شد القلوع يا مراكبي ... مافيش رجوع يا مراكبي

الخميس، مايو 29، 2008

عندما تتوقف الكلمات

لا تنتظر من أي أحد أن يسألها عن سبب ذلك البريق الساطع في عينيها .. تعلم أنها قد إزدادت جمالا عن ذي قبل .. يقول لها ذلك كلما تقابل معها .. تنظر لنفسها في المرآة .. نعم .. لقد صارت أجمل .. الكل يعلم أنه إذا إزدادت المرأة جمالا فإنه يكون الحب .. يرون ذلك في عينيها .. وعيونها لا تنكره .. ولا يمكنها أن تنكره
.
لا تريد من أي أحد أن يسألها عن معنى الحب .. لأنها لم تعرف الإجابة بعد .. قد تحس بالدفء لكنها لا تعرف كيف يمكنها أن تصفه .. نعرف الشمس ولم نصل إليها أبدا .. فقط نحس بتأثيرها .. قد تشعر بأنها قد إمتلكت الكون لكنها لا تدري لماذا تريد أكثر .. لم تشبع منه أبدا
.
صارت كلماته هي غذاؤها الذي تحيا به .. صارت كلماتها هي الروح التي تتمنى أن تعطيها له ليلا ونهارا .. كانت كلماتهما نبعا لا ينبض .. أملا لا يتبدد .. حلما لا يفيقان منه
.
اليوم .. لقاء بعد غياب طويل .. بعد شهور من تبادل الكلمات التي لا تهدأ .. شوق جارف يلغي كل العقول ويذيب أشد القلوب .. قررا أخيرا أن تتوقف الكلمات .. ليذوبا معا في قبلة طويلة
.

التسميات:

46 Comments:

Blogger فاتيما said...

طب و رحمة أبويا أنا أقطع دراعى من هنهوه
إن إنت مركب كاميرا سرية فى روحى
و بتعرف عنى اللى معرفوش عن نفسى ...
يا نبع الحكمة أعترف ....
قول ....
بتعرف منين ...
طب بلاش
بتنشن ازاى كدا على مشاعرى الآنية
و تعبر عنها و إنت على البعد مسافات و مسافات ....
مفيش كاميرا و لا حاجة ؟؟
متأكد ؟؟
طب أنا هعتبرها فراسة الحكماء و نبض الروائى اللى معجون بالناس و بحكاويهم ...
ما زلت أحقد على الأستاذ احمد كمال عشان قعد جنبك مدة طويلة بس معلش تتعوض و الراجل ذوق و اخلاق و وعدنا هيكتب إعترافات تفصيلية عن الحوار الجانبى ما بينكم و الأ موش هيحصله طيب أنا أصلى حقدى مبيجبش نتايج كويسة ...
عودا جميلا و موفقاً يا نبع الحكمة
و تحياتى للمدام و الاولاد
اللى مفيهموش مها خالص خالص

الخميس, مايو 29, 2008

 
Blogger dodda said...

كله تمام لحد ما وصلنا للقبله

انا حبلغ الرقابه
اصلى بتكسف

على فكره..
المرأه تزيد جمالا
اذا احبت
واذا كانت حامل

واكتر مايزيد جمالها"قيام الليل"

الخميس, مايو 29, 2008

 
Blogger إنـســـانـة said...

كعادة

تصفييييق حااااااااد

الخميس, مايو 29, 2008

 
Blogger محمد عبد الغفار said...

أكيد لسه متجوزتهوش

الخميس, مايو 29, 2008

 
Blogger الساحرة said...

عندماتتوقف الكلمات

لازم حد ينزل يزق ههههههههه

الخميس, مايو 29, 2008

 
Blogger حزيــــــــــــــــــن said...

لا اعرف هل فقط نتأثر بالشمس وحرارتها ام اننا نحبها ايضاً ولكن لا نفكر ان نصل اليها

هناك اشياء مبهرة ومحرقه وهناك كتابات جميله اجدها عندك دائماً
لكنى اعتقد ان الرجل ايضا يكون جميلا فى كل شئ عندما يحب والله اعلم
احمد مهنى

الخميس, مايو 29, 2008

 
Blogger مـحـمـد مـفـيـد said...

تتوقف معها كلمات وصفنا قصصك المميزه

الخميس, مايو 29, 2008

 
Blogger اسكندراني اوي said...

اوبا
ايه يا هندسه
روق كده وهدي اللعب
ههههههههههههه

تحياتي

الخميس, مايو 29, 2008

 
Blogger Tamer Nabil said...

بعض البنات عندها قدرة على النظر الى بعض الاشياء غير ما بتكون مدام بتحبها وداخلة الدماغ

تسلم على البوست ياصاحبى

تحياتى

الخميس, مايو 29, 2008

 
Blogger HARD TIMES said...

مبدع يا مراكبي
تبحر بشراعك بهدوء وتكتب علي ماء البحر كلماتك وتنقش علي الشط صورك واحساسك
تحياتي لك

الجمعة, مايو 30, 2008

 
Blogger عدى النهار said...

سِكت الكلام.. والبندقية إتكلمت

:) ماعلش الأفية حكمت

الجمعة, مايو 30, 2008

 
Blogger دنــــيــــــا مـحـيـرانـي(ده حالي اما اسمي ايناس لطفي said...

واحيانا تتوقف كلماتي لاصف احساسي بكلماتك و تعبيراتك
الصمت احيانا يعبر الف مره عن حاله الاعجاب و الدهشة فيما توصف يا عزيزي
اسمحلي ان اصمت في اعجاب شديددددددد

الجمعة, مايو 30, 2008

 
Blogger gannah said...

كلمات تبعث فى النفس الدفء والحب والاشتياق....تحياتى لك وارفع قبعتى لكلماتك

الجمعة, مايو 30, 2008

 
Blogger son's egypt said...

السلام عليكم
عندما يشعر الاسنان بالحب يتغير معه كللا شئ
ملامحة
شخصيته افكاره
لان الحب اجمل شئ في هذا الكون لان الاسنان منا لا يستطيع ان يحيا بدونه

السبت, مايو 31, 2008

 
Blogger loumi said...

عندما تتوقف الكلمات

يبدأ الحديث بأشياء أُخرى

:)

تحياتي

مدونات مصريه للجيب
بداية تحقيق حلم جميل

للأسف لم تتح لي فرصة الحضور

السبت, مايو 31, 2008

 
Blogger Tamer Nabil said...

السلام عليكم

ازيك ياصاحبى

اخبارك اية

فى مدونة زميلة كاتبة عن موضوع مهم لينا كلنا عن جريدة هتفتح صفحات للمدونين

خش عليها وشوف كدة

http://amyasser.blogspot.com/

تحياتى

السبت, مايو 31, 2008

 
Anonymous غير معرف said...

السلام عليكم
استاذنا الجميل اتشرفت جدا جدا بمعرفتك لما سلمت عليك في حفل التوقيع يوم 22/5/2008 وبصراحة كنت مكسوف من نفسي جدا جدا لاني ما كنتش اعرف انسان جميل زي حضرتك 0
ورغم جهلي الا انك سبقتني وباركت لي بكرمك علي الخطوبة وعلي المدونة الجديدة ،وانا اللي كنت فاكر نفسي ابو العريف ، بارك الله فيك 0
ولكن يمكن يشفع لي اني لسة مستجد في عالم التدوين بخلاف خبرتي الواسعة والقديمة جدا جدا في متابعة عالم الكتاب الورقي من اول رواية زينب لغاية رواية تغريدة البجعة ومابينهما
تشرفت جدا يا اسناذنا وارجو ان تقبلني صديقا لمدونتك 0
وسلامي لمها 0

السبت, مايو 31, 2008

 
Blogger أنـا الـبـحـــــر said...

السلام عليكم
استاذنا الجميل اتشرفت جدا جدا بمعرفتك لما سلمت عليك في حفل التوقيع يوم 22/5/2008 وبصراحة كنت مكسوف من نفسي جدا جدا لاني ما كنتش اعرف انسان جميل زي حضرتك 0
ورغم جهلي الا انك سبقتني وباركت لي بكرمك علي الخطوبة وعلي المدونة الجديدة ،وانا اللي كنت فاكر نفسي ابو العريف ، بارك الله فيك 0
ولكن يمكن يشفع لي اني لسة مستجد في عالم التدوين بخلاف خبرتي الواسعة والقديمة جدا جدا في متابعة عالم الكتاب الورقي من اول رواية زينب لغاية رواية تغريدة البجعة ومابينهما
تشرفت جدا يا اسناذنا وارجو ان تقبلني صديقا لمدونتك 0
وسلامي لمها 0

السبت, مايو 31, 2008

 
Blogger الشنكوتي الكبير said...

مش عارف اقولك ايه يا مراكبي
كلماتك دايما فن لوحدها

لوحه وقصه وغنوه في كام جمله

اسلوبك ليه طابع خاص بجد بحييك على كل اللي بتكتبه وبح باقراه
سامحني عن الغياب

سلااااااااااااااااااااااااااام

السبت, مايو 31, 2008

 
Blogger سنووايت said...

أزال المؤلف هذا التعليق.

السبت, مايو 31, 2008

 
Blogger سنووايت said...

لابد من أن تتوقف الكلمات ليبدأ الحديث بلغة اخري
قصيرة و جميلة

السبت, مايو 31, 2008

 
Blogger يا مراكبي said...

**********


فاتيما

تعليقك ده بأعتبره بجد شهادة نجاح ليا .. أنا هأبدأ أتغر في نفسي كده

أشكرك دايما على تعليقاتك الجميلة والمشجعة جدا دي .. ربنا يكرمك دايما



**********************


dodda

بيني وبينك .. وأنا كمان كنت مكسوف .. بس نشرتها في لحظات الجرأة النادرة

أحلى جملة في تعليقك: قيام الليل .. بجد جملة حركت حاجات كتير جوايا .. ربنا يباركلك



*******************


إنـســـانـة

وكالعادة .. كلك ذوق يافندم



****************


محمد عبد الغفار

طول عمرك لماح .. صح كده .. طبعا لسة ما إتجوزوش .. وش بيغمز



********************


الساحرة
ههههههههه
صح كده .. أصل البنزين خلص .. أصله غلي جدا اليومين دول



********************


حزيــــــــــــــــــن

أشكرك جدا على إطراءك الرقيق ده

والراجل برضه بيزداد جمالا حينما يحب .. دي حقيقة تانية

شكلك كده إزددت جمالا .. وش بيغمز



******************


مـحـمـد مـفـيـد

يافندم ده بس من ذوقك وكرمك .. خالص شكري وتقديري



********************


اسكندراني اوي

ما أنا مهدي اللعب أهو .. والدوري متوقف كمان

ههههههههههههه

تحياتي



***********************


Tamer Nabil

شعور ما قبل الزواج وما بعد الزواج .. دي قصة كبيرة قوي .. داخل فيها أمور المعيشة وضغوط الحياة وحاجات تانية كتييييير

شرفتني ونورتني .. يارب تكون أحسن



*********************

الأحد, يونيو 01, 2008

 
Blogger يا مراكبي said...

HARD TIMES

تعليقك هو دليل إبداعك أنت أيضا .. شكرا جزيلا على هذه الكلمات الرقيقة



********************


عدى النهار

حلوة حكاية البندقية دي .. عجبتني القافيه جدا .. هههه



*******************


دنــــيــــــا مـحـيـرانـي(ده حالي اما اسمي ايناس لطفي

ده بس من ذوقك وكرمك .. تعليقك بأعتبرة وسام على صدري .. أشكرك جدا جدا



******************


gannah

أنا سعيد بإن المعاني دي وصلتك بالشكل ده .. أشكرك جدا على الإطراء



********************


son's egypt

وعليكم السلام ورحمة الله وبركاته

كلامك سليم .. يغير الحب فينا أشياء كثيرة .. حتى دون أن نلحظها

أهلا بك



*******************


loumi

والكل يعشق أدوات الحديث الأخرى دون إستثناء

-----

إن شاء الله نشوفك المرة الجاية في مدونات مصرية للجيب ونتشرف بيكي



********************


Tamer Nabil

أشكرك على الإخبارية .. أيوة كده خليك مراقب المنطقة



********************

الأحد, يونيو 01, 2008

 
Blogger يا مراكبي said...

أنـا الـبـحـــــر

وعليكم السلام ورحمة الله

أنا اللي بجد سعدت بيك جدا لإنك إنسان محترم ومقدر هوايات وأنشطة زوجة المستقبل .. وتفهمك ده لوحده دليل على عقلية واعية .. إن شاء الله ربنا يسعدكم كمان وكمان

أهلا بيك في أي وقت ومبروك مرة تانية وأحب أفكرك إنك ممكن تخسرني كده بسبب مها .. ههههههه
خالص تحياتي



*******************


الشنكوتي الكبير

منورني بجد من تاني .. أشكرك جدا على تعليقك الجميل وأهلا بيك دايما




*********************


سنووايت

ما أجمل اللغات الأخرى التي لا تحتوي على الكلمات

منورة

الأحد, يونيو 01, 2008

 
Blogger حسن ارابيسك said...

مشكلة العيون دي
لاتؤتمن على سر أبدا
دايماً خباصة وفاضحة الدنيا كلها
تبربش ..تسبل.. تغمض..تنعس..تفتح..تبرق..دايماً مفضوحة وفاضحه أصحابها
الحب دة بيعمل معجزات وبلاوي في أصحابها
التخين يرفعه والرفيع يتخنه واللي نفسه مسدوده ياكل واللي نفسه مفتوحه على الأخر تسد ..كل حسب ظروفه

وبعدين متى يتوقفا عن القبلة الطويلة..ليذوبا معاً في الكلمات
هاتاكل ايه على الغدا
اللي تعمليه
لا قولي حاجه معينه
ياستي اللي تعمليه
بقولك ايه متحيرنيش معاك هاعملك ايه على الغدا
ماتكليش دماغي اي حاجه
انا زهقت خلاص مانيش عامله حاجه هات معاك انت اي حاجه من بره ولا ايه رأيك تعزمني بره النهارده
لا اعملي بصاره أحسن سلام

أرابيسك

الأحد, يونيو 01, 2008

 
Blogger MKSARAT SAYED SAAD said...

صدقت الحب يزيد اصحابه جمالا وجاذبيه
قطعه جميله انتهت بقبله حب
تحياتي
سيد سعد

الاثنين, يونيو 02, 2008

 
Blogger بنت القمر said...

تخرج موسيقي من النص
بجد
جميله وصادقه وشجيه
ربنا يحميهم ويحرسهم من العين
تحياتي

الاثنين, يونيو 02, 2008

 
Blogger None said...

تدوينه رومانسيه مليئه بالمشاعر والاحاسيس

تحياتي بجد

الثلاثاء, يونيو 03, 2008

 
Blogger يا مراكبي said...

**********


حسن ارابيسك

وبعدين بقى؟ إيه اللي جاب سيرة العيون هنا بس؟ إحنا بنتكلم على أعضاء تانية خالص

وبمناسبة الأعضاء .. فأنا أحيي فيك الواقعية الشديدة اللي فكرتنا إن المعدة من أهم الأعضاء المعطلة للقبلات .. ومعطلة للحب كمان أحيانا

بلاش البصارة يا أبوعلي ربنا يكرمك



********************


MKSARAT SAYED SAAD

صديقي الفنان التشكيلي الكبير

سعدت بتعليقك وإطراءك

أشكرك جدا .. ده من بعض ما عندكم



********************


بنت القمر

أشكرك يافندم على التعليق الرقيق ده .. موسيقى من النص .. دي شهادة أعتز بيها

خالص تحياتي



****************


None

حماتي العزيزة

منورة بجد .. أنا سعيد إن التدوينة عجبتك .. المهم إنها تعجب العروسة

الثلاثاء, يونيو 03, 2008

 
Blogger صباح الخير يا مصر said...

يامراكبى
********
الحب كالماء الذى يعيد للارض العطشانه قوتها و عطائها...وهو الماء نفسه الذى يغرق فيه من لا يستطيع الابحار ياعم المراكبى

تحياتى

الثلاثاء, يونيو 03, 2008

 
Blogger قوس قزح said...

ادرك المراكبى الصباح فسكت عن الكلام المباح (*_^)

الثلاثاء, يونيو 03, 2008

 
Blogger Ema said...

أستاذي العزيز..
اسمحلي أقول أستاذي..لأني بتعلم من كل إنسان بيكتب حلو قوي كده ..أنا كمان كنت بكتب زمان وتوقفت ..ولما عملت المدونه بدأت أكتب حاجات كتير بس لسه منزلتهاش في المدونه ..المهم إني بكتب ورجعت لي نفسي إللي كنت بدور عليها في زحمة الدنيا
إطلعت على مجموعتك القصصيه لكن هقرأها برحتي وأكيد هعلق عليها.ز
أنا بكتب دلوقت قصه مسلسله وقريب إن شاء الله هعمل لها مدونه جديده ..
ياريت حضرتك تشرفني بالزياره وتقولي رأيك بصراحه عل الشخابيط إللي بكتبها

تحياتي..أم البنين

الأربعاء, يونيو 04, 2008

 
Blogger !!! عارفة ... مش عارف ليه said...

ما جذبني لمدونتك هو تعليقاتك الصادقة على مدونات مررت عليها


مشهد درامي تصاعدي رائع
وبعد الحيرة والتردد يذوب الجليد من حرارة اللقاء

تحياتي

الأربعاء, يونيو 04, 2008

 
Blogger حمامة said...

تحفة بجد

وبس

الأربعاء, يونيو 04, 2008

 
Blogger أحمد سلامــة said...

هههه
انا مش بضحك عالقصة والله
بس تعليق محمد عبد الغفار شد وداني
قصدي عيني يعني
هو بعد تقديم واجبات الاعجاب وطقوس المحبة والامتنان بالامتع
انا ليا سؤال
هو حضرتك يا باشمهندس ليه قصصك بقت قصيرة بجد
لا يعني مش قصدي ان هي قصص قصيرة مش روايات
لا
انا قصدي ان هي قصص قصيرة قصيرة مش قصص قصيرة طويلة
يعني سطور قليلة
اصل والله مش بالحق اشبع
هي الفكرة بتبقى جميلة اوكي وواصلة في عدد السطور القليل ده بس بردو انت عارفني انا بميل للون القصص القصيرة عن اي لون من الفن
يعني على سبيل الكوسة كده ابقى طول والنبي حبتين انا لولا الملامة والامتحانات كنت اقعد افر المدونة من الاول بس لينا مع بعض قعده
ثانيا بقى هو انت بجد دلوقتي في مصر ؟؟؟

الأربعاء, يونيو 04, 2008

 
Blogger bastokka طهقانة said...

اه...طيب ...كويس

اوروفوار

الخميس, يونيو 05, 2008

 
Blogger kochia said...

بوست جامد
وحساس اوي
تحياتي

الخميس, يونيو 05, 2008

 
Blogger قلب أبيــض said...

استاذى
ياااااه
من زمان مش متابع مدونة حضرتك

بجد فاتنى كتييييييييير

معلش اعذرنى

انتخابات بقى

اسف
قصدى امتحانات
ولكن
بجد البوست دا


جميييييييييييل
...

وكلمات تبعث فى النفس لامان
والدفء

لن يتكرر غيابى


ارق تياتى


قلب ابيض

الخميس, يونيو 05, 2008

 
Blogger يا مراكبي said...

*************************


صباح الخير يا مصر

كلام سليم .. الحب ممكن يكون سبب الحياة .. وممكن يكون برضه طوفان جارف .. بس البوست هنا ولله الحمد بعيد عن الطوفان

خالص تحياتي



********************


قوس قزح

مش أنا .. مش أنا .. ده بطل القصة .. أنا بأتكسف كده



*********************


Ema

أهلا وسهلا بيكي وأشكرك على كلامك الجميل ده .. مبروك رجوعك للكتاية .. ده شيء هيريح حضرتك كتير جدا .. ومبروك إنشاء المدونة .. يشرفني زيارتها طبعا



*********************


!!! عارفة ... مش عارف ليه

ده شيء يسعدني ويشرفني .. بجد تقدير أتمنى أن أستحقه

عجبتني جملتك: يذوب الجليد من حرارة اللقاء



*********************

الخميس, يونيو 05, 2008

 
Blogger يا مراكبي said...

******************


حمامة

أشكرك جدا .. ومش بس

أهلا وسهلا



*******************


أحمد سلامــة

أصل أنا وعبد الغفار من المتزوجين .. وش مكتئب

القصة طلعت قصيرة قوي علشان ما أستهلكش كهربا كتير وأنا بأنشرها .. شوية تقشف كده .. ههههه

إن شاء الله المرة الجاية هأحاول أمط في القصص شوية .. زي مسلسلات التليفزيون كده .. هههه

متشكر جدا على إطراءك الجميل ده .. ده من بعض ما عنكم

أنا في القاهرة لمدة يوم واحد .. شغل شغل شغل



*********************


bastokka طهقانة

اوروفوار دي إنجليزي مش كده؟



******************

الخميس, يونيو 05, 2008

 
Blogger david santos said...

Very good post, my friend, very good!
Happy day

الخميس, يونيو 05, 2008

 
Blogger يا مراكبي said...

Kochia

أشكرك على إحساسك الجميل .. وشكرا لإضافتي عندك



****************


قلب أبيض

أهلا وسهلا بيكي ويارب تكوني إتوقفتي في الإنتخابات .. يووه .. قصدي الإمتحانات .. تنوري في أي وقت

الجمعة, يونيو 06, 2008

 
Blogger وعد العيون said...

شكلك بتتفرج علي افلام اجنبي رومانسي كتيييير
جبت المشهد ده منين ؟
نفسي اعرف
عموما مفتكرش ان المرأة تزيد جمالا في اي حال من الاحوال
بل ان مقدارها هو الي بيزيد في نفس من تحب
و عشان مقدارها زاد فيتهيأله انها ازدادت جمالا

تحياتي
محمد

الأحد, يونيو 15, 2008

 
Blogger صدى الصمت said...

ماأروعك يا أخى تعبيراتك رائعة كأنك تتحدث بلسانى وتعبر عما بداخلى فعندما تتوقف الكلمات تتحدث العيون واللمسات والمشاعر التى لا تكفيها الكلمات أهنيك وربنا يوفقك .... عاشقة الورد

الخميس, يونيو 19, 2008

 
Blogger يا مراكبي said...

وعد العيون

أنا ما بأتفرجش على تليفزيون خالص .. هههه

المرأة بجد تزداد بريقا إذا أحبت .. والرجل أيضا .. حب إنت بس وإنت هتزداد بريقا .. جرب كده وقولي

الجمعة, يوليو 25, 2008

 
Blogger يا مراكبي said...

صدى الصمت

ده تعليق رقيق جدا .. أحييكي على الإحساس المرهف جدا ده .. دي شهادة أعتز بيها

منورة

الجمعة, يوليو 25, 2008

 

إرسال تعليق

Links to this post:

إنشاء رابط

<< Home