قلب الوطن مجروح
قلب الوطن مجروح
لا يحتمل أكتر
نهرب و فين هانروح
لما الهموم تكتر؟
لا يحتمل أكتر
نهرب و فين هانروح
لما الهموم تكتر؟
نحمي غصون الورد
من دمع سال عالخد
آه يا حبيبة الروح
قلب الوطن مجروح
.
.
لو حتى قلبي تاه
بين الشجن والآه
ياللي لقاكي حياة
بين الشجن والآه
ياللي لقاكي حياة
أنا حبي ليكي صلاة
يا مطيره العصافير
رجع الهوا بالخير
لو قلبي عاد ضميه
إديه حنان وداديه
ده الصمت مش لينا
فين الولد مايروح
لازم يعود أسمر
قلب الوطن مجروح
لا يحتمل أكتر
.
.
لو ينطق الموال
لازم يروق الحال
محتاج ليا دراع
وشراع وراحة بال
محتاج ليكي نجوم
نايمه في حضن بلادي
لو بحرنا نسقيه
صحيه وبوسي عينيه
ياما بكره يسقينا
خلي طريق الجوع
يصبح طريق مرمر
قلب الوطن مجروح
لا يحتمل أكتر 
تعليقات
اختيار موفق
أيوة .. كمان تحس من كلمات الأغنية إنها لسة مكتوبة إمبارح بس
متشكر كتير لتشجيعك ودايما منورني
و الصور مختاره بعنايه
اضافت على الكلمات جمال
حقيقى الكلام زى ما يكون مكتوب امبارح
تحياتى
قلب الوطن مجروح
1minelnas.blogspot.com
أنا ترددت كتير قبل ما أحط الصور دي .. علشان بجد الوطن مش ناقص وجع زيادة
دايما منورة
متشكر كتير على التعليق الجميل ده .. فعلا الكلام جه على الجرح وحسينا وكأنه مكتوب مخصوص دلوقت
أهلا بيكي دايما
صح ..مجروح وكمان لا يحتمل أكتر
إنت فين بقى لك مدة؟ مافيش بوست جديد ولا إيه؟ بقى لك أكتر من شهر مافيش حاجة جديدة
إيه النور ده .. زيارتين ورا بعض؟ ده شرف كبير
أنا فعلا هربت من الوطن من 3 سنين بسبب مشاكل الوطن والشعب ومشاكلي أنا كمان .. بس الحقيقة إن قبل كده بسنتين كنت عايش ومش عايش .. يعني كنت في مصر صحيح بس كنت حاسس إني مش معاهم .. عايش بجسمي بس
قلبي بقى موجوع وما يحتمل أكتر .. زي قلب الطن بالظبط
تحياتي .. ويا ريت تعرفني عليك أكتر ولو على الإيميل
ليه تقلب المواجع كده كلها مرة واحدة هو كويس علشان مننساش زي عادتنا بس مش كده
سلام
على فكرة .. أنا قلبي موجوع أكتر وأكتر .. أنا نفسي أقعد في وسط عيلتي وأبويا وإخواتي .. نفسي أتمتع بحاجات كتيرة إفتقدتها .. ومش قادر آخد قرار الرجوع .. قلبي موجوع على البلد .. وكمان موجوع علي اللي بحبهم
والصور اللى انت حاططها اروع كمان
قلبت علينا المواجع يراجل
السؤال قلب الوطن المجروح
والجرح بقة مزمن
علاجه فين؟
ومين يعالجه؟
سؤال محتاج جواب
تحياتى
الصور ملائمة جدا للحال الراهن
اغنية جميلة جدا والصور موفقة فى الاختيار بطريقة حلوة قوى
ومش هاقولك قلبت علينا المواجع ...لان المواجع دى على طول صاحية وقدام عنينا كل لحظة
بتسأل عن علاج الجرح يا دكتور؟
سؤالك ده جميل وعلى عيني ورأسي .. بس بلاش أنا اللي توجهله السؤال ده .. أنا قلبي موجوع بقى له سنين .. ودلوقت موجوع أكتر وأنا بعيد
الحال الراهن ده بقى له زمان وطول قوي
ده أنا حتى حاسس إنك كنت وردة بيضاء وإسودت من اللي بيحصل ده
أنا سعيد إنك دايما منوراني .. بالتوفيق دايما
متشكر كتير على تعليقك الجميل .. صحيح .. المواجع بقت فعلا قدام عينينا على طول
أهلا بيكي وماتطوليش علينا
لا اجد كلمات
فقد عبرت انت بالصور والكلمات
تحياتي
اشكرك
الله
الاختيار تحفة
والصور ماشية اوى مع الكلام
تحياتى
ادي الابداع ولا بلاش
ابدعنا يا باشا
معنى حلو
و احساس جديد
شكرا ليك
متشكر كتير يا عمووور على تعليقك الجميل .. ومتشكر على إضافتي عندك
أنا اللي بأشكرك كتير على تشريفك وعلى إنك عرفتني بالبلوج الجميل بتاعك
تحياتي
متشكر كتير على ذوقك وإحساسك العالي .. منور
متشكر قوي .. بس ده مش إبداع ولا حاجة .. ده مجرد إحساس مني بأطلعه بالشكل ده
تحياتي ومتشكر عالصورة بتاعة الراجل الغلبان ده
فعلا عندك حق .. دايما الناس اللي عندها إحساس عالي بتحس بالحاجات دي على طول
متشكر كتير لتشرفك تاني
بس نعمل ايه هي دي الحقيقه
ربنا معانا ويشفي قلب وطنا
كلمات جميله وصور معبره عن الجرح والألم
قلبة هو شعبة
البلوج ده فيه شعر
انا كدا هاجي كل يوم
يا سلام يا حبيبتشي يا مصر يا مصر يا حبيبتشي يا مصر
اصل الكلام قصر فيا معلش
و الوطنيه و الصور مش عايزه اقلك
ولا شاف النيا تيرارارا
تحياتشييييييي
متشكر كتير على تعليقك .. وأنا معاكي إننا مش ناقصين وجع قلب .. وزي ماالأغنية فعلا بتقول .. ما يحتمل أكتر
الله عليكي .. حلو قوي التعبير ده .. قلبه هو شعبه
جميل قوي
متشكر جدا .. نجاملك في الأفراح دايما إن شاء الله
ده البلوج كان حزايني وإنتي قلبتيه فرح كده أول ما جيتي .. كل ده من حب مصر؟
بس هو فين الشعر ده؟ أنا شعري وقع من كذا سنه
ههههه
شكرا ليك
أنا اللي أشكرك على زيارتك وياريت تشرفينا دايما .. مبروك البلوج الجديد
تعليق جميل جدا .. ينفع كوبلية نزوده على الأغنية
نورتينا ومش هأوصيكي على جايزة ال 75 قرش .. يا مبذرة
من الاكياس الملوثة اياها
ربنا يستر
كلمات عالية
و منير ملعلع
تعالى زور
طهقان و طهقانة
مش كفاية الغربة ياعم المراكبى
أنا عينى دمعت ودى صعب جداً أنها تحصل
قلب المواجع ياعم أحمد
بجد حراااااام أنا كل ما أجى اقفل الصفحة أرجع وأقراها تانى
ينفع كدة اللى أنتى عملتة فيا
و علمتني أحس بمصر وكأنها حضن اتخلعت منه
يس مش عارفة فيه كلمات أنا بسمعها في الأغنية بمعنى غير اللي انت كاتبه و مش عارفة مين فينا اللي صح؟؟؟
محتاج ليا دراع
وشراع وراحة بال
محتاج ليكي نجوم
نايمه في حضن ((بلادي))
***************
ولاّ:
محتاج ليكي نجوم
نايمه في حضن ((هلال))
**************
لو بحرنا نسقيه
صحيه وبوسي عينيه
ياما بكره يسقينا
*************
ولاّ:
لو ((بحري نام اسقيه))
صحيه وبوسي عينيه
ياما بكره يسقينا
أعتقد انه يقصد بـ (بحري) عطاؤه هو كمواطن إذا نام يعني أصابه الخمول فعاوزها (مصر) تسقسه لإنها العطاء الأكبر و عاوزها تصحيه و تبوس عنيه وإن عطاءها مش حايضيع هباء لإنه ياما بكرة حايرد الجميل و يسقينا
ده اللي بحسه من الكلام كل ما بسمعه فا مش عارفة رأيك ايه؟؟
بس أحلى حاجة فكلام منير إنه متفصل على قد قلب كل حد بيسمعه
معجبة جدا بالبوست بتاعك
تحياتي
عزيزتي الطهقانة
ما أخبيش عليكي .. هو فعلا من الأكياس إياها .. ربنا يسترها معانا جميعا
متشكر كتير على زيارتك ودعوتك للبلوج الجديد بتاعكوا .. عجبني كتير كتير
تحياتي ليكي ولزوجك العزيز أخويا طهقان
أنا كنت متأكد إن عينك هاتدمع لأننا في الهم سوا
غربة هناك وغربة هنا وغربة جوانا
يعني أنا وإنت واللي زينا هايكون إيه اللي جابهم هنا لولا أحوال البلد .. أكيد مش جايين نعمل سياحة
أنا متشكر قوي إنك رجعت تاني وإعذرني بسبب النكد ده .. هانقلب ضحك تاني المرة الجاية
أهلا بيكي تاني
فيه كام أغنية زي كده شايلهم لوقت تاني علشان الجرعة ماتبقاش زيادة عليا وعليكوا
بالنسبة لكلمات الأغاني .. كل اللي بتقولية يمكن يكون هو اللي صح وأنا يمكن اللي وداني مش ولابد .. حكم السن بقى
نورتي
موضوع فعلا حلو جدا
مزج جميل وموجع بين الكلمات البديعة والصور الكاشفة
تحياتي
على فكرة .. أغلب المدونين والناس اللي بتوجع دماغها بالتفكير لازم يحبوا أغاني محمد منير .. دي صفة مشتركة وطبيعية
بس البوست اللي جاي جايز مايبقاش فيه أغنية لمنير .. معلش
كان نفسي يكون عندي رصيد من اللوحات زيك علشان أخفف من الحقيقة المرة شوية
تحياتي
تسلم ومشكور عليها
تحياتى
متشكر كتير على تشجيعك .. نورتني
اشد ما اعجبني هو تعبير كل مقطع عن صورته..الكلام ده كان ماثر فيا من زمان قوي
جميل انك جبتهولنا تاني
و صور بتوجع
متشكر قوي علي زيارتك للبوست ده
للأسف فيه صور بتوجع أكتر وأكتر .. هي دي بلادنا .. نهرب وفين هنروح؟
تحياتي
انه فعلا حفيد النيل
ايه يابلاد ياغريبه عدوه ولا حبيبه
وأنا معاك في الرأي ده .. أهلا بيك