Restart
مش هأتكلم عن حاجة جديدة .. هأتكلم عن حاجة بتحصل كل يوم وكل شهر وكل سنة .. وكل عمر.. ده على إعتبار إن فيه ناس بينكتب لها عمر جديد زي ما بيقولولنا .. هأتكلم عني وعنك وعنكم وعنكن .. حلوة "عنكن" دي؟
.
هأتكلم عن الواحد مننا لما يدخل كلية أو معهد وبعد ما تعدي سنة وألا إتنين يكتشف إن مش هي دي ميوله ولا طموحاته .. عارفين الواحد بيتمنى ساعتها إيه؟ بيتمنى ساعتها إنه يرجع بيه الزمن لورا ويبدأ من جديد في مجال دراسي جديد .. محتاج يعمل
Restart
.
لما الواحد مننا يتجوز ويخلف عيل وألا إتنين وبعد كده يكتشف إنه مش قادر يكمل حياته مع مراته ولازم ينفصل عنها بس المشكلة في الأولاد .. عارفين الواحد بيتمنى ساعتها إيه؟ بيتمنى ساعتها إنه يرجع بيه الزمن لورا ويبدأ من جديد مع إنسانة جديدة متوافقة معاه .. محتاج يعمل
Restart
.
لما الواحد مننا يدلع واحد من أولادة وبعد كده يكتشف إنه خلاص بقى ولد فاسد ومش قادر عليه .. عارفين الواحد بيتمنى ساعتها إيه؟ بيتمنى ساعتها إنه يرجع بيه الزمن لورا ويربي إبنه من جديد تربية متوازنة .. محتاج يعمل
Restart
.
لما الواحد مننا يفني نفسه في شغلانة معينة أو شركة محددة وبعد كده يكتشف إنه ما حدش مقدر تعب السنين والإخلاص وأكلوه لحم ورموه عظم .. عارفين الواحد بيتمنى ساعتها إيه؟ بيتمنى ساعتها إنه يرجع بيه الزمن لورا ويختار إنه يشتغل شغل خاص أو يشتغل مع ناس تقدره بجد .. محتاج يعمل
Restart
.
عارفين إيه الشيء الأسوأ من كل الحاجات اللي قلتها دي إيه؟
إن البني آدم ما ينفعش نعمل له
Restart
.
.
على الهامش
ياللى بتسـأل عن الحياه .. خـدهـا كـده زى مـاهي
.
هأتكلم عن الواحد مننا لما يدخل كلية أو معهد وبعد ما تعدي سنة وألا إتنين يكتشف إن مش هي دي ميوله ولا طموحاته .. عارفين الواحد بيتمنى ساعتها إيه؟ بيتمنى ساعتها إنه يرجع بيه الزمن لورا ويبدأ من جديد في مجال دراسي جديد .. محتاج يعمل
Restart
.
لما الواحد مننا يتجوز ويخلف عيل وألا إتنين وبعد كده يكتشف إنه مش قادر يكمل حياته مع مراته ولازم ينفصل عنها بس المشكلة في الأولاد .. عارفين الواحد بيتمنى ساعتها إيه؟ بيتمنى ساعتها إنه يرجع بيه الزمن لورا ويبدأ من جديد مع إنسانة جديدة متوافقة معاه .. محتاج يعمل
Restart
.
لما الواحد مننا يدلع واحد من أولادة وبعد كده يكتشف إنه خلاص بقى ولد فاسد ومش قادر عليه .. عارفين الواحد بيتمنى ساعتها إيه؟ بيتمنى ساعتها إنه يرجع بيه الزمن لورا ويربي إبنه من جديد تربية متوازنة .. محتاج يعمل
Restart
.
لما الواحد مننا يفني نفسه في شغلانة معينة أو شركة محددة وبعد كده يكتشف إنه ما حدش مقدر تعب السنين والإخلاص وأكلوه لحم ورموه عظم .. عارفين الواحد بيتمنى ساعتها إيه؟ بيتمنى ساعتها إنه يرجع بيه الزمن لورا ويختار إنه يشتغل شغل خاص أو يشتغل مع ناس تقدره بجد .. محتاج يعمل
Restart
.
عارفين إيه الشيء الأسوأ من كل الحاجات اللي قلتها دي إيه؟
إن البني آدم ما ينفعش نعمل له
Restart
.
.
على الهامش
ياللى بتسـأل عن الحياه .. خـدهـا كـده زى مـاهي
فيها إبتســامه وفيها آه .. فيها أسـيه وحـنيه
يـامـا الحياه فيها .. اللى بيشــجيها
واللى بيرضيها .. واللى يقاســيها
الدنيا ريشه ف هوا
واللى بيرضيها .. واللى يقاســيها
الدنيا ريشه ف هوا
طايره بغير جناحين
تعليقات
undo
وجملة بتقول
there is no such thing in life
هوه طبعا ماينفعش نعمل للإنسان restart
لكن مش في كل حاجة...انا فكرت كتيييير أعيد ثانوية عامة وادخل كلية تانية عادي كان ممكن لكن بشوية إرادة
بس اختصرت وعملت دراسة بعد التخرج لمدة سنة وباشتغل بيها حاليا
الأهم من وجهة نظري..الrestart
بتاع الوقفة مع النفس..يعني الواحد كل فترة كده يعيد حساباته مع نفسه غلط في إيه؟ وضيع وقته في حاجات تستاهل ولا لأ ...معايا يا باشمهندس ولا؟
تحياتي واعتذاري للرغي
:)
بصفتى واحدة من عنكن ... أحب أقولك إن الكلمة دى متنفعش ابدا ...
لو ينفع ترجع بالزمن لورا و تمسح حاجات بايخة تعمل أيه فى الحاجات الحلوة اللى كانت معاهافى نفس الفترة ؟؟
أنا مثلا لايمكن أعمل restart أبدا رغم كل البلاوى اللى حصلتلى حتى الآن ..
عارف ليه؟؟
عشان دا معناه إن يوسف هيروح مع كل حاجة و موش هيبقى فى حياتى أبدا
و دى كارثة لا يضاهييها أى راحة بال مكتسبة
تحياتى ليك يا نبع الحكمة
restart
انا اعمل
delate
لحياتي واختفي من الوجود
تحياتي
ملخص ان حتى لو الواحد عرف فى يوم يعمل ريستارت هنعمل نفس الى عملناة فى الماضى لان....
لان مش عارفة بس لان هى كدة
جميلة كالعادة .
فيها إبتســامه وفيها آه .. فيها أسـيه وحـنيه
هى دى الحياة ما ينفعش تبقى دايما مثالية
بس معاك ان الواحد ساعات كتير بعد ما يتورط فى حاجة يلاقى نفسة مش قادر يخرج منها ومضطر غصب عنة يكملها لانها كانت اختيارة . بس لما بيبص للناحية التانية هيلاقى ان فى فوايد حصلت بس هو مش واخد بالة منها
الخلاصه
إن الحياه بحلوها ومرها
تبقا حياه
بقسوتها وحنيتها تبقا حياه
الشاطر بقا
إللي من الأول يعرف إنه حيتاكل لحم ويترمي عظم
ولإنه ما إتدلعش طلع راجل وقد كلمته
جدع بمعنى أصح يقوم يربي إبنه بنفس الطريقه إللي إتربي بيها
المهم حمد لله على سلامتك
end
:):):)
that's the right combination
علشان تطلع لك ويندو جديدة تقدر تتحكم من خلالها شوية..شوية مش كتير
بس ساعات مش بيقى كافى ال
restart
يا باش مهندس
ساعات الحياة بتهنج
وبتبقى محتاج تنتزع مفتاح الباور
والله اعلم
انا موافقك اوي علي اول واحدة بتاعت الدراسة دي
بس للاسف مينفعش نعمل ريستارات
ده انا عندى امل فى ال
restart
بس على فكرة ال
restart ده مش بيلغى كل حاجة
بيلغة خطوة خطوتين
وبعدين لو هنعمل كده
هيبقى يعنى ايه ذكريات و حكاوى و حياة و معاناة و فرحه بعد تعب و تعب بعد شقا و حاجات كتيييييييييييييير اوى اوى
بص بقولك ايه
انا زى القرع بمد لبره بنصح الناس كويس وانا زى خبيتها
بس بجد اعمل refersh احسن
:)
ولو حد مزعلك قول بس حتى لو كانت الحاجة و هاخدلك حقك
:)
يمكن لوعملنا لكل حاجه مش عجبانا
restart
تطلع اسوء من الاول
الاغنيه جميله جداوبجبها بصوت
محمد منير
بالنسبه للكلية والمعهد
مين قال: تقدر تعمل دراسات حرة في حاجات كتيرة بتحبها
بالنسبه للزوجة او الزوجة
يقدر الواحد فيهم يعمل ري ستارت وتغيير شكل العلاقة سواء من منظور عين النملة ولا حتى من منظور عين الطائر
للأسفالرجل يتعامل مع إمرأته زي سيارته بالضبط يفضل قبل ما يشتريها يبص على كل حته فيها على كل سينتي متر فيها مبهورا بتصميمها وبإنحناءتها ويظل ينظر إليها من كل جهة وهو مفتون بها ويتمنى اقتراب وقت تملكه لها وبعد أن أصبحت في يده وملكه تجده يملها لانه لم يعد يتأملها مثل ذي قبل ويبدأ في تأمل غيرها وقد تكون أقل جمالاً وذلك لأنه أقلع عن تأمل زوجته مثلما كان يحدث من قبل الارتباط
مع اعتذاري للنساء في وجه الشبه
بالنسبه للعمل انت أديت ما كان يجب عليك أن تؤديه سواء أثنوا عليك أم لم يثنوا وأنت هل راضي أم غير راضي عن ما أديته
على العموم الانسان محتاج كل فترة يعمل
refresh
في علاقته مع نفسه
في علاقته مع الأفراد
وفي علاقته مع الأشياء
وفي علاقته مع الوقت
موجودة فعلا بس مش بالمفهوم دة
بتبقى موجودة عندى بعد كل مرحلة
تقدر تقول تفكير او تحليل
بس للاسف مش بقدر اغير حاجة
اصل اللى حصل
اتحزن خلاص على هارد ديسك حياتى
تانيا استأذنك حطيت لينك للبوست ده عندي فوق كده علي جنب عشان زواري تتابعه
تالتا
الريستارت فكرة عبقريه بس اللي يحسبها صح وفي الاخر في توفيق ربنا سواء في عمل او دراسه او زوجه لم يخلقنا الله قطارات علي قضبان
المهم تحسبها صح
احيانا بقا تطلع اوت ودي تبقا مصيبه تسيب شغلك عشان شغل احسن لا تحصل ده ولا ده تغير مراتك عشان عينك زاغت علي واحده اتوهمت انها احسن تقوم تطلع ما تسواش ضفر مراتك وكمان ناتج عملك يحصده اخرون زي الاطفال
في ناشس مهووسه بالريستارت كل شويه
ويسبوا وراهم ضحايا ربنا يحفظك من النوع ده وكل بايد ربنا في الاخر
فكرة تحفه
تحياتي
في حاجات كتير في حياتنا محتاجه ريستارت وحاجات تانيه محتاجه اكتر لديليت
هكذا الحياة بها كل شئ
الحزن الفرح
ديه طبيعة الحياة
ولازم نتعود علي كده
كلنا - المؤمن فينا والعاصي - هنتمنى نعمل ريستارت
بس هينفع بإيه الندم ؟
أنت عارف حتى كل إللى أنت قلته مينفعش نعمله ريسيت
فمابالك بأكثر المخلوقات تعقيدا
منبع الحكمه دايما يا مركبى
أنا أول واحد معاك ومع الإعلان ده .. مافيش فعلا كده في الحقيقية
*******************
maii bahaa
اللي إنتي عملتيه ده إسمه
Modify أو Edit
الوقفة مع النفس هي الخطوة الصحيحة اللي لازم فعلا نتبعها .. لكن طبعا مش هتوصلنا لإعادة البدء من جديد مهما حصل
إرغي عنا زي ما إنتي عايزة .. البيت بيتك
*****************
fatima
إنتي اللي بقيتي حكيمة على فكرة .. فعلا الريستارت ده هيمسح معاه الحاجات الحلوة اللي في حياتنا كمان .. وده ما حدش فينا يحتمله على فكرة
أقولك حاجة تاني .. راجعي الأغنية اللي في الهامش .. فيها نفس المعنى اللي قلتيه بالظبط
تحياتي الغالية ليكي
******************
مـحـمـد مـفـيـد
ده شرف ليا إني خليتك تفكر على فكرة .. إنت هتخليني أفكر أنا كمان كده
*******************
A.SAMIR
يا راجل ما تقولش كده .. هتنتحر بزرار كيبورد؟ هههه
لازم نواجه .. قدرنا كده .. لازم
********************
يقول أنى امرأة
حتى لو الواحد عرف فى يوم يعمل ريستارت هنعمل نفس الى عملناة فى الماضى؟
تصدقي بقى إن الكلام ده صح بجد بحد .. بس أنا بقى عارف ليه إنه صح
******************
jehan
أي حاجة الواحد بيدخل فيها بيبقى إتورط فيها خلاص .. حتى لو خرج منها .. مش هيخرج من ذكرياتها
هي الدنيا كده
******************
loumi
أولا الله يسلمك .. ولو إني مسافر تاني كمان كام يوم .. حياتي كلها كده
ثانيا .. الله ينور عليكي إنتي .. هي الحياة كده .. الواحد لازم يتحملها بحلوها ومرها .. وهي في الأول والآخر دار إختبار مش أكتر لحد ما تيجي ال
end
منوراني
*******************
بثينــــــة
ctrl+alt+delete
أنا فعلا كنت منتظر الإجابة دي من حد .. لأني كنت ناوي أعمل البوست بالعنوان ده فعلا
توارد أفكار ده وألا إيه؟
أنا نفسي من زمان أنتزع مفتاح الباور ده .. نفسي أفصل شحن شوية
هي الباشمهندسة غيرت التخصص للكهربا ايومين دول؟
**************************
Amr Ahmed
يعني حتة الدراسة دي اللي جت على الجرح؟ يبقى لسه الحاجات التانية بقى عليها الدور
حاول إنك في يوم ما تقولش إنك محتاج ريستارات
***********************
شيمـــــاء
الذكريات و الحكاوى و الحياة و المعاناة و الفرحه اللي بعد تعب و التعب الليب عد الشقا .. هي دي كلها الحاجات اللي بتمثل خبرة وروح وكيان الواحد مننا .. ومش ممكن الواحد مننا يتنازل عن ده كله ويعمل ريستارت
أما بقى موضوع نصيحة الغير ده .. فأنا أوحش منك بكتييييير .. بأقدر أنصح وأصلح في الناس وأنا باب النجار مخلع ومافيش باب أصلا
خلينا في ال refersh احسن .. والحاجة مراتي أجدع ناس
******************
الساحرة
فعلا .. ماحدش عارف هل الدنيا هتكون أجمل وألا لأ لو عملنا ريستارت؟ الله أعلم
أنا بحب الأغتية دي بصوتي أنا كمان .. ههههه
**********************
حسن ارابيسك
أنا بحب ال Refresh ده جدا على فكرة
طبعا إنت طرحت حلول للموضوع وفيها جزء كبير من المنطق .. لكن زي ما أنا قلت .. مش هتلغي أي ذكريات سيئة سابقة .. ولا هترجع العمر اللي ضاع
**********************
واحد مش فاهم حاجة
هو ده اللي عايز أقوله .. اللي حصل حصل .. وإتخزن على الهارد ديسك اللي ما ينفعش نعمل له
Format
منور
*******************
بنت القمر
المجونة كلها تحت أمرك .. ده شرف ليا ودعاية جامدة جدا ليا
لو حصل فعلا وكان ممكن الواحد يعمل ريستارت .. فزي ما قلتي بالظبط .. فيه إحتمال إن الخسائر تكون أكبر بكتير من الواقع اللي ما كناش راضيين بيه
ياريت الواحد كان يعرف يحسبها صح .. كان الواحد كل شوية عمل ريستارت
**********************
hend...hanady
إحنا شعب قاصر ولازم يفرضوا علينا الوصاية .. تعيش الحكومة .. أنا مع الحكومة وضد الريستارت ده
*******************
خمسة فضفضة
وعليكم السلام ورحمة الله وبركاته
طيب ال ريستارت ماشي .. لكن وصلت كمان لل ديليت؟ ربنا يسترها علينا
***************************
son's egypt
وعليكم السلام ورحمة الله
هي الحياة كده .. حلوة ومرة في نفس الوقت .. أنا إتعودت على كده فعلا
************************
طـعـمـة
يوم القيامة ده بقى قصة كبيرة قوي .. ريستارت إيه اللي هيكون في اليةم العصيب ده؟
كل إنسان بيتمنى ساعتها إنه يرجع يبدأ من جديد .. بس بعد إيه؟ ما خلاص
ربنا يعافينا
******************
أعشق في الليل ضوء القمر
أنا عارف طبعا إني بأناقش فكرة مستحيلة .. لكن أهو بنحاول نحلم .. مجرد حلم
متشكر قوي على إطراءك
********************
انت بالظبط كتبت الي انا حاسه بيه
و اللي انا ترجمته في بوستايه بس بأسلوب تاني
بس تصور ان الواحد فعلا مينفعش يعيد
و قال علي رأي السيده ام كلثوم
قول للزمان ارجع يا زمان
يا سلام عليك يا مراكبي علي طول ممتعنا ببوستاتك الكميله
فاحنا ممكن نبدا من جديد
وفي الاخر برضو هتكمل لان الرحلة لها نهاية ولازم تكمل
هي الحياة كدة بحلوها ومرها تعرف حتي لو قدرنا نعمل ريستارت مش هيعجبنا وضعنا
انت واحشني جدااا يارب تكون بخير انت والعيلة كلها
يبقى لازم نحاول من جديد
لعل و عسى نصلح الى غلطنا فيه
تحياتى
انت قلت الحل ياللى بتسأل عن الحياه
خدها كده زى ماهى
بس نحاول نتكيف معاها ونسعد بهاحتى
تكون حياتنا اجمل لكن لو تبرمنابرضوا
مافيش رجوع لكن مع كآبه
الفكره هايله
خالص تحياتى وتقديرى
انا لما دخلت حقوق قلت ياريتنى كنت دخلت تربية بعد سنتين من حقوق
لانى ملقتش نفسى فيها
بس اضطريت وكملت
ياريت فى ريستارت
الحمد لله لسة متجوزتش
خايف يحصل كدة لما اتجوز
هتبقى المشكلة اكبر
ربنا يستر
وربنا يرزقنا الزوجة الصاحة
doha
أيوااااه .. قول للزمان ارجع يا زمان .. ومش هيرجع أبدا
متشكر جدا على الإطراء الجميل ده
*********************
بالله المستعان > رؤية
ممكن نببدأ من جديد .. لكن مش ممكن نلغي كل الحاجات السيئة اللي كانت مصاحبة للي حصل في الماضي
*******************
كراكيب عادل
إنت اللي واحشني جدا .. شكلك كده كنت عامل الستاند باي اللي بتقول عليه ده .. فينك يا راجل؟
أما الرحلة .. آه .. لازم هنكملها بحلوها ومرها .. لازم
******************
Rania
لعل وعسى نصلح اللي غلطنا فيه؟ ممكن من الناحية الشكلية .. لكن النفسية .. لأ
منورة
*****************
klmat
وعلكم السلام ورحمة الله
هي الفكرة كلها مصيدة من كل النواحي .. كل وجه ليها فيه الكويس والوحش .. الكمال لله وحده
أشكرك على إطراءك الجميل ده
*******************
رينـــــــــــا
إمسك .. عايزة تعملي ريستارت لإيه بالظبط؟ إعترفي
*******************
مدحت محمد
أشكرك على الإطراء
الجامعة مش مشكلة .. جات سليمة .. المهم إنك لسه بخير وما إتجوزتش .. هههه
ربنا يكرمك إن شاء الله
أينعم الانسان ما بيتعملوش ريستارت
بس بيتعملوا ريفريش
*_*
بوست جميل أوي
تسلم ايدك
Restart
دي فعلا المشكله اللي مالهاش حل
أعتقد اننا لازم ناخد بالنا من الأول ونفكر كويس قبل كل خطوة
repair
Recrystallize
recreate
Recycling
:)
قرار الثانويةا لعامة واعلمي والادبي
ان الواحد في سن تقريبا 14 او 15 سنة
بيقرر الشغلانة اللي هيفضل طول حياتة يلف فيها زي التور في الساقية لحد ما يموت
بالزمة ده سن الانسان يقرر فيه مستقبل الوظيفة بتاعته
وقرار ورا قرار
والواحد بيلاقي نفسه ستين سبعين سنة
وميعرفش ايه اللي اختارة من اليل اللي انضحك عليه فيه وافتكر انه ال ايه اختاره
------------
وانت ازيك دلوقتي :)
مش عارفه اقولك ايه
بس يمكن كلامك او كلمه ريستارت
دى حلم بعيد اوى عن عنيا
بجد ياريت الزمن يرجع تانى
وياريت احلامنا بتحقق كلامك مع انه بسيط الا انه بيمس جرح كبير
مشكور
اختك
need love
عشان نفسي اعمل لحياتي كلها ريستارت
افكارك داءما مختلفه و مبدعه تحياتي
لانه تقريبا كان عندى حالة فى المستشفى بنفس المواصفات
بس دى كانت عايزة فورمات فعملنا لها اسكاننج
وحالتها طلعت بسيطة
ابقا عدى على مدونة سيكولوبيا واقرا اول بوست
اول منشرته اتعمل حلقة فى الاذاعه
وانعادت الاثنين اللى فات اعتقد
كمان فى مدونة نيرفانا بوست هناك
يهمنى رأيك فيه
نهارك سعيد
واتمنالك كل الخير
انا حاليا بعمل ديليت delete لحاجات كتير
للى فات
وللحب بس الحب بيطلعلى error مش راضى يتدلت خالص ومش قادر ادلته
واعتقد ان حالتى مش نافع فيها ريستارت خالص
محتاج اغير ال mother board بتاعتى
فكرة البوست تحفه بس جتلى على الجرح
ادعيلى يا كبير
تحياتى واحتراماتى
ان البنى أدم يرفض ويندم على السيناريو اللى بدأت منه ال
start
دى
ومش يستغل كل جملة مرت بيه فى السيناريو ده
ويبقى عاوز يعمل
Resatart
بتوجع يا مراكبي
المشكله كلها في عنصر اسمة الاختيار
ودة اللي بيتحكم فيه ثقافتنا وخبراتنا وللأسف اكتر بيتحكم فيه اولياء امورنا هي عباره عن دائرة هنفضل نلف فيها ولما يجي علينا الدور بردة هنختار مصير لأولادنا ممكن يكون غصب عنهم ولما بنكبر ونقدر نختار يجي دور التفكير السليم والخبرة ودة مش متوفر عند ناس كتير خلاصة القول مفيش هويه لطبيعة اختيارنا نقدر نحكم من خلالها ازاي حياتنا تمشي
تحياتي
ماينفعش يتعمل للأنسان restart
,وصدقنى لو ينفع برضه مش هيكون راضى
رب ارزقنا الرضا
أحييك علي المقال .. فكرته جميلة فعلاً
turn off
يا ترى دى ممكن تحصل ازاى
خلاص .. شاوري إنتي بس على زرار الريفرش ده وإحنا نشغله فورا
هههههه
متشكر على ذوقك .. أهلا بيكي
*****************
esraa
أنا معاكي إننا لازم نفكر كويس قبل كل خطوة .. بس لو عملنا كده وطلع تفكيرنا كان غلط .. نعمل إيه؟ هي دي المشكلة بجد
*****************
Blank-Socrate
ياريت .. ياريت .. إيدي على كتفك
***************
أحمد سلامــة
وجهة نظر برضه .. فعلا القرار في السن ده بيكون مصيري وما فيش عندنا ساعتها النظرة الشاملة الحكيمة .. بس ده عندنا بس .. لأن في البلاد المحترمة بيكون فيه نظم تعليم بتختيبر الميول والقدرات وبتخلق جيل قادر على الإختيار السليم في السن المبكر ده
أنا لمست الكلام ده بنفسي بجد .. بس برة مصر طبعا
أنا عامل إيه؟ مفحوت مفحوت مفحوت .. لأني قررت برضه في سن 14 سنة .. ههههه
*****************
need love
وعليكم السلام ورحمة الله
أنا متأكد إن الكلام ده بيمس جرح عند كل واحد مننا بشكل أو بآخر .. هي دي الحياة بجد .. وهو الإنسان كده .. زكلنا هذا الإنسان
أهلا بيكي ونورتينا
****************
دنــــيــــــا مـحـيـرانـي
وبعدين بقى في الإحراج ده؟ عايز أعمل ريستارت ومش قادر .. بس ما تسألينيش عايز أعمل ريستارت لإيه علشان الإحراج
لو تعرفي تعملي ريستارت .. توكلي على الله .. لو تعرفي يعني
متشكر جدا على إطرائك الجميل ده
****************
nirfana
آه .. أنا دايما بأقلق من الأطباء النفسيين علشان بيعرفوا يطلعوا اللي جوه الواحد
هآجي المدونة عندك أشوف إيه أخبار الحالة دي .. جايز نطلع منها بحاجة تنفعنا في حالتنا إحنا كمان .. ههههه
نورتي
****************
مين بس اللي يدعي للتاني .. أنا محتاج للي يدعيلي أنا
إذا كان موضوعي ده جه على الجرح عندك قيراط .. فأنا 24 قيراط
خلينا نحلم سوا غن فيه حاجة إسمها ريستارت .. ولو إن مافيش
كفاية علينا الحلم
منور
*********************
همسات
إمممم .. كلام جميل .. يعني بدل ما نندم ونحلم إننا نعمل ريستارت .. نحاول نتعلم من اللي فات لما نبدأ حاجات جديدة .. صح كده
أحييكي
***************
ادم المصري
عارف .. بجد عارف .. أنا كمان موجوع
يارب يكون مشروعك ماشي كويس
****************
MKSARAT SAYED SAAD
برضه وجهة نظر
الآباء بيتحكموا في حاجات كتير جدا جدا وإحنا بحكم التربية والمجتمع بنستسلم لهم وبنطبق ده على أولادنا كمان .. والآباء ما إتربوش من صغرهم على التفكير وحرية الإختيار فبالتالي ما بيوفروش ده لأولادهم .. فاقد الشيء لا يعطيه
تحياتي
*****************
ا بـن عــمــر
الرضا يا عزيزي هو مفتاح السعادة الحقيقية .. الرضا هو الشيء اللي ممكن يخلينا ما نفكرش أبدا في الريستارت
منورني
******************
واصطنعتك لنفسي
إنتي اللي فكرتك جميلة فعلا .. عجبتني جملة ال Restore لأحلي فترات عمره
واضح إن كلنا عندنا أحلام مش ممكن تتحقق
نورتي
****************
حزيــــــــــــــــــن
ومستعجل ليه بس؟ هيحصل هيحصل .. عيش أيامك وتعايش معاها .. إن شاء الله كله يبقى خير
بيتهيالى ان فى حجات فى دنيتنا دى ينفع نعلمها بجد restart
والانسان هو الوحيد اللى بيكون قادر على ان يعمل ريستارت
بس دا بيعتمد على قدرة الانسان فى فهم نفسه ويفهم هو عايز يكون ايه ويروح فين
تحياتى لدماغك :)
فكرة الربستارت نفسها قد تكون فعلا قابلة للتطبيق .. لكن زي ما أنا قلت قبل كده إن الذكريات المصاحبة للفشل السابق لا يمكن ننساها ومش ممكن تروح لو عملنا ريستارت
منورة
ان الريستارت بعد شويه صغيرين خالص بيبقي محتاج تاني ريستارت
المشكله ان كل اللي بنتصوره ثابت وخلاص خلصنا منه وانتهينا ، بنرجع نلاقي روحنا ماانتهينهاش منه ولا حاجه
يعني هي بصراحه مشكله فلسفيه عميقه جدا
التقبل والرضا والريستارت !!!!
الانسان بقي غلبان جدا لا ريستارت ولا اي حاجه ، يهنج يعطل يخرب يترمي من الشباك مالوش ريستارت
" ياريتني كومبيوتر !!!!!!!!!!"