إعلان غير مدفوع الأجر للأسف
قرب قرب قررررب شوفوا المفاجأة يا جدعان
أخت المراكبي بقت مدمنة تدوين يا جدعان
وأنشأت مدونة كمان
!!!!
أقدم إليكم: عاشقة الورد .. أختي
في مدونة .. صدى الصمت
تابعوها
في الذكرى السنوية العاشرة
في الذكرى السنوية العاشرة لجوازي .. بأقعد أفكر في حاجات كتير قوي .. ياترى لو رجع بيا الزمن عشر سنين لورا وما كنتش إتجوزت .. مش كان زماني دلوقت بأصحى الصبح متأخر شوية بدل الميعاد السخيف اللي بأضطر أنزل فيه مع الأولاد الصبح علشان باص المدرسة اللي بييجي الساعة ستة ده؟ مش كان زماني بأروح البيت بعد الشغل وأنتخ وأنام بدل ما أقعد أذاكر للأولاد ساعتين بسرعة علشان هيناموا بدري؟ مش كان زماني ما بأروحش السوق كل إسبوع مرتين علشان أشتري طلبات البيت اللي ما بتخلصش؟ أو أفضل كل صيف وكل شتا وكل عيد ألف المحلات كعب داير على شراء ملابس الأولاد وأحتار في المقاسات والألوان والأذواق .. والأسعار؟ . مش كان زماني أقدر أنزل عالقهوة وأقعد مع أصحابي في أي وقت وفي أي يوم زي ما أنا عايز من غير ما أقعد أمهد إسبوع للخروجة دي؟ مش كان زماني أقدر أفتح قناة ميلودي براحتي وأبوس الواوا وأتفرج على الباشمهندسة نانسي عجرم و الباشمهندسة روبي والباشمهندسة كارول سماحة من غير ما أكون خايف من أي قصف جوي بالحلل والأطباق؟ مش كان زماني بأخش البيت وما ألاقيش الأولاد بيقولولي إتأخرت ليه وكنت فين .. والحاجة أمهم ساكتة ولا كأنها مسلطاهم
تعليقات
واضح ان العيلة كلها عندها ملكة الكتابة :)
مش طالعالك
خالص
اوروفوار
راحت عليك
ايه يا هندسه هو في حاجه ببلاش اليومين دول
ولا حتى طبق ملوخيه او دقيه باميه
نسأل الله لها خيره .. وان يبعد عنها شره..
وماشاء الله فعلا رقيقة وجميلة ..
هكمل الرد عندها بقى :)
تحياتي
اقصد علي الريدر
عقبال الحاجه والعيال
تحياتي
:)))))))
بس كدة بقي هيبقي فيه منافسة ولا ايه
انا هروح جري اشوفها بقى
مبروك بس هى بساكيتوا خالص طلعت اختك ازاى دى
هو مين في العيلة دى لسة مكتبش؟
ان شاء الله دايما لقدام ليك و للعائلة الكريمة و عقبال البنات
*********
الموضوع ده ممكن نحطه تحت عنوان ثقافة التوريث تنتقل الى عالم التدوين
:)))))
مع تمنياتى لها بالتوفيق
مبروك يااستاذى عقبال باقى المراكبية والصيادين والسمك اللى فى البحر كمان
:D
:)
عالم التدوين نور بأختنا الكريمة يا مراكبي
:)
شكلها عشوة حلوة
عائلة تدوينية
عقبال الانجال و الحاجة :)
بس بجد التعليقات حلوة اوي كمان
انضافت علي الريدر خلاص
بأشكركم على الشعور الرائع ده وعلى المشاركة الجميلة دي .. وهأقفل البوست ده على كده علشان كان عندي أمل إن الأخت تدينا ولو ربع جنيه حتى .. لكن ما حصلش .. هههه
أشكركم جدا