يفهمنى غلط.. أنا لا أقصد الخبطات الإستراتيجية إياها اللي بيتهبش فيها فلوس البلد
ولا أقصد الخبطة الإستراتيجية الكبرى الخاصة بالجمل بما حمل
اطلع انا منها دي شؤون مصرية
إحنا دلوقت لو بصينا هنبص على وحدة حلوة في فيديو كليب أو أورة ماشية في الشارع لكن حكاية إننا نبص لمستقبلنا دي حاجة شلناها من دماغنا من زمان
وعلشان كدة مستقبلنا هيبقى زي الفل إن شاء الله
وأوضاعنا في مصر دلوقت ما تتديش ولا تخطيط استراتيجي ولا يحزنون
إحنا آخرنا الفرجة على الدول الأوروبية وتقدمها ونقعد نحلم ولو بطلنا نحلم هنموت
إحنا في مصر عايزين ناس مـخها منفتح دماغها عالية تقدر تحط خطط سليمة لمواجهة أزمات المستقبل ولكن هذه النوعية قد تكون قليلة أو منعدمة في المؤسسات المصرية
وحاجة كويس منك يا حاج زي ما عودتنا بموضوعاتك الكويسة إنك تفتح لنا باب التخطيط الإستراتيجي
يمكن حد تاني يفهم
معلش على الإطالة
that was hilarious:D
bas begad..kol el kalam da sa7...w ye7'alik te7es be how strategic we r
wana eli kont nawya a3ml masters fil strategic management :D....bala nila
my 1st visit here..nice blog
يعنى الوزرا يطلعوا يقولوك احنا بنخطط للقضاء على البطاله
احنا بنخط للقضاء على الامية
احنا بقى بنخطط علشان الزيادة والسكانية
و احنا بردة بنخطط علشان
ارتفاع مستوى معيشة الافراد
بس استنى انهم يقولا التنفيذ سنه كام؟
بجد محدش بيقول
تحياتى
بصفتي مسئولة رفيعة المستوى في البلد
حرد عليك واقولك
" والله وفي الحقيقة احنا في خطتنا الثلاثية اننا نستصلح 855 مليون فدان ونزرعهم قمح " للتصدير"
وقصب السكر
وخاصة ان احنا بقينا ننافس دل العالم الكبرى في مسألة التصدير دي
واخد لي بالك
وبالنسبة للمشروعات السكنية فاحنا عندنا
754 مليون فدان حنبني عليهم فيلات وقصور للشباب
حديثي التخرج
من الناحية دى اطمن
وعندنا فائض في الميزانية السنة دى
اعلى من السنة اللي فاتت ب 6 مليار و
799
مليون دولار
من الناحية دى اطمن"
بصفتى بقى مش قادرة
احب اقول لحضرتك
هو احنا مخططين
اصلا لأخر اليوم ده
يحصل فيه إيه
حضرتك قلتلي انت عايش فين
؟
سلاماتي:)
أولا كل المدونات عليها رقابة ما عدا اللي بتتكلم في قلة الأدب
ثانيا .. إيه اللي جاب سيرة السادة المسؤلين دلوقت؟ دول أسيادنا وتاج رأسنا وأحسن ناس بتفهم
ثالثا .. عجبتني قوي قوي فكرة جردل الرمل والأسمنت دي .. أهو حاجة كده تتوزع زي التطعيمات على بطاقة التموين
هههههه
مين الخيار الإستراتيجي ده؟ أنا آخر حاجة حضرتها كان البطيخ الإستراتيجي
يا عمنا هتودينا في داهية .. إيه بس اللي جاب سيرة المعلم الكبير والتوريث والحاجات دي؟ وبعدين كان الله في عونهم .. هيفضوا لإيه وألا إيه؟
ربنا يجعل كلامنا خفيف
طبعا أنا فاكر النشيد القومي لسعد زغلول
مافيش فايدة يا صفية
غطيني وصوتي عليا
مش هو ده؟
أيواااه .. تبنيج الشعوب .. الله ينور عليك
أنا من يوم ما وعيت على الدنيا وأنا بأسمع فعلا الكلمة دي: كل شيء تحت السيطرة .. فين السيطرة اللي كل حاجة تحتها دي؟ مش عارف
أي حد يلاقي سيطرة - غير الأمن - يبقى يقولنا وينوبه فينا ثواب
أستأذن الجميع في تخطي الترتيب علشان بس أرد على موضوع الريدر
في الحقيقة أنا ما عملتوش لنفسي إنما شخص عزيز جدا هو اللي عملهولي وبيقولك الخطوات كالتالي
افتحي صفحة جوجل
واعملي
تسجيل دخول
اختاري حسابي
ومنها اختاري خدمة قارئ
علي شمال صفحةالقارئ
يوجد مربع اخضر
أضيفي اليه لينكات المدونات المفضلة واحدةوراء الأخري
من
اسفل الصفحة اختاري مانج سبسكربشن
علمي علي كل المدونات واختاري انشاء
مجلد ونقلهم اليه
من اعلي الصفحةاختاري تاجز
اختاري المجلد ليكون
بابليك
اختاري اد كليب تو يور بلوج
حددي اللون وعدد المدونات في الريدر
واظهار مصدرها
انسخي اللينك اسفل الصفحة وضعيه في السايد بار في القالب
القصة جاهزة بس قلت نكسر الملل شوية علشان الناس اللي بتتعب وبتيجي لحد هنا ما نطفشهاش
مبروك على مدونة إبن خالتك .. هآجي أشوفها طبعا
أنا الموضوع ده ملاحظه من كذا سنة .. تحسي إن بلدنا مالهاش صاحب بيسأل عنها من فوق وكل واحد بيعمل اللي هو عاوزه وبدون أي رقابة وفي كل المجالات .. اللي عايز يعمل أي حاجه يعملها بغض النظر هي صح أو لا
كله ماشي بمبدأ: أنا ومن بعدي الطوفان
تنهيده كبيره
طبعا ماشيين بالبركة .. كلامك هو اللي يمشي طبعا
:-D
بلاش نجيب سيرة الأفكار الجديدة اللي في الخليج علشان لما بأتكلم عنهم الناس بتزعل مني
أنا لفيت وعارف إيه اللي بيتعمل في الكويت وقطر والبحرين والإمارات والسعودية ومتعقد خلقه .. خليني ساكت أحسن
نورتي
أنا ياجدو برة مصر من إسبوعين ونص .. أنا سليم .. أنا سليم .. أنا حي
أنا أعرف موضوع المجالس القومية ده من زمان برضه .. وأعرف كمان مكان صفيحة الزبالة إياها اللي بيحفظوا فيها الاقتراحات المستقبلية .. كانت قريبة من بيتنا القديم
مين ده اللي بيشتغل بنظام ظرفني تجدني؟ قصدك مين؟ هو واحد بس بجد بجد يا جدو؟
وعجبي
هو ده الشعر الحديث اللي بجد بجد بيواكب الزمن المعاصر
شكرا للإضافة
وأهلا بيك
متشكر جدا على الإطراء .. معرفش بيقولوها إزاي بلغة الشباب الروش بصراحة
أنا معاكي في موضوع سواقين الميكروباص ده .. ده أنا حتى أفتكر إني شفت وزير سايق على خط الجيزة فيصل فيصل فيصل
:-D
أهلا بيكي
أنا مستعد أشاركك في مشروع اليفط ده .. ده بيكسب دهب
إيه رأيك يا معلم؟
أنا حذرت في البداية وإنتوا اللي كملتوا قراية .. أنا ماليش دعوة
فعلا .. زمن المسخ في كل شيء
قال تخطيط قال
سؤالك عن الريدر رديت عليه فوق على فكرة
ده تهديد جامد قوي .. كله إلا الفيفوريت الله يخليك
أنا بأعلن أهو .. العلم لا يكيل بالبتنجان وانا بأسحب كلامي كله .. والبري بيء بيلق في الشكمانات هو مبدأي الأول
يمشي الحال كده؟
يخرب بيت عقلك يا مراكبي
هو انت انتقلت من القصص للسياسة
ما كنت فحالك إيه اللي رجعك مصر
أنا متأكد من حاجة واحدة: انك لو فضلت هناك كتير حتتجنن أحسن لك بشد قلوعك و تهاجر مرة تانية
سلام يا باشا
و كـــود لاك
احنا عندنا نوع تانى من التخطيط
نشوف الموارد اللى عندنا قد ايه وتكفى قد ايه من الشعب بقية الشعب نخلص عليه !!!!
في اوروبا والدول المتقدمه بيمارسوا التخطيط الاستراتيجي علي اصوله
اما في مصر فنمارس التخبيط الاستراتيجيبحرفنه عاليه وماحدش يقدر يوصل للتقدم الفظيع اللي وصلنا له في هذا المجال
ويجعله عامر
خالص تحياتي
انا مش فاهم حاجة
حاسس ان في حد جه ضربني على قفايا و طلع يجري
طب والله العظيم انا حاسس انى مصدع دلوقتى
والتفكير في الحاجات دى مش مسؤوليتنا
:q
ازيك يا مراكبى دي اول زيارة ليا ومش الاخيرة واتمنى زيارتك لمدونتى المتواضعة
أما بالنسبة للتخطيط الاستراتيجي فأنا شايف اك بتتجنى على كبارات البلد وبتقول انهم مش بيخططوا وده مش صح انت عارف دول ليل نهار بيخططوا بس في حاجات مهمة مش حاجات خايبة زي اللى احنا بندور عليها وبتهمنا الناس دي اهتمامتها كبيرة دول بقالهم كم سنة بيخططوا للتوريث وبقالهم كم سنة بيخططوا لبيع البلد وبقالهم كم سنة بيخططوا يموتونا بدري ويقضفوا اعمارنا بمبيدات مسرطنة ومياه ملوثه هو ده التخطيط يا معلم مش الكلام الفاضى بتاعنا ده طرق ومستشفيات
دي ناس دماغها عاليه
وسعدت بزيارة مدونتك
سك على الشاي يابني .. هات بانجو أحسن
وبعدين إيه شاي ليبتون ده؟ بلاش دلع .. فيه شاي التموين أبو خشب وبس
وبعدين كمان ممنوع الإعلانات هنا
مين بقى أحمد تظيف اللي الحلوة مش عارفاه ده؟
:-D
اللي قلت عليه ده هو الحاجة الوحيدة اللي أنا شايفها بيتخطط لها إستراتيجيا زي ما الكتاب بيقول بالظبط لدرجة تدعوا للإعجاب فعلا .. ماهم بيعرفوا يخططوا أهو .. بس مش في الخير طبعا
تصدقي بقى المرة دي بالذات مش شئون مصرية .. دي شئون عربية كمان بس مش كلهم
أهلا بيكي
طبعا مادام إهتمامنا بالفيديو كليب يبقى نقول للمستقبل شكرا ومع السلامة ونشوفك في ظروف تانية أحسن من كده
مصر فيها ومنها العقول المتفتحه لكنها عمرها ما بتوصل لأماكن القيادة والتأثير وهو ده سر التخلف اللي إحنا فيه
للأسف
ما هو أنا سبقتك في الموضوع ده .. بعد ما كنت واحد من السبعة اللي نجحوا من ال 44 اللي كانوا في تمهيدي الماجستير في هندسة القاهرة .. الدكتور بتاع التخطيط عقد اللي خلفوني وخلاني أسحب ورقي ورحت درست في الجامعة الأمريكية
حتى دراسة التخطيط مش التخطيط نفسه فيها مشكلة تخطيط
وعلى رأيك .. بلا نيله
نورتيني
الراجل ده بيتكلم صح .. أنا طول عمري أسمع عن الخطط الخمسية .. وهي خمسية علشان الحسد .. بيخافوا لا نتحسد وخمسة وخميسة علىنا وعلى بلدنا
أصل الحاجات دي بتتنظر على فكرة
أيوااااه .. ممكن فعلا تلاقي حد بيقول إننا بنخطط .. بس إمتى؟ الله أعلم
الأجانب بيقولوا عننا إننا بنستعمل كلمة "إن شاء الله" إستعمال خاطيء .. بقينا بنستعملها للتسويف لشيء مش عايزين نحط له ميعاد أو جدول زمني
ربنا يرحمنا
أهلا أهلا بالمئولة الكبيرة قوي .. أنا عرفت على طول إنك من السادة المسؤلين أول ما شفت التصريحات الجامدة دي
شكلك حزب وطبي
:-D
لو عايزة تعرفي أنا عايش فين يبقى لازم تعرفي من البوست ده إني جاي من المريخ طبعا
مش عايزة سؤال أبدا
منورة
متشكر جدا على الزيارة والإطراء الجميل ده .. ربنا يوفقك وتمتعنا كمان وكمان
أهلا بيك
سياسة؟ أعوذ بالله .. مين اللي جاب سيرة السياسة بس .. الشر بره وبعيد
ماتوديناش في داهية ياعمنا
عموما أنا سافرت خلاص من 3 أسابيع .. من غربة لغربة مش فارقه
منورني دايما
فالظاهر والله اعلم ان الحكومات لما ملقتش بيحوق فينا اى حاجة قررت انها تقوم بخطوتها وتعمل هى كارثة وتموت الشعب بالسكتة القلبية وده هو المفهوم بتاع الاستراتيجية دى
شفت باه اننا مذاكرين كويس
امال ليه بس بيقولو اننا معندناش كوادر شبابيه(:
بس هو الجواز كده السبب في كل المشاكل
تحياتي
كل ما نحبو لقدام
نجري لورا بالخطوه السريعه مارش
حاجه تهد الحيل بصراحه والله
ايه يا ابني جرعه التفائل دي قبل رمضان
فكر بايجابيه شويه
فكر ان من كتر البشر الي هيبقوا موجودين
الجريمه هتزيد
والناس هتخلص علي بعض
وكدا يخف العدد وبالتالي نستمتع بالموارد اكتر واكتر واكتر
ايه رايك مش فكلره جهنميه
كل سنه وانت طيب يا مراكبي
ماهو أنا قلت ألحق أتكلم في الحاجات العيب دي قبل رمضان ما ييجي
بس بجد فكرة ممتازة جدا إننا نخلص على باقي الشعب دي علشان الموارد تكفي .. ممكن نعمل قرعة
أحييك جدا
وعليكم السلام ورحمة الله وبركاته
إحنا أساتذة في التخبيط الإستراتيجي ده
ده حتى فيه دول كتير حاولت تقلدنا فيه وفشلت فشل ذريع .. أصل دي قدرات خاصة بينا إحنا بس
شرفتينا
عشان كده انا قولت الف واسلم علي كل اللي اعرفهم .. يا عالم المره الجايه حاجي ازور المدونه امتي ؟
اصلي داخل جيش .. و شكلي كده داخلها ظابط .. يعني 3 سنين
مادام حسيت بوجع في القفا يبقى إنت من الناس اللي بتفهم .. خدها قاعدة من أخوك
ومن أعراض القهم كمان غير موضوع وجع القفا ده هو الصداع
ده حتى أنا عايش على البنادول بقى لي سنين بسبب كده
أهلا بيك في النادي
التفكير في الحاجات دي شكله كده مش من مسؤلية حد أصلا
يمكن دي مسؤلية الكائنات الفضائية ولا حاجة
:-D
فاكر الراجل الاسمراني اللي اول مشهد له كان في الحمام وواحد من بره عمال يخبط عليه عشان يخلص
كان الراجل ده له جملة مشهورة اوي وبقت لزمة ف لسنة الناس ( طبعا اياميها الكلام ده لكن دلوقت اللزمات كترت ) ها افتكرتها ولا لسة
لو مفتكرتهاش ابقى فولي والمرة الجاية اقولهالك
:)
الدور لحقك في الإعترافات، ولااااااااااااااازم تعترف
حتفهم كل حاجة لما تزور مدونتي
بس برضه ايميلي لم يصلك ليه
انت غيرت الايميل
بس هو في تخطيط استراتيجي للكباري اصلا
خير خير بتحصل في احسن البلاد
ومساء الخييييييييير ع الاستراتيجين
بجد يا جماعة نفسي كلنا نتجمع اليوم ده..بقالنا كتير قوي متجمعناش وكل واحد مشغول في حاجة...مستنيكم يومها الساعة 8 بساقية الصاوي"قاعة الحكمة...
ياعني مش عندنا
التخطيط الإستراتيجى
فكره جميله للكتابه عنها
مع إن مصر من الدول أكثر تخطيطا لرجوع للخلف لكن ده مينكرش إنها بتخطط
زمان يعنى من ثلاث سنين كان فيه دكتور فى الكليه بيقول لينا إن معدل تقدم الدول معدل إستهلاك الفرد من الكهرباء بما إن كل حاجه بتشتغل بالكهرباء يعنى مصانع وشريكات ومزارع و.. و.. و.. و
نحسب مجموع إستهلاك الكهرباء ونقسمها على عدد السكان وبالتالى الناتج معدل إستهلاك الكهرباء للفرد
وعلق على كده بإن أكثر الدول إستهلاك للكهرباء للفرد أمريكا و الدول الآروبيه
لذلك سنفضل من دول العال الثالث
احنا اول ناس عندنا تخطيط استراتيجي؟؟
موافقون ولا (السكين تشاور علي الرقبة نيابة عن محمد صبحي في تخاريف)
مشكور يا باش مهندس
الله يصبرنا
ايه البوست دة
ياعم كلمنا بالهجايس استراتيجى ايه بس
وطبعا مافيش حد يقدر يقول حاجة احنا بتوع الاستراجيات والتخطيطات كلها ياباشا
انا مالى انا
انا جيت اقولك كل سنة وانت طيب بمناسبة ان التوقيت الشتوى بدأ ورمضان على الابواب
والمدارس كبست علينا بعيد عنك والجو الكئيب بتاع الشتا دة
وحضرتك انا مابدخلش نت فى رمضان فيبقى لكوا وحشة الصراحة بس لو حصل معجزة ودخلت هبقى اجى امسى عليك برده
كل رمضان وانت بخير سلاماتو
موضوع التخطيط دة عندنا لسة هنخططلة
ومن فشل في التخطيط فقد فقد خطط للفشل
وصلت يعني احنا عالم بنخطط بس للفشل
ابقي خلي في المدونة عرق سوس ولا حاجة الواحد يبل ريقة
وحشتني
يهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
وحين يقتل المسلمون بأيدي المسلمين
وحين يسمح المسلمون بان يدنس الكفرة بيوت الله
حين يحدث كل هذا في بلاد المسلمين
فماذا تنتظرون ؟؟؟؟؟
تابعونا الان
في
فماذا تنتظرون
فقط
علي
ارض الحرب
والله عندك حق .. هما فعلا بيخططوا بس في إتجاهات معاكسة تماما وبينجحوا في تنفيذ مخططاتهم دي كمان
تعرف .. لو حد فيهم وجه مجهوده ده في الإتجاه الصح هيعيشوا في رفاهية برضه لكن زود عليها بقى راحة البال والمجد ورضا ربنا أولا وأخيرا
شرفتني ويسعدني زيارتك طبعا
برافوا عليكي .. شاطرة من يومك .. هو ده التخطيط الحديث: لو ماجاتش مصيبة تآخد الناس تحاول الحكومة تتصرف بنفسها .. وبكده الموارد هتكفي الكل
هو ده الكلام
وزير تخطيط مرة واحدة؟ ربنا يكرمك
كل الكوادر الشبابيه ياإما بيموتوها جوه البلد .. ياإما بيدفعوها للرحيل
هو ده المخطط اللي معمول للمخططين
نورتي
كل سنة وإنتي طيبه يا دكتورة .. ده إيه الأفكار الجامده دي؟ معدلات جريمة وناس هتخلص على بعض .. منتهى التفاؤل بصراحه
عموما هو برضه أحد الحلول ما نقدرش ننكر كده
:-D
أنا سعيد إنك جيت تسلم عليا قبل ما تروح الجيش .. معلش .. وعسى أن تكرهوا شيئا وهو خير لكم .. وعسى أن تكرهوا شيئا ويجعل الله فيه خيرا كثيرا
إن شاء الله ربنا يهون
وكل سنة وانت بخير
ربنا يهون غربتك وانت مع عائلتك يا رب
سلامى للعائلة الكريمة
كل عام وانت اللى الله اقرب وعن المعصيه ابعد ان شاء الله
كل عام وانتم با الف خير
يا هندسسسسسسسسسسسسسه
الكلام دا مش في مصر يا حبيبي
هنا بلد الفهلوه وهولا هووووووووووووب
هههههههههههههههههههه
بوست جميل يل مراكبي
كل سنه وانت طيب
رمضان مبارك
مبارك عليكم الشهر
من العايدين
رمضان كريم
أنا إستعنت بصديق وقال لي هو مافيش غيره اللي كان بيقول إن في أوروبا والدول المتقدمة بيقدموا مع الكباب طحينة
صح كده؟ وألا الصديق ده كفتجي؟
أنا جاي أهو
بس لو لقيت حاجة فها إعترافات مش هأقدر عليها .. هأفلسع على طول
لا شكر على واجب
عموما الغيميل بتاعي بيستقبل مش أقل من 50 رسالة يوميا .. ممكن تبقي تعملي
Request for Receipt Notification
علشان يأكد لك إن الإيميل وصل
عنواني هو
a_s_elkady@yalla.com
معلش .. أنا عارف إني خرفت شوية في البوست ده
أوعدك إني هأبطل كلام في الحاجات الوحشة دي
كباري إيه اللي بيعملولها تخطيط دي .. صلي على النبي
والله كان نفسي أقابلكم وأسمعكم .. بس للأسف وجودي في مصر كان محدود وكان علشان شغل كمان
ربنا يوفقكوا
هما الأذكياء المصريين موجودين .. مش خيال علمي يعني
لكنهم مش في مواقع القيادة للسف .. علشان كده بيبان إن شكلنا أغبياء
حلو موضوع التخطيط للرجوع لخلق ده
كلام أستاذك ده سليم .. وفيه معدلات تانية كمان
منها مثلا مساحة الأسوا والحدائق والمنتزهات والطرق بالنسبة لعدد أفراد الشعب
وكل المعدلات دي في مصر مضروبة بالجومة القديمة
موافقون يا معلم
أنا رافع إيدي ورجلي كمان أهو
نورتني
أيوة على رأيك .. خلينا في الهجايص
وبما إن سمو الميرة ما بتدخلش نت في رمضان .. يبقى دي فرصة أنشر فيها كل الحاجات المعارضة للنظام
ولو إن ما فيش نظام أصلا
:-D
إبقي شقري في رمضان
Thanks for your kind visit
دايما بتتحفنا بالتعليقات والحكم الجامدة: من فشل في التخطيط فقد فقد خطط للفشل
الله ينور عليك
أنا فعلا بأفكر أحط زير زكوز على باب المدونة وأهو كله بثوابه
وحشتنا يا عمنا
طبعا لازم دايما يكون فيه أمل .. بس بشروط
يعني لازم نآخد بالأسباب مش نستنى كده وخلاص
بس لازم اقولك
رمضان كريم
و جرب الاوبن بوفيه بتاع قرية النخيل اللي على الكورنيش بيعملوا فطار و سحور جميل قوي كل سنة
ربنا يوفقك
تحياتي
ومربط الحمار أن الحكاية دي مين اللي بينفذها في جمهورية التوت الديموقراطيه عشان مجلس الشيوخ يكلمه ينجز الموضوع؟؟؟!!!!
أنا معجب جدا بالموضوع يا مستر مراكبي و ألف شكر أنا فعلا استفدت
أشكرك جدا جدا على التهنئة .. كل عام وأنت بخير .. أعانكم الله على صيام وقيام شهره الفضيل .. وكل عام وأنتم بخير
ويا ترى التخطيط ده بالطول ولا بالعرض ؟
تعليق تحفه بصراحة
هو تخطيط بالورب
Diagonal
:-D
تعليق مؤلم
يشرفنا زيارتك طبعا
أشكرك جدا يا شهرو على التهنئة الجميلة دي وعلى الشعور الجميل ده
كل سنة وإنتي طيبة ونفرح بيكي قريب
وعليكم السلام ورحمه الله وبركاته
كل عام وأنت وزوجك الكريم بأفضل صحة وسعاجة وكذلك الأسرة الكريمة جميعا
تقبل الله منا جميعا
ليه بس كده؟ بلاش ربنا يكرمك
سمعت .. سمعت .. بتزعق ليه بس؟
وبعدين ما إسمهاش الهولاهوب .. إسمها الهيلاهوب
وتحط اللمبة على أي حتة تنور
ههههههه
كل سنة وإنت طيب وتنورني دايما
أيوه هو ده .. شفتي الدنيا؟
يحي العظام وهي رميم
!البوست فعلا ...دمار
والبوست اللي قبله جميل ، القصة جميلة وماشاء الله اسلوبك تحفة .. فعلا بلاش منها الهندسة ..
:)
تحياتي
ربنا يخليكي وحمد الله على سلامتكم
كل سنة وإنتم طيبين .. هأروح أجرب البتاع ده على مسؤليتك .. أنا عرفت إنه عالبحر من عند شارع صاري في إتجاه الجنوب
نورتوا جده تاني
أهلا أهلا بالفنكوش الكبير
عايزنا نخطط نطلع القمر؟ طيب نطلع لنهائيات كأس العالم الأول
ههههههه
متشكر قوي على الإطراء ده ونةرتني
وبجد كنتي في مصر وطلع 130 على 90 بس؟
طيب ده أنا كان هيجيلي سكتة قلبية لما رحت هناك
عموما سلامتك .. وحمد الله على سلامتك .. وربنا يصلح الحال
ده كلام كبير قوي .. أشكرك جدا على الإطراء الجامد ده
أنا سعيد إن آخر بوستس عجبوكي كده .. أرجوا إن يكون فيهم ولو قدر ضئيل من الفائدة
كل عام وأنتم بخير وربنا يتقبل
هيا جت على الحديد وهتوقف
تحياتى
تحياتى
كل عام وانت بخير رومضان كريم
تقبل الله منا ومنك
وكل عام وأنت بخير
كل عام وانت بخير
غفر الله لنا ولك فى رمضان
و ثبتنا على الخير بعد رمضان
رمضان كريم
ربنا يتقبل منا جميعا
رمضان كريم
ربنا يبلغك رمضان ويعوده عليك بالخير ان شاء الله
آميـــن
على رأيك .. يعني جت على دي؟ ما هي كل حاجة بايظة أصلا
منورني
طبعا .. ما بأتكلم عن حالة فريدة في العالم بنتميز بيها وهي: عدم التخطيط
أهلا بيكي وكل سنة وإنتي طيبة
تقبل الله منا جميعا وكل عام وأنتم بخير
تحياتي
آمين آمين أمين
اللهم إستجب دعاءنا
تحياتي ليك
أشكرك يا مريم وكل عام وأنتم جميعا بخير
كل سنة وإنتي طيبة وإن شاء الله السنة الجاية تكوني أحسن وأحسن بإذن الله
كل عام وأنتم بخير
ايه الكلام ده يامراكبي
هو انت مش عارف انك بتتكلم عن حاجه كل الناس بتتكلم عنها
ناس توصفها وناس تمدحها
وناس تخطط وناس تنفذ
ناس تخطو تتقدم وناس تسمع وتتفرج
مادمت بتتكلم عن مصر
اوقولك اللي انت بتتكلم عنه ده موجود من زمااااااااان
بس دلوقتي بقى شفاف
زي العفاريت الكل يتكلم عنها ومحدش شافها
اما خارج مصر.....الله اعلم
في شمس منوره في عقول بشر بتبني مستقبل
واحنا عايشين على ذكرى الفراعنه
أمال انت فاكر ابو الهول سكت ليه؟
اصله زهق من تمجيد الماضي
ربنا معاك...خد بالك من دماغك
سلام
حلو قوي موضوع التخطيط اللي موجود بس شفاف ده
يعني تخطيط شبحي .. إسم جديد جدا .. إيه رأيك؟
عموما أنا ما أقدرش أوعدك إني آخد بالي من عقلي لأنه بيطير كل ما أفكر في حال بلادي
نورتينا
سيبك إنت .. طبعا الخيار الإستراتيجي أهم
والأحلى والأجمل هو البرتقال الإستراتيجي والمانجا الإستراتيجية وماننساش طبعا أبو الإستراتيجية كلها: العنب العنب العنب
أهلا بيك