مين طفى النور
قاعد في حالي لا بيا ولا عليا وبأصفي نفسيتي قبل الحج وبأحاول أبطل كل أنواع القباحة .. عمال أعود نفسي إني ما أندفعش قصاد أي إستفزاز .. وفجأة يتصل بيا والدي العزيز من مصر ويقول
.
أبو المراكبي: ألو .. ألو .. إزيك يا مراكبي يا ولدي
المراكبي: إزيك يابا .. عامل إيه؟ وإيه الأخبار؟
أبو المراكبي: فيه مشكلة .. مشكلة كبيرة يا ولدي
المراكبي: خير .. حصل إيه؟ أمي ماتت تاني؟
أبو المراكبي: لأ .. جاتلنا فاتورة الكهربا بتاعت شقتك .. عشرة جنية
المراكبي: كهربا إزاي يابا؟ دي الشقة مقفولة 11 شهر في السنة
أبو المراكبي: كل شهر هتبقى كدة .. رسوم نظافة يا ولدي
المراكبي: نظافة إيه؟ هي الحكومة هاتبعت حد ينظف الشقة كل شهر؟
أبو المراكبي: لأ .. دي علشان شركة النظافة اللي كانت بتلم الزبالة
المراكبي: هيا لسة موجودة؟ مش مشيت خلاص؟
أبو المراكبي: أيوة مشيت من زمان .. وبنتعامل دلوقت مع الزبال القديم
المراكبي: وبعدين؟ هانعمل إيه يابا؟
أبو المراكبي: مش هأدفع مهما عملوا إية .. وهاشتكي لحد أعلى مستوي
المراكبي: وهما ممكن يعملوا إيه لو مادفعناش؟
أبو المراكبي: يقطعوا الكهربا .. بس أنا هأعرف أرجعها .. ما تقلقش
.
إنتهت المكالمة .. وطبعا نسيت إني رايح الحج وضرب الدم في نافوخي .. وبعد كام شتيمة على فاصل من القباحة .. قعدت أفكر .. إية الوقاحة دي؟ مافيش شركة نظافة وكمان أنا مش موجود في مصر طول السنة .. وهأدفع إتاوه؟ ولو ما دفعتش هايقطعوا عني الكهربا؟ يعني أنا أخدت أولادي ومشيت من البلد ومش عامل أي ضغط على مرافق الدولة .. وبأدفع رسوم سنوية لتصريح العمل .. وكمان هأدفع تمن خدمة مش موجودة أصلا؟
.
طبعا أنا متخيل السيناريوهات اللي بعد كده .. فيه سيناريو هندي .. وهوا إن المحصل بتاع الكهربا يطلع واد غلبان وهايقول أنا مالي .. أنا شغلتي أحصل بس وما أعرفش إيه اللي في الفواتير دي .. نروح لإدارة الكهربا هايقولوا دي أوامر جاية من فوق وإحنا عبد المأمور .. وممكن تطلع فوق أكتر وأكتر لحد ما ييجي قرار بإلغاء رسم النظافة ده لرفع المعاناة عن كاهل المواطنين .. واللي يطلع القرار ده طبعا هيبقى حلو وحاسس بالناس ونصقف ليه .. طيب هو مين اللي خلق المعاناة دي من أصله؟ والا إنتوا بتعملوا الفيلم ده كله علشان نصقف في الآخر للبطل اللي رفع عنا الظلم؟
.
وفيه سيناريو بلدي .. وهوا إني أنا والوالد وسكان الشارع كله نخبط رأسنا في أجدعها حيطة .. وهاندفع رسوم النظافة غصب عن عين أهالينا كلهم .. علشان مش هانعرف نعيش من غير كهربا طبعا .. وأرجع وأقول .. القافلة تعوي .. والكلاب تسير .. وهو ده ملخص الحال فيكي يا بلادي
.
اللهم إليك نشكو ضعف قوتنا .. وقلة حيلتنا .. وهواننا على الناس
يا رب العالمين .. أنت رب المستضعفين .. إلي من تكلنا؟
إلى بعيد يتجهمنا .. أم إلى عدو ملكته أمرنا؟
إن لم يكن بك غضب علي .. فلا أبالي
.
أبو المراكبي: ألو .. ألو .. إزيك يا مراكبي يا ولدي
المراكبي: إزيك يابا .. عامل إيه؟ وإيه الأخبار؟
أبو المراكبي: فيه مشكلة .. مشكلة كبيرة يا ولدي
المراكبي: خير .. حصل إيه؟ أمي ماتت تاني؟
أبو المراكبي: لأ .. جاتلنا فاتورة الكهربا بتاعت شقتك .. عشرة جنية
المراكبي: كهربا إزاي يابا؟ دي الشقة مقفولة 11 شهر في السنة
أبو المراكبي: كل شهر هتبقى كدة .. رسوم نظافة يا ولدي
المراكبي: نظافة إيه؟ هي الحكومة هاتبعت حد ينظف الشقة كل شهر؟
أبو المراكبي: لأ .. دي علشان شركة النظافة اللي كانت بتلم الزبالة
المراكبي: هيا لسة موجودة؟ مش مشيت خلاص؟
أبو المراكبي: أيوة مشيت من زمان .. وبنتعامل دلوقت مع الزبال القديم
المراكبي: وبعدين؟ هانعمل إيه يابا؟
أبو المراكبي: مش هأدفع مهما عملوا إية .. وهاشتكي لحد أعلى مستوي
المراكبي: وهما ممكن يعملوا إيه لو مادفعناش؟
أبو المراكبي: يقطعوا الكهربا .. بس أنا هأعرف أرجعها .. ما تقلقش
.
إنتهت المكالمة .. وطبعا نسيت إني رايح الحج وضرب الدم في نافوخي .. وبعد كام شتيمة على فاصل من القباحة .. قعدت أفكر .. إية الوقاحة دي؟ مافيش شركة نظافة وكمان أنا مش موجود في مصر طول السنة .. وهأدفع إتاوه؟ ولو ما دفعتش هايقطعوا عني الكهربا؟ يعني أنا أخدت أولادي ومشيت من البلد ومش عامل أي ضغط على مرافق الدولة .. وبأدفع رسوم سنوية لتصريح العمل .. وكمان هأدفع تمن خدمة مش موجودة أصلا؟
.
طبعا أنا متخيل السيناريوهات اللي بعد كده .. فيه سيناريو هندي .. وهوا إن المحصل بتاع الكهربا يطلع واد غلبان وهايقول أنا مالي .. أنا شغلتي أحصل بس وما أعرفش إيه اللي في الفواتير دي .. نروح لإدارة الكهربا هايقولوا دي أوامر جاية من فوق وإحنا عبد المأمور .. وممكن تطلع فوق أكتر وأكتر لحد ما ييجي قرار بإلغاء رسم النظافة ده لرفع المعاناة عن كاهل المواطنين .. واللي يطلع القرار ده طبعا هيبقى حلو وحاسس بالناس ونصقف ليه .. طيب هو مين اللي خلق المعاناة دي من أصله؟ والا إنتوا بتعملوا الفيلم ده كله علشان نصقف في الآخر للبطل اللي رفع عنا الظلم؟
.
وفيه سيناريو بلدي .. وهوا إني أنا والوالد وسكان الشارع كله نخبط رأسنا في أجدعها حيطة .. وهاندفع رسوم النظافة غصب عن عين أهالينا كلهم .. علشان مش هانعرف نعيش من غير كهربا طبعا .. وأرجع وأقول .. القافلة تعوي .. والكلاب تسير .. وهو ده ملخص الحال فيكي يا بلادي
.
اللهم إليك نشكو ضعف قوتنا .. وقلة حيلتنا .. وهواننا على الناس
يا رب العالمين .. أنت رب المستضعفين .. إلي من تكلنا؟
إلى بعيد يتجهمنا .. أم إلى عدو ملكته أمرنا؟
إن لم يكن بك غضب علي .. فلا أبالي
تعليقات
وفيه انيل من كده الحكومة حصلت الشهر اللي فات من بعض المناطق اتاوة قصدي فاتورة نضافة باثر رجعي
يعني دفعاناها مرتين في شهر واحد
وطبعا ولا شركة ولا يحزنون
لما جه المحصل سألناه
قال انا ماليش دعوة ولا باخد الفلوس دي في جيبي
وطبعا ملزمين ندفع لعامل القمامة المعتاد اللي فعلا بيقوم بالمهمة الحقيقية
واياكش تولع
ركز انت فى الحج
و ادعى ربنا يديك قوة الحق انت والسيد الوالد
و متنساش تدعيلنا
الف مبروك على الحج
حاجه فعلا تخرج الواحد عن شعوره
مش عرافه اقولك ايه
انت رايح تحج .. ان شاء الله ربنا يكتبهالك ويتقبل يارب
هناك بقى ما تنساش تدعى وتقول كل اللى فى نفسك
:)))
بس هنعمل اية
على فكرة احييك على اسلوبك
وحج مبرور وذنب مغفور يا عم الحج
انت قبل ما تسافر تروح شركة الكهربة تقفل العداد و ترفع خط التليفون علشان العالم دي سفاحين بيعملوا متوسط لاستخدامك في شهر الاجازة اللي بتقعده و يدفعوك طول السنة
مش كنت تسالني
--
اعمل حسابك في لبس تقيل السنة دي الحج برد
---ربنا يتقبل منا و منكم
كمان بأثر رجعي؟ مش لاقي لفظ يعبر عن ما هو أكبر من الوقاحة
أهلا بيكي دايما وعلى فكرة أنا قربت أخلص قراية مدونتك
shaimaa
بسبب ظلمهم بقينا نحس بالضلمة حتى في عز النهار .. حسبي الله ونعم الوكيل
طبعا هادعيلكوا وعقبالكوا إن شاء الله
حنين
أنا كنت ناوي أدعي ليا وللناس لكن ما كنتش متخيل إني هأدعي على حد .. بس أعمل إيه .. هما السبب
mano
أهلا بيكي .. إمبارح بالصدفة إكتشفت مدونتك وكنت ناوي أبدأ في قرايتها قريب .. وفجأة لقيتك مشرفانا هنا .. أهلا بيكي تاني
واحد من الناس
بأحاول أروق دمي بس أديك شايف .. مشاكل بيفتعلوها وخارج حدود العقل
كلبوزة هانم
عملت كده فعلا بس لفيت كعب داير علشان أقفل الكهربا ولفيت كعبين دايرين علشان أرجعها تاني .. ما إنتي عارفة الحكومة
واخد معايا إتنين لبس إحرام علشان البرد بس حاسس إنه مش هايبقى كفاية .. ربنا يستر إن شاء الله .. شكرا على نصايحك
أحة
عاشت الأحة حرة مستقلة
وعاش زعيم الأحة آاادم المصري
وسيبك من اى حاجة تانى
وتروح وترجع بالسلامة
يعمل احلى شغل و مش عايزين كهربا
و لا ندفع نظافة
دى سرقه عينى عينك
و شكرا على زيارتك للمدونة يا مراكبى
و مبروك على الحج و ابقى ادعيلنا هناك و انت فى الحرم و ادعى على الحكومة الميمونة اللى خربت بيوتنا
بيجاسوس المصرى
طب حضرتك احنا بدفع فاتوره الكهرباء بالنضافه برضه وبندفع طبعا للزبال القديم
بس واضح ان الحكومه محتاجه سيوله اكتر فا بتلم مننا بطريقه تانيه الا وهى
بندفع دلوقتى فلوس لنضافه الشارع اللى قدام العماره مرتين مره لصاحب العماره اللى المفروض انه بيدفعها فى مجلس المدينه ومره تانيه لمحصل مجلس المدينه اللى برضه لو حاولت تتفاهم معاه هايرفعلك شعار الحكومه...طب وانا مالى وانا مالى وانا مالى ماااااااالى
للرائعه ورده
ادعيلنا والنبى وانت هناك اننا نروح
أنا عارف طبعا إن اللفظ ده معبر جدا وبيجمع بين بلاغة الإعتراض وبراعة التلخيص .. فخير الكلام ما قل ودل
بس إنت عارف .. أنا ما قولتوش علشان عايش في دور الحاج بقى .. لكن لو الحكومة إستمرت في كده .. ممكن يضيعوللي ثواب الحج لما أخرج عن شعوري
أجدع واحد في الشارع
متشكر جدا وخليك متابعنا دايما .. وأنا هاتابعك طبعا
بيجاسوس المصرى
شكلها كده هانرجع للمبة الغاز والراديو أبو مانافيلله .. غريبة .. كل الناس عايزاني أدعي عالحكومة .. ماتقلقوش .. المهم ربنا يتقبل الدعاء
rony
أهلا بيكي .. اللي بتقوليه ده بيفور دمي أكتر وأكتر وأنا بأحاول أهدي نفسي
أوعدك إني أقرأ كل مدونتك إن شاء الله زي ما بأعمل مع كل ضيوفي الكرام