شد القلوع يا مراكبي ... مافيش رجوع يا مراكبي

الأربعاء، يوليو 09، 2008

عن أحد العظماء أتحدث

قد يندهش البعض من حديثي هذا وأعي تماما أسباب ذلك الإندهاش .. فقد تعود الجميع على أن يكون العظماء مشهورين إعلاميا .. تملأ صورهم وأخبارهم مختلف الصحف والمجلات والبرامج التليفزيونية .. لكنني أكاد أجزم بأن منكم كثيرين قد صادفوا في حياتهم العديد من العظماء الذين يعملون في صمت دون إنتظار المردود سوى من الله عز وجل
.
أتحسس كلماتي كي أكون موضوعيا قدر الإمكان .. أحاول جاهدا أن أثني جانبا أية أحاسيس شخصية تجاه من أتحدث عنه .. أخرج نفسي خارج دائرة علاقتي الشخصية به .. أنظر إليه من بعيد .. أجده لا يزال عظيما رغم كل ذلك
.
أذكره عندما قرر ذات يوم ألا تتوقف طموحاته عند كونه مدرسا للجغرافيا أواللغة الإنجليزية .. ليصبح بعد كد وعناء من أول وأحد علماء المراقبة الجوية حينما كان الطيران المدني يحبو في مصر .. عاش في الدول الغربية أياما طويلة عبر عمره الوظيفي ينقل أحدث العلوم إلى مصر .. ألف العديد من الكتب والنشرات في مجاله .. تخرج على يدية أجيالا عديدة حملت لواء الطيران المدني .. ونقلته من سيطرة الغرب إلى أن يكون كل مصيرة بأيدي أبناء مصر .. كان خير سفير لمصر حيث يمتزج العلم والتكنولوجيا بالدين وحسن التصرف
.
قد لا يتسع المجال الآن لسرد تلك القائمة الطويلة من الشهادات التي حصل عليها أو المناصب العديدة التي تقلدها ولم يتربح منها أبدا .. لكن يكفيني فخرا أنه قد عاد من منصبه الدبلوماسي إلى مصر ليدير أحد أنجح الجمعيات الخيرية ويهتم بالأيتام وتشغيلهم وعلاجهم وموتاهم .. يكفيني فخرا أنه كان سابقا لعصره وأقرانه .. لم يفرض علي يوما أن أكون غير ما أريد أنا وأتمنى .. علمني أن أكون حرا في إختياراتي مسؤلا عن تصرفاتي .. لم يبخل علي يوما في أي شيء أي كان .. لم يخدع نفسه أو يخدعني ليسالني عدم الرحيل حينما إضطررت إلى ذلك

.
عن أحد العظماء أتحدث .. عن والدي الذي أسأل الله عز وجل أن يطيل في عمره ويحفظه في صحته .. وأن يجمعني معه من جديد كما كنا منذ زمن .. أصله واحشني قوي

التسميات:

47 Comments:

Blogger عدى النهار said...

ربنا يبارك لكما ويجمع بينكما دائماً وأنتما فى أحسن حال

جَدّة مش بعيدة يا مراكبي كلها ساعة ونصف تقريباً.. بس متهيألي أنا فاهم جزئية "كما كنا منذ زمن".. نقول إيه غير منهم لله اللي كانوا السبب فى خراب حال البلد وتشتيت أهلها فى الأرض

الأربعاء, يوليو 09, 2008

 
Blogger فاتيما said...

ربنا يديله الصحة و يفرحه بيك كمان و كمان
يا بختكو ببعض
مش بحسد خالص
بالعكس أنا سعيدة بكما
إنت نسخة منه يا عم مراكبى
يعنى دا هيبقى شكلك لما توصل لسنه دا
حاجة جميلة جدا على فكرة
لما يوحشك قوى قوى يعنى
إبقى بص لنفسك جامد فى المراية
هتلاقيه شكلا
و روحاً متهيألى كمان
ربنا يكرمك و ترجع قريب تتونس بيه
و يقر عينه برؤيتك
تحياتى يا نبع الحكمة
يا جميل القلب و الروح و الفكر

الأربعاء, يوليو 09, 2008

 
Blogger محمد عبد الغفار said...

عرفت انه والدك مبكراً الصوره واضحه اوى ربنا يجمعكم على بعض

بلدا فيها عظماء كتير جداً جوه وبره وباشكال مختلفه وفى اوساط مختلفه جداً انما احنا اللى مبنشفش ومش عاوزين نشوف

الأربعاء, يوليو 09, 2008

 
Blogger بثينــــــة said...

قادرة 'افهم' كل البوست
وافهم انك عايز تكتب مجلدات عنه ومحرج أو خايف تقصر
قادرة 'افهم' تقديرك لمواقفه وانجازاته واختياراته ومجمل حياته .. ومن ضمنها ما يخصك .. وإحساسك انك مش هتعرف تبين تقديرك دة في كلمات

بس قادرة 'أحس' أد اية واحشك من آخر جملة
ربنا يخليه وينور الحياة بعطائه دايما

الأربعاء, يوليو 09, 2008

 
Blogger إنـســـانـة said...

مش غريب ابدا .. إنسان محترم جدا زي حضرتك طبيعى جدا يكون الجو اللى نشأ فيه يكون بالشكل ده ، ومش مستغرب أبدا إن والده يكون أحد العظماء .. حتى لو مش من المشهورين إعلامياً

:)


إزاى مها بقا؟؟ .. أصلها واحشانى اوى
:D

الأربعاء, يوليو 09, 2008

 
Anonymous Basma said...

ما شاء الله
ليس عظيما فقط لأنه كل ما ذكرت ولكن من وجهة نظري لأنه استثمر طاقته في كنز - ولد صالح يدعو له في حياته
تحياتي

الأربعاء, يوليو 09, 2008

 
Blogger kochia said...

مبسوطة اوي انك بتكتب عن والدك
وشعورك نحوه هذا الشعور الرائع
واعتقد انه فخور بك كل الفخر مثلما انت فخور به

تحياتي

الأربعاء, يوليو 09, 2008

 
Blogger لماضة said...

ربنا يديله الصحه وطولة العمر يارب ويجمعك بيه على خير قريب يارب
من قبل ما اقرا اي حاجه اول ما شفت الصورة عرفت انه والدك يا حمايا على طول بمفهوميتي كده
انت شبهه قوي
لدرجة اني فكرت انك صبغت شعرك
ربنا يخليكوا لبعض
انا كمان بحب والدي قوي

الأربعاء, يوليو 09, 2008

 
Blogger اسكندراني اوي said...

ابو حميييييد
مش حقولك يا هندسه المره دي

ربنا يبارك لك في عمره وارجوووووووووووووووك تاخد بالك منه اوي اوي اوي

وربنا يجمعكم على خير دايما
وتقعدو زي ما كنتم بتقعدو زمااان

الأربعاء, يوليو 09, 2008

 
Anonymous شمس الدين said...

هذا الشبل من ذاك الاسد

سيماهم في وجوههم , انا لم اتعجب ابدأ عن ان والدك يكون احد العظماء فالعظيم هو من ينجب ابناء يحمولن اللواء في داخل مصر او خارجها
و لو اني كنت عايزاك تكلمنا عنه اكتر و اكتر مش لشئ و لكن احنا فعلا محتاجين قدوة و نموذج جميل يبعث فينا الامل في الوقت اللي حنا فيه دا

ربنا يجمعك بيه علي خير يا رب و فعلا ما اقساها بلد تلك التي تجبر ابن علي ان يحرم من اباه العظيم

الخميس, يوليو 10, 2008

 
Blogger Nsreen Bsunee said...

الله حلو اوى اوى البوست ده
مش عارفه ليه حاسه انك كتبته فى الوقت ده تحديداً عشان ترفع من معنويات نفسك اللى كانت رايحه فى داهيه الاسبوع ده
:))
ربنا يخليه ليك ولاحفاده ويكرمه على قد تعبه فيكم وفى شغله ويارب تشوف ابنك زي جده كده عالم عظيم وعصامي ومش مادي اصل مينفعش الجد ده يجيب حفيد لعيب كوره بياخد ملايييين كده بالضحك على الدقون ولا يجيب حفيد رأسمالى احتكارى ويبقي ابنك يا احمد يا قاضي احمد عز زمانه
لا لا لا لا اكيد القاضي الصغير حيبقي فلته عصره وزمانه انشاءلله ويفرح جده
:))
حلو اوى البوست ده رفعللي معنوياتي انا شخصياً

الخميس, يوليو 10, 2008

 
Blogger Nsreen Bsunee said...

نسيت اقولك ربنا يارب يجمعك بيه على خير عن قريب وتشبعو من بعض

الخميس, يوليو 10, 2008

 
Blogger !!! عارفة ... مش عارف ليه said...

في نجاحات كتير حوالينا
ونجوم تستحق تكون تحت بؤرة الضوء

لكن ولكن دي تحتها ميت خط

هقول مثل بالبلدي كده

القوالب نامت والانصاص قامت


تحياتي لكما
وليد

الخميس, يوليو 10, 2008

 
Blogger mohamed said...

ازيك يا باشمهندس شكلك بقالك كتير مش هنا مبقاش العظماء هما اللى مشهورين اعلاميا بقى الممثليين والرقاصات ولاعيبة الكورة والحرامية اللى ناهبين البلد لكن علماء ايه ومفكرين ايه طب بذمتك دينا الرقاصة اشهر ولا الدكتور عبد الوهاب المسيرى الله يرحمه

الخميس, يوليو 10, 2008

 
Blogger أحمد كمال said...

عارف يا أحمد - اسمح لي أرفع الألقاب المره دي بس - أنا حاسس باللي انت بتقوله قوي ، لأن الحديث عن الأب من ابنه بيبقى صعب قوي لما الابن يبقى في سن الأبوة ، بعد ما الزمان يدور دورة كاملة ، و تحس إنك في الموقعين (الأب و الابن) و تقع في حيرة المقارنة فتحس بالقيمة اللي يمكن ماكنتش شايفها في وقت قبل كده .

في ظل الأحاسيس دي أقدر أقرأ كل كلمة إنت كتبتها ، و معاها كلمات كثير بين السطور بتكتبها له هو وحده ، و ماحدش حايفهما غيركم انتم الاتنين أو يمكن غيرك إنت لوحدك لأنك لحد دلوقت مالقتش الفرصة إنك تبوح بيها ، و لو كان ده صحيح فرأيي إنك تبوح يا أحمد لحسن الكلمة المحبوسة بتوجع أكتر بكتير من الكلمة المتقاله .

ربنا يخليكم لبعض أب عظيم ، و ابن يفتخر بيه ، و بلدنا تستاهلكم انتم الاتنين .

الخميس, يوليو 10, 2008

 
Blogger يا مراكبي said...

عدى النهار

الطيارة بتاخد ساعتين دلوقت .. الظاهر جده بعدت شوية عن ما كنت إنت زمان

أحييك على إنك لمحت الجملة المخفية دي .. أنا أقصدها فعلا .. وبأعاني بسببها فعلا

خالص تحياتي



********************


فاتيما

أدايما تعليقاتك فيها شعور طيب جدا .. حقيقي بتبقى إضافة للبوست

أنا فعلا شبه والدي جدا في الشكل والصوت .. ياريت أبقى زيه في الطباع كمان .. ياريت

نورتيني



*******************


محمد عبد الغفار

صح يا محمد .. لا بقينا بنشوف ولا عايزين نشوف .. دي الحقيقة بجد



******************


بثينــــــة

كأنك كنتي بتكتبي معايا .. بجد كنت مش عارف أكتب إزاي .. مش ممكن البوست يوفي حقه .. ولا الزيادة في الإطراء هتكون في صالحي أنا ككاتب .. أتمنى إني أكون نجحت في إني أكون وسط

تحياتي


******************


إنـســـانـة

تعليق جميل فيه إطراء رائع بـأشكرك عليه

بس مش بأشكرك على الأسفين اللي في آخر التعليق

:)




********************

Basma

أخجلتم تواضعنا يا فندم .. أشكرك



*******************


kochia

يارب فعلا يكون فخور بيا ويارب أكون أهل لهذا الفخر

خالص تحياتي



******************

الجمعة, يوليو 11, 2008

 
Blogger خمسة فضفضة said...

السلام عليكم ورحمة الله وبركاته

ربنا يخليكم لبعض ويجمع بينكم علي خير

الجمعة, يوليو 11, 2008

 
Blogger يا مراكبي said...

لماضة

أيوة أنا صبغت شعري بالأبيض للتمويه .. هههههه
أحيي فيكي المفهومية الجامدة جدا دي
ربنا يخليلك والدك ويرجعه بالسلامة وكان الله في عونه



********************


اسكندراني اوي

ألف شكر يا هندسة على الكلام الجميل جدا ده .ز أنا بقى اللي هأقول يا هندسة المرة دي .. ههههه



*******************


شمس الدين

أخجلتم تواضعنا بجد .. ده بس من ذوقك
إن شاء الله هأحاول أذكر تفاصيل أكتر بعدين لأن التفاصيل دي محتاجه إعداد جيد نظرا لضخامتها فعلا

أشكرك جدا جدا .. وفعلا ما أقساها من بلد



*******************


Nsreen Bsunee

أنا مش قادر أوصفلك سعادتي بشعورك الرائع ده ... بجد تعليقك أكثر من رائع .. فيما عدا موضوع الحفيد .. للأسف الحفيد شكله مش نافع من أولها .. يمكن ربنا يهديه لما يكبر .. ههههه

بجد تعليقك هو اللي رفع من معنوياتي
خالص تحياتي



*****************


!!! عارفة ... مش عارف ليه

مثل بلدي سليم جدا .. يعني بيعبر عن زبد البحر كده اللي بيذهب جفاء .. أما الشيء التقيل هو اللي بيقعد ويفضل وينفع الناس .. لكن زبد البحر هو اللي كتير قوي اليومين دول .. الأنصاص كترت قوي



****************


mohamed

سؤالك اللي في آخر التعليق ده بيلخص الحكاية كلها: دينا الرقاصة اشهر ولا الدكتور عبد الوهاب المسيرى؟ أظن السؤال مش محتاج لإجابة أبدا .. ولا محتاج لتفسير .. القصد واضح وحقيقة المجتمع باينة من غير رتوش



*******************


أحمد كمال

أولا إرفع الألقاب في كل وقت مش المرة دي بس .. خدنا إيه من الألقاب؟

ثانيا .. زي ما إنت قلت بالظبط .. لما الإنسان بيتحط في موقع الأب بيقدر ساعتها يقيم الأمور بطريقة مختلفة تماما عما قبل .. وبيبدأ يتفهم قيمة كل ما حدث في الماضي

الأحاسيس هنا متشابكة للغاية .. داخل فيها عوامل كتير جدا .. مش العوامل الإنسانية بس .. لكن كمان الضغوط الحياتيه .. وأدينا عايشين على أمل إن ربنا يحل هذا التشابك من عندهط



*******************


خمسة فضفضة

وعليكم السلام ورحمة الله وبركاته

دعاء جميل .. أشكرك عليه يا دكتورة

الجمعة, يوليو 11, 2008

 
Blogger أحمد سلامــة said...

هقول ايه
يا بختكم ببعضكم
ان كنت تكلمت عنه خارج الاطارات والعلاقات الشخصية
وكان هذا هو تحليلك لرسالته
اذن فكيف ان تحدثت عنه خلالها
دعنى اقل لك انه ممن اتو الدنيا دون ان يمرواعليها مر الكرام .
وهذه هي اعظم الرسالات في راي الخاص
من استطاع ان يعش لغيره كما عاش لنفسه ، فقد عاش من الحيوات ما لن ينتهي
أطال الله في عمركما وجمعكما على خير في الدنيا وفي الجنة باذن الله
في انتظار اليوم الذي اقرا فيه بوست لفادي شبيه بذلك

الجمعة, يوليو 11, 2008

 
Blogger حزيــــــــــــــــــن said...

تلمست فيك حنين لوالدك حفظه الله فى تدوينه سابقه وسالتك حينها هل مازلت تشتاق اليه ؟
ارى انه اثر لا يزول من داخلك
جمعكم الله فى الجنه
عندى تدوينه جديده ممكن تمسك

الجمعة, يوليو 11, 2008

 
Blogger صباح الخير يا مصر said...

يا مراكبي
*********
انشاء الله ربنا يجمعكم من تانى... وزى ماقال عدى النهار كلها ساعه و نصف ياتروح مصر يا تبعت لوالدك دعوه.. ولكن نصيحتى حاول الاستمتاع به و عرف ولادك على عظمة جدهم عن قرب

تحياتى

السبت, يوليو 12, 2008

 
Blogger dodda said...

ربنا يبارك فى عمر والدك ويرزقه حسن الخاتمه....

من اول يوم عملت بلوج وانا نفسى اكتب عن والدى رحمه الله لكنى لا اجد من الكلمات ما يكفينى!!!!


لا استطيع تصديق السبه بينك وبين والدك انتو تقريبا توأم!!
سبحان الله

السبت, يوليو 12, 2008

 
Blogger Blank-Socrate said...

اولا
ربنا يديله الصحه و القدرة انه يستمر فى عمل الخير لانى دى اعظم عمل و هى اعمال الرحمه و المحبه
ثانيا
هو فى الوجود الافتراضى الناس مبتسألش على بعض و لا ايه

السبت, يوليو 12, 2008

 
Blogger klmat said...

سبحان الله اول ماشفت الصوره
قلت يااااه ده اكيد والده الشبه
فى الملامح واضح وبكتابتك عنه واضح
انك كمان تشبهه فى روعه الشخصيه اشعر بحبك الغريزى له
واحترامك وحبك له لو لم يكن والدك لعظمته كشخص جدير بالاحترام والحب لماذكرت من مزايا
رائعه
ماشاء الله عليكم ربنا يحفظكوا ويزيدكم علم وادب وحب الناس واحترامهم . جميل منك ان تسجل فى مدونتك الرائعه سبب اساسى فى تالقك وهو ان لك اب واعى ومثقف
انجب واحسن تربيه ابنه بالحنان
والعلم دفعك للنجاح والاحترام عقبال ماتلاقى اولادك واحفادك
بيكتبوا عنك بحب كده
خالص تحياتى وتقديرى

السبت, يوليو 12, 2008

 
Blogger •√أريـ السمر ـج√• said...

ان شاء الله تتجمعوا على خير
ربنا يبارك لك في عمره على طاعة


البوست جميل أوي و مليان كلام بين السطور اكتر من اللي كتبته

دمت بكل الخير

الأحد, يوليو 13, 2008

 
Blogger Sharm said...

هذا الشبل من ذاك الاسد

انت تشبه جدا سبحان الله

سؤال صغير .. هو راكب مركبة فضاء ولا ايه ؟

الأحد, يوليو 13, 2008

 
Blogger son's egypt said...

السلام عليكم
ليس كل عظيم مشهور
ولكن قد نصادف في حياتنا عظماء قد اثروا فينا وفي غيرنا

الأحد, يوليو 13, 2008

 
Blogger شيمـــــاء said...

يا اخى ما تروح له

الأحد, يوليو 13, 2008

 
Blogger انا من اهوى ومن اهوى انا said...

ربنا ييبارك فى عمرة ويجمعكوا ببعض على خير انشاء الله

بلدنا غنية بعظمائها بس فية مشكلة اننا مابنعترفش بيهم كعظماء الا لما يتغربوا ويسافروا وغيرنا يكتشفوا عظمتهم ساعتها بس البلد تفوق وتقول اة دا من عندنا

زويل كام عظيم قبل ما يسافر بس محدش اهتم بية الا لما الغرب قالوا علية عظيم

نجيب محفوظ تفتكروا كان هايبقى عظيم اوى بالقدر دا فى نظر بلدنا لو كان ما اخدش جايزة نوبل ، هو عظيم من غير الجايزة لكن الكل قال انة عظيم علشان الغرب كرموة

وغيرهم كتير

تحياتى يا مراكبى

الاثنين, يوليو 14, 2008

 
Blogger koukawy said...

ربنا يخليهولك يا رب...جميل انك تبقي فخور بأهلك كده ...انت ربنا كرمك في ناس ربنا مش بيكرهم الكرم ده
من رأي دي نعمه كبيره

الاثنين, يوليو 14, 2008

 
Blogger bastokka طهقانة said...

منور البوست و البلوجر و النت كله يا حاج ابو مراكبي
ربنا يديلك الصحة و تنورنا دايما كده


اوروفوار

الاثنين, يوليو 14, 2008

 
Blogger sakayar said...

على فكرة بقى على فكرة
انا قعدت ابص للصورة بتاعته وصورتك ع البروفيل قبل ما اقرأ الموضوع
قلت الراجل اللذيذ ده
ابو الجدع اللي برضه ديليشص ده
ربنا يبارك في عمره بس ايه ده؟؟
احنا كده مش هنعرف نكلمك
صحيح زيارتي الاولى او ممكن التانية بس على تفاوت زمني فظيييييييع
لكن بجد الواحد كده لازم ييجي بالملابس الرسمية وبدلة وكرافات ونظام بقى
ربنا يباركلكم فيكم
تحياتي

الثلاثاء, يوليو 15, 2008

 
Blogger esraa said...

(:

ربنا يخليكم لبعض
ويجمعكم سوا قريب ان شاء الله

الثلاثاء, يوليو 15, 2008

 
Blogger دنــــيــــــا مـحـيـرانـي(ده حالي اما اسمي ايناس لطفي said...

ريبنا يجمعكوا علي خير
اجمل شيء في الوجود ان يمن الله عليك باب تفتخر به واهم من ذلك انك تحبه وتحترمه
ربنا يبراك لك فيه ويطيل عمره لكم ان شاء الله تحياتي

الثلاثاء, يوليو 15, 2008

 
Blogger mirona said...

ازيك و عامل اية؟
متخافش ان شاء الله هتيجي مصر وهتشوفوا وهتشوف ولادك كمان
ربنا يطولك فى عمرة ويديلة و يديك الصحة بس بجد هو ما شاء الله راجل عظيم

الثلاثاء, يوليو 15, 2008

 
Blogger Sampateek said...

همم
طيب هو السيد الوالد متجوز؟؟؟




تحياتي

الثلاثاء, يوليو 15, 2008

 
Blogger قوس قزح said...

ربنا يبارك لك فيه

و عرفنا دلوقتى انت طالع لمين

من كلامك عنه عرفت انه بيدير ملجا للايتام و ده ممكن يفيدنا فى مدونة بيكيا للخير
ياريت تزورها و تقولنا هل ممكن نتبرع بالحاجات المباعة للملجا عنده ولا لا

http://bekyaforsale.blogspot.com

جزاك الله خيراً

الأربعاء, يوليو 16, 2008

 
Blogger hend...hanady said...

ربنا يخلهولك ويبارك لك فيه ويبارك له فيك ولو معكش تمن تذكرة ممكن اسلفك تشوفه وترجع

الأربعاء, يوليو 16, 2008

 
Blogger اعشق فى اليل ضوء القمر said...

يا مركبى
أقصد الأبن البار بأبيه إن كان أبوك عظيما فى نظرك
فأنت الأن عظيما فى نظرى أنا لبرك لأبيك وعرفانك له بصنيعه فيك أسأل الله العظيم رب العرش الكريم أن يجمعكم فى الدنيا و فى الأخير فى مستقر رحمته
لك منى كل إحترامى وتقديرى

الجمعة, يوليو 18, 2008

 
Blogger يا مراكبي said...

أحمد سلامــة

أشكرك على الإطراء الجميل ده .. وهو فعلا ممن أتوا للدنيا وتركوا فيها بصمة .. وأنا أتمنى أن أكون كذلك أيضا .. على أمل أن يكتب إبني عني شيئا يوما ما إذا نجحت في أن أفعل ما أستحق عليه ذلك

خالص تحياتي



*********************


حزيــــــــــــــــــن

لا يمكن يا عزيزي أن يزول ذلك الأثر مهما إنشغلنا .. فالإنشغال هو مخدر مؤقت ليس إلا

أتمنى أن يجمعنا الله في الدنيا والآخرة على الخير



******************


صباح الخير يا مصر

رغم إن المسافة فعلا تبدو قريبة بين جده والقاهرة .. لكن الوصول للمطار نفسه صعب جدا بسبب الإنشغال الدائم .. أدعوا الله إن الظروف تتحسن وتبقى فعلا المسافات قريبة جدا
أشكرك على تفاعلك الجميل

تحياتى



*****************


dodda

أشكرك على الدعاء الرائع ده

أيوه إحنا توأم .. بس هو أكبر مني بدقائق ... ههههه



**************

الجمعة, يوليو 18, 2008

 
Blogger رؤية said...

كلماتك رقيقة اووي يامركبي
حتي اسلوبك وانت بتتكلم عن باباك مختلف
تحياتي لكما

الجمعة, يوليو 18, 2008

 
Blogger يا مراكبي said...

Blank-Socrate

اولا .. نورتني بزيارتك وتعليقك الجميل

ثانيا .. تقصيري معاك مش ندالة ولا حاجة .. دي بس الطاحونة اللي إحنا فيها ومش قادرين نوقفها يوم واحد

طمني عليك دايما



********************


klmat

أنا فعلا أشبهه في الملامح .. أما في روعة الشخصية: ياريت

وبدون أي مجاملات .. فعلا كل إنجازاتي بلا إستثناء كان سببها بطريقة مباشرة أو غير مباشرة هو الوالد ربنا يحفظه

أشكر ليكي تعليقك الرائع ده .. شعور طيب جدا منك

خالص تحياتي



******************


•√أريـ السمر ـج√•


البوست جميل فعلا لكن مش بسبب أنا .. بسبب اللي بنتكلم عنه .. هو اللي أعطى للبوست الجمال ده


أشكرك جدا

ودمتي بكل الخير



***************



Sharm


أنا اللي شبهه وألا هو اللي شبهي؟ هه؟

هو مش راكب مركبة فضاء .. دي كانت صورته لما كان مدير للعمليات وكا مسؤل عن إستلام الطائرات وتدريب الطيارين عليها .. والصورة دي في جهاز المحاكاة لكابينة القيادة ..بالإنجليزي إسمه

ٍsimulator

وهو غرفة صناعية تطابق تماما غرفة قيادة الطائرة وبتتحرك تماما كالطائرة صعودا وهبوطا

نورتنا




*****************


son's egypt

كلام سليم .. ليس كل عظيم مشهور .. لكن فعلا ما أكثر العظماء الذين يؤثرون فينا وفي غيرنا



****************

شيمـــــاء

حاضر .. بس ما تزوقيش

أنا عايز أروح النهاردة قبل بكرة



***************

السبت, يوليو 19, 2008

 
Blogger يا مراكبي said...

انا من اهوى ومن اهوى انا

متشكر على الدعاء الجميل ده

وفعلا من مآسي بلدنا إننا مابنعترفش بالعظماء الا لما يتغربوا وغيرنا يكتشفوا عظمتهم

أنا شخصيا أعرف منهم شوية كتير ومن عمري

ده غير اللي جوة البلد ومغمورين .. وبرة بيتمنوا ظقفر واحد منهم



*****************


koukawy

الحمد لله طبعا إنه أنعم عليا بالنعمة الكبيرة دي .. فيه فعلا ناس كتير محرومين منها

أشكرك جدا



***************


bastokka طهقانة

متشكرين جدا وخطوة عزيزة

يعني إيه اوروفوار دي؟



**************


sakayar

متشكر جدا على التعليق الديليشيوس ده .. ياريت تنورونا دايما

ههههههه





********************


esraa

متشكر جدا جدا .. نورتيني



*******************


دنــــيــــــا مـحـيـرانـي(ده حالي اما اسمي ايناس لطفي

طبعا دي نعمة كبيرة من ربنا .. الحمد لله عليها
ألف شكر ليكي وخالص تحياتي وتقديري ليكي



****************

السبت, يوليو 19, 2008

 
Blogger يا مراكبي said...

mirona

إزيك إنتي يا أصغر مدونة في التاريخ .. حقيقي أنا فرحان بيكي جدا .. بجد برافو عليكي

ومتشكر على التعليق الرقيق

*************

Sampateek

أيوة متجوز ... بتسألي ليه؟ فيه عندك عروسة وألا حاجة؟



*************


قوس قزح

هو مش بيدير ملجأ للأيتام .. هو بيدير جمعية خيرية بتساعد الأيتام والفقراء والأرامل والعجزة لمن يستحق بعد عمل بحث ميداني للحالة المستفيدة .. وممكن طبعا تتبرعوا بأي شيء ليهم

جزاك الله خيراً
*******************



hend...hanady

ألف شكر ليكي على الشعور الطيب ده .. ومع ذلك ياريت تيعتيلي ثمن التذكرة مش هتخسر برضه

:




***************


اعشق فى اليل ضوء القمر

تعليق جميل جدا .. ياريت فعلا أكون كده ده يبقى كرم كبير من ربنا

أشكرك جدا جدا



***************


رؤية

لو كنت أقدر أكتب بقلبي كنت كتبت .. أنا بس كنت بأحاول أكون موضوعي ... لكن إن كان عليا أنا كنت كتبت بدموعي كمان

تحياتي

السبت, يوليو 19, 2008

 
Blogger همسات دافئه said...

سيدي
ولاول مره لا القبك بالقاضي او المراكبي
لشده احترامي لذاتك
ولكن قبل ان امدحك
دعني اشكر هذا الأب العظيم فكما ذكرت جوانب عظمته بمجال عمله ودراسته وثقافته
فهو عظيم حين ربي ابنا ملئ بالبر وحسن الطاعه
وربك كريم بيك كما كرم والدك بابن صالح
هيكرمك سيدي ببر ابنك
ويارب يجمعك بيه وبسائر اهلك علي خير وسعاده
احمد لك مني كل الاحترام لشخصك
والاعجاب بهذا البوست
الذي اعتبره درسا جميلا وسهلا وبسيطا لكل ابن ان يقتضي بيك وباحترامك وولائك لوالدك
اشكرك يا صديقي

الأحد, أكتوبر 31, 2010

 
Blogger محمد عبد الغفار said...

ربنا يبارك لكم فى عمره وصحته

الخميس, يوليو 12, 2012

 
Blogger محمد القاضى said...

جزاة الله خيرا عما قدم و مازال يقدم و جعل ذلك فى ميزان حسناتة و أطال الله فى عمرة و أدام علية الصحة و العافية

الأربعاء, فبراير 04, 2015

 

إرسال تعليق

Links to this post:

إنشاء رابط

<< Home