ماحدش يلومني ولا يعتب عليا
النهاردة مش ناوي أتكلم بالتفصيل عن أي حاجة تخص الوطن .. يعني ماليش نفس أتكلم عن ذكري حادثة العبارة أو حوادث القطارات .. ولا سفاح بني مزار وصديقه سفاح المعادي .. ولا التحرش في وسط البلد ولا أكياس الدم المخالفة والملوثة .. ولا التعذيب اللي الناس الظالمة الوحشة بتدعيه
.
ماليش مزاج أفتكر الحمى القلاعة وأنفلوانزا الطيور .. ولا المبيدات المسرطنة وإرتفاع الأسعار .. ولا إنهيار رغيف العيش وإرتفاع معدل البطالة .. مش عايز أتكلم عن إنهيار التعليم وإنهيار الفن .. ولا هاتكلم عن العنب وأيظن والبري بيء .. مش هاتكلم عن أي حاجة من دول
.
ماليش مزاج أفتكر الحمى القلاعة وأنفلوانزا الطيور .. ولا المبيدات المسرطنة وإرتفاع الأسعار .. ولا إنهيار رغيف العيش وإرتفاع معدل البطالة .. مش عايز أتكلم عن إنهيار التعليم وإنهيار الفن .. ولا هاتكلم عن العنب وأيظن والبري بيء .. مش هاتكلم عن أي حاجة من دول
.
أنا هأقول حاجة واحدة بس .. لو حد فيكوا شاف واحد لابس كسرولة وبيجري بلبوص في الشارع .. علشان خاطري ما حدش يستغرب ولا يندهش .. الراجل ده هايكون أنا .. بس مش عارف ليه .. تفتكروا ليه؟
تعليقات
كل دة ومااتكلمتش ولاحاجة
بالنسبة لكل اللى قلته يبقى كويس انها جت على اد كدة
ظالم انت البلد دايما والله
ينفع يعنى الكلام ده
احنا الحمد لله الحياه مزهزه معانا على الاخر
وبعدين كل اللى حضرتك قولته ده شكليات متأثرش فينا ابدا
عادى يعنى
احنا بعيد عن حضرتك
نحسنا ومبقاش فيه حاجه تاثر فينا
وبعدين لو حضرتك لقيت الكسروله دى يبقى كويس اوى وتبوس ايدك شعر ودقن ان الحكومه قدرت توفر الكسروله لكل مواطن
والا ياعينى مكنوش هايلاقوا حاجه
وانا من مزنقى هذا
بنادى السيد رئيس لجنه حموم الانسان
ياتوفروا سندويتشات الحلاوه بالقشطه ياتوفروا ليهم الجله
مع السلام عليكم
(نقلا عن اللمبى )
This work is very good, thank you
have nice wkend
مش رح اقولك ليش انت الشخص ده لانه مش غريب . مش القصد يكون انت لا لا اقصد الحالة الي وصفتها بعدين خيي العزيز كل البلاوي " عفوا " هي مش بلاوي لا اثقل شويه دا اشوعات و تهيؤات مفيش منه اصلا ... برضو يا خيي ليش التحامل هاد انا لو حد غيرك قال الكلام دى اقول انه معدوم من دول بتكرهنا .......
عذرا ع تطفلي .. المفروض الضيف الي بيزور حد لاول مره يكون خفيف دم عشان برستيج يعني
احييك .. لك تقديري و احترامي ... و سلام خاص لحجتكم " زوجتك" المصون فلها في البال تقدير و مكانه
موتي دائما
ندى
:D
يا ظلمة زي ما قلت قبل كده هو بس عايزين يقللوا عدد المواطنين عشان الخدمات تبقى أحسن
تحياتي
ليه كده ما كنتش بعقلك
يا رجل احب اقلك
كلنا هذا الرجل
و تحيا الوحدة العربية
امأ امأ امأ امأ
بس تعرف موضوع البلبوص دة يشجع علي التصوير ابقي اديني خبر يمكن انضم ليك
بس لي شرط يكون جنب البحر يا معلم
بلاش أحسن
خليك فى الكسرولة أضمن
بس بلاش موضوع البلبوص دة عشان بتوع الأداب
أبقى أستر نفسك بحاجة
كرافتة
بيبيون
ساعة يد
ههههههه
لولقيت حد جنبك بيصورك يبقى أنا
ولو الحاجة شافتك كدة على قناة الجزيرة
يبقى أنا ندلت وبعتلهم الشريط
صباح الخير
ده إنت معبّي يا مراكبي
طب أنا حاقولك حاجة.. ما تحاول تطمن عليها بمشاهد تانية أنا عن نفسي بحاول أصدقها و أعمل منها مشاهد جميلة
زي .. قانون الضرايب الجديد و تخفيف الجمارك .ز والمشروعات اللي عاملنا للشباب ... و... أأ... مش لاقية تاني
هونها تهون
ايه اللى حصل لكل ده؟
فى مدونات كتير بترجع الأمل اذا كنت فقدت الأمل
المهم قول أنت بقى ليييييييه؟
المركب حصل فيها ايه؟
ان شاء الله كله هايبقى تمام انت بس خليك متفائل شوية
ذكري حادثة العبارة أو حوادث القطارات ولا سفاح بني مزار و سفاح المعادي ولا التحرش في وسط البلد ولا أكياس الدم المخالفة والملوثة .. ولا التعذيب.و لا الحمى القلاعة وأنفلوانزا الطيور ولا المبيدات المسرطنة وإرتفاع الأسعار .ولا إنهيار رغيف العيش وإرتفاع معدل البطالة و لا إنهيار التعليم وإنهيار الفن ولا العنب وأيظن والبري بيء
شكرا انك مش اتكلمت لأنى مش عايزه افتكر
أهلا بيكي .. إنت حسستيني إنك قريتي البوست قبل ما أنزله
طبعا كويس إنها جت لحد كده بس .. لكن هو فيه إيه تاني ممكن يكون أكتر من كده؟
إنت شكلك كدة قلبتي حزب وطني وألا إيه؟
و بعدين الكسرولة دي أنا إشتريتها من مالي الخاص .. الحكومة مالهاش فضل عليا في موضوع الكسرولة ده
تحياي ليكي وللأقوال المأثورة بتاعة أخونا اللمبي
Thanks a lot for your kind visit to my blog as well as your nice comment.
I hope that you can introduce yourself more to us if you have time.
See you again.
الأخت العزيزة ندي
أهلا وسهلا بيكي .. نورتي المدونة وبأشكرك كتير على زيارتك الكريمة وعلى متابعتك ليا .. وعلقي زي ما إنتي عايزة .. البيت بيتك
متشكر كتير على تعليقك الجميل وعلى ذوقك وفهمك العالي وليكي مني ومن الحاجة أطيب التحيات
أهلا وسهلا .. إيه النور ده؟
لو الحكومة عندها الهدف النبيل ده يبقى أنا موافقك .. لازم نضحي بالأم والأب علشان الجنين يعيش
مش بلبوص قوي يعني .. أنا لابس كسرولة
نورت
بتقول كلنا هذا الرجل؟ يبقى إنت بقى اللي لمحته بجري إمبارح وأنا بأجري في الشوارع .. أنا برضه قلت لنفسي تلاقيه مصري زي برضه
وعموما لو ده حصل لاهلومك ولاهعتب عليك
إنت هاتنضم ليا للتصوير وألا هتشارك في المسيرة البلبوصية اللي أنا عاملها؟
وبعدين المسيرة دي حلاوتها في الشوارع مش جنب البحر .. إلا إذا كنت عايز الصورة تطلع شاعرية .. بلبوص وكسرولة وبحر
ماشي يا معلم .. دايما ماشي لي في الخير
أصيل والله
وبعدين بأكرر تاني .. أنا مش بلبوص قوي .. لابس كسروووولة
كلامك ده شجعني أكتر إني أقلع الكسرولة كمان
خليني متلصم لحد كده الله يخليكي
نورتي
ده أنا كده متفائل جدا جدا .. ده أنا حتى مارضيتش أكتئب وإخترت حل أحلى كتير من الإكتئاب
مش كده وألا إيه؟
منورني بجد
إنت اللي إتكلمتي مش أنا .. أنا مش فاضي أتكلم عن الحاجات دي .. ورايا مسيرة في الشوارع بالكسرولة
تحياتي
متشكر إنك مشجعاني وفاهمه مبرراتي للموضوع ده
نورتينا
و لو لاقيته حد تاني زيه بيجري وراه هيكون أنا
سلام
أهلا أهلا .. هو ده الكلام وهي دي الصحوبية وألا بلاش
إن شاء الله هانعمل قطر طويل في الشارع .. تووووت
ما كنت كويس و بعقلك
أنا كنت عارفة أن دية أخرة الهندسة و التفكير و الناس ألى بتشغل دماغها
لا حول ولا قوة إلا بالله
ممكن تليفون الحاجة علشان أباى أسأل عليها هية و الأولاد؟
تحياتى:)
بس المشكله هتلاقي كتييييييييير زيك
ايه العمل بقي ؟
انا بقترح نعمل حملة نسميها حملة البلابيص
كلنا نقلع ونلبس الكسارولة
ونجرى فى الشوارع بلا هدف ولا مقر
وكل ما نعترض
نقلع
ربنا يسترها على عبيده بقى
:D
اه على فكرة بالنسبة لمعنى زوردياك فانا رديت عليك عندى فى ردى على كومنتك
انت تؤمر يا باشمهندس
:)
ملكش نفس تتكلم او تفتكر مش كدا .. اممممم
اسلوب حلو .. على غرار لما تغلط فحد بشياكة وتقوله : انا مش هقلك انى مخنوق منك عشان بحترمك بس :)
اسلوب حلو بس من غير الكسرولة عشان كدا مش هيغير
خالص مودتى
اول امبارح مسكوه واحد بلبوس بيجري في مطار القاهرة
هو كان انت؟
متهيألي ان البلابيس هيكتروا في شوارع القاهرة
من لم يقلع من مصايب الحكومة
هيلقع من مصايب الزواج
تعالي انت وضيوفك دول حلوا التمرين في مدونتي
تحياتي
ربنا يكرمك على إهتمامك ده .. نمرة التليفون هتلاقيها في الكنترول .. خليكي عالخط
كلنا لها
دي اقل شيء في هذا الزمن
مرة كنت ماشي مع واحد صاحبي..
وقابلنا واحد محترم جاي من الجهة المقابلة
لاقيناه بيكلم نفسه
قام صاحبي بكل تلقائية ..
والله عنده حق..الله يخبر بيتك يا مبارك....
:))
انا ممكن اعمل كده بس موش حا اكون بلبوص
حا البس جلابيه طويله علشان الناس حاتسيب الموضوع الأصلي ويمسكوا في المظهر ويقولوا علي ماشيه ملط دي واحده اباحيه بتدعو للرزيله
يعني يهون عليك إن صاحب الفكرة مايكونش ليه نسبة من المكسب اللي هاتجنيه؟
لو ما إتفقناش عالنسبة .. هألبس هدومي تاني
ناس كتير هاتعمل زيي؟ مش مشكله .. نقلبه مولد سيدي العريان ونكسب دهب من المولد ده
نورتنا .. وتبقى تيجي المولد
حلوة فكرة الحملة دي .. رمزيتها السياسية جامدة جدا
أشكرك على توضيح معنى الإسم .. ولو إني كنت متوقعه حاجة تانية خالص غير الكارتون الياباني ده
تحياتي الغالية ليك
أهلا أهلا يا ثورجي
أنا شايف إن الكسرولة مضايقاك بس أهي سترة برضه
متشكر كتير على إطراءك
جاى......رايح منه له
بس برده
مصر حتفضل غاليه عليا.....
و بالمناسبة انا كنت بافكر لما حد فى كندا يسألنى عن مصر (من المصريين) ايه الأخبار و عينيه مليانة شماته )أل يعنى هو جاى من جاردن سيتى)....كنت حا اقوله....
مصرى زى ماهية...زحمة زى ما هيه.....غالية زى ماهية....مش نظيفة زى ماهية.....بس
حلوة و جميلة زى ما هية.....
و عجبى
أهلا بيك .. قلبي دايما عندك بجد
للأسف أنا مش في مصر وبالتالي اللي مسكوه بيجري عريان ده مش أنا .. ده تقليد .. ولو إنه كويس قوي إنه واحد بس
وبعدين أنا ما أقدرش أتكلم هنا عن الجواز لأن الحاجة مراتي بتقرأ هنا كل حاجه وأنا شخصيتي قوية قوي زي ما أنت عارف .. وإنت ما ترضاليش الأذية
منور
كده برضه؟ أصيل والله
ده أنا قلت هتشاركني المسيرة إياها
أنا جاي عندك حالا أشوف إيه موضوع التمرين ده .. بس إوعى تصور
إنت اللي قلت .. أنا ما قلتش حاجة
أنا ما باتكلمش في السياسة زي ما إنت عارفني كويس
خلي بالك من عقلك .. ونفسك
هههههه
طبعا معاكي حق بالنسبة للبنات .. هما ممكن يشاركوا معايا في المسيرة بس زي ما قلتي من غير قلع هدوم .. وإلا الناس ساعتها ممكن تجري ورانا علشان حاجة تانية والناس مش ناقصة
كفاية شعر منكوس وكسرولة وحلة طبيخ
دكتورون .. إزيك؟
رجعت كنكا وألا لسة؟
طبعا مصر هتفضل غالية عليك .. وعليا .. بس عجبي
لقيت كسرولة على مقاسك؟
أهلا بيك في المسيرة يا حس حس
أصل أنا عندي شعرة .. ساعة تروح وساعة ما بتجيش
علشان خاطرى اقلب الكسروله واركب فوقيها وعوم كويس
ايه بس اللى حصل لكل ده؟
مالك؟
طيب يا أخى مش علشان نفسك علشان العائلة
ياعم ده انا كنت فاكرك قبطان كبير وربان أعالى البحار
لا بجد ايه السبب ؟
فى ايه بس؟
اذا مش هاتفضفض هنا هاتفضفض فين بس؟
إطمئن مافيش حاجة .. أنا كويس جدا وفي منتهى السعادة
إقرأ بس البوست تاني وهتعرف السعادة دي كلها جاية منين
:D
نورتني ومتشكر على متابعتك
ده إيه الأفكار الخلاقة دي كلها؟ حلو قوي موضوع غطاء الحلة والأغنية الجماعية دي
أحييك بشدة
و نمشي كلنا
تحياتشي
انت عندك ميول بلبوصية كزرولية بحتة
متجبش العيب على البلد و اللي فيها
البلد زي الفل
فاضل بس سارس و تبقى موبوئة صعيع
تحياتشي
ربنا يهدي سرك يااااااااااااارب
ربنا يسطرها ويصلح الحال
تحياتى
ولا نتكلم على الحاجات الوحشة دي ..
وما تقلقش مش هنستغرب من الكسرولة
يظهر ان كل مواطن هيسلموله عهده كسرولة وشورت وشبشب
:-)
:-)
:-)
وشرفتنا
إيدي على كتفك في موضوع المهرجان ده
الحاجة الوحيدة اللي مش هأقدر أقدمها هي موضوع القمل ده .. أصل أنا لا يمكن يكون عندي قمل .. لأن ما عنديش شعر
تحياتي
ولا ميول ولا حاجة .. دي بقت خصائص شعب بحاله .. وأديكي شايفة في التعليقات قد إيه ناس عايزة تشارك .. وفيه اللي قلع وماشي في الطابور كمان
:-)
وبعدين إنتي نورتي صعيع
سلامة دماغك يا معلم وأهلا بيك .. منورنا في مولد سيدي العريان .. ولو إن المركز بتاع تاني واحد في الطابور ده عليه ضغط شديد قوي .. وهانعمل عليه سحب بعد كده
تعليقك تحفه لوحده
:-)
متشكر كتير عالدعاء ده
أهلا بيكي
أنا فعلا ما قلتش أي حاجة .. أنا لو قلت يبقى مش هانخلص
تحياتي
كسرولة ماشي .. لازمته إيه بقى الشورت والشبشب؟
ولو إن معاكي حق .. خلينا بلابيص مؤدبين أحسن
نورتي
المهم لو لقيت واحد بيجرى جنبك إوعى تستغرب
الاستاذ يا مراكبي بيحض الناس على البلبصة و لبس الكازرولات و انا معرفوش
انا مش معاهم
:))
اسكت يا مراكبي يا خويا ده لو موضوع الكازرولات ده مشي حتلاقي صاحبك الابعد ابن الابعد اخد توكيل الكزرولات و مرمط الشعب اكتر ماهو متمرمط
و ساعتها يعملوا رقم ساشيه لكل كزارولا و مش بعيد ياخدوا ضريبة كزورة
و اكيد اكيد الكازرولات حتشح و تلاقي الناس تلبس كنكات من غلبها
و اهو الصيف داخل و البلبصة مطلوبة
نياهاهاهاهاي
---
يا عم المخبر انا مليش دعوة ده هو اللي بيقول
هو كله كان مستنيك ولا ايه ؟
طيب شوف
أجل شوية الموضوع ده لحد مابعد تعديل الدستور
اذا أتعدل
حقك ياعم تعمل كل اللى نفسك فيه
ماتعدلش
;)
أهلا بيك وبكل أصحاب معتز .. ومتشكر على إطراءك
مادام هتجري جنبي .. يبقى هانعمل طابورين بدل طابور واحد .. فكرة كويسة برضه
هههههههههههه
حلوه قوي حكاية نمرة شاسية الكسرولة دي .. وحلو قوي موضوع الكنكة ده .. أهو برضه نبقى راضينا كل المقاسات
ياعم المخبر .. هي اللي قالت الأبعد إبن الأبعد مش أنا .. أنا ماليش دعوة بالمدونة دي أصلا
لاهو لسة فيه تعديل دستور كمان؟
لأ بقى مابدهاش
توووووت تووووووووووت إوعى القطر
توووووووووت
انك تبقى مقسوم نصين
torn up
متقطع يا حول الله علشان تنطق بكلمة الحق
بس واقفة فى زورك
بتقولها وتتبرى منها زى ما كلنا بنعمل
حتى الكلام يا ربى مش قادرين نعمله
جتهم البلاوى ملوا البلد.. بجد
تعليقك جه عالوجع جامد
فعلا أنا متقطع وبأتقطع ولسة هأتقطع
أنا هأقول لك حاجة واحدة بس من اللي بيقطعوني دول
في الوقت اللي لازم أكون فيه جنب والدي أشبع منه لأن اللي الوقت اللي مش قد اللي الوقت اللي راح .. سبته ومشيت .. وهو قالي خليك بعيد أحسن لك
هههههههههههههه
هههههههههه
الصوره دي جبتها منين؟؟
اكيد انت قبل الحادثه
هههههههههه
اقف وياه بخوف ولا اتركه
ولما يجي النور وشوف الدروب
احتار زياده ، أيهم اسلكه
عجبي .........جاهين
بوست دمه خفيف بس همه تقييييييييييييل قوي
البس يا عم كسروله زي ما انت عايز
كلنا لينا يوم وهنلبسها هنلبسها
loooooooooooooooool
دي صورتي أثناءالحادثة وفي عز عزها .. المهم إنها عجبتك
منورة .. بس فين مواضيعك الجديدة؟
أهلا بيك وتحياتي على مدونتك الجميلة بجد
متشكر على الشعر الجميل وده .. ولما تحتاج كسرولة إبقى قول لي
لأ مش مظبوط
أنا رايح أجيب اللبن
ههههههه
خبر رائع .. أنا جاي أتأكد