شد القلوع يا مراكبي ... مافيش رجوع يا مراكبي

السبت، مارس 10، 2007

ماحدش يلومني ولا يعتب عليا


النهاردة مش ناوي أتكلم بالتفصيل عن أي حاجة تخص الوطن .. يعني ماليش نفس أتكلم عن ذكري حادثة العبارة أو حوادث القطارات .. ولا سفاح بني مزار وصديقه سفاح المعادي .. ولا التحرش في وسط البلد ولا أكياس الدم المخالفة والملوثة .. ولا التعذيب اللي الناس الظالمة الوحشة بتدعيه
.
ماليش مزاج أفتكر الحمى القلاعة وأنفلوانزا الطيور .. ولا المبيدات المسرطنة وإرتفاع الأسعار .. ولا إنهيار رغيف العيش وإرتفاع معدل البطالة .. مش عايز أتكلم عن إنهيار التعليم وإنهيار الفن .. ولا هاتكلم عن العنب وأيظن والبري بيء .. مش هاتكلم عن أي حاجة من دول
.
أنا هأقول حاجة واحدة بس .. لو حد فيكوا شاف واحد لابس كسرولة وبيجري بلبوص في الشارع .. علشان خاطري ما حدش يستغرب ولا يندهش .. الراجل ده هايكون أنا .. بس مش عارف ليه .. تفتكروا ليه؟

التسميات: ,

84 Comments:

Blogger أميرة ويلز said...

هيييييييه انا اول رد

كل دة ومااتكلمتش ولاحاجة

بالنسبة لكل اللى قلته يبقى كويس انها جت على اد كدة

السبت, مارس 10, 2007

 
Blogger rony said...

لا اله الا الله
ظالم انت البلد دايما والله
ينفع يعنى الكلام ده
احنا الحمد لله الحياه مزهزه معانا على الاخر
وبعدين كل اللى حضرتك قولته ده شكليات متأثرش فينا ابدا
عادى يعنى
احنا بعيد عن حضرتك
نحسنا ومبقاش فيه حاجه تاثر فينا
وبعدين لو حضرتك لقيت الكسروله دى يبقى كويس اوى وتبوس ايدك شعر ودقن ان الحكومه قدرت توفر الكسروله لكل مواطن
والا ياعينى مكنوش هايلاقوا حاجه
وانا من مزنقى هذا
بنادى السيد رئيس لجنه حموم الانسان
ياتوفروا سندويتشات الحلاوه بالقشطه ياتوفروا ليهم الجله
مع السلام عليكم
(نقلا عن اللمبى )

السبت, مارس 10, 2007

 
Blogger david santos said...

Hello!
This work is very good, thank you
have nice wkend

السبت, مارس 10, 2007

 
Anonymous nada said...

يا مراكبي ... انت بالفعل متل مركب بترك الواحد يطلع معك و يبحر بدون ما يشعر ... الي فتره بدخل بقرا الي بتكتبه و الروح المصريه الطيبة الي كلنا بنحبها محسوسه كلامك بيكون مسموع و قريب من القلب ... مع اعجابي بكل ما تكتب الا انك بتكتب بالروح العايشه فيك الروح المصريه الي بتخاف ع بلدها الروح الي مهمها بعدت عن وطنها الاصل بتنحب ... احيانا الوطن في غربتنا عنه بيكون ارقى و اعز و احب ... مع ذلك وطنيتك العايشه فيك تركت مصداقية لاي شخص بقرا كلامك


مش رح اقولك ليش انت الشخص ده لانه مش غريب . مش القصد يكون انت لا لا اقصد الحالة الي وصفتها بعدين خيي العزيز كل البلاوي " عفوا " هي مش بلاوي لا اثقل شويه دا اشوعات و تهيؤات مفيش منه اصلا ... برضو يا خيي ليش التحامل هاد انا لو حد غيرك قال الكلام دى اقول انه معدوم من دول بتكرهنا .......

عذرا ع تطفلي .. المفروض الضيف الي بيزور حد لاول مره يكون خفيف دم عشان برستيج يعني

احييك .. لك تقديري و احترامي ... و سلام خاص لحجتكم " زوجتك" المصون فلها في البال تقدير و مكانه

موتي دائما
ندى

السبت, مارس 10, 2007

 
Blogger مصرى said...

هو إنت كل ده ماتكلمتش عن حاجة تخص الوطن لا و النبي إتكلم
:D
يا ظلمة زي ما قلت قبل كده هو بس عايزين يقللوا عدد المواطنين عشان الخدمات تبقى أحسن

تحياتي

السبت, مارس 10, 2007

 
Blogger أحمد الشمسي said...

انت وصلت لمرحلة البلبوص! عليه العوض ومنه العوض

السبت, مارس 10, 2007

 
Blogger khaled said...

انا لله و انا اليه راجعون
ليه كده ما كنتش بعقلك
يا رجل احب اقلك
كلنا هذا الرجل
و تحيا الوحدة العربية
امأ امأ امأ امأ

السبت, مارس 10, 2007

 
Blogger كراكيب عادل said...

لا كدة لازم نشوف الموضوع دة فضفض بالتفصيل ولا تشيلش في نفسك

بس تعرف موضوع البلبوص دة يشجع علي التصوير ابقي اديني خبر يمكن انضم ليك

بس لي شرط يكون جنب البحر يا معلم

السبت, مارس 10, 2007

 
Blogger الأباصيرى said...

أوعى تتكلم
بلاش أحسن


خليك فى الكسرولة أضمن
بس بلاش موضوع البلبوص دة عشان بتوع الأداب
أبقى أستر نفسك بحاجة
كرافتة
بيبيون
ساعة يد

ههههههه

لولقيت حد جنبك بيصورك يبقى أنا
ولو الحاجة شافتك كدة على قناة الجزيرة
يبقى أنا ندلت وبعتلهم الشريط

صباح الخير

السبت, مارس 10, 2007

 
Blogger Hannoda said...

ياااه .. كل ده و ما إتكلمتش؟؟؟

ده إنت معبّي يا مراكبي

طب أنا حاقولك حاجة.. ما تحاول تطمن عليها بمشاهد تانية أنا عن نفسي بحاول أصدقها و أعمل منها مشاهد جميلة

زي .. قانون الضرايب الجديد و تخفيف الجمارك .ز والمشروعات اللي عاملنا للشباب ... و... أأ... مش لاقية تاني

هونها تهون

السبت, مارس 10, 2007

 
Anonymous حسن محمود said...

ايه بس القشة التى قسمت ظهر البعير؟
ايه اللى حصل لكل ده؟

فى مدونات كتير بترجع الأمل اذا كنت فقدت الأمل

المهم قول أنت بقى ليييييييه؟

المركب حصل فيها ايه؟
ان شاء الله كله هايبقى تمام انت بس خليك متفائل شوية

السبت, مارس 10, 2007

 
Blogger mano said...

اشكرك جدا انك مش هتتكلم عن
ذكري حادثة العبارة أو حوادث القطارات ولا سفاح بني مزار و سفاح المعادي ولا التحرش في وسط البلد ولا أكياس الدم المخالفة والملوثة .. ولا التعذيب.و لا الحمى القلاعة وأنفلوانزا الطيور ولا المبيدات المسرطنة وإرتفاع الأسعار .ولا إنهيار رغيف العيش وإرتفاع معدل البطالة و لا إنهيار التعليم وإنهيار الفن ولا العنب وأيظن والبري بيء

شكرا انك مش اتكلمت لأنى مش عايزه افتكر

السبت, مارس 10, 2007

 
Blogger يا مراكبي said...

أميرة ويلز

أهلا بيكي .. إنت حسستيني إنك قريتي البوست قبل ما أنزله

طبعا كويس إنها جت لحد كده بس .. لكن هو فيه إيه تاني ممكن يكون أكتر من كده؟

السبت, مارس 10, 2007

 
Blogger يا مراكبي said...

Rony

إنت شكلك كدة قلبتي حزب وطني وألا إيه؟

و بعدين الكسرولة دي أنا إشتريتها من مالي الخاص .. الحكومة مالهاش فضل عليا في موضوع الكسرولة ده

تحياي ليكي وللأقوال المأثورة بتاعة أخونا اللمبي

السبت, مارس 10, 2007

 
Blogger يا مراكبي said...

david santos

Thanks a lot for your kind visit to my blog as well as your nice comment.

I hope that you can introduce yourself more to us if you have time.

See you again.

السبت, مارس 10, 2007

 
Blogger يا مراكبي said...

Nada

الأخت العزيزة ندي

أهلا وسهلا بيكي .. نورتي المدونة وبأشكرك كتير على زيارتك الكريمة وعلى متابعتك ليا .. وعلقي زي ما إنتي عايزة .. البيت بيتك

متشكر كتير على تعليقك الجميل وعلى ذوقك وفهمك العالي وليكي مني ومن الحاجة أطيب التحيات

السبت, مارس 10, 2007

 
Blogger يا مراكبي said...

مصري

أهلا وسهلا .. إيه النور ده؟

لو الحكومة عندها الهدف النبيل ده يبقى أنا موافقك .. لازم نضحي بالأم والأب علشان الجنين يعيش

السبت, مارس 10, 2007

 
Blogger يا مراكبي said...

أحمد الشمسي

مش بلبوص قوي يعني .. أنا لابس كسرولة

نورت

السبت, مارس 10, 2007

 
Blogger يا مراكبي said...

Khaled

بتقول كلنا هذا الرجل؟ يبقى إنت بقى اللي لمحته بجري إمبارح وأنا بأجري في الشوارع .. أنا برضه قلت لنفسي تلاقيه مصري زي برضه

السبت, مارس 10, 2007

 
Blogger قصاقيص said...

أكيد لأي سبب غير اللي انت قلتهم...دي كلها حاجات مألوفة وواخدين عليها...الأسباب اللي قلتها أصبحت جزء من المنظومة ...بالظبط زي فيرس سي في طبق الفول بتاع الصبحية
وعموما لو ده حصل لاهلومك ولاهعتب عليك

السبت, مارس 10, 2007

 
Blogger يا مراكبي said...

كراكيب عادل

إنت هاتنضم ليا للتصوير وألا هتشارك في المسيرة البلبوصية اللي أنا عاملها؟

وبعدين المسيرة دي حلاوتها في الشوارع مش جنب البحر .. إلا إذا كنت عايز الصورة تطلع شاعرية .. بلبوص وكسرولة وبحر

السبت, مارس 10, 2007

 
Blogger يا مراكبي said...

الأباصيري

ماشي يا معلم .. دايما ماشي لي في الخير

أصيل والله

وبعدين بأكرر تاني .. أنا مش بلبوص قوي .. لابس كسروووولة

السبت, مارس 10, 2007

 
Blogger يا مراكبي said...

Hannoda

كلامك ده شجعني أكتر إني أقلع الكسرولة كمان

خليني متلصم لحد كده الله يخليكي

نورتي

السبت, مارس 10, 2007

 
Blogger يا مراكبي said...

حسن محمود

ده أنا كده متفائل جدا جدا .. ده أنا حتى مارضيتش أكتئب وإخترت حل أحلى كتير من الإكتئاب

مش كده وألا إيه؟

منورني بجد

السبت, مارس 10, 2007

 
Blogger يا مراكبي said...

mano

إنت اللي إتكلمتي مش أنا .. أنا مش فاضي أتكلم عن الحاجات دي .. ورايا مسيرة في الشوارع بالكسرولة

تحياتي

السبت, مارس 10, 2007

 
Blogger يا مراكبي said...

قصاقيص

متشكر إنك مشجعاني وفاهمه مبرراتي للموضوع ده

نورتينا

السبت, مارس 10, 2007

 
Blogger No Fear said...

السلام عليكم
و لو لاقيته حد تاني زيه بيجري وراه هيكون أنا
سلام

السبت, مارس 10, 2007

 
Blogger يا مراكبي said...

No Fear

أهلا أهلا .. هو ده الكلام وهي دي الصحوبية وألا بلاش

إن شاء الله هانعمل قطر طويل في الشارع .. تووووت

السبت, مارس 10, 2007

 
Blogger hebaz said...

ربنا يبشرك بالخير
ما كنت كويس و بعقلك
أنا كنت عارفة أن دية أخرة الهندسة و التفكير و الناس ألى بتشغل دماغها
لا حول ولا قوة إلا بالله
ممكن تليفون الحاجة علشان أباى أسأل عليها هية و الأولاد؟
تحياتى:)

الأحد, مارس 11, 2007

 
Blogger shreef said...

بس كده في مشكلة لو الشعب عمل كده فالطلب على الكسرولات هايزيد و المعروض من الهدوم هيزيد لان الناس هاتئلع هدومها وهتبقى بلابيص و ده هيعمل مشكلة تضاف لقايمة الانجازات اللي حضرتك ذكرتها..لازم تاخد النقطة ديه في اعتبارك و لو قررت تعمل كده ابقى قولي قبلها بفترة علشان احتكر سوق الكسرولات و اعمل ثروة على افاكوا مع احترامي طبعا..سلام

الأحد, مارس 11, 2007

 
Blogger مـحـمـد مـفـيـد said...

جامده اوي الفكره والتخيل ده
بس المشكله هتلاقي كتييييييييير زيك
ايه العمل بقي ؟

الأحد, مارس 11, 2007

 
Blogger zordeak said...

بلابيص بلابيص حتى الموت


انا بقترح نعمل حملة نسميها حملة البلابيص


كلنا نقلع ونلبس الكسارولة


ونجرى فى الشوارع بلا هدف ولا مقر


وكل ما نعترض

نقلع


ربنا يسترها على عبيده بقى


:D


اه على فكرة بالنسبة لمعنى زوردياك فانا رديت عليك عندى فى ردى على كومنتك


انت تؤمر يا باشمهندس


:)

الأحد, مارس 11, 2007

 
Blogger FrEe.PhArAoH said...

العزيز م/ احمد

ملكش نفس تتكلم او تفتكر مش كدا .. اممممم

اسلوب حلو .. على غرار لما تغلط فحد بشياكة وتقوله : انا مش هقلك انى مخنوق منك عشان بحترمك بس :)

اسلوب حلو بس من غير الكسرولة عشان كدا مش هيغير

خالص مودتى

الأحد, مارس 11, 2007

 
Blogger طهقان said...

الله الله

اول امبارح مسكوه واحد بلبوس بيجري في مطار القاهرة


هو كان انت؟

متهيألي ان البلابيس هيكتروا في شوارع القاهرة

من لم يقلع من مصايب الحكومة
هيلقع من مصايب الزواج

الأحد, مارس 11, 2007

 
Blogger كراكيب عادل said...

لا يا عم انا هصور بس بزمتك مشهد زي دة مش محتاج توثيق واجي جري احطة في المدونة بتاعتي وابيعة بعد كدة للقنوات الفضائية


تعالي انت وضيوفك دول حلوا التمرين في مدونتي

تحياتي

الأحد, مارس 11, 2007

 
Blogger يا مراكبي said...

hebaz

ربنا يكرمك على إهتمامك ده .. نمرة التليفون هتلاقيها في الكنترول .. خليكي عالخط

الأحد, مارس 11, 2007

 
Blogger أُكتب بالرصاص said...

ولا يهمك يا باشمهندس

كلنا لها

دي اقل شيء في هذا الزمن

مرة كنت ماشي مع واحد صاحبي..
وقابلنا واحد محترم جاي من الجهة المقابلة
لاقيناه بيكلم نفسه

قام صاحبي بكل تلقائية ..

والله عنده حق..الله يخبر بيتك يا مبارك....
:))

الأحد, مارس 11, 2007

 
Blogger MAKSOFA said...

من غير ليه يامراكبي
انا ممكن اعمل كده بس موش حا اكون بلبوص
حا البس جلابيه طويله علشان الناس حاتسيب الموضوع الأصلي ويمسكوا في المظهر ويقولوا علي ماشيه ملط دي واحده اباحيه بتدعو للرزيله

الأحد, مارس 11, 2007

 
Blogger يا مراكبي said...

Shreef

يعني يهون عليك إن صاحب الفكرة مايكونش ليه نسبة من المكسب اللي هاتجنيه؟

لو ما إتفقناش عالنسبة .. هألبس هدومي تاني

الأحد, مارس 11, 2007

 
Blogger يا مراكبي said...

محمد مفيد

ناس كتير هاتعمل زيي؟ مش مشكله .. نقلبه مولد سيدي العريان ونكسب دهب من المولد ده

نورتنا .. وتبقى تيجي المولد

الأحد, مارس 11, 2007

 
Blogger يا مراكبي said...

zordeak

حلوة فكرة الحملة دي .. رمزيتها السياسية جامدة جدا

أشكرك على توضيح معنى الإسم .. ولو إني كنت متوقعه حاجة تانية خالص غير الكارتون الياباني ده

تحياتي الغالية ليك

الأحد, مارس 11, 2007

 
Blogger يا مراكبي said...

FrEe.PhArAoH

أهلا أهلا يا ثورجي

أنا شايف إن الكسرولة مضايقاك بس أهي سترة برضه

متشكر كتير على إطراءك

الأحد, مارس 11, 2007

 
Blogger وجع البعاد said...

منه...له.....
جاى......رايح منه له
بس برده
مصر حتفضل غاليه عليا.....

و بالمناسبة انا كنت بافكر لما حد فى كندا يسألنى عن مصر (من المصريين) ايه الأخبار و عينيه مليانة شماته )أل يعنى هو جاى من جاردن سيتى)....كنت حا اقوله....
مصرى زى ماهية...زحمة زى ما هيه.....غالية زى ماهية....مش نظيفة زى ماهية.....بس
حلوة و جميلة زى ما هية.....
و عجبى

الأحد, مارس 11, 2007

 
Blogger يا مراكبي said...

طهقان

أهلا بيك .. قلبي دايما عندك بجد

للأسف أنا مش في مصر وبالتالي اللي مسكوه بيجري عريان ده مش أنا .. ده تقليد .. ولو إنه كويس قوي إنه واحد بس

وبعدين أنا ما أقدرش أتكلم هنا عن الجواز لأن الحاجة مراتي بتقرأ هنا كل حاجه وأنا شخصيتي قوية قوي زي ما أنت عارف .. وإنت ما ترضاليش الأذية

منور

الأحد, مارس 11, 2007

 
Blogger يا مراكبي said...

كراكيب عادل تاني

كده برضه؟ أصيل والله

ده أنا قلت هتشاركني المسيرة إياها

أنا جاي عندك حالا أشوف إيه موضوع التمرين ده .. بس إوعى تصور

الأحد, مارس 11, 2007

 
Blogger يا مراكبي said...

أُكتب بالرصاص

إنت اللي قلت .. أنا ما قلتش حاجة

أنا ما باتكلمش في السياسة زي ما إنت عارفني كويس

خلي بالك من عقلك .. ونفسك

هههههه

الأحد, مارس 11, 2007

 
Blogger يا مراكبي said...

MAKSOFA

طبعا معاكي حق بالنسبة للبنات .. هما ممكن يشاركوا معايا في المسيرة بس زي ما قلتي من غير قلع هدوم .. وإلا الناس ساعتها ممكن تجري ورانا علشان حاجة تانية والناس مش ناقصة

كفاية شعر منكوس وكسرولة وحلة طبيخ

الأحد, مارس 11, 2007

 
Blogger يا مراكبي said...

وجع البعاد

دكتورون .. إزيك؟

رجعت كنكا وألا لسة؟

طبعا مصر هتفضل غالية عليك .. وعليا .. بس عجبي

لقيت كسرولة على مقاسك؟

الأحد, مارس 11, 2007

 
Blogger Sharm said...

انا حسحس و حسحس اناااااااااا

الاثنين, مارس 12, 2007

 
Blogger يا مراكبي said...

Sharm

أهلا بيك في المسيرة يا حس حس

أصل أنا عندي شعرة .. ساعة تروح وساعة ما بتجيش

الاثنين, مارس 12, 2007

 
Anonymous حسن محمود said...

يامراكبى باشا
علشان خاطرى اقلب الكسروله واركب فوقيها وعوم كويس
ايه بس اللى حصل لكل ده؟
مالك؟
طيب يا أخى مش علشان نفسك علشان العائلة
ياعم ده انا كنت فاكرك قبطان كبير وربان أعالى البحار

لا بجد ايه السبب ؟
فى ايه بس؟
اذا مش هاتفضفض هنا هاتفضفض فين بس؟

الاثنين, مارس 12, 2007

 
Blogger يا مراكبي said...

حسن محمود تاني

إطمئن مافيش حاجة .. أنا كويس جدا وفي منتهى السعادة

إقرأ بس البوست تاني وهتعرف السعادة دي كلها جاية منين

:D

نورتني ومتشكر على متابعتك

الاثنين, مارس 12, 2007

 
Anonymous غير معرف said...

اية الافتري دة هوالريس هبعمل اية اكتر من كدة شعب فقري علي راي احمد فؤاد نجم بس حكاية الكسرولة دي هايلةالرجالة لابسين كسرولة والستات حلل واللي معندوش يبقي غطا الحلة ونقف كلنا قدام بيته ونغني النشيد الوطني اخترناك اخترناك يوم ما عبرت وقلوبنامعاك اخترناك اخترناك وبفينا بلبيص وياك علشان كدة احنا اخترناك " اصل ساعتها الجو كان حر جدا "

الاثنين, مارس 12, 2007

 
Blogger يا مراكبي said...

Anonymous

ده إيه الأفكار الخلاقة دي كلها؟ حلو قوي موضوع غطاء الحلة والأغنية الجماعية دي

أحييك بشدة

الثلاثاء, مارس 13, 2007

 
Blogger R2K said...

: )

الثلاثاء, مارس 13, 2007

 
Anonymous memo said...

على فكره فر ناس كتير دلوقتي بقت بتجري عريانه في مصر احنا عايزين نعمل مهرجان العريانين الجعنين المقملين

و نمشي كلنا
تحياتشي

الثلاثاء, مارس 13, 2007

 
Blogger Sampateek said...

قول كده بقى
انت عندك ميول بلبوصية كزرولية بحتة
متجبش العيب على البلد و اللي فيها

البلد زي الفل
فاضل بس سارس و تبقى موبوئة صعيع

تحياتشي

الثلاثاء, مارس 13, 2007

 
Blogger fares said...

اول ما تعمل كده يامراكبي وربي هكون وراك تاني واحد اصل انا كمان نفسي اجري بلبوص في الشارع اصل دماغي تعبت خالص خالص والله للك تحياتي يامراكبي

الثلاثاء, مارس 13, 2007

 
Blogger soosa el-mafroosa said...

دي شكلها مشاكل عائلية

ربنا يهدي سرك يااااااااااااارب

الثلاثاء, مارس 13, 2007

 
Blogger tamer said...

كل دة وما قولتش حاجة

ربنا يسطرها ويصلح الحال

تحياتى

الأربعاء, مارس 14, 2007

 
Blogger bluestone said...

لا لا مش عايزين نفتكر ولا اي حاجة
ولا نتكلم على الحاجات الوحشة دي ..

وما تقلقش مش هنستغرب من الكسرولة
يظهر ان كل مواطن هيسلموله عهده كسرولة وشورت وشبشب

الأربعاء, مارس 14, 2007

 
Blogger يا مراكبي said...

r2K

:-)

:-)

:-)

وشرفتنا

الأربعاء, مارس 14, 2007

 
Blogger يا مراكبي said...

memo

إيدي على كتفك في موضوع المهرجان ده

الحاجة الوحيدة اللي مش هأقدر أقدمها هي موضوع القمل ده .. أصل أنا لا يمكن يكون عندي قمل .. لأن ما عنديش شعر

تحياتي

الأربعاء, مارس 14, 2007

 
Blogger يا مراكبي said...

Sampateek

ولا ميول ولا حاجة .. دي بقت خصائص شعب بحاله .. وأديكي شايفة في التعليقات قد إيه ناس عايزة تشارك .. وفيه اللي قلع وماشي في الطابور كمان

:-)

وبعدين إنتي نورتي صعيع

الأربعاء, مارس 14, 2007

 
Blogger يا مراكبي said...

Fares

سلامة دماغك يا معلم وأهلا بيك .. منورنا في مولد سيدي العريان .. ولو إن المركز بتاع تاني واحد في الطابور ده عليه ضغط شديد قوي .. وهانعمل عليه سحب بعد كده

الأربعاء, مارس 14, 2007

 
Blogger يا مراكبي said...

soosa el-mafroosa

تعليقك تحفه لوحده

:-)

متشكر كتير عالدعاء ده

أهلا بيكي

الأربعاء, مارس 14, 2007

 
Blogger يا مراكبي said...

tamer

أنا فعلا ما قلتش أي حاجة .. أنا لو قلت يبقى مش هانخلص

تحياتي

الأربعاء, مارس 14, 2007

 
Blogger يا مراكبي said...

bluestone

كسرولة ماشي .. لازمته إيه بقى الشورت والشبشب؟

ولو إن معاكي حق .. خلينا بلابيص مؤدبين أحسن

نورتي

الأربعاء, مارس 14, 2007

 
Blogger kaed said...

إزيك يا مراكبى أنا قرأت الرد بتاعك عند الواد معتز ودة اللى خلانى أدخل عندك مش حقول غير إنة رد فى منتهى العقل
المهم لو لقيت واحد بيجرى جنبك إوعى تستغرب

الأربعاء, مارس 14, 2007

 
Blogger Sampateek said...

الحق يا عم المخبر
الاستاذ يا مراكبي بيحض الناس على البلبصة و لبس الكازرولات و انا معرفوش
انا مش معاهم

:))

اسكت يا مراكبي يا خويا ده لو موضوع الكازرولات ده مشي حتلاقي صاحبك الابعد ابن الابعد اخد توكيل الكزرولات و مرمط الشعب اكتر ماهو متمرمط
و ساعتها يعملوا رقم ساشيه لكل كزارولا و مش بعيد ياخدوا ضريبة كزورة

و اكيد اكيد الكازرولات حتشح و تلاقي الناس تلبس كنكات من غلبها
و اهو الصيف داخل و البلبصة مطلوبة

نياهاهاهاهاي
---
يا عم المخبر انا مليش دعوة ده هو اللي بيقول

الأربعاء, مارس 14, 2007

 
Anonymous حسن محمود said...

عاجبك كده يامراكبى ؟
هو كله كان مستنيك ولا ايه ؟

طيب شوف
أجل شوية الموضوع ده لحد مابعد تعديل الدستور
اذا أتعدل
حقك ياعم تعمل كل اللى نفسك فيه
ماتعدلش
;)

الأربعاء, مارس 14, 2007

 
Blogger يا مراكبي said...

Kaed

أهلا بيك وبكل أصحاب معتز .. ومتشكر على إطراءك

مادام هتجري جنبي .. يبقى هانعمل طابورين بدل طابور واحد .. فكرة كويسة برضه

الأربعاء, مارس 14, 2007

 
Blogger يا مراكبي said...

Sampateek

هههههههههههه

حلوه قوي حكاية نمرة شاسية الكسرولة دي .. وحلو قوي موضوع الكنكة ده .. أهو برضه نبقى راضينا كل المقاسات

ياعم المخبر .. هي اللي قالت الأبعد إبن الأبعد مش أنا .. أنا ماليش دعوة بالمدونة دي أصلا

الأربعاء, مارس 14, 2007

 
Blogger يا مراكبي said...

حسن محمود

لاهو لسة فيه تعديل دستور كمان؟

لأ بقى مابدهاش

توووووت تووووووووووت إوعى القطر

توووووووووت

الأربعاء, مارس 14, 2007

 
Blogger حــلم said...

عارف يا عم يا مراكبى انك رغم البعد برضه خايف على عيالك ودة احساس منيل

انك تبقى مقسوم نصين
torn up

متقطع يا حول الله علشان تنطق بكلمة الحق
بس واقفة فى زورك
بتقولها وتتبرى منها زى ما كلنا بنعمل

حتى الكلام يا ربى مش قادرين نعمله

جتهم البلاوى ملوا البلد.. بجد

الأربعاء, مارس 14, 2007

 
Blogger يا مراكبي said...

حلم

تعليقك جه عالوجع جامد

فعلا أنا متقطع وبأتقطع ولسة هأتقطع

أنا هأقول لك حاجة واحدة بس من اللي بيقطعوني دول

في الوقت اللي لازم أكون فيه جنب والدي أشبع منه لأن اللي الوقت اللي مش قد اللي الوقت اللي راح .. سبته ومشيت .. وهو قالي خليك بعيد أحسن لك

الأربعاء, مارس 14, 2007

 
Blogger farida said...

هههههههههه

هههههههههههههه

هههههههههه


الصوره دي جبتها منين؟؟
اكيد انت قبل الحادثه

هههههههههه

الخميس, مارس 15, 2007

 
Blogger أحمد سلامة said...

وانا في الضلام من غير شعاع يهتكه
اقف وياه بخوف ولا اتركه
ولما يجي النور وشوف الدروب
احتار زياده ، أيهم اسلكه
عجبي .........جاهين

بوست دمه خفيف بس همه تقييييييييييييل قوي
البس يا عم كسروله زي ما انت عايز
كلنا لينا يوم وهنلبسها هنلبسها

الخميس, مارس 15, 2007

 
Blogger koukawy said...

اكيد واخد الكاسروله و رايح تطبخ
loooooooooooooooool

الخميس, مارس 15, 2007

 
Blogger يا مراكبي said...

farida

دي صورتي أثناءالحادثة وفي عز عزها .. المهم إنها عجبتك

منورة .. بس فين مواضيعك الجديدة؟

الخميس, مارس 15, 2007

 
Blogger يا مراكبي said...

أحمد سلامة

أهلا بيك وتحياتي على مدونتك الجميلة بجد

متشكر على الشعر الجميل وده .. ولما تحتاج كسرولة إبقى قول لي

الخميس, مارس 15, 2007

 
Blogger يا مراكبي said...

koukawy

لأ مش مظبوط

أنا رايح أجيب اللبن

ههههههه

الخميس, مارس 15, 2007

 
Blogger دينا فهمي said...

لقد عدت

الخميس, مارس 15, 2007

 
Blogger يا مراكبي said...

دينا فهمي

خبر رائع .. أنا جاي أتأكد

الخميس, مارس 15, 2007

 

إرسال تعليق

Links to this post:

إنشاء رابط

<< Home