إحنا أنهي نوع فيهم؟
عندي ليكم شوية كلام من المجعلص عالآخر .. المثقفون يمتنعون .. ماشي؟
.
الكعكة
الناس اللي في المجتمع دائما في حالة صراع على الكعكة .. والكعكعة هي الماديات والراحة والرفاهية إلخ .. والمجتمعات نوعين .. نوع بيشتغل جامد علشان الكعكة دي تكبر أكتر وتكفي الكل .. ونوع بيتخانق على نفس الكعكة وياكلوا في بعض
.
سؤال للأذكياء: إحنا أنهي نوع فيهم؟
.
الإستراتيجية
فيه دول تقدر تحدد لها إسترتيجية وأهداف محددة ما بتتغيرش بتغير الرؤساء فيها .. وفيه دول بتتغير إسترتيجيتها وأهدافها بتغير الرؤساء (ما حدش يضحك هنا) وبيعتبروا إن كل فرد في الدول دي ليه هدف وإستراتيجية لوحدة
.
سؤال للأذكياء: إحنا أنهي نوع فيهم؟
.
تحديد ردود الأفعال
فيه دول بيكون كل حاجة فيها منظمة وتقدر تحصل ليها على معلومات وإحصائيات ومنها تقدر تستنج الخط البياني لأي حاجة في المستقبل .. وفيه دول بتبقى عشوائية ومافيهاش أرقام ولا إحصائيات وما تقدرش تستنتج لها أي حاجة مستقبلية
.
سؤال للأذكياء: إحنا أنهي نوع فيهم؟
.
الكعكة
الناس اللي في المجتمع دائما في حالة صراع على الكعكة .. والكعكعة هي الماديات والراحة والرفاهية إلخ .. والمجتمعات نوعين .. نوع بيشتغل جامد علشان الكعكة دي تكبر أكتر وتكفي الكل .. ونوع بيتخانق على نفس الكعكة وياكلوا في بعض
.
سؤال للأذكياء: إحنا أنهي نوع فيهم؟
.
الإستراتيجية
فيه دول تقدر تحدد لها إسترتيجية وأهداف محددة ما بتتغيرش بتغير الرؤساء فيها .. وفيه دول بتتغير إسترتيجيتها وأهدافها بتغير الرؤساء (ما حدش يضحك هنا) وبيعتبروا إن كل فرد في الدول دي ليه هدف وإستراتيجية لوحدة
.
سؤال للأذكياء: إحنا أنهي نوع فيهم؟
.
تحديد ردود الأفعال
فيه دول بيكون كل حاجة فيها منظمة وتقدر تحصل ليها على معلومات وإحصائيات ومنها تقدر تستنج الخط البياني لأي حاجة في المستقبل .. وفيه دول بتبقى عشوائية ومافيهاش أرقام ولا إحصائيات وما تقدرش تستنتج لها أي حاجة مستقبلية
.
سؤال للأذكياء: إحنا أنهي نوع فيهم؟
.
ملحوظة: البوست ده مالوش أي مدلولات سياسية خالص وبلاش التلميحات الخبيثة دي
تعليقات
:)
المفروض يعملولنا متحف يحطوا فيه الهياكل العظمية بتاعتنا ويسموه :
متحف آخر الرجال المحترمين
إلا بالحق
هو يعني إيه كلمة (سياسة) إللي أنت قولتها في آخر البوست دي ؟!!!!!!!
ما شاء الله لا قوة إلا بالله
أول مرة أدخل عندك وألاقي مكان في الكراسي الأمامية
عادة بالاقي حوالي 70 رد
ما شاء الله لا قوة إلا بالله
:)
إحنا اللي دهنا الهوا دوكو
و خرمنا الربع جنيه سيادتك
اهلا بك فى منتجع جوانتنامو للمعتقلين
خلى بالك من نفسك يا ابو فادى
الاجابة سهلة خالص دى حتى من كتاب سنة اولى
احنا بتوع كله ـ ياافندى يامتعلم يبتاع المدارس
عروستى
:)
==
علي فكرة .... هي فعلا ملهاش دعوه بالسياسه ... دي ليها علاقه بكل حاجه عندنا ... مدير ...صاحب مكان ...رئيس مجلس ادارة ... كل انت بقي .. :)
مع الرايجه
عاش الملك مات الملك ياحيا الملك
وفي قول اخر
احنا اللي دهنا الهوا دوكو
وبما ان مافيش دوكو دلوقتي فيه اكريليك
فاحنا اللي خرمنا التعريفه
وعشان خاطري بلاش الاسئله الصعبه دي
هات حاجه من المقرر يا اخي
أنا هأجاوب علي أول سؤال بس
هي فين الكعكة دي؟؟؟؟؟؟؟؟
اعتقد اننا نوع غير دول خااااااااااالص
احنا متفردين من نوعنا
يا جماعه احنا بتوع الاسعااااااااااااف اللي بيجي متاخر حوالي سنه
ولا انت مش بتحب العيش وحلاوه
بوست فعلا اسئلته صعبه
سلامي ليك يامراكبي
وفجاة قالولهم العيش خلص خلاص
مفيش
بح
---------
انت قصدك مين باحنا؟..إذا كان قصدك شعبنا الموقر الرافل في الخيرات و النعيم..فالمجتمع ده فيه كل حاجة انت قلتها..لإن دي طبيعة أي مجتمع في العالم..فيه كل حاجة..شوية من \ه و شوية من ده..ساعات يبقى من دول و أحيانا يبقى من دول.
من الخليج على أظن
:)
أحنا لا دول و لا دولهما
أحناحاجة كده زى ما علاء الاسوانى وصف زماننا فى روايته ..أحنا فى زمن المسخ
سمعت من أسامة انور عكاشة توصيف بديع لحالتنا ..قال احنا بنلعب مع العالم على طريقة لعب الطاولة ترمى الزهر وانت و حظك وشطارتك فى القرص وباقى الدنيا المتحضرة بتلعبها شطرنج يحسبوا الخطوة على حسب المنافس ويسبقو تفكيره ..هوده حالنا والعشوائية هى سيد الموقف
بلا مبالغة ودايما الفن لسان حال زمنه احنا فعلا فى زمن المسخ
و هى فوضى..
هذى زيارتى الاولى و سعدت بها
تحياتى من اعماق القلب
ممكن أستعين بصديق
جزاك الله خيرا
بوست جميل
ولا انت مش واخد بالك ولا إيه
وبعدين احنا الحمد لله مش عندنا كعكه
الكعكه قسموها وكلوها وهضموها كمان
خلاص خلص بح
والأستراتيجيه دى مخدنهاش فالمدرسه ..مش عندنا ..لغوها من المقرر
أما تحديد ردود الأفعال فدى معروفه وباينه زى عين الشمس انت بس اللى مش واخد بالك كدا على طول
لنا الله ولك
بينى وبينك لقيت ريحة حكومة قلت الريحة اللى عندى ارحم
(;
بس ممكن اقول انه بوست واقعى اليم لاننا النوع التانى فى التلاتة
):
تحياتى
- لا يوجد؟
- مافيش ؟
- ماحصلش ؟
- كل ما سبق ؟
اختر اجابة واحدة فقط من الاجابات السابقة
حلو حكاية الرئيس لما بيتغير بتتغير الاستراتيجية .. طيبا يااااااااااا ريت
هو يتغير بس وبعد كده ربنا يفرجها
وع فكرة انا ماليش فى السياسة خااااالص :)
:)
إحنا الكعكة نفسها بس كعكة بايتة
او ممكن نكون كوكتيل
هههه .. لا وإنتي الصادقة .. إحنا بتوع التوك توك
********************
طـعـمـة
أنا مش عارف إنتي تقصدي مين بالمحترمين دول اللي إحنا آخرهم .. إحنا بجد محترمين؟
هههه
كلمة سياسة يعني إيه؟ أنا الشعب
هههههه
وبعدين إنتي تنوري سواء في الصفوف الأمامية أو الخلفية .. أنا شخصيا بأقعد ورا برضه
********************
يَحيى المِصري
ولا أسئلة محرجة ولا حاجة .. إحنا المفروض يبقى وشنا مكشوف خلاص
خو الجنيه المعدني إتخرم هو كمان ولا لسه؟
**********************
لماضة
مراة إبني العزيزة
مش هأوصيكي على إبني الندل – جوزك – إبقي خليه ييجي يسأل عليا وما يستعرش مني
********************
Gid-Do - جدو
كتاب سنة أولى إيه؟ إبتدائي وألا إعدادي وألا ثانوي؟
حلوة إحنا بتوع كله دي .. دي حقيقة مش نكته على فكرة .. إحنا كل واحد مننا فاكر إنه بيعرف كل حاجة فعلا
إنت دايما كده يا جدو بتعايرني علشان كملت تعليمي؟ أبويا هو اللي دفعني لكده .. مش رغبتي أنا خالص
********************
Reemo
هو لسه فيه كتاب وزارة؟ كويس والله
هاه .. غلب حمارك؟
**********************
عدى النهار
يانهار أسود .. كمان لا طايلين ده ولا ده؟ ده شيء أسوأ بكتير جدا من اللي أنا كنت متخيله
ده أنا عندي نكون من ذوي الحالة التانية أرحم
********************
Ahmed Essawy
أشكرك على إطراءك
وأحييك على إنك لماح .. الموضوع اللي أنا إتكلمت فيه ده فعلا بينطبق على أي أمور إدارية .. إدارة أي شيء .. إن شالله كشك بيبسي
أحييك
********************
حافظت في كل جزء على الترتيب
1 - 2
إجمع -1 - من كل جزء مع بعض تلاقيهم مجمتع
وإجمع -2- تلاقيهم مجتمع
طب إحنا مين فيهم؟؟؟
قال أذكياء قال!!
طب روح إسأل طوبالأرض وهو يقولك
أنا برضه قلت إن الأذكياء بينقرضوا دلوقت .. وفعلا النوع اللي بتحكي عنه ده جديد جدا .. ويمكن مش موجود منه غير عندنا إحنا بس
إحنا دايما رواد .. هههههه
********************
اسكندراني اوي
آخر مرة أخرج برة المقرر علشان خاطرك
عجبتني قوي عاش الملك مات الملك دي .. ههههه ... عجبتني أكتر من الهوا اللي دهناه أكريلك ده .. ههههه
منورني دايما
*********************
No Fear
إجابة رائعة يا محمد .. الكعكة فعلا تقلصت قوي دلوقت .. برافو عليك
******************
Amr Ahmed
إحنا منفردين طبعا دي ما فيهاش كلام .. هو فيه حد في الدنيا دي بيعيش وهو بيحاول إنه يفشل؟
********************
خمسة فضفضة
وعليكم السلام ورحمة الله وبركاته
طبعا مش دكتورة؟ يبقى أول حاجة تيجي على بالك هي الإسعاف
الحمد لله إني ما دخلتش الطب ولا الصيدلة
هههههه
******************
أنا عايز بيج ماك كومبو لارج .. أصلي مقاطع المنتجات الأمريكية
عيش وحلاوة دي موضة قديمة
سلامي ليكي
*****************
واحد مش فاهم حاجة
تصدق كنت كاتب بوست عن طابور العيش وخفت أنشره لحسن الدنيا تمطر؟
لكن هو "بح" فعلا .. دي حقيقة
******************
أحمد المصري
حلوة كلمة "الرافل" دي .. يعني إيه الكلمة دي؟ شكلها كده مش مريحني
إجابتك عن مجتمعنا غير صحيحة على فكرة .. إحنا مش خليط بين ده وده .. إحنا شعب زي الفل
ميلامين بقى
*********************
همسات
مين الصديق اللي في الخليج ده؟ الحمد لله مش أنا .. أنا ساكن في أمريكا البلد
********************
انا رايح امتحن فى الكورس اجى مدونتك الاقى فيها امتحان ياللا ماعلينا
الكعكة انت تقصد الرفاهيات مش السلطة
السلطة بفتح السين واللام متفهمنيش غلط
اعتقد ان احنا الاتنين
النهاردة كشعب مصرى
بنشتغل عشان نعيش فى مستوى كويس وبكرة بنتخانق على الميراث
الاستراتيجية استغفر الله العظيم
احنا معندناش الحمد لله استراتيجية
الحمد لله
احنا بنحاربها اساسا
زيها زى انفلونزا الطيور
اما الرؤسا
احنا كمان مبنغيرهمش
هما لو اتغيرو بفعل الطبيعة انى الانسان فان
فطبعا الحاجة الوحيدة اللى بتتغير اسم الرئيس
بس
اعتقد ان احنا بنعمل احصائيات ويهمنا جدا
انى عدد السكان يقل
وبنعمل حصر للاميين
برضه
وبنعمل حصر للبطالة فى مصر وبنخطط للمستقبل
انى احنا ان شاء الله
هنقضى ان شاء الله على الشعب
خالص تحياتى
بعُشر الراتب طبعاً
على العموم انا بتعلم منك مصطلحات جديده وببلاش كده
ربنا يكرمك
اما إحنا أنهى نوع فيهم
الكعكة
إحنا بناكل الفول
الأستراتيجيه
إحنا بناكل الفول
تحديد ردود الأفعال
إحنا بناكل الفول
احنا ولا حاجة في دول ابدا
احنا سمك لبن تمر هندي
دا كفاية بس أما تقله .. إحنا الثوار
إحنا العرب
يا عم احنا مالناش صالح..ده بحر طايح
ومش عارفين مين فينا جي ومين فينا رايح
ومين في مكانه متجمد...ومين فينا سايح
وهيصه هيصه هيصه عند العروسة هيصه
كسكس وبلاوظة هيصة
يا عم كفايه كده انا شايف البوكس واقف عند اول الشارع عندك
انا عاوز اروح....سلاااااااااام.فرافيرووووووووو
حين ميسره
حلو جدا نموذج الطاولة والشطرنج ده .. قمة في الوصف الدقيق لحالنا فعلا .. أحييكي على إنك عرفتينا بيه
أهلا وسهلا بيكي .. نورتينا
أحييكي كمان على مدونتك المتميزة جدا .. عمل رائع بجد
*******************
ا بـن عــمــر
طبعا ممكن تستعين بصديق .. شوفللي صديق معاك أنا كمان لأني أنا كمان عجزت عن الإجابة
جزاك الله خيرا
******************
soma
إنتي لسه رأيك إن الأدب هيأكلني عيش أحسن من الهندسة؟ أنا شايف إن الوظيفتين بيشحتوا
هههههه
أنا شكلي كده مش واخد بالي من حاجات كتير قوي .. خلي بالك معايا ونبهيني كده كل شوية .. ماشي؟
********************
TAM
طبعا الريحة هنا أوحش من ريحة البكابورت .. أنا عارف إني خدعتك
أنا اللي هآجي عندك أشم هوا
******************
بنوتة من وسط البلد
واضح طبعا إن مالكيش في السياسة زيي .. وعجبنتني قوي حكاية الإختيارات في الإجابات دي .. مافيش إختيارات أكتر؟
وبعدين إنتي قصدك مين اللي يتغير .. الرئيس وألا الإستراتيجية؟
إعترفي
********************
آلام وآمال
صح .. إحنا وقعنا وقعة جامدة قوي
******************
мσнη∂ιš
طبعا مسموحلك بالمشاركة .. كلنا في الهم شرق
********************
gnawi
ههههه .. حلوة جملة الكعكة البايتة دي .. تصدق ممكن تكون حقيقة فعلا؟
********************
hend...hanady
عيش وحلاوة ليه وضرب ليه؟ إحنا في بلد الديمقراطية والحرية وكل واحد يقول اللي هو عايزة
هو الضرب بيوجع قوي فعلا؟
*******************
MĕŢø & ŘǿŖêĔ
الشرطة أول من يعلم على فكرة .. إحنا اللي آخر من يعلم في كل حاجة للأسف
********************
Hannoda
طيب واللي مش هيلاقي طوب في الأرض يسأله .. يعمل إيه؟ الشوارع نظيفة هنا
******************
دوحة
أنا فاهمك صح ما تقلقش .. سلطة بفتح السين واللام والنافوخ
طبعا بكرة هنتخانق على الميراث .. وهيكون ميراث ما يعلم بيه إلا ربنا
أما الإستراتيجية دي كلمة قبيحة عندنا .. أنا عارف كده كويس
مش هأكمل بقى الباقي علشان المدونات متراقبة اليومين دول وأنا لمحت مخبر جاي من بعيد بيقرب على المدونة
*******************
محمد فوزي آل ربيع
بسم الله ما شاء الله .. كل ده بقى عندنا؟ وكمان بقى فيه رواتب بنقبض عشرها؟ طب ما الحياة حلوة وزي الفل أهي
******************
اعشق فى اليل ضوء القمر
إجابة صحيحة
إنت اللي فزت بجايزة المسابقة الكبرى
صقفوله يا جماعة
القمر بيلهمك جامد الأيام دي
*******************
son's egypt
وعليكم السلام
ممكن بس تحدد نوع السمك علشان أشوف إذا كنت قربت من الحل الصح وألا لأ؟
******************
Roushdy
تعليق ظريف بجد .. أهلا بيك
*****************
حسن ارابيسك
إستنى يا حسن خدني معاك .. ما تسيبنيش لوحدي .. إجري يابني منك له .. كبسة .. كبسة
خسارة .. مالحقتش أستمتع بالشعر الجميل بتاع العروسة ده .. نبقى نيجي مرة تانية بعد الغمة ما تنزاح
*******************
MAKSOFA
أيواااااااااه .. هو ده اللي إحنا فالحين فيه .. حين مسخرة
************************
ايه الكلام الكبير ده
انا مقدرش على الكلام ده كله وحدة وحدة علينا
أنا شاحت الكلام ده على فكرة وهأرجعة تاني آخر الإسبوع .. أصلي أنا كمان طلعت مش قادر عليه
ههههه
وبقي وزاره الثقافه مش عاجباك
بقي وزاره الثقافه مش سبوبه يا احمد يا قاضي دى السبوبه الكبيره دى الكعكه الكبيره
ده انت حيبقي عندك 40 مركب سياحى فى النيل مبدأيا زى الفنان فاروق حسني
هههههههههه
انت مين في دول ولا كل دول
سيبك من السؤال الاول والتاني
لاني خلاص فاقدة الامل في النقطتين دول
نمسك بقى السؤال الثالث
انا شايفة ان اضعف الايمان هى مسألة الاحصائيات والارقام
لأن ده بداية التغيير
أول خطوة واحنا بنسمي الله ونقول نوينا نعمل حاجة
انما ارجع واقولك
شعبك اصلا معندوش ثقافة التعامل مع الاحصائيات ولا حتى استطلاعات رأى
كنت في زراعة القاهرة بعمل استطلاع رأى عن الناس اللي معاهم بطاقة انتخابية وبيشاركوا اصلا ولا لأ
وقع في ايدي معيدين
والله العظيم الاتنين كانوا مرعوبين من الاستطلاع
وواحد منهم بيقول لصاحبه احسن يجيبوا خبير خطوط فيعرففوا ان احنا
كنت واقفة حعيط والله
هى وصلت لخبير خطوط :S
سلاماتي
قال: إطبخي يا جاريه
قالت: كلِّف يا سيدي
كعكةإيه؟
ومنين؟
إستراتيجيه؟
يعني إيه؟
ردود أفعال؟
كل الردود إللي إتكتبت جميله
ومعبره ومنها ممكن تحدد .
تحياتي
لأن دلوقتى بقى احمد زي الحاج احمد
المهم بقى اتن عامل اية
تحياتي
بستنجد بيك عند حلم فى التعليقات على تدوينتها
حسب التوقيت الغير محلى لمدينتهم السياحية
راجع تعليقاتى ومديلى ايدك بالعون ـ متغبش عليا
ما تزعليش مني .. أنا إستشرت صديق عزيز وقال لي إن وزارة الثقافة فيها سبوبة حلوة من تهريب الآثار .. أنا اللي بأتحايل عليكي دلوقت إنك تخليني في الوزارة .. عايز أمسك وزارة تهريب الآثار دي
********************
Najwan
تفيت والله .. بأتف ليهم كل يوم .. قال سياسة قال
ههههه
******************
mesh2dra
وعليكم السلام ورحمة الله وبركاته
خلينا في السؤال التالت لأن هو ده بداية الإصلاح فعلا .. النموذج اللي إنتي مريتي بيه وبنحكي عنه ده نموذج محبط للغاية .. إنتي كده بتثبتيلي إن شباب البلد ما عندهمش جهل .. ده عندهم جهل مركب .. يعني بيجهلوا إنهم بيجهلوا .. حاجة بتورينا إن المستقبل هيكون كفته
*******************
loumi
حلو مثل إطبخي يا جارية ده .. رغم إنه مثل تهكمي لكن هو حقيقة بجد .. محتاجين فلوس علشان نعمل حاجات كتير .. وبما إن البداية محتاجة فلوس وهي مش متوفرة .. يبقى لازم نصرف حاجة تانية تعوض نقص الفلوس: المجهود الوافر
نورتينا
******************
MKSARAT SAYED SAAD
أحمد زي الحاج أحمد بس مش أنا الأتنين دول .. مش كده؟
هههههه
أنا عامل إيه؟
بأتحسر على بلادنا .. وبأحاول أعمل اللي عليا بأقصى مجهود رغم الجو العام المحبط ده .. بحيث إني يكفيني شرف المحاولة وعدم السلبية
******************
Gid-Do - جدو
إنت تؤمر يا جدو .. أنا لا يمكن أسيبك لوحدك أبدا .. جايلك ومعايا الرجالة حالا
في المواضيع دي أنا أخدم جدا .. أخدم خالص
نتقابل في شرم بقى
ههههه
حاشا و كلا
و احنا بردة بتوع كدة يا مراكبى
شكلنا كدة مش بتوع حاجة خالص
و بعدين ايه سؤال للاذكياء دة؟
لازم تحرجنا يعنى :((
المدونة عندك شغالة لكن الايميل مش شغال ـ ارسلت لك رسالة بالامس وجانى رد من السرفر بيقول لم ترسل ـ انامتاكد ان عنوانك مكتوب صح ـ واضح ان الكابل المقطوع فى البحر المتوسط له علاقة
إحنا,فعلا شكلنا كده مش يتوع حاجة أبدا .. لكن الأهم من ده كله إننا ولله الحمد مالناش في السياسة ولا البوست ولا التعليقات ليها في السياسة
يارب البوكس اللي واقف ده يمشي بقى
أنا مش قادر أشوف اللإيميل بتاعي من 3 أيام وخصوصا إنه إيميل مصري كنت شاريه في التسعينيات من القرن الماضي
وزير الإتصالات المصرس وعد بحل 80% من المشكلة بعد يومين
هأقولك أول ما يتصلح فورا
هو يعني ايه " نوع " اصلا ؟
:)
بالنسبة للكيكة
اسوأ ما في موضوعها لما تكون غطائها ديني
وهي في الحقيقة كيكة
:D
إنت دلوقت اللي بتسأل أسئلة محرجة .. أنا ما عرفش يعني إيه نوع .. أنا سمعتها كده وخلاص .. هي كلمة وحشة وألا حاجة؟
لمحة حلوة يتاعة الكيكة الدينية دي .. وش بيغمز جامد
**********************
Sharm
احنا الناس اللي في التالت .. من تحت طبعا
*******************
Marvel
من غير لامؤاخذة ولا حاجة .. هو إحنا خلينا فيها لامؤاخذة
إحنا بتوع اللامؤاخذة
احنى العرب
ناس استثنائيين
ملناش اي شبيه على وجة الارض ولا خارج الارض ولا حتى بالنص
هههههه .. حلوة
إحنا كده مش في المقارنة العالمية .. إحنا بقينا في المقارنة الكونية كمان
كويس إنك عممت البوست ده على كل العرب .. لأن 99% منهم فعلا كده