كبر الجي .. وروق الدي
بعد نشر البوست اللي قبل اللي فات لقيت الحاجة مراتي بتقول لي: إنت مش تبطل بقى تنكد على الناس؟ كل مرة كده تكتب عن مشاكل البلد وتدوس على الجروح ؟ مش تكتب حاجة تخلي الناس تفرفش كده؟ وطبعا أنا بصفتي راجل البيت وكلمتي هي اللي بتمشي دايما ..قصدي بتمشي أحيانا .. هي ما بتمشيش أصلا علشان عندها كساح .. قررت إني أكتب موضوع خفيف .. وعلى رأي الواد إياه في فيلم مرجان أحمد مرجان .. هأكبر الجي .. وأروق الدي .. ونحب ننوه للسادة المستمعين اللي مش متابعين أحداث الدوري المصري .. إن "الجي" هي إختصار لكلمة الجمجة .. و"الدي" هي إختصار لكلمة الدماغ .. والله أعلم .. وممكن تغطوني وتصوتوا لو عايزين
.
ومادام نويت المرة دي أكبر الجي وأروق الدي .. يبقى هي دي الفرصة الوحيدة اللي هأقدر أعرض فيها آخر أبحاثي اللغوية اللي لا هتقدم ولا هتأخر زي كلام الناس بتاع جورج وسوف .. والبحث ده عنوانه هو ظاهرة البخل الجماعي .. واللي خلاني أعمل البحث ده هو مجموعة من الأصدقاء المصريين اللي بينتموا لمدينة ساحلية شهيرة مش عايز أقول إسمها .. لكن هما وروني النجوم في عز المغرب بسبب البخل بتاعهم .. وبخل إيه بقى .. من النوع الجماعي .. وطبعا زي كل مرة هألاقي واحد ييجي ويسألني ويقول لي يا أسطى مراكبي: هو فيه بخل فردي وبخل جماعي؟ أقول له كالعادة برضه :إنت جيت للي هيفيدك .. البخل الجماعي ده موجود من زمان وعندي الأدله من الشعر العربي القديم .. شوفوا كده
.
أقاموا الديدبان على يفاع
وقالوا لا تنم .. للديدبان
فإن آنست شخصا من بعيد
فصفق بالبنان على البنان
تراهم خشية الأضياف خرسا
ويأتون الصلاة بلا أذان
.
والأبيات دي معناها كده بالهجايص إن جماعة البخلاء دول حطوا ناضورجي فوق مكان عالي وقالوله: إوعى تنام يابن ال .. ولو لمحت أي حد جاي من بعيد تنبهنا وتصقف سوسة على طول .. وتلاقيهم عايشين من غير صوت لحسن حد يسمعهم ويتضايف عندهم .. لدرجة إنهم بيصلوا من غير أدان
.
حلوة مش كده؟ شوفوا بقى الأبيات التانية دي
.
قوم إذا إستنبح الأضياف كلبهم
قالوا لأمهم .. بولي على النار
.
واضحة دي وألا عايزة تفسير؟ يعني إذا البوبي بتاعهم "هوهو" وده معناه إن فيه ضيف جاي من بعيد .. تروح أمهم اللي عمالة تطبخ الأكل في قدرة على النار تجري تطفي النار بمياه الصرف الصحي .. وياريت ما حدش يربط بين البيتين دول وبين موضوع البوليس اللي بيكبس على جماعة حشاشين يقوم واحد فيه يعمل بي بي على الفحم أو بيسموه الولعة ولا مؤاخذه
.
ومادام نويت المرة دي أكبر الجي وأروق الدي .. يبقى هي دي الفرصة الوحيدة اللي هأقدر أعرض فيها آخر أبحاثي اللغوية اللي لا هتقدم ولا هتأخر زي كلام الناس بتاع جورج وسوف .. والبحث ده عنوانه هو ظاهرة البخل الجماعي .. واللي خلاني أعمل البحث ده هو مجموعة من الأصدقاء المصريين اللي بينتموا لمدينة ساحلية شهيرة مش عايز أقول إسمها .. لكن هما وروني النجوم في عز المغرب بسبب البخل بتاعهم .. وبخل إيه بقى .. من النوع الجماعي .. وطبعا زي كل مرة هألاقي واحد ييجي ويسألني ويقول لي يا أسطى مراكبي: هو فيه بخل فردي وبخل جماعي؟ أقول له كالعادة برضه :إنت جيت للي هيفيدك .. البخل الجماعي ده موجود من زمان وعندي الأدله من الشعر العربي القديم .. شوفوا كده
.
أقاموا الديدبان على يفاع
وقالوا لا تنم .. للديدبان
فإن آنست شخصا من بعيد
فصفق بالبنان على البنان
تراهم خشية الأضياف خرسا
ويأتون الصلاة بلا أذان
.
والأبيات دي معناها كده بالهجايص إن جماعة البخلاء دول حطوا ناضورجي فوق مكان عالي وقالوله: إوعى تنام يابن ال .. ولو لمحت أي حد جاي من بعيد تنبهنا وتصقف سوسة على طول .. وتلاقيهم عايشين من غير صوت لحسن حد يسمعهم ويتضايف عندهم .. لدرجة إنهم بيصلوا من غير أدان
.
حلوة مش كده؟ شوفوا بقى الأبيات التانية دي
.
قوم إذا إستنبح الأضياف كلبهم
قالوا لأمهم .. بولي على النار
.
واضحة دي وألا عايزة تفسير؟ يعني إذا البوبي بتاعهم "هوهو" وده معناه إن فيه ضيف جاي من بعيد .. تروح أمهم اللي عمالة تطبخ الأكل في قدرة على النار تجري تطفي النار بمياه الصرف الصحي .. وياريت ما حدش يربط بين البيتين دول وبين موضوع البوليس اللي بيكبس على جماعة حشاشين يقوم واحد فيه يعمل بي بي على الفحم أو بيسموه الولعة ولا مؤاخذه
.
وطبعا إنتم متخيلين كان إيه رد فعل أصحابي إياهم لما عرضت البحث ده .. لدرجة إنهم بدأو يبحثوا في إن أصولهم بتنتمي للقبائل العربية اللي إتكلم عنها الشعر ده وألا لأ .. ما علينا .. إحنا بكده نكون وصلنا لنهاية البرنامج .. نرجوا أن تكونوا قد إستمتعم بالعرض المقرف ده .. ونكون كبرنا الجي وروقنا الدي .. ونراكم في موضوع نكد بعد كده على طول إن شاء الله .. أي خدمة
تعليقات
بصراحة مش لاقية كومنت عشان انا مش فاهمة حاجة
صيام بقى كل سنة وانت طيب
بس بصدق يعني هوه انت كتبت البوست ده قبل الفطار ولا بعده؟؟
من الواضح انك كنت في حاله شعريه مايعلم بيها الاربنا
ربنا معاك
سلامي ليك يامراكبي
طيب مش خايف مركبك يروج ناحية المدينة دي
بس تعرف البلد دي مع كل دة
مجتمع منتج وهايل وياريت مصر بكل محافظاتها زيهم
عالم معندهاش وقت للمجاملات ولا السرمحة
انا مش من هناك علي فكرة
العكس خالص
:)
انا بس نفسي المودام
بما إنها صاحبة فكرة بوست يفرح من غير نكد تقراه وتقولنا إيه رأيها
والله انتوا الإتنين زي العسل
وربنا يسعدكم
بس نصيحه ما تبقاش تسمع كلامها وإلا انت قاصد عشان بعد كده تقول إن هي السبب
إنا بس جايه اهدّي النفوس
:):):)
بس ابقا قول لي دي محافظه ايه عشان ما ابقاش اروح عندهم احسن الكلب بتاعهم يهوهو وإلا حاجه
:)
أصل انا ما اعرفش غير مدينه ساحليه واحده وما اظنش إنك تقصدها
ههههههههههه
تحياتي ورمضان كريم
سلام خاص جدا جدا للمدام
تحياتى
بس مش زى اهل المدينه الى فى الصعيد
دى اول مره اعلق عندك تحياتى ليك على البوست ورمضان كريم
هه
ههه؟
ايه
هه
قول متخافش
هههههههههههه
كل سنة وانت طيب
دانت ياجدع بتشرح الشعر بطريقة ـ ربنا ما يحكمك فى تلامذة ـ قال الكلب يهوهو ـ انت لية مش عاوز تقول انك كنت فى وسط جماعة دمايطة على وزن اسيطة ـ دة مش بخل دة حرص حتى اسالهم راح يقولولك تتعشى ولا تنام خفيف ـ تبات هنا ولا اللوكاندة احسن ـ دة مش بخل دة صراحة والصراحة راحة
نصيحة ـ اكتب فى النكد احسن لايق عليك وعلينا أو اقلب على الحواديت ليك فيها بدل ما نضرب انا وانت ـ انت علشان كتبت وانا علشان ترجمت
ملحوظة: ياجماعة الكلام اللى فوق دة كلام الست رمزية جارة المراكبى فى البيت اللى فى اول الشارع ـ شايف بقى لما انا كبرت الجى وروقت الدى عملت اية
انا عايزاك تبلغ كلمتين للحجة بقى انا زعلانة منها اوى عشان هى السبب فى البوست دة
ماهى لو الفرفشة كدة يبقى بلاش منها خالص مالها البلاوى اللى مالية البلد دة حتى شر البلية مايفرفش
مع السلامة بقى عشان اتقرفت اوى الصراحة
بقولك صحيح طب مش تنورنا انت فين
اهو طبق القطايف تاه فى السكة
مش مهم القطايف المهم الطبق دة تراث عائلى
أنا حاسه أن البوست ده ليه تكمله
عشان نربط الحكايه ألى حصلتلك
بس أنت عايز تشوقنا صح
أكل صعامك الأبرار
صوم مقبول
كل سنه وانت طيب الصيام اشتغل اهو واثاره بانت
عموما بوست يجنن
وعلى فكره انا لاحظت ان فيه ناس من بلاد مشهوره بالبخل الشديد بيكونوا كرماء جدا وناس من حتت مشهوره بالكرم بيطلعوا هجاصين وكلها اشاعات
ما علينا
انت ازيك كده
سلاااااااااااااااااام
انا جيت اقولك كل سنة وانتى طيب و بصحة و خير و سعادة دايما بأذن الله يا باشمهندش
واشترى الدال
:)
ما علينا
المهم نكبرهم ونروقهم على الاخر
:)
كل سنة وانت طيــــــب
عسل يا مراكبي يا خبررررررررر ابيض عليك
انا حقول اسم المحافظه واخد عشرين ريال
بس كده حتزعل ناس كتييير منك اوي
هههههههههههههههههههه
واضيفك من الشعر بيت
انهم طققو القرد
يا جدع حد يشرح ابيات الشعر بالشكل ده
اه يا نافوووووووووووخي
اللهم اني صايم
اموت انا في الكلام بالهجايص ، لا بجد لازم تنزل شرحك ده في كتاب هتكسب منه دهب....اما ياخويا بالنوسبه لاخوانا اياهم، فانا برده اتعاملت معاهم مره وكانت هي المره، خاصة ان انا العرق الشرقاوي بتاعي دايما ينقح عليا فتخيل بقي واحده من اللي عزموا القطار علي الغدا في وسط القبيله دي
ماتخليك في النكد أحسن يا مراكبي ؟
الهجايص مش لايقة عليك
:D
ده كان كلامك.. وكما هو معروف عنك.. كلمتك مابتنزلش الأرض
يظهر علينا بقينا شعب نكدى وإحنا مش داريين. إنجاز آخر يُضاف لصاحب الضربة الجوية
دايما يارب...
:)
رمضان كرييييييييم
انا عجبني التفسير والشرح للابيات
الابيات هي اللي هجايص مش الشرح
هههههه
كل سنة وحضرتك بخير و اشرتك كلها يا رب
:)
و رمضان كريم عليك وعلى المدام
و تقبل الله منكم العمل الصالح وغفر لكم
وانشاء الله السنة الجاية تقضى رمضان فى مصر-قريت تعليقك عند شهر وعرفت انك لم تقضى رمضان فى مصر منذ 5 سنوات
انا منذ 7 سنوات وزوجى الغلبان منذ اكثر من 14 سنة
يعنى احنا غلابة اكتر منك
و رمضان كريم
ثانيا البوست حلو
ثالثا اللون الاصفر علي الخلفية الزرقاء تعبلي عيني قوي
كبر الخط او غير اللون
رمضان كريم
انظر حولك
د. خالد عزب
هى عندها حق طبعا بلاش نكد
سؤال1 ما هو الديدبان؟
سؤال 2 ما هو اليفاع؟
مفيش شعر اسهل من كده شويه
هو البرنامج ده على الأولى و لا التانيه
انا بسأل بس علشان بلاش افتح التليفزيون يعنى
انا بقى مستنيه الموضوع النكد
اصل هو ده المود بتاعى
هبه اختي هتنشر اول كتاب ليها في الأسواق يا ناس
والمفاجأه ان الكتاب هو السلسله اللي كانت بتنشرها في مجلة بص وطل
يوميات اتنين مخطوبين "عمر و ساره"
الموقع بتاع بص وطل نشر الخبر وحاطين الصوره وهي بتمضي العقد
استعدوا عشان تشتروا الكتاب
اهم حاجه ان الكتاب فيه بس اللي هي كتبته مش اللي الناس كتبوه
لأن الفكره ناس حاولت تستغلها وتكتب فيها اللي على مزاجهم
صدقوني هتعجبكم قوي
وممكن تقرأو ا الأجزاء الأولى من ارشيف مجلة بص وطل
والحاضر يعلم الغايب والغايب يسأل الحاضر
سلاااااااااااااااام
خد بالك إنت كلمتك مابتمشيش لأنك إنت الراجل الديبلوماسي بتاع البيت و لازم تترفع عن الصغائر دي عشان مسيرة البيت تمشي مش لأي سبب تاني
بس بوست جامد
يا ريت تتفضلوا تزورونا و تقولولنا رأيكم
Trateesh Kalam
انا مش هتكلم على البوست دة
أنا قولت أزيدك من اشعر بيت
وأتكل على الله وأرجع أشتغل
يا أيها الخارج من بيته …… وهاربا من شدة الخوف
ضيفك قد جاء بزاد له…… فأرجع وكن ضيفا على الضيف .
والله أنا بشوف تعليقاتك يا باشمهندس عند مدونين جيران ..وبتبقى حلوة ..قلت أدخل كده ..:)..كلام جميل كلام معقول ..لكن ..حكاية بالهجايص دي "الترجمة الهجايصية"فكرتني بالعزيز أحمد زكي - الله يرحمه- وهو بيقول لسعيد صالح ..في العيال كبرت - أبوووك هيسيب البيت يا سلطان ..هاهاهاها!..كويس انك فهمتني حكاية الجي والدي دي!..اكتب ومايهمكش ربنا معاك ..كل سنة وانت طيب وبالنسبة لكلمتك التي لا تمشي ..في حملة تطعيم ..بس ورا الشمس! تحياتي :)
اولا كل سنه و انت طيب
ثانيا فيما يخص البخل الجماعي او ان جماعه معينه يكون مشتركه فى صفه ما لأ و الاكاده تكون مشهورة بيها فده اعققد انه ممكن يكون ارث ثقافى ينتقل من جيل لجيل
حاجه كده زى اليهود مثلا
على طول فى جماعات و مش بيحاولوا الاندماج او موضوع الماديه بتاعهم لاحساساهم دايما بانهم مش مستقرين فى المكان اللى هما فيه
حاجه اتعودوا عليها طول عمرهم و ورثوها لاولادهم
ازيك ياباش مهندس
وايه الروقان ده والابحاث الهايلة دي
بس بصراحة اليت التالي في :
قوم اذا استنبح
كان هيكمل رونق بحثك
قوم إذا استنبح الركبان كلبهم ***قالوا لامهم بولي علي النار
فأمسكت بولها أن تجود به***
وما بالت به الا بمقدار
الا هي اسم البلد ايه؟؟
كنت في مرة في امسية كدة
وكان المدعو فيها شاعرين من البلد اياها اللي بتقول عليها
ففي واحد فيهم بعد الامسية بيتكلم علي بلده
وقعد بقي يرد علي الاشاعات .. واخد بالك انت من كلمة الاشاعات دي.. اللي بتقول انهم بخلا
وهات شعر بقي
ياضيفنا لو زرتنا لوجدتنا***نحن الضيوف وأنت رب المنزل
التاني قال ياجماعة متصدقوش الكلام ده
انت رب المنزل يعني عندك فاتورة الكهربا والمية ادفعهم مدام انت رب المنزل
الخلاصة:
وشهد شاهدج من أهلها
وكل سنة وانتو طيبين
وجديد التجديد دا خالص والله
موضوع لايت وشيق وجميل
صحيح اللغه بعافيه شويه بس تحفه والله
تسلم ايدك يا مراكبي
كل عام وانت بالف خير يا سيدي
رمضان كريم
الله يروق بالك يا مراكبي زي ما ضحكتني
على ريحة البيبي اقصد على سيرة البيبي
في ناس كمان بيخافوا يعملوا بيبي لحسن يجوعوا
ههههههههههه
:D
بس نوعيه الشعر مش ولابد .. واضح ان اللي كاتبها مكانش عنده صفيحه ميه يطفي بيها النار
وكمان ممكن نلاحظ نوع من عقوق الوالدين عند قديم البخلاء , حيث ان الولد مقامش يطفي النار بنفسه ..لا .. امر والدته انها تطفيها .. ودي قله ادب بصراحه
رمضان كريم
بلاش سيرة الأكل دي
والفحم والحاجات اللي تخلي الواحد يجوع
وبلاش سيرة الحاجات التانية اللي تخلي الواحد يرجع
:)
صباح الخير
عليك
بس كبر الخط
هو انت نظرك مش ضعيف
مثلى
وبالنسبة للناس اللي بتشوف الخط صغير يا ريت يروحوا فوق عند
View
وبعدين يختاروا
Text size
وبعدين يختاروا
Largest
هيلاقوا الخط مظبوط
أنا راجع إن شاء الله .. أنا جامد جدا
يلا ملناش نصيب نكتب واحد جديد
انا مفهمتش حاجه من الشعر لكن شرح حضرتك للابيات كان وافى ومليان بالبلاغه ومعانى الجمال فى الابيات صراحه
انا رايى كنت ضفت الحلزونه ياما الحلزونه
يلا كل سنه وانت مكبر الدى ومروق الجى
بس وجعتني من كتر ما كبرت و خصوصا بقي الصيام و انت فاهم
لكن كويس
وربنا يقويك
كفايه كده بخل بقى
عندي امتحان اطفال يوم السبت
وانت عارف كتاباتك بتمخمخني جدا
معادنا يوم الاتنين ياصديقي العزيز
دعواتك يا مراكبي
؟
انت بتقول على اخونا الاصله الحلوين الكرمه الدميطة
الى هما بتوع دمياط يعنى
انهم بخله
وية شوية تقول راس البر كمان منتجع اى كلام ووحش و مش نضيف قول قول ماهو خلاص
توء توء توء توء مكنش العشم
:))))
كل سنه و انت طيب مع انى مفهمتش حاجة من البحث
بس قلت هقرا البوست تانى بعد الفطار
مفيش حد هنا دمياطى يا ناااااااس؟
هههههههههه
تحياتى
و رمضان كريم يا بشمهندس
جمال عبد الناصر,
15/1/1918/ - 28/9/1970
The Great, Gamal Abdel Nasser
تقريبا كان كدة
قوم إذا أكلوا أخفوا كلامهم
وأستوثقوا من رتاج الباب والدار
قوم إذا أستنبح الأضياف كلبهم قالوا لامهم بولى على النار
:)
اكثر ما اعجبني
موضوع كلمتك في البيت التى اصيبت بالكساح مؤخراً
:)
طب ايه دخل دا فى دا
ومين المدينة الساحلية دى
واضح البوست حالة ذهنية متعسرة شوية
ولا أنا كمان فاهم حاجة .. ما أنا صايم برضه
هو مين اللي كتب البوست ده؟
أنا إفتكرت دلوقت حكاية جحا وحماره لما الناس ما كانش بيعجبها أي حل من الحلول
:-D
أنا بأفكر أقفل المدونة وأريح دماغي وخلاص .. مش أريح؟
:-D
البوست كتبته في حالة السمو اللافكري اللي قبل الفطار على طول وما كنتش شايف اللي قدامي
ما أنا عارف إنك من العكس خالص وعارف إنت منين بالظبط .. لكن طبعا ما ننكرش إن المدينة دي من أحد قلاع الصناعات اليدوية في مصر
كل سنة وإنت دايما بصحة وسلامة
أنا مش عارف ليه الحاجة مراتي ليها الشعبية دي أكتر مني مع إنها مش بتدون ولا بتكتب أي حاجة؟ ولا يمكن علشان إنتوا شوام زي بعض وليكوا في المكدوس؟
عموما بأشكرك على تهدئة النفوس .. وأنا سمعت كلامها بس مجاملة مش ضعف ولا خوف ولا حاجة أبدا
:-D
نورتينا
ومش البخل بس اللي هيفضل لآخر الزمان .. كل صفات الدنيا كده برضه ودي سنة الحياة
أهلا بيك
تقصدي مين باللي قارفنا ده؟ هو فيه حد قارفنا في عيشتنا وأنا مش واخد بالي؟
;-)
أهلا بيكي دايما وكل عام وأنتم بخير
إنت عارف إني ما بأخافش وشجاع جدا جدا
دي كانت مجينة إفتراضية لزوم الحبكة الدرامية مش أكتر
ما توديناش في داهية بقى
كل سنة وإنت طيب
ربنا يخليك لينا إنت والست رمزية جارتنا وما يحرمناش منكم أبدا .. ودايما كده تكبروا الجي وتروقوا الدي
أنا برضه قل للحاجة كده وهي ما صدقتنيش .. قلتها الناس بتموت في النكد قد عينيها
وبالنسبة لطريقة شرح الشعر فدي الطريقة الحديثة لتطوير التعليم اللي هتوصل المعلومة بسهولة .. بس لسة بدري عقبال ما الناس تفهمني
:-D
تنوريني يا أميرة حتى لو كل دقيقة .. ده بيتك ومطرحك
بس طبعا من وحي البوست ده ممكن أقول: يا بخت من زار وخفف
هههههه
أنا ما أقدرش أقول كده للحاجة .. قوليلها إنتي أنا ما أقدرش .. مش خوف منها لكن حرصا على مشاعرها
إنتي بعتي الطبق على أي دولة؟
أنا ما يرضينيش إن تراث العيلة يضيع
يجيله بكام الطبق ده؟
:-D
البوست كان ليه تكملة ووقع مني في السكة .. هنسك عالموضوع ده لحد هنا وخلاص
كل سنة وإنتي والأسرة بخير .. تقبل الله منا ومنكم
النهاردة أكبر الجي , وأروق الدي , وبكره أدلع المي وبعده أهيص العي
أنا مش موافق ...
كل سنة وانت طيب
كبر الجي
وروق الدي
يعني نظبط الـ دي جي
جود فيري جود
سمعني احلى صدى صوت
جمال ابيات الشعر الولانية دي
مقريتهاش قبل كده
التانيين دول كنا قرفينا وقارفينهم في ثانوي
بس الاولانيين دول روعة
وتشكر الشرح
في الايام المفترجة دي
هو فعلا الوقت اللي قبل الفطار بساعة ده بيكون الواحد فيه عامل دماغ جامدة جدا
:-D
والبخل بتاع المدن إياها ده مش قاعدة طبعا نعممها على الكل وخلاص .. لكنها الأغلبية يا عزيزي
منورني بجد
إنت تنورني برة الموضوع أو جوة الموضوع
أهلا بيك دايما وكل سنة وإنت طيب ودايما بالتوفيق
أنا على أيامي ما كانش فيه اللغة دي خالص من أصله .. أنا بأتعلمها من الأولاد على فكرة
كل سنة وإنتي طيبة
أنا برضه قلت إن إنت اللي هتفهم طريقتي في شرح الشعر .. أيوة كده رجعت لي ثقتي بنفسي
أهلا بيك دايما .. كل سنة وإنت والمغرب كلها بخير
خد 30 ريال بس ما تقولش على إسم المدينة .. مش عايز مشاكل الله يخليك
:-D
ماله شرح الشعر بس؟ مش لازم نبسط المواضيع شوية للناس وألا إيه؟
:-D
كل سنة وإنت طيب
والله أنا خبرتي في الهجايص مش قد كده لكن بنحاول .. ممكن لو عندك خبرة في الموضوع ده يبقى تساعدينا في تأليف الكتاب ونضمن نجاحه
إنتي طلعتي من الشرقية؟ طيب قولي لجوزك إن فيه مدون وعائلته جايين عندكوا في كندا لزيارة قصيرة بتاع شهرين كده
:-D
انا قلت كده برضه .. النكد ليه شعبية جامدة جدا
عموما البوستس الجاية كلها هتكون نكد ما تقلقيش
:-D
انا هقول للمدام تخليك تبطل تكتب خالص
أنا كلمتي لا يمكن تنزل الأرض أبدا .. لكن ممكن تنزل تحت الأرض طبعا .. طراوة أكتر
:-D
وبعدين حب النكد الجماعي ده إنجاز على فكرة .. دي حقيقة زي ما إنت بتقول كده بالظبط
تحياتي
وإنتي طيبة .. بس تكبير الدماغ مش يأقدر علية غير مرة واحدة كل كام سنة .. أصل أنا من اللي واجعين دماغهم على طول
ربنا يوفقك في العذاب اللي إنتي فيه .. إسأليني أنا على كليات القمة .. قال قمة قال
ده تعليق جديد من نوعه .. أول مرة آخد بالي إن أبيات الشعر كمان هي نوع من الهجايص
:-D
نورتي
أنا كبرت دماغى لغاية مابقتش بعرف أقلع الفانلة
هاهاهاهاهاهاه
رمضان كريم
كل سنة وانت طيبة وأسرتك الكريمة دايما بخير وسعادة
وكان الله في عونك إنتي وزوجك الكريم
كلنا في الهم .. غلابة
نورتي
أولا احيك على المدونة لأني لسه أول زياره
وثانيا أكثر ما يسعدني اني الاقي مدون كبيير كده بيكيفني قوي
ثالثا
كويس جدا اني جيت بعد لما خدت دش التوبيخ على كآبة المواضيع
عشان آجي انا على الفريش
ورمضان كريم ودمت بخير
كل سنة وانت طيب وومتشكر جدا على زيارتك وإطراءك
وبالنسبة للخط أحب أكرر الآتي
بالنسبة للناس اللي بتشوف الخط صغير يا ريت يروحوا فوق عند
View
وبعدين يختاروا
Text size
وبعدين يختاروا
Largest
رمضان كريم يا دكتور
أي حد هيحاول يكتب عن أحوال البلد هيلاقي نكد طبيعي .. مش مصطنع يعني
هي أحوال بلادنا كده
الديدبان = الحارس
اليفاع = مكان مرتفع
وده بقى ما بيجيش غير على القمر الصحراوي .. جنب النايل سات على طول
:-D
النكد المرة الجاية إن شاء الله
إنتظرونا
وياريت تشرفنا في
http://elarasoly.blogspot.com/
وتقولي رايك
محتاجين المشوره
ياسلاآآآآم يا مراكبي
هو انت كده بتفرحنا؟
يعني ده بوست خمسه فرفشه ولا ايه؟
البخل قديم جدا
ولو البخل اتعدم...مش هتحس بالكرم
لأن الدنيا هتبقى حاجه واحده
ومادام الإختلاف راح...يبقى كله طبق الأصل
هو انت اكيد رحتلهم في غير رمضان
معلش المره اللي جايه اعمل حسابك
ونصيحه ..كبر...و روق بس على التوافه
واوع تعمل كده في الحاجات الكبيره
تضيع وتضيعنا وياك
سلام
ولايطت التي
انت لو كنت مشهيصنا على الحوار من الاول ما كنش حصل ده كله
وع العموم الحمد لله .. ده كان تووء سفاااهم واحنا معجننا الموضوع
واخدش وشين ورنيش وبقى زى الفل
هتفطرنا على ايه النهاردة بقى ؟؟
ازيك عامل ايه
انا مثلى قوى قرات مقالك وعجبنى بجد
انت ذو عقليه وتفكير جميل
اسمحلى اعرفك بنفسى انا من المثليين العربولدت فى مجتمع ينبذ المثليين ويعاديهم ويكرهم على شىء ليس باديهم
فى جين ان كل العالم المتحضر اعترف بالمثليه
اكبر صريحين علميين فى العالم كله اعترفوا بعد الدرسات العلميه ان المثليه امر طبيعى والذى بهم معظم اطباء وعلماء العالم وذلك بعد الدرسات
بجانب الدرسات العلميه الحديثه التى اجريت على الحيونات والحشرات ايضا
ووجدت ان المثليه امر طبيعى وعادى
ولكن كما تعلم فى بلادنا الشيوخ هم علماء ويفسروا القرءان حسب ما هم مقتنعون به فاخلطوا بين اللواط والمثليه
والعلم اثبت اختلاف الهيوبلاتومس وهى المنطقه الموجوده للدماغ للمثليين عن المغايرين
العيب فى الشيوخ وليس فى الدين
كما سبق وان فسروا سابقا ايه فى القرءان على ان الارض بيضاويه وظلوا نصف قرن يعتقدون هذا وكل الناس تناضل من اجل رايهم الى ان اتى العلم واثبت انها كرويه
وبعدها ادركوا انهم اخطاوا
علاوه عن المجتمع الذى يمارس الكراهيه والنبذ ومعاده المثليين
انا فاكر كويس كل يوم
كنت بقعد بليل وافتكر اى حد قلى كلمه جرحتنى فى المدونه
وابكى طول الليل وكنت اشعر بالحزن جدا
بجد نفسنا كلنا نحب بعض بدون كراهبه او ضغينه
ما اردت ان اقوله لك اننا نمد ايدينا اليك بكل الحب والصداقه
واريد ان نكون اصدقائكم
انا هعطيك اميلى
h_h6497@yahoo.com
ممكن تضفنى وتكلمنى
هنتظرك
وعلى فكره بجد انت مدونتك حلوه وعجبانى
مووووووت جدا بجد انت تفكيرك جميل اوى جدا
سانتظرك تاتى مدونتى
وتضيف اميلى
هتوحشنى جدا
باى باى
28 سبتمبر, 2007 12:47 م
ملحوظه انتم كلكم مدعوون الى مدونتى لمن يريد ان يعرف ما هى المثليه
ومن يريد صداقتى فالاميل تركته فى الاعلى فليضيفه وبكلمنى على المسنجر
بس هستناك انت بالخصوص
باىباى
ألف مبروك ليكم ودايما بالتوفيق
عقبال ما تكتي يوميات إتنين متجوزين
:-P
كل سنة و إنت طيب
أيوة كده لقيت حد فاهمني .. هي فعلا ديبلوماسية مش حاجة تانية زي ما الناس فاكرة
:-D
منورني .. ربنا يوفقك
وعليكم السلام ورمضان كريم
يشرفني زيارتكم طبعا وأهلا بيكم
الله الله على الشعر اللي إنت بتقرضه ده
:-D
تقرضه دي كلمة عربية فصحى على فكرة ومش معناها بتقرقض حاجة
:-D
منورني بجد .. طمني عنك دايما
صباح الورد .. ده إسم البلوج بتاعك وألا دي تحية الصباح بجد؟
:-D
فكرتيني بالمسرحية الجميلة بتاعة العيال كبرت .. أنا حافظها كلمة كلمة من وأنا صغير
أنا كلمتي محتاجة جردل تطعيم مش مجرد مصل .. محتاجة حملة التطعيم كلها
:-D
نورتي
أنا طبعا ما بأحنش التعميم الغير موضوعي .. لكن أكيد بتكون فيه ظروف بتفرض على جماعة بحالها إنها تضطر تسلك سلوك ما لحد ما يتحول الموضوع لموروث ثقافي حتى لو زالت الأسباب اللي إضطرتهم لكده
كل سنة وإنتي طيبة .. أخبار أزميرالدو إيه؟
يا إخواننا .. بأدعو الجميع لقراءة تعليق صديق البرنامج العزيز: القلم السكندري
المفروض أعمل تحديث و أضيف بيت الشعر اللي كان ناقص .. بس ما حبيتش أقرف الناس زيادة مني
وأهم حاجة في تعليقك هي: شهد شاهد من أهلها
تحية جامدة جدا
هو صحيح موضوع لايت وجديد لكن مش بسببي .. حكم القوي بقى
:-D
كل سنة وإنتي طيبة ويارب يوفقك في شغلك وحياتك كلها
أهلا أهلا بعمدة جده كلها
أخبارك إيه إنتي والأسرة الكريمة؟
كل سنة وإنتم طيبين
مين بقى دول اللي بيخافوا يعملوا بيبي لحسن يجوعوا؟ دول عايزين بحث تاني جامد قوي
حلوة "عبق" التاريخ دي
وطبعا ما كانش الصفيح طلع ساعتها ولا حتى الكوز
:-D
وبعدين أنا لما تعمقت شوية في البحث لقيت إن الولد كان لسة عامل بيبي وما كانش عنده فائض يطفي بيه النار .. علشام كده قال لمامته تقوم هي بالمهمة دي
:-D
منور
كلامك كله أوامر يا عزيزي
أنا بعد كده هأعمل تحذير في أول كل بوست عن الآثار الجانبية لقراءة البوست علشان نبقى على نور
كل سنة وإنت طيب .. رمضانك فين السنة دي؟
وجزاكم الله خيرا أيضا
هو أنا نظري مش ضعيف لكن جالي السنة اللي فاتت إستجماتيزم حاد جدا خلاني ألبس نظارة للقراية والكومبيوتر .. ياللا
وبالنسبة للخط أحب أكرر الآتي
بالنسبة للناس اللي بتشوف الخط صغير يا ريت يروحوا فوق عند
View
وبعدين يختاروا
Text size
وبعدين يختاروا
Largest
أهلا بيك
يا سلااام .. أبيات الشعر بتاعة الحلزونة دي كانت هتخلي البوست أحلى بكتير
ياريت تبقي تبعتيلي رباعيات الحلزونة دي علشان أنا مش متمكن منها قوي .. وأهو كله بثوابة .. هأشوفك برضة
كل سنة وإنتي طيبة .. نورتي
لأ طبعا مش فاهم .. أنا برئ وصغير في السن وما بأفهمش الحاجات دي
:-D
كل سنة وإنتي طيبة
ولا أنا فاهم قوي على فكرة
:-D
أهلا بيك
مش أنا والله .. ده حتى أنا إيدي مخرومة
:-D
أخبار القمر والهلال إيه؟
ربنا يوفقك في الإمتحان وأهلا بيك في أي وقت
أنا ما جيبتش سيرة حد بعينه ولا بلد بعينها .. ما تجيبيليش مشاكل وخليكي محضر خير
:-D
قال رأس البر قال
كل سنة وإنتي طيبة بس من تحت الضرس كده عشان بتوقعي بيني وبين إخواننا الحلوين دول
:-D
Thank you for reminding us by the passing date of our great Gamal Abdel Nasser, really many thanks.
تاني مرة
أنا مش عارف أشكرك إزاي على أبحاثك المستمرة دي .. ده كتير عليا قوي
ما تعرفش بقى بقية القصيدة كانت إيه؟ هل كان فيه حمامات عمومية في الخلاء ساهتها؟
نورتني تاني
كل سنة وانت طيب وبألف صحة وسلامة
كلمتي لا يمكن تنزل الأرض أبدا
الشلل الرباعي بقى ربنا يبعد عنك
:-D
هو مش البوست بس اللي في حالة ذهنية متعسرة .. دي بقت حالة عامة في رمضان بسبب تضارب مواعيد النوم واللانوم
نعوضهالك المرة الجاية إن شاء الله
يعني هو أنا اللي كنت موافق؟ ده حكم القوي يا عزيزي
كل سنة وانت طيب
تاني
تشكر جدا على العودة لهنا مرة تانية .. وأول مرة أعرف إن الأبيات دي كان فيه منها بيدرسوه في ثانوي
جايو مش على أياني بقى .. أصلي كنت علم رياضة
:-D
منورني والله
خلينا في السيفون أحسن .. ده أهم حاجة
أنا هأركب كومبينيشن هنا في المدونة إحتياطي
:-D
من غير توصية ولا حاجة .. هي المدام أصلا نفسها فعلا إني أبطل كتابة علشان بتاخد من وقتي اللي أصلا مضغوط جدا
خليك محضر خير
كويس إن عندك فانلله في الأيام دي .. ده إنت راجل مقتدر بقى؟
هههههه
كل سنة وإنت طيب
أهلا وسهلا بيك
أنا لا مدون كبير ولا حاجة .. ده بس من ذوك
عموما هو كان بوست واحد فرفشه علشان ننول الرضا لكن هنرجع تاني للكآبة على طول
:-D
إبقى تعالي إتنكد معانا بعد كده
هههههه
وهي دي محتاجه مشورة؟ ده عمل عظيم جدا وربنا يجازيكوا عنه كل الخير
نحن جميعا للرسول فداء
تحية جامدة جدا
انت واضح انك تعبان منهم قوي ي ي
:)
بس حلو البوست ده اللي أخدني من التهييس لأبيات شعرية بستغرب لما ألاقي حد حافظها و بحس بشيء من (الحسد)ه
لاموءاخذة يعني
تحياتي للمراكبي سيّد الكولكشنات أم دم خفيف
كل سنة و انت طيب و رمضان كريم
وعليكم السلام ورحمة الله
هو البوست كان خمسة فرفشة بس شكله كده قلب بغم مش عارف ليه
وبعدين قصدك إيه إني رحت لهم في غير رمضان؟ يعني في رمضان هأشوف الكرم كله هناك وألا إيه؟ حوشوا الكرم المدلدق هناك يا إخواننا .. حد يلم معايا
:-D
هي آخر مرة أكبر دماغي خلاص .. ده حتى فيه زملاء مش عارفين يقلعوا الفانلة بعد ما دماغهم كبرت
:-D
منورة
كل سنة وانت طيب ودايما بالصحة والسلامة ورمضان كريم
لأ بالراحة عليا .. أنا مش جامد قوي في اللغة دي .. أنا مش قدك
وإن كان على الفطار فده مش تخصصي .. أنا لما أروح هأعرف الحاجة عاملة إيه .. وأي حاجة هتعملها هتبقى حلوة وهناكلها غصب عننا
:-D
نورتي
دلوقتي انا اشغال في موقع رياضي ومطلوب مني الحصول علي معلومات بأستمرار عن الاعب عمرو سماكة و احمد فتحي لاعبا كاظمة الكويتي فأنا عاوز اعرف منك مواقع الجرايد الكويتية العادية و الرياضية الي بتنزل علي النت بصورة يومية وكذلك لو في مواقع بردو رياضية للكرة الكويتية بتنزل علي النت فأرجوك لو بتعرف مواقع مواقع رياضية او جرائد بتنزل علي النت بصورة يومية تبعتلي لينكات هذة المواقع او الجرايد
تحياتي لك
بالتوفيق
عمرو غريب مدونة بيت الرياضة
والله يا مراكبى ما ااخرلك طلب انت تأمر ياعم
القصيده اهية
******
قصيدة الحلزونة
الحلزونة والحلزون اتقابلوا فى خرم الاوزون
الحلزونة جوة متاهة,والحلزون لما استناها ,
هربت وقعت جوه البير , السما بتمطر مسامير,
الحلزون مكفوف واسير ,الحلزونة انتحرت فجاة
والحلزون خبطته عربية,عدت فى ميدان التحرير
قصيدة من الشعر الحر
هاقول كل حاجه هاقول كل حاجه
اغنى واهوهو ,امأمأ واصوصو ,هانهق وانونو
لكن فى النهاية باحب السنونو باحب السنونو باحب السنونو
=============================================
كبر ال G وروق ال D
يلا يا سيدى
ادعيلى بس هههههه
شكرا للزيارة .. وبأعتذر منك لأن وقتي مضغوط جدا وده اللي بيخليني مش بأقدر أتواصل مع أي حد لضيق الوقت
حمد الله على سلامة الرجوع
وبعدين ما فيش حسد في حفظ الشعر .. فيه حسد في الأجازات بس
وش بيغمز طبعا
كل سنة و إنتي طيبة و رمضان كريم عليكي وعلينا
زي ما قلت إنت كده .. أنا ما كملتش الأبيات لكن ما حدش قعد ساكت .. كتير تطوعوا وكملوا الأبيات
لكن طبعا يشكروا جدا
حالة البخل الجماعي بتبقى ظاهرة ليها أسبابها وظروفها وبتبقى فعلا حقيقة ومش خيال
المهم إنها ما تفضلش لازقة حتى بعد زوال السبب
هو أنا طبعا سايب الكويت من شهرين لكن طبعا يسعدني مساعدتك .. بعت لك عناويين مواقع الجرائد الكويتية في تعليق على مدونتك بيت الرياضة
ياريت يكون ده كافي ليك
بجد بجد أنا ضحكت من كل قلبي لما لقيت التعليق ده
أصل أنا فاكر إن قصيدة الحلزونة والسنونو دول عجبوني قوي ساعة الفيلم بس ما قدرتش ألحق أحفظ منهم أي حاجة .. السن بقى
تشكري يا دكتورة على المتابعة الجميلة دي
يعععععععععععععع
و
هههههههههههههههههه
جميل التعلييق ده
أعجزتي فأوجزتي