شد القلوع يا مراكبي ... مافيش رجوع يا مراكبي

الاثنين، مايو 04، 2009

يوميات متزوج الطبعة السادسة

لا أذكر على وجه التحديد كم كان عدد المرات التي سألتني فيها الحاجة زوجتي: فاكر كان وزنك كام يوم ما اتجوزنا؟ فأجيبها إجابة لا تتغير أبدا: ستين كيلوجرام .. فتستأنف أسئلتها: ودلوقت بقيت كام؟ فأجيبها إجابة تتغير من حين لآخر: تسعين كيلوجرام .. ولأن ناتج إجابة السؤال الثاني دائما تكون أكبر من ناتج إجابة السؤال الأول .. يأتيني تعليقها الذي صرت أحفظه جيدا عن ظهر قلب: علشان تعرف قيمتي .. وزنك زاد بعد الجواز بسببي! وأعتقد أنها تقصد أنني كنت في حالة مزرية قبل الزواج شكلا وموضوعا ثم إبتسمت لي الدنيا عندما تزوجت فأشرفت زوجتي على علافتي وتسميني إلى أن أصبحت واضح الملامح والكينونة والتضاريس
.
وفي نفس السياق .. أذكر أنه قال لي أحدهم ذات يوم أن المتزوجين غالبا يكونون أكثر وزنا من العزاب (جمع أعزب يعني) بسبب الراحة النفسية التي يحصلون عليها بعد الزواج .. عبيط ده وألا إيه؟ أظنه كان كذلك .. عموما أنا أعرف مقولة إنجليزية تقول: إن من أسباب أن المتزوجين هم الأكثر وزنا من العزاب أن الأعزب عندما يدخل إلى منزله فهو يذهب إلى الثلاجة وينظر ماذا بداخلها ثم يخلد إلى سريره .. أما المتزوج إذا دخل إلى منزله فهو يذهب إلى سريره ليرى ما فيه ثم يفضل أن يتجه إلى الثلاجة
.
كما يحضرني هنا أنني كنت شاعرا ملهما قبل الزواج .. لدرجة أنني كنت أكتب قصائد خاصة بزوجتي عندما كنا مخطوبين .. وعندما تزوجت .. توقفت عن كتابة أي شيء لمدة عشرة سنوات كاملة .. لأعود بعدها كاتبا للقصص الحزينة وكتاب حياتي يا عين .. مما أدى إلى أن تهددني الحاجة زوجتي بأن تنشر قصائدي التي كتبتها من أجلها قبل أن نتزوج لتفضح تناقضي أمام القراء .. إستعطفتها كثيرا ألا تفعل ذلك لكنها لا زالت مصممة على رأيها .. عرضت عليها أن أشتري منها جميع قصائدي وبأي ثمن .. ومازلنا في مرحلة التفاوض على سعر البيع
.
وبخلاف إفتقادي للشعر بكسر الشين .. لا يخفى عليكم أنني أفتقدت أيضا الشعر بفتح الشين بعد الزواج .. وهذا الأمر وجدته عاملا مشتركا بين أغلب المتزوجين ماعدا شرزمة قليلة إستطاعت أن تحافظ على شعرها .. وتستطيعون أن تميزونهم بسهوله وهو يهرشون رؤؤسهم بينما هم يسيرون في الطرقات محدثين أنفسهم بصوت هامس يسمعه بالكاد سكان الدول المجاورة .. أما عن قصر النظر وألام القولون العصبي وقرحة المعدة التي أصابتني منذ سنوات .. فأنا لا أعتقد أنها بسبب الزواج .. فأنا لا أريد أن أكون مجحفا
.
فيا عزيزي الشاب ويا عزيزتي الشابة
حاول أن تتزوج من تحب
ولو أنه يفضل ألا تتزوج من تحب حتى لا تصطدم بالواقع
وحاول أن تختار شريكة حياتك
ولو أنه يفضل أن يختار لك الأهل لأن مرآة الحب عمياء
والعزوبية أفضل كثير من الزواج
لكن للزواج مزايا أخرى عديدة أكثر من العزوبية
الخلاصة: ولعوا في نفسكم أحسن .. واللي أخدته القرعة تأخده أم الشعور .. وعجبي
.
إقرأ الحوادث السابقة
من يوميات متزوج
يوميات متزوج مرة تانية
يوميات متزوج ثالث مرة
عايز أرقص تانجو

من يوميات متزوج الطبعة الرابعة
يوميات متزوج الطبعة الخامسة

التسميات:

58 Comments:

Blogger koketa said...

اوووووووووووووووول تعليق ولا بتهيألى

الاثنين, مايو 04, 2009

 
Blogger koketa said...

لالالالالالالالالالالالالا
انا اول تعليق فعلا

الاثنين, مايو 04, 2009

 
Blogger koketa said...

اولا بوست جمييييييييل جدا
ضحكت من قلبى بجد بجد يعنى
بس هو الى اتجوز مش عاجبه والى متجوزش مش عاجبه
فى مثل بيقول
الله يخرب بيت الى اتجوز قبلى وماقليش والى اتجوز بعدى ومسألنيش
بس مظنش ان الجواز وحش اوى كدا
هو بردو له مميزات زى حضرتك ما قلت
وكمان ليه حضرتك متقلش انك كنت ملصم نفسك على الحركرك لحد ما تتجوز وبعدين تبان عيوب المنتج !!!!!!!!!!

الاثنين, مايو 04, 2009

 
Blogger عاشقه وغلبانه said...

اللي يلاقي جواز ومايتجوزش ربنا يحاسبه::(((

الاثنين, مايو 04, 2009

 
Blogger ـ-ـ- أحمد عبد العدل-ـ-ـ said...

هههههه
أولا أنا عاوز القصايد كلها بجد
أكيد كانت جميلة جداً
ثانياً واحد زيى ظهرت عليه كل الأعراض المذكورة ياترى ايه تأثير الزواج عليه
بجد هكون سعيد لو قرأت الأشعار قريب

الاثنين, مايو 04, 2009

 
Blogger mohamed ghalia said...

يا عزيزي الشاب ويا عزيزتي الشابة
حاول أن تتزوج من تحب
ولو أنه يفضل ألا تتزوج من تحب حتى لا تصطدم بالواقع
وحاول أن تختار شريكة حياتك
ولو أنه يفضل أن يختار لك الأهل لأن مرآة الحب عمياء
والعزوبية أفضل كثير من الزواج
لكن للزواج مزايا أخرى عديدة أكثر من العزوبية

معاك حق يا أستاذى
ربنا يسعدك دايما

الاثنين, مايو 04, 2009

 
Blogger صدى الصمت said...

حرام عليك يا إبنى عقدت ال عاوز يتجوز وقلبت المواجع على الى المتجوزين
هههههه
الحقيقة يوميات لذيذة جداً
ربنا يخليلك الحاجة والأولاد
إنت عايش عشان تسعدهم ويسعدوك
تحياتى

عاشقة الورد

الاثنين, مايو 04, 2009

 
Blogger Appy said...

ههههههههههههههههههههه
هى فكرة ولعوا فى نفسكوا احسن دى حلوه
بس على فكره ليه اصحاب ولاد اتجوزا وخسوا اممممم
اقولك السر مراتهم مهتمه ان رجالتهم تفضل رشيقه والله بجد مش هزار
هما عاوزين كده فبيحافظوا على شكلهم
يالا ربنا يقدرك وتقدر تجيب الشعر بكسر الشين وفتحها

الاثنين, مايو 04, 2009

 
Blogger شيمـــــاء said...

عجبنى ديموقراطية المدام :)

الاثنين, مايو 04, 2009

 
Blogger مـحـمـد مـفـيـد said...

:))))))
جامد أوي البوست ده يا هندسه

الاثنين, مايو 04, 2009

 
Blogger MǿиY El-Shreef said...

أن الأعزب عندما يدخل إلى منزله فهو يذهب إلى الثلاجة وينظر ماذا بداخلها ثم يخلد إلى سريره .. أما المتزوج إذا دخل إلى منزله فهو يذهب إلى سريره ليرى ما فيه ثم يفضل أن يتجه إلى الثلاجة

ههههههههههههههههههههه

يالهوي للدرجادي

الراجل الانجليزي ده اكيد ماشفش الست المصريه :D:D

جميله اوي اليوميات دي وعجبتني اوي وضحكتني من قلبي والله

تسلم ايدك يا استاذنا

الاثنين, مايو 04, 2009

 
Blogger SAYED SAAD said...

يا بختك يا ابو بخيت
اوقات كتير بيكون التغير عدمة احسن لأن اللي بيتلسع من الشربه بيولع في نفسة
مش كده
اسأل الله العفو والعافية والزوجه الصالحة
تحياتي
سيد سعد

الاثنين, مايو 04, 2009

 
Blogger كيــــــــــــارا said...

هههههههههههههههههههههههههههههه

موتني من الضحك

هو الجواز وحش للدرجه دي

وراح فين الشعر بقي

الاثنين, مايو 04, 2009

 
Blogger معتز شاهين - باحث تربوي said...

هههههههههههههههه
والله هلكتني من الضحك الله ينور

ويبقى التواصل

الاثنين, مايو 04, 2009

 
Blogger islamz said...

يا عينى يا مراكبي صعبت عليا والله
الله يكون فى عونك ..
هههههههههههه

الاثنين, مايو 04, 2009

 
Blogger hend...hanady said...

سبحان الله انتم المتزوجون مبتعترفوش ابدا بالنعمة اللى انتم فيها بسبب زوجاتكم ودايما بتطلعوا فيهم كده القطط الفاطسة
وزى ما انت ذكرت المثل الانجليزى افتكر الزوجات الانجليز والاجانب كمان مخليين اجوازهم يساعدوا فى البيت ومش لازم هى تطبخ او هى اللى تاخد اجازة لرعاية الطفل بجد لازم الواحد يشوف غيره علشان يعرف قيمة اللى فى ايده

يالا ربنا يخلهالك وسلامى لها

الاثنين, مايو 04, 2009

 
Blogger اللؤلؤة said...

يا مراكبى
السلام عيكم
شوفت يا باشمهندس الرجل فى الصورة لم يخاف من الحوت وخايف من مراته وعجبى على رجالة الزمن ده
دمت بكل الخير

الاثنين, مايو 04, 2009

 
Blogger Ahmed Talk said...

انت بوظتها خلاص ربنا يستر عليك

الاثنين, مايو 04, 2009

 
Blogger Hossam said...

سلام عليكم
الموضوع حلو اوى.ونا عن نفسى موضوع الجواز بالنسبة ليا اخر حاجة هفكر فيها لانى بطبعتى مش بحب القيود.يعنى بحب السفر الكتير و عمل علاقات كتير وكمان حاسس انى لو اجوزت هبقى مقصر فى حق بيتى لاسباع رغباتى الشخصية من فنون وثقافة ومعرفة.اما بالنسبة للجملة الانجليزية بصراحة اول مرة اسمع عنها بس حاسس ان فيها شىء من الصدق نوعا ما.لانها تماما مش متوافقة مع والدى.
اتمنى ترجع تكتب شعر تانى لزوجتك
تحياتى

الاثنين, مايو 04, 2009

 
Blogger ملكة بحجابى said...

بئى العزوبيه بالذمة افضل من الزواج
ربنا يبشرك بالخييييييييييييير
جميلة سطورك
بس فرحتنى وانا داخلة على جوازة
ههههههههههههه
دوووومت متألق

تقبل مرورى
ملكة بحجابى

الثلاثاء, مايو 05, 2009

 
Blogger well said...

يامراكبى ...الزوجة دى عاملة زى الدولة يأما تتقدم بيها وتعيش سعيد
يأما تضحك عليها وعلى شعبها زى ما عمو حسنى عامل مع امنا مصر
دى وجهة نظرى ....بس ياترى لما اتجوز كدة واكتب يوميات زى حلاتك يا ترى هتفضل وجهة نظرى زى ما هى ولا هتتغير زى الايام

الثلاثاء, مايو 05, 2009

 
Blogger إيمان الحسيني said...

ههههههههههههههههههه

بقالي فترة ماضحكتش زي النهاردة
ربي يسعدك أنت وأهل بيتك يا مراكبي

الثلاثاء, مايو 05, 2009

 
Blogger jehan said...

عارف يامراكبى انا منى من الاجه اعمل ايه ؟؟؟؟


اعرض القصائد فى مناقصه للمدونين واعلى سعر هو الى يشترى سواء كنت انت بقى او حد تانى

واهو كله علشان تأمين مستقبل الاولاد والله

>>> ما تعرفنى على الحاجه والله هنعمل احلى شغل سوا

الثلاثاء, مايو 05, 2009

 
Blogger أحمـــــــــــــد أبو العلا said...

ههههههههه
بوست تحفه وفتح نفسي المسدوده عن الجواز
ههههههههههه

يعني زياده في الوزن وأمراض وحرمان؟
ههههههه

لا لا معاك حق, نولع في نفسينا أحسن

انا بقى ياهندسه شعري عندي غالي جدا
ههههههه

الثلاثاء, مايو 05, 2009

 
Blogger سنووايت said...

هههههههههههه
المشكلة مش في الجواز لكن في اللي بيتجوزوا
جواز من غير حب اعتقد انها فكرة فاشلة بس الحب وحده لا يكفي لازم يبقي فيه توافق وتفاهم واحترام المشكلة ان اغلب اللي بيتجوزوا بيبقوا عايزين اي حد وخلاص المهم القطر ما يفوتهمش ودي لوحدها مصيبة
بوست دمه خفيف

الأربعاء, مايو 06, 2009

 
Blogger Rozza!.......فاقد الذاكرة said...

كما قال الشاعر ذو الكرش الكبير
زميلك بمهنة الشعر قبل الزواج

كتاب حياتي يا عين ماشفت زيو كتاب
الفرح في سطرين
والباقي كلو زواج
زواج
زواج
آآآآآآآآآآآآآآآآآ

في الواقع انو العزابي نفسو يتجوز
والمتزوج نفسي يرجع عزابي
والخاطب مبسوط
والقلب موجوع

المشكلة مش بالزواج
المشكلة بالاختيار
لان الواحد وهو عزابي بيفرفش مع اصحابه
ولكن وهو متزوج بيفرفش بالاكل
وهيا بنا نأكل

الأربعاء, مايو 06, 2009

 
Blogger esraa said...

ههههههههههههه
طب والله الحاجه دي زي العسل
ربنا يخليهالك يارب

الأربعاء, مايو 06, 2009

 
Blogger وميض ابتسامة said...

عزيزى

اقولك ايه .. ؟ اكتر من اللى قاله جحا مفيش ... وبعدين احنا خلاص وقعنا واللى كان كان الدور والباقى على الى ورانا ولسة مستمرين وفى طريقهم للصعود الى ...... بلاش احسن!! خلى اليوم ده يعدى على خير

سلام ياصاحبى

الأربعاء, مايو 06, 2009

 
Blogger تخاريف خاصه! said...

بوست جاااااااااااااااامد جدا يا بشمهندزز...

^_^

الصورة مش ممكن!!

انا بس بنصح المدام انها لازم لازم تعمل بلوج..ترد فيها على حضرتك..عشان حق الرد يبقى مكفول..بعيدا عن الافتراءات..

^_^

الأربعاء, مايو 06, 2009

 
Blogger اسكندراني اوي said...

ايه يا هندسه ده
؟؟؟؟؟؟؟؟؟؟؟؟!!!!!!!!!!!!!!
استر يارب

الأربعاء, مايو 06, 2009

 
Blogger أُكتب بالرصاص said...

يا ابني

فولة واتقسمت نصين

قصدي
شوال فول واتقسموا على بعض

اقصد المتجوزين
رأيي من رأيك
ومش هايفهم كلامك غير المتجوزين ، وقضوا في المدة ست سنوات على الاقل

قبل كدا ... هايخدوا الكلام حاجة فرايحي

زعلت قوي أني ماقدرتش اشوفك في مكة

على كل حال رجعنا بالسلامة وكل شيء تمام

الخميس, مايو 07, 2009

 
Blogger Rania said...

دمك و الله عسل يا عم المراكبى
و هيه دنيا و اكيد طبعا عارف ان الجواز نهايه كل ظالم

تحياتى للحاجة زوجتك اكيد
و انت اكيد عارف ان وراء كل عظيم زوجته تزود وزنه
:)

الخميس, مايو 07, 2009

 
Blogger Tamer Nabil said...

الزواج حدوتة بداية ونهاية

ومهما كانت النتائج

فهو مطلوب ولو عافية

بس تعرف الجواز جميل رغم كل ما فية
تحياتى

الجمعة, مايو 08, 2009

 
Blogger Ahmed Mubarak said...

انت مشكله
مشكله كبيره اوي

ايه المتعه ديه الي حسيت بيها
يخبر
بجد انت مشكله
بس الحمدلله انا شعري اكرت مش بيقع .. يمكن ده الميزه الوحيده ان ميكنش شعرك اصفر وبيطير
:)
تحياتي

الجمعة, مايو 08, 2009

 
Blogger Maha said...

:))
مالكش حل
يعني متجوزتوش مش عاجب، اتجوزتوا مش عاجب
انا بقى نفسي اقرا يوميات المدام
اكيد حتقول فيك اشعااااار

بس بجد بجد، احمد ربنا على النعمة اللي انت فيها ... و ربنا يخليكوا لبعض

عجبتني مدونتك جدا و حطيتها في المفضلة خلاص :)

-------
انا في فرنسا باشتري جاتوه! :((

في انتظار زيارتكم مدونتي 1، 2
سلام عليكم

الجمعة, مايو 08, 2009

 
Blogger أحمد سعيد بسيوني said...

هو مافيش حد عاجبه اي حاجة بتحصله في العالم ده ولا اية

متجوزيين ومش عاجبهم
وعزاب وهيموتوا ويتجوزا

فعلا
فهل حاروا مع الاقدار
ام هم حيروا القدر

صحيح
وانا باقول اية اسباب ان القرحة والقالون العصبي متواجدين وبكثرة في كبار السن
اها
عرفت السبب خلاص
ههههه

جميلة تدوينتك

دمتم بخير

السبت, مايو 09, 2009

 
Blogger مهندس حر said...

كلامك عن الجواز بيفكرنى بواحد صاحبى كان بيجوز على روحه لغاية ما أهله لموا الموضوع و جوزوه و دلوقت بيقول كلام زى كلامك بالظبط..

بلاش يا بنى الدعاية المغرضة دى و ما تبلبلش أفكار الشباب الصغير.. سيبهم يخوضوا التجربة بنفسهم و يفشلوا كل واحد بطريقته و بعدين يولعوا فى نفسهم بجاز قبل ما يجوزوا ليه؟ ما هو بعد الجواز ها يلاقوا اللى يقوم بالمهمة دى عنهم.

السبت, مايو 09, 2009

 
Blogger كراكيب نـهـى مـحمود said...

نعتبر دي نصيحة
هيهههههههههه

السبت, مايو 09, 2009

 
Blogger son's egypt said...

السلام عليكم
الجواز لابد منه
وبعد الجواز نبقي نشوف بقي حياة العزوبية ولا حياة المتجوزين
علي الرغم من ان الواحد شايف حياة المتجوزين عمالة ازاي
بس بردوا الواحد بيحب يجرب بنفسة
وامرة الي الله

السبت, مايو 09, 2009

 
Blogger فاتيما said...

و النبى لما تقعد تنده للصبح يا باشمهندس
مفيش فايدة
رااااااااحت خلاص
الجواز شر لابد منه
و متحاولش بقى عشان مفيش فايدة
اللى مش عارف يتجوز موكوس
و اللى حاليا متجوز موكوس
و اللى عرف يفلفص من سجن الجواز برضو موكوس
و من وكسة لوكسة يا قلبى لاتحزن
دا مقدر و مكتوب على كل حى
و مفيش فايدة من النصايح يا نبع الحكمة
خلى كل واحد على عماه أحسن
و متخضوش
سيبه يكتشف الحقيقة المرة
و على مهله
واحدة واحدة عشان ميخدش الصدمة كلها نوبة واحدة الا مخه يضرب
و بعدين تعالى هنا
متسيبهم يا عم يتجوزا
يعنى هنبقى لوحدنا ف اللى إتوكسنا و لا إييييييييييه ؟؟!!!
مش لازم حد يتضامشن معانا و يشاطرنا الأحزان ؟؟!!
الأصول كدا اومال اخوتنا ف الأنسانية أونطة ؟!!!
خالص ودى يا عم مراكبى

السبت, مايو 09, 2009

 
Blogger koketa said...

انا جايبة لحضرتك تاج هدية اتمنى بجد بجد تجاوبه

السبت, مايو 09, 2009

 
Blogger أحمد كمال said...

يا هندسة خلينا نبقى صرحا:
الراجل لو اتجوز بيندم ، و لو ماتجوزش برضه بيندم

سيبكوا منه يا شباب و اتجوزو ، انتو يعني أحسن مننا في إيه؟

السبت, مايو 09, 2009

 
Blogger Blank-Socrate said...

جاااااااااااامدة قوى
فعلا مرآة الحب عاميه و طرشة و كله كله
بس اعمل ايه
باحب الحب
و مصمم انى اتجوز
بس الاقيها بس :)
---------------------
اعتقد ان فى فرق بين الجواز سنه الحياة
و انسان عاوز يتجوز
و فى فرق بين انسان يحب مراته بسبب العشرة و بين انسان يحبها لانه عاوز و محتاج يحب
عاوز اقول
ان الجواز التقليدى بكل مشاعره و برتكولاته و روتينه شىء رائع بكل المقايس فى حاله وجود تفاهم و توافق
اما الجواز الوجدانى و العاطفى بيكون ليه رونق و عمق .... بيعمل فرق فى الحياة
مش عارف اذا كانت دى احلام افلاطونيه و لا لأ
عاوز اعرف الحجة بقى بتقرا المدونه دى و لا لأ يعنى هنشوفك تانى هنا و لا فى قسم العظام :)
تحياتى

الأحد, مايو 10, 2009

 
Blogger دنـيـا محيراني(ايناس لطفي said...

انا موافقه علي كل كلمه قولتها بس احلي الكلمه الاخيره
ولعوا في نفسكوا
:))))
ونعمه النصيحه

الاثنين, مايو 11, 2009

 
Blogger اعشق فى الليل ضوء القمر said...

مش فاكر مين زمان قال إن الحاجة كانت بتقرأ مواضيعة قبل النشر أظن الان بوست تم تهريبة من الحكومة ههههههههههه

بجد كنت بحاول اعيد الكرة خوفتنى
لا يا عم الصيام أفضل على الأقل منه توفير
ههههههههههه

وش بيضحك من قلبة

الاثنين, مايو 11, 2009

 
Blogger يا مراكبي said...

بجد مش عارف أشكر مين وألا مين .. تعليقاتكم في منتهى الجمال .. بتضحكني أكتر من البوست نفسه عشر مرات

المهم إن الغالبية حاسين بيا ومغلوبين على أمرهم زيي وخلاص .. ههههه

بأشكركم من كل قلبي وبأعتذر عن عدم القدرة على الرد على التعليقات بالتفصيل .. وقت المتزوجين محدود جدا زي ما إنتم عارفين .. هههههه

الاثنين, مايو 11, 2009

 
Blogger koukawy said...

و الله الناس ظالمه الجواز
ده الجواز ده نعمه من نعم ربنا
و اللي بقي 90 كيلو ممكن يبقي 00 و هو عازب
و ممكن برضه يبطل يكتب شعر و يجيله احباط من غير جواز

الاثنين, مايو 11, 2009

 
Blogger hana said...

ههههههههههههههههههههههههههه

والله أكثر من كدة كماان
انا مش فاهمة النااس بتتجوز ليييييييه

بس بجد الجواز محتااج حب محتااج الإحسااس
المستمر الدفاا
عشان تبقى الحياة فيها روح وبجد تبقى حياة
عشاان نكتب مليون قصيدة شعر
ونقول حاسين اوي وبنحب أوي
مش مجرد روتين

وبعدين إلا الوزن يا مراكبي
اعمل رجيم ههههههههه


بجد بوست هاايلدايماً لمسة قلمك عالورق
بتعمل إبدااع
ودي وإحتراامي

الثلاثاء, مايو 12, 2009

 
Blogger إنـســـانـة said...

الله يسامحك يا مراكبى مانبهتنيش قبل ما اتدبس

انا عارفة انى كنت مؤسسة حزب فوبيا الزواج واللى مش عايزين يتجوزوا .. بس شوف حكمة ربنا يا مؤمن لما اللى أسس الحزب ده تتجوز بعد تأسيسه بأقل من سنة

المشكلة يا مراكبى بجد ان اللى مايعرفش يقول عدس .. بمعنى انك مهما تتكلم وتقول وتحذر وتنبه وتوعى وترغى عمر ما حد ماتجوزش ونفسه يتجوز حيسمعك .. بيبقى فى تغييب للعقل بشكل كبير اوى ولسان حالهم بيقول: ياسيدى بس نتجوز الاول وبعدين ربنا يسهلها


والكلام ده علمى على فكرة .. مرة سمعت فى برنامج ان فعلا فى انزيمات فى المخ بتغيب الشخص الشغوف والمحب لشخص تانى عن انه يشوفه على حقيقته او حتى يشوف اهله او يشوف اى عيب فى الجوازة دى من قريب او من بعيد


فى رأيي ان الجواز قدر .. زيه زى الحياة والميلاد والموت .. اقدار كلها .. بس بردو عمرك ما حتلاقى حد كامل او الحياة الكاملة .. اهم حاجة مهما كانت الحياة مش اد كدة انك تبقى راضى وبتحمد ربنا على كل حال



بس بردو مش مسمحاك يا مراكبى انك مانبهتنيش .. طب انت مشغول .. فين مها تنبه وتوعى طيب؟؟؟ .. ألا هيا ازيها صحيح .. وحشيتنى اوى والله

:D

سلااااااااااااام

الثلاثاء, مايو 12, 2009

 
Blogger allfollowsome said...

وذكر فان الذكرى تنفع المؤمنين

p:

الثلاثاء, مايو 12, 2009

 
Blogger tota said...

حرام عليك ليه كده ليه تسودولنا الدنيا ليه قبل ماندخلها؟؟؟ طب نشوفها الاول ونبقا نحكم بنفسنا ايه الشر ده الله....
مميز كالعادة وترسم الابتسامه علي وجه وقلب كل مهموم بيقرا كلماتك
سلامي ليك وكل الود

الثلاثاء, مايو 12, 2009

 
Blogger نبض اسكندرية said...

نورت المحكمة

:))))

اما بقة بالنسبة للتفاوض الجارى دلوئتى بينك وبين المودام على الشعر بكسر الشين فاعاجلا أم أجلا الصفقة هاتم

أما الشعر بفتح الشين مين هايرجعة تانى ياهندسة؟

:)))))))))

راح راح راح

انصحك بسماع الاغنية دى لفترة
يمكن المود يتغير بتاع المدام

تسلم ايدك بجد
تحياتى

الأربعاء, مايو 13, 2009

 
Blogger soma said...

والله انت فنان

تعرف انى بفكر بجدية جدا انى ابعد عن حبيبى عشان الصدام بالواقع اللى انت بتقول عليه دا :d

بجد والله مش بهزر بفكر جديا انى اتجوز واحد غير حبيبى عشان اتحاشى وجع القلب والعقل :d

الأربعاء, مايو 13, 2009

 
Blogger يا مراكبي said...

أنا مش عارف ليه إنتوا فهمتم إني بأعمل دعاية سيئة للجواز؟ الجواز مش محتاج يا إخواننا .. هو قايم بالواجب لوحده ... ههههه

الأربعاء, مايو 13, 2009

 
Blogger حاجات جوايا said...

ههههههههه
جميل اوى البوست ده
انا هرجع اقرا اليوميات كلها ان شاء الله

يا عزيزي الشاب ويا عزيزتي الشابة
حاول أن تتزوج من تحب
ولو أنه يفضل ألا تتزوج من تحب حتى لا تصطدم بالواقع
وحاول أن تختار شريكة حياتك
ولو أنه يفضل أن يختار لك الأهل لأن مرآة الحب عمياء
والعزوبية أفضل كثير من الزواج
لكن للزواج مزايا أخرى عديدة أكثر من العزوبية


فعلا والله
مفيش حاجة مضمونة والزواج من الامور اللى مينفعش معاها النصيحة
كاس وداير عالكل
زى الموت مفيش منه مفر
هههههههههههه


اول زيارة وان شاء الله تدوم الزيارات

خالص تحيتى
ام دودو

الجمعة, مايو 15, 2009

 
Blogger أحمد فياض said...

تدوينة لطيفة جدا..أسلوبك الساخر عن الحياة الزوجية ممتع جعلني أتذكر كتابات أحمد رجب ..أعجبتني جدا المقولة الانجليزية..
تحياتي

السبت, مايو 16, 2009

 
Anonymous غير معرف said...

Yοur own reрort οffeгѕ proven useful to us.
It’s гeally eduсаtіonal and you're simply certainly quite well-informed in this field. You possess opened up my sight to various opinion of this specific subject using intriguing and solid articles.

Also visit my web-site buy phentermine
Also visit my homepage :: buy phentermine

السبت, مارس 30, 2013

 
Anonymous غير معرف said...

Thе article offеrs confirmed neceѕѕary to me personallу.

It’s really infoгmatіve and yоu aгe obviοuslу
extremely well-informed in this area. Yоu get pοpped
our eyе for уou to numerous οpinion of this particular topic with intriquing, notable and reliable articlеs.


Alsο vіsit my pagе - xanax online
Here is my web page ... buy Xanax

الثلاثاء, أبريل 09, 2013

 

إرسال تعليق

Links to this post:

إنشاء رابط

<< Home