شد القلوع يا مراكبي ... مافيش رجوع يا مراكبي

الأربعاء، نوفمبر 29، 2006

بقى العنب هو اللي في الأمان

من يومين كنت بأحكي لمهندس زميلي عن موضوع الفيديو كليب .. قلت له إني من حوالي ييجي 12 سنة شفت فيديو كليب لعمرو دياب.. كان برضه مليان بنات .. لكن كانوا ما بيرقصوش وكانوا لابسين .. أما دلوقت وصلنا لعصر الأغاني التراثية زي العنب العنب العنب .. اللي فيها الكل بيرقص .. ومش هاتكلم عن اللبس .. ده إذا كان فيه أصلا
.
جه ساعتها في بالي حاجة كنت كتبتها سنة 1993 بتحكي عن الزمن اللي هايبقى فيه عندنا في بلادنا قنوات تليفزيونية إباحية .. وتوصل كمان لدرجة من الوقاحة إنهم يقطعوا الفيلم الجنسي اللي بيتعرض علشان يقولوا .. حان الآن موعد أذان العصر .. وأنا شايف إننا ماشيين في السكة دي بخطى سريعة زي ما أنا تنبأت زمان
.
ساعتها صاحبي قال لي حاجة جميلة جدا .. قال لي علشان تعرف إن الدنيا مقلوبة والصح بقى هو الغلط .. والغلط بقى هو الصح .. تلاقي الواحد لو مشي في سكة العنب العنب العنب .. هايكون دايما في الأمان وماحدش يتعرض له أبدا .. لكن على العكس تماما تلاقي الواحد ممكن يتبهدل ويتهان ويتعذب لو كان بيقول كلام عن الدين أو الفضيلة .. ويا سلام بقى لو إنتقد أخطاء الحكام وأولي الأمر .. يبقى ضاع خلاص
.
طيب ما دام الموضوع واضح أوي كده وكل سكة منهم معروف آخرتها مسبقا .. ليه لسه فيه ناس بتكتب كلام كويس في الدين أوبتنتقد نظم الحكم؟ إيه اللي يجبرهم على البهدلة مادام العنب العنب العنب هو اللي في الأمان؟ عارفين ليه؟ علشان حاجتين ربنا ذكرهم في سورة الأعراف في الآية 164

أول حاجة هي إننا لما نقف قدام ربنا يوم القيامة ويسألنا .. إنتوا عملتوا إيه لما الدنيا كانت مليانة فساد؟ هانقول يارب كتبنا حاجات كويسة علشان الناس ترجع للأحسن .. وده معنى جملة معذرة إلى ربكم
.
وتاني حاجة .. جايز جدا حد من بعيد يفتح اللي بنكتبه ولو حتى صدفة .. يقوم يستفيد ويحسن من نفسه .. وهو ده معنى لعلهم يتقون .. شفتوا بقى يا إخواني المدونين قد إيه المسؤلية اللي علينا كبيرة من غير ما ناخد بالنا؟

.

للأسف خلص الحوار مع صاحبي لحد كده .. بس شفتوا أنا عندي أصحاب كويسين قد إيه؟

التسميات:

20 Comments:

Anonymous غير معرف said...

كلامك كله مضبوط
بالمناسبة مدونتك راقية وتفكيرك واضح ومنطم جداَ كأنك تكتب ما فى رأسنا انا وزوجى المقيمان خارج مصر وانا متابعة لأغلب المدونات ولكن هذه أول مرة أرد لأن أعجبنى جدا كلامك خاصة تفسيرك لحالة السعار الجنسى.
أشعر بخوف وإحباط من مصر ولا نعرف حتى الأن هل نرجع لها أم لا؟

الأربعاء, نوفمبر 29, 2006

 
Blogger شــهــروزة said...

معاك وبقوة فى موضوع المسئولية دى
والدليل هو القبض على ضباط التعذيب فى الفيديوهات الشهيرة اللى تم تداولها هنا على المدونات
وتناقلتها السنة وادمغة وعيون العالم الحر كلها من المدونات المصرية

ثانيا
حادثة السعار الجنسى الشهيرة بوسط البلد
لولا تصويرها ونشرها على المدونات الكبيرة هنا مكانش حد عرف عنها اى حاجة
وما كانتش الدنيا اتقلبت على المدونين وبقت الفضائيات تعرض الاحداث نقلا عن مدونة وائل عباس ومالك وجيمى هود وخلافه
تحب تعرف حاجة كمان مهمة؟؟

الصحف العالمية زى الهيرالدتريبيون والنيويورك تايمز بتاخد اخبار الاحداث الساخنة اليومية عن مصر دلوقتى من المدونات المصرية

وتحب تعرف حاجة كمان؟
تلات اربع التدوينات اللى هنا فى الفضاء السيبرى دى بتنسرق من اصحابها
اة بتنسرق
الصحفيين الكبار ولاصحف الكبيرة بتاخدها باسمها وتحطها فيه وتزود مبيعاتها دون الاشارة للمصدر ان كان المدون فلان او المدون علان

شفت بقا احنا وصلنا لفين؟؟

اقولك حاجة كمان؟.
لحد دلوقتى حوالى خمسة أو ستة من المدونين تم اعتقالهم واشهرهم المدون علاء صاحب المدونة الاشهر علاء ومنال
غير مالك ووائل عباس والشرقاوى واسد
يووووووة
ولسة كتير

السفينة ماشية رغم كل دة
ومرحبا بيك فى ارض الاحلام الجديدة

الأربعاء, نوفمبر 29, 2006

 
Blogger سعد said...

انا معاك والله وقريب اوى حيتقطع الفيلم اللى بالى بالك ويتذاع الاذان وحأبقى افكرك ان عشنا لليوم ده

مدونتك جميله جدااا

الخميس, نوفمبر 30, 2006

 
Blogger كراكيب نـهـى مـحمود said...

اعتقد احنا عايشين دلوقت في الزمن السئ اوي اللي لو كان فيه بكرة ومستقبل وامل وكده هيدرسوه على اننا كنا اسوء بشر جم في تاريخ الانسانية ربنا يرحمنا اسمح لي برضه اقول ان مدونتك جد متميزة وجميله تحياتي
كراكيب نهى

الخميس, نوفمبر 30, 2006

 
Blogger يا مراكبي said...

Anonymous

شرفتيني بالزيارة ومتشكر جدا على وصفك الجميل للمدونة وتحياتي لزوجك العزيز .. فكرتيني بأيام كلية الهندسة لما كانوا بيقولولي إنت مهندس تخصص ادبي

سألتيني أصعب سؤال .. وهو إمتي نرجع مصر؟ هأقول لك .. نرجع مصر لما مصر ترجع تاني هناك في الأرض اللي بيسموها دلوقت مصر



شهروزة

أنا سعيد جدا بتشريفك ليا وتعليقك القوي ده .. أنا لسه بأقرأ كل تدويناتك ومحتاج وقت لهضمها علشان هيا دسمة جدا .. أول ما أخلص قرايتهم كلهم هأزورك هناك



سعد

أهلا بيك وأنا سعيد إنك برضة حاسس بالمستقبل زيي

مدوناتك جت لي في وقتها وخصوصا إني رايح الحج إن شاء الله



كراكيب نهى

أهلا بيكي .. أنا على فكرة إكتشفت مدونتك قريب يوم ما كنتي بتجري وراء القلقاس .. ومن ساعتها وإنتي في الفيفوريت عندي

وأحب أوضحلك حاجة .. كل زمان بيكون اللي بعده أسوأ من اللي قبله ودي سنة الحياة .. لكن لازم دايما يكون فيه شمعة بتنور في الضلمة

الجمعة, ديسمبر 01, 2006

 
Blogger مُزمُز said...

أنا مش معاك ان في أسوأ من زمننا ده لسه هاييجي

متهيألي كده انه حتى مش هيتذكر في التاريخ زي ما نهى بتقول

لكن هيقولوا في كتب التاريخ عن زمننا
"عصر الاضمحلال الأعظم"
وبس كده

بس طبعا مسؤلية الكلمة مسؤلية ضخمة ولا يعرف قيمة الكلمة الا ذو الضمير الحي بشدة

شرف الله هو الكلمة

السبت, ديسمبر 02, 2006

 
Blogger واحد من الناس said...

سبب الفساد هو السلبيه

وشكرا

ربنا أمر سيدنا جبريل ان يهدم قرية على من فيها. فقال : يارب إن فيهم عبدك فلان العابد الساجد الذي لا يزال يذكرك ويعبدك . فقال يا جبريل به فابدأ . قال: يا رب كيف ؟
قال انه لم يتمعر وجهه في قط

السبت, ديسمبر 02, 2006

 
Blogger Taher said...

عندك حق

السبت, ديسمبر 02, 2006

 
Blogger يا مراكبي said...

Taher

شكرا لزيارتك .. وعجبتني مدونتك .. دايما للأمام

الثلاثاء, ديسمبر 05, 2006

 
Blogger Hannoda said...

هو الكومنت جاي متأخر قوي


بس انت بتتكلم عن هم من همومي و هو تخيلي للي حانتحول ليه بالتدرج السريع قوي


أنا فاكرة ان لما أنغام عملت كليب لابسة فيه كت .. استاءنا جدا وقولنا ايه المسخرة ده؟؟
هو احنا حانشوف الكت كده عادي في التلفزيون ؟؟
مع العلم ان اللي قال كده من الناس العاديين جدا و مش محجبات أساسا

بس كانت العين مش متعودة على العري
لكن دلوقت الكات أصبح مبرر لإعجابنا بإحتشام المغنية بالمقارنة مع اللي بنشوفه
مع ملاحظة ان اللي اعترض ع الكت هو نفسه اللي احترمه بعد 7 أو 10 سنين فرجة ع العري

تخيل الكارثة اللي بنتدرج ليها

الأحد, فبراير 25, 2007

 
Blogger يا مراكبي said...

Hannoda

أنا سعيد جدا إنك تعبتي ووصلتي للبوست القديم ده

واللي بتقوليه مظبوط .. الإعتياد على شيء سيء بيخلى الواحد يتدرج لما هو أسوأ بعد كده بسهولة .. وهو ده المخطط اللي بيتعمل ليما في كل مجالات الحياة

متشكر تاني ونورتينا

الاثنين, فبراير 26, 2007

 
Blogger REEMOO said...

انت بتتكلم عن نفس مضمون موضوعى
طبعا باختلاف طريقه تناول الموضوعين
هى فعلا الكتباه دى مسؤوليه
بس كل انسان وضميره
الواحد ميقدرش يجبر حد على حاجه
بس هو بيحاول على قد ما يقدر
انه يكتب حاجه يكون ليها معنى
ومضمون ويبقى فيها افاده نوعا ما
بجد موضوعك هايل والتعليق متاخر اوى اوى
بس معلش
شرفتنى بزيارتك فعلا لمدونتى
ميرسى ليك

الأربعاء, أبريل 04, 2007

 
Blogger يا مراكبي said...

Reemo

أنا اللي أشكرك على تعبك وزيارتك للبوست القديم ده .. ومتشكر جدا على تعليقك الجميل

تحياتي

الجمعة, أبريل 06, 2007

 
Anonymous غير معرف said...

Good web site you've got here.. It's hard to find good quality writing like yours nowadays.
I seriously appreciate individuals like you! Take care!

!

Here is my web blog - BlackBerry Z10 cena

الخميس, مايو 09, 2013

 
Anonymous غير معرف said...

Hey I know this is off topic but I was wondering if you knew of any widgets I could
add to my blog that automatically tweet my newest twitter updates.
I've been looking for a plug-in like this for quite some time and was hoping maybe you would have some experience with something like this. Please let me know if you run into anything. I truly enjoy reading your blog and I look forward to your new updates.

Also visit my website htc one x+ цена

الجمعة, مايو 10, 2013

 
Anonymous غير معرف said...

I do not even understand how I ended up here, but I thought this publish used to be good.

I don't realize who you might be however definitely you're going to a well-known blogger if
you are not already. Cheers!

Feel free to surf to my web page - htc incredible s цени

الجمعة, مايو 10, 2013

 
Anonymous غير معرف said...

Hello there! Would you mind if I share your blog with my facebook
group? There's a lot of people that I think would really appreciate your content. Please let me know. Cheers

Also visit my website htc one x

الجمعة, مايو 10, 2013

 
Anonymous غير معرف said...

I wanted to thank you for this very good read!! I definitely enjoyed every bit of it.
I have you book-marked to check out new stuff you post…

Check out my web blog :: htc one s цени

الجمعة, مايو 10, 2013

 
Anonymous غير معرف said...

Wow, amazing blog format! How lengthy have you been running
a blog for? you made blogging glance easy. The overall
glance of your website is wonderful, as smartly as the content material!


my web-site ... htc sensation xl цена

الجمعة, مايو 10, 2013

 
Anonymous غير معرف said...

Hi to all, the contents present at this web site are actually remarkable
for people experience, well, keep up the nice work fellows.


Feel free to surf to my webpage: HTC Windows Phone 8X cena

الجمعة, مايو 10, 2013

 

إرسال تعليق

Links to this post:

إنشاء رابط

<< Home