شد القلوع يا مراكبي ... مافيش رجوع يا مراكبي

الجمعة، مايو 23، 2008

إنكم ستصنعون المستقبل

الحدث لم يكن هو حفل توقيع الكتاب الأول من مدونات مصرية للجيب في حد ذاته .. لكن الحدث من وجهة نظري الشخصية هو ملامح بدأت تضح على طريق النضج التدويني عما قريب .. وما يستتبع ذلك من أمل في التغيير لهذا المجتمع في يوم ما .. إنه أول الطريق الطويل .. والذي أكرر أنه طريق طويل جدا
.
فالملفت جدا للنظر في هذا الحفل أنه قد حضر الحفل هذا العدد الضخم من المدونين بغض النظر عن أنهم قد نشر لهم موضوعات في هذا الكتاب أم لا .. من الملفت أيضا للنظر هو الحرص الغير عادي على أن يتعرف المدونون على بعضهم البعض بعد أن إختبأوا طويلا خلف شاشات الكومبيوتر .. من المدهش أن يكون هناك جنودا مجهولين ساهموا في إنجاز هذا الكتاب دون أن ينتظروا أي مردود على ذلك .. من الرائع أن يبحث البعض عن مدونين بعينهم ويحزنون لعدم حضورهم .. إنها البدايات المبكرة لنضج المجتمع التدويني
.
وكما أشرت في كلمتي المتواضعة التي شرفت بإلقائها أمام الحضور .. فإن المدونين بحق هم نواة الطبقة الوسطى المثقفة بشكلها الحديث في عصر سيكون فيه التأثير الأكبر على هذا المجتمع من خلال الإنترنت الذي سيتفوق على وسائل الإعلام الأخرى شيئا فشيئا كلما تقدمت السنين
.
سعدت جدا بالتعرف على هذا العدد الكبير من المدونين .. سعدت أكثر بأن تكون الفئة العمرية الغالبة هي ما دون الثلاثين عاما .. وإندهشت جدا من إحساسي بأنني قد قابلت الجميع قبل ذلك رغم أنها المرة الأولى التي أراهم فيها .. حاولت اليوم أن أعتصر ذاكرتي كي أدون هنا أسماء جميع من شرفت بلقائهم بالأمس لكنني خشيت أن أنسى أحدا ..لذلك آثرت أن أشير إلى المدونات التى قامت بتغطية الحدث حتى حينه .. وهي تحتوي على معظم أسماء الحضور .. على أمل أن ألقاكم مرة أخرى على خير
.
أفكار حرة لتامر نبيل
ربة السيف والقلم لشمس الدين
الصراحة خنقة لشيماء
روح قلب ماما لفاتيما
بيكيا روبابيكيا لهاني جورج
إمتداد عقلي في العالم السحري لرضوى أو دودا

التسميات:

43 Comments:

Blogger إنـســـانـة said...

بجد سعدت جدا بلقاء حضرتك وبجد اتشرفت انى اعرف ناس محترمة ومثقفة ومبدعة كدة

ما شاء الله لا قوة الا بالله


المهم بقا .. وصلت سلامى لأم مها؟؟
:D

الجمعة, مايو 23, 2008

 
Blogger بثينــــــة said...

عزيزي المراكبي
أنا طبعا خارج الأحداث لظروفي الخاصة ويمكن دي أول مرة أعلق علي الموضوع بعد عبوري حالة الاكتئاب الناتج عن عدم مشاركتي
بس حقيقي أنا سعيدة للحدث نفسه
لوجود رغبة وإرادة عند البعض لتحقيق حلم والإصرار علي ذلك للنهاية
مبروك للمدونين جميعا الكتاب الأول وأتمني دوام التوفيق لكل فكرة تدفع للتنوير وتحقيق الأحلام
الحفل واضح انه كان رائع
كنت في توقيته حاسة اني معاكم
واستنيت علي الفيس بوك وبلوجر علشان تحكولي
وحصل
وحسيت أد اية كان لقاء جميل واجمل ما فيه الروح الحلوة النقية والحب اللي حسيته من كلامكم
وحمدالله علي سلامتك

السبت, مايو 24, 2008

 
Blogger karakib said...

كنت سعيد جدا اني شفت حضرتك :) فعلا فرصة حلوة اوي

السبت, مايو 24, 2008

 
Blogger أحمد كمال said...

كانت لي نفس الملاحظة أيضا في تعليقي على الحدث في رحايا العمر ، و هو أني أحسست أني أعرف عدد من اللذين قابلتهم من قبل ، و من ضمن من ذكرتهم بالإسم حضرتك .

كان شرف لي أتعرف عليك ، و كانت فرصة جميلة أن نجلس معا فترة كبيرة من الحفل :)

السبت, مايو 24, 2008

 
Blogger أحمد كمال said...

نسيت أقول إن مدونة لماضة بها مجموعة كبيرة أيضا من أسماء الحضور ..

السبت, مايو 24, 2008

 
Blogger مـحـمـد مـفـيـد said...

الاستاذ العزيز
كم اسعدني الحديث معك والتعرف عليك أكثر
كم انت شخص اكثر من رائع
ادام الله بيننا الود والتواصل

السبت, مايو 24, 2008

 
Blogger شــــمـس الديـن said...

معلش يا باشمهندس انا هوجه كلامي لانسانة و هرجع تاني

انت يا بنتي كنت موجودة !!!!

انا حاسة اني كنت زي الشبح روحت و جيت ولا شوفت حد !!!

باشمهدنش القاضي

و الله العظيم بجد رغم اننا لم نتبادل سوي كلمات بسيطة - و اعتقد انك مش فاكر شكلي اساسا - لكن فعلا حسيت اني اعرفك و بيني و بينك انت ليك هيبة ارستقراطية جميلة اوي اوي اوي كأني بكلم برنس او رجل ديبلوماسي

ماشاء الله عليك انك تيجي من جده لحد هنا علي الرغم من انك عايش علي الطيارة زي ما بتقول لكن جميل انك تيجي

دا اول متجمع حقيقي يكون بالمنظر الجميل دا

اول تجمع للمدونين الحقيقيين - مش المفروضين علينا
و بجد دي اول مرة الاقي نفسي في وسط راقي جدا فكريا و ثقافيا من فترة طويلة اوي اوي اوي

و اعتقد ان دا شعورنا كلنا لان غالبا احنا منعزلين فكريا عن اللي حولينا و كلنا مختلفين عنهم ...

مهما قولت او عديت لن استطيع نقل مشاعري كاملة

بس بجد

حضرتك كنت النجم اليوم دا :) كلنا شوفناك

السبت, مايو 24, 2008

 
Blogger امرأة تقول الذي لا يقال said...

أكرر
لعن الله الامتحانات واللي اخترعوها كمان

السبت, مايو 24, 2008

 
Blogger لماضة said...

والله كنت سعيده جدا اني شفتك يا حمايااااااااا
ولو مجوزتنيش ابنك هرتكب جريمه واموت رئيس الوزراء
وممكن اخده اهرب بيه جوا مصر

السبت, مايو 24, 2008

 
Blogger Tamer Nabil said...

اجمل ماهون عليا بجد انى شوفت اغلى ناس عليا

وطبعا ياصاحبى انت منهم

وسعيد بجد انى شوفتك وسلمت عليك

بجد حسيت انى اعرفك قبل كدة
وكان نفسى اكلم معاك اكتر بس ظروفى الصحية

الحمد الله على كل شىء

تحياتى

السبت, مايو 24, 2008

 
Blogger Nsreen Bsunee said...

مش قادره اوصفلك سعادتي بالنشر الورقي لحضرتك كانت قد ايه
وايه ده يا عم احمد يا قاضي باشا فى الصور خالص حاجه كده نجيب محفوظ جمال الغيطاني طلتك فيها هيبه كده والله
الف الف مبروك يا استاذنا وعقبال الروايه الطويله باذن الله
وماشاءلله لا حول ولا قوه الا بالله على حضرتك وحمدلله على السلامه
:))

السبت, مايو 24, 2008

 
Blogger المـــفـــــــقــــــــوعـــــة مــرارتـهــا said...

عقبال الحفلة الجاية
وياريت تبقي منظمة أكتر من كدة
عشان نقدر نتكلم أكتر ونتعرف علي بعض أكتر
تحياتي

السبت, مايو 24, 2008

 
Blogger قوس قزح said...

انا اول ما شوفت حضرتك عرفت على طول و لك هيبة غريبة
بس للاسف معرفتش اسلم عليك لان المكان زحمة و واضح ان حضرتك جيت بدرى و اخدت ركن بعيد فى الاول
المرة الجاية ان شاء الله

و انا من اللى غطوا الحدث فين اسمى بقى :(

سعيدة انى شوفت حضرتك :)

السبت, مايو 24, 2008

 
Blogger فاتيما said...

عم مراكبى
يا نبع الحكمة
أنا مبسوطة إن اللقب اللى بناديك بيه من شهور و أيام طلع بينطبق عليك فعلاً ...
و زى ما تامر نبيل قالك إن اللى يشوفك يحس إنه يعرفك قبل كدا
و زى ما قوس قزح قالت إن لك هيبة كدا
بس هيبة بحنان و دفء موش خوف و توتر
كان نفسى فعلا يكون فيه نظام أكتر و نعرف نتكلم معاك أكتر
و بحقد على الأستاذ أحمد كمال عشان عرف يستحوذ على الكرسى اللى جنبك و أستمتع بصحبتك فترة طويلة ...
بهزر يا أستاذ احمد ...
و تحياتى يا نبع الحكمة
أنا محظوظة بإنى عرفتك فى حياتى

السبت, مايو 24, 2008

 
Blogger محمد عبدالحي السيد يوسف said...

و الله على قد ما اندهشت أنك جيت مـ السعودية علشان الحفل ، على قد ما فرحت أما شفتك
ولو كان هوة ده الحفل بالنسبالي كان كفاية

سلامي ليك و نتقابل تاني على خير

السبت, مايو 24, 2008

 
Blogger محمد عبد الغفار said...

جد جد

سعدت برؤيا وجهك الذى يشع طيبه وهدوء

الصوره تحجب الكثير يا عزيزى

السبت, مايو 24, 2008

 
Blogger اسكندراني اوي said...

صورتك منوره يا هندسه عند احمد الصباغ
يا بختك يا هندسه كان نفسي احضر

عااااااااااااااااااااااااااااا

بجد حزنت اوي اوي خاصه بعد ما لقيت الكم الهائل ده من المدونيين حاضر

السبت, مايو 24, 2008

 
Blogger شيمـــــاء said...

سعيدة جدا انى شفتك و قابلتك بجد
:)
يا رب كده لما تيجى فى اجازة
نقابلك انت و الحاجة
ونسيت اقولك
سلملى عليها كتير :)

السبت, مايو 24, 2008

 
Blogger Ahmed Essawy said...

للاسف ... مقدرتش احضر الحدث دا او اشوف حضرتك نظرا لظروف عملي .. :(

بس ان شاء الله عندي امل اننا نتقابل في لقاء اخر ان شاء الله .
مع اني متخيل و لي في خيالي شكل لحضرتك . :)

السبت, مايو 24, 2008

 
Blogger mohammed alsha3r said...

يااااااااااااا استاذى شوفتك وحضرتك شادد بايدك شنطتك

وعمال اعصر فى دماغى اللى كانت اصلا معصورة من الجو شديد الحرارة في المكتبه

وعاوز اسلم عليك بس واضح انك كنت ماشى او مش فاضى

بس يكفينى رؤيه حضرتك

وعلى فكرة انك تنزل مخصوص دى على راسنا من فووووووووق

وبجد نورت المكتبه ونورت وسط البلد

وان شاء الله ميكنش اخر مرة نتقابل فيها

وكان نفسى احضر كلمتك بس للأسف لظروف عملى والمواصلات جيت متأخر

يلالالا خير

الف مبررررروك على الكتاب

السبت, مايو 24, 2008

 
Blogger همسات said...

انا سعدت جدا انى شفت حضرتك


بجد اووووووووووووووى


:)

السبت, مايو 24, 2008

 
Blogger اهو ده عيبه said...

اسعدنى الحظ انى اتعرف على حضرتك وتوقعلى كمان الكتاب

الحفل كان فرصه جميله للقاء المدونين واظهار روح حلوة جدا تجمعهم

وان شاء الله يجمعنا كلنا لقاء تانى بنفس الروح الحلوة

تحياتى

السبت, مايو 24, 2008

 
Blogger بيتنا القديم said...

زعلااااااااااااااااااااااااااااان


مننننننننننننننننننننننننننننننك


مقهوووووووووووووووووووووووووووووور


منننننننننننننننننننننننننننننننك


يا رااااااااااااااااااااااااجل

تبقا في مصر ومش تسأل عليا...

سيبنا من دي...

تبقا في القاهرة ومش تمر على بيت اخوك

سيبنا من دي كمان...

تبقا في شارع طلعت حرب ومش تديني خبر

وكمان دي سيبها

تبقا في مكتبة عمر بوك ستورز وتمشي من

غير ما اسلم عليك واعمل حوار صحفي

معاك...!!!

(:

خلاص الشهرة والاضواء والفلاشات اخدتك

مننا يا بشمهندس..!!

يا عمنا انا الراجل اللي كان شايل

شنطة حمزة وماسك ورق وقلم وبحتجز كل

مدون عشر دقائق للتحقيق...آ..قصدي

للحوار..انت مش شفت عصفور وانا

محتجزه جنب السماعات وانت بتقول انا

جاي مخصوص من السعودية..!!

(:

ملحوقة...

آجيلك انا يا عم واعمل معاك حوار

وعمرة..!!

(:

الف مبروك يا "قاضي" والى نجاحات قادمة

ان شاء الله..!!

أخوك اسامة...

(:

السبت, مايو 24, 2008

 
Blogger حسن ارابيسك said...

الف الف مبروك على الإحتفالية الجميلة دي، والحقيقة كلكم وصفتم لم الحدث بشكل مبهر ورائع ومؤثر في نفس الوقت إلى الحد الذي جعلني وجعل الكثير أيضا ممن لم يسعدهم الحظ أو يسعفهم الوقت في حضور هذة الاحتفالية الرائعة التي بحق اعتبرها اجمل من احتفالية الألفية الثالثة وهذا الود الجميل الذي لمسته من خلال الوصف بين المدونين ليس بغريب عن أهل مصر المحروسة فهم يكنون دائما الحب لبعضهم ولوطنهم لولا ظروف الحياة والظروف الصعبة لهذا الوطن الجميل ولكن حمداً لله ها هم يلتقون على حب وبود على تحول الحلم إلى حقيقة
ليس هناك صعب على أولاد هذة البلد الجميلة حينما تتاح لهم الفرصة والمتسع من الوقت والامكانيات ينطلقون يبدعون ولا يبخلون في عطائهم لهذا الوطن فهم من ترابها وترابها معدنه أصيل فيظل يحتفظ بأصالته مهما تراكم عليه من غبار يظل مستيقظا ولا يتوانيى أن ينفض عنه هذا الغبار حينما تأتي الفرصة ليظل شامخاً وفي مقدمة صفحات التاريخ وفي وسطه وفي أواخره ان شاء الله حتى قيام الساعة
دمتم بخير جميعا

حسن أرابيسك

السبت, مايو 24, 2008

 
Blogger mariam said...

بجد مش قادره اصدق ان حضرتك كنت موجود و مسلمتش عليك
مبروك الكتاب و عقبال اعمالك الكامله

السبت, مايو 24, 2008

 
Blogger jehan said...

حقيقى بحسد اهل القاهرة علشان بيعرفوا يتجمعوا

عموما واضح ان اللقاء كان حلو

ونورت مصر اليوم الى جيتة يا مراكبى

السبت, مايو 24, 2008

 
Blogger نوراى said...

اولا:- حمدلله على سلامتك انا عارفة انك كنت فى مصر الفترة اللى فاتت وعرفت انك خرجت من حفل التوقيع متوجها المطار للسفر

تانيا:- بجد كان نفسى ابقة معاكوا واتعرف عليكوا بس انا بجد ماكنتش عارفة الميعاد

الف مبروك ليك ولكل المدونيين

تحياتى ليك

نوراى

السبت, مايو 24, 2008

 
Blogger طفل صغنون said...

بجد اتشرفت بحضرتك جدا
وفرحان أوى انى قبلت شخصية زى حضرتك

وربنا يوفقك

الأحد, مايو 25, 2008

 
Blogger شهاب الأزهر said...

لفترات طويلة كنت أكتفي بأن أكون مراقبا فقط.. أقرأ وأتبسم وتختلف مشاعري..

لكن اليوم أضع ربما التعليق الأول في مدونتكم بعد أن رأبتكم يومها

بالطبع لم تكونوا تعرفونني أو حتى تسمعون عني، ولكني كنت أعرفكم تماما وأصررت على مصافحتكم والسلام عليكم

الأحد, مايو 25, 2008

 
Blogger حزيــــــــــــــــــن said...

جئت اكثر من مره قرأت كل التعليقات اكثر من مره
سعدت للغايه
كونى كنت السبب فى كل مشاعر الحب والتقدير لحضرتك
اتمنى ان اكون استطعت ان ادخل على قلبك ولو جزء بسيط من السعاده
اخوك الصغير احمد مهنى

الأحد, مايو 25, 2008

 
Blogger يا مراكبي said...

يا إخواننا أنا بجد مش قادر أوصف لكم شعوري عامل إزاي (شعوري مش شعري)

التعليقات دي كلها أنا هأحتفظ بيها علشان أوريها لأولادي لما يكبروا ويشوفوا يعني إيه إن الواحد ممكن يكون في حياته ناس معطاءة ومستعده تفرح غيرها بدون إنتظار أي مقابل

يارب يسعدكوا زي ما فرحتوني كده ورفعتوا من معنوياتي كده

أنا بجد عايز أكتب رسالة خاصة لكل واحد علق هنا عندي .. لكني مضغوط شوية كتير في شغلي .. ربنا يقدرني وأردلكم جمايلكم دي

الاثنين, مايو 26, 2008

 
Blogger Blank-Socrate said...

شىء جميل جدا
كنت اتمنى اكون معاكم
معرفتش حاجه عن الموضوع

الاثنين, مايو 26, 2008

 
Blogger صباح الخير يا مصر said...

يا مراكبى
*********
لاننا نريد ان نعيش حياتنا(الالكترونيه) الموازيه لحياتنا الواقعيه التى تؤلمنا......فاكيد هانكون سعداء برؤيه عناصر حياتنا الالكترونيه من اخوه و اصدقاء الكترونيين الذيين يشاركونا هذه الحياه الموازيه التى هى ببساطه أحلامنا لتغيير حياتنا الواقعيه

تحياتى لحضرتك

الثلاثاء, مايو 27, 2008

 
Blogger HARD TIMES said...

كان يوم جميل فعلاً وسعدت اني تعرفت علي حضرتك وتشرفت بتوقيع حضرتك علي الكتاب ونتمني اننا نتقابل تاني
تحياتي لحضرتك

الثلاثاء, مايو 27, 2008

 
Blogger د/أبا يحيى وادم said...

السلام عليكم
أول زيارة لى لمدونتك حضرتك بعد ما
ابى بتنجانى حكت لى عن حضرتك كثير
ربنا يكرمك يارب
لم اقدر أن احضر لظروف لامتحانات والعمل ولانى ايضا حديث عهد جدا بالتدوين فى عالم العملاقة
وفقكم الله وجزاكم عنا خيرا
ومبروك كثير جدا بجد على الكتاب
والقادم اجمل ان شاء الله

الأربعاء, مايو 28, 2008

 
Blogger .:.-=- ELGaZaLy-=-.:. said...

السلام عليكم ورحمة الله وبركاته

الف مبروك يا استاذ مراكبى...

وربنا يكرمك يارب

وسعيد بان يحتوى العدد الاول على كتابتك تحياتى

الأربعاء, مايو 28, 2008

 
Blogger Hannoda said...

حاجة تفرح فعلا .. مش عارفة شفت الأخبار الجديدة كمان عند محمد كمال حسن
ولا لأ

واخشاني مدونتك جدا و ومفتقداكم بجد... أنا جيت أسلم عليك بس الدنيا تفضى شوية و أتابع اللي فاتني كله و عليك ترجع لورى و ترد على تعليقاتي

قريييب

تحياتي ليك

الأربعاء, مايو 28, 2008

 
Blogger Hannoda said...

ايييييييييييه ده .. إنت في مصر؟؟؟

إوعى تكون ماسلمليش عليها

الأربعاء, مايو 28, 2008

 
Blogger حمامة said...

الحمد لله احنا جينا
وشوفنا حضرتك
بس للأسف الشديد محصلناش شرف التعرف على حضرتك ولا على اى حد صراحة
احنا كنا مكسوفين جداً لاننا مكناش عارفين اى حد خالص
ان شاء الله يحصل المرة القادمة
ومبروك :)

الأربعاء, مايو 28, 2008

 
Blogger انا من اهوى ومن اهوى انا said...

يا مراكبى:

أل ألف مبروك

إية القمر دا ماشاء الله

ربنا يكرمك ومن نجاح لنجاح

كان نفسى اكون معاكوا

انشاء الله المرة الجاية


تحياتى

الخميس, مايو 29, 2008

 
Blogger يا مراكبي said...

أنا بجد محرج منكم ومن ذوقكم العالي ده .. لسه مش عارف إزاي أشكركم على التعليقات الرقيقة دي

أنا زرت مصر لمدة أقل من 8 ساعات كانوا من أحلى الساعات اللي قضيتها في حياتي

ربنا يديم ما بيننا المعروف بإذن الله

الخميس, مايو 29, 2008

 
Blogger klmat said...

جميل منك ان تحضر وجميل انه تم النشر لك
موضوعاتك واسلوبك وافكارك جديره بالنشر
ده بالاضافه لشعورك الجميل
ربنا يوفقك ودايما ناجح ويبارك لك
فى صحتك واسرتك
كان نفسى اوى اكون موجوده
لكن ظروف البيت والشغل لاتسمح
كل المجموعه اللى ذكرتها جميله ومشرفه
وبحب مدوناتهم وبحس ان الدنيا لسه بخير طول مافى ناس جميله كده
كل يوم بكتشف مدونه جميله ويمكن فى كتير
لانعلمهم الف مبروك لك ولكل من تم النشر لهم وعقبال الباقى
خالص تحياتى

السبت, مايو 31, 2008

 
Blogger يا مراكبي said...

klmat

الله يبارك فيكي ويكرمك .. في الحقيقة أنا معاكي في إن فيه كتير ممكن يكونوا أحسن مني لكن لسه مش معروفين .. وأنا أعرف منهم مجموعة لا بأس بها

أتمنى إن كل الناس المبدعة تآخد حقها من التقدير .. وبأحييكي على الشعور الطيب جدا ده تجاه الجميع

الثلاثاء, يونيو 10, 2008

 

إرسال تعليق

Links to this post:

إنشاء رابط

<< Home