يوميات متزوج ثالث مرة
جرس المنبه بيرن وكأنه بيقول لي أبوس رجلك إرحم أهلي وإصحى بقى علشان صوتي إتنبح .. قلت ما بدهاش نقوم بقى .. بصيت على الكومودينو بتاعي لقيت الحاجة مراتي مش عاملة لي ساندوتشات زي ما هي معوداني .. لحظة كدة وإفتكرت إننا كنا متخانقين قبل ما ننام .. كانت الخناقة رقم 76 لسنة 2007 .. وهو ده أكيد سبب الحصار الغذائي .. قلت لنفسي: مش مشكلة .. النهارده بالذات عندنا مناسبة رومانسية سعيدة لازم نحتفل بيها وأكيد لما أرجع من الشغل هتكون راقت وممكن كمان نخرج نتعشى برة البيت جنب الأسانسير ولا حاجة .. أصل عقبالكوا كده النهارده يبقى عيد الفلاح .. وأنا بأحب أحتفل بالمناسبة دي جدا.
رحت شغلي وإنشغلت جدا جدا .. على الظهر كده لقيت السكرتيرة بتتصل بيا وبتقول إن فيه إجتماع مهم بعد ربع ساعة وصاحب الشركة عايزني أحضر ضروري .. والجدير بالذكر .. بأحب كلمة جدير دي قوي .. الحاجة مراتي بتكره البنت السكرتيرة دي لله في لله مع إنها ما شافتهاش غير في صور حفلات الشركة بس .. ثم إن السكرتيرة دي مش حاجة جامدة ولا حاجة .. هي يمكن شعرها أطول وناعم شوية .. يمكن وسطها أرفع شوية .. يمكن شكلها دلوعة شوية .. لكن مش بنت حكاية ولا حاجة
.
المهم .. لبست جاكيت البدلة وظبطت الكرافتة وبدأت أجمع الملفات اللي هأحتاجها في الإجتماع .. ولسة هأخرج من مكتبي لقيت الحاجة بتتصل بيا .. قلت: بس .. راقت والحمد لله .. أكيد إفتكرت عيد الفلاح وهتديني شوية رومانسية قبل الإجتماع .. لقيتها بتقول: إلحقني .. بلاعة المطبخ مسدودة والأرض غرقت .. أعمل إيه دلوقت؟
.
نزل عليا سهم الله .. بقى بتكلمني علشان البلاعة؟ بصيت للملفات اللي في إيدي وتخيلتها خضاضة سوداء من اللي بنسلك بيها الأحواض والبلاعات .. وتخيلت نفسي وأنا مشمر أكمام جاكيت البدلة وفاكك ربطة الكرافته وضارب غطس جوه البلاعة ومديها تسليك .. فقت بسرعة وقلت لها: خلاص .. سيبيها لحد ما آجي .. هأبقى أتصرف .. وقلت لنفسي: الظاهر إن النهارده مش عيد الفلاح وألا إيه؟
.
أول ما روحت البيت .. غيرت هدومي وبدأت بتسليك البلاعة .. شوية كده وسلكت بنجاح منقطع المجاري .. قصدي منقطع النظير .. ندهت للحاجة بفخر وإعتزاز علشان تيجي تشوف شطارتي .. ولسة هأقوم علشان أخرج من المطبخ .. طرااااااخ .. الشبشب ما بيمسكش في المياة وإتزحلقت ووقعت .. فجأة لقيت الحاجة بتجري عليا وكلها قلق ولهفة وحب وحنان وخوف عليا .. نسيت الخناقة وبقى كل همها إنها تطمئن عليا .. شعورها ده حرك جوايا كل الأحاسيس الرومانسية الجميلة .. ولقيت نفسي بأوطي عالأرض .. وأحضن الشبشب اللي كان السبب في إن الحاجة تفتكر عيد الفلاح
تعليقات
بس أيه موضوع عيد الفلاح ده :)
بوست زي السكر
ربنا يخليهالك و يخليك ليها
انتم الاتنين اطيب من بعض
بس مش كنت تقول يا راجل ان كان عيد الفلاح امبارح كنت خليت جوزي جابلي سلاكة حوض هدية
تحياتي
لكما
ده انت الشبشب ده لازم تعمله تمثال مش تبوسه و لما يتقطع بروزه ازعي ترميه
ده شبشب الهنا و السعد
و يا تري احتفلتوا بعيد الفلاح و لا لأ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تحياتي بجد ضحكتني , رائع و خفيف دم و كله يعني .. بعدين مش بس الحجة الي تكره السكرتيرة بظن كل الستات بتكره السكتيرات مش كل الستات و مش السكريترات..خلي حد يقول سكرتيرة بالبيت يوه دا قصص و روايات ساعتها
اكيد ده شبشب من الشباشب الصديقة على ما اظن؟
تحياتي لكما و ادام الله الفرح و الحب و السعادة عليكما
مودتي
إنت راجل زي العسل
حلو موضوع عيد الفلاح ده
زي ما كنت بسأل حكيم العيلة عندنا مرة
راح قايلي الجواز شر لابد منه
ربنا يديم حبكم لبعض دائما و أبدا يارب
الشبشب يا يعيش
يا يعيش
و الفضل يرجع للبلاعة المسدودة
الف مبرووووووووووووك
انت ايه حكايتك مع الشبشب بقي
كده مش كويس عشانك
وبعدين انا عاوز اعرف هي المدام
بتعرف عن اللي انت بتكتبه ده
ولا في الخباثة
والله ما اعرفش هو امتي أصلا
بجد دمك زي العسل ولذيذه منك قوى الفكره دي
وتستاهل المتابعه بجد
برافو
تحياتي
مع ان عيد الفلاح من اهم الاعياد اللي لازم تتحط في اجندة المواطن
في اعياد مينعش تعدي علي الواحد كدا بسهولة
ايام ما كنت في الكلية كان عيد ميلاد ابن رئيس القسم برضو من الاعياد المهمة في حياة الطالب جدا
انا بقترح من الاستاذ (يا مركبي) تخصيص يوم للشبشب والاحتفال بيه لأنه كان سبب تحول في مصار العلاقة الزوجية
تحياتي لك...بوست دمه خفيف
من صورتة فوق باين علية شبشب مش عادي
كل عيد فلاح وانت طيب
بس ضحكتني بوصفك للسكرتيرة
خلي بالك من البوست دة
انا بحذرك
صحيح إن بعض الظن إثم
أصلى أول لما قريت يوميات متزوج
وشفت شكل الشبشب
وعرفت أنكم متخانقين
وسمعت كلمة طرااااخ
أتخيلك طرااخ دى فى حتة تانية خااالص
وقعدت اضحك وقولت ياخسارة الرجالة
هههههههههههههه
بس أنك لرجلاً.... والرجال قليلو
إنما اية نظام السكرتيرة؟؟؟
ولا الحاجة لسة بتراقب الكومنتات
دمك زى العسل يامراكبى
بس صحيح فية عيد
للفلاح
وبطل بص للسكرتارية قال شعرها طويل طيب بايص علية لية ههههه
تحياتى
و إنت عمال تبص للسكرتيرة
ربنا يخليكوا لبعض
متشكر قوي .. بس إزاي ما تعرفش عيد الفلاح؟ ده أهم عندي من الفلانتاين
متشكر كتير على ذوقك
بس إيه الرومانسية اللي إنتي فيها دي؟ نفسك في سلاكة حوض هدية؟
ربنا يسعدك على طول .. وتحياتي لجوزك الكريم
متكر جدا جدا .. وأهلا بيك دايما
طبعا أنا موافقك .. ده شبشب حبنا ولا يمكن أعامله وحش ولا ألبسه في رجلي حتى
طبعا إحتفلنا بعيد الفلاح .. قعدنا نقرقض جزر وخس
جت سليمة الحمد لله .. شكرا على سؤالك
أنا لاحظت فعلا صحة كلامك بالنسبة لكراهية السيدات للسكرتيرة .. حتى إخواتي البنات بيكرهوا سكرتيرتي مش عارف ليه
عموما شكرا كتير على ذوقك ومتابعتك للمدونة .. وأحب أوضح إن الشبشب ده مش من الشباشب الصديقة .. ده كان شبشبي أنا
الشباشب الصديقة دي تبقى بتاعة الحاجة
حكيم عيليتكوا ده شكله كده مش متجوز أو مراته كانت برة البيت وهو بيتكلم معاك
عموما أنا ما أقدرش أقول حاجة على كلامة ده علشان الرقابة
تحياتي
ربنا يكرمك ويسعدك .. متشكر قوي على تعليقك الجميل
والله فكرتني أروح أحضن البلاعة كمان .. أنا مقصر معاها جامد
حكايتي مع الشباشب حكاية قديمة من يوم ما كنت صغير
راجع البوست ده
http://yamarakby.blogspot.com/2006/09/blog-post_06.html#links
وبعدين الحاجة بتقرأ كل حاجة بأكتبها .. أنا واضح وصريح ودوغري .. وجبان
كل سنة وإنت طيب ومتشكر قوي على الثقة الغالية دي .. بس برضه لازم تبدأ تحتفل بعيد الفلاح
كل عيد فلاح و أنتوا بخير
الشبشب دة تعلقوة فى الصالون و تكتبوا تحتة "شبشب حبنا" هييية
و بعدين مفيش سباكين فى الكويت ولا أيه ؟
أحييك بشده على إحترامك لعيد الفلاح وعيد ميلاد إبن ال.. الرئيس .. رئيس القسم بتاع الكلية
فكرة حلوة فكرة يوم الشبشب دي .. وبعد كدة هنفكر في يوم الجزمة كمان
تحياتي الغالية ليك
مالها السكرتيرة يس؟ هو هتبقى إنت والحاجة عليا؟ ما أنا وضحت إن السكرتيرة مش حاجة جامدة ولا حاجة
مش مصدقيني ليه؟
لأ .. إطمئن عليا يا معلم .. أنا رجل كالسيف ولا يمكن أنضرب أبدا .. والمرة اللي فاتت اللي إنت بتشير إليها دي كانت غير مقصودة .. عديها بقى
هأكلمك عن السكرتيرة عالإيميل علشان الحاجة مش سايبة حاجة .. دي حتى بتتابع تعليقاتي عند المدونات التانية
متشكرين ياباشا
دي زيارة كريمة جدا .. نورتني والله
وبعدين ليه السمعة الوحشة دي عن عيد الفلاح؟ ده قدم السعد والهنا .. إسألني أنا
:D
أهلا بيك
بجد انهاردة عيد الفلاح؟؟؟؟
بس بجد ايه البوست الروعة ده؟؟...
عيد الأم بكرة.. ربنا يستر
أنصحك .. خبي الشباشب كلها بكرة
ربنا يخليكوا لبعض بجد
?الحاجه قرأت البوست ده
;)
وربنا يخليكم لبعض ويديم عليكم المحبة والسعادة
سواء فى عيد الفلاح او فى باقى ايام السنة منزوعة الاعياد
وابقى هات شبشب ضد الزحلقه
المرادي جت سليمة الحمدلله
تحياتى يا غالى
ودلوقتي عرفت الأسباب (:
متشكر لتعليقك وأحب أؤكد لك إن فيه فعلا عيد للفلاح كان موجود من أيام الخمسينيات في القرن اللي لسه خلصان قريب ده
ده لما كنا دولة زراعية بتكفي نفسها
تحياتي
و ما يحرمكش ابدا من شبشب الرومانسية العجيييييييييييب
ما تقلقش عالشبشب .. ده في قلبي من جوه
وبعدين أنا لا يمكن أبص على السكرتيرة أبدا .. هي اللي بتعدي قدامي غصب عني
الحاجة طيبه آه
أنا بأبص على السكرتيرة .. لأ
ده كان فضول بس
تحياتي
للأسف ما عندناش صالون في الكويت .. هأبقى أعلقه عندنا في مصر
وطبعا فيه سباكين هنا .. إحنا جبناه فعلا بص طلب 20 دينار .. يعني حوالي 400 جنيه مصري
إحنا طردناه طبعا وخصوصا إن لسة ورانا مصاريف لبس العيد .. عيد الفلاح
متشكر قوي على ذوقك .. وإذا كان فاتك عيد الفلاح مش مشكلة .. عيد الفلاح بييجي مرتين في السنة
هو فيه شباشب كمان يوم عيد الأم؟ متهيألي نقضيها حافيين أحسن
لأ البركة فيك بأة هية دية ميزة المهندسين بنعمل كل حاجة هىهى
متنسوش تتصوروا فى عيد الفلاح بالهدوم الجديدة و تبعتلنا الصور :)
Very, very nice. Thank you.
have good day
إن سموك طبعاً مش لاقي سبب جذري لغيرة
الحاجة مراتك من السكرتيرة اللي شعرها
طويل ووسطها ضيق ودلوعة
شوية...حاجات متخليش المدام تنفرس
وتكره عيد الفلاح...والفلاح نفسه
واللي جابوة
شكر وتقدير لبلاعة بيتكم اللي جمعت بين
حبيبين
شكر وتقدير لشبشب سموك الذي فجر
طاقات الإبداع العاطفي عند مرات سموك
شكر وتقدير لمدونتك الرائعة
ملحوظة
البواب بيؤولك ابقا شيل صينية الأكل
من جنب الأسانسير بعد ما تعزم مراتك
ملحوظة كمان
ربنا يديم الحب بينك وبين المدام...وما
يسدلكم بلاعة
تحياتي...لك...وللمدام...وبلاش
السكرتيرة
طبعا الحاجة قرت البوست ده قبل كل الناس
نورتينا
ألف ألف شكر على التهنئة بحلول عيد الفلاح .. يعوده عليك بالصحة والسعادة
أنا فعلا عملت بنصيحتك وإشتريت شبشب جديد .. بس لسة تحت التجربة
تحياتي الغالية ليك
دايما الحاجة بتاخد تشجيع أكتر مني .. ماشي
بس هي عسل فعلا .. ساعات عسل أبيض .. وساعات .. مشيها أبيض برضه
تحياتي
احنا كنا مدينو حجم اقل من حجمو
هوا الشبشب ده الي هيظبط الماده 76
و حسبي الله و نعم الوكيل
انا بقول برضه التعديلات كان ناقصها حاجه
عشان كدا خدنا بالشبشب
تحياتشي
القر اللي حتاخده بعد البوست ده
حيسد البلاعة العمومية في شارعكم
انت حر
ماتبقى تيجي
انه" التشعلق" بأسباب السعادة
:)
كلمتين ..
تقوم تحضن الشبشب؟؟؟
بأقول لك ايه
كلمة بيني وبينك
انت تعرفني...
يعني متأكد انك بتكتب مذكراتك انت ؟
وبعدين شكلكم عاملين محاضر اجتماع للخناقات ومأرشفنهم
طالما بتديها ارقام :)
يا عم الف سلامة عليك
اسيبك بقا علشان عندي بلاعة عايز اسلكها
تدوينة شيقة تلعب على وتر (هم يضحك) وأسلوب بسيط يشي بحالة حميمية جميلة بينك وبين مدونتك
عيد فلاح سعيد يا عزيزي
وربنا يدوم المحبة بينك وبين ست الحاجة
بجد مالهاش حل
بصراحة كده بسخسخ على نفسي من أول سطر وبعدين أفشاتك غير متوقعة يعني تلاقي الضحك طلعلك من حيث لا تدري
وبعدين أنا قلت مرة الحاجة دي سممممممحة بشكل غريب
ربنا يخليهالك يا عم ويخليلك الشبشب والبلاعة
أنا هاروح أصلي العصر وأرجع أقري البوست ده لأخواتي
هسيحلك في مصر كلها
نياههههاهاهاه
و الله انت مسخرة انت و الحاجة
موتنى من الضحك و انا مكنتش طايقة اضحك
ههههههههههه
وكل سنة وعيد الفلاح بخير
و سلامى الخاص للحاجة
:)
أنا مش مختفي ولا حاجة .. إنتي اللي مدونتك ما كنتش عارف أدخلها
وبعدين هأكرر تاني وتالت
أنا رجل كالسيف .. جامد جدا
ده بيني وبينكم طبعا
you tagged me?
ربنا يسامحك ويديك على قد نيتك
متشكر قوي
منور المدونة يا بورسعيدي يا أصيل
بما إني متخصص شباشب .. أخبار أسعار الشباشب إيه بعد ما إتلغت المنطقة الحرة؟
طبعا 400 عفريت يركبوه .. ده أنا أسلكها بفسي حتى لو قعدت للصبح
دي مافيهاش مهندسين ولا غير مهندسين
لما نتصور بهدوم العيد هاغسلها وانشرها في المدونه
Than you for your kind follow up, it is really so kind effort fom you
تعليقك ده تحفه لوحدة .. يستاهل يبقى بوست
ده غير إني بأحب كلمة جدير دي جدا .. وخصوصا لما تتعلق بالسكرتيرة
أنا بأشكرك على نصايحك الغالية وأهلا بيك .. نورت المدونة
الشبشب ده خاص بمناسباتنا العاطفية الخاصة .. لكن المناسبات الرسمية لأ
متشكر قوي .. يعود عليك عيد الفلاح بالصحة والهناء
إنت كده بتعملي إسقاط سياسي للشبشب وأنا ما باتكلمش في السياسة زي ما إنتي عارفه
لكن ده ما يمنعش إن كلامك مظبوط وإن اللي قولتيه ده سبب كافي إننا ناخد بالشبشب والجزمة القديمة كمان
النهاردة الخميس خمسة وعشرين مارس
إبقي جربي موضوع البلاعة ده يمكن ربنا يكرمكوا
أنا جاي عندكوا حالا
حلوه جدا نظرية التشعلق بأسباب السعادة دي .. ده من أساسيات علم النفس
أنا برضه عمال أقول ليه أنا مرتبط قوي بالشبشب كده؟
لا مش فاهمك
أنا لسه صغنون وماليش في الحاجات دي
ههههههههه
منور بجد
كان لازم أحضن الشبشب لأنه قدم السعد .. وإلا أبقى ناكر للجميل
وطبعا أنا أعرفك كويس ..مش متجوز من زمان زيي؟ يبقى أعرف عنك حاجات كتيره من غير ما تآخد بالك
كلنا لها
أرجو إنك تكون إتوفقت في تسليك البلاعة .. ولو إني متأكد من إنك هتقدر على أبوها .. مش متجوز من زمان زيي؟
متشكر قوي على الزيارة الجميلة دي وكل عيد فلاح وإنت طيبة وبالصحة والسلامة
أهلا بيك
قفشتك يا معلم .. إنت صاحب التعليق الملغي ده
آمين يا رب
شكرا على تعليقك وشعورك الطيب ناحيتي وناحية الشبشب الغالي
متشكر قوي على ذوقك وإطراءك الجميل .. ده كلام كبير قوي
وبعدين مش ناقصة تسييح في مصر كمان .. كفاية الخليج العربي .. كله عرف
نورتني
وإنت طيب يا ريس
ياعم فين كتاباتك الجديدة؟ بقى لك أكتر من شهر ما كتيتش حاجة؟
نورتينا وكل سنة وإنتي طيبه
متشكر على تعليقك الجميل ولو إنك دايما دايما دايما .. في صف الحاجة
مع إنك بحكم زمالة التدوين المفروض تكوني في صف .. الحاجة .. نمشيها كده المرة دي
أكيد في طرق كتير نكتشف بيها حب وحنان اللي قدامنا غير الزحلقة والحوادث دي
بجد بوست لذيذ جدا ودمه خفيف
حلوة الحكاية دى اوى طعمة ثلاث حبات ونصف ههههه
كويس؟
أخبار عيد الفلاح ايه؟
المشكلة انى مابقتش أتفرج على التلفزيون فعلشان كده ماعرفش امتى يوم الفلاح
انما عارف انه مع موسم الحصاد
بس غريبه باسمع الراديو ولا جابوا أى اغنيه ولا حتى عملوا برنامج
يالا معلش
كويس انه حصاد الزرع والمحصول مش حاجه تانيه
خد بالك من نفسك بقى
مش كل مره تسلم الجره
وأدى العيش لخبازه
:)
سلام
زي العسل و الله
ربنا يخليكوا لبعض يا رب
ويا يعيش عيد الفلاح
My name is Fernando David Moreira dos Santos, (David Santos).
I was born in Cucujães, Portugal.
I live in São João da Madeira, Portugal.
I`m 62 years old I am poetry and love Arabic culture.
Thank you
والبوست زي السكر طلعت الاحد من الهم شوي
تحياتي
بحب انا رومانسية المتزوجين دي ..
بتطلع في أوقات غريبة
كل فلاح وانتوا طيبين
كل سنة وإنتي طيبة بس بلاش عيد الشرطة ده علشان بيجيلي حساسية
وطبعا فيه طرق كتيره نكتشف بيها حب وحنان اللي قدامنا بس إنتي تابعي حاديتي .. دول عشر سنين
منورة
الله يحظك كمان وكمان
بس النص ده جه منين؟
أهلا بيكي
أنا بجد سعيد جدا بمتابعتك
عيد الفلاح مش هاتسمع عنه خلاص لأن ما فيش حصاد ولا زراعة أصلا .. أنا مش قصي إننا لغينا الزراعة بس قصدي إنها لا شيء بالنسبة لعدد السكان الرهيب
وبعدين أنا أكتر واحد يحب يدي العيش لخبازه .. بس خبازه ده طلب 400 جنيه .. يبقى في الحالة دي أديه لخبازه برضه؟
منورني دايما
ده إيه الزيارة الجميلة دي؟ متشكر كتير وكل سنة وإنتي طيبة
Really I do thank you for your nice reply to my question. Sorry for not knowing a poet like you, but really the language is an obstacle.
What is amazing is thatr how you understand our Arabiceven the slang?
Thanks again
أهلا بيك وتنورني في أي وقت
أهو الواحد بيحاول يضحك شوية علشان ينسى اللي بيحصل للبلد
تحياتي
حلوة كلمة رومانسية المتزوجين دي .. فعلا جديدة
هو فيه رومانسية للمتزوجين؟ أيوه .. وتلاقوها مع البلاعات والحاجات اللي بايظة في البيت ومشاوير السوق اللي ما بتخلصش
تحياتي
ثانيا وحشتنى يمراكبى كتير بجد وبدون مجاملة
ثالثا بقة
انا مدخلتش هنا من زمان
اول مفتحت المدونة بتاعتك لقيش شبشب
قلت هى وصلت معاك لكدا بصراحة خفت عليك
الحمد لله اتارى الشبشب كان بطل ثانوى المرادى ولم يذكر الا ف نهاية الحلقة
اما بالنسبة لعيد الفلاح فعمر الحاجه اكيد مهتنساه
انا عارف هى مرتباها
عشان تعملها حجه وتتصل بيك
وبعدين تزحلق
تقوم تتخض عليك
وتعيش بقة يوم عيد الفلاح
عموما كل سنه وانتو كلكم طيبين والاسلوب بتاعك مش هقول حلو لانى اتعودت ع كدا خلاص وانت اول واحد ازوره بعد غيابى
تحياتى للجميع
يعني حتى هيئة الصرف الصحي بتعمل حاجات رومانسية أهه
ربنا يخللي كل بتوع المجاري
فكرتنى بايام كنا نيجي و انا صحابي لا بسين اخضر بالصدفة الناس يسألونا هو المصري كسب و لا ايه نقولهم لا بنحتفل بعيد الفلاح
:)))
يااااه .. أنا سعيد جدا جدا بعودتك للتدوين .. حقيقي إفتقدناك الفترة اللي فاتت
ومتشكر جدا على الإطراء ده .. وخصوصا إنك لفت نظري لأن الحادثة كانت مدبرة ومقصودة .. لازم آخد بالي أكتر من كده
حمد الله عالسلامة
أولا دي تبع مصلحة المجاري الكويتية مش المصرية .. يعني حكومتنا مالهاش فضل علينا في الموضوع ده
لكن المهم إن الرومانسية ممكن تيجي مع المجاري .. فكرة عجيبة وغريبة
نورتينا
عموما لفتة مهمة
أنا هأعمل بحث في الموضوع .. يمكن فعلا عيد الفلاح ليه علاقة بالنادي المصري أو نادي الإتحاد السكندري وخصوصا إن ما عندناش زراعة بجد وجد دلوقت
بس هو إنتوا ليه كنتوا بتلبسوا زي بعض صحيح؟
بلوج حلو كتيييير
الله يخليكم لبعض يا رب
وما يوقعك بالشبشب الا عند الحاجة:-)
اجمل تحياتي
هلا بيك
زيارة كتير حلوة وبأتشكرك كتير ع هالأماني الطيبة
كلك ذوق والله
http://engafm.blogspot.com/
وهذا فى حد ذاته يستاهل ألف حضن وحضن. عيد فلاح ( عايز أقول مبارك بس خايف) وسلم لى على توشكى والريف الانجليزى بطريق اسكندرية الصحراوى.
أهلا بيك ومتشكر على زيارتك .. مدونتك حقيقي جميلة
إنت وصلت لماركة الشبشب كمان؟ ده إيه الدقة دي كلها؟ ماشي ياعم
وبعدين كلمة عيد مبارك دي مش عيب ولا حرام .. هي مكروهه بس
تحياتي
ربنا يكرمك .. ملاحظة في محلها
بس ده إن دل على شيء فإنما بيدل على إن الناس مهمومة جدا وبالتالي بتهتم بأي كوميديا أكتر من أي حاجة
شر البلية ما يضحك
Thank,s for you work and have a good weekend
أولا انا أسف انى هخرج عن الموضوع لان
ووأحب أدعوك الى ان تنضم معنا الى رابطة عملناها للعزاب
أنا عارف ان الوقت مش مناسب
والرابطة دى عملنا لها مدونة تسمى
( عاوز اتجوز )
ونأمل ان تشارك معنا بمواضيعك
وحاول مشكورا ان تنشرها بين اصدقاءك والفكرة هتعجبك ان شاء الله
وجزاكم الله خيرا
حملتك انت المسؤلية على كل اللى بيجرى لينا عند اكتب بالرصاص
قولت ان انت اللى غرقت المركب
:)
مش انت وقعت
يبقى خلاص انت السبب بقى
يلا خير
موضوع الكسرولة ده لسه شغال ولا انتهى خلاص؟
يلا دمت بخير
سلام
Dear our great poet, we are the ones who have to thank you a lot for your care and kind folllow up for our blogs.
ربنا يكرمك وأشكرك على نصيحة القبقاب دي .. ولو إن الجيران اللي تحت هيصدعوا .. بس مش مشكلة .. المهم ما نتزحلقش تاني
نورتي
متشكر قوي .. ولسة هأفكركوا بأعياد تانية كتيرة زي عيد الفلاح كده
أهلا بيكي
متشكر كتير على الزيارة والدعوة الكريمةدي .. وهأحاول أشارك طبعا بس لما الرقابة المنزلية تخف شوية
ربنا يكرمك .. هتخليني أفتكر نفسي بأعرف أكتب وألا إيه؟
عموما أشكرك كتير على المتابعة
ياعم إنت هتلبسنس تهمة ليه في يوم الإستفتاء؟ أنا لا غرقت المركب ولا لابس كسرولة ولا حاجة
أنا المركب بتاعتي لسة سليمة بس المراكبي بتاعها أودعوه مستشفى الأمراض العقلية .. حاجات بسيطة يعني
تحياتي
ما تقلقش على الشبشب .. ده بالنسبة لي بقى رمز الحب والسلام
منور بجد
http://ctybrd.blogspot.com/2007/04/blog-post_17.html
هي الدنيا كده يا مستر مراكبي تعمل ايه
ربنا يخليكوا لبعض و يهنيكوا ببعض
طبعا هي الدنيا كده .. مقامها هو مقام الشبشب
ههههه
أشكرك على الزيارة الجميلة دي