وإحنا نايمين
في سنة 1997 أوبعدها بشوية صحي الشعب المصري على خبر إن فيه مهرجان سياحة وتسوق في دبي وحاجات غريبة كده .. بعدها بشوية بدأت الناس تتكلم عن دبي وعن جمالها وعن تقدمها وعن التبادل التجاري الضخم اللي هناك وكأن دبي دي إكتشاف جديد أو كأنها بلد طلعت من تحت الأرض فجأة .. لكن الحقيقة غير كده خالص .. الحقيقة هي إنهم شغالين بيبنوا في بلدهم من أكتر من خمسة وعشرين سنة وإحنا كنا نايميين .. أنا عارف إن رقم 25 سنة ده رقم سحري بالنسبة لكم .. لكن خلينا في موضوعنا دلوقت
.
يعني تصدقوا مثلا إن ميناء جبل علي اللي هو أكبر ميناء صناعي في العالم تم افتتاحه سنة 1979 وكان فيه 67 رصيف للسفن العملاقة؟ وكان قبلها بسنة واحدة بس لسه مخلصين مشروع توسعة ميناء راشد اللي وصلوه لخمسة وتلاتين رصيف؟ وإنهم في سنة 1979 تم افتتاح مصنع الألومونيوم الأكبر في العالم؟ وإن طيران الإمارات إشتغلت سنة 1985؟ طبعا كلنا كنا فاكرين إن الحاجات دي كلها لسه معموله قريب جدا
.
في ال 25 سنة السحريين اللي فاتوا لو بصينا على مستوى العالم هنلاقي إن دبي بقت هي الأولى في تجارة إعادة التصدير وعندهم أكبر مصنع ألومونيوم وأعلى فندق وأعلى ناطحة سحاب وأكبر مركز للتسوق وأكبر جزر صناعية وأكبر ميناء بحري وأكبر معدل نمو اقتصادي
.
وعلى مستوى الشرق الأوسط بقى عندهم أكبر مركز للمال وأكبر برج للمكاتب وأكبر سوق حرة وأكبر مطار وأكبر شركة طيران وأكبر تجمع لشركات التكنولوجيا والإعلام والإنترنت وأكبر منطقة حرة وأكبر مدينة للإعلام وأكبر حوض جاف
.
بيدخلهم سنويا حوالي 6 مليون سائح ونفسهم يوصلوهم ل 15 مليون سائح سنة 2015 .. المطار بيستقبل 25 مليون راكب سنويا ونفسهم يوصلوهم ل 120 مليون راكب في العشر سنين اللي جايه .. دخل الإمارة السنوي أكتر من 37 مليار دولار .. شوفوا دول يطلعوا كام باللحلوح المصري وقولولي مصر بتعمل كام لحلوح في السنة؟ أنا شخصيا بأشارك في جزء من مشروع إنشاء مطار جبل علي اللي هيكون من أكبر مطارات تداول البضائع في العالم
.
من أحلى الكلمات اللي قالها أمير دبي هي إن الأمم بتتقدم على الأمم الأخرى حسب تقدم اقتصادها .. والاقتصاد هو عصب الحياة في الماضي والحاضر والمستقبل .. العرب كانوا الأعلى في العالم بين الأمم لما كانوا هما اللي مسيطرين على الاقتصاد العالمي .. إزاي؟ إخترع العرب الشراع المثلث للسفن البحرية فقدرت السفن تبحر من غير ما تستنى الرياح الشديدة .. اعتمدوا على علم الفلك وحركة النجوم علشان يبحروا بالليل مش بالنهار بس .. إخترعوا البوصلة فقدوا يبحروا لما الدنيا تكون مغيمة والنجوم مش باينه في السماء .. الخلاصة .. قدروا يبحروا في كل وقت وتحت أي ظروف فقدروا يسبقوا بتجارتهم كل الأمم التانية .. قدروا يتاجروا حتى في محاصيل سريعة التلف .. سيطروا على الاقتصاد العالمي فكانوا أعلى الأمم .. لحد ما جت أمم تانيه اخترعت السفن اللي بالمحركات البخارية وسبقونا .. الوقت بيمر والعالم بيجري وماحدش هيستنانا
.
وفي النهاية .. أحب أهدي البوست ده لحبايبنا بتوع الاقتصاد وأصحاب القرار في بلدنا وسمعوني سلام البريء بريء بيء اللي بيلق في الشكمانات .. وخلينا نايمين
تعليقات
السلام عليكم ورحمة الله وبركاته
إنه لمن دواعى سرورى
أن أتعرف على مدونتك العامرة وشخصك الكريم
وأحييك على هذا الطرح القيم
وأنا معك أشاركك الإهداء للرجال الاقتصاد فى بلدنا المحروسة لعل وعسى
تقديرى واحترامى
أخوك
محمد
أكيد فيه علاقة بين الخمس وعشرين سنة بتوعهم والخمسة والعشرين بتوعنا
بس .. ما علينا
بيقوللك فى المثل
الكسل أحلى من العسل
والنوم سلطان
والباب اللى يجيلك منه الريح
وعلشان ما نعلى ونعلى لازم نطاطى نطاطى
و
عايز تانى؟
نفسي نرجع زي العرب زمان .. ونبقى في مكان القيادة .. مش فاكرة كنت قرأت فين قبل كدا عن ملك من ملوك اوروبا كان باعت بنته بهدايا وحاجات كثيرة يعني وبرسالة بيطلب فيها من احد الامراء تقريبا في الاندلس ان بنته تتعلم عندهم .. علشان هما الأصل يعني
وكدا
انا مش فاكرة الحكاية بالظبط .. لكن فييييييييييييين الأيام دي
دا احنا دلوقتي بنتمسح فيهم !!
خاليكوا متفائلين ان شاء الله ال 25 سنة الجايين يكونوا احسن من اللي فاتوا
حقايق تقطع القلب وتجيب اكتئاب
الف مبروك ليهم
وربنا يزدهم
ومبارك علينا
بقينا فى القرافة
تعيش وتفتكر
هو صوان العزا فينا منين ؟
مركبي كل الي ممكنم اقوله
الله جاب الله خد الله عليه العوض
وع فكره لو تيجي تبص عندنا هنا في السعوديه هتلاقي نفس الموضوع
لانها كانت صحراء قاحله بالضبطمن
سنه1410بس لو تشفها دلوقت الناس مرتاحه ومعندهاش عقد والاقتصاد ممتاز والا بقي ناطحات السحاب والمولات فدي اكتر حاجه موجوده في الرياض
تشكر ياباشا ع البوست الي مليان ارقام تجيب حالات عصبيه ده
و(بست وشز فور يو)0
ولا بتشرح خطة للنهضه بمصر
على العموم حاسس بيك
سلام
ماهي الحكاية ناقصة
اهئ اهئ
ندعوكم للمشاركة معنا فى مدونة الملتقى
ملتقى المدونين
ونريد منكم امشاركات الطيبة التى تفيد الجميع
جعلة الله فى ميزان حسناتكم
تسعدنا زيارتكم
انت بتقول خمسة وعشرين
انت عدو ولا حبيب
ااااااااااه يا مراكبي
--------------
المعلومات اللي عمال تقولها دي بتحسر وحياتك خفها شوية الله يرضى عليك دانا كنت لسه في وسط البلد والموكب ابن الـ.... إياه معدي
---------------
ايه رايك طيب انا هخلص كمان سنه
اشد القلوع انا كمان ولا ايه ؟؟
---------------
معلوماتك معظمها بحرية
ده تحيز عشان مراكبي ولا مصادفة مقصودة
الخمسه وعشرين عندهم بخمسه وعشرين الف عندنا
عارف بقي فرق العمله
الله يسامحهم
من ساعت ما غيرو الساعه والعيب بقي في العقارب
من ساعتها مش عارفين نتقدم والاقتصاد مش واخد واضعه
معلش جت سليمه المره دي
قولي اخبار السلميه ايه؟
وعليكم السلام ورحمة الله وبركاته
إنه ليشرفني زيارة سيادتكم الكريمة كما أنني أشكرك على إطراؤكم الكريم
وأشكرك على مشاركتك الرأي .. لعل وعسى .. الله أعلم
ندعوا الله أن يصلح لنا أولي الأمر
اما بعد
مش عارفة ليه عندى احساس قوى جداااااااا
ان الكلام دة و الى يوجع دة
فى حاجة و سبعبن مليوه بنى ادم ممكن يرمى نفسة تحت عربية و لا قطار
اكيد حاجة تحزن
و تارف و توجع وتنكد و...... كفاية بقى لاحسن هعيط
:((
إنتي اللي بتلقحي كلام على الخمسة وعشرين سنة .. أنا ماليش دعوة بيكي
ما علينا
كل دي أمثال بتدعوا للنوم والكسل؟ دي حاجة إحنا بننفرد بيها بقى
لازم نقول في دعاياتنا السياحية إن الأجانب ييجوا يتفرجوا على الأهرام والناس النايمة
تصبحي على خير .. خخخخخ
أهلا بيكي وتشكر على الإطراء ده
هي دي حقيقة القوة اللي مالناش غيرها: الإقتصاد ثم الإقتصاد ثم الإقتصاد
والحكاية اللي أشري إليها حقيقية فعلا .. وهو ده كان وضعنا زمان
زماااان
ياريت نفهم ونتكسف على دمنا .. شكلنا بقى وحش قوي والعالم بيتفرج علينا ويضحك
بس شكلها كده الأغنية معكوسة معانا اليومين دول
سقف طموحات أولى الأمر لايعلوا عن نعال الأحذية؟ أول مرة أعرف إن عندهم طموحات أصلا .. منكم نستفيد يا فندم
عجبني تعبيرك: انتشرت العشوئيات في الشورع العقول و الافكار
وطبعا اكيد لسه في امل و لسه في مصرين عايزين يساعدوا البلد
الفجر جاي مهما طالت الظلمة
طبعا لما نبص لإنجازات غيرنا لازم نستنتج إننا بنهرج
هو ده التعريف الوحيد لحالتنا
وعليكم السلام عليكم ورحمةالله وبركاته
هو لسه فيها كمان 25 سنة تانينن زي اللي فاتوا؟ ده إحنا ننتحر دلوقت أحسن لنا
أحييكي على التفاؤل ده
:-D
حمد الله على سلامتك يا جدو
أنا رأيي إننا بدل ما نروح العزاء اللي في مصر .. نروح نحضر الفرح اللي في دبي
مش ناقصة وجع قلب .. سلامة قلبك
The summer here in Kuwait is completely different. It is almost 52 degrees!!
Thanks for your visit
حلوة قوي بابا مراكبي دي .. أنا مش حاسس إني كبير قوي كدة
ههههههه
أهم حاجة في التقييم هي الأرقام .. هي اللي بتكشف لنا الحقايق اللي بتكون غايبة عننا .. أو عايزين نغيبها عننا
Best wishes to u too
وإحنا كمان المفروض نكون .. ناس
أنا ما أقبلش إننا ما نكونش حتى مجرد .. ناس
أهلا بيك
أنا مش قصدي حاجة خالص .. ما تلبسنيش تهمة ياعم
:-D
أهلا بيك دايما
ربنا ينكد على اللي منكد علينا
نكدوا على شعب بحاله
أشكركم على الدعوة للمرة التالتة
يسعدني زيارتكم لكن بأعتذر عن عدم المشاركه
أنا بأكرر .. أنا ما بأقصدش حاجة بالرقم 25 ده .. ما حدش يلبسني تهمة
إنت اللي بتقول موكب وبتلقح كلام .. أنا ما أعرفكش
:-D
هأجاوب على سؤالك بتاع شد القلوع: أنا قاومت مدة كبيرة جدا في مصر وحققت - بفضل الله سبحانه - نجاحات مش بسيطة .. لكن أعداء النجاح كانوا أكتر .. ولما زهقت قوي وحسيت إني عايش في مصر جثة من غير روح .. أخدت قرار الرحيل
حاول الأول في مصر وبعدين قرر مصيرك من السفر من عدمه .. بس لازم تحاول
طبعا أنا مراكبي أصيل .. لازم أتكلم عن المراكب
هههههه
العالم عندنا عايشين في مية البطيخ
يا عم الحج
بس سيبك البطيخ السنة دي مسكر
وكلة مية بيروي صحيح هدلك علي سوق تجيب منة بطيخ تطري علي قلبك يا هندسة
لحسن البوستات بتاعتك بتنشف الريق وتغيظ 25 سنة بس اتعملت بلاد
بص انت اظبط العداد هنلحقهم متخافش
بص يا سيدي تروح سيتي سنتر السالمية هتلاقي سوق تحت فية شوية حجات انما اية حكاية ومتنساش البطيخ
:)
هي دبي بس
الدوحه كمان الشغل فيها على قدم وساقين تلاته اربعه
بنيه تحتيه وفوقيه وجنبيه
مستودعات الغاز المسال بتزيد بنسميها في شغلنا تنك الغاز
متشاء الله الله اكبر
رصيفين تصدير جداد بيتعملو فوق الاربعه الموجودين حاليا
الله اكبر الله اكبر
ودا مش في 25 سنه لا والله في عشر سنين بس
واه يااااااااااااااني
انا بمر المرة دية هنا مش علشان اكتب تعليق
ولكن بمر علشان اقول الف شكر على مرورك
عندى وكتابة كلامتين اسعدونى فى مرضى
دة جميل فوق راسى وابسط شئ لرد جزء بسيط
من هذا الجميل انى اجى لغايه هنا واقول ...شكرا
ما شاء الله عليهم
"اللى عاوز يوصل لحاجة بيوصلها"
مالكم متحاملين كده ليه
وعمالين تقارنوا
وليه تبصوا للنص الفاضي من الكوب
تؤ تؤ
احنا قلنا اللي عاوز حاجة بيوصلها
هما حاطين في اهدافهم
انهم يوصلوا للي هما فيه دلوقتى
واحنا كمان
ايوة
كنا حاطين في دماغنا
ان سنة من السنين
حتطلع قضية اكياس دم فاسدة
وحيطلع اللبن اللي بنشربه فيه بودرة سراميك
وعبارة خدت معاها شبابنا
واكتر من نص الشعب تحت خط الفقر
انتم مش فاهمين
العيب مش اننا مش حاطين هدف
لا لا
الهدف موجود والحمد لله
بس القضية تكمن
في كون هذا الهدف..هو ايه
تحياتي لحضرتك
فيهم من جوه هما عايزين يبقو حاجه ولا مكتفيين بالباقى من الغير
الفكره مش فى البلد فين ولا امكانياتها ايه ولا مواردها ولا كل الكلام اللى عاملين يقولو فيه ليل ونهار
الفكره كلها فى دماغ الناس وتفكيرهم وطموحهم ورغبتهم فى انهم يبقو رقم واحد
وفوق كل ده وده حبهم للبلد بجد
الفكره لو الناس تبطل انانيه شويه وتعرف ان البلد دى لو بقت كويسه هما أول ناس هتستفيد زى ماهما مستفدين دلوقتى وأكتر
بس انت بتكلم مين وتقول لمين
حسب اقوال الصحف والحكومه
احنا لينا الرياده
loooooooooool
regards :)
صح .. فيه فرق في التوقيت وفرق في العملة .. العقارب عاملة شغل جامد في بلدنا .. قصدي عقارب الساعة طبعا
بس الإقتصاد مش لوحده اللي مش واخد وضعه عندنا .. فيه حاجات تانية كتيرة مالهاش وضع أصلا
السالمية؟ أنا من عشاق السالمية .. الكويت من غير السالمية يبقى مالهاش روح .. فيها أكتر من 50% من الأماكن الترفيهية في الكويت ..
وعليكم السلام عليكم و رحمة الله و بركاته
إحساسك ده سليم وحقيقي .. هو ده الإحساس الطبيعي اللي لازم يكون عندنا لما نعرف الحقايق دي
إحنا دعينا ليكي خلاص .. مش هتفتحي التعليقات عندك بقى؟
يا صباح الفل .. إيه اللي مصحيكي بدري كده؟
نورتيني بجد
أخيرا فيه حد صاحي في البلد النايمة دي
صدقني يا عدول .. أولي الأمر عندنا عندهم علم كامل بالأرقام دي والتطورات دي وهما أكثر إطلاعا مننا .. وعلشان كده سكوتهم أونومهم ده بحس لإنه مقصود أو مدبر مسبقا
سيبك إنت من البوست ونشفان الريق .. المهم موضوع البطيخ اللي في سيتي سنتر ده .. على الأقل مش ملوث وممكن آخد منه معايا وأنا نازل مصر إن شاء الله
أنا زرت قطر أكتر من مرة وعملت فيها مشروع مصنع الحديد والصلب قاسكو
فطر في سباق مع الزمن علشان تحصل دبي .. واللي حصل فيها من سنة 1995 لحد دلوقت يعتبر إنجاز بكل المقاييس .. ومعدلات نموها هتسبق دبي في 2006 وكمان 2007
كفاية قوي إنهم بيسيلوا الغاز الطبيعي وبعدين بيكرروه .. حاجة مش موجودة في العالم كله .. ده غير المؤتمرات وفروع الجامعات الأجنبية وقناة الجزيرة .. والأسياد الأولمبية
خليني شايل في قلبي وساكت .. قطر دي ما تجيش قد المسافة من الجيزة للسويس
جميل إيه بس اللي بتقول عليه يا جدو؟ ده أقل أقل أقل الواجب .. ده تعليقك ده لوحده هو الجميل اللي في رقبتي أنا
ألف سلامة عليك وإن شاء الله تكون بأفضل صحة سعادة
فعلا الامارات العربية عموما
هي اغنى الدول العربية
واللي اعرفه ان معظم سكانها من الهنود
يعني اهل البلد تقريبا 800 الف
وفيها 2.5 مليون هندي فقط
يعني حجم العمالة اكبر من حجم اهل البلد الاصليين
معاهم فلوس كتير اوي ما شاء الله
ربنا يهديهم ويفتح عليهم ويزيدهم من نعيمه
والافضل في الامارات كمان
ليالي الشرقة في رمضان والشيخ صلاح بوخاطر :)
وربنا يكرمك يامراكبي
وعليكم السلام عليكم ورحمة الله وبركاته
تعليق جميل جدا .. اللي عاوز يوصل للقاع هيوصل له طبعا مادام حاطط ده هدف وبيشتغل عليه
الفرق بس إن الهدف لما يكون في القاع بيكون الوصول إليه أسهل وأسرع وبأقل مجهود
لكن الوصول للقمة محتاج وجع دماغ وغلبة وتعب
أهلا بيكي .. نورتينا
لفت نظري في تعليقك موضوع إن أولي الأمر هيكونوا من أوائل المستفيدين لو إهتموا بأحوال البلد الإقتصادية .. يعني الفايدة مش هتعود على الشعب بس .. ودي حقيقة
بتفكرني بالراجل اللي عنده كل يوم فرخة بتبيض كل يوم بيضة دهب وجه في يوم ودبحها
ماعلينا
هتفضلي قافله المحل كتير؟
دول الخليج إجمالا ما عدا السعودية بيكون فيها الوافدين أضعاف أضعاف أهل البلد .. ولسه
ودبي تحديدا ماكانش معاهم فلوس أصلا زي أبوظبي مثلا .. لكن قدروا بأفكارهم إنهم يتبوأو مكانة إقتصادية عالمية
وده اللي بيخليني معجب جدا بالقيادة هناك أكتر من أي دولة تانية لأن باقي دول الخليج عندها مصادر دخل بترولية .. لكن دبي ما عندهاش
منورني يا ضاكتور
كل اللى جه من هناك مبهور و مقهور
طبعا انت عارف ليه؟؟؟؟
اللى يحزن ان انا 25 سنه اللى هى عمرى و مشفتش حاجه عدله
ان الله لا يغير ما بقوم حتى يغيروا ما بانفسهم
والله يا احمد ممكن تكبر الفونت شويه
المواضيع مش ناقصه عمى
التميز والتفرد ده مبدأ عام عندهم لأنهم - زي ما قلت في بوست سابق - بيقولوا إن الناس والتاريخ بيفتكروا الأول بس في كل سباق .. لكن التاني لأ
بالنسبة للفونت المشكلة تتحل بإتباع الخطوات التالية
في البرنامج بتاع الإكسبلورر روحي فوق شمال عند
View
وبعدين إختاري
Text
وبعدين إختاري
Largest
أي خدعة
GTL
وانا واحد من المشتركين في انشاء المشروع دا
دا زائد ان شركه شل بتعمل مشروع تاني لنفس الهدف بس بتكنولوجيا تانيه
سبااااااااق رهيب مع الزمن والاستعانه بكل تكنولوجيا ممكنه عشان يحقق التنميه
اسكتتتتتتتتتتتتتت عشان خاطري
انا سكت اهه
تحياتي
بس واضح ان زومول مشروعجي قديم
ههههههههههههههههههه
أهلا بيك مرة تانية
في الحقيقة أنا بأشتغل في مجال المنشآت الحديدية وبالتالي ليا علاقة بأغلب مشروعات منطقة الخليج العربي .. حتى اللي ما إشتغلتش فيها بأكون شاركت في مناقصاتها سواء رسيت علينا أو لأ
آخر حاجة لسة مخلصها هو مشروع الرويس في شمال أبو ظبي اللي هيتربط برأس لفان في قطر في المستقبل إن شاء الله
مشروعات عظيمة جدا وفيها خبرة عالية جدا
لكن زي ما قلت قبل كده إن دبي بتتميز عن قطر في إنها ما عندهاش الموارد الطبيعية اللي عند قطر زي الغاز الطبيعي والبترول
لكن معدلات التنمية القطرية إعجاز بكل المقاييس بالنسبة للوقت الصغير قوي ده
مرحبا بالزميل .. يمكن نتعاون في المستقبل .. مين عارف؟
أنا بأقصد خير بال 25 سنة .. ما تأولش كلامي لبعيد يا دكتور
:-D
وبعدين هما لو كانوا بتوع إصلاح كانوا عملوا حاجة من زماااااان .. الدنيا كلها سبقتنا جامد قوي
بجد تدويناتك رغم انها مش كبيرة الا انها بتجيب من الاخر
اقول ايه بس
يعني هما بقي ناس عملية
بصت لادام
لا قعدت تتغني في حاجات مش جايبة همها
بطلوا كلام و اشتغلوا في صمت
اهم شئ ان القيادة عناك قيادة واعية
و الله كل ما اشوف كلامك اقول يا ربي مصر عندهات مقومات سياحية و بشرية و كل حاجة
م مع ذلك اللي ماسكيننا مضيعينا
و كل ما اقرأ كدا
اقول و الله العظيم احنا لو نوينا نشتغل صح المسافة مش بعيدة ...بجد مش بعيدة اقرب مما نتخيل
لكن نقول ايه بس :(
ربنا يجحم اللي في بالي يا رب
حسبنا الله و نعم الوكيل
لالالالالا
انت ظالمنا والله
حرام عليك ياراجل
هو فى زى الاقتصاد بتعنا
دا كل دا واخدينه مننا
دا كفايه
شباب الديسكو
والقهاوى
والبنات اللى مورهاش غير الموضه والتليفونات
والحكومه الغير امينه
واللى مودينا فى ستين داهيه
الا من رحم ربى
والله حزنت جدا
اللى احنا بنروح نبنى ليهم بلادهم بيبقوا كدا
واحنا زى ما احنا
ان لله وان اليه راجعون
باللييييييييييييييييييييل
ايه يا عم
ما هى مش كل الارقام زى
بعضها25 عن 25 تفرق
بس انا اوعدك
ان ال25 سنه الجايين عندنا حيكونوا زى ال25 سنه اللى فاتت ان لم يكن اسواء
وسمعنى احلى كلام وورينى جمال خطوتك
ومبارك عليك
البوست مش اى حاجه تانيه
سلام
لا أعلم الى متى سنظل نائمين ومن حولنا الركب راحل
ركب التقدم و العمل يسير ونحن عنه دائما متخلفين
ويقولك مصر أم الدنيا
مصر بلد السياحه
مصر بلد التقدم
طظظظظظظظظظظظظظظظظظظظظظ
طظظظظظظظظظظظظظظظظظظظظظ
مصر دى ولا حاجه من غير أيدى عامله
مصر دى ولاحاجه من غير علم و علماء وتقدم و ثوره صناعيه
من المعروف ان مصر دخلها الرئيسى من السياحه
طظظظ
طب هو حضرتك عمرك شفت دوله عنها عقل وبتفكر وعندها نظام جيد يقودها تعتمد على السياحه طب افرض حصل زلزال و الهرم وقع نمشى فى الشارع نشحت بقى ما هو مصدرنا الأول انهار
حسبى الله ونعم الوكيل
طول ما انت .... من غير زعل
وانا طبال مسيرنا نتقابل
شغل المشاريع دا بيجمع ناس من كل العالم
وليه لا
وياريت يكون فيه تعاون
على فكره الشركه المنشأه لمشروع ال
GTL
واخده شغل برضه عندكو في الرويس
نشوفك على خير
احنا كويس نعمل مسابقة ملك جمال مصر
نصوت لمحمد عطية و ندعي علي بشار و نقف جنب زيزي
نبعت رنات رسايل كول تون
احنا نعمل حفلة لشاكيرا نانسي عجرم
احنا ننقل تمثال رمسيس بمليارات
احنا نشيل سنة ستة نرجع سنة ستة
لكن تقولي معرفش ايه
سيبنا يا باشمهندس نايميين
بس في نهب جامد بيحصل في البلد لحساب ناس بعينهم
و ده اللي بيضيع تاثير اي تظور اقتصادي بيحصل
زي الحصالة المخرومة
كل متزود عليها
ت
خر
ربنا يصلح حالنا
----
لو حصل اي انهيارات او زلازل او براكين في دبي حتبقى انت السبب
:)
تحياتي
وبعدين أية الارقام اللى أنت هارينا بيها دى
طيب صبرك على عمو أحمد المستحمى بكرة يطلع فى التلفزيون ويديلك أرقام النهضة والتطور فى مصر
بعدها هتحس أن بتوع دبى دول بيلعبوا فى الطين بالنسبة لمصر
:)
هو وصف كراكيب عادل مظبوط
بس السوق ورا سيتى سنتر السالمية
شبرة فاكهة أنما أييييية
متشتريش منها بقى
وخليك فى نهضة مصر
أختنا الفاضلة
أنا على فكره ما بحبش المدونات الطويلة أصلا ولو طولت شوية بأكون مشفق وخايف على القارئ إنه يفقد تسلسل وترابط الموضوع .. فخير الكلام ما قل ودل
المقصود فعلا من البوست هو توضيح إن الناس دي كانت شغالة في صمت وتركيز مش زينا عايشين على شعارات جوفاء مالهاش إنجازات ملموسة على أرض الواقع
وبأكرر تاني .. إعجابي بيهم نابع من إنعدام جميع الموارد عندهم عكس مصر اللي عندها كل الموارد
المورد الوحيد اللي عندهم ومش عندنا هو حسن القيادة .. وده اللي مضيع إحساسنا بكل الموارد اللي عندنا
المسافة بيننا وبينهم بعيدة لكن لسه في إيدينا نحصلهم .. مافيش مستحيل .. بس نبدأ
وعليكم السلام عليكم ورحمة الله وبركاته
أولا إنتي قفلتي مدونتك وألا لغيتيها وألا إيه؟
ثانيا .. أنا بأعترف إن إقتصادنا مافيش زيه أبدا ومهما حاولوا مش هيعرفوا يوصلوا للي إحنا وصلناله أبدا
لكني بأختلف معاكي في موضوع إن الحكومة موديانا فى ستين داهيه .. ستين بس؟ إزاي ستين بس؟
ستين؟
مساء الخييييير
عالصبح
جايز ال25 مش زي بعض .. معلش إعذريني أصلي أنا كنت ثانوي أدبي ودخلت هندسة غلط
أنا سعيد إنك بشرتيني بال 25 سنة اللي جايين .. أنا لولا الملامة كنت رقعت زغروده كلها سرور وأسمعها لكل حبيب ومبارك عليكي وعلينا
بمناسبة الإعتماد على السياحة وقناة السويس فقط .. كل بلاد الخليج إنتبهت إلى إن النفط مش لازم يكون المصدر الوحيد للإقتصاد وبالتالي بدأوا يفكروا في بدائل إقتصادية أخرى وصلت لدرجة إنشاء فروع للجامعات الأجنبية العريقة لجذب الطلبة العرب بدل السفر لأوروبا وأمريكا
أما إحنا .. خخخخخخخ
أنا بحب المزيكا جدا .. يمكن نعمل فرقة ونلف الموالد وتبقى حكاية
هههههههه
أنا فعلا إشتغلت مع كل جنسيات الكرة الأرضية.. فاضل لي بس كام جنسية أفريقية وأبقى شوفت كل الناس
يمكن نتقابل .. مافيش حاجة بعيدة على ربنا .. لما أنزل الدوحة المرة الجاية هأبقى أديلك خبر
أنا فعلا لاحظت إن الشعب كله كان صاحي ومنفجل ساعة حفلة الباشمهندسة شاكيرا
هي دي الحاجة اللي بتصحي الشعب .. بلا خيبة
ولو هي دي الحاجة اللي بتصحي الشعب .. يبقى خلينا نايمين أحسن
نهب دي كلمة بسيطة ومؤدبة بالنسبة للي بيحصل فعلا .. ومافيش خوف من ربنا أبدا وده في حد ذاته شيء غريب جدا بالنسبة لي .. مش غريب وبس .. ده شيء مرعب جدا
الإعصار اللي فات ده أنا ماليش دعوة بيه .. وبعدين هي مطرت أمطار رعدية بس على دبي .. يعني أنا ريحي خفيف
آخر مرة كنت في دبي الطيار أذاع إننا هنتأخر في الإقلاع شوية علشان بيفضوا الممر لأن فيه طيارة هتقع وبعديها هنطير إحنا على طول
أنا ماليش علاقة خالص
أنا عارف إن المفروض ما حدش يكتب بوست في الوقت اللي مش مناسب ده .. معلش صحيتك
متأكد إن بكره هنلاقيهم بيلعبوا في الطين؟ في الحر ده؟ أنا بقى اللي أعرفه إن بكرة عمو أحمد هيروح بيتهم قريب
أنا زهقت من وصفتك إنت وكرايب عادل .. بناقص البطيخ .. أنا هأروح أشوف المانجا في سوق شرق أحسن لي
وش بيغمز
اقوي حاجه فيهم انهم عارفين هما عايزين يوصلوا لايه وحطينوا ادمهم
بوست متميز ومدونه متفردة
ماشاء الله
مش عارفة
حسة ان الناس عندك ممكن يغتالوك يوما (:
و شكرا كتير على تعليقك اللى فدنى جدا جدا
و الحمد لله عدنا لقواعد التدوين مرة اخرى و فى انتظارك
لو هنعد الدول اللي زي كده هتلاقي كتير قوي .. مش عايز أقول لك إن فيه دول أفريقية هتسبقنا قريب جدا كمان .. ودي بقى اللي هتبقى المفاجأة اللي هيا
متشكر قوي على رأيك في المدونة وأهلا بيكي في كل وقت
انا رحت دبي قبل كده
قمه فالنضافه والرقي
بس تعمل ايه
الشعب عاوز يتربى من جديد
إنتي شايفه كده؟ هيوصلولي برة مصر لحد هنا؟
خلاص .. البوست اللي جاي ياإخواننا هيبقى كله عن توشكى والضربة الجوية ومترو الأنفاق
يمشي الحال كده؟ طمنيني على نفسي
أهلا أهلا أهلا .. حمد الله عالسلامة .. أيوه كده ياراجل .. نورت المدونات من تاني
خبر جميل جدا
إنت أشرت لنقطة مهمة جدا .. وهي إنهم ما بيحطوش الفلوس في جيبهم وبيحوشوها لينا .. مشيها بيحوشوها
فيه دولة خليجية إسمها مكون من 3 حروف حصل فيها إنقلاب على الحاكم بسبب موضوع التحويش ده .. وطلعوا الفلوس وصرفوها على البلد وبقت تحفه
هو بصراحة مش الشعب لوحده اللي عايز يتربى من أول وجديد .. وكفاية كده علشان أنا ما بأتكلمش في السياسة
منورة
نضافة مخ ونضافة أيد
وبسسسسسسس
صعبة دي؟؟؟
تحياتي
نظافة؟ عندنا نظافة .. ده حتى رئيس وزراءنا إسمه نظيف
عموما إحنا نعلن عن اليوم المصري للإستحمام ونشوف .. جايز ننضف
مستنيك
تحياتى
بالفعل
طوال قراءة مقالك
وانا اتذكر رقم 25
بالفعل
رقم ساااااااااااااحر
:)
تحياتي اخي الغالي
أأأأأأة
صحتك ياعم المراكبى متستحملش المانجا بتاعة سوق شرق
ولا إن غابت الحاجة ألعب يامراكبى
فاهمنى ولا لازم اصيحلك فى البلوج دة
وش مطلع لسانة
25 سنة!!!
انا فعلا كنت فاكرة إن دبي ده بنت إمبارح.. وكنت بستغرب على سرعة التقدم اللي هي ماشية بيه؟
طيب تفتكر ايه الحكاية
إيه اللي ناقص عندنا؟
الإلتزام حبّتين بالقوانين؟
الرغبة الحقيقية في إن البلد ده تعلى؟
تعليم الناس صح و بحق ربنا؟
اللي بيشتغل واخد حقه الآدمي اللي يرضيه و يخلّيه يكلبش في الوظيفة بإثبات جدارته؟
ولاّ التفسير المنطقي المريح للأعصاب و الدماغ و العامل الأول المساعد على أن يبقى الوضع على ما هو عليه
وهو
ياااعم.. ده بلد بترول.. عندهم مال قارون.. ماهو لازم يشتروا أحسن عمالة في العالم
ويبنوا أكبر مصانع و ناطحات وأسواق
ربنا مدّيهم
نام يا مراكبي .. نااااام
بتصحّنا ليه بس
معاك حق .. أنا بدأت أحس إن رقم 25 ده جايب أرتيكاريا للزملاء .. وجايز يزعل مننا حبايبنا
تمشي 26؟
أهلا وسهلا بيك .. زيارتك ودعوتك دول شرف ليا أنا
آسف على التأخير .. أنا جاي حالا
تحياتى
ياسر سليم
إنت أشرت لنقطة مهمة جدا .. وهي إنهم ما بيحطوش الفلوس في جيبهم وبيحوشوها لينا .. مشيها بيحوشوها
فيه دولة خليجية إسمها مكون من 3 حروف حصل فيها إنقلاب على الحاكم بسبب موضوع التحويش ده .. وطلعوا الفلوس وصرفوها على البلد وبقت تحفه
_____________________________________
ana 3arf a2ol we tedeny 3 ryal qatary
hehehehehe
sory the KEYBOARD >>>>>>>
it happens
الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها
الي كل من انجر وراء حملة التضليل الاعلامي التي ساقوها علينا
الي كل ساع الي الحقيقة
الي كل هؤلاء اهدي
التبيان في اقتتال الاخوان
تجدونه فقط
في
ارض الحرب
أممممممممممم
فنزويلا صح
مين قال إننا نايمين ؟؟
إحنا صاحين اوي وجدعان اوي كمان
بس في التهليب والتكويش و الكوسة والخطف والذي منه
يبقى هنفضى بقى للخطط والمواني والحاجت المتعبة دي
هقولك
إحنا نعمل مواني ماشي بس هيطلع للرجالة اللي فوق سبوبة ولا لأ ؟؟؟
لو ما فيش يبقى يفتح الله
-------------------
والله يا باشمهندس احمد إنت دايما بتاخدنا لواقع اليم
كل ما الواحد يقرا التاريخ بتاع بلدنا بيعرف اد إيه هي مظلومة ومبتلاه بمجموعة كده ما بتديهاش فرصة تعمل حاجة كويسة
العجيب تحس إن المججموعة دي بتسلم للمجموعه اللي بعدها عشان تهلب هي كمان بعد المجموعة اللي قبلها واللي قبلها ما تشبع او تموت
و إحنا نايمين
و مش هنصلح الشكمان
محمد حمزة
اما بقي بالنسبه للنوم تصبح علي خير بقي و اطفي النور و راك و انت ماشي
وبعدين بقى .. كده هتجيبوا للواحد شبهة بسبب الرقم النحس 25 ده .. أنا هأغيره ل 40 علشان يفرحوا بيا اللي بالي بالك
منور
لأ خلاص .. إستر عليا الله يخليك
إستر عليا وأنا أعزمك على العنب اللي بييجي مع المانجا
وش بيغمز جامد
أولا هي فعلا مفاجأه فعلا إننا نكتشف إن حكاية دبي أقدم مما نظن .. وده اللي عايز أقوله للناس
ودبي كإمارة ما عندهاش بترول ولا كنوز قارون ولا حاجة
ثانيا .. بتسألي إيه اللي ناقص عندنا؟
أنا رأيي إن البري بئ مش ماسك في الشكمانات كويس وبيلق جامد
أنا آسف إني صحيتكم يا إخواننا .. أنا هأنام حالا أهه
خخخخخخ
إجابة صحيحة .. مادام قلت 3 ريال بس يبقى إجابة صحيحة
لو كنت قلت 10 ريال كانت هتبقى إجابة خاطئة
هههههه
سلامة الكي بورد
أهلا بيك .. وبأشكرك على الدعوة لزيارة مدونتك
طبعا صح .. فنزويلا صح
مادام مش هتفتن عليا عند الحاجة يبقى صح
بس انا عملت ليك لينك عندى عشان اعرف اتابعك باستمرار
علاشان كدة حستأذنك اني اعترض على حاجة
اكيد مش على المعلومات القيمة الي قولتها
بس على نقطة تانية و هي اسلوب الحياه هناك
الاسلوب الي يخليك متأكد ان دي مش دولة عربية
و مش حتكلم كتير عن المومسات
بس كل الي انا بعرفوا جي من هناك متفقين على حاجة واحدة
غضب ربنا الي مستنينة ينزل عليهم
أما بالنسبة لمصر فحنا 100 100 و ليس في الامكان احسن مما كان
وكلنا وراء يا ريس
أنا يمكن أخطأت التعبير .. إحنا مش نايمين .. إحنا ميتين
وإذا كان الصحيان عندنا مرتبط بالأنشطة التهليبية العظيمة اللي إنت قلت عليها دي .. يبقى نتخمد أحسن
بلا شكمان بلا نيلة
كلها 25 سنه كمان و هنصحى و كله هيبقى تمام
من غير استعجال بس
تحياتى
ده في دول ابتدت معانا وفي دول ابتدت بعدينا بعدة عقود في صناعات معينة
ودلوقتي سبقتنا بمراحل كبيرة
واحنا اللي ابتدينا بيه للأسف تخلفنا فيه هما كانوا يطلعوا لقدام
واحنا بنرجع لورا
ياعم
ده هم يضحك وهم يبكي
دول حاطين في ودانهم قطن قد القطن اللي زرعناه من أول ما قولنا زراعة ياقطن
ستى قالتها زمان
الناس خيبتها سبت وحد
واحنا خيبتنا ما وردتش على حد
أتمنى تشريفك لي في مدونتي
هاتنور بزيارتك ليها
دعوة لزيارة مدونة شاعر تستحق الزيارة
http://mosaiiic.blogspot.com/
حتى الكوكو اللي بيطير ما يعرفش يتطقس ويعرف مصر بتعمل كام؟
أنا شكلي عملت دوشة وصحيت ناس كتير قوي .. أنا هأطفي النور وأقفل باب البلوج ورايا وأناااااااام زي الباقيين
تصبحوا على خيييير
أنا متشكر على زيارتك وعلى اللينك
لكن أنا جيت لقيتك قافل .. إيه الحركات دي بقى؟
أهلا بيك .. وإعترض زي ما إنت عايز
طبعا موضوع العاهرات ده موجود هناك ومنظم جدا .. لكنه موجود برضه في مصر وإسرائيل وكل دول أوروبا والأمريكتين .. يعني في العالم كله
فمسألة غضب ربنا ينزل على مين فيهم الأول دي حاجة في علم الغيب وربنا ليه حكمته .. وأشد الدول فسقا هتلاقيها الأكثر تقدما
وده يوضح إن التقدم ليه علاقة بالجد والعمل .. يعني لو قعدنا نصلي ونصوم وما نشتغلش .. مش هنتقدم برضه
ومصر طبعا مية مية وكله زي الفل .. هما بس شوية عيال بتكتب على الإنترنت وعايزة تشوه صورة مصر لكن على مين .. هأو
نورتنا
حمد الله بالسلامة .. طولتي الغيبة قوي قوي
أقدر أعتمد على كلامك ده؟ بجد بجد هنصحى بعد 25 سنة؟ لو جت على كده يبقى هانت .. نستنى .. المهم يكون فيه خطة محددة الزمن .. حتى لو 25 سنة
ومن غير استعجال ولا حاجة
تحياتى
منورني بجد للمرة التانية
حلو موضوع القطن اللي في الودان ده .. ده أنا إفتكرت إن ماعندهمش ودان أصلا كمان
خيبتنا بقت من السبت والأحد لحد الجمعة .. ولو في أيام تانية بينهم بالليل
أنا طبعا أتشرف بإني أزور مدونتك .. أشكرك على الدعوة .. أنا جاااااي
إنتي متأكده يا ولاء إنك من كندا؟ جيبتي منين حكاية جوز عمتي دي
هههههه
عموما ما تقلقيش .. الإنفجار بيقرب شوية شوية وجوز عمتنا ربنا مش هيسيبه لا دنيا ولا آخره ..
يمهل ولا يهمل
قصدك إيه بجوز عمتك ده؟
وهو هل النهضة ديه كانت بفعل القطاع العام ولا القطاع الخاص ؟
اما بالنسبة للخمس والعشرين سنة
رغم انهم اكبر من عمرى باربع سنوات الا انى حاسة ان مصر اتبهدلت كتير
حتى بعيدا عن الاقتصاد ولكن الشوارع باظت ومابقاش فيه متنزهات والجو بقى وحش
وضغوط الحياة فيها زادت ومابقاش فيه طمانينة وراحة بال .
تحياتى لك
أهلا بيكي في المدونة
إجابة سؤالك هي: النهضة الخليجية كلها مبنية في المقام الأول على القطع العام .. كل المشروعات الكبيرة والبنية الأساسية الضخمة كانت مع القطاع العام
بعد كده مؤخرا بدأ يظهر دور القطاع الخاص في المشروعات الكبيرة
إجابة مفاجأة أو صادمة؟ ممكن
مصر بلا شك تدهورت جدا في السنوات الأخيرة .. وعم القبح في كل مجالات الحياة بلا إستثناء .. ومن هنا أقدر أقول إن القبح والضغوط في كل شيء لا تفرز إلا اللي إنتي شايفاه في مصر والمصريين ده
نورتي