أن تكون مفكرا
الجهل .. هو ألا تعلم .. أي أنك تجهل شيئا أو أشياء عديدة
الجهل المركب .. هو أن تجهل أنك تجهل
أما قمة المأساة .. فهي أن تعلم .. وألا تتجاهل أنك تعلم
.
ما أسعد أن تكون جاهلا .. كم أحسد هؤلاء البسطاء الذين لا يعرفون من أمور الدنيا سوى ما يمس قوت يومهم بطريقة مباشرة .. لا تشغلهم الأحداث السياسة الداخلية أو الخارجية .. لا يعنيهم الشرق الأوسط الجديد أو المؤامرات والأحداث التي تحيف بنا شرقا وغربا وجنوبا .. لا يتابعون بشغف ما يحدث بالسودان والعراق وفلسطين وأفغانستان ولبنان .. ليس لديهم أية طموحات مادية عنيفة يلهثون وراء تحقيقها ليل نهار دون جدوى .. لا يحللون كل كلمة أو تصرف يطرأ ممن يتعاملون معهم .. ليس لديهم أقساط ومشاكل مع البنوك أو متاعب في تعليم الأبناء .. إلخ
.
أن تكون مفكرا .. هي جملة لا أعني بها أن تكون أديبا أو عالما أو صحفيا أو أستاذا .. أن تكون مفكرا .. هي جملة أعني بها كل من نجده مهموما بأمور كثيرة .. منها ما يمس جميع تفاصيل حياته التي أصبحت معقدة إلى حد كبير .. ومنها ما لا يمس تفاصيل حياته لكنها تؤرقه .. أن تكون مفكرا .. جملة أعني بها من يحس دائما بأن صدره قد أصبح أضيق من ثقب الإبرة .. يحلم بالراحة بينما هو من يجري وراء الهموم بنفسه .. هي أن تتخطى مرحلة الجهل والجهل المركب لتصل إلى مرحلة المأساة
الجهل المركب .. هو أن تجهل أنك تجهل
أما قمة المأساة .. فهي أن تعلم .. وألا تتجاهل أنك تعلم
.
ما أسعد أن تكون جاهلا .. كم أحسد هؤلاء البسطاء الذين لا يعرفون من أمور الدنيا سوى ما يمس قوت يومهم بطريقة مباشرة .. لا تشغلهم الأحداث السياسة الداخلية أو الخارجية .. لا يعنيهم الشرق الأوسط الجديد أو المؤامرات والأحداث التي تحيف بنا شرقا وغربا وجنوبا .. لا يتابعون بشغف ما يحدث بالسودان والعراق وفلسطين وأفغانستان ولبنان .. ليس لديهم أية طموحات مادية عنيفة يلهثون وراء تحقيقها ليل نهار دون جدوى .. لا يحللون كل كلمة أو تصرف يطرأ ممن يتعاملون معهم .. ليس لديهم أقساط ومشاكل مع البنوك أو متاعب في تعليم الأبناء .. إلخ
.
أن تكون مفكرا .. هي جملة لا أعني بها أن تكون أديبا أو عالما أو صحفيا أو أستاذا .. أن تكون مفكرا .. هي جملة أعني بها كل من نجده مهموما بأمور كثيرة .. منها ما يمس جميع تفاصيل حياته التي أصبحت معقدة إلى حد كبير .. ومنها ما لا يمس تفاصيل حياته لكنها تؤرقه .. أن تكون مفكرا .. جملة أعني بها من يحس دائما بأن صدره قد أصبح أضيق من ثقب الإبرة .. يحلم بالراحة بينما هو من يجري وراء الهموم بنفسه .. هي أن تتخطى مرحلة الجهل والجهل المركب لتصل إلى مرحلة المأساة
.
لم يطلب مني أحد يوما أن أكتب .. ولا أنا طلبت من أي فرد آخر أن يكتب .. لكننا نكتب ونجد هناك من يقرأ ويحلل ويتفاعل ويشجب .. ندور جميعا حول رؤسنا التي لا تهدأ .. ولا يتمتع بهذه الدنيا في النهاية سوى الجهال
تعليقات
و بعدين معاك بقى ؟؟
نفسى تكتب حاجة أخالفك فيها الرأى
مرة كدا من نفسى يا شيخ
بس واضح بقى انى هديك لقب تستحقه من وجهة نظرى ...
نبع الحكمة
حقيقى
شيفاك كده ...
و فيه بيت شعر مش فكراه قوى بس فيما معناه ان اصحاب العقول بيشقوا فى حياتهم و الى مخه فاضى ...فى الجهالة ينعم
بس برضو التفكير مهما كانت همومه لا تقاس بجانب النعم الى بتلمسها فى أخر الرحلة ...
نعمة الوعى دى لوحدها كفاية ...
تحياتى
يا نبع الحكمة
أم يوسف
ذو العقل يشقى في النعيم بعقله
و اخو الجهالة في الشقاوة ينعـم
و ده بالظبط اللي بيقوله الباشمهندس من البوست ده بس فعلا للاسف على رأيك هوا يمكن يكون اريح لينا ان احنا نعيش بايعين القضية بس للاسف يبدو ان اصبح لازماً علينا ان احنا نتحمل كل المأسي ديه بسبب الفكر
فعلا يا بختهم الناس اللي مش مهمومين باي حاجه الا بقوت يومهم وحياتهم الخاصه وبس
كان نفسي ابقي كده ، ماعرفش حاجه من الحاجات اللي بتضيق الخلق وتعكر البال الرايق
تحياتي
"لو كان بزرار..أدوس عليه فتنظفيء الأفكار" يـــــاه ..قد إيه ممتع ومؤلم التفكير..أحيانا أتمني فعلا أن أحطم رأسي ليتوقف سيل الأفكار والتفكير..ولو لثانية.أنعم فيها برضي نفسي وخروج مني.. ثم أموت بعدها..
المشكلة إنه مش بزرار..المشكلة إنه مالوش زرار
على راي بابا بيقولى التفكير هيموتك ناقصه عمر
وماما الى بتقولى التفكير بيمقتك بيخسسنى يعنى زياده
ودكتور التغذية اللى بيقولى
انتى بتاكلي فى نفسك من كتر التفكير
طيب نوقفه ازاى ده
افتكر محتاجه رصاصة رحمة
اقول بيني وبين نفسي
الراجل عايش زي الفل شغل بالنهار ومشغل الكلوب باليل ومقضيها شيشة ودردشة مع الفكهاني اللي جمبة ، كباية شاي من ساعة للتانية عشان الطاسه ولا حاجة تعكر دمة انشالله تخرب
معرفش بياكل امتى بس عمري ما عديت عليه لقيته بياكل او مشموجود حتى وقت المطر
تخيل بحسد الفكهاني
:)
لعنة الثقافة ، لا حل لها
ان تقد تختار ان تصبح مثقفا او تظل غير
ولكن ما ان تسللت اليك ابجدية المعرفة
عشت شقي ما دمت
والسؤال هو
لو عاد الزمن فهل .... ؟؟
-------------
مرة عشت اسبوع ب اربد, وهي مدينة في الاردن
الحياة هناك كانت بسيطة
في عندهم تكنولوجيا بس الحياة بسيطة
من غير تعقيد
وكان اسبوع جميل
كان نفسي اسيب الدنيا واعيش زيهم, بس الزمن .........
وفعلا الجهل احيانا نعمة
بس العلم احيانا نعمة
عندك حق يا استاذ احمد والله في كل ما قلت ، انا شفت فلاحين لا يقرأون ولا يكتبون ومهتمون بكل ما يجري حولهم عن زملاء لي كانوا معي ايام الجامعة ولا يفقهون ما يحيق بهم
خالص تحياتي
احمد
.
.
.
بوست رائع
يجعلني أتمني لو أغمض عقلي قليلا لأستريح
الجهل المركب .. هو أن تجهل أنك تجهل
أما قمة المأساة .. فهي أن تعلم .. وألا تتجاهل أنك تعلم
عجبتنى اوى الكلمات دى ..و مقتنعة جدا بكلامك
دا انا حتى ساعات بحس ان المخطط ان الناس تبقى من النوعية دى..بتاعة اللى مش بيهمها غير قوت يومها دى
تحياتى
كل يبكي على ليلاه
صحيح الأفكار واللي شاغل دماغ المفكر والجاهل مش واحدة
لكن بجد كل واحد في الدنيا مشغول بحاجة حتى لو كنت انت شايفها من وجهة نظرك تافهة
وبعدين الاغبياء ممكن يكون مرتاحين البال مقارنه بالمفكرين بس اكيد عندهم همهم وفكرهم الخاص بيهم
مفيش حد مرتاح يامراكبي
زي مابرضوا مفيش حد يتقالوا الله علي كتاباتك زيك انت
سلامي ليك
او نقدر نقول التفكير الغلط
بس ابدعت ... عجبنى جداً اسلوبك
كان فى سؤال
هو انا لو فكرت اسافر واسيب البلد تنصحنى بايه ؟
السلام عليكم ورحمة الله وبركاته
أنا أعلم أنك لو خيرت بين العلم والجهل لاخترت العلم....
وأعلم جيداً أن مقالك هذا استنكارى وتعبيراً عما نعانيها فى هذا الزمان من كثرة المآسى وصعوبة الأحداث وملاحقاتها ومدى الألم الذى تعيشه الإنسانية...
وهذه مشاعر طيبة لايشعر بها إلا أصحاب البصر والبصيرة والقلوب السليمة
مرحباً بنار العلم ولأكون كالأنعام تهنئ بمتاع الدنيا ثم تصبح أثراً من بعد عين وكأنها لم توجد...
تقبل تقديرى واحترامى
أخوك
محمد
وهاهنا اجدك تشاركني نفس الفكره و المعني الجهل نعمة و الله نعمة في الزمن ده ربنا ينعم علينا بيها امين يارب
ما أجمل هذه الجملة
وما أصعبها
وما أصدَقها
ربنا يهدينا جميعا لما يحب ويرضى
ولا مفر لهذا وذاك من هموم الحياة
تحياتي لك يا باشمهندسبس دي بقي رضا
بقدر ما يواجه من مصاعب ومشاكل
لذلك كلما تطور الإنسان من حيث المستوى الإجتماعي والمعرفي زادت قدرته على التفكير وزادت أعباؤه وهمومه
دى سنّة الحياه يا مراكبي
تحياتى
بس سألتك عن الفكرة ده و إن لازم يعني نفكر و نفهم عشان ما نتأذاش وقلتلي للأسف آه
وكتير بقنع نفسي اني مش لازم أفهم
مش عاوزة أفهم
حتى لو حاترزع على قفايا
يمكن مش حافهم ساعتها اني اترزعت
يبقى ما خسرتش حاجة
وعشان كده بكره الغربة يا مراكبي
عشان بتزنقني مع دماغي وتدبسني
الوقت طويييل
و الأحداث فاااضية
و التفكير كتير
لحد ما شفت من الدنيا اللي يخليك تكره مخك
أنا معاك جدا
معظم من يعلم يعيش فى قمه الماساه
وبكل فخر واعتزاز نقدر نقول
الجهل ...نور وراحه بال
لكن ممكن حد جاهل بعد الشر يفهم ويتنازل عن حاله الارتياح ويبدا يفهم وهو حر بقى يعمل اللى عايزة
بس هل يمكن لحد يعيش فى قمه الماساه ان يتنازل عنهاويصل لحاله الجاهل
وان لايكون مفكرا؟؟
كبيت الشعر القائل
ذو العقل يشقى فى النعيم بعقله
واخو الجهالة فى الشقاوة ينعم
لكن فى النهاية هذا الجاهل لا يصنع مصيره بل يكون اداة فى ايدى غيره , قد اتفق مع حضرتك فى معاناه المفكر ( بالتعريف الذى قصدته ) لكن لا اتمنى ابدا ان اكون جاهلا وان تمتعت بالدنيا .
الجهلة دول اللى مش شايلين هم حاجة وان كانوا بيعيشوا فى سعادة وراحة بال الا انهم سلبيين وعبء على مجتماعتنا ومن اكبر اسباب التخلف اللى احنا وصلنا له وبسبب الفراعنة ركبونا ودلدلوا رجلهم
لكني سعيدة انني من العقلاء و لست من الجهلاء
مع كل الزحام و اصوات المتورات اللي اسمعها في داخل عقلي
الا انني لا اتخيل نفسي اسمع صفير الهواء في عقل خاوٍ
تحياتي
العزيزة أم يوسف
عايزة أكتب حاجة نختلف فيها في الرأي؟ أوعدك هأحاول .. بس إديني فرصة .. هههه
اللقب اللي خلعتيه عليا ده (هي بتتقال كده في اللغة العربية) شيء كبير جدا عليا أنا . .أنا بجد أقل من كده بكتير جدا .. لكن ده إن دل على شيء فده من ذوقك وكرمك
مش عارف أشكرك إزاي
*********************
shreef
أولا بنشكرك على بيت الشعر للباشمهندس المتنبي
ثانيا .. إنت قلت المفيد فعلا .. اصبح لزاماً علينا ان احنا نتحمل المأسي بسبب الفكر .. قدرنا كده
منورني
********************
خمسة فضفضة
وعليكم السلام ورحمة الله وبركاته
كلنا كان نفسنا تبقى دماغنا فاضية كده طبعا .. لكن ما نقدرش .. ما ينفعش .. أمنية مستحيلة وخلاص
منورة يا دكتورة
********************
واصطنعتك لنفسي
حلوة فكرة الزرار دي .. جميلة جدا .. نفسي فعلا دماغي تفصل شحن مرة وأعيش كده في راحة .. لكن ما بتشتغلش ببطارية .. نعمل إيه؟ قدرنا
*******************
لماضة
شوفي يا مراة إبني
كل اللي قلتيه ده جد مش هزار .. الأعراض اللي إنتي قلتيها دي كلها هي فعلا من الآثار الجانبية للتفكير .. وأنا ممكن أزود عليها للرجالة تساقط الشعر كمان
يعني إنتي كده قصدك إن لحد ما ييجي يوم الفرح مش هنلاقي منك ولو حتى إيد وألا رجل؟
*********************
أحمد سلامــة
أكيد طبعا الفكهاني مات بالجلطة بعد التعليق ده .. ههههه .. أنا نفسي حسدته من مقعي هنا ده
أصابتنا لعنة الثقافة كما وصفتها .. فعشنا أشقياء بفكرنا الذي لا يهدأ
أما عن ماذا لو عاد الزمن بنا للوراء؟ الإجابة في البوست القادم بإذن الله
********************
Rozza!.......فاقد الذاكرة
أنا أعرف ناس من أربد بس ما رحتهاش .. آخر مكان رحته كان عمان العاصمة .. لكن الفكرة بتتكرر لما كنا بنروح لمسقط رأس والدي في صعيد مصر حيث الحياة البسيطة الغير معقدة
أحيانا بأتفرج على نفسي وأنا معايا الكومبيوتر المحمول والتليفونات المحمولة وجهاز الإنترنت اللاسلكي وبأشوف نفسي وأنا بألتقط صور وأنقلها عالكومبيوتر وأبعتها بالإيميل عبر الإنترنت اللاسلكي . قمة التعقيد فعلا .. لكن أرجع وأقول .. العلم نعمة
تحياتي
*******************
موجة
بلا شك إن المعرفة والإطلاع مش من المفروض إنها تكون مرتبطة بالمكان هل هو حضري وألا ريفي .. لكن تظل عدم القدرة على القراءة عائق أمام القدرة على التواصل مع ما يدور حولنا
وفيه فعلا دلوت طلاب في الجامعة أجهل من الجهال .. أنا شفت من ده كتير .. زمن غريب
*******************
بثينــــــة
نعم .. نحن نحيا قمة المأساة .. أشاركك الرأي في أنني أتمني أنا أيضا لو أغمض عقلي قليلا لأستريح
*******************
عدى النهار
عايز الحق وألا إبن خالته؟
من يعيشون قمة المأساه هم في إضمحلال الآن .. نسبتهم هي الأقل .. والغالبية هم ممن يتمتون إمغ بالجهل أو بالجهل المركب
*******************
متشكر جدا على إعجابك بالكلمات .. أما بقى موضوع إن المخطط إننا نبقى مشغولين بقوت يومنا فده موضوع صحيح وسليم .. ومخطط
*****************
امرأة تقول الذي لا يقال
بلا شك إن كل مستوى من العقليات وليه اللي بيهمه وبيشغل فكره .. لكن البسطاء بنجد إن الشياء اللي بتشغلهم بيسطة وغير مركبة ولا معفدمة وبالتالي حلولها بتكون سهلة وبسيطة .. وكمان معايشة الأمور البسيطة دي بتكون مصاحبه لروقان مش شد وعصبية
تحياتي
*******************
tota
طبعا مش ممكن أستغنى عن التفكير .. أموت .. ربنا خلقني كده .. لكن الواحد بجد محتاح هدنه ومش قادر .. وكل ميسر لما خلق له
أشكرك جدا على إطراءك الرقيق ده .. تحياتي الغالية ليكي
*******************
حزيــــــــــــــــــن
حلو تعليقك .. المشكلة جايز ما تكونش في التفكير في حد ذاته فعلا .. فكرة بجد
بتفكر تسيب البلد وعايز نصيحة مني أنا؟ أنا؟
تنهيدة طوييييييييلة جدا
بلاش تسألني أنا تحديدا .. أنا آخر واحد ممكن تسأله .. لأني عمري ما هكون منصف
بس توكل على الله
*******************
محمد الجرايحى
وعليكم السلام ورحمة الله وبركاته
لا أنكر أنني أكتب إستنكارا لما آل إليه حال من ينشغلون بالفكر في هذا الزمان .. لكنني بالطبع لا أتمنى أبدا أن أكون جاهلا .. ولا يستوي الذين يعلمون والذين لا يعلمون أبدا
شرفت بزيارتك وبتعليقك الكريم
دمت بخير
******************
دنــــيــــــا مـحـيـرانـي
هههههه
شوفتي بقى إزاي ممكن الواحد من غلبه يتمنى الجهل ويحس بإنه نعمة كبيرة؟ أهو ده بقى حال المفكرين
منورة
******************
آلام وآمال
الجملة اللي ركزت عليها فعلا مؤلمة .. أنا إتألمت بعد ما كتبتها
رائع إنك لقطتها من وسط الكلام ده كله
بعيد جداً عن ان يكون الواحد متعلم ولا جاهل ...غنى ولا فقير
الموضوع وببساطه ومن غير فلسفة وكلكعة
موجود في الدين الاسلامي الجميل
وهو الايمان بكل ما قد قسمه الله لك وعليك
والقناعة
بأنالانسان لايحتاج ليومه غير قوته وكسوته التي تستره وجدار يأويه
فاذا توفر له ذلك فهو في نعمة كبرى من الله
وما فوق ذلك هو في غنى عنه اذا أحب
وهنا تكمن راحة البال
التي يفتقدها الكثير
أذكر مثلا بسيطاً وهو المهندس الكبير رحمه الله شيخ المعماريين حسن فتحي صاحب نظرية عمارة الفقراء وهو الذي تُدرس نظرياته في الكثير من دول العالم المتقدم وقد كرمته الكثير من تلك الدول ولم يكرم في مصر للأسف
هذا الرجل كان من عائلةارستقراطية ومع ذلك فضل أن يقضي حياته في منزل قديم من منازل القاهرة القديمة العتيقة يقع في حي شعبي وهو حي الجمالية وكان يقضي حياته بمنتهي البساطة وبراحة بال إلى أن توفاه الله رحمه الله.. .الفاتحه له
الجهل سيد الأخلاق
THANAFY
كله إلا الفيفوريت الله يخليك .. عايزين نآكل عيش يا هندسة
تعليقك جميل جدا وخصوصا في إستخدام أقواس التنصيص .. بس إحنا مش مفكرين ولا حاجة زي ما إنت فاكر .. ده إحنا غلابة جدا
لكن اللي قلته مظبوط .. كل واحد فينا هيحاسب على طريقة إستخدامه للموارد اللي ربنا أعطاها له .. ومنها العقل
فيه إحتمال 50 في المائة أكون في تينيسي في الإسبوع الأول من إبريل .. لسة هنشوف
نورتني
**********************
بالله المستعان > رؤية
هو المتعب إن المفكر بيفكر غصب عنه .. ما يقدرش يطفي دماغه زي ما بيطفي النور كده
الحمد لله على كل حال
أهلا بيكي
********************
غير معرف
can't agree more?
طيب
*********************
loumi
فكرتيني بنظرية النشوء والإرتقاء للعالم داروين
كإنك بتقولب إن الإنسان بيتطور علشان يتكيف حسب الطبيعة اللي حواليه .. بما في ذلك تطور الفكر بحسب تعقيدات تفاصيل الحياة
برضه وجهة نظر .. أحييكي عليها
***********************
Rania
تفريغ شحنة التفكير على الورق أنها جربتها كتير وفعلا بتريح العقل شوية .. بس مش هي الحل الجذري .. ده مجرد مسكن وقتي مش أكتر .. مش هنقدر نعمل ديليت للي في الدماغ أبدا
تحياتي
*****************
Hannoda
أيوة أنا فاكر الحوار ده
الغربة هي فرصة كبيرة للواحد إنه يتفرج على نفسه وعلى بلده وكأنه خارج برواز الصورة .. بترغم الواحد على إعادة تقييم حياته بشكل دوري .. بتخليه في حالة تفكير دائم .. هل اللي الواحد عمله هو اللي صح؟ وألا كان الواحد فضل قاعد في بلده؟
هو ده موضوع مناقشة كل يوم وكل ساعة بين كل المغتربين
******************
كنت عامله حفله على الضيق كدة فى المدونه يا ريت حضرتك تشرفنى
و متجبش كرسى فى كراسى كتير
تحياتى
يلا خلينا نفرفش و نزقطط و نفرفش و نظقطط
:)))
عجبتني جدا جملة: حد جاهل بعد الشر يتنازل عن الإرتياح اللي هو فيه؟
عموما .. كل الناس راضية عن عقولها زي ما هي كده .. لكن مش راضيين عن رزقهم أبدا
شكرا للمشاركة الجميلة
*********************
محمود المصرى
نعم صدقت .. وأنا هنا أعبر فقط عن معاناة الفكر والمفكرين .. لكني أشرف بالفكر رغم تلك المعاناة
أهلا بك
*******************
اسلام رفاعى
أنا بقى مش مختلف معاك .. وأحب أضيف إن من أول أهداف حكوماتنا المتعاقبة منذ أيام الفراعنة هو تعميم الجهل والجهل المركب وشغل فكر الناس بقوت يومهم وخلاص
******************
Sampateek
أحلى ما في تعليقك هو: الزحام وأصوات الموتورات في داخل عقلي
هو ده بالظبط اللي أنا حاسس بيه جوة دماغي .. حاسس إن فيه دوشة ولا دوشة إستاد القاهرة لما مصر تجيب جون
لكن برضه سعداء بالفكر
*******************
حسن ارابيسك
كلام جميل وكلام معقول ما أقدرش أقول حاجة عنه
لكن تقول لمين يا أبو علي؟ أنا حافظ اللي إنت قولته صم .. لكن تنفيذ ما تلاقيش .. هي الدنيا كده .. حلوة وجميلة وجذابة
ربنا يهدينا جميعا .. ويارب البال يرتاح
*******************
أبو أمك
معلوم .. ده سيده وتاج رأسه كمان
*******************
a Dreamer with feet on the Floor
كلما إزددنا معرفة .. إزددنا شقاء .. كلام جميل وسليم جدا
وبالفعل لا يقود العالم ولا يتبوأ المراكز الأولى في هذا العصر سوى الحمقى
*******************
Rania
حفلة وأكل ببلاش؟ أنا جاي حااااااالا
*******************
فى الزمن دا انك تبقى عارف وفاهم اللى بيحصل حواليك بييب اكتئااااااااااب
ذكرت كل شىء
قد نمجد الله و نسبحه على الخليقه من خلال بساطه الحياة و قلوب صافيه
او من خلال تأمل و تفكير عميق
احب الى قلبى ان اترك كل شىء و احيا كمزارع فى قريتى الصغيرة
لكن مفيش رجوع يا مراكبى
كانت عن الجاهل و اللى فاهم بس جاهل
قصدى اللى عامل نفسة جاهل و اللى مش عايز يفهم
فاهمنى
أن تكون مفكرا واعيا يجب ان تملك مفردات المحارب، والذى يملك تقويم المعوج فى حياتنا بمأسيها وتناقضاتها وحروبها ولعناتها
ان تكون مفكرا هو ان تكون مثقلا بالهموم دوما وهذا هو حال العقلاء فى كل الامكنه والازمنه
ان تكون مفكرا هو ان تلازمك لعنه الفكر الا وهى ( عدم نوم الضمير ) التيقظ الدائم المستمر للضمير مما يثقل عليك وينغص عليك
دا حال العقلاء والمفكرين
نعمه التفكير تقتضى نقمه عدم الراحه
تحياتى لرؤيتك الفلسفيه الجميله دى
محمد فوزى
بتفكر قد تكون اكثر راحه .بس مش حايسعدنا
نكون زيها لان قيمه الواحد بتزيد كل مابيزيد علمه وقل رب زدنى علما
موضوعاتك جميله وبتخللى الواحد يفكر
يعنى تقول الراحه اننا منفكرش وتخلينا نفكر فى كلامك ده كلام
خالص تحياتى
هي متعة ظاهرية تسمى .. راحة البال
لكنها فقدت الجزء الأكبر من الإنسانية التي ميزنا فيها العقل
وليس أي عقل
بل العقل المفكر
تحياتي لعمق نظرتك وإن كنت أخالفها
:)
ولا يتمتع بهذه الدنيا في النهاية سوى الجهال
و قالها حكمة
كبر تعيش و الجهل النعمة و اللى يرفثها يعمى
قول ماثور عن عم بدوى السمكرى
أنا قلت أسلم عليك بس كده وأروح بسرعة بس حبيت أقول إني متفق معاك إلى حد كبير في موضوع إن التفكير هو أحد أسباب الشقاء الرئيسية
التفكير بكل أقسامه وأنواعه وتفريعاته وتنويعاته وتجلياته وخيباته هو سبب الشقاء
ومش بس سبب المأساة هو أنك تعلم
المأساة تكون أحيانا بسبب أنك تريد أن تعلم
ليس الجاهل في نعمة ولا لامثقف في نعمة
لان الجاهل سيكون جاهل بكل شئ حتي ابسط حقوقه بالحياة لا يعملها وكيف يعلمها وهو يحيا في جهل
اما المثقف فعليه عبء نشر ما يفهمة ويعلمة علي الناس
مع السلامة
طبعا إختلف الجميع على إن الجهل نعمة وألا لأ .. لكن الكل متفق على رأيك ده: انك تبقى عارف وفاهم اللى بيحصل حواليك بييبقى اكتئاب
منورة .. أخبار الكويت إيه؟
*****************
mariamagdolen new
أهلا وسهلا .. شكرا على المشاركة .. وموافقتك على كلامي
**************
Blank-Socrate
يااااه .. أمنية غالية إن الواحد يكون مزارع بسيط في القرية .. راحة ما بعدها راحة .. وأهمها راحة النفس
لكن ما عدش ييجي منه خلاص .. ماحدش عارف إمتى الرجوع .. زيي زيك
*******************
qwert anime
طبعا فاهم .. فاهم جدا .. أنا بأعز جدا الناس اللي بتعرف تستعبط دي .. إنت هتقوللي عليهم؟
******************
انا من اهوى ومن اهوى انا
ده إنت اللي كلامك كله فلسفة بجد .. خليني أستعي منك بعض التعبيرات الجميلة دي:
ان تكون مفكرا هو ان تلازمك لعنه الفكر الا وهى عدم نوم الضمير
نعمه التفكير تقتضى نقمه عدم الراحه
تحياتى لرؤيتك إنت الفلسفيه الرائعة
********************
klmat
أشكرك على الجملة دي اللي بأعتبرها إطراء جميل: يعنى تقول الراحه اننا منفكرش وتخلينا نفكر فى كلامك؟
هي دي مشكلتنا .. سواء الكاتب أو القارئ .. الإتنين واجعين دماغهم
تحياتى
*********************
النجمة الصامدة
أنا لست مخالفا لك .. أوافقك الرأي لكنني أستنكر حالنا فقط كمفكرين
أجمل ما في تعليقك هو التمييز بين العقل .. والعقل المفكر
أحييك على هذا التمييز الدقيق
*******************
اعشق فى اليل ضوء القمر
متشكر قوي على تعليقك الجميل ده .. وأنا معاك إن جملة الختام فيها ملخص وعمق كبير
********************
بيجاسوس المصرى
أنا بأحييك وبأحيي عم بدوي السمكري تحية جامده جدا .. وأنا من موقعي هنا بأدعوه إنه يفتتح مدونة لأقواله المأثورة دي
*******************
مُزمُز
ياسلام على الكلام الموزون .. أن تعلم .. وأن تريد أن تعلم .. كلها مآسي ندور في فلكها فعلا
منورني والله .. ليك وحشة كبيرة
********************
son's egypt
وعليكم السلام ورحمة الله وبركاته
كلام سليم .. لكن يظل العبئ على المثقف كبير .. فهو يقاوم الجهل .. ويقاوم المتعلمين الذين يريدون للعامة أن يعيشون في جهل
******************
السيد مجهول معروف المجهول
تعليق ظريف وفيه تنويعات لإستخدام العقل البشري .. حتى إسمك ظريف جدا
*******************
وانا اقول ان العلم نوع من الجهل ولكن بطريقة اخرى
كنصف الكوب الممتلىء ربما يجعلنا ندور فى فلك معرفتنا ونتغاضى عن الافلاك الاخرى
هو قناع اخر يجعل حياتنا تحمل أكثر من معنى وتخلو أيضا من المعنى
هل تفهم قصدى ؟ أم أن أمرى اختلط علىّ فإختلط عليك ؟
تحياتى
مدونة نيرفانا
عذراً سيدي ،،،،
فالجهل ليس معناه أنك لا تعلم شيئاً ولا تفهم لذا تعيش منعم بهذة الغيبوبة،، فالجهل من وجهة نظري هو إدعاء المعرفة وفهمها بطريقة تبرر سلبية وإتكالية مطلقة لهؤلاء الناس ، فلكل من هؤلاء فلسفته الخاصة في جهله وهو يحب هذا الدور في الحياة ويرضى عن نفسه تمام الرضى.
وهؤلاء الناس ليسوا منعمين كما تظن فالبهائم تنعم في الكون أكثر منهم ولكن الفرق بينهم وبين البهائم أنهم مكلفون ومسئولون عن ضرورة التفكر فيما يجري ، فالتفكر واجب شرعي وتحمل المسئولية والشعور بالهموم والتفكير في إزالتها تكليف ملزم للبشرية.
وصدق رب العزة حين قال " أولئك كالأنعام بل هم أضل ، أولئك هم الغافلون"
أرأيت أخي العزيز أن الغافلون هم أسوأ حالاً من البهائم ولم تكن غفلتهم مبرراً لعفو الله سبحانه ، لأنه لا تتسق الغفلة وطبيعة خلق وتكوين البشر، فالله لا يكلف نفساً إلا وسعها، وطالما أننا مأمورن بالتفكر فذلك ليس خارج قدرتنا وإلا لما أمرنا الله به.
لذلك نعيم الجهل هذا وهم لا وجود له وتلك الأمور لا يد لنا فيها وتحمد الله أنه لم يخلق لك مبرراً لفلسفة تقودك إلى قطيع الجهلاء.
أحمد عبد العزيز
موضوع جميل و عرض سلس للفكرة
--
خالص تحياتي
اوقات بكون الجهل نعمة واوقات بيكون نقمة
وكمان المعرفة نعمة لكن بيبقى ليها اوقات بسؤ تصرف بتبقة نقمة
بست مختلف وجميل
تحياتي
وعندى شوية ظروف كدة فى الدكتوراة مطينة عيشتى شوية اليومين دول
أسف جدا للإنقطاع الطويل
أوعدك قريب جدا حتشوفنى منور تانى
الا بعض ظروف الحياة تجبرك علية
اخبارك اية ياصاحبى
تحياتى
ده كلام كبير قوي يا دكتورة .. ومادام أنا فهمته كويس يبقى لازم أقلق على نفسي جامد
لكن بيني وبينك .. كل واحد فعلا بيكون إلى حد ما ملم بتفاصيل تخصصه ويجهل ما دون ذلك .. وأحيانا عمدا
نورتينا بعد غياب
********************
غير معرف
أحمد عبد العزيز
وعليكم السلام ورحمة الله
أسعدني رؤيتك هنا مرة أخرى بعد طول غياب .. كما سعدت بوجهة النظر الجديدة التي طرحتها في تعليقك .. إدعاء المعرفة وفهمها بطريقة تبرر السلبية
فكما تعلم ياعزيزي .. كل فرد لم يرتضى رزقه .. لكن الجميع إرتضى عقله!
والتكليف هو الفرق الظاهر والثابت والمعلوم فيما بيننا وبين الأنعام كما ذكرت .. وهو ما يفرض علينا أن نهتم ونفكر .. لكن هذا التكليف: متعب ومرهق للجسد والفكر .. وهو ما نناقشه هنا
دمت بخير
*********************
Hannoda
خمس دقايق وأجيلك .. لعله خير
*******************
على باب الله
أهلا وسهلا بك .. أشكرك على الزيارة والتعليق
********************
MKSARAT SAYED SAAD
عجبني في كلامك إن الإنسان ممكن بسوء تصرفه يقلب الشيء الحسن إلى سيء .. ودي حقيقة يا صاحب المكسرات
منور
*****************
أحمد المصري
ما هو إنت زيك زيي وزي كل اللي واجعين دماغهم من اللي بيكتبوا ويقروا وحاجات كده .. يبقى لازم تصبر نفسك ونفسي معاك كمان .. لكن الراحة بتكون في التفكير نفسه؟ أشك في دي
*******************
kaed
وإنت كمان ليك وحشه . .ربنا معاك في الدكتوراه .. إوعى تستلم زيي .. أنا إستسلمت وسيبت الموضوع من 10 سنين .. الدكتور كان مسود الدنيا في عينيا
تنور في أي وقت
***************
Tamer Nabil
حلوة دي بجد .. ظروف الحياة ممكن تجبرك على الجهل
ليك وحشة يا تامر .. إن شاء الله تكون بقيت كويس؟
************
و المفكر مرتاح
و مفيش حد مرتاح
و من رأي ان كل الناس في الدنيا مفكرين بس كل واحد مفكر في اللي يهمه
واحد مفكر في قوت يومه
وواحد مفكر في قوت يوم غيره
تصدقي وجهة نظر برضة .. كل واحد باصص لمشاكله هو وكأنها العالم كله بالنسبة له
ممكن فعلا
بس عارف..وعموما دا راي شخصي ليا برضه..لكن انا بحس ان تعب التفكير الذ واجمل من راحة الجهل...علي الاقل اغلب الوقت
يعني ف رايي الموضوع نسبي..
فيه حاجات بجد كنت اتمني اني اكون جاهلة جهل مركب ولا اني كنت اعرف حقيقتها..وحاجات تانيه ماقدرش اتخيل انهاتكون بتحصل من غير ماعرفها وازعل من نفسي لو اهملت التفكير فيها
تسلملنا افكارك ياباشمهندس
لا أنكر إننا زي ما قلتي كده بنقعد ندور وننكش وراء الأخبار والأحداث وبعدين بنغم نفسنا .. لكن يرجع الواحد ويقول إن المعرفة هي اللي بتميز الإنسان عن سائر المخلوقات .. وعن كتير من الناس كمان